[Commentarius]

Nainii, Martyris Inventio Brixiae in Italia (S.)
Anselmi, Martyris Inventio Brixiae in Italia (S.)
Iacobini, Martyris Inventio Brixiae in Italia (S.)

Plvres cum SS. Faustino & Iouita (de quibus XV. Februarij agemus) coronati martyrio feruntur. Ex eo numero traduntur fuisse Nainius, Iacobinus, Anselmus; quorum quia nusquam natales reperimus, [Horum natalis ignotus:] hic Inuentionis memoriam consignamus, ex Petri Galesinij Martyrologio, in quo hæc habentur: Brixiæ, inuentio Sanctorum Martyrium, Nainij, [hic Inuentio.] Iacobini, & Anselmi: qui vna cum beatis Martyribus Iouita & Faustino, pro fide fortiter pugnando coronati sunt. Eadem habet Martyrologium Germanicum, in quo tamen Bainius pro Nainio. Ferrarius quoque eos refert ex Galesinio; negat tamen in tabulis Ecclesiæ Brixiensis vsquam eorum extare memoriam. At Galesinius Brixiensium Annales citat: quo tamen tempore hæc contigerit inuentio, non exprimit.