@@@@{1Precatio omnium herbarum}1 Nunc vos, potentis omnes herbas, deprecor Maiestatemque vestram, quas Tellus parens Generavit atque gentibus cunctis dedit. Medicinam sanitatis in vos contulit, Vt omni generi humano utilissimum Auxilium sitis. hoc supplex posco [et] precor: Vos huc adeste vestris cum virtutibus; Qui vos creavit, ipse permisit mihi, Vt colligam. faveatis hoc etiam [mihi], Cui tradita est medicina, quantum vestraque Virtus potest, praestate medicinam bonam, Causam salutis. gratiam, precor, mihi Praestetis per tutelam vestram, ut omnibus Virtutibus, de vobis quidquid fecero, Cuique homini dedero [quique id a me acceperit], Effectum habeat celerrimum et eventus bonos. [Praestetis etiam], semper ut liceat mihi @1 Favente maiestate vestra %vos colligere, Ponamque vobis fruges et agam gratias Per nomen eius, qui vos iussit nascier.