1.

S. 1 Exeuntibus nobis de Constantinopoli venimus in insulam Cyprum in civitatem Constantiam, in qua requiescit sanctus Epiphanius. Civitas pulchra deliciosa, ornata palmis dactalorum. Venimus in partes Syriae in insulam Antaradum et inde venimus in Tripolim Syriae, in qua sanctus Leontius requiescit; quae civitas tempore lustiniani imperatoris subversa est a terraemotu cum aliis civitatibus. - Venimus exinde Byblum quae et ipsa subversa est cum hominibus, item in Trierim civitatem, S. 2 quae et ipsa subversa est similiter. Deinde venimus in civitatem splendissimam Berytum, in qua nuper studium est literarum. Quae civitas subversa; dicente nobis episcopo civitatis, quia cognitae personae, quae sciebantur nominatim, exceptoperegrini, triginta milia ad brevissimum hic perierunt. Ipsa civitas iacet sub montanis Libani.