Circiter an. CD.

[Commentarius]

Theodorus, Episcopus Senonensis in Gallia (B.)

Vndecimus Senonensis Ecclesiæ Antistes recensetur a Demochare, Ioanne Chenu, Claudio Roberto Theodorus. Eum Beatorum albo adscriptum tradit Saussaius in catalogo Sanctorum & Beatorum, quorum ignorauit natales, vbi hæc scribit: BB. Theodorus, & Sindinus, seu Sidinius, continua serie Metropolitæ Senonēses cum S. Ambrosio proximo superioris successore; ob radiantia merita sanctitatis sepulti sunt honorifice in ecclesia Sanctorum Martyrum Geruasij & Protasij apud Senonas. De iis in natali S. Ambrosij, III. Septembris. Natalem Theodori aßignat MS. Florarium Idibus Ianuarij, [D. Theodori natalis,] his verbis: S. Theodori Senonensis Episcopi & Confessoris. Demochares hæc de eo scribit: Theodorus creatur 356. obiit 394. præfuit 39. annis. Subscribit Chenu. [ætas.] At Claudius Robertus, testatur in MS. Chronico referri ad annum 405.