LIBER 10
uellem, ut ante iam dixi, prophetias contra unam prouinciam aut unum
regem hisdem explanare libris et nequaquam sensum lectoris diuidere; sed
quid faciam longitudini quae, nisi diuidatur in partes, modum uoluminis
egreditur, et infinita congeries tam dictanti quam legenti molesta est?
itaque, post sermonem contra aegyptum et planctum eius regem que
aegypti, et de cuius brachio nequaquam obuoluto neque restituto
pristinae sanitati in ultima parte noni libri diximus, transimus ad
principium decimi libri contra eundem pharaonem regem aegypti qui
comparatur regi assyrio et, post longissimam prophetiam, lamentatio
super eodem assumitur et deinceps contra omnem aegyptum; in quibus
disserendis, o uirgo christi eustochium, eleua cum moyse manus ut nostra
uictoria tuarum orationum fructus sit: non est enim uolentis neque
currentis, sed miserentis dei, qui loquitur ad prophetam: aperi os tuum
et implebo illud, propheta ad dominum respondente: aperui os meum et
attraxi spiritum qui ubi uult spirat. ubi autem spiritus domini, ibi
libertas, qua libertate donauit nos deus; quam frustra se iudaei habere
iactabant, dicentes: semen abraham sumus nemini umquam seruiuimus,
multis uitiis peccatis que subiecti et ignorantes illam sententiam: a
quo quis uincitur eius et seruus est.
31. et factum est in undecimo anno, tertio, una mensis, factum
est uerbum domini ad me, dicens: fili hominis, dic pharaoni regi aegypti
et populo eius: cui similis factus es in magnitudine tua? ecce assur
quasi cedrus (siue cyparissus) in libano, pulcher ramis et frondibus
nemorosus, excelsus que altitudine et inter condensas frondes (siue in
medio nubium) eleuatum est cacumen eius; aquae nutrierunt illum, abyssus
eleuauit eum, flumina eius manabant in circuitu radicum eius, et riuos
suos emisit ad uniuersa ligna regionis. propterea eleuata est altitudo
eius super omnia ligna regionis (siue campi), et multiplicata sunt
arbusta (siue rami) eius (signum_asterisci) et eleuati sunt rami (siue
arbusta) eius (signum_metobeli) prae aquis multis. cum que extendisset
umbram suam, in ramis eius fecerunt nidos omnia uolatilia caeli, et sub
frondibus eius genuerunt omnes bestiae saltuum, et sub umbra illius
habitabat coetus gentium uniuersarum; erat que pulcherrimus in
magnitudine sua et in dilatatione (siue multitudine) arbustorum (uel
ramorum) suorum, erant enim radices illius iuxta aquas multas.
cedri (siue cyparissi) non fuerunt altiores illo in paradiso dei, et
abietes (siue pini) non adaequauerunt summitatem eius, et platani (uel
abietes) non fuerunt aequae (uel similes) frondibus (siue ramis) illius;
omne lignum paradisi dei (siue in paradiso dei) non est assimilatum
illi et pulchritudini eius, quoniam speciosam feci eam, et multis
condensis que frondibus: et aemulata sunt eam omnia ligna uoluptatis
(siue deliciarum) quae erant in paradiso. propterea haec dicit dominus
deus: pro eo quod sublimata est in altitudinem, et dedit summitatem suam
uirentem atque condensam (siue in medio nubium) - eleuatum est cor eius
in altitudine sua -, tradidi eam (siue eum) in manu fortissimi (siue
principis) gentium; faciens faciet ei (siue et faciet perditionem eius):
iuxta impietatem eius eieci eam. et succident illam alieni; et
crudelissimi nationum (siue pestilentes gentium); et proicient eam super
montes, et in cunctis conuallibus corruent rami eius, et confringentur
arbusta eius in uniuersis rupibus (siue campis) terrae, et recedent de
umbraculo eius omnes populi terrae, et relinquent eam. in ruina eius
habitauerunt (siue requieuerunt) omnia uolatilia caeli, et in ramis eius
fuerunt uniuersae bestiae regionis. quamobrem non eleuabuntur in
altitudine sua omnia ligna aquarum, neque ponent sublimitatem suam inter
nemorosa atque frondosa (siue in nubibus), nec stabunt in sublimitate
sua omnia quae irrigantur aquis, quia omnes traditi sunt in mortem ad
terram ultimam in medio filiorum hominum, ad eos qui descendunt in
lacum. haec dicit dominus deus: in die quando descendit ad inferos
indixi luctum (siue luxit), operui eum abysso et prohibui flumina eius
et coercui aquas multas; contritus est (siue contenebratus) super eum
libanus, et omnia ligna agri concussa sunt (siue defecerunt). a sonitu
ruinae eius commoui (siue commotae sunt) gentes, cum deducerem eum (siue
eam) ad infernum cum his qui descendebant (siue descendunt) in lacum;
et consolata sunt in terra infima omnia ligna uoluptatis (siue
deliciarum) egregia atque praeclara in libano, uniuersa quae
irrigabantur aquis. nam et ipsi cum ea (siue eo) descendent (siue
descenderunt) ad infernum ad interfectos (siue uulneratos) gladio et
brachium (siue semen) uniuscuiusque habitantium sub umbraculo eius in
medio nationum (siue uitae suae perierunt). cui assimilatus es, o
inclyte atque sublimis inter ligna uoluptatis? ecce deductus es cum
lignis uoluptatis ad terram ultimam; in medio incircumcisorum dormies
cum his qui interfecti sunt gladio, sic pharao et omnis multitudo eius,
dicit dominus deus. utramque editionem ex more commiscui, ubi tamen
plurimum discrepabant, ne duplex propositio augeret librorum
magnitudinem. ac primum sciendum, quod quaecumque dicuntur de rege
assyriorum futuro tempore, in septuaginta quasi transacta memorantur et
sic uel ad arborem uel ad principem loquitur assyriorum, ut tam
masculino quam feminino genere de una persona intellegatur, dum et arbor
refertur ad assyrium et assyrius in arbore nominatur; nec de rege
babylonio in praesenti sermone ulla fit mentio ne uideatur contra
captiuum populum, positus in chaldaea, dominorum atque regnantium
iracundiam prouocare, sed dicitur de rege assyriorum quo eo iam tempore
captus fuerat a chaldaeis et omne robur assyriorum babylonio subiacebat
imperio; unde et decem tribus, hoc est israel, assyrii capiunt, duas
autem, hoc est iudam et beniamin, chaldaei superant et urbem subuertunt
hierusalem. dicturus igitur contra pharaonem regem aegypti et populum
eius sermo diuinus, tali aduersum illum est usus exordio: cui similis
factus es in magnitudine tua? ecce assur quasi cedrus in libano et
reliqua; et est sensus: 'non mireris si a babyloniis sis uincendus atque
periturus, et tuum perditurus imperium, omnes que opes aegyptiae
destruendae sint, cum assur, multo te fortior, eodem chaldeo superante
deletus sit'; describit que potentiam regis assyrii sub figura arboris
'cedri' iuxta hebraicum, 'cyparissi' iuxta septuaginta, in monte libano
constitutae, quae sit pulchra ramis et condensa frondibus et ad nubes
usque subrecta, quae idcirco tantum creuit, quod non aquis sed abyssis,
hoc est aquis abundantissimis, irrigetur - abyssus enim multitudo
sonitus aquarum -, ita ut omnes aues nidos fecerint in ramis eius, et
sub frondibus illius genuerint omnes bestiae saltuum; et ne dubitaremus
quae essent caeli uolatilia, quae siluarum bestiae, apertius posuit: et
sub umbraculo illius habitabat coetus gentium plurimarum. cedri, inquit
(et cyparissi), abietes (siue pinus) et platani (siue cyparissi) non
fuerunt aequae ramis illius; et, ne singillatim de cunctis arboribus
diceret: omnia, inquit, ligna paradisi dei non sunt assimilata illi et
pulchritudini eius, per quae nonnulli intellegunt non de rege dici
assyrio, sed de contraria fortitudine quae in sermone tyri inter
cherubim dicitur esse generata et pretiosis distincta lapidibus et
postea ad terrena suo uitio concidisse, qui et in esaia 'cadens lucifer'
appellatur, et in euangelio signatur a domino: uidebam satanam quasi
fulgor de caelo cadentem; sed nos haec omnia, ut interim sequamur
historiam, huperbolik�s~g dicta intellegamus, quod tantae assyrius
fuerit potentiae et sic cunctas oppresserit nationes, ut se angelorum
fortitudini compararit; omnia autem metaphorik�s~g sub altissima 'cedro'
siue 'cyparisso' dicuntur ad assyrium, interfectio que illius
appellatur 'succisio'. quod que sequitur: tradidi eam in manu fortissimi
gentium, regem babylonium uocat, ut quod uicit assyrium, non propriae
fortitudinis sed diuinae intellegat potestatis. iuxta impietatem,
inquit, eius eieci eam, ut occulte babylonium moneat non debere esse
crudelem nec opprimere populum dei qui sibi traditus sit, ne similia
patiatur ab assyrio qui crudelis et impius fuit. et succident illam
alieni et crudelissimi nationum (siue, iuxta septuaginta, pestilentes),
quod numquam diceret positus in chaldaea, ne illorum aduersum gentem
suam insaniam commoueret; proicitur quoque super montes, et in cunctis
conuallibus corruunt rami eius et confringuntur in rupibus, et a cunctis
derelinquitur populis hoc est uolatilibus caeli et bestiis campi, et in
tantam ueniet perditionem, ut omnes arbores, quae putabantur excelsae
comparatione assyriae arboris, suo exemplo eleuari et in sublime erigi
ultra desistant, nec stent in altitudine sua, sed, illa succisa, omnes
metu pariter succidantur; quod que per translationem dictum erat fit
manifestius: omnes, ait, traditi sunt, subauditur reges, in mortem ad
terram ultimam, hoc est ad infernum, in medio filiorum hominum,
nequaquam inter arbores, ad eos qui descendunt in lacum, haud dubium
quin inferna significet. post succisionem arboris assyriae siue in die
quando descendit ad inferos assyrius, indixit dominus luctum et rursum
per translationem de eo loquitur quod opertus sit abysso - iuxta illud
quod scriptum est: ueni in profundum maris, et tempestas demersit me -,
et omnia flumina, omnes uidelicet nationes, eum ultra rigare
cessauerint; et contristatus sit, siue contenebratus, super eam, id est
arborem, uel eum, id est assyrium, libanus. ac ne putaremus de arbore
esse sermonem, sequitur: a sonitu ruinae eius commoui gentes - quae enim
tanta ruina esse unius arboris potest, ut ad sonitum eius uniuersae
gentes commoueantur? -, cum deducerem, inquit, eam ad infernum - iuxta
litteram, arbor ad inferos deduci non potest - cum aliis qui in lacum,
id est ad inferos, descendebant; et consolata sunt in terra infima, in
corde uidelicet terrae, omnia ligna uoluptatis (siue deliciarum, quod
hebraice appellatur 'eden' ut nemorosos saltus siluas que significet),
egregia atque praeclara, quae fuerunt in libano et irrigabantur aquis.
nam et ipsae arbores cum ea, hoc est cum assyrio, descendent ad infernum
ad interfectos (siue uulneratos) gladio - ligna gladiis non uulnerantur
sed caeduntur, nec descendunt ad infernum -, et brachium, inquit, (siue
semen, quoniam apud hebraeos sermo 'zara' utrumque significat),
requiescit in umbraculo eius in medio nationum, nequaquam siluarum sed
gentium. ad extremum fit apostropha ad ipsum assyrium siue ad pharaonem:
cui assimilatus es, o inclyte atque sublimis inter ligna uoluptatis?
'nullus tibi' inquit 'par fuit, sed omnes reges potentia superasti et
tamen cum ceteris regibus, qui erant in comitatu tuo, ad terras ultimas,
id est ad inferos, deductus es' - dicente scriptura: ingredientur ad
extrema terrae, tradentur in manus gladii, partes uulpium erunt -. in
medio, ait, incircumcisorum dormies cum his qui interfecti sunt gladio:
ostendit quae essent ligna, quae cedrus siue cyparissus, gladiis
uulnerata et iacens cum incircumcisis; et, ut extrema anterioribus
iungeret, quia supra dixerat: cui similis factus es in magnitudine tua?
ecce assur quasi cedrus in libano, pulcher ramis et frondibus et
reliqua, nunc infert: sic est pharao, et omnis multitudo eius, dicit
dominus: 'quomodo' inquit 'assyrius, cedrus et cyparissus, babylonio
succidente deiecta est, sic et pharao et populus eius, hoc est ipsa
arbor et rami illius, a babylonio succidentur'. haec interim iuxta
historiam dicta sint, quae plerique in consummatione mundi futura
intellegunt, et regem pharao, hoc est eam potestatem cui aegyptus
subiecta sit, comparari regi assyriorum potentissimo, id est
antichristo; quod si ille corruerit, utique at alii rectores tenebrarum
istarum et principes mundi facilius corruant. dicamus ergo de singulis,
breuiter omnia perstringentes, ut non tam disseramus et explanemus
obscura, quam explanare cupientibus materiam dedisse uideamur. primum
que discutiendum, cur undecimo anno, tertio mense, una die mensis,
factum est uerbum domini ad hiezechielem, dicens: fili hominis, dic
pharaoni regi aegypti et multitudini eius. locuturo ad pharaonem,
undecimo anno sermo fit domini; necdum enim uenerat ad duodecimum, qui
numerus plenae consummatae que uirtutis est - unde et duodecim filii
sunt iacob a quibus postea duodecim appellantur tribus; et duodecim
nomina prophetarum uno uolumine continentur; et apostoli duodecim sunt,
quorum quia unus iudas proditor fuit in locum eius matthias eligitur; et
archisynagogi filia annorum duodecim a domino suscitatur;
haimorroousa~g quoque anno duodecimo recepit sanitatem -, sed quia
corripitur pharao et postea plangitur, propterea tertius mensis et unus
dies undecim annorum numero copulantur - unde in consequentibus
duodecimo anno, mense duodecimo, una mensis, fit uerbum domini ad
hiezechiel, dicens: fili hominis, assume planctum super pharao regem
aegypti et dices ad eum; qui enim plangitur, ideo plangitur ut
intellegat quanta bona perdiderit; et tamen, quia pharao erat et
brachium eius necdum fuerat colligatum nec pristinam receperat
fortitudinem, propterea, in anno et in mense duodecimo, uiginti nouem
dies adhuc remanent ut duodecim annorum numerus impleatur -; uno igitur
mensis die sermo fit domini, et praecipitur ei ut loquatur regi aegypti
et 'multitudini' eius - in quo mirandum quod quattuor interpretes non
'populum' dixerint sed 'multitudinem': multi enim uocati et pauci
electi, et in lege scriptum est: non eris cum multitudine in malo -.
dicitur que ad regem aegypti: cui similis factus es in magnitudine (siue
altitudine) tua? - quod et ipse se exaltauerit et subiaceat illi
sententiae: omnis qui se exaltat humiliabitur -, sed tamen non sit eius
altitudini similis, qui quasi cedrus, siue cyparissus, in libano fuerit:
pulcher ramis et frondibus nemorosus, excelsus que altitudine, et ad
nubes usque erexerit caput - ad quas, secundum dauid, ueritas dei
peruenit, et quibus mandatur ne pluant super israel imbrem -.
pulchritudo quoque illius praedicatur, quae in turpitudinem praua
uoluntate mutata est - ita ut dicatur de eo: confringet dominus cedros
libani -, et excelsus ipse in altissimo montium libano constitutus,
quanto sublimior fuerat tanto fortius caderet; cuius scriptura sancta
uolens altitudinem demonstrare, appellat eum cacumen magnum quem
nutrierunt aquae - non aquae siloe: quae uadunt cum silentio, sed aquae
raasin et aquae aegypti de quibus scriptum est: quid tibi ut bibas aquam
geon (siue sior, quod aquas 'turbidas' sonat)?
-. abyssus quoque exaltauit eum - super quam in principio mundi tenebrae
ferebantur, et ad quam in euangelio daemones ne mittantur rogant -;
flumina eiusdem abyssi in circuitu radicum eius erant - de quibus
dicitur: quid tibi et uiae assyriorum, ut bibas aquas fluminum?, et in
alio loco: ecce dominus inducet super uos aquam fluminis fortem et
multam, regem assyriorum et omnem gloriam eius -; riuos quoque suos
emisit abyssus ad uniuersa ligna regionis, ut non solum principem mundi
huius, sed et socios illius irrigaret. propterea eleuatus est et super
omnia ligna altissima succreuit, et multiplicata sunt arbusta eius, et
totius orbis possedit imperium dicens: haec omnia mihi tradita sunt; et
eleuati sunt rami eius, qui aquis abyssi fuerant irrigati. qui extendit,
siue dilatauit, umbraculum suum ut omnes suae subiceret ditioni. in
ramis eius fecerunt nidos omnia uolatilia caeli - omnis enim qui facit
peccatum, de diabolo natus est et de ramorum eius numero computatur;
illa autem uolatilia fecerunt nidos in ramis eius, quae iuxta uiam
euangelicam comedere sementem, siue, quoniam: omnes peccauerunt et
indigent misericordia dei, de quibus dictum est: omnes declinauerunt,
simul inutiles facti sunt, idcirco in ramis eius fecerunt nidos -;
sequitur: et sub frondibus eius genuerunt omnes bestiae saltuum quae
christi mansuetudinem perdiderunt, et sub umbraculo illius habitabat
coetus gentium plurimarum, ut nullus esset qui non eius tangeretur
umbraculo - praeter eum qui dixit: ecce uenit princeps mundi istius, et
inueniet in me nihil. per unum enim hominem peccatum intrauit in mundum,
et per peccatum mors, et sic in omnes homines mors pertransiit, in qua
omnes peccauimus; et in adam omnes morimur; cuncti que peccauimus et
indigemus gloria dei -; et tamen in ipsa habitatione diuersa conditio
est: alii habitant in ramis eius quasi uolatilia, scientiam sibi in
philosophia et in haereticorum dogmatibus pollicentes, alii quasi
bestiae, feri immites atque crudeles, alii quasi multitudo gentium
plurimarum, ut commixtos diuersis uitiis significet atque peccatis. erat
autem assur pulcherrimus in magnitudine sua et in dilatatione
arbustorum suorum, quia aquis multis radix eius fuerat irrigata, in
tantum ut in paradiso dei nulla cedrorum et cyparissorum esset altior,
nec abietes pini que adaequarent sublimitatem eius, siue platani non
essent aequae frondibus illius; idcirco autem nulla arborum in paradiso
plantatarum ei fuerat adaequata, quia: omne lignum paradisi dei non est
assimilatum illi et pulchritudini eius - nequaquam enim erectae sunt per
superbiam, sed scierunt humilitatem suam, neque similitudinem dei
sacrilego sibi animo uindicare conatae sunt -, quod que sequitur: et
aemulata sunt eam omnia ligna deliciarum quae erant in paradiso, sic
edisserimus: 'aemulata sunt ligna paradisi multitudinem ramorum eius' -
multi enim uocati et pauci electi, et: lata et spatiosa uia quae ducit
ad mortem -; cupit enim tantos habere in salutem, quantos assur habuit
in perditionem. unde, quia assur: sublimatus est in altitudine, et dedit
sublimitatem suam uirentem atque condensam (siue usque ad nubes cacumen
erexit), et eleuatum est cor eius ut diceret: ero similis altissimo,
propterea traditus est in manu fortissimi gentium - quam intellegamus
aliam detestabilem potestatem, cui traditur ad puniendum: ipse est enim
inimicus et ultor; ut assur intellegatur antichristus, et fortissimus
gentium, cui traditus est, satanas, iuxta illud apostoli: quos tradidi
satanae, ut discant non blasphemare -, qui: faciens faciet ei quaecumque
ei a domino fuerint imperata: ista autem cyparissus eiecta est de
paradiso dei propter impietatem suam. et succident illam alieni et
crudeles (siue pestilentes in gentibus) - ut impleatur illud quod
scriptum est: pestilente flagellato stultus astutior fiet, et iterum:
iam securis ad radices arboris posita est -, qui praecident eam super
montes, ut corruat in superbia sua. in cunctis autem conuallibus
corruent rami eius, ut ad tartarum deducantur omnes qui in eius fuere
comitatu et recedant de umbraculo illius et relinquant eam, ut uolatilia
caeli et bestiae terrae, quae prius sub illa fuerant et illius
umbraculo tegebantur, postea poenae eius participes sint. cum que
uiderint cetera ligna siluarum, siue paradisi, assur cyparissum
sententia domini corruisse, non eleuabuntur in superbiam, nec se aliquid
aestimabunt, nec irrigationem aquarum suarum proprias arbitrabuntur
diuitias: eo quod omnes rami et uolatilia caeli et bestiae terrae, quae
erant sub imperio assur, deducantur in mortem ad terram ultimam - de
quibus scriptum est: in conspectu eius cadent omnes qui descendunt in
terram, et in alio loco: ingredientur ad extrema terrae -, et erunt
nequaquam cum angelis, sed cum filiis hominum: qui descendunt in lacum
(siue in foueam) sempiternam. cum autem ille descenderit in extremo
terrae et pars uulpium fuerit a quibus lacerandus est, tunc luctus erit
uel omnium sociorum eius uel sanctarum fortitudinum, quae illum dolebunt
ad inferos descendisse; unde dicit dominus: operui eum abysso, cuius
aquis fuerat ante nutritus, et prohibui flumina eius, id est abyssi, et
coercui aquas multas, ne eum rigarent sed magis opprimerent;
contristatus est super eum libanus, in quo fuerat exaltatus, et omnia
agri ligna concussa sunt, succisionem similem formidantia. a sonitu
ruinae eius commoui gentes, ut nullus perditionem illius ignoraret et
deductionem ad inferos cum ceteris sociis eius; acceperunt que
consolationem omnia ligna uoluptatis, id est paradisi, dum uident et
mala malis et bona bonis restitui - haec autem ligna libani sunt, aquis
irrigata fluminum domini quibus et illa arbor fuerat irrigata quae
corruit; siue omnia ligna, quae quondam fuerunt bona et irrigabantur
aquis et in libani altitudine morabantur, accipient consolationem quando
principem suum similia uiderint sustinere tormenta -; et ipsa enim
descendent ad infernum ad interfectos gladio domini, et omnis fortitudo
lignorum habitabit sub umbraculo eius, id est in poena, in medio omnium
nationum quae claustris inferni tenebuntur. post haec ad ipsum pharaonem
sermo conuertitur, cui dictum fuerat in principio: cui similis factus
es in altitudine tua?, et dicitur ad eum: cui assimilatus es, o inclyte
atque sublimis inter ligna uoluptatis? - nempe assyrio qui corruit -:
'et tu eras inclytus atque sublimis inter ligna eden - hoc est
deliciarum et paradisi -, et ecce deductus es sicut assyrius, cum
omnibus lignis quae quondam fuerant in deliciis, ad terram ultimam et ad
inferos; et dormies non in requie sed in poenis, in medio
incircumcisorum - hoc est immundorum - et cum his qui gladio domini
conciderunt'; et ut sciamus qui sit ille cui dixerit: o inclyte atque
sublimis inter ligna uoluptatis, ponit manifestius: ipse est pharao et
omnis multitudo eius (siue, iuxta septuaginta: sic est pharao et omnis
multitudo eius), ut, quomodo supra assyrius succisus est et corruit, sic
et aegyptius subruatur.
32. et factum est duodecimo anno, in mense duodecimo (siue
decimo), in una die mensis, factum est uerbum domini ad me, dicens: fili
hominis, assume lamentum super pharaonem regem aegypti, et dices ad
eum: leoni gentium assimilatus es, et draconi qui est in mari; et
uentilabas cornu in fluminibus tuis, et conturbabas, aquas pedibus tuis,
et conculcabas flumina eorum (siue tua). propterea haec dicit dominus
deus: expandam super te rete meum in multitudine populorum multorum, et
extraham te in sagena mea (siue extraham te in hamo); et proiciam (siue
extraham) te in terram, super faciem agri abiciam te (siue campi
replebuntur tui), et habitare (siue sedere) faciam super te omnia
uolatilia caeli, et saturabo de te bestias uniuersae terrae; et dabo
carnes tuas super montes, et implebo colles (siue ualles) sanie tua (uel
sanguine tuo). et irrigabo (siue irrigabitur terra) foetore sanguinis
tui (siue stercoribus tuis) super montes, et ualles implebuntur ex te;
et operiam, cum exstinctus fueris, caelum, et nigrescere faciam stellas
eius: solem nube tegam, et luna non dabit lumen suum, omnia luminaria
caeli maerere faciam (siue contenebrescent) super te, et dabo tenebras
super terram tuam, dicit dominus deus. et irritabo cor populorum
multorum, cum induxero contritionem (siue captiuitatem) tuam in gentibus
super terram (siue in terra) quam nescis. et stupescere faciam (siue
contristabuntur) super te populi (uel gentes multae), et reges eorum
horrore nimio formidabunt super te, cum uolare coeperit gladius meus
super facies eorum, et obstupescent repente singuli pro anima sua in die
ruinae suae (siue exspectantes ruinam suam a die ruinae tuae). quia
haec dicit dominus deus: gladius regis babylonis ueniet tibi, in gladiis
fortium (siue gigantum) deiciam multitudinem (siue fortitudinem) tuam -
inexpugnabiles gentes omnes (siue pestilentes de gentibus cunctis) -,
et uastabunt (siue perdent) superbiam (uel iniuriam) aegypti, et
dissipabitur multitudo eius (siue omnis fortitudo illius). et perdam
omnia iumenta eius quae erant super aquas plurimas (siue ab aquis
multis), et non conturbabit eas pes hominis ultra, neque ungula
iumentorum turbabit (siue calcabit) eas; tunc purissimas reddam aquas
eorum (siue ut aliquando quiescant aquae eorum), et flumina eorum quasi
oleum adducam (siue ut oleum fluent), ait dominus deus, cum dedero
terram aegypti desolatam (siue perditam): deseretur autem terra a
plenitudine sua (siue cum plenitudine sua) quando percussero (siue
disseminauero) omnes habitatores eius, et scient quia ego sum dominus.
planctus est, uel plangent eum; filiae gentium plangent eum, super
aegyptum et super multitudinem eius (siue omni fortitudine illius)
plangent eum, ait dominus deus. editionem utramque miscemus, in his
dumtaxat in quibus discrepant; alioquin ubi unus sensus est hebraicum
sequimur. in multis autem exemplaribus, iuxta septuaginta 'duodecimus
annus' et 'mensis decimus' ponitur, iuxta ceteros autem interpretes
'decimus annus' et 'duodecimus mensis', ut uel iam capta sit hierusalem,
et gaudium pharaonis, malis sibi imminentibus, auferatur, uel certe
capienda, et suis magis miseriis doleat quam aliorum captiuitate
laetetur; et interim breuiter quaedam historiae fundamenta iacientes,
quid hebraei super hoc loco intellegant percurramus. leoni comparatur
pharao - non unius gentis sed multarum gentium - siue draconi in mari,
ut terram aquas que possideat; qui irrigatione fluminum erigebatur in
'superbiam' - quae 'cornu' uocat - et, multitudine exercitus sui, omnes
aquas transiens poterat conturbare. idcirco expandere se dicit rete suum
super multitudinem eius et extrahere eum sagena sua - uel hamo -, et
proicere - siue extendere - eum super terram qui quasi coluber multis
spiris fuerat inuolutus, ut a cunctis caeli uolatilibus deuoretur. cum
que non solum aues sed omnes bestiae terrae eum lacerauerint, reliquae
carnes eius, montes et ualles campos que complebunt, ita ut cuncta
uermibus scateant - haec autem loquitur per metaphoram, ut, postquam
uolatilia caeli et bestiae carnibus eius fuerint saturatae, id est
exercitus eius et uniuersa multitudo, reliqua pars in uermes et saniem
conuertatur -: 'tunc' inquit 'caeli tenebris obuoluentur: sol et luna et
cetera luminaria non dabunt lumen suum, sed super te cuncta nigrescent,
nihil que tibi laetum erit. et ad tuum interitum omnes populi et cuncti
reges eorum horrore nimio formidabunt conspicientes gladium meum huc
illuc que uolitare et nulli parcere, et in tua ruina ruinam similem
pertimescunt.
ut autem scias quis iste sit gladius, audi manifestius: gladius regis
babylonis ueniet tibi, in gladiis fortium (siue gigantum) deiciam omnem
multitudinem tuam - qui gigantes inexpugnabiles gentes sunt quae
babylonii regis tenebantur exercitu -; isti uastabunt (siue disperdent)
superbiam aegypti et omnem multitudinem eius, nihil que in aegypto
remanebit, sed cum hominibus et iumenta bruta que animalia pariter
auferentur. et tanta erit solitudo in aegypto, ut nec pede hominis nec
ungula iumenti aquae illius conturbentur, sed quieta sint omnia; et
aquae fluminum eius quasi oleum fluant purissimae ac nitentes, nullo per
eas transeunte nec earum fluenta turbante' - hoc autem fiet propter
aegypti solitudinem quae redigetur in desertum ab omni multitudine sua,
quando habitatores eius dominus percusserit, ut intellegant qui
remanserint quod ipse sit dominus -. idcirco planctus est pharaonis, et
plangent eum filiae gentium in circuitu, non solum autem super illo, sed
et super multitudine eius quae, domino uastante, deleta est. haec super
simplici littera cursim dixisse sufficiat ut ueniamus ad intellegentiam
spiritalem. nec puto magnopere laborandum nosse qui sit pharao rex
aegypti, cum supra plenius dixerimus: eam uidelicet potestatem, cui
aegyptus credita, uel una prouincia uel aegyptus totius mundi, quae non
est leo condita sed proprio uitio assimilata leoni gentium - homo enim
cum in honore esset, non intellexit; comparatus est iumentis
insipientibus, et similis factus est illis; de hoc leone et petrus
loquitur: aduersarius noster diabolus quasi leo rugiens circuit, et in
nono psalmo scriptum est: insidiatur in abscondito quasi leo in spelunca
sua; insidiatur ut rapiat pauperem, et hieremias sancto spiritu ait:
leo de silua percussit eos -; draconem autem dici diabolum - pro quo
aquila interpretatur leuiathan, nomen draconis exponens - iuxta
superiorem explanationem multis testimoniis docui, qui dixerat: mea sunt
flumina et ego feci ea. iste igitur draco fluminibus suis quasi
cornibus uentilabat plurimas nationes; quae super marcione, ualentino,
ario et eunomio, ceteris que haereseon principibus intellegere possumus,
qui imitantur ecclesiasticos uiros, dicentes ad dominum saluatorem: in
te inimicos nostros uentilabimus cornu, et non uentilant ad salutem ut
de terra ad caelum leuent, sed ut in profundum abiciant. denique
sequitur: et conturbabas aquas pedibus tuis - iuxta illud apostoli: qui
autem conturbat uos, portabit iudicium -; non uult enim aquas siloe
bibere: quae uadunt cum silentio, sed aquas aegypti 'turbidas' atque
'coenosas' quae, antequam pedibus conculcarentur draconis purae erant et
suo fluentes ordine, postquam autem pedibus suis conturbatae sunt,
cursus sui ordinem perdiderunt - neque enim utuntur haeretici
testimoniis scripturarum sibi cohaerentibus, sed conturbant omnia -; et,
quia ipse est inimicus et ultor, non solum aquas alienas draco
aegyptius conturbat pedibus suis, sed conculcat flumina sua, ne parcat
eis quos semel in suam redegerit potestatem - quod deuitare cupiens
iustus precatur: non ueniat mihi pes superbiae; et in alio loco,
conculcatus petit ne iterum conculcetur: miserere mei, domine, quoniam
conculcauit me homo; inimicus autem homo diabolus est de quo et alter
psalmus loquitur: ut non magnificetur ultra homo super terram -.
propterea haec dicit dominus deus: expandam super te rete meum, in
multitudine populorum multorum; rete domini, ueteris et noui testamenti
ratione contextum, mittitur super draconem - qui habitat in populorum
multitudine, et super turbis et multitudine delectatur -, ut extrahat
eum in sagena sua, siue in hamo suo - ista est sagena quae in mare huius
saeculi mittitur et extrahit pisces multos, alios eligendos et alios
abiciendos, siue iste hamus de quo in iob scriptum est: adduces autem
draconem in hamo et circumdabis capistrum circa nares eius, pro quo
interpretatur aquila: extrahens leuiathan in hamo, et funibus colligabis
linguam eius -; extrahitur autem draco - siue leuiathan - de mari hamo -
uel sagena domini -, ut proiciatur - siue extendatur - super terram, et
omnes spirae eius, quibus suas insidias occultabat, aperiantur et
proferantur in publicum et in terram abiciantur, et iaceat qui in caelo
posuerat os suum et se altissimi similem esse iactabat; unde sequitur:
et habitare (siue sedere) faciam super te omnia uolatilia caeli, et
saturabo de te bestias uniuersae terrae - secundum illud quod scriptum
est: dedisti eum escam populis aethiopum -, qui uel uolatilia uocantur
uel bestiae terrae: uolatilia quae sementem, ut diximus, iuxta uiam
rapiunt, bestiae uniuersae terrae uitiis efferatae, quod ad haereticos
atque gentiles referri potest; quod autem sequitur: et dabo carnes tuas
super montes, et implebo colles tuos sanie tua (siue implebo ualles
sanguine tuo), hunc habet sensum, ut uolatilia caeli et bestias terrae
deceptorum populos intellegamus crudelitatem que gentilium, montes autem
ad principes referamus haereseon - qualis fuit ualentinus et marcion -,
colles que successores eorum qui saturantur sanie draconis, siue ualles
quae implentur draconis sanguine, inferiores quosque credentium, aut
certe montes aduersarias potestates quae in aere discurrunt, et ualles
quae inferna penetrant et aeternis suppliciis mancipatae sunt. porro
quod dicitur: et irrigabo terram foetore sanguinis tui super montes
(siue irrigabitur terra de stercoribus tuis super montes), et ualles
implebuntur ex te, illud significat quod omnis superbia et arrogans
haereticorum tumor, non tam uitali et puro quam putrido atque foetenti
sanguine compleatur - iuxta illud quod scriptum est: pone eos sicut
stercus terrae, de quo sanctus a domino liberatur: qui suscitat de terra
inopem, et de stercore erigit pauperem, ut collocet eum cum
principibus, cum principibus populi sui -; ualles autem in ima
depressas, ut supra diximus, aut inferna significat, aut humilem
haereticorum sensum propter uoluptatem et terrenas opes cuncta
facientium; quod autem iungitur: et operiam, cum exstinctus fueris,
caelum, et nigrescere faciam stellas eius: solem nube tegam, et luna non
dabit lumen suum, omnia luminaria caeli moerere (uel tenebrescere)
faciam super te, et dabo tenebras super terram tuam, dicit dominus deus,
si sequamur litteram, penitus intellegi non potest: quando enim,
interfecto pharaone - siue dracone -, sol et luna et stellae non
dederunt lumen suum, et caelum opertum est tenebris - iuxta illud
poeticum:
impia que aeternam timuerunt saecula noctem -;
ergo hoc dicendum est, quod, exstincto pharaone - qui:
transfigurabat se in angelum lucis, de quo in alio loco scriptum est:
lux impiorum exstinguetur -, caelum, siue caeli, operientur tenebris -
de quibus et paulus loquitur: et spiritalia nequitiae in caelestibus -;
et nigrescere fecit dominus stellas eius, uel draconis uel caeli - super
quos et iudas apostolus scribit: sidera errantia, quibus caligo
tenebrarum in aeternum reseruatur -; sol quoque in nube tegitur: sol
iniquitatis - qui contrarius est soli iustitiae -, nube autem: uel ipse
domino saluatore - qui: descendit in aegyptum super nubem leuem, nullo
peccatorum pondere praegrauatam -, uel prophetis et apostolis - de
quibus legimus: mandabo nubibus ne pluant super eam imbrem, et in
psalmis: ueritas tua usque ad nubes -; cum autem sol iniquitatis fuerit
obscuratus, luna - quam haereticorum sentimus ecclesiam, et quae a sole
iniquitatis lumen putabatur accipere - non dabit lumen suum nec decipiet
credentes falsi nominis scientia; omnia quoque luminaria et quidquid in
haereticis uidetur esse doctrinae, exstincto dracone, caecabitur, siue
maerebunt principe perdito, ita ut ipse dominus terram haereticorum
operiat tenebris, ignorantia scilicet ueritatis, ut caeci caecos ducant
in foueam et habitatores terrae mittantur in tenebras exteriores: ubi
erit fletus et stridor dentium. post haec dicitur: et irritabo cor
populorum multorum, cum induxero contritionem (siue captiuitatem) tuam
in gentibus super terram quam nescis, ut qui prius pharaoni seruierant,
irascantur contra eum, uidentes captiuitatem eius ad aliam terram, quam
draco nesciebat, esse perductam. nec debemus ambigere bonas esse terras,
quas pharao nesciat, scilicet quando captiuitas pharaonis alia
captiuitate mutatur - de qua dicitur ad saluatorem: ascendens in altum,
captiuam duxit captiuitatem; accepit (siue, iuxta apostolum, dedit) dona
in hominibus -. et stupescere, inquit, faciam super te populos multos,
ut qui prius pharaonis admirabantur potentiam, postea eum admirentur de
suo culmine concidisse; reges quoque populorum horrore nimio formidabunt
super eum - quorum regna domino diabolus ostendit, et de quibus in
psalmo dicit: astiterunt reges terrae, et principes conuenerunt in unum
-; hoc autem fiet cum uolare coeperit gladius domini super facies eorum,
subauditur regum, siue populorum - gladius autem domini intellegendus
est uiuens sermo dei et efficax, et acutus super omnem gladium ex
utraque parte acutum, qui uolat atque discurrit et praestringit
cernentium oculos uultus que deterret -, ut obstupescentes super ruina
pharaonis, se in illo uideant esse deiectos; et domini quidem gladius -
de quo scriptum est: ecce hic positus est in ruinam et resurrectionem
multorum -, iacentes eleuat et male erectos, humilitate commutat.
gladius autem regis babylonis ueniet super draconem aegyptium, ut in
gladiis fortium - siue gigantum - deiciat dominus multitudinem eius,
quae regem aegypti sectabatur: inexpugnabiles, inquit, (siue pestilentes
de gentibus) omnes isti, ut mali ad puniendum tradantur peioribus - de
quibus scriptum est: immissionem per angelos pessimos, et apostolus:
quos tradidi, inquit, satanae, ut discant non blasphemare, uel in
interitum carnis, ut spiritus saluus fiat -. cum autem per huiuscemodi
ministros deiecta fuerit superbia aegypti et multitudo illius dissipata,
perdentur omnia iumenta illius quae erant super aquas plurimas, et non
conturbabit eas pes hominis ultra - si enim: beatus qui seminat super
aquas, ubi bos et asinus calcant, e contrario infelix qui simplices
quidem suo ultra poterit terrore retinere, ita ut pes hominis non calcet
in eis, quo ne signum quidem sapientiae atque rationis aquae aegyptiae
in se habere uideantur -; ungula quoque iumentorum non turbabit eas, ut
de limpidissimis atque nitentibus faciat 'turbidas et coenosas'. tunc
reddentur, non ab alio sed ab ipso domino, aquae purissimae quae
draconis fuerant dominatione turbatae, ita ut flumina earum reddantur
quasi oleum et sint ueri luminis nutrimentum; haec autem fient, cum
dederit dominus terram aegypti desolatam et perdiderit plenitudinem eius
et percussi fuerint omnes habitatores illius, ut isto profectu scire
possint quia ipse sit dominus. quod autem iungitur: planctus est, et
plangent eum; filiae gentium plangent eum, super aegyptum et super
multitudinem eius plangent eum, ait dominus deus, perspicuum est animas
omnium gentium quae ab eo prius oppressae fuerant, siue earum gentium
quae nequaquam in aegypto morabantur sed in regione uiuentium,
interfectum draconem plangere et omnem multitudinem eius: non spe
salutis, sed quod de tanta potentia suo uitio et superbia deiectus sit
in aeterna supplicia.
et factum est in duodecimo anno, in quinta decima mensis, factum est
uerbum domini ad me, dicens: fili hominis, cane lugubre super
multitudinem aegypti, et detrahe eam ipsam et filias gentium robustarum
ad terram ultimam cum his qui descendunt in lacum. quo pulchrior es?
descende, et dormi cum incircumcisis. in medio interfectorum gladio
cadent; gladius datus est, attraxerunt eam et omnes populos eius.
loquentur ei potentissimi robustorum de medio inferni, qui cum
auxiliatoribus eius descenderunt; et dormierunt incircumcisi interfecti
que gladio. ibi assur et omnis multitudo eius, in circuitu illius
sepulcra eorum, omnes interfecti, et qui ceciderunt gladio; quorum data
sunt sepulcra in nouissimis laci, et facta est multitudo eius per gyrum
sepulcri eius; uniuersi interfecti cadentes que gladio, qui dederant
quondam formidinem in terra uiuentium. ibi elam et omnis multitudo eius
per gyrum sepulcri illius; omnes hi interfecti ruentes que gladio, qui
descenderunt incircumcisi ad terram ultimam, qui posuerunt terrorem suum
in terra uiuentium, et portauerunt ignominiam suam cum his qui
descenderunt in lacum. in medio interfectorum posuerunt cubile eius, in
uniuersis populis eius, in circuitu eius sepulcrum illius, omnes hi
incircumcisi interfecti que gladio; dederant enim terrorem in terra
uiuentium, et portauerunt ignominiam suam cum his qui descendunt in
lacum, in medio interfectorum positi sunt. ibi mosoch et thubal et omnis
multitudo eius, in circuitu illius sepulcra eius, omnes hi incircumcisi
interfecti que cadentes gladio, qui dederunt formidinem suam in terra
uiuentium; et non dormient cum fortibus cadentibus que et incircumcisis,
qui descenderunt in infernum cum armis suis et posuerunt gladios suos
sub capitibus suis, et fuerunt iniquitates eorum in ossibus eorum, quia
terror fortium facti sunt in terra uiuentium. et tu ergo in medio
incircumcisorum contereris, et dormies cum interfectis gladio. ibi
idumaea et reges eius omnes et duces eius, qui dati sunt cum exercitu
suo cum interfectis gladio, et qui cum incircumcisis dormierunt, et cum
his qui descenderunt in lacum. ibi principes aquilonis omnes et uniuersi
sidonii (siue 'uenatores'), qui deducti sunt cum interfectis pauentes,
et in sua fortitudine confusi, quia dormierunt incircumcisi cum
interfectis gladio, et portauerunt confusionem suam cum his qui
descendunt in lacum. uidit eos pharao et consolatus est super uniuersa
multitudine sua quae interfecta est gladio pharao, et omnis exercitus
eius, ait dominus deus, quia dedi terrorem eius in terra uiuentium; et
dormiuit in medio incircumcisorum cum interfectis gladio pharao et omnis
multitudo eius, ait dominus deus. (multum in hoc loco septuaginta
interpretum editio et ordine et translatione discordat, et quaedam in ea
de theodotione addita sunt; unde necesse habuimus et ipsam ponere,
nequaquam parcentes longitudini, et studiosi lectoris diligentiae
seruientes. lxx:
et factum est in duodecimo anno, in quinta decima mensis, factus
est sermo domini ad me, dicens: fili hominis, plange super multitudinem
aegypti, et deducent filias eius gentes mortuas in profundum terrae ad
eos qui descendunt in foueam. - porro sub asteriscis additum est:
(signum_asterisci) de aqua pulcherrima descende, et dormi cum
incircumcisis (signum_metobeli) rursum sequitur ordo: - in medio
uulneratorum gladio cadent cum eo, et dormiet omnis fortitudo eis. et
dicent tibi gigantes: in profundo foueae descende. quo melior es?
descende, et dormi cum incircumcisis in medio uulneratorum gladio. ibi
assur et omnis congregatio eius.
- quod que iungitur: (signum_obeli) omnes uulnerati ibi dati sunt, et
sepulcrum eius in profundo foueae, et facta est congregatio eius
(signum_metobeli) in hebraico non habetur, sed a septuaginta additum
est. rursum dicitur: - in circuitu sepulcri eius, omnes uulnerati qui
ceciderant gladio. - et iterum de editione theodotionis sub asteriscis
additum est: (signum_asterisci) qui dederant sepulcra eis in lateribus
laci, et facta est congregatio in circuitu sepulcri eius; omnes isti
uulnerati cadentes que gladio (signum_metobeli) post quae posuere
septuaginta: - qui dederunt timorem suum in terra uitae. ibi elam et
omnis fortitudo eius in circuitu sepulcri eius; omnes uulnerati et
cadentes gladio et qui descendunt incircumcisi in terrae profundum, qui
dederunt terrorem suum in terra uitae, et acceperunt tormentum suum cum
his qui descendunt in foueam, in medio uulneratorum. ibi dati sunt
mosoch et thubal et omnis fortitudo eorum, in circuitu sepulcri eius,
omnes uulnerati eius, uniuersi incircumcisi et uulnerati gladio, qui
dederunt terrorem suum super terram uitae; et non dormierunt cum
gigantibus, qui ceciderant ab aeterno, qui descenderunt in infernum cum
armis quibus utebantur ad bella et posuerunt gladios suos sub capitibus
suis, et factae sunt iniquitates eorum in ossibus eorum, quia terruerant
gigantes in uita sua. et tu in medio incircumcisorum (signum_asterisci)
contereris, et (signum_metobeli) dormies cum uulneratis gladio. ibi
edom, (signum_asterisci) reges eius et omnes (signum_metobeli) principes
assur, qui dederunt fortitudinem eius in uulnere gladii, isti cum
uulneratis dormierunt, cum his qui descenderunt in foueam. ibi principes
aquilonis omnes, uniuersi magistratus assur, qui descendunt uulnerati
cum terrore suo, et in fortitudine sua confusi; dormierunt et
incircumcisi cum uulneratis gladio, et abstulerunt tormentum suum cum
descendentibus in foueam. uidebit eos pharao et consolationem accipiet
super omni fortitudine eorum (signum_asterisci) uulnerati gladio pharao
et omnis fortitudo eius (signum_metobeli) dicit dominus deus, quia dedi
formidinem eius super terram uitae et dormiet in medio incircumcisorum
cum uulneratis gladio pharao et omnis multitudo eius, dicit dominus
deus). non ignoro fastidiosam fore delicato lectori tantam inter duas
editiones discrepantiam; sed quid faciam calumniatoribus meis, qui, si
aliquid de septuaginta interpretum translatione subtraxero, me
sacrilegum et absque timore domini uociferantur, maxime qui, cum a me in
fidei ueritate discordent et manichaeorum sequantur errores, in eo
imperitorum animas commouent, si de ueteri quidpiam monstrare poterint
mutata consuetudine, libentius errare cupientes quam aliquid ab aemulo
uerum discere. interim iuxta historiam manifestus est sensus. in eodem
enim anno duodecimo, et in eodem, ut putamus, mense, sed non in una, ut
supra, mensis, uerum in quinta decima die, nequaquam super pharaone, sed
super fortitudine - siue multitudine - aegypti planctus assumitur, quae
detrahitur de superbia sua cum uniuersis filiabus suis - siue gentium
robustarum - ad terram ultimam, id est in profundum inferni. dicitur que
ad regem aegypti: 'quo melior es, ut mortem merearis euadere? - cum
enim assur et elam - id est persae -, et mosoch - qui interpretantur
cappadoces -, et thobel - quos alii iberos, alii italos intellegi uolunt
-, idumaei quoque et principes aquilonis ac sidonii, cum uniuersis
exercitibus suis quorum auxilio horrorem cunctis gentibus praebuerunt,
mortui sint et interfecti gladio, et posuerint gladios suos sub
capitibus suis - quod dictum emphatik�teron~g accipiendum est -, tu
solus poteris non eadem sustinere? quin potius, cum uideris tantam te
cum apud inferos multitudinem dormientium et sepulcrum tuum
fortissimorum quondam principum circumdari memoriis, habebis
consolationem, leuiora tormenta aestimans consortio plurimorum -'. haec
interim iuxta simplicem sensum strictim dixisse sufficiat. nunc eadem
breuitate quantum explanationis patitur difficultas, spiritalis
intellegentiae summa quaeque carpamus. supra, una mensis die factus est
sermo domini ad prophetam, hic, quinta decima - in prima autem die: hoc
est in kalendis mensis exordium est; in quinta decima quando totus lunae
orbis impletur; et siquidem primus mensis fuerit: azymorum est prima
dies, sin autem septimus: scenopegiarum, quando figuntur tabernacula,
quae solemnitates apud hebraeos uel maximae sunt -; fit autem planctus
super fortitudinem aegypti, ut fortis in malo desistat esse et recipiat
infirmitatem, et quando infirmior fuerit, tunc fortior sit. pro
'fortitudine' aegypti, in hebraico habet 'multitudine' - lata enim et
spatiosa uia quae ducit ad mortem, et multi ingrediuntur per eam, sicut e
contrario dicitur ad israel: uos autem estis pauci inter omnes gentes;
semper enim uirtus rara est, et: arta et angusta uia est quae ducit ad
uitam, et pauci sunt qui ingrediuntur per eam -. quod autem aegyptus
plangitur, et mortuae filiae 'eius' - iuxta septuaginta -, siue 'gentium
robustarum', deducuntur ad terram ultimam in lacum - siue in foueam -
profundissimam, significantur animae in aegypto huius saeculi
commorantes - quae perdiderunt eum qui dicit: ego sum uita, et peccatis
mortuae, pondere eorum ad inferos detrahuntur, dicente peccatore:
quoniam iniquitates meae supergressae sunt caput meum, sicut onus graue
grauatae sunt super me; istae sunt de quibus scriptum est et in alio
loco: ingrediuntur in inferiora terrae, tradentur in manus gladii,
partes uulpium erunt. qui enim fodit foueam, incidit in eam; unde et
legimus: lacum aperuit, et effodit eum, et incidet in foueam quam fecit
-. quod que sequitur: quo pulchrior es? descende, et dormi cum
incircumcisis, proprie ad pharaonem regem aegypti sermo dirigitur -
siue, ut in septuaginta de theodotione additum est, ad ipsam aegyptum:
de aqua pulcherrima descende, et dormi cum incircumcisis; quod
specialiter ad eum pertinet qui, in baptismate christi renatus, audiens
cum ecclesia: quae est ista quae ascendit dealbata, innitens super
fratruelem suum?, postea, uel fornicatione uel aliis uitiis sordidatus,
eicitur de ecclesia et dicitur ad eum: de aqua pulcherrima descende, et
dormi 'cum incircumcisis' id est 'cum immundis', iuxta illum sensum quem
ponit apostolus: nos sumus circumcisio, qui in spiritum deo seruientes,
et gloriantes in domino, et non in carne confidentes -. hi omnes in
medio uulneratorum - siue interfectorum - cadent cum pharaone, illo
gladio, qui contrarius est ei gladio, quem uenit mittere dominus super
terram: sicut enim christi gladius bonos a malis separat - dicens: non
ueni pacem mittere super terram, sed gladium -, sic haereticorum gladius
omnes truncat populos, et uulneratos ad inferna deducit; isti sunt
gigantes potentissimi et rebelles et ponentes in excelsum os suum, et
quanto per superbiam se ad excelsa sustollunt, tanto ad profundum foueae
et inferni nouissima detrahuntur, qui omnes interfecti sunt gladio. et
ut sciret uel pharao, uel omnis aegypti fortitudo quae ad inferna
detracta est, quos haberet in poenis socios, sequens sermo demonstrat:
ibi assur et omnis multitudo (uel synagoga) eius; princeps enim
haereticorum diabolus - cuius uere congregatio synagoga est de qua in
apocalypsi dicitur: qui sunt synagoga satanae -. sequentes autem
uersiculos, qui obelo praenotantur, praetereundos puto, dicendum que
quod habetur in hebraico: in circuitu illius sepulcra eorum, uidelicet
deceptorum ab eo, qui omnes uulnerati (uel interfecti) sunt gladio, et
ideo corruerunt; quorum sepulcra data sunt in nouissimis laci - quod
autem lacus uocetur infernus, perspicue psalmus ille demonstrat, in quo
paenitens loquitur: assimilatus sum cum descendentibus in lacum; quem
nequaquam debemus, iuxta latini sermonis proprietatem, eum intellegere
qui graece limn�~g dicitur - ut est lacus tiberiadis, et lacus larius et
benacus, multi que alii -, sed quas nos solemus cisternas appellare;
quos lacus, quia aquas refrigerant et omnem ab eis calorem spiritus
auferunt, peccatores cuncti que haeretici fodiunt, et, quantum in mea
memoria est, nullum sanctorum lacum - id est cisternam - fodisse
scriptura testatur, sed omnes peccatores - quorum fuit ozias rex
leprosus et qui per suam superbiam corruit, de quo scribitur quod homo
fuerit terrae operibus incubans et: multas superbiae turres aedificarit
in angulis et: lacus foderit -; e contrario ad iustum dicitur: bibe
aquas de tuis uasis et de puteorum tuorum fontibus, ut rursum: fons
aquae tuae sit proprius, unde loquitur et dominus: me dereliquerunt
fontem aquae uiuae, et foderunt sibi lacus (id est cisternas) quae aquas
continere non possunt -. sequitur: et facta est multitudo eius per
gyrum sepulcri eius; hi omnes cingunt assyrium et est eorum plurima
multitudo, qui uniuersi uulnerati sunt et interfecti et cadentes gladio -
nemo enim eorum stare potest cum moyse, nec audire: qui statis in domo
domini; sed omnes uulnerati interfecti que sunt et cadentes -: qui
quondam dederant formidinem in terra uiuentium; formidinem autem his qui
erant ecclesiis praepositi ne in terra uiuentium facerent populos
mortuorum et simplices quosque deciperent - unde et paulus aiebat: timeo
autem ne sicut serpens decepit euam in malitia sua, corrumpantur sensus
uestri per simplicitatem quae est in christo; sed hic timor spe domini
mitigatur, dicente ecclesiastico uiro: dominus illuminatio mea et salus
mea, quem timebo? dominus protector uitae meae, a quo trepidabo? -. post
haec dicitur: ibi elam, et omnis multitudo eius per gyrum sepulcri
eius, haud dubium quin assyrii. 'elam' in linguam nostram uertitur
'ascensus eorum', omnes enim qui, christi humilitate contempta, diaboli
ascendere superbiam et se in falsi nominis scientia esse aliquid
aestimarunt, elamitae sunt nuncupandi, qui assyriis regis sepulcrum
ambiunt et interfecti sunt uulnerati que gladio, et licet in excelso
posuerint os suum, tamen descenderunt immundi et incircumcisi ad terram
ultimam, ut, quanto sublimius fuerant eleuati, tanto fortius caderent;
isti posuerunt terrorem suum non semel sed secundo in terra uiuentium -
quis enim ecclesiasticorum ab huiuscemodi elamitarum terrore securus est
et non aliquem sui perdidit gregis? -; pulchre que ecclesia christi
appellatur terra uiuentium, ut e contrario haereticorum conciliabula
mortuorum terra esse credantur. et portauerunt, inquit, ignominiam suam
(siue tormentum suum) cum his, quos se cum detraxerunt in lacum et
profundum inferni, quorum cubile in medio interfectorum est; eorum
uidelicet quos suo mucrone iugularunt et circumdantur huiuscemodi
populis; hi populi, assyrii regis populi sunt, et licet circumcisos esse
se iactant, tamen incircumcisi interfecti que sunt gladio, et tertio
dederunt terrorem atque formidinem in terra uiuentium; unde portauerunt
tormentum suum atque supplicium in medio eorum quos suis fraudibus
deceperunt. ibi quoque est - id est: iuxta assyrium - mosoch et thubal
et omnis multitudo eius, in circuitu sepulcri eius, omnes incircumcisi
interfecti que et cadentes gladio, qui dederant formidinem suam in terra
uiuentium. pro 'mosoch et thubal', symmachus et theodotio interpretati
sunt 'cubile eorum', ut ostenderent cubilia haereticorum, immo foueas
sempiternas, assyrii regis esse supplicia; 'mosoch' interpretatur
'insania', 'thubal' 'conuersio' - non in bonum a malo sed de bono in
malum - siue 'uniuersa', ut ostendat omnes haereticos insanire et pari
studio ad peiora conuerti; nec mirum si insanientes et coaceruati in
malum habeant multitudinem, cum aegyptii regis socii sint qui gaudet
multitudine; omnes hi interfecti gladio qui dederunt formidinem suam,
non semel nec secundo, sed tertio, in terra uiuentium, de quibus supra
plenius diximus. sequitur: et non dormient cum fortibus (siue
gigantibus) cadentibus que et non circumcisis, qui descenderunt ad
infernum cum armis suis et posuerunt gladios suos sub capitibus suis, et
fuerunt iniquitates eorum in ossibus eorum, quia terror fortium facti
sunt in terra uiuentium. 'hi' inquit 'qui haereticorum principes
exstiterunt, ad tantum malitiae peruenere culmen atque cruciatum, ut nec
cum fortibus atque gigantibus, qui a principio corruerunt, similia
mereantur ferre supplicia; qui, nequaquam erroris sui acta paenitentia,
descenderunt ad inferos cum armis suis, rebelles contra deum et
ecclesiam eius, se cum animos deferentes' - de quibus scriptum est:
filii hominum, dentes eorum arma et sagittae -, 'et posuerunt' ait
'gladios sub capitibus suis, requiescentes in animo perduelli, et, pro
summa uictoria, sententiarum suarum iacula complexantes, in tantum ut
iniquitates eorum fuerint in ossibus eorum - hoc est fortissima figmenta
-, et erroris sui dogmata possidentes: quia terror fortium facti sunt
in uita sua (siue in terra uiuentium)' quod quarto dicitur, ut
fortissimos quoque et habentes scientiam scripturarum et qui essent de
regione uiuentium sua peruersitate terrerent, dum descendunt ad infernum
cum armis suis et ponunt gladios sub capitibus suis et iniquitas eorum
usque ad ossa peruenit. post haec scriptum est: 'et tu ergo in medio
incircumcisorum contereris' - quod uel a pharaonem uel a fortitudinem,
siue multitudinem, aegypti dicitur, quod et ipsa conteratur, iuxta illud
quod scriptum est: deus autem conterat satanam sub pedibus uestris
uelociter - 'et dormies' inquit 'cum interfectis gladio, somno
perpetuo'.
ibi cum assyrio et cum aegyptia erit multitudine idumaea et reges eius,
omnes qui terrenis operibus seruierunt siue sanguine delectati sunt -
etenim 'idumaea', et 'terrenam' et 'sanguinariam' sonat -; omnes reges
et uniuersi principes - de quibus crebro et apostolus loquitur:
'terrenis operibus incubantes et effundentes cotidie sanguinem eorum
quos sua fraude deceperint' -, cum incircumcisis et immundis dormierunt
et cum his qui descenderunt in lacum, de quibus supra diximus. in ipso
comitatu erunt et principes aquilonis, a quo exardescunt mala super
terram - et a quo, uel in hieremia uel in hoc eodem propheta, olla illa
plena carnium ossuum que succenditur -, et non solum principes
aquilonis, uerum omnis magistratus 'assur' - pro quo in hebraico uerius
positum est uniuersi 'sidonii', quos nos in 'uenatores' uertimus, iuxta
illud quod scriptum est: anima nostra sicut passer erepta est de laqueo
uenantium (pro quo in hebraico positum est sidoniorum); qui sidonii -
siue uenatores - deducentur ad inferos pauentes, in sua quondam confisi
fortitudine; et dormient immundi, et portabunt confusionem - siue
tormentum - suum, habentes malae conscientiae poenitudinem sempiternam,
ita ut: ignis eorum non extinguatur et uermis eorum non moriatur. quos
omnes cum uiderit pharao, consolabitur, uel habens adhuc malitiam
pristinam et multos poenae suae socios habere se cernens, uel certe
consolatus est uidens et illos confundi in suppliciis et terroribus suis
super uniuersa multitudine sua quae interfecta est gladio: pharaonis
scilicet uel omnium sociorum eius, praecipue que assyrii regis et mosoch
et thubal et idumaeorum, et principum aquilonis et sidoniorum; hi enim
dederant terrorem suum in terra uiuentium - quod quinto dicitur, ut
omnes istiusmodi nationes cauere et effugere debeamus quae cunctis nos
sensibus deceperunt, et scire esse horribiles nec facile posse uitare,
nisi omni custodia seruauerimus cor nostrum -. 'dormiuit' inquit 'et
ipse pharao cum sociis suis interfectis gladio', qui socii multitudo
eius sunt, per latam et spatiosam uiam pergentes ad supplicia
sempiterna.
33. et factum est uerbum domini ad me, dicens: fili hominis,
loquere ad filios populi tui, et dices ad eos: terra, cum induxero super
eam gladium, et tulerit populus terrae uirum unum de nouissimis suis
(siue hominem unum de suis), et constituerit eum super se speculatorem,
et ille uiderit gladium uenientem super terram, et cecinerit bucina et
annuntiauerit populo. audiens autem quisquis ille est sonitum bucinae,
non se obseruauerit, uenerit que gladius et tulerit (siue
comprehenderit) eum: sanguis ipsius super caput eius erit; sonitum (uel
uocem) bucinae audiuit, et non se obseruauit, sanguis eius in ipso erit.
sin autem se custodierit, animam suam saluauit. quod si speculator
uiderit gladium uenientem, et non insonuerit bucina, et populus non se
custodierit; uenerit que gladius et tulerit de his animam: ille quidem
in iniquitate sua captus est, sanguinem autem eius de manu speculatoris
requiram. et tu, fili hominis, speculatorem dedi te domui israel.
audiens ergo ex ore meo sermonem annuntiabis eis ex me. si, me dicente
ad impium: impie, morte morieris; non fueris locutus ut se custodiat
impius a uia sua, ipse impius in iniquitate sua morietur, sanguinem
autem eius de manu tua requiram. sin autem annuntiante te ad impium ut a
uiis suis conuertatur, non fuerit conuersus a uia sua, ipse in
iniquitate sua morietur, porro tu animam tuam liberabis. rursum ad
prophetam sermo fit domini - qui aliquando siluerat tempore, eo quod non
possit propheta, nec humana fragilitas iuge ad se atque continuum
sustinere uaticinium -, et loquitur eadem quae in superioribus
continentur: 'fili hominis, speculatorem dedi te domui israel, et
audiens ex ore meo uerbum, et comminaberis eis ex me; in eo quod dicam
iniquo: morte morieris, et non annuntiasti ei, nec locutus es ut
annuntiares iniquo et conuerteretur a uiis suis et uiueret, iniquus ille
in iniquitate sua morietur et sanguinem eius de manu tua requiram. et
tu si annuntiaueris iniquo, et non conuersus fuerit ab iniquitate sua et
a uia sua, iniquus ille in iniquitate sua morietur, et tu animam tuam
liberabis'; quae, si diligenter inspicias, intelleges similia quidem
esse, sed non eadem, dum in plerisque discordant - et hoc in omnibus
scripturis sanctis obseruare debemus, ubi uidetur aliqua similitudo esse
sententiae, non in omnibus eadem dici, sed uel subtrahi pleraque, uel
addi, et singulorum inter se uerborum discrepantiam habere rationem -.
et interim priusquam ad altiora ueniamus, breuis est explananda
sententia: 'si speculator fuerit constitutus in populo ut annuntiet
gladium domini iram que uenientem, et, annuntiante eo, populus audire
noluerit, speculator liber erit, et ille qui oppressus est gladio, ipse
sanguinis sui sustinebit reatum, quod si audierit, saluauit animam suam;
si autem speculator non insonuerit bucina et populus ignorans uenturum
gladium nequaquam se obseruauerit, populus quidem in sua iniquitate
morietur; tamen sanguinem morientis de speculatoris requiram manu'; et
ut sciret propheta hiezechiel generalem disputationem ad se potissimum
pertinere: 'et tu' inquit fili hominis, non a terra et a populo terrae
ut supra dixi, sed a me constitutus es speculator domui israel: si ergo,
me dicente ad impium: impie, morte morieris, non fueris locutus ad eum
ut se custodiat et de interitu liberetur, et ille quidem in sua
iniquitate morietur quam prius commiserat et de qua, si annuntiasses,
potuit liberari: sanguinem autem eius de manu tua requiram. quod si tu
nuntiaueris impio, atque praeceperis ut conuertatur a uiis suis
pessimis, et ille hoc facere noluerit, ille quidem in sua iniquitate
morietur, tu autem liberasti de interitu neglegentiae animam tuam. ex
quibus discimus: posse hominem, quamuis iniquum et impium, si magistri
uerba audierit et egerit paenitentiam, a sua impietate saluari; nec
minus magistrum subire discrimen si docere noluerit, uel timore
discriminis uel desperatione peccantis, dum reus est sanguinis eius qui
liberari potuit et de morte erui, nisi magistri silentio concidisset; et
in utroque liberum seruari arbitrium, dum et in magistri uoluntate est
uel tacere uel loqui, et in auditoris arbitrio uel audire et facere
atque saluari, uel contemnere et proprio perire contemptu. nec statim
sequitur ut, quia propheta praedicit, ueniat quod praedixit - non enim
praedicit ut ueniat, sed ne ueniat -, nec quia deus loquitur, necesse
est fieri quod minatur; sed ideo comminatur, ut conuertatur ad
paenitentiam cui minatur, et non fiat quod futurum est si uerba domini
contemnantur. possumus autem tripliciter locum istum disserere: ut terra
quae sibi speculatorem constituit, uel iuxta litteram terra iudaea sit,
uel iuxta spiritalem intellegentiam ecclesia quae saepe de nouissimis
populi sui speculatorem eligit - illum uidelicet quem et apostolus
scribens ad corinthios assumit iudicem -, uel certe anima credentis quae
mentem atque rationem praeponit populo ac turbae cogitationum suarum -
ut non omnia cogitationum incentiua suscipiat, sed iudicet atque
discernat quae sectanda sibi quae ue fugienda sint -. speculator terrae
iudaeae, uel rex potest intellegi, uel propheta; speculator autem
ecclesiae, uel episcopus, uel presbyter, qui a populo electus est et,
scripturarum lectione, cognoscens et praeuidens quae futura sint,
annuntiet populo et corrigat delinquentem. unde magnopere formidandum
est, ne ad hoc officium accedamus indigni, et assumpti a populo,
neglegentiae nos demus atque desidiae, et, quod his peius est, deliciis
uentri que et otio seruientes, honorem nos accepisse putemus, non
ministerium: siquidem filius hominis non uenit ministrari, sed
ministrare, et pedes discipulorum lauit, ut ostenderet omnes sordes et
uitia a magistro in discipulis debere dilui atque purgari; nec statim
respondeamus: 'quid prodest dicere, si nolit auditor facere quod
docueris?', unusquisque enim ex suo animo atque officio iudicatur: tu
nisi locutus fueris, ille si audire noluerit; de magistris neglegentibus
salomon loquitur: sapientia abscondita et thesaurus absconditus, quae
utilitas in utroque?, tale quid significatur et in euangelio, quod qui
scandalizauerit unum de minimis ecclesiae, expediat ut alligetur ad
collum eius mola asinaria et abiciatur in profundum, quam in specula
constitutus plurimis noceat.
tu ergo, fili hominis, dic ad domum israel: sic locuti estis,
dicentes: iniquitates nostrae et peccata nostra super nos sunt, et ipsis
nos tabescimus; quomodo ergo uiuere poterimus? dic ad eos: uiuo ego,
dicit dominus deus; nolo mortem impii, sed ut reuertatur impius a uia
sua, et uiuat; et conuertimini a uiis uestris pessimis; et quare
moriemini domus israel? tu itaque, fili hominis, dic ad filios populi
tui: iustitia iusti non liberabit eum in quacumque die peccauerit, et
impietas impii non nocebit ei in quacumque die conuersus fuerit ab
impietate sua; et iustus non poterit uiuere in iustitia sua in quacumque
die peccauerit. etiam si dixero iusto quod uita uiuat, et confisus in
iustitia sua fecerit iniquitatem; omnes iustitiae eius obliuioni
tradentur, et in iniquitate sua quam operatus est, in ipsa morietur. sin
autem dixero impio: morte morieris, et egerit paenitentiam a peccato
suo, fecerit que iudicium et iustitiam, pignus restituerit, rapinam que
reddiderit, in mandatis uitae ambulauerit, nec fecerit quidquam
iniustum, uita uiuet, et non morietur: omnia peccata quae peccauit non
imputabuntur ei, iudicium et iustitiam fecit, uita uiuet. et dixerunt
filii populi tui: non est aequi ponderis uia domini; et ipsorum uia
iniusta est. cum enim recesserit iustus a iustitia sua, fecerit que
iniquitates, morietur in eis; et cum recesserit impius ab impietate sua,
fecerit que iudicium et iustitiam, uiuet in eis. et dicitis: non est
recta uia domini. unumquemque iuxta uias suas iudicabo de uobis, domus
israel. si neglegenter legamus, uidetur nobis eadem prophetia esse quae
supra, in qua dicitur: numquid uolens cupio mortem iniqui, dicit
dominus, nisi conuerti eum a uia sua mala et uiuere?, et in fine eiusdem
prophetiae: conuertimini et redite ab uniuersis impietatibus uestris et
non erunt uobis in tormentum iniquitatis; ibi enim ad eos sermo fit qui
uolunt agere paenitentiam, et iustitia peccata delerent, ut cum fiducia
conuertantur et pleno animo agant paenitentiam; hic autem ad eos
loquitur qui magnitudine peccatorum, immo impietatum suarum, desperant
salutem et dicunt: iniquitates nostrae et peccata nostra super nos sunt,
et in ipsis tabescimus; quomodo ergo uiuere poterimus?,
et est sensus: 'cum semel nobis mors proposita sit, et uulneribus
nostris nulla medicina possit restituere sanitatem, quid necesse est
laborare et frustra consumi et praesentem uitam non cum desperatione
transigere, ut saltem hac fruamur, quia futuram perdidimus?', quibus
respondit deus, non uelle se mortem impii, sed ut reuertatur et uiuat,
et apostropham facit ad impios desperantes: conuertimini a uiis uestris
pessimis, atque ut sciamus qui sint impii ad quos loquitur, sequens
sermo demonstrat: quare moriemini, domus israel? - uita autem et mors in
hoc loco non haec significatur, qua omnes, communi cum bestiis, lege
naturae uel uiuimus uel morte dissoluimur, sed illa de qua scriptum est:
placebo domino in regione uiuentium, et: anima quae peccauerit ipsa
morietur -. et a speciali commonitione qua israel domui loquebatur, ad
generalem transit disputationem, quod et iustum praeteritae non saluent
iustitiae si nouis sceleribus fuerit occupatus, et peccatorem uel impium
antiqua peccata non perdant si operibus iustitiae ueteres emendarit
errores deum que non praeterita in utroque iudicare sed praesentia: 'si
dixero' inquit 'iusto: uita uiues, et ei praemia iustitiae pollicitus
fuero, confisus que ille peccauerit, omnes iustitiae eius pristinae
obliuioni tradentur et praesenti iniquitate morietur, nec mea est mutata
sententia cum non possim in eodem homine peccatore reddere quod iusto
promiseram; e contrario, si peccatori et impio fuero comminatus - et
dixero: adhuc tres dies et niniue subuertetur -, et ille egerit
paenitentiam bonis que operibus ueterem emendarit errorem, ita ut
iudicium faciat et iustitiam, pignus restituat, rapinam que reddat, in
mandatis uitae ambulet, nec faciat quidquam iniustum: nonne debet uita,
quae christus est, uiuere et nequaquam mori, cum comminatio peccatoris
iustum punire non debeat?' - tale quid loquitur sermo diuinus ad
hieremiam quando descendit in domum figuli, et audit uel promissa uel
comminationem dei id agere, ut uel homines prouocent ad salutem uel
deterreant a peccato - 'unde qui dicunt: non est aequa uia domini,
arguuntur quod ipsorum sit iniqua sententia, habentium oculum pessimum
et nequaquam noua sed uetera iudicantium'. quibus omnibus demonstratur,
nec peccatorem salutem desperare debere si agat paenitentiam, nec iustum
in sua confidere iustitia si perdiderit neglegenter quod magno labore
quaesierat. manifesta transcurrimus, ut in obscurioribus immoremur; in
quibus autem praesens prophetia discrepat a praeterita et in quibus
loquatur similia, collatio utriusque poterit indicare. porro quid sit
iudicium facere et iustitiam, pignus restituere, rapinam reddere, in
mandatis uitae ambulare, et cetera, in hoc eodem propheta supra diximus.
et factum est in duodecimo anno, in decimo mense, quinta mensis
transmigrationis (siue captiuitatis) nostrae, uenit ad me qui fugerat
(siue qui saluatus fuerat) de hierusalem dicens: uastata (siue capta)
est ciuitas. manus autem domini facta fuerat ad me uespere, antequam
ueniret qui fugerat; aperuit que os meum donec ueniret ad me mane, et
aperto ore meo non silui amplius. undecimo anno regni sedeciae, quinto
mense, capta est ciuitas hierusalem. haec autem prophetia, duodecimo
anno, decimo mense, quinta mensis, captiuitatis siue transmigrationis,
quando captus est cum iechonia. ex quo ostenditur, post unum annum et
quattuor menses et uiginti quinque dies capta hierusalem, uenisse
babylonem unum ciuium hierusalem, qui nuntiaret captam urbem atque
uastatam. ante unum autem diem quam ueniret qui ista narraret, uespere
facta est manus domini ad hiezechiel prophetam, quae aperuit os eius
quod diu clausum fuerat, et quidquid erat ille dicturus, hic factum ante
replicauit, nec siluit amplius, uidens prophetiam suam opere completam
et nequaquam dubitare populum qui erat in babylone, uel eos qui captiui
erant, de uaticinio prophetali; tunc enim aperitur os prophetae, quando
quod prius nuntiauerat, opere monstrarit effectum; et tota libertate
proclamat, qui nequaquam futura, sed uel praesentia uel transacta
demonstrat. hoc secundum litteram; ceterum iuxta anag�g�n~g. si
'hiezechiel' interpretatur 'fortitudo dei' - christus autem est dei
uirtus et dei sapientia! -, hoc intellegendum, quod, capta et subuersa
hierusalem, quicumque perfidiam iudaeorum potuerit euadere - quales
fuerunt apostoli et reliquae quae saluae factae sunt -, ipse christo
nuntiat omnes caeremonias iudaeorum esse subuersas - quas quidam usque
hodie obseruandas putant, non audientes illud apostoli: a gratia
excidistis qui in lege iustificamini. miror que hominum pertinaciam id
uelle sermone defendere, quod opere implere non audeant, nisi forte sub
pelle ouium, id est christianorum, lupi celantur iudaici. quid defensor
synagogae in christi ecclesiis personat? -. capta ergo hierusalem atque
subuersa, aperitur os domini per apostolos et apostolicos uiros - qui
possunt dicere: os meum apertum est ad uos, o corinthii, et: apertum est
mihi ostium magnum et efficax, et illud: os meum aperui et attraxi
spiritum -, quod numquam tacere poterit nec audire - cum israel: audi,
israel, et tace -, sed in toto orbe resonabit, et christi euangelium
pandet gentibus. unde iuxta hunc sensum et 'duodecimus annus' ad
duodecim refertur tribus, et 'decimus mensis' ad tempus propitiationis
iudaicae quae graece dicitur hilasmos~g, et 'quinta dies mensis' ad
sensus carneos - quae omnia, capta hierusalem et euangelio succedente,
deleta esse et transisse monstrauimus -, et 'uespere', hoc est in
consummatione mundi, factam manum domini ad uerum hiezechiel, qui
futuras ruinas urbis cecinerat per prophetas et mane impletas esse
monstrauit.
et factum est uerbum domini ad me, dicens: fili hominis, qui
habitant in ruinosis his super humum israel, loquentes aiunt: unus erat
abraham, et possedit terram; nos autem multi sumus, nobis data est terra
in possessionem. idcirco dices ad eos: haec dicit dominus deus: qui in
sanguine comeditis, et oculos uestros leuatis ad immunditias uestras, et
sanguinem funditis, numquid terram hereditate possidebitis? stetistis
in gladiis uestris, fecistis abominationes, et unusquisque uxorem
proximi sui polluistis, et terram hereditate possidebitis? haec dices ad
eos: sic dicit dominus deus: uiuo ego, quia qui in ruinosis habitant
gladio cadent, et qui in agro est bestiis tradetur ad deuorandum, qui
autem in praesidiis et in speluncis sunt peste morientur. et dabo terram
in solitudinem et in desertum, et deficiet superba fortitudo eius, et
desolabuntur montes israel, eo quod nullus sit qui per eos transeat; et
scient quia ego sum dominus, cum dedero terram eorum desolatam et
desertam, propter uniuersas abominationes suas quas operati sunt. et tu,
fili hominis, filii populi tui loquuntur de te iuxta muros et in ostiis
domorum, et dicunt unus ad alterum, uir ad proximum suum loquentes:
uenite, et audiamus qui sit sermo egrediens a domino. et ueniunt ad te
quasi si ingrediatur populus (uel quomodo populus congregari solet), et
sedent coram te populus meus; et audiunt sermones tuos et non faciunt
eos, quia in canticum oris sui uertunt illos, et auaritiam suam sequitur
cor eorum. (siue, ut in lxx continetur, quoniam mendacium in ore eorum
ipsi faciunt, et post abominationes suas cor eorum graditur. sequitur:)
et es eis quasi carmen musicum quod suaui dulci que sono canitur, et
audient uerba tua et non facient ea. et cum uenerit quod praedictum est -
ecce enim uenit -, tunc scient quod prophetasti in medio eorum. primum
sciendum, quod octo plus minus uersus ab eo loco quem posuimus: qui in
sanguine comeditis, et oculos uestros leuatis ad immunditias uestras,
usque ad eum locum ubi scriptum est: haec dices ad eos: haec dicit
dominus deus, in septuaginta non habentur, qui cum multis aliis et haec
praetermiserunt, siue, interpretata ab eis, scriptorum paulatim sublata
sunt uitio. et latini nostri, immo inuidi christiani, et, ut apertius
dicam, grunnianae factionis heredes, aduersum nos latrant: cur iuxta
hebraicum disseramus, quasi nolentibus ingerendi sint cibi, et non his
epulae praeparentur qui eas cum gratiarum actione suscipiunt; certe, si
nobis non habent fidem, legunt alias editiones: aquilae, symmachi et
theodotionis; interrogent hebraeos - non unius loci, ne eos redemptos a
me iactitent, sed diuersarum prouinciarum; et cum errori meo uel
imperitiae cunctos uiderint consonare, tunc se intellegant nimium esse
prudentes, et magis cupere dormire quam discere -, habitent que in
septuaginta cellulis alexandrini phari, ne uela perdant de nauibus et
funium detrimenta suspirent. haec contra inuidos; nunc quod proposuimus
disseramus.
capta, ut diximus, hierusalem templo que subuerso, pauperes terrae, de
quibus scribit hieremias, soli relicti fuerant in hierusalem: qui uineas
et agros colerent et in ruinis incensae urbis habitarent; cum que
deberent agere paenitentiam super his propter quae captiuitas uenerat,
seipsos cassa spe decipientes, loquebantur: 'unus fuit pater noster
abraham, et tamen hanc terram hereditate possedit, non quod ipse
possederit, sed quod semen eius terram repromissionis acceperit; si
igitur ille unus in tantos multiplicatus est populos, nos multo plures
qui relicti sumus in terra iudaea et habitamus in urbibus desertis ac
ruinosis, utique multo amplius multiplicabimur, ut possideamus plures
quod unus ille possedit'. quibus respondit dominus: abraham unum fide
possedisse terram repromissionis - credidit enim abraham, et reputatum
est ei ad iustitiam -, istos autem, incredulitate et sceleribus
occupatos, etiam si plures sint, possidere non posse; simul que enumerat
quid facientes offendant deum, sex uidelicet genera peccatorum: 'qui in
sanguine comeditis, et oculos uestros leuatis ad immunditias, hoc est
ad idola uestra, et sanguinem funditis, hoc est homicidium perpetratis;
numquid ista facientes poteritis terram hereditate retinere? nec hoc
estis scelerum fine contenti, sed statis in gladiis uestris cotidie,
parati ad occidendum et imitantes esau, qui stetit, et uixit in gladio
suo; facitis abominationes incredibiles, uidelicet libidinum
turpitudines; et unusquisque uxorem proximi sui polluit, ut in eo sit
sceleratior, quod amici et proximi polluerat uxorem. haec' inquit
'faciatis; arbitramini uos terram hereditate tenturos? responde igitur
eis, o propheta et hanc super eos ex meo sermone prome sententiam: iuro
per memetipsum, quod qui habitant in ruinosis et parietinis, gladio
cadant, et qui in agris sunt - siue in campo -, a bestiis deuorentur, et
qui in muratis - siue in praesidiis - ac speluncis, dei iram uitare non
possint sed fame moriantur et pestilentia. et dabo' inquit 'terram
iudaeam in solitudinem, et deficiet superba fortitudo eius - quae
quondam fuerat fortitudo: superbis autem resistit deus et humilibus dat
gratiam -, montes quoque et omnia deserentur, et in tantam uenient
solitudinem ut nullus per eos transeat, et tunc nequaquam confidant in
multitudine sua pauci qui remanserant, sed cognoscant, solitudinis
magnitudine, quod ego sim dominus qui dedi terram in desertum propter
omnes abominationes quas operati sint'. haec dicta sint aduersus eos
qui, capta hierusalem omni que iudaeorum regione uastata, pauci
habitabant in ruinosis et in desertis urbibus uillulis que. nunc
ueniamus ad tropologiam et, iuxta consuetudinem nostram, latam
disputationem stringamus potius quam disseramus. omnis haereticus in
parietinis habitat et desertis, et possidere se putat terram israel: 'si
abraham fide sua unus homo in tantam uenit beatitudinem, ut semen eius
multiplicaretur sicut arena maris et sicut astra caeli, quanto magis nos
plures terram israel hoc est cernentium deum, et iudaeam confessionis
dominicae possidebimus?', quibus respondit dominus: 'ille possedit
terram fidei merito; uestra autem infidelitas, immo blasphemia, terram
israel, id est ecclesiam, possidere non poterit. primum enim comeditis
in sanguine, effundentes eorum sanguinem quos scandalizatis; deinde
oculos uestros leuatis ad immunditias uel abominationes uestras quas de
uestro animo confixistis - cum debueritis imitari ecclesiasticum uirum,
et dicere: ad te leuaui oculos meos, qui habitas in caelis -; tertio
sanguinem funditis, non uiuificantes eos quos seduxistis, sed
interficientes; nec uobis sufficit tria ista fecisse, sed statis in
gladiis uestris, hoc est perseueratis in prauitate sententiae, et parati
estis ad caedem, et fecistis abominationes, ea agentes in cubiculis
quae turpe est loqui, et uxorem proximi uestri polluistis,
ecclesiasticam uidelicet conuersationem cotidie de complexu christi
deceptos rapere festinantes. et cum haec feceritis, putatis uos terram
israel hereditate tenturos?' quibus loquitur deus, quod quicumque in
ruinosis haereticorum habitauerit conciliabulis, gladio cadat
ecclesiastico - de quo scriptum est: et gladii ancipites in manibus
eorum, et in euangelio: non ueni pacem mittere, sed gladium, et:
'seruus, qui se luxuriae tradit et otio, diuidetur, id est, mucrone
ferietur, et pars eius ponetur cum infidelibus' -, et qui in agro siue
in campo est, bestiis tradetur ad deuorandum - quas propheta uitare
desiderans, deprecatur: ne tradas bestiis animam confitentem tibi -, qui
autem in praesidiis et in muratis est - de quibus scriptum est:
ciuitates firmissimas ascendit iustus et destruxit munitiones earum, in
quibus confidebant impii - et uersatur in speluncis - de quibus dicitur:
scriptum est: domus patris mei domus orationis uocabitur; uos autem
fecistis eam speluncam latronum -, iste fame sermonis domini et peste
morietur; et dabitur omnis terra haereticorum in solitudinem, ita ut
frangatur eorum superbia et redigantur montes in solitudinem, qui sibi
altitudinem scientiae promittebant - qui montes uocantur israel, quia
sub christi nomine deceptos quosque supplantant -, nullus que per eos
transibit - nec dicere poterit quod moyses: transiens uidebo uisionem
hanc magnam; habitatores enim sunt peruersorum montium, non peregrini et
accolae -, ut, cum haec passi fuerint, tunc cognoscant quod ipse sit
dominus, qui dederit terram eorum in solitudinem propter abominationes
quas operati sunt. sequitur - eadem quidem die et eodem tempore, hoc est
duodecimo anno, decimo mense, in quinta mensis, quando uenit qui
fugerat de hierusalem, et quando locutus est propheta ad eos qui erant
in terra iudaea et aeternae possessionis spem sibi pollicebantur -, et
iubet prophetae ut dicat populo qui in babylone uersatur et habitat cum
eo, et arguat eos super insidiis blandientibus qui prophetae uerba
audire desiderant, non ad animae salutem sed ad aurium uoluptatem; isti
iuxta muros ambulant et in ostiis domorum nequaquam in sensum prophetae
intrare cupientes, sed mutuo se hortantur et dicunt: uenite, et audiamus
qui sit sermo egrediens a domino. 'et sic ueniunt quasi populus qui
ingrediatur ecclesiam dei, et sedent coram te, populus meus, qui meum
esse se dicit, et nolunt facere quod audierunt; istiusmodi mihi uidentur
eorum similes, qui theatralibus luduntur carminibus et uel tragoedos
audiunt uel comoedos et ibi cum uoluptate palpantur, ita ut, cum egressi
fuerint a te, replicent ea, et decantent, et dulci sono se decipiant:
et audient' inquit 'uerba tua et non facient ea'. tales sunt usque hodie
multi in ecclesiis, qui aiunt: 'uenite audiamus illum et illum', mira
eloquentia praedicationis suae uerba uoluentem, plausus que commouent et
uociferantur et iactant manus, et quae operibus neglexerant, postquam
aduenisse cognouerint - necesse est enim uenire quod propheta dei
sermone pronuntiat -, tunc incipient approbare et nosse quod cuncta quae
audierant non fuerint hominis uerba, sed domini qui per prophetam et
uirum ecclesiasticum locutus est.
LIBER 11
undecimus in hiezechielem explanationum liber in extrema sui parte
contra gog et magog uaticinium continebit et usque ad exordium ciuitatis
in monte positae et templi in ea siti ueniet hierusalem. quem si,
adiuuante domino et sua mysteria disserente, potuero ad calcem usque
perducere, diu mihi erit multum que dubitandum, utrum ad spiritale
templum debeam mittere manus an aperte ignorantiam confiteri, praesertim
cum et apud iudaeos et apud nos super interpretatione eius grande
silentium sit, aliis in futuro tempore exstruendum esse censentibus,
aliis bono quidem animo, sed imperito, scientibus spiritalia esse quae
dicuntur et tamen ipsa spiritalia, quomodo disseri debeant,
nescientibus. et interim, ut praesentis operis cura nos teneat, et
scias, o uirgo christi eustochium, orandum tibi esse pro nobis. in
prophetia difficillima illud breuiter admonebo, quod uir nostrae aetatis
haud ignobilis, ad imperatorem scribens, super hac natione dixerit: gog
iste gothus est, cui qua ratione possint omnia quae in ea scripta sunt
coaptari, non est meum sed eorum qui hoc putant disserere.
34. et factum est uerbum domini ad me, dicens: fili hominis,
propheta de pastoribus (siue ad pastores) israel, propheta et dices
pastoribus: haec dicit dominus deus: uae pastoribus israel qui pascebant
semetipsos (siue o pastores israel, numquid pascunt pastores
semetipsos); nonne greges pascuntur a pastoribus (siue nonne oues
pascunt pastores)? lac comedebatis et lanis operiebamini, et quod
crassum erat occidebatis, gregem autem meum non pascebatis; quod
infirmum fuit non solidastis (siue confortastis), et quod aegrotum non
sanastis, quod fractum non alligastis, et quod abiectum erat (siue
errabat) non reduxistis, quod perierat non quaesistis, sed cum
austeritate imperabatis eis, et cum potentia (siue et quod forte erat,
afflixistis labore). et dispersae sunt oues meae, eo quod non esset
pastor (siue pastores); et factae sunt in deuorationem omnium bestiarum
agri, et dispersae sunt. errauerant greges mei (siue oues) in cunctis
montibus et in uniuerso colle excelso, et super omnem faciem terrae
dispersi sunt greges mei (siue oues); et non erat qui requireret, non
erat, inquam, qui requireret (siue qui reduceret). propterea, o
pastores, audite uerbum domini: uiuo ego, dicit dominus deus, quia pro
eo quod facti sunt greges mei (siue oues) in rapinam, et oues meae in
deuorationem omnium bestiarum agri, eo quod non esset pastor (siue
pastores); neque enim quaesierunt pastores gregem meum, sed pascebant
pastores semetipsos, et greges meos non pascebant. propterea pastores,
audite uerbum domini. haec dicit dominus deus: ecce ego ipse super
pastores requiram gregem meum de manu eorum, et cessare eos faciam, ut
ultra non pascant gregem meum, nec pascant amplius pastores semetipsos
(siue oues); et liberabo gregem meum (siue oues) de ore eorum, et non
erit ultra eis in escam. quia haec dicit dominus deus: ecce ego ipse
requiram oues meas, et uisitabo eas. sicut uisitat pastor gregem suum in
die quando fuerit in medio ouium suarum dissipatarum (siue quando
fuerit caligo et nubes in medio ouium suarum separatarum), sic uisitabo
oues meas, et liberabo eas de omnibus locis in quos dispersae fuerant in
die nubis et caliginis. et educam eas (siue eos) de populis (siue de
gentibus), et congregabo eas (siue eos) de terris (siue regionibus), et
inducam eas (siue eos) in terram suam, et pascam eas (siue eos) in
montibus, israel, in riuis et in cunctis sedibus terrae. in pascuis
uberrimis pascam eas (siue eos), et in montibus excelsis israel erunt
pascuae earum (siue ouilia eorum); ibi requiescent in herbis uirentibus,
et in pascuis pinguibus pascentur super montes israel.
ego pascam oues meas, et ego eas accubare faciam (siue requiescere),
dicit dominus deus. quod perierat requiram, et quod abiectum erat (siue
errauerat) reducam, et quod confractum fuerat alligabo, et quod infirmum
erat consolidabo (siue confortabo), et quod pingue et forte custodiam,
et pascam illas in iudicio (siue cum iudicio). uos autem, greges mei
(siue oues meae), haec dicit dominus deus: ecce ego iudico inter pecus
et pecus, arietum et hircorum. nonne satis uobis erat pascuam bonam
depasci? insuper et reliquias pascuarum uestrarum conculcabitis pedibus
uestris, et cum purissimam aquam biberetis, reliquam pedibus uestris
turbabatis; et oues meae his quae conculcata pedibus uestris fuerant
pascebantur, et quae pedes uestri turbauerant haec bibebant. propterea
haec dicit dominus deus ad eos: ecce ipse ego iudico inter pecus pingue
et macilentum (siue inter pecus forte et infirmum): pro eo quod
lateribus et humeris uestris impingebatis et cornibus uestris
uentilabatis omnia infirma pecora, donec dispergerentur foras, saluabo
gregem meum et non erit ultra in rapinam, et iudicabo inter pecus et
pecus (siue inter arietem et arietem). et suscitabo super eas (siue eos)
pastorem unum qui pascat eas (siue eos), seruum meum dauid ipse pascet
eas (siue eos), et ipse erit eis in pastorem. ego autem dominus ero eis
in deum, et seruus meus dauid princeps in medio eorum: ego dominus
locutus sum. et faciam cum eis pactum (siue testamentum) pacis, et
cessare faciam bestias pessimas de terra, et qui habitabant in deserto
securi dormient in saltibus; et ponam eos in circuitu collis mei
benedictionem, et deducam (siue dabo) imbrem in tempore suo: pluuiae
benedictionis erunt. et dabit lignum agri (siue dabunt ligna camporum)
fructum suum, et terra dabit germen suum (siue fortitudinem), et erunt
(siue habitabunt) in terra sua absque timore (siue in spe pacis), et
scient quia ego dominus, cum contriuero catenas (siue torquem) iugi
eorum, et eruero eos de manu imperantium sibi (siue seruire eos
facientium). et non erunt ultra in rapinam gentibus, neque bestiae
terrae deuorabunt eos, sed habitabunt confidenter (siue in spe) absque
ullo terrore. et suscitabo eis germen nominatum (siue plantationem
pacis), et non erunt ultra imminuti (siue pereuntes) fame in terra,
neque portabunt amplius opprobria gentium; et scient quia ego sum
dominus deus eorum cum eis, et ipsi populus meus domus israel, dicit
dominus deus. uos autem greges mei, greges pascuae meae (siue oues),
homines estis, et ego dominus deus uester, dicit dominus deus. saepe
commonui editionem me utramque miscere ut librorum uitem magnitudinem,
in his dumtaxat quae non multum a se in translatione discordant. post
captam hierusalem, postquam annuntiauit in babylone qui fugerat, locutus
est de his qui habitabant in ruinosis hierusalem, et deinde ad eos qui,
in captiuitate positi, nihilominus perseuerabant in nequitia, prophetae
uerba audire nolentes; nunc ad pastores, id est ad principes, sermonem
dirigit, quorum uitio oues, id est populi, dissipati sunt. et hoc
notandum, quod a duodecimo anno, decimo mense, quinta mensis
transmigrationis - siue captiuitatis iechoniae et qui cum eo capti
fuerant -, usque ad uicesimum et quintum annum quando super montem urbis
aedificatae templum exstruitur et incredibilia ecclesiae sacramenta
panduntur, nullus in medio annus nullum que tempus est positum, sed
simpliciter dicitur: 'factus est sermo domini ad me, dicens: loquere ad
illas et ad illos', ut intellegere debeamus omnia quae leguntur per
tredecim annos, diuersis dicta temporibus, et tamen certa inter se
spatia temporum non habere. ad pastores autem israel sermo dirigitur -
quos uel reges et principes, scribas et pharisaeos ac magistros iudaici
populi debemus accipere, uel certe in euangelico populo episcopos,
presbyteros et diaconos, aut, iuxta mysticos intellectus, angelos
singularum ecclesiarum, ad quos scribit ioannes in apocalypsi sua, et
quorum angeli cotidie uident faciem dei -, primum que dicitur: uae
pastoribus israel qui, cum gregem domini pascere debeant et saluti
illius prouidere, pro sua festinant luxuria - unde magnopere cauendum
est, et obseruanda illa praecepta: ne quaeras iudex fieri ne forte non
possis auferre iniquitates, et iterum: quanto maior es, tanto magis te
humilia et in conspectu domini inuenies gratiam, et rursum: ducem te
constituerunt? ne eleueris: esto inter eos quasi unus ex illis; unde et
apostolus quasi paruulum atque lactantem inter discipulos esse se dicit
-. quod que sequitur: lac comedebatis et lanis operiebamini, per
metaphoran~g pastorum, ad principes loquitur - de quibus et in alio loco
scriptum est: qui deuorant plebem meam sicut escam panis -; in lacte
omnes opes intellege, in lanis multiplicem uestium uarietatem. quod
autem dicitur: et quod crassum erat occidebatis, de diuitibus populi
loquitur quos mali principes in ecclesiis iugulare narrantur, dum eos
praedicant, et uitia eorum increpare non audent - de quibus et propheta
dicit: populus meus, qui beatos uos dicunt seducunt uos, et semitam
pedum uestrorum supplantant, de quibus et iacobus loquitur, quod, cum
ingressi fuerint ad eos, pretiosis circumdati uestibus et annulo aureo,
honorantur ab eis; et sanctis pauperibus dicitur: tu uero sede in
scabello, siue in terra, aut sta istic - quod infirmum est non
confortant siue consolidant - unde paulus loquitur: suscipite infirmos,
et: infirmum in fide assumite, et: multi inter uos infirmi et
aegrotantes, ad quos mittitur sermo diuinus de quo scriptum est in
psalmis: misit uerbum suum et sanauit eos, et eripuit eos de
corruptionibus eorum -; 'et quod fractum est' ait 'non alligant',
nequaquam mortalia in populis considerantes uulnera, qualis est adulter,
homicida, sacrilegus; 'et quod abiectum est, siue quod errare uiderint,
non reducunt', permittentes eos ab haereticis decipi; 'et quod perierit
non requirunt', non tam perditos saluare cupientes quam eos qui sunt in
ecclesiis deuorare, sed cum austeritate imperantes eis et cum potentia -
quod proprie ad supercilium episcoporum pertinet, eorum uidelicet qui
operibus dedecorant nominis dignitatem et pro humilitate assumunt
superbiam, ut honorem se putent consecutos, non onus, et quoscumque in
ecclesia uiderint praeponentes et dei habere sermonem, opprimere
nituntur; unde iuxta septuaginta scriptum est: et quod forte erat
affligebatis labore -. et dispersus est populus dei, uel uitiis uel
errore haeretico, eo quod non esset pastor bonus qui poneret animam suam
pro ouibus, sed omnes mercenarii qui lucra tantum de gregibus
considerant et, cum lupum uiderint, fugiunt; quorum neglegentia grex
domini deuoratur a bestiis agri - de quibus scriptum est: posuisti
tenebras et facta est nox: in ipsa pertransibunt omnes bestiae agri,
catuli leonum rugientes, ut rapiant et quaerant a deo escam sibi -. et
disperguntur, et errant in cunctis montibus qui eleuantur contra
scientiam dei, et uniuerso colle excelso qui per haereticam superbiam
ecclesiasticam despiciunt simplicitatem, et super omnem faciem terrae
disperguntur terrena, non caelestia requirentes: et non erat qui
requireret, nec qui reduceret, quia deliciis occupati, gregis dominici
damna non curant. unde ad malos pastores sermo fit domini, 'quia ista et
ista fecistis' quae supra exposui et quae secundo enumerat. 'ecce ego
ipse ad pastores ueniam et requiram gregem meum de manu eorum, quibus
expedit ut mola asinaria alligetur ad collum, quam ut minimum
scandalizent de populo meo; et haec erit eorum poena uel maxima: ut
ultra non pascant gregem meum ne, sub occasione ouium, seipsos pascant
et opes congregent; et liberabo populum meum de ore eorum'. 'requiram'
inquit 'de manu', et 'liberabo de ore', quo auidis faucibus deuorantur;
cum autem requisierit oues, uisitat eas quasi aegrotantes atque
macilentas et pastorum neglegentia dissipatas; et liberabit de omnibus
locis in die nubis et caliginis - de qua loquitur et ioel: adest dies
domini, et prope est; dies tenebrarum et caliginis, dies nubis et
nebulae -. tunc educuntur de terris, ut inducantur in terram suam quae
est terra uiuentium, et ipse eas pascat in montibus israel - de quibus
loquitur dauid: leuaui oculos meos in montes, unde ueniet auxilium mihi
-, et non solum in montibus, sed in riuis et in cunctis sedibus terrae,
in pascuis uberrimis et in monte excelso - de quo esaias et michaeas
plenius uaticinantur -, siue in montibus excelsis, israel; ibi
requiescent in herbis uirentibus - et dicent: dominus pascit me, et
nihil mihi deerit: in loco pascuae ibi me collocauit, super aquam
refectionis educauit me -, et pascentur in pascuis pinguissimis super
montes israel. et infinita promissio spes que beatitudinis, quando ipse
dominus pollicetur dicens: 'ego pascam oues meas et nequaquam eas
committam malis pastoribus, et ego eas accubare faciam, dicit dominus
deus, ut requiescant in sinu abraham, isaac et iacob'. tunc quod
perierat in gentium populis, requiretur, et quod errauerat in
haereticorum persuasione, reducetur, et quod confractum fuerat,
alligabitur, et quod contritum atque infirmum, consolidabitur - ut
impleatur quod scriptum est: qui sanat infirmitates eorum, et alligat
contritiones eorum. cor enim contritum et humiliatum deus non spernit;
unde et sanctus loquitur: sana me, quoniam conturbata sunt ossa mea, et
in tricesimo septimo psalmo, paenitens: non est, inquit, pax ossibus
meis a facie peccatorum meorum -. et quod pingue, ait, erit et forte
custodiam, ne uoretur a bestiis; et pascet oues suas in iudicio, sciens
cui oui, quae pascua debeantur - diuersae enim sunt mansiones apud
patrem. et non iudicat pater quemquam, sed omne iudicium dedit filio -.
haec autem aduersum pastores locutus est. nunc loquitur ad oues, id est
ad populum, et ad utriusque pecoris gregem, id est ouium et caprarum, et
non solum ad oues et capras, sed ad arietes et hircos qui sunt in
gregibus principes; quibus ait: 'nonne uobis satis erat quod bonis
scripturarum pascuis uescebamini? sed insuper reliquias pascuarum
uestrarum conculcabitis pedibus, et, cum aquam eloquiorum dei purissimam
biberetis, reliquas aquas pedibus turbabatis, ut populus meus
conculcatas a uobis pascuas et turbidas aquas manducaret et biberet, et,
uestro uitio, quod per se bonum erat, corruptum uiolatum que
susciperet'. quod et omnes quidem haeretici faciunt, ut carpant eloquia
scripturarum, et quantum in se est maculent; sed ecclesiastici uiri qui
dogmatum non custodiunt ueritatem, sed de suo corde confingunt magistram
que habent praesumptionem suam, simili errore retinentur; qui cum
populo persuaserint uera esse quae fingunt, et in theatralem modum
plausus concitauerint, et clamores immemores fiunt imperitiae suae, et,
adducto supercilio libratis que sermonibus atque trutinatis, magistrorum
sibi assumunt auctoritatem. uideamus igitur quid sit iudicium inter
pecus et pecus et quo iudicio iudicet eos bonus pastor et uerus, qui
accepit omne iudicium a patre: ecce, inquit, ipse ego iudico inter pecus
pingue et macilentum (siue inter forte et infirmum): fortes enim
lateribus et humeris suis impingunt atque collidunt infirma pecora et
cornibus uentilant, nescientes in lege taurum cornupetam debere puniri;
impingebant autem lateribus et cornibus uentilabant, donec dispergerent
et eicerent oues foras: superbia enim maiorum et praepositorum
iniquitate frequenter pelluntur ecclesia, ut dispergantur a domino quos
ipse saluauit; sed non dimittet eos ultra dominus in rapinam, et
iudicabit inter pecus et pecus: non inter nomina dignitatum quibus
tument praepositi, sed inter hominem et hominem, iuxta id quod uterque
seruus est domini. tunc suscitabit pastorem unum - qui dicit in
euangelio: ego sum pastor bonus -, seruum suum dauid - secundum id quod
formam serui est dignatus assumere; qui 'dauid' interpretatur 'fortis
manu' -; ipse pascet eos.
et dominus erit eis in deum - uel filius et pater, uel certe pastor
iuxta assumptam carnem. 'dominus' autem et 'deus', iuxta: 'uerbum', quod
erat in principio apud 'deum' -. qui dauid, proficientibus pecudibus in
rationale animal, nequaquam pastor uocabitur sed princeps in medio
eorum - de quo scriptum est: medium uestrum stat, quem uos ignoratis -.
tunc ponet cum eis pactum pacis - nequaquam bellorum atque discordiae
quia: factus est in pace locus eius, sed pacis christi: quae exsuperat
omnem sensum - qui dicit: pacem meam do uobis, pacem meam relinquo
uobis; et cessare faciet bestias pessimas de terra - mitius: uel
perturbationes quibus animae uexantur humanae, uel aduersariae
potestates a quibus impugnantur -, et qui habitant in deserto securi
dormient in saltibus - dominus enim: reuelabit condensa siluarum et in
templo eius omnes dicent gloriam. eiectis autem bestiis et redacta terra
in solitudinem, ab istiusmodi animantibus securi dormient et dicent:
dominus illuminatio mea et salus mea, quem timebo? -; et ponet eos, qui
securi dormient, in circuitu montis uel collis sui, et erunt benedictio;
tunc dabit imbrem in tempore suo, et pluuiae benedictionis erunt - quas
in deuteronomii benedictionibus pollicetur -. et dabit, inquit, lignum
uitae - de quo in genesi scriptum est -, lignum que sapientiae - de quo
dicitur: lignum uitae est omnibus qui assumunt ea -: dabit autem fructum
suum quando et terra dederit fructum suum, siue ligna regionum,
sanctorum plurima multitudo; et terra dabit germen suum: ueritas enim de
terra orta est; et erunt in terra sua absque timore, siue in spe pacis,
in terra uiuentium - terra mansuetorum de qua scriptum est: beati
mites, quoniam ipsi possidebunt terram -, ut rerum omnium felicitate
cognoscant quod ipse sit dominus, quando contriuerit catenas uel
circulum ferreum iugi eorum quo quasi grauissimo premebantur imperio, et
eruerit eos de manu imperantium, siue seruitute affligentium eos:
seruus est enim unusquisque eius a quo uincitur. et nequaquam erunt
ultra in rapinam daemonicis gentibus, nec bestiae terrae deuorabunt eos
de quibus diximus, sed habitabunt confidenter absque ullo terrore iuxta
superiorem expositionem. et suscitabo, inquit, eis germen nominatum
(siue plantationem pacis) - quae loquitur in euangelio: ego sum uitis
uera -, et non erunt ultra imminuti fame in terra - ergo fames in
terrenis est; fames autem audiendi sermonem dei, quae, sub pastore bono,
et germine nominato atque omnium sermone celebrato, et plantatione
pacis, nequaquam erit in terra -, neque amplius opprobriis gentium
subiacebunt - ut dicant: ubi est dominus deus eorum? -; et scient post
haec omnia, quod non solum ipse sit dominus - quod et supra quoque
dixerat -, sed cum additamento quod dominus omnium proprie deus eorum
sit cum eis - qui dicit in euangelio ad apostolos: ecce ego uobis cum
sum cunctis diebus, usque ad consummationem saeculi -; cum autem fuerit
ipse dominus deus eorum, tunc et ipsi erunt populus eius: non quilibet,
sed qui meruerint appellari domus israel. ac ne putaremus uniuersa quae
dicta sunt, ad pastores et oues hircos que et arietes pertinere, soluit
aenigma, immo metaphoran~g, et ponit manifestius: uos autem oues meae,
et oues pascuae meae homines estis; omnis igitur sermo de hominibus est,
ad quos dicit: ego dominus deus uester, dicit dominus deus.
35. et factus est sermo domini ad me, dicens: fili hominis, pone
(siue conuerte) faciem tuam aduersum montem seir, et prophetabis de eo
(siue ad eum), et dices illi: haec dicit dominus deus: ecce ego ad te,
mons seir; et extendam manum meam super te, et dabo te desolatum atque
desertum. urbes tuas demoliar (siue in urbibus tuis faciam solitudinem),
et tu desertus eris, et scies quia ego sim dominus. eo quod fueris
inimicus sempiternus, et concluseris filios israel in manus gladii (siue
et assederis domui israel fraudulenter in manu gladii) in tempore
afflictionis eorum, in tempore iniquitatis extremae; propterea, uiuo
ego, dicit dominus deus, quoniam sanguini tradam te (siue quoniam in
sanguine peccasti), et sanguis te persequitur, et cum sanguinem oderis,
sanguis persequitur te. et dabo montem seir desolatum et desertum, et
auferam de eo euntem et redeuntem (siue homines et iumenta), et implebo
montes eius occisorum suorum (siue uulneratorum) in collibus tuis, et in
uallibus tuis atque torrentibus interfecti gladio cadent. in
solitudines sempiternas tradam te, et ciuitates tuae non habitabuntur,
et scietis (siue scies) quoniam ego sum dominus. eo quod dixeris: duae
gentes et duae terrae (siue regiones) meae erunt, et hereditate
possidebo eas, cum dominus esset ibi; propterea, uiuo ego, dicit dominus
deus, quia faciam iuxta iram (siue inimicitiam) tuam, et secundum zelum
tuum quem fecisti, odio habens eos, et notus efficiar tibi cum
iudicauero te; et scies quia ego sum dominus. audiui uniuersa opprobria
tua (siue uocem blasphemiarum tuarum) quae locutus es (siue quia locutus
es) de montibus israel: deserti nobis dati sunt ad deuorandum. et
insurrexistis super me ore uestro (siue magnifice locutus es super me
ore tuo), et rogastis aduersum me (siue uociferati estis contra me)
uerba uestra; ego audiui. haec dicit dominus deus: laetante uniuersa
terra, in solitudinem te redigam; sicuti gauisus es super hereditate
domus israel, eo quod fuerit dissipata, sic faciam tibi: dissipatus
(siue desertus) eris, mons seir, et omnis idumaea, et scient quia ego
sum dominus. (illud autem quod in lxx additum est: et consumentur, in
hebraico non habetur). si semper in prophetis esset sermo dei et iuge in
pectore eorum haberet hospitium, numquam crebro hiezechiel poneret: 'et
factus est sermo domini ad me dicens', sed quia ob humanam fragilitatem
et uitae huius necessitates interdum recedebat ab eis, propterea
ioannes baptista loquitur: qui misit me baptizare, ipse dixit mihi:
super quem uideris spiritum sanctum in specie columbae descendentem et
manentem in eo, ipse est - numquam enim proprium esset in christo quod
additur: et manentem in eo, nisi ab aliis nonnumquam recederet -,
alioquin et ad moysen loquitur deus: auferam de spiritu qui in te est -
quem utique non haberet nisi ad eum a domino descendisset -. omnis autem
istius capituli prophetia est contra montem seir - filiorum uidelicet
esau et edom, qui graece et nostra lingua appellantur idumaei, eo quod,
in tempore necessitatis et angustiae quando iudas capiebatur a
babyloniis, insultauerint eis, et, eiecto populo iudaeorum, sibi
putauerint terram traditam ad possidendum, et non solum non susceperint
suos filios, uidelicet iacob fratris sui, sed persecuti sint et
concluserint in manus gladii; unde manifestius interpretatus est
symmachus: sanguinem tuum odisti et sanguis persequitur te -.
prophetatur autem quod et ipse capiendus sit et redigendus ad
solitudines sempiternas, et rerum fine cognoscat esse iudicem deum, eo
quod dixerit: duae gentes et duae regiones meae sunt - uel idumaeorum et
iudaeorum, uel certe iudae et israel, duarum uidelicet et decem tribuum
-. et locutus es de montibus israel, dicens: deserti nobis dati sunt ad
deuorandum, non considerans quod haec contra deum blasphemia
redundaret; unde sequitur: laetante uniuersa terra, in solitudinem te
redigam; et est sensus: 'cum omnis terra iudaea receperit pristinum
statum, tu permanebis in solitudine sempiterna' - quod que infertur:
sicuti gauisus es super hereditate domus israel, eo quod fuerit
dissipata, sic faciam tibi, in septuaginta non habetur, sed sub
asteriscis de theodotionis editione additum est -. omnis autem ira dei
illuc proficit contra montem seir, ut cum fuerit dissipatus, et ipse et
uniuersa idumaea cognoscant quia ipse sit dominus. haec iuxta historiam,
et sensum magis quam uerba cursim dixerim; transibo ad anag�g�n~g, et
studio breuitatis pauca perstringam. pone, inquit, (siue conuerte)
faciem tuam aduersum montem seir; et significanter ait 'conuerte': ab
alia prophetia ad aliam prophetiam, 'faciem' autem: non corporis sed
animi - de qua dicit et apostolus: nos autem omnes reuelata facie
gloriam domini contemplantes -; mons autem 'seir', qui interpretatur
'hispidus' et 'pilosus', contraria fortitudo accipienda est, quae
praesidebat genti filiorum esau et se contra populum 'iuda', id est
'confessionis' et uerae fidei, erexerat - quod si prudens lector
opposuerit quomodo in isto loco 'seir', hoc est 'hispidus' et 'pilosus',
intellegatur in malam partem cum helias quoque uir pilosus dictus sit,
breuiter respondebo: de esau scriptum esse quod rufus fuerit et quasi
pellis hispidus, de helia uero quod uir tantum pilosus: in esau, qui
sanguinarius et cruentus, pelli hispidae comparatur, mortalium operum et
ipsius mortis indicium est, in helia uirilitatis augmentum, quamobrem
et habitatio eius in solitudine et conuersationis austeritas, non solum
uirum sed et uirum fortissimum demonstrabat; porro iacob, qui
supplantauerat esau et primogenita eius acceperat, quia simpliciter
habitabat domum et non erat uenator, sicut gigas nembroth, idcirco leuis
appellatur et nitidus -. uideamus ergo quid dici praecipiat deus ad
montem, siue contra montem seir: 'ecce ego ad te, mons seir, non mittam
angelos, nec aliis utar ministris, sed ipse ad te ueniam; et extendam
manum meam super te, ut habitum percutientis assumam, et dabo te
desolatum atque desertum, ut, qui male habitabaris et plurimos habebas
impietatis tuae socios, intantum ut et urbes exstrueres imperium que
tibi proprium uindicares, nunc, desolatus cum urbibus tuis - quas et
hieremias destruere iubetur atque suffodere ut bonas pro eis exstruat
ciuitates -, in eo proficias, ut scias quod ego sim dominus quem ante
solitudinem tui nosse non poteras'. omnis autem causa peccati: quod
fuerit inimicus sempiternus; unde dicit et psalmus: irascimini et nolite
peccare, ut cito conciliemur inimicis et odia caritate mutemus; sed non
talis mons seir, qui super inimicitias sempiternas conclusit, siue
obsedit, filios israel dolo in manu gladii; ex quo intellegimus:
quicumque gladium arripuerit contra filios dei et dolose aliquid egerit
et obsederit eos, habere in manu gladii montem seir in tempore
iniquitatis extremae: quando dies pessimi sunt, et: mundus in maligno
positus est, et: multiplicata iniquitate refrigescit caritas multorum.
est autem et aliud peccatum montis seir: ut, quoniam oderat sanguinem
iustorum quem singulis per singulis persecutionibus cupiebat effundi, ab
ipso sanguine sustineat persecutionem - unde et sub altari sanctorum
animae clamitant et ultionem a domino sui sanguinis deprecantur -. et
auferuntur de monte seir euntes et redeuntes, id est omnis habitator,
siue homines et iumenta quae saluantur in ecclesia - de quibus scriptum
est: homines et iumenta saluos facies, domine -; quod in monte seir
utrumque deletur, ut et hi qui uidentur aliquid habere rationis, et illi
qui simplici fide contenti sunt, deo iubente dispereant. et implentur
montes eius uulneratorum et occisorum; et non solum montes, qui ad
impietatis uerticem peruenerunt, sed colles quoque, hoc est inferiores
discipuli montis seir, et ualles, quae in ima depressae sunt, siue
torrentes, qui turbidas habent aquas et hinc inde collectas uenientes
que de superbia, uel, iuxta septuaginta, campos, qui medii inter colles
et ualles sunt: hi omnes interfecti cadent gladio domini et extentae
manus atque percutientis, ut redigantur in solitudines sempiternas; et
si quae erant ciuitates, hoc est conciliabula malae habitationis, et
ipsae dispereant et desinant in malam partem habere consensum, et
diuidantur linguae eorum ne turrem blasphemiae contra deum possint
exstruere; et, redactae in solitudinem atque desertum, cognoscant quod
ipse sit dominus. nec sufficit monti seir tanta dixisse tanta que
fecisse quae praeteritus sermo narrauit, sed hoc quoque per superbiam
locutus est: 'duae gentes et duae terrae (siue regiones) meae sunt: et
idumaea uidelicet et iudaea, et haereticos et ecclesiasticos, pariter
possidebo'. 'et hoc' inquit 'dixisti, cum dominus esset ibi, qui suo
populo praesidebat'. propterea iurat dominus et dicit: 'uiuo ego, dicit
dominus deus, quod, iuxta iram tuam qua saeuiebas in populum dei, et
zelum tuum quo persequebaris christi familiam, odio habens eos quos
possidere cupiebas, cum te percussero et iudicauero, tunc tibi notus
efficiar. et scies quod opprobria tua atque blasphemias non alio
referente cognouerim, sed ipse audierim quae locutus es contra montes
israel, dicens: deserti nobis dati sunt ad deuorandum montes israel' -
moysen, prophetas, apostolos debemus accipere, quos haeretici et
haereticorum princeps diabolus sibi putant traditos ad deuorandum,
quando aut rarus aut nullus in ecclesia reperitur qui possit pugnare pro
montibus domini et eorum lacerationem sua uoce defendere -. 'et
insurrexistis' inquit 'super me ore uestro, siue magnifice locuti estis,
non, ut putatis contra montes, sed per illos aduersum me, et rogastis,
siue clamastis, aduersum me; omnes enim preces uestrae, o mons seir et
socii montis seir - - de quibus supra dictum est: implebo montes eius et
colles et ualles et campos (siue torrentes) -, fuerunt aduersum me:
nequaquam preces et orationes, ut putatis ad deum, sed clamor
uociferationis atque blasphemiae'. unde et dominus comminatur et dicit:
'sicuti gauisus es super hereditate domus israel quando tuis
persecutionibus dissipata est atque lacerata et in toto orbe dispersa,
sic faciam tibi: laetante enim uniuersa terra uiuentium terra que
sanctorum, et omnibus conuersis ad seruitutem dei, tu dissipatus eris,
mons hispide, mons pilose, et omnis idumea - opera uidelicet terrena et
cruori et sanguini dedita -, ut tunc cognoscas quod ipse sim dominus qui
alibi sum locutus: ego sum dominus deus uester'.
36. tu autem, fili hominis, propheta super montes israel, et
dices: montes israel, audite uerbum domini.
haec dicit dominus deus: eo quod dixerit inimicus de uobis: euge,
altitudines (siue solitudines) sempiternae in possessionem datae sunt
nobis; propterea uaticinare et dic: haec dicit dominus deus: pro eo quod
desolati estis et conculcati per circuitum (siue pro eo quod dispersi
estis ab his qui in circuitu uestro sunt), et facti in hereditatem (siue
in possessionem) reliquis gentibus, et ascendistis super labium linguae
et opprobrium populis (siue gentibus); propterea, montes israel, audite
uerbum domini dei: haec dicit dominus deus montibus et collibus,
torrentibus uallibus que et desertis, parietinis (siue dissipatis) et
urbibus derelictis, quae depopulatae sunt et subsannatae (siue
conculcatae) a reliquis gentibus per circuitum. propterea haec dicit
dominus deus: quoniam in igne zeli mei locutus sum de reliquis gentibus,
et de idumaea uniuersa, qui dederunt terram meam sibi in hereditatem
cum gaudio et toto corde et ex animo et eiecerunt eam ut uastarent (siue
cum gaudio despicientes animas ut subuerterent eas in uastatione),
idcirco [ait] uaticinare super terram israel, et dices montibus et
collibus, iugis et uallibus: haec dicit dominus deus: ecce ego in zelo
meo et in furore meo locutus sum, eo quod confusionem (siue opprobria)
gentium sustinueritis; idcirco haec dicit dominus deus (siue adonai
dominus): ego leuaui (siue leuabo) manum meam, ut gentes quae in
circuitu uestro sunt, ipsae confusionem (siue ignominiam) suam portent;
uos autem, montes israel, ramos uestros (siue uuas uestras) germinetis,
et fructum uestrum afferatis populo meo israel, prope est enim ut
ueniat. quoniam ecce ego ad uos, et conuertar ad uos (siue respiciam
uos), et arabimini et accipietis sementem; et multiplicabo in uobis
homines, omnem que domum israel, et habitabuntur ciuitates et ruinosa
instaurabuntur (siue deserta aedificabitur). et replebo uos hominibus et
iumentis, et multiplicabuntur et crescent; et habitari uos faciam sicut
a principio, bonis que donabo maioribus quam habuistis ab initio, et
scietis quia ego sum dominus. et adducam (siue generabo) super uos
homines, populum meum israel, et hereditate possidebunt te (siue uos),
et eris (siue eritis) eis in possessionem, et non addes ultra ut absque
eis sis (siue et non addetis ultra ut absque liberis uos faciant). haec
dicit dominus deus: pro eo quod dixerunt de uobis (siue tibi):
deuoratrix hominum es, et suffocans gentem tuam; propterea homines non
comedes amplius, et gentem tuam non necabis ultra, ait dominus deus. nec
auditam faciam in te (siue in uobis) amplius confusionem (uel
ignominiam) gentium, et opprobria populorum nequaquam portabis (siue
portabitis), et gentem tuam non amittes amplius (siue gens tua absque
liberis ultra non erit), dicit dominus deus. supra ponitur prophetae
facies, siue conuertitur, aduersum montem seir; hic filius hominis
loquitur ad montes, siue super montes, israel qui iubentur dei audire
sermonem, et, ut parumper differam tropologiam, totius ad montes israel
prophetiae breuiter hic sensus est: 'quia insultauit uobis inimicus, hoc
est mons seir, et putauit quod in perpetuum ipse uos possideret et
altitudines quondam domini nunc desertas cessisse sibi in hereditatem,
et non solum dixit sed et aliquanto tempore uos possedit intantum ut
superbe loqueretur contra uos, opprobrium essetis cunctis gentibus,
propterea haec dicit dominus deus, non solum monti seir, sed et montibus
eius et collibus, torrentibus, uallibus et desertis atque uastatis et
urbibus derelictis: quoniam in igne zeli sui et aduersum omnes quidem
gentes, sed praecipue contra idumaeam locutus sit, quae cum ceteris'
inquit 'gentibus tenuit terram meam in possessionem, et possedit gaudio,
et toto corde possedit, ut eiceret habitatores de ea, terram que
uastaret. propterea loquere' ait 'propheta super terram israel, et dices
montibus et collibus et iugis - pro quibus septuaginta napas~g
interpretati sunt, quae nos nemorosa intellegimus loca -, et uallibus:
haec dicit dominus deus: in zelo et in furore meo opprobrii uestri ultor
existam: et leuabo manum meam, ut gentes quae in circuitu uestro sunt,
ignominiam et confusionem suam portent; uos autem, o montes israel,
secundum pristinum statum germinetis, uirgulta ramos que mittatis -
siue, iuxta septuaginta, afferatis uuas -, quibus populus meus saturetur
israel; quod non putetis post longum tempus futurum, prope est, instat
et ueniet tempus. ac ne uobis uideatur hoc esse difficile, ipse ego
ueniam ad uos et, qui a uobis recesseram, conuertar ad uos, ut pristinam
culturam recipiatis et semente omnia compleantur, ita ut multi in uobis
sint homines, et habitentur ciuitates quae prius destructae fuerant. et
non solum homines multiplicabo, sed et iumenta aeque multiplicabuntur
et crescent; et habitari uos faciam sicut a principio, quando, moyse
duce, trans iordanem duae et semis tribus acceperunt possessionem et,
sub iesu filio naue, aliae nouem et semis tribus terram iudaeam
possederunt; bonis que uos donabo multo maioribus quam fuistis ab initio
priusquam captiuitates uarias sentiretis; et cum hoc uobis fecero, tunc
cognoscetis quod ego sim dominus. et impleberis' inquit 'o terra
israel, populo meo qui te hereditate tenturus est, et eris eis
possessio, et non addes ultra ut absque filiis sis. cum autem
multiplicatus fuerit uester habitator, o montes israel, tunc nequaquam
dicent inimici uestri contra uos quod homines deuoretis et absque
liberis sit uestra possessio, sed e contrario multiplicetis homines, et
largissimam prolem uestra posteritas germinet. nec audies' inquit
'amplius nec sustinebis confusionem gentium, sed nec amittes gentem tuam
ut aliquando sustineas captiuitatem, quoniam dominus locutus est'. haec
paraphrastik�s~g more iudaico dixerimus, quae illi exspectant in mille
annorum regno, quando ciuitatem hierusalem asserunt exstruendam et
templum, quod in fine huius uoluminis describitur, et rerum omnium
felicitatem, quorum nonnulli arbitrantur sub zorobabel haec fuisse
completa - sed quomodo stare poterit hoc quod dicitur: et habitari uos
faciam sicut a principio bonis que donabo maioribus quam habuistis ab
initio? sub zorobabel enim, ezra et neemia pauci de populo sunt reducti,
et ipsi, obedientes medis ac persis et deinceps macedonibus et
aegyptiis atque romanis, usque ad titum et uespasianum diuersarum
gentium regibus seruierunt et usque hodie seruiunt, ut stare omnino non
possit hoc quod in extrema dicitur prophetia: et opprobrium populorum
nequaquam portabis, et gentem tuam non amittes amplius -; et quia longum
est nunc aduersum dogma iudaicum et beatitudinem uentri et gutturi
iudaico seruientem, qui omnia terrena desiderant et dicunt: manducemus
et bibamus - de quibus et apostolus loquitur: esca uentri et uenter
escis: deus autem et hunc et illa destruet -, in breui explanatione
dicere, nunc ad spiritalem intellegentiam transeamus, iuxta quam et
esaiae extremas partes interpretati sumus; neque enim iuxta iudaicas
fabulas, quas illi deuter�seis~g appellant, gemmatam et auream de caelo
exspectamus hierusalem nec rursum passuri circumcisionis iniuriam nec
oblaturi taurorum et arietum uictimas nec sabbati otio dormiemus - quod
et multi nostrorum, et praecipue tertulliani liber qui inscribitur 'de
spe fidelium' et lactantii 'institutionum' uolumen septimum, pollicetur,
et uictorini pictabionensis episcopi crebrae 'expositiones' et nuper
seuerus noster in dialogo cui 'gallo' nomen imposuit, et, ut graecos
nominem et primum extremum que coniungam, irenaeus et apollinaris -. nos
ergo montes israel, prophetas et apostolos esse dicimus qui audiunt
uerbum dei et quibus diabolus insultauit inimicus, dicens: 'euge,
excelsi quondam montes - de quibus scriptum est: montes in circuitu
eius, et dominus in circuitu populi sui - mihi dati sunt in
possessionem, quando persecutionis angustiis desolati sunt et conculcati
per circuitum, et facti in hereditatem reliquis gentibus et ab omnibus
blasphemati'. propterea loquitur dominus conculcatis montibus et
desolatis, et non solum montibus, sed et inferioribus ac per singulos
gradus in terra iudaea, hoc est in monte ecclesiae, constitutis - de qua
scriptum est: non potest ciuitas abscondi super montem posita -, et
collibus atque torrentibus, quorum hieme persecutionum et tempestate
pressurae augetur fides, uallibus quoque his qui in humilitate depressi
sunt, et desertis ecclesiis, et parietinis, atque in toto orbe
ecclesiarum conciliabulis derelictis - qualis sub diocletiano et
maximiano in toto orbe persecutio fuit, per quam proscriptae sunt
ecclesiae atque uastatae, quando subsannauerunt ecclesiam omnes
gentilium et haereticorum gentes per circuitum -: quod igne zeli furoris
sui locutus sit; et proprie aduersum idumaeam quae terrenis operibus
uolebat omnes, deposita imagine caelestis, portare imaginem terreni:
illi enim dederunt terram dei sibi in hereditatem, et ex toto corde
atque ex animo ecclesiam domini persecuti sunt et eiecerunt eam de
sedibus suis et uastauerunt. sed quid profuit nationibus, quid iuuit
haereticorum gentes insultasse terrae domini, cum dominus loquatur ad
eam, et montibus illius collibus que ac iugis siue nemorosis locis, quae
amoenitate uirebant paradisi, et collibus, de quibus supra diximus, in
zelo et in furore suo locutus sit, et pro opprobrio gentium leuet manum
suam contra aduersarios qui ecclesiam persecuti sunt, ut portent
confusionem et ignominiam suam?: tunc, persecutoribus interfectis et
pace ecclesiae reddita, montes israel, apostoli uidelicet et apostolici
uiri, germinabunt arbores suas et extendent ramos, uuas que afferent
calcandas in prelo domini, de quibus musta funduntur quae inebrient
credentium populos, et exprimitur uinum quod laetificat cor hominis, ut
omnis fructus montium, de quibus conficitur panis de caelo descendens,
comedatur a populo dei israel. et ne forsitan desperemus in
persecutionibus, additur: prope est tempus ut ueniat - ueniens enim
ueniet et non tardabit -; unde suum, ad montes et ad eos qui in
tribulationibus perdurarunt, pollicetur aduentum, atque promittit quod,
post persecutionis ardorem, exerceatur terra prius decerpta christi
uomere, et omnem uirtutum sementem recipiat de qua nascantur et
multiplicentur homines et omnis domus israel. cum que ciuitates, hoc est
ecclesiae credentium, fuerint inhabitatae redeuntibus turbis, tunc
nequaquam solum homines qui pollebunt scientiam scripturarum, sed et
iumenta simplices quique credentium, multiplicabuntur atque succrescent;
et habitabuntur ecclesiae sicut a principio, hoc est priusquam esset
persecutio, bonis que florebunt maioribus quam habuerunt ab initio,
martyrum uictoriis coronatae. et tunc scient quod ipse sit dominus qui
restituit plebem suam pristino statui quae possideat ecclesias et ipsa
sit ecclesiarum hereditas, et nequaquam ultra absque liberis sit quos in
persecutione perdiderat. unde iubetur prophetae ut loquatur ad terram
mansuetorum terram que uiuentium, siue ad montes israel, et dicat:
'persecutorum ultra non patieris opprobrium, nec insultabunt iugulatum
populum tuum sicut oues occisionis; pace enim reddita, opprobria
uniuersa cessabunt, nec sustinebis confusionem et ignominiam inter
diuersas in circuitu nationes, sed gentem tuam habebis et populum, quia
ueritas promissionis, domino loquente, firmata est'. et factum est
uerbum domini ad me, dicens: fili hominis, domus israel habitauerunt
(siue habitauit) in terra sua, et polluerunt eam in uiis suis et in
studiis (siue idolis) suis; iuxta immunditiam menstruatae facta est uia
eorum coram me. et effudi indignationem meam (siue furorem meum) super
eos, pro sanguine quem effuderunt super terram; in idolis suis
polluerunt eam. et dispersi eos in gentes, et uentilati sunt (siue
uentilaui eos) in terras (siue in regiones); iuxta uias eorum et
adinuentiones (siue peccata) eorum iudicaui eos. et ingressi sunt ad
gentes ad quas introierunt, et polluerunt nomen sanctum meum, cum
diceretur de eis: populus domini iste est, et de terra eius egressi
sunt. et peperci nomini meo sancto (siue peperci eis propter nomen
sanctum meum), quod polluerat domus israel in gentibus ad quas ingressi
sunt. idcirco dices domui israel: haec dicit dominus deus: non propter
uos ego faciam, domus israel, sed propter nomen sanctum meum, quod
polluistis in gentibus ad quas intrastis; et sanctificabo nomen meum
magnum quod pollutum est inter gentes, quod polluistis in medio earum,
ut sciant quia ego sum dominus, dicit dominus exercituum, cum
sanctificatus fuero in uobis coram eis. tollam quippe uos de gentibus,
et congregabo de uniuersis terris, et adducam uos in terram uestram; et
effundam (siue aspergam) super uos aquam mundam, et mundabimini ab
omnibus inquinamentis uestris, et ab uniuersis idolis uestris mundabo
uos. et dabo uobis cor nouum, et spiritum nouum ponam in medio uestri
(siue dabo uobis), et auferam cor lapideum de carne uestra, et dabo
uobis cor carneum; et spiritum meum ponam in medio uestri (siue dabo
uobis), et faciam ut in praeceptis meis (siue in iustificationibus meis)
ambuletis, et iudicia mea custodiatis et operemini (siue faciatis) ea.
et habitabitis in terra quam dedi patribus uestris, et eritis mihi in
populum et ego ero uobis in deum. et saluos uos faciam ex uniuersis
inquinamentis (siue immunditiis) uestris, et uocabo fructum et
multiplicabo illum, et non imponam (siue dabo) uobis famem. et
multiplicabo fructum ligni et genimina agri, ut non portetis ultra
opprobrium famis in gentibus. et recordabimini uiarum uestrarum
pessimarum, studiorum que non bonorum, et displicebunt uobis iniquitates
uestrae et scelera uestra. non propter uos faciam, ait dominus deus;
notum sit uobis: confundimini et erubescite super uiis uestris, domus
israel. haec dicit dominus deus: in die qua mundauero uos ex omnibus
iniquitatibus uestris, et habitari fecero urbes et instaurauero ruinosa,
et terra deserta fuerit exculta quae quondam erat desolata in oculis
omnis uiatoris, dicent: terra illa inculta (siue deserta) facta est ut
hortus uoluptatis, et ciuitates desertae et destitutae atque suffossae
munitae sederunt. et scient gentes quae derelictae fuerint in circuitu
uestro, quia ego dominus aedificaui dissipata et plantaui inculta; ego
dominus locutus sim et fecerim. haec dicit dominus deus: adhuc in hoc
inueniet me domus israel (siue quaerar domui israel) ut faciam eis:
multiplicabo eos sicut gregem hominum (siue ut oues homines), ut gregem
sanctum (siue ut oues sanctas), ut gregem (siue oues) hierusalem in
solemnitatibus eius: sic erunt ciuitates desertae et plenae gregibus
(siue ouibus) hominum, et scient quia ego sum dominus. perspicua sunt
quae dicuntur, et omnis sensus montium israel, qui prius deserti fuerant
et postea restituti, nunc manifestius ponitur, reddit que causas deus
quare populum israel captiuitati tradiderit, et propter suam clementiam
pollicetur reducturum se eos in terram iudaeam, et multo ampliora
tributurum quam abstulerat - quod quidam iudaeorum referunt ad zorobabel
tempora, quando, cyro rege persarum laxante captiuitatem eorum, de
tribu iuda et beniamin plurimi reducti sunt in iudaeam; alii uero ad
mille annorum regnum referunt, quando sub christo, quem putant esse
uenturum, et ciuitas exstruatur hierusalem et aedificetur templum, de
quo in ultima parte huius prophetiae dicturi sumus -. et interim, ut
iudaicas fabulas relinquamus et interminabiles genealogias, iuxta
consuetudinem nostram breuiter perikop�n~g huius capituli percurramus,
et quid nobis uideatur iuxta ecclesiasticam intellegentiam disseramus.
domus israel, hoc est populus iudaeorum, habitauit quondam in terra sua,
hoc est in terra iudaeae, quando educta est de aegypto; sed polluerunt
eam in uiis et in studiis, siue idolis, suis; et intantum exstitere
polluti, ut immunditiae mulieris menstruatae comparati sint. propter
quod deus effundit indignationem suam super eos pro sanguine prophetarum
atque iustorum quem fuderunt super terram - dicente in euangelio
saluatore: hierusalem hierusalem, quae occidis prophetas et lapidas eos
qui ad te missi sunt, et iterum: amen, amen dico uobis: requiretur
sanguis qui effusus est a generatione hac, a sanguine abel iusti, usque
ad sanguinem zachariae filii barachiae quem effuderunt inter altare et
templum -; non solum autem effuderunt sanguinem, sed et polluerunt
terram sceleribus suis; quamobrem dispersit eos, uel sub babylonia
captiuitate, uel sub romana quando uere effuderunt sanguinem christi, et
uentilati sunt in terras quomodo paleae uentilantur, et iuxta uias suas
et inuentiones pessimas iudicati, ita ut in gentibus quoque ad quas
captiui ducti fuerant polluerunt nomen sanctum dei, eo quod per
irrisionem dicerent uniuersae nationes: 'ecce populus dei iste est, qui
se iactabat proprie nosse cultum dei'. 'quod cum uidissem,' ait 'non
propter eos, sed propter nomen meum sanctum - creator enim omnium sum -
peperci eis; et sanctificaui illos et gloriae pristinae restitui, ita
ut, super credentes et ab errore conuersos, effunderem aquam mundam
baptismi salutaris, et mundarem eos ab abominationibus suis et ab
uniuersis erroribus quibus fuerunt occupati; et darem eis cor nouum, ut
crederent in filium dei, et spiritum nouum' - de quibus loquitur dauid:
cor mundum crea in me, deus; et spiritum rectum innoua in uisceribus
meis -. et considerandum quod cor nouum et spiritus nouus detur post
effusionem et aspersionem aquae; quando autem cor nouum datum fuerit et
spiritus nouus, tunc auferetur de corde iudaico omnis duritia quae
lapidi comparatur, et pro lapideo corde fit cor carneum, molle et
tenerum, quod spiritum dei in se possit recipere et inscribi litteris
salutaribus; tunc ambulabunt in praeceptis domini et custodient iudicia
eius. et habitabunt in terra confessionis, quam dederat patribus eorum
abraham, isaac et iacob et cunctis sanctis ac prophetis, et erunt in
populum dei et dominus erit eis in deum, quod praesenti tempore
comprobatur. cum que saluati fuerint, uocabit dominus frumentum et
multiplicabit illud - nisi enim granum tritici cadens in terram mortuum
fuerit, ipsum solum manet -, et nequaquam patientur famem - non famem
panis et sitim aquae, sed famem audiendi sermonis dei - quam passus est
ille qui, a patre profectus, omnem quam acceperat substantiam
dissipauit, quando, famis necessitate cogente, porcorum pastus est
siliquis. tunc multiplicabitur fructus ligni - hoc est sapientiae, de
quo scriptum est: lignum uitae est omnibus qui requirunt eam - et
genimina agri - in similitudinem iacob, cuius odor erat: quasi odor agri
pleni cui benedixit dominus -, nec ultra portabunt opprobrium famis in
gentibus quod hodieque iudaeorum patitur incredulitas; sed, postquam
beatitudinem fuerint consecuti, imitabuntur apostolum qui dicit: non sum
dignus uocari apostolus, quia persecutus sum ecclesiam dei. et
recordabuntur uiarum suarum pessimarum et studiorum non bonorum quibus
offenderant deum, et displicebunt eis iniquitates suae et scelera sua
quibus prius errauerant. haec autem omnia tributurus est dominus, non
propter eos qui proprio errore perierunt, sed propter nomen sanctum
suum, unde prouocat domum israel ut confundatur et erubescat super
prioribus uitiis, et suum intellegat creatorem. postquam autem
mundauerit credentium ex iudaeis populum ab iniquitatibus suis, et
habitari fecerit urbes ecclesiae et instaurauerit ruinosa quae in
synagogis conciderant, et terra confessionis fuerit exculta caeremoniis
dei quae quondam uisa est desolata omnibus sanctis qui terrenae
conuersationis opera praetereunt, tunc omnes dicent: 'quomodo terra
iudaea, quae quondam fuerat inculta, nunc habet similitudinem paradisi
dei, et ciuitates iudaeae, quae desertae fuerant et destitutae et sua
incredulitate suffossae, nunc erectae et munitae sunt in confessione et
nomine domini saluatoris?'; ita ut omnis creatura cognoscat et
multitudines angelorum quae terram ambiunt israel, quod dominus
dissipatas aedificauerit ciuitates, et incultas plantauerit regiones, et
quod pollicitus fuerit per prophetas opere compleuerit. nec hoc erit
liberalitatis suae in populum quem saluauerit contentus munere, sed
multo maiora praestabit: inuenietur enim a domo israel, qui multo
tempore quaesitus fuerat et non inuentus, et, postquam inuenerit eum:
multiplicabit eos sicut oues, non brutorum animantium sed oues hominum -
qui rationis confessionis que sunt pleni -, sicut oues sanctas, et
gregem hierusalem - in qua proprie dei cultus et uisio pacis est -, in
solemnitatibus eius - quando comedimus azyma sinceritatis et ueritatis,
et agni carnibus uescimur et cruore potamur, et in septem hebdomadibus
et in tabernaculis huius saeculi domini domini, festa celebramus -, ut
ciuitates, quondam desertae, plenae fiant gregibus hominum, et hac
ratione cognoscant quod ipse sit dominus qui cuncta praestiterit. haec
iuxta historiae ueritatem, immo iuxta prophetiae fidem, quomodo populus
israel restituatur in integrum statum, et reliquiae populi iudaeorum,
apostolo paulo docente, saluae sint in apostolis et in omnibus qui ex
iudaeis in principio crediderunt et usque hodie redeunt ad ecclesiam,
breuiter dixisse sufficiat; nunc tropologiae eadem breuitate aperiendus
est sensus. quicumque de domo est israel et cernit pacem christi: quae
exsuperat omnem sensum, habitat in terra sua ecclesia uel in carnis
hospitio quod ei a deo traditum est; sin autem polluerit utramque terram
in uiis suis pessimis et immunditiae mulieris menstruatae fuerit
comparatus, effundit deus indignationem suam super eum, pro sanguine,
uel suo uel eorum quos scandalizauerit et effuderit super terram, et
peruersis cogitationibus quibus polluit eam. tunc dispergetur in gentes
ut incredulis nationibus coaequetur, et uentilabitur in terra instar
palearum ut a frumento ecclesiae separetur, et iudicetur secundum uias
suas; quod si nec sic senserit peccatum suum sed polluerit nomen sanctum
eius, dicent omnes inter quos habitauerit: 'ecce populus dei, ecce qui
egressus est de terra eius, immo proiectus'. 'sin autem egerint
paenitentiam et sanctificatus fuero in medio eorum, tunc omnis gentium
turba cognoscet quod ego eos tollam de terris in quas dispersi erant, et
reducam in terram ecclesiae; et effundam super illos nequaquam aquas
baptismi salutaris sed aquas doctrinae et sermonis dei, et mundabo illos
ab omnibus inquinamentis suis et ab uniuersis idolis atque erroribus
quae in suo corde simulauerint. et dabo' inquit 'eis cor nouum quod per
peccatum perdiderant, et spiritum rectum innouabo in cordibus eorum, et
auferam cor lapideum, cor uidelicet incredulum, et dabo cor carneum,
molle et tenerum quod dei praecepta suscipiat, ita ut ambulent in
praeceptis meis et faciant iudicia quae prius neglexerant. et habitent
in terra quam dederam patribus eorum, magistris uidelicet atque
doctoribus, et rursum sit populus dei et dominus eis uertatur in deum
quem prius offenderant. tunc saluabuntur ab uniuersis inquinamentis
suis, et multiplicabitur eis frumentum de quo efficitur caelestis panis,
et non patientur ultra famem sermonis dei. et multiplicabitur in eis
lignum sapientiae, et genimina in eorum pectore complebuntur, nec erunt
ultra opprobrium in gentibus. sed, postquam misertus eorum fuerit deus,
recordabuntur uiarum suarum pessimarum, et scient ubi fuerint, et
displicebunt sibi in iniquitatibus suis'; quod dicit dominus, non
propter illos, sed propter suam se facere clementiam. unde et cohortatur
errantes ut confundantur et erubescant in uiis suis, et restituantur in
urbes ecclesiae quae rursum habitentur ab eis, et omnia quae in eis
corruerant aedificentur, et ad pristinas redeant caeremonias, et terra
quondam deserta, quae accolis et peregrinis et mundi huius
conuersationem transeuntibus uisa fuerat desolata, reuertatur in
pristinum statum, omnes que mirentur et dicant: 'terra illa inculta,
terra deserta in qua omnes quondam periere uirtutes, nunc facta est
quasi hortus uoluptatis et paradisus dei', et ciuitates quondam
desertae, quae deum hospitem non habebant et destitutae erant a spiritu
sancto et suffossae incredulitate, munitae erunt fide christi, ut sciant
omnes in circuitu, quod dominus aedificauerit animas dissipatas, et
plantauerit in eis atque conseuerit cunctarum uirtutum arbores, et ipse
rebus praestiterit qui sermone promisit. rursum que cohortatur sermo
propheticus paenitentes, ut, etiam cum regressi fuerint in ecclesias,
semper requirant dominum et inueniant eum, ut multiplicentur redeuntium
turbis greges domini, non iumentorum et brutorum animantium, sed greges
hominum qui fidei rationis que sint pleni, greges sancti, greges urbis
hierusalem, in cunctis solemnitatibus quas dei clementia receperunt, ut,
postquam ciuitates domini huiuscemodi gregum multitudo compleuerit,
tunc sciant omnes quod ipse sit dominus.
37. facta est super me manus domini, et eduxit me in spiritu
domini, et dimisit me in medio campi qui erat plenus ossibus; et
circumduxit me per ea in gyrum: erant autem multa ualde super faciem
campi, sicca que uehementer. et dixit ad me: fili hominis, putas ne
uiuent ossa ista? et dixi: domine deus, tu nosti. et dixit ad me:
uaticinare de ossibus istis, et dices eis: ossa arida, audite uerbum
domini; haec dicit dominus deus ossibus his: ecce ego intromittam in uos
spiritum et uiuetis, et dabo super uos neruos et succrescere faciam
super uos carnes, et superextendam in uobis cutem, et dabo uobis
spiritum, et uiuetis, et scietis quia ego dominus. et prophetaui sicut
praeceperat mihi. factus que est sonitus, prophetante me, et ecce
commotio; et accesserunt ossa ad ossa, unumquodque ad iuncturam suam. et
uidi, et ecce super ea nerui et carnes ascenderunt, et extenta est in
eis cutis desuper, et spiritum non habebant. et dixit ad me: uaticinare
ad spiritum; uaticinare, fili hominis, et dices ad spiritum: haec dicit
dominus deus: a quattuor uentis ueni, spiritus, et insuffla super
interfectos istos, et reuiuiscant. et prophetaui sicut praeceperat mihi,
et ingressus est in ea spiritus; et uixerunt, steterunt que super pedes
suos, exercitus grandis nimis ualde. et dixit ad me: fili hominis, ossa
haec uniuersa domus israel est; ipsi dicunt: aruerunt ossa nostra et
periit spes nostra, et abscisi sumus. propterea uaticinare et dices ad
eos: haec dicit dominus deus: ecce ego aperiam tumulos uestros, et
educam uos de sepulcris uestris, populus meus, et inducam uos in terram
israel; et scietis quia ego dominus, cum aperuero sepulcra uestra et
eduxero uos de tumulis uestris, populus meus, et dedero spiritum meum in
uobis et uixeritis, et requiescere uos faciam super humum uestram, et
scietis quia ego dominus: locutus sum et feci, ait dominus deus. (lxx:
et facta est super me manus domini, et eduxit me in spiritu domini, et
posuit me in medio campi et hic erat plenus ossuum hominum; et
circumduxit me super ea per gyrum in circuitu: et ecce multa nimis super
faciem campi, et arida uehementer. et dixit ad me: fili hominis, si
uiuent ossa haec? et dixi: domine, domine, tu nosti haec. et dixit ad
me: fili hominis, propheta super ossa ista, et dices eis: ossa arida,
audite uerbum domini; haec dicit dominus deus ossibus istis: ecce ego
adducam super uos spiritum uitae, et dabo super uos neruos et inducam
super uos carnes, et extendam super uos pellem, et dabo uobis spiritum
meum, et uiuetis, et cognoscetis quoniam ego sum dominus. et prophetaui
sicut praecepit mihi. et facta est uox, cum ego prophetarem, et ecce
commotio; et accedebant ossa ad ossa ad iuncturam suam. et uidi, et ecce
super ea nerui et carnes oriebantur, et ascendebant super ea pelles
desuper, et spiritus non erat in eis. et dixit ad me: propheta super
spiritum, propheta, fili hominis, et dic spiritui: haec dicit dominus
dominus: a quattuor spiritibus ueni, spiritus, et insuffla super mortuis
istis, et uiuant. et prophetaui sicut praeceperat mihi, et ingressus
est in eos spiritus; et uixerunt, et steterunt in pedibus suis,
congregatio multa uehementer nimis. et locutus est dominus ad me,
dicens: fili hominis, ossa haec omnis domus israel est; ipsi dicunt:
arida facta sunt ossa nostra, periit spes nostra, desperauimus.
propterea uaticinare, et dic ad eos: haec dicit dominus dominus: ecce
ego aperiam memorias uestras, et reducam uos de sepulcris uestris,
populus meus, et introducam uos in terram israel; et cognoscetis quoniam
ego sum dominus, cum aperuero sepulcra uestra ut educam uos de
sepulcris uestris, populus meus, et dabo spiritum meum in uobis et
uiuetis, et ponam uos super terram uestram, et cognoscetis quod ego sim
dominus: locutus sum et faciam, dicit dominus dominus). famosa est
uisio, et omnium ecclesiarum christi lectione celebrata; ob quam uel
maxime causam utramque editionem ex integro posui, ne qua nobis ab
hebraeis calumnia fieret si saltem in uerbis aliquid discreparent -
solent enim ridere de nobis et attollere supercilium, et inflatis buccis
ructare scientiam scripturarum si non dicam sensuum discrepantiam -
quae si fuerit, iure reprehenditur - sed uerborum dissonantiam in
nostris codicibus potuerunt demonstrare -. qui ergo putant de
resurrectione - quae ab omnibus et iudaeis et christianis creditur -,
dei esse sermonem, haec solent dicere: facta est super prophetam manus
domini, hoc est dominus atque saluator, per quem pater cuncta operatus
est - omnia enim ab eo facta sunt, et sine ipso factum est nihil quod
factum est -. et eduxit me, inquit, in spiritu domini, subauditur manus
domini; eduxit autem eum in spiritu: non in corpore sed extra corpus, et
posuit illum, siue dimisit, in medio campi qui plenus erat humanis
ossibus; nec eum est passa requiescere, sed fecit ossa omnia circuire
quae non erant operta humo sed super campum iacentia: nec solum multa,
sed multa nimis et, propter temporis uetustatem, arida sicca que
uehementer et nihil in se umoris habentia. cum que interrogasset eum
sermo diuinus utrum aestimaret haec ossa posse uiuere, respondit:
'domine deus, tu nosti, qui plenam habes scientiam futurorum'. dixit que
ad eum dominus: uaticinare de ossibus (siue super ossa haec), et dices
ad ea: ossa arida, audite uerbum domini. in quo mirandum quomodo ad ossa
arida sit locutus, quae ante neruos, carnes et cutem et spiritum
uiuificantem, dei possent audire sermonem; primum que ossa cum aliis
ossibus neruorum uinculis colligantur, deinde implentur carnibus, et
desuper ob pulchritudinem extenditur cutis quae nudarum carnium operiat
foeditatem, et tunc accipiunt spiritum qui uiuere ea faciat, ut,
postquam uixerint, tunc cognoscant quod ipse sit dominus. dicente itaque
propheta quod ei fuerat imperatum, statim est facta commotio; ossa que
in suam sunt applicata compagem, astricta neruis, plena carnium, pelle
cooperta; iacebant que humana corpora spiritum non habentia. idcirco
propheta uaticinatur ad spiritum, et ait: haec dicit dominus deus: a
quattuor uentis ueni, spiritus - a quattuor uidelicet mundi plagis, ut,
quomodo in prima conditione hominis: insufflauit deus in faciem eius et
factus est in animam uiuentem, sic et secunda conditio, id est
resurrectio mortuorum, insufflante spiritu, uiuificetur -, qui ingressus
est humana corpora, statim que uixerunt steterunt que super pedes suos -
unde et resurrectio dicitur mortuorum 'congregatio', siue ecclesia,
'multa' et, ut in hebraeo habetur, 'grandis exercitus'; eo que completur
tempore: emitte spiritum tuum et creabuntur, et renouabis faciem terrae
-. quod autem sequitur: et dixit ad me: fili hominis, ossa haec
uniuersa domus israel est, uidetur facere quaestionem, eo quod non de
generali resurrectione sed proprie de resurrectione dicatur domus
israel, quae dicat: 'aruerunt ossa nostra et periit spes nostra, et
abscisi sumus a terra nostra' siue 'omnino desperauimus'; quibus ista
dicentibus, tertio hiezechiel prophetare compellitur et dicere ossibus
aridis: haec dicit dominus deus: ecce ego aperiam tumulos uestros, in
quo quaeritur, si aperit tumulos, quomodo supra dixerit: erant autem
multa ualde super faciem campi, sicca que uehementer. et educam, inquit,
uos de sepulcris uestris, populus meus - secundum illud quod scriptum
est in euangelio: uenit hora quando, qui in sepulcris sunt, audient
uocem filii dei; et exibunt, qui bona egerunt in resurrectionem uitae,
et iterum: qui audierint, uiuent -. et si, ut nonnulli arbitrantur, de
generali resurrectione dicit sermo diuinus, quid necesse fuit
specialiter dici: et inducam uos in terram israel, cum in omni orbe
terrarum resurgere debeant mortui ex his locis in quibus sepulti sunt?
cum que , ait, eduxero uos de tumulis uestris et dedero spiritum meum in
uobis et uixeritis, tunc: 'requiescere uos faciam super humum uestram,
ut, postquam requieueritis in terra israel, tunc cognoscatis quod ipse
sim dominus qui promissa mea opere compleuerim'.
qui ergo de generali resurrectione haec dicta intellegunt, illud, quod
uidetur facere quaestionem: ossa haec uniuersa domus est israel, ad
sanctorum resurrectionem referunt - de qua et apostolus ioannes in
apocalypsi loquitur: beatus et sanctus qui habet partem in resurrectione
prima; super eum secunda mors non habet potestatem -, quod uidelicet
alia sanctorum, alia peccatorum sit resurrectio - unde et in psalmo
primo dicatur: non resurgent impii in iudicio, neque peccatores in
consilio iustorum -; terram autem israel, quam resurgentibus dominus
pollicetur, illam esse confirmant de qua scriptum est: beati mites,
quoniam ipsi possidebunt terram, et: placebo domino in regione
uiuentium. haec loquuntur qui de generali, ut diximus, resurrectione
hiezechielem scripsisse autumant. qui autem aliter interpretantur, ista
memorabunt: non debet nobis facere inuidiam, quod, istum locum aliter
exponentes, resurrectionem negare uideamur: scimus enim multo robustiora
testimonia, et in quibus nulla sit dubitatio, in scripturis sanctis
reperire - ut est illud iob: suscitabis pellem meam, quae ista sustinet,
et in daniel: multi qui dormiunt in terrae puluere resurgent, isti in
uitam aeternam, et isti in opprobrium et in confusionem aeternam, et in
euangelio: nolite timere eos qui corpus interficiunt et animam non
possunt occidere; timete autem eum magis qui potest et animam et corpus
perdere in gehenna, et in apostolo paulo: qui uiuificabit mortalia
uestra corpora propter inhabitantem spiritum eius in uobis, et multa
alia -; ex quo perspicuum est non nos resurrectionem negare, sed haec
non scripta de resurrectione contendere et, per resurrectionis
parabolam, de restitutione israel prophetari qui eo tempore captiuus
erat in babylone. nec statim haereticis occasionem dabimus, si haec de
resurrectione communi intellegi denegemus: numquam enim poneremur
similitudo resurrectionis ad restitutionem israelitici populi
significandam, nisi staret ipsa resurrectio et futura crederetur - quia
nemo de rebus non exstantibus incerta confirmat -; tota que nostra illo
tendit assertio, quod, quomodo uidetur incredulum quod ossibus aridis et
multa uetustate confectis futura resurrectio promittatur et tamen
futurum est quod promittitur, sic et restitutio populi israel, qui
ductus est in captiuitatem et in toto orbe dispersus, uidetur quidem
incredibilis his, qui dei non norunt potentiam, sed tamen futura est:
'quia ego' inquit 'dominus locutus sum et faciam sicut pollicitus sum'.
denique et anterioris prophetiae in quibus montibus israel antiquus
repromittitur status, et dicit ad eos dominus: et conuertar ad uos, et
arabimini et accipietis sementem; et multiplicabo in uobis homines,
omnem que domum israel, et rursum quod domus israel habitatura sit in
terra sua quae, quondam inculta, postea futura sit quasi hortus
uoluptatis, et ciuitates desertae et destitutae muniantur, et
multiplicentur in eis domus israel sicut grex ouium, et cetera quae
sequuntur, ad eundem sensum pertinere quae nunc sub tropologia et
parabola dicitur aridorum ossuum et penitus nullum umorem uitae
habentium - impleto illo quod in euangelio scriptum est: quae apud
homines impossibilia uidentur, apud deum possibilia sunt -; eiecti sunt
autem de sepulcris suis, de sepulcris captiuitatis et uinculis quibus
seruitute babylonia tenebantur astricti. sed haec omnia iudaei uel sub
zorobabel, ut prius dixi, expleta confirmant, quando magna est facta
commotio et regnum chaldaeorum in medos persas que translatum, uel in
praesentia christi sui, quem putant esse uenturum. nos autem
spiritaliter post crucem domini saluatoris completa memoramus et cotidie
fieri, in his uel maxime qui, instar lazari peccatorum suorum fasciis
colligati, ad uocem domini suscitantur, et uere sunt domus israel arens
quondam et nullam spem habens salutis, sed, intrante in se spiritu
gratiae et porrigente domino manum, de profundo inferi liberentur; et
qui prius dixerant: domine deus, tu nosti, haec postea audiant liberati:
modicae fidei, quare dubitasti?
et factus est sermo domini ad me, dicens: et tu, fili hominis,
sume tibi lignum unum et scribe super illud: iudae et filiorum israel
sociis eius. et tolle lignum alterum et scribe super illud: ioseph -
lignum ephraim - et domus israel sociorum que eius. et adiunge illa unum
ad alterum tibi in lignum unum; et erunt in unione in manu tua. cum
autem dixerint ad te filii populi tui, loquentes: nonne indicas nobis
quid in his tibi uelis? loqueris ad eos: haec dicit dominus deus: ecce
ego assumam lignum ioseph - quod est in manu ephraim - et tribus israel
quae iunctae sunt ei, et dabo eas pariter cum ligno iuda et faciam eas
lignum unum, et erunt unum in manu eius. erunt autem ligna super quae
scripseris, in manu tua in oculis eorum, et dices ad eos: haec dicit
dominus deus: ecce ego assumam filios israel de medio nationum ad quas
abierunt, et congregabo eos undique, et adducam eos ad humum suam, et
faciam eos gentem unam in terram in montibus israel; et rex unus erit
omnibus imperans, et non erunt ultra duae gentes, nec diuidentur amplius
in duo regna. neque polluentur ultra in idolis suis et abominationibus
et in cunctis iniquitatibus suis, et saluos eos faciam de uniuersis
sedibus suis in quibus peccauerunt, et mundabo eos, et erunt mihi
populus, et ego ero eis deus. et seruus meus dauid rex super eos, et
pastor unus erit omnium eorum; in iudiciis meis ambulabunt, et mandata
mea custodient et facient ea. et habitabunt super terram quam dedi seruo
meo iacob, in qua habitauerunt patres uestri; et habitabunt super eam,
ipsi et filii eorum et filii filiorum eorum usque in sempiternum, et
dauid seruus meus princeps eorum in perpetuum. et percutiam illis foedus
pacis, pactum sempiternum erit eis, et fundabo eos et multiplicabo; et
dabo sanctificationem meam in medio eorum in perpetuum, et erit
tabernaculum meum in eis [et ero eis deus, et ipsi erunt mihi populus];
et scient gentes quia ego dominus sanctificator israel, cum fuerit
sanctificatio mea in medio eorum in perpetuum. (lxx: et factus est sermo
domini ad me, dicens: et tu, fili hominis, assume tibi uirgam unam et
scribe super eam: iudam et filios israel qui appositi sunt ei. et uirgam
secundam assumes tibi et inscribes eam: ioseph - uirgam ephraim - et
omnes filios israel qui appositi sunt ei. et coniunges eas inuicem tibi
in uirgam unam ut copules eas; et erunt in manu tua. et erit quando
dixerint tibi filii israel, loquentes: non indicas nobis quid sint ista
tibi? et dices ad eos: haec dicit dominus dominus: ecce ego assumam in
tribum ioseph - per manum ephraim - tribus israel quae adiunctae sunt
ei, et dabo omnes eos super tribum iuda et erunt in uirgam unam, et
erunt una in manu iuda. et erunt uirgae quas inscripsisti sic, in manu
tua coram eis, et dices eis: haec dicit dominus dominus: ecce ego
assumam omnem domum israel de medio gentium ad quas ingressi sunt, et
congregabo eos ex omnibus qui in circuitu eius sunt, et inducam eos in
terram israel, et dabo eos in gentem unam in terra mea in montibus
israel; et princeps unus erit omnium istorum in regem, et non erunt
ultra in duas gentes, nec diuidentur ultra in duo regna. et non
polluantur ultra in idolis suis et in offendiculis suis et in omnibus
impietatibus suis, et eruam eos ex omnibus iniquitatibus eorum in quibus
peccauerunt, et mundabo eos, et erunt mihi in populum: ego ero eis in
deum. et seruus meus dauid princeps in medio eorum, et pastor unus erit
omnium istorum, quia in praeceptis meis ambulabunt et iudicia mea
custodient et facient ea. et habitabunt in terra sua quam dedi seruo meo
iacob, ubi habitauerunt patres eorum; et habitabunt in ea, ipsi et
filii eorum et filii filiorum eorum usque in sempiternum, et dauid
seruus meus princeps eorum erit in perpetuum. et disponam eis
testamentum pacis, testamentum sempiternum erit cum eis, et dabo eos et
multiplicabo illos; et ponam sancta mea in medio eorum in perpetuum, et
erit tabernaculum meum in eis, et ero eis deus, et ipsi erunt mihi
populus; et scient gentes quia ego sum dominus qui sanctifico eos, cum
fuerit sancta mea in medio eorum in perpetuum). regum narrat historia
sub roboam filio salomonis duodecim tribus fuisse diuisas, et duas, hoc
est iudam et beniamin, cum leuitis ac sacerdotibus secutas esse roboam
qui regnauit in hierusalem: et regnum eius appellatum est iuda; alias
uero decem tribus - quae dixerunt: non est nobis pars in dauid, neque
hereditas in filio iesse - ieroboam filio nabath de tribu ephraim, qui
fuit filius ioseph, submisisse ceruices et seruisse ei: appellatas que
ex magna parte populi antiquo nomine israel; et multo tempore regnum
iuda et israel aduersum se habuisse certamina propriis que paruisse
regibus, primas que decem tribus captas ab assyriis, et, post aliquantum
temporis, eas, quae appellabantur iuda, a chaldaeis in babylonem ductas
esse captiuas; et tribum iuda post annos septuaginta antiquae terrae
redditam, decem autem tribus, quae uocabantur israel, usque hodie in
montibus urbibus que medorum seruire captiuatas. praesens igitur
prophetia haec ex ore domini pollicetur: quod utrumque sibi iungatur
imperium, hoc est regnum iudae et regnum israel, tollatur que uirga
ephraim, qui de ioseph stirpe generatus est, cum reliquis tribubus quae
ei sociatae sunt, et iungatur uirgae iuda, ut nequaquam uocetur iuda et
israel sed uno nomine appellentur iuda et, sub figura prophetae qui
praecedit in typo domini saluatoris, nequaquam duabus manibus sed una
christi teneantur manu. dicit enim se assumere filios israel de medio
nationum ad quas captiui ducti sunt, et reducturum eos in terram et in
montes israel - de quibus supra legimus -, et appellandam unam gentem;
unius que regis regendam imperio, ut ultra non polluantur in idolis et
abominationibus suis; sed, cum fuerint de captiuitatis sedibus liberati
in quibus peccauerant, omnibus uitiis esse mundandos et futuros populum
dei, ita ut dominus sit deus eorum.
et seruus, inquit, meus dauid rex super eos - de quo et angelus loquitur
in euangelio, quod regnaturus sit super domum iacob et regni eius non
sit finis -; tantae que erit clementiae, ut non solum rex sed et pastor
appelletur, quo superbum nomen imperii, pastoris uocabulum mitiget; qui,
postquam fuerint in gentem unam, et in terra israel ac montibus
habitauerint, ambulaturi sint in omnibus iudiciis domini et praecepta
illius custodituri; habitaturi autem non in alia terra sed in ea quam
dedit seruo suo iacob, in qua habitauerunt patres eorum abraham, isaac
et iacob et reliqui sancti; et non solum ipsi habitaturi sint, sed et
filii eorum ac nepotes - iuxta illud uergilianum:
et nati natorum et qui nascentur ab illis -;
habitent que non ad breue tempus, sed in perpetuum. 'uultis autem'
ait 'scire quis sit iste rex et pastor? ipse est de quo supra dixi:
seruus meus dauid: qui, cum in forma dei esset, non est rapinam
arbitratus esse se aequalem deo, sed se exinaniuit, formam serui
accipiens, et factus est obediens patri usque ad mortem, mortem autem
crucis. cum que sub tali rege fuerint, percutiam illis foedus pacis':
nequaquam, ut in ueteri testamento, certaminum atque bellorum, sed
pactum pacis: quae exsuperat omnem sensum - de qua saluator loquitur ad
apostolos: pacem meam do uobis, pacem meam relinquo uobis, et propheta
dicit: factus est in pace locus eius -. quos cum in ecclesia fundauerit
et stabilierit - ita ut possint dicere: statuit supra petram pedes meos
-, tunc multiplicabuntur uel credentium numero uel multiplicatione
uirtutum. et dabo, inquit, sanctificationem meam (siue sanctuarium) in
medio eorum in perpetuum, quod iudaei de templo interpretantur quod sub
zorobabel exstructum est - sed quomodo stare poterit hoc quod dicitur
'in perpetuum', cum templum illud, quod a zorobabel exstructum est et
postea a multis instauratum, romano igne succensum sit? -. quae omnia
referenda sunt ad ecclesiam et ad tempora saluatoris, quando
tabernaculum eius positum est in ecclesia, ubi factus est deus noster et
nos populus eius. profectus que omnium est, ut sciant quod ipse sit
dominus; et ipse sanctificet israel, non iuxta carnem sed iuxta
spiritum, quando sanctificatio eius in medio credentium facta est in
perpetuum. quod autem dominus abiecerit tribum ephraim et elegerit
tribum iuda, et in psalmis legimus in quibus scriptum est: et repulit
tabernaculum ioseph, et tribum ephraim non elegit; sed elegit tribum
iuda, de qua scriptum est: non deficiet princeps ex iuda neque dux de
femoribus eius, donec ueniat cui repositum est; et ipse erit exspectatio
gentium: uere enim in aduentu domini saluatoris 'duae uirgae' et, ut in
hebraico positum est, 'duo ligna', in unum iuncta sunt sceptrum, et in
baptismate christi dudum separata sociantur, ut fiant in unum nouum
hominem et in unam gentem, neque polluantur ultra in idolis et
abominationibus sed, mundi lauacro, sint populus dei et imperet eis
christus, et habitent super terram mitium terram que uiuentium quam
dederat seruo suo iacob, qui populum israel in matris utero
supplantauit. sin autem uoluerimus, iuxta prophetiam osee quae pene
omnis ad decem tribus dirigitur id est ad ioseph et ephraim et samariam
et israel, intellegere falsi nominis scientiam et diuersas turbas
haereticorum, hoc dicemus: quod in ultimo tempore, quando subintrauerit
plenitudo gentium et omnis israel saluus fuerit, tunc etiam aduersarii
populi, qui contra domum iudae et confessionem ecclesiae pugnauerunt,
tradant se ecclesiasticae fidei, et, uniuersis erroribus derelictis et
principibus mundi istius qui destruuntur et patriarchis suis qui eos in
blasphemiarum barathrum deduxerunt, consurgant, et relinquant idola sua
et abominationes suas quas de suo corde confinxerant, et de cunctis
sedibus suis in quibus peccauerunt, transeant ad ecclesiasticam fidem,
et mundentur, et sint populus christi et ipse sit deus eorum; quae
plenius in osee propheta dictasse me noui. quod si iudaei et christiani
iudaizantes haec ad mille annorum uoluerint referre regnum, necessitate
cogentur ut suscipiant omnes qui salui fuerint habitaturos in terra
israel, aedificandam hierusalem, exstruendum templum, cunctas legis
caeremonias exercendas, obseruandum sabbatum, accipiendam circumcisionis
iniuriam, manducandum et bibendum, et diuitiarum abundantiam pro summa
beatitudine et cunctis opibus aestimandam, cum apostolus dicat: esca
uentri et uenter escis: deus autem et hunc et illas destruet; quomodo
autem in typo resurrectionis superior sermo propheticus restitutionem
iudaici populi demonstrauit non carnalem sed spiritalem, sic et ista
prophetia nequaquam ad carnis sed ad animae pertinet felicitatem et ad
christi fidem qua mundamur in baptismate, cuius regnum in perpetuum est,
ut non exspectemus uentura quae transacta sunt et cotidie transigi
nouimus.
38. et factus est sermo domini ad me, dicens: fili hominis, pone
faciem tuam contra gog et terram magog, principem capitis (siue ros)
mosoch et thubal, et uaticinare de eo, et dices ad eos: haec dicit
dominus deus: ecce ego ad te gog, principem capitis (siue ros) mosoch et
thubal, et circumagam te, et ponam frenum in maxillis tuis, et educam
(siue congregabo) te et omnem exercitum tuum, equos et equites uestitos
loricis uniuersos, multitudinem magnam hastam et clipeum arripientium et
gladium (siue peltas et galeas et gladios). persae et aethiopes et
libyes cum eis, omnes scutati et galeati; gomer et uniuersa agmina eius,
domus thogorma latera aquilonis (siue ab extremis aquilonis) et totum
robur eius, populi que (siue gentes) multae te cum. praepara et instrue
te et omnem multitudinem tuam quae coaceruata est ad te, et esto eis in
praeceptum (siue et eris mihi in custodiam). post dies multos
uisitaberis; in nouissimis annorum uenies ad terram, quae reuersa (siue
peruersa) est a gladio et congregata est de populis multis ad montem
(siue terram) israel qui fuerunt deserti iugiter: hic de populis eductus
est, et habitabunt confidenter uniuersi. ascendens autem quasi
tempestas uenies et quasi nubes, ut operias terram, tu et omnia agmina
tua et populi (siue gentes) multae te cum. haec dicit dominus deus: in
die illa ascendent sermones secundum cor tuum, et cogitabis cogitationem
pessimam, et dices: ascendam ad terram (siue super terram) absque muro
(siue abiectam), ueniam ad quiescentes habitantes que secure (siue in
pace); omnes habitant sine muro, uectes et portae non sunt eis; ut
diripias spolia et inuadas praedam, et inferas manum tuam super eos qui
deserti fuerant et postea restituti, et super populum qui est
congregatus ex gentibus, qui possidere coepit et esse habitator umbilici
terrae. saba et dedan et negotiatores tharsis (siue carthaginienses) et
omnes leones (siue uillae) eius dicent tibi: numquid ad sumenda spolia
tu uenis? ecce ad diripiendam praedam congregasti multitudinem tuam, ut
tollas argentum et aurum, auferas supellectilem atque substantiam, et
diripias manubias infinitas. propterea uaticinare, fili hominis, et
dices ad gog: haec dicit dominus deus: numquid non in die illo cum
habitauerit populus [meus] israel confidenter (siue in pace) scies (siue
consurges)? et uenies de loco tuo a lateribus (siue a nouissimis)
aquilonis, tu et populi multi te cum, ascensores equorum uniuersi,
coetus magnus et exercitus uehemens. et ascendes super populum meum
israel quasi nubes ut operias terram. in nouissimis diebus eris (siue
erit), et adducam te super terram meam, ut sciant omnes gentes me, cum
sanctificatus fuero in te in oculis eorum, o gog. haec dicit dominus
deus: tu ergo ille es de quo locutus sum in diebus antiquis, in manu
seruorum meorum prophetarum israel qui prophetauerunt in diebus illis
atque temporibus (siue annis), ut adducerem te super eos. et erit in die
illa, in die aduentus gog super terram israel, ait dominus deus,
ascendet indignatio mea in furore meo. et in zelo meo, in igne irae meae
locutus sum, quia in die illa erit commotio magna super terram israel,
et commouebuntur a facie mea pisces maris et uolucres caeli et bestiae
agri (siue campi), et omne reptile quod mouetur super humum, cuncti que
homines qui sunt super faciem terrae; et subuertentur (siue scindentur)
montes et cadent maceriae (siue ualles), et omnis murus in terram
corruet. et conuocabo aduersum eum in cunctis montibus meis gladium
(siue omnem formidinem gladii), dicit dominus deus; gladius
uniuscuiusque (siue hominis) in fratrem suum dirigetur. et iudicabo eum
peste (siue morte) et sanguine et imbre uehementi et lapidibus immensis
(siue grandinis); ignem et sulphur pluam super eum, et super exercitum
eius (siue super omnes qui cum eo sunt), et super populos multos qui
sunt cum eo, et magnificabor et sanctificabor et notus ero in conspectu
gentium multarum, et scient quia ego sum dominus. primum historiae
fundamenta iacienda sunt, sciendum que quod ad hiezechiel prophetam iste
extremus sermo sit domini; neque enim post hunc simile quid possumus
inuenire, praeter illud quod in uicesimo quinto anno scriptum est
transmigrationis iechoniae: facta est super me manus domini, et adduxit
me illuc, hoc est in terram israel, quando aedificatio templi
describitur et caeremoniarum eius ordo narratur. dein obseruandum quod
ponitur, siue offirmatur, facies prophetae contra gog terram, siue
terrae magog; offirmatione enim et multa consideratione uultus opus est,
ut quae dicuntur nosse possimus, secundum illud apostolicum: nos autem
omnes reuelata facie gloriam domini contemplantes, in eandem imaginem
reformamur, a gloria in gloriam, quasi a domini spiritu. igitur iudaei
et nostri iudaizantes putant gog gentes esse scythicas immanes et
innumerabiles quae trans caucasum montem et maeotim paludem et propter
caspium mare ad indiam usque tendantur - et has post mille annorum
regnum esse a diabolo commouendas -, quae ueniant in terram israel ut
pugnent contra sanctos, multis se cum gentibus congregatis: primum
mosoch quos iosephus interpretatur cappadoces; dein thubal quos idem
iberos uel hispanos, hebraei italos suspicantur, habentes se cum in
exercitu persas, aethiopes et libyas; gomer quoque et thogorma quos
galatas et phrygas interpretantur; sabaeos quoque et dedan et
carthaginienses siue tharsis; et hoc esse, quod ioannes quoque in sua
ponit apocalypsi: et cum finiti fuerint mille anni, soluetur satanas de
custodia sua, et egredietur ut seducat gentes in quattuor angulis
terrae, gog et magog, ut congreget eos ad bellum: quorum numerus est
sicut arena maris.
et ascenderunt per latitudinem terrae, et circumdederunt castra
sanctorum et ciuitatem dilectam. et descendit ignis a deo de caelo, et
deuorauit eos; et diabolus qui seducebat eos missus est in stagnum ignis
et sulphuris, ubi erat bestia et pseudopropheta, et cruciabuntur diebus
et noctibus in saecula saeculorum, non intellegentes totum uolumen
ioannis, quod reuelationis titulo praenotatur, esse mysticum, et
reuelatione nos indigere ut possimus cum propheta dicere: reuela oculos
meos, et considerabo mirabilia de lege tua. alii uero terrenum sensum
relinquentes et iudaicas atque aniles fabulas quae noxiae sunt, et
acquiescentes sibi detrahunt in profundum, nimium ad alta conscendunt et
multo peiores fingunt nenias, ut in caelesti hierusalem diaboli et
omnis exercitus eius bella describant ut sub etumologiais~g gentium
singularum interpretentur spiritalia nequitiae in caelestibus. quae nos
omnia lectoris arbitrio concedentes, non tam aliena damnare quam
ecclesiasticam explanationem affirmare conabimur. 'gog' graeco sermone
d�ma~g, latino 'tectum' dicitur; porro 'magog' interpretatur 'de tecto' -
omnis igitur superbia et falsi nominis scientia quae eregit se contra
notitiam ueritatis, his nominibus demonstratur -; ista sunt tecta de
quibus et esaias loquitur in uisione contra uallem sion: quid tibi
factum est nunc, quoniam ascenditis omnes in tecta uana?; 'tectum' que
interpretabimur haereticorum principes, et 'de tecto' eos qui illorum
suscepere doctrinas; et pulchre, post multas et mysticas in hoc uolumine
prophetias, extremum uaticinium est contra gog et magog - si enim:
tempus iudicii est, iuxta petrum, ut incipiat a domo dei, et iuxta hunc
eundem hiezechielem qui ait: et a sanctis meis incipite, et: nouissimus
inimicus destruitur mors, in esaia quoque primus sermo fit contra
iudaeam in qua confessio domini est, et extremus contra quadrupedes quae
in deserto sunt; recte et hic nouissimus sermo fit contra gog et magog
qui oppugnant ciuitatem dei, quam: fluminis impetus laetificat, et quae
in esaia dicit: ego ciuitas firma quae oppugnatur, et de qua in
euangelio scriptum est: non potest ciuitas abscondi super montem posita,
et plenius in psalmo: hierusalem quae aedificatur ut ciuitas cuius
participatio eius in idipsum. montes in circuitu eius, et dominus in
circuitu populi sui -. porro quod in exercitu gog siue magog qui, iuxta
septuaginta, symmachum et theodotionem, princeps est ros, mosoch et
thubal, primam gentem 'ros' aquila interpretatur 'caput', quem et nos
secuti sumus - ut sit sensus: principem capitis mosoch et thubal; et
reuera nec in genesi, nec in alio scripturae loco, nec in iosepho quidem
qui omnium hebraicarum gentium in primo antiquitatum libro exponit
nomina, hanc gentem potuimus inuenire, ex quo manifestum est 'ros' non
'gentem' significare sed 'caput'; illud quoque breuiter annotandum, quod
in hiezechiel gog princeps terrae magog esse dicatur, apocalypsis uero
et gog et magog nationes esse commemoret quae egrediantur de quattuor
angulis terrae, et quomodo a iacob qui postea appellatus est israel
omnis populus hebraeorum israel sortitus est nomen, et ab aram syria, a
mesraim aegyptus, quorum in genesi scripta sunt nomina, sic et a
principe gog omnes qui ei subditi sunt magog appellantur -; 'mosoch'
autem interpretatur 'amentia', et 'thubal' 'tota' uel 'omnia':
'princeps' igitur et 'caput superbientis amentiae et omnium malorum' -
iuxta illud quod scriptum est: mundus in maligno positus est -, 'gog' et
'magog' appellantur - quae gentes, inimicae aduersariae que sanctorum,
egrediuntur ab angulis terrae, rectam lineam relinquentes et
dispositionem castrorum dei quae narratur in numeris, et illud
testimonium nescientes: multi de oriente et occidente et septemtrione et
meridie uenient, et discumbent cum abraham, isaac et iacob in regno
dei, et in alio loco: dicam aquiloni: affer; et africo: noli prohibere,
adduc filios meos de terra longinqua et filias meas ab extremo terrae,
omnes qui uocati sunt nomine meo; sed non tales anguli terrae de quibus
egrediuntur gog et magog: iuxta quos angulos stat meretrix in
prouerbiis, quae praetereuntes stultos iuuenes per plateas, per latam
uidelicet et spatiosam uiam quae ducit ad mortem, decipere festinat:
scribae quoque et pharisaei orant in angulis platearum ut ab hominibus
uideantur, qui receperunt mercedem suam -. quae est igitur contra gog
comminatio? 'circumagam te (siue conuertam), et ponam frenum in maxillis
tuis: primum a sententia tua fluctuare te faciam atque conuerti, et
ponam frenum in maxillis tuis - de quo scriptum est: in freno et camo
maxillas eorum constringe, qui non approximant ad te -, ut indomitus
equus atque lasciuiens et corruens per praecipitia, freno domini
subiugetur' - ad quem propheta dicit: ascendes super equos tuos et
equitatio tua salus, et ad iob per nubes et turbinem dicitur: tu
circumdedisti equo fortitudinem? tales erant equi et equites quorum
multitudinem ioannes uidit in caelo -. dicit ergo ad gog: educam (siue
congregabo) te et omnem exercitum (uel fortitudinem) tuam; qui educitur
et de dispersione congregatur, retrahitur ad salutem - iuxta illud quod
in lege promittitur: si fuerit dispersio tua a summitate caeli usque ad
summitatem eius, inde congregabo te -. equos quoque eius et equites
uestitos loricis - qui imitantur armaturam apostoli et loricas iustitiae
habere se iactant - multitudo nimia est, omnes que arripiunt contra
ecclesiam clipeum et gladium, et sunt gentes saeuissimae et inimicae
israel: persae, aethiopes et libyes - quorum aduersum populum dei in
scripturis sanctis bella narrantur -; gomer quoque et domus thogorma,
qui ueniunt de lateribus 'aquilonis' - qui est uentus frigidissimus et
nomine 'dexter' uocatur -, totum que robur magog et omnes qui subiecti
sunt ei populi, uenient cum illo ad proelium. cui dicitur per
eir�neian~g: 'praepara te et instrue et omnem multitudinem tuam, quae
tuis paret imperiis, coacerua ad te; sed scito quod post dies multos
uisitaberis' - iuxta illud quod scriptum est: uisitabo in uirga
iniquitates eorum et in uerberibus peccata eorum -. 'in nouissimo'
inquit 'annorum uenies'; unde et ioannes loquitur: filioli mei,
nouissima hora est, et populus gentium undecima ad operandam conducitur
uineam; ad quorum terram - id est terram mitium terram que sanctorum,
quae affert centenos et sexagenos et tricenos fructus -, uenit gog
expugnandam, quae reuersa est siue auersa a gladio - scit enim scriptum:
dissipa, domine, gentes quae bella uolunt -, et in pace consistit, et
congregata est de populis et gentibus multis ut, nationum errore
contempto, ueniret ad montes israel, patriarchas uidelicet et prophetas,
qui fuerunt quondam deserti iugiter, sine lege et praeceptis dei, cui
postea dicitur: plures filii desertae magis quam eius quae habet uirum;
ista sunt deserta et inaquosa in quibus diabolus locum inuenire non
potuit, quia uocati fuerant ad salutem, et postea, assumptis aliis
septem daemonibus nequioribus se, reuersus est in domum suam, ad gentem
uidelicet israel. haec, inquit, de populis educta est, subauditur terra,
siue: hic de gentibus eductus est, ut intellegatur credentium populus
qui habitauit in pace; et confidit in domino. ascendens autem gog cum
omni exercitu suo, quasi tempestas ueniet et quasi nubes, ut operiat
terram credentium - quis enim haereticorum, quorum princeps diabolus
est, non quasi tempestas uenit contra ecclesiam, et nube uerborum suorum
simplices quosque credentium opprimere et operire festinat? -; unde
dicitur ad eum: 'inquantum in te est, cuncta operies, tu et omnia agmina
tua et populi multi te cum', pulchre que ascendens gog non habet
pluuiam uoluntariam, non imbrem temporaneum et serotinum qui arentia
arua laetificet, sed tempestatem et caliginem, ut cuncta tenebris et
errore confundat. propterea haec ei loquitur dominus deus: in illo
tempore, hoc est in diebus nouissimis, ascendent sermones super cor
tuum, et cogitabis cogitationem pessimam - scriptura dicente: si
spiritus potestatem habentis ascendere uoluerit super te, locum tuum ne
derelinqueris; e contrario autem in sancti cor ascendit deus, de quo
scriptum est: ascensiones in corde suo disposuit -, dicit que gog:
ascendam ad terram absque muro (siue proiectam) - hoc est quae dei
auxilio destituta est nec dialecticorum argumentatione munita, ueniam ad
quiescentes, habitantes secure (siue in pace) - rex enim noster
pacificus est, et in pace locus eius -; omnes, inquit, habitant sine
muro, uectes et portae non sunt eis. hoc diabolus princeps haereticorum
loquitur, quod nulla habeat munimenta ecclesia nec sapientiam saecularem
quae apud deum stultitia est, ut diripiat spolia, et inuadat praedam
ecclesiae, et inferat manum suam super eos qui deserti fuerant quando
dei notitiam non habebant et postea, restituti per christum, ueniant ad
patrem - loquitur in euangelio: pater, reuelaui nomen tuum hominibus -;
et ut sciamus populum qui desertus fuerat et postea restitutus,
significare populum christianum, sequitur: et super populum qui est
congregatus ex gentibus, qui populus possidere coepit hereditatem
christi et esse habitator umbilici terrae - de qua scriptum est:
operatus est salutem in medio terrae. ueritas enim de terra orta est;
quae dicit in euangelio: ego sum uia et ueritas et uita -. haec illo
cogitante atque dicente et possessionem ecclesiae rapere festinante,
gentes quae ab errore pristino conuersae fuerant ad salutem: saba et
dedan et negotiatores tharsis - carthaginis siue maris - qui inter
saeculi huius fluctus bonis operibus quaerunt mercimonia, et omnes
uillae earum siue leones - aut catuli leonum ut in hebraico continetur
-, loquentur ei quae sequuntur - ut autem pro 'catulis leonum' qui
hebraice dicuntur 'chaphir', septuaginta et theodotio ponerent 'uillas',
error perspicuus est: si enim per 'chi' litteram scribas, appellatur
'catulus leonis', sin autem 'ce' quae hebraice dicitur 'coph', 'ager'
appellatur et 'uilla'; unde et capharnaum 'ager pulcherrimus' dicitur -.
dicent ergo saba et dedan et negotiatores tharsis, et omnes sancti qui
leonum catuli nuncupantur uel certe uillae habitationes que credentium:
'o gog, numquid idcirco uenis: ut spolia rapias ecclesiae? et ideo
multitudinem congregasti: ut christi possessio tua fiat hereditas? aut
putas te argentum et aurum - quod in eloquio sensu que intellegitur -
ecclesiae possessurum, ut auferas supellectilem omnem que substantiam,
et diripias manubias infinitas, christi uictoris congregatas?'
'propterea, o propheta hiezechiel qui in typo christi appellaris filius
hominis, loquere ad gog, et dic ei: haec dicit dominus deus: quando,
totius mundi errore sublato, populus meus israel, qui mente cernit deum,
habitauerit in ecclesia confidenter siue in pace, tunc scies, siue
consurges et uenies de loco tuo' - quid sit autem locus haereticae
prauitatis, sequens sermo demonstrat: a lateribus aquilonis, qui omnem
calorem credentium refrigerare conatur -. uenient que cum eo populi
multi, omnes ascensores equorum - de quibus scriptum est: equum et
ascensorem proiecit in mare -, coetus magnus et exercitus uehemens; cum
quibus: 'ascendes' ait 'super populum meum israel quasi nubes et caligo,
ut operias terram meam - de qua supra dictum est -. in nouissimis
diebus eris, quando euangelica praedicatio, et adducam te super terram
meam - oportet enim et haereses esse, ut probati quique manifesti fiant,
et dei uoluntate antag�nist�s~g diabolus et omnia peruersitatis dogmata
derelicta sunt -, ut sciant omnes gentes (et intellegant) me, cum
sanctificatus fuero in te in oculis eorum, o gog, hoc est cum poenis
tuis me intellexerint iudicem'. et facit apostropham ad ipsum gog:
'nonne tu ille es de quo locutus sum in diebus antiquis, in manibus
seruorum meorum prophetarum israel?': moysi uidelicet - qui ait in
numerorum libro, dumtaxat iuxta septuaginta: egredietur homo de semine
eius et dominabitur gentium plurimarum, et eleuabitur gog regnum eius,
et crescet regnum illius, ceterum iuxta hebraicum ita scriptum reperi:
tolletur propter agag rex eius, et auferetur regnum illius, eo quod
regnum israel in saule propter agag regem amalech destructum sit; et in
alio loco: mundabit terram populi sui -; ioel quoque in ualle
'iosaphat', hoc est 'iudicii dei', describit populos congregandos; et
esaias, omnes que prophetae, in quorum manibus et bonis operibus sermo
fit domini. 'cum igitur ueneris super terram israel, ascendet indignatio
mea in furore meo contra te. et in zelo meo pro populo meo, in igne
irae meae locutus sum, qui omnia uitiorum tuorum ligna consumat: illo'
inquit 'tempore erit magna commotio super terram israel': immittente
enim diabolo, crebra contra ecclesiam persecutio fiet, quae quando
sopita fuerit et dei uicta praesidio, tunc commouebuntur a facie eius
pisces maris et uolucres caeli et bestiae agri, et omne reptile quod
mouetur super terram, cuncti que homines qui sunt super faciem terrae;
quod manifeste de habitatoribus ecclesiae demonstratur, quorum alii ut
pisces maris, alii ut uolucres caeli, alii ut bestiae agri et omnia
reptilia quae mouentur super terram, alii ut retinentes hominis
dignitatem, habitant super faciem terrae - quod autem morum diuersitas
uariis signetur nominibus et apostolus scribit ad corinthios, quia alia
corpora post resurrectionem dicit esse caelestia, alia terrena, aliud
corpus piscis, aliud uolucris, aliud bestiarum, aliud reptilium, et
aliud hominum, qui nomen pristinum seruauerunt; in actibus quoque
apostolorum linteum illud quod quattuor principiis tertio petro apostolo
demonstratur, uarietatem credentium significat quae in arca quoque
diluuii continetur -. tunc autem a facie domini et a conspectu
maiestatis eius subuertentur montes qui se eleuabant contra scientiam
dei, et cadent sepes siue ualles quae uel humilitate sensus ad ima
demersae sunt uel certe munitionis aliquid pollicentur ut imitentur
ecclesiam dei - de cuius sepibus dicitur: qui destruit sepem mordebit
eum coluber -, et omnis murus in terram corruet: cum enim ecclesiastici
sermonis apparuerit fortitudo, omnia haereticorum corruent munimenta.
'et conuocabo aduersus illum, hoc est haereticorum principem gog, in
cunctis montibus meis gladium, ut principes exercitus eius gladio domini
conficiantur'; tunc haeresis dimicabit aduersum haeresim, quarum inter
se compugnatio nostra uictoria est. et iudicabo, inquit, eum morte (uel
peste) et sanguine et imbre uehementi et lapidibus immensis (siue
grandinis): iudicatur autem gog morte sua, et sanguine quem effudit, et
imbre uehementi, sermonibus eruditi et perfecti uiri, et lapidibus
immensis qui eum obruant testimoniis scripturarum, siue grandinis qui
calorem illius faciant refrigescere - omnes enim adulterantes, quasi
clibanus corda eorum -. ignem, inquit, et sulphur pluam super eum, per
quae demonstratur poena iudicii sempiterni; et non solum super eum qui
auctor peruersitatis fuit, sed et super omnem exercitum et multitudinem
eius et super populos multos qui sunt cum eo - plures enim habent
haeretici socios, immo diabolus princeps eorum infinita multitudine
circumdatur -. omni que errore sublato et punitis atque destructis
haereticorum principibus, magnificatur dominus, et sanctificatur in
credentibus, et notus fit in oculis gentium multarum quae illius fidei
crediderunt, et tam ex beatitudine sui quam ex aduersariorum poenis
scient atque cognoscent quod ipse sit dominus. haec ut potuimus
interpretati sumus, obedientes illi praecepto: neque ad dextram neque ad
sinistram declinabis, sed: uia regia ingredieris; si quis autem nostra
reprehendit, aut meliora proferat quae sequamur, aut si nihil uoluerit
dicere, perfectam deo scientiam derelinquat, dum tamen sciat nequaquam
in nobis uires, sed animum iudicandum.
39. tu autem, fili hominis, uaticinare aduersum gog et dices:
haec dicit dominus deus: ecce ego super te, gog principem capitis (siue
ros) mosoch et thubal; et circumagam (siue congregabo) te et seducam
(siue deducam) te, et ascendere faciam de lateribus (siue de nouissimis)
aquilonis, et adducam te super montes israel. et percutiam (siue
perdam) arcum tuum in manu (siue de manu) sinistra tua, et sagittas tuas
de manu dextera tua, et deiciam te super montes israel. et cades, tu et
omnia agmina tua, et populi (siue gentes) quae te cum sunt; feris,
auibus, omni que uolatili et bestiis terrae dedi te deuorandum: super
faciem agri (siue campi) cades, quia ego locutus sum, dicit dominus
deus. et emittam ignem in magog, et in his qui habitant in insulis
confidenter (siue et habitabuntur insulae in pace), et scient quia ego
dominus. et nomen sanctum meum notum faciam in medio populi mei israel,
et non polluam (siue non polluetur) nomen sanctum meum amplius, et
scient gentes quoniam ego sim dominus deus, sanctus israel. ecce uenit,
et factum est (siue scies quoniam erit), dicit dominus; haec est dies de
qua locutus sum.
et egredientur habitatores urbium israel, et succendent et comburent
arma, clipeum et hastas (siue peltas et contos), arcum et sagittas,
baculos manuum et contos (siue lanceas), et succendent ea igni septem
annis. et non portabunt (siue non assument) ligna de regionibus (siue de
campis), neque succident de saltibus, quoniam arma succendent igni, et
depraedabuntur eos quibus praedae fuerant, et diripient uastatores suos,
ait dominus deus. et erit, in die illa, dabo gog locum nominatum
sepulcrum in israel, uallem uiatorum ad orientem maris, quae
obstupescere facit praetereuntes (siue poluandrion~g eorum qui uenerint
ad mare, et aedificabunt per circuitum os uallis); et sepelient ibi gog
et omnem multitudinem eius, et uocabitur uallis (siue 'ge') multitudinis
gog. et sepelient eos domus israel ut mundent terram (siue ut mundetur
terra) septem mensibus; sepelient autem eos omnis populus terrae, et
erit eis nominata dies in qua glorificatus sum, ait dominus deus. et
uiros iugiter constituent lustrantes (siue circumeuntes) terram, qui
sepeliant et requirant eos qui remanserint super faciem terrae, ut
emundent eam; post menses autem septem quaerere incipient et circumibunt
peragrantes terram; cum que uiderint os hominis, statuent iuxta illud
titulum, donec sepeliant illud pollinctores in ualle (siue 'ge')
multitudinis gog. nomen autem ciuitatis amona (siue poluandrion~g), et
mundabunt terram (siue mundabitur terra). et haec iudaicae traditionis
heredes et discipuli interminabilium fabularum, post mille annorum
regnum futura contendunt; interficiendum que gog principem ros, mosoch
et thubal in finibus israel et ab omnibus uolatilibus et bestiis
deuorandum; et habitatores urbium israel septem annis lignorum usum
nequaquam habituros de succisione siluarum sed de armis gog, scutis
uidelicet et hastis sagittis que et baculis siue contis; ipsum autem gog
sepeliendum in ualle, quae hebraice dicitur 'ge', et nomen sepulcri
illius appellandum poluandrion~g, ubi scilicet multitudo hominum sit
sepulta; septem autem mensibus eum sepeliendum a domo israel ut terra
mundetur, et inclytam futuram diem quando interfectus sit gog,
constituendos que qui ossa diligenter inquirant et sepeliant quo
scilicet nihil in terra remaneat insepultum; post menses autem, siue in
mensibus, septem peragrandum terram, et, sicubi os hominis iacere
perspexerint, titulo propter posito demonstrandum, ut postea sepeliant
illud, qui huic operi praepositi sunt; nomen autem ciuitatis appellari
'amona' quae graece dicatur poluandrion~g, hoc est 'multitudo hominum
sepultorum', et sic terram esse mundandam. hoc illi dixerunt; nos autem,
coeptae explanationis sensum tenentes, singula quae proposuimus
disseramus. habet gog et ipse trinitatem suam 'ros' et 'mosoch' et
'thubal', 'caput' uidelicet et 'insaniam' et 'uniuersa', ut nullum sit
uitium, quod non in gog possessione consistat; iste educetur siue
circumagetur et palpabitur atque lactabitur ut, sperans uictoriam,
occidendus ducatur ad proelium, et ascendet de lateribus siue de
nouissimis aquilonis a quo exardescunt mala super omnem terram, et ab eo
ipso adducetur super montes israel, quos apostolos et apostolicos atque
ecclesiasticos uiros intellegere debemus, ut, postquam adductus fuerit
ad montes israel, tunc percutiatur arcus qui est in manu sinistra eius,
et sagittae quae manu tenentur dextera: et ipse enim imitatur, ad
interficiendos eos quos deceperit, habere arma sinistris et dextris per
bonam et malam famam - istae sagittae sunt et haec iacula, de quibus et
psalmista loquitur: ecce enim peccatores intenderunt arcum, parauerunt
sagittas in pharetra, ut sagittent in obscuro rectos corde, quae ignita
diaboli iacula scuto fidei restinguenda sunt -. deicitur autem, siue
cadet, gog, qui ascenderat super montes israel, in ipsis montibus cum
omni exercitu suo cunctis que agminibus; et erit in escam feris, auibus
omni que uolatili et bestiis terrae, aduersariis uidelicet potestatibus
quae iuxta uiam comedere sementem et sanguinariis bestiis - quomodo enim
scriptum est de dracone: dedisti eum escam populis aethiopibus, sic
decepti quique ab haereticis, daemonum cibus sunt -: cadet autem gog uel
in campi latitudine uel in agri quae cultus est a dei agricolis; neque
enim fieri potest ut domini uerba sint irrita. tunc mittetur ignis in
magog, in eos uidelicet qui gog suscepere doctrinam, et in his qui ad
similitudinem insularum saeculi fluctibus uerberantur et putant se
debere esse securos - ille ignis de quo dominus loquitur: ignem ueni
mittere super terram, et quam uolo ut ardeat -: 'ut sciant omnes et
intellegant quod ego sim dominus'. 'et nomen sanctum meum notum fiat in
medio populi mei qui nequaquam gog auctoritate seductus est, neque ultra
per occasionem falsi nominis scientiae polluatur nomen meum in
haereticis, et sciant gentes quae in circuitu sunt, quod ego sim
dominus'. quod autem sequitur: ecce uenit, et factum est, de iudicio
christi dicitur qui: ueniens ueniet et non tardabit; et ipsa est dies
poenarum atque uindictae de qua per omnes prophetas locutus est dominus.
et egredientur habitatores urbium israel, credentium populi: urbes
autem israel intellegimus ecclesiam rectae fidei. et succendent et
comburent arma - de quibus et in alio loco scriptum est: arcum conteret,
confringet arma et scuta comburet igni -, clipeos et hastas, arcum et
sagittas, baculos manus - in quibus peruersum pascha celebrabant -,
lanceas siue contos - quibus lata et insanabilia inferebant uulnera
doctrinarum -, clipeos que, arcus et sagittas, de quibus supra dictum
est. quod que sequitur: et succendent ea igni septem annis, de exodo et
leuitico ponendum est, in quibus lege praecipitur ut septimo anno
remissionis, quando seruis hebraeis libertas redditur et debita cuncta
soluuntur et ad dominos redit antiqua possessio, et quies terrae
tribuitur et omnes fruges pauperibus condonantur; quo scilicet in septem
annis numero sacrato atque perfecto haereticorum armatura dispereat et
ecclesiastici uiri nequaquam ligna succidant de campis et regionibus
siluis que et saltibus gentium, quos magis saluare cupiunt quam perdere,
sed de haereticorum, quos uicerint clipeis, hastis, sagittis, baculis
contis que et lanceis: habent enim et ipsi ad impugnandam ecclesiam
christi tela diuersa quae ab eruditis hominibus igne sancti spiritus
succendenda sunt - sermone uidelicet ecclesiastico, quem qui habuerit
poterit dicere: nonne cor nostrum erat ardens in uia, cum aperiret nobis
iesus scripturas? -; nec possumus plenam habere pacem et habitationis
confidentiam, nisi cunctam aduersariorum supellectilem depraedemur ut
pereant omnia et in cinerem concrementur, et depraedemur eos qui nos
fuerant ante praedati, et uastemus illos qui uastauerant prius
ecclesiam. in die illa - in claro praedicationis lumine - dabo, inquit,
gog locum nominatum sepulcrum in israel, iuxta hebraicum: uallem
uiatorum ad orientem maris, quae obstupescere facit praetereuntes; cuius
sermonis hic sensus est: sepulcrum gog non erit in montibus sed in
depressis uallibus et in confragosis locis - quae hebraice appellantur
'ge'; quae haeretici, cum in occidente sint positi, orientis loca esse
confingunt -, ut decipiant uiatores, eos uidelicet qui saeculum istud
pertranseunt et non sunt habitatores sed peregrini - dicentes illud
propheticum: aduena sum ego et peregrinus, sicut omnes patres mei -.
quis enim praetereuntium - de quibus scriptum est: et non dixerunt qui
praeteribant: benedictio domini super uos! - non admiratur et
obstupescit cum uallem uiderit uiatorum, quae uiatoribus uallis,
habitatoribus mons uidetur? hoc iuxta hebraicum. ceterum septuaginta
transtulerunt: poluandrion~g eorum qui uenerint ad mare, et aedificabunt
in circuitu [in] introitum uallis: labor enim est eorum qui egrediuntur
de urbibus israel, ut omnem introitum et exitum haereticae prauitatis,
qui uenerant ad mare et amaritudine illius delectabantur undarum que
molibus et crudelitate naufragii, claudant et circumaedificent et in
uoraginibus terrae sepeliant, ne ultra exire ualeant et aliquos sua
fraude decipere; ibi ergo sepelient gog et omnem multitudinem eius, qua
semper haeretici delectantur; et uocabitur nomen uallis illius, in qua
gog sepultus est, 'multitudinis ge', siue poluandrion~g hoc est
'sepulcrum plurimae multitudinis'. et quomodo supra diximus per septem
annos aduersariorum arma succendi, sic per septem menses sordibus
haereticorum terra mundabitur; a primo enim mense - quando domini pascha
celebramus et exterminatorem aegypti, agni in postibus nostris cruore,
uitamus -, usque ad exitum anni - hoc est usque ad septimum mensem,
quando tabernacula figimus et inter ceteras frondes palmarum quoque
ramis protegimur, ut perfecta contra hostes uictoria demonstretur -,
festiuitates omnes complemus in populis, nec solum magistri sed et omnis
populus hoc certatim faciet, ut sepeliat gog, et terra operiat, et
nequaquam aerem liberum capere permittat. post pacem autem et
interfectionem siue sepulcrum gog, eligentur uiri ecclesiastici, qui hoc
habent studii: ne quid in terra israel maneat sordium pristinarum, ne
quid morticinum; qui lustrent terram, et requirant mortuos, et
sepeliant, ut uidelicet mundetur terra ecclesiae; sin autem post septem
menses, quando debent esse cuncta purgata, hi qui terram peragrant atque
circumeunt, in aliquo os hominis, hoc est duritiam haereticae
prauitatis, siue morticinum quid doctrinae pristinae uiderint
remansisse, ponent iuxta illud, siue aedificabunt, titulum ut, postquam
notati fuerint qui huiuscemodi sunt, tunc uel emendentur uel sepeliantur
cum gog et in turba sepulturae illius retrudantur. nomen autem
ciuitatis, ubi seruorum domini uictoria est et iacent aduersarii et
omnis inimicorum eius multitudo prostrata est, appellabitur 'amona' siue
poluandrion~g, ut finis omnium restitutio puritatis sit. denique
sequitur: et mundabunt terram, haud dubium quin hi de quibus supra
scriptum est: quaerere incipient et circumibunt peragrantes terram.
tu ergo, fili hominis, haec dicit dominus deus: dic omni uolucri
et uniuersis auibus cunctis que bestiis agri (siue campi): conuenite et
properate, concurrite undique (siue per circuitum) ad uictimam meam,
quam ego immolaui uobis, uictimam grandem super montes israel, ut
comedatis carnes et bibatis sanguinem. carnes fortium (siue gigantum)
comedetis, et sanguinem principum terrae bibetis, arietum, agnorum et
hircorum, taurorum que altilium et pinguium omnium; et comedetis adipem
in saturitate, et bibetis sanguinem in ebrietate de uictima quam ego
immolaui uobis. et saturabimini super mensam meam de equo et de equite
forti (siue gigante), et de uniuersis uiris bellatoribus, ait dominus
deus. et ponam (siue dabo) gloriam meam in gentibus (siue in uobis), et
uidebunt omnes gentes iudicium meum quod fecerim, et manum meam quam
posuerim (siue induxerim) super eos; et scient domus israel quia ego sum
dominus deus eorum a die illa et deinceps, et scient omnes gentes
quoniam propter iniquitates suas capta sit domus israel, eo quod
reliquerint me, et absconderim (siue auerterim) faciem meam ab eis, et
tradiderim eos in manu hostium (siue inimicorum eorum), et ceciderint in
gladio uniuersi. iuxta immunditias eorum et scelera (siue iniquitates)
eorum feci eis, et abscondi (siue auerti) faciem meam ab illis.
propterea haec dicit dominus deus: nunc reducam captiuitatem iacob, et
miserebor omnis domus israel, et assumam zelum pro nomine sancto meo. et
portabunt confusionem (siue ignominiam) suam, et omnem praeuaricationem
qua praeuaricati sunt in me, cum habitauerint in terra sua confidenter
(siue in pace), neminem formidantes.
et reduxero eos de populis (siue gentibus), et congregauero de terris
inimicorum suorum (siue de regionibus gentium), et sanctificatus fuero
in eis in oculis (siue in conspectu) gentium plurimarum, et scient quia
ego sum dominus deus eorum, cum transtulerim eos in nationes (siue cum
apparuero eis in gentibus), et congregauero eos super terram suam, et
non dereliquerim quemquam ex eis ibi. et non abscondam (siue auertam)
ultra faciem meam ab eis, eo quod effuderim spiritum (siue furorem) meum
super omnem domum israel, ait dominus deus. (hoc quod transtulimus
iuxta hebraeos: congregabo ea super terram suam, et non derelinquam
quemquam ex eis ibi, in lxx non habetur; rursum que quod iuxta hebraeos
pro benedictione in ultimo ponitur: eo quod effuderim 'spiritum' meum,
lxx transtulerunt 'furorem', quod ad iram pertinet, praesertim quod in
hebraeo 'ruhi' positum sit, quod proprie sonat 'spiritum meum' et
nequaquam 'furorem meum'). omnia autem usque ad eum locum in quo
succedit templi aedificatio, hi quos supra diximus iudaeos et nostros
iudaizantes, ad ultimum tempus referunt: quod carnibus gog cuncti que
eius exercitus quasi pinguissimis hostiis uolucres bestiae que
saturandae sint, et restituatur israel in pristinum statum et nequaquam
ultra a gentibus expugnetur, sed effundat spiritum suum super eos deus
ut habitent in terra sua, non omnes gentes, sed proprie domus israel.
nos autem coeptam tropologiam sequentes hoc dicimus: quod omnes uolucres
et uniuersas bestias conuocet dominus, ut tradat eis haereticorum
principes quasi pinguissimas hostias deuorandos - uolucres autem et
bestiae uel propter celeritatem in omnia discurrendi uel propter
feritatem et crudelitatem appellantur, quibus traduntur aduersarii: in
interitum carnis, ut spiritus saluus fiat et discant non blasphemare -;
comedent autem grandem et pinguissimam uictimam: non alibi, sed super
montes israel, quos prophetas et apostolos et sanctos uiros intellegere
debemus - in illis enim contrariorum dogmatum magistri corruunt et ab
ipsis pereunt uulnerati -, super quos aedificatur ecclesia, et, ut
uerius dicam, super montium montem - de quo esaias loquitur et michaeas:
uenite ascendamus in montem domini et in domum dei iacob, et
annuntiabit nobis uiam suam -. istae autem aues et istae bestiae celeres
atque crudeles comedent carnes et bibent sanguinem - quae: regnum dei
possidere non possunt -. carnes fortium siue gigantum, qui contra dei
scientiam rebellabant, et sanguinem principum, non caeli sed terrae,
bibent, qui cuncta terrena sapuerunt: sanguinem arietum, agnorum et
hircorum, siue, iuxta septuaginta, arietum, uitulorum et hircorum, ut
tria significet animantia quae in dei uictimis immolantur: imitantur
enim et haeretici ecclesiasticam mansuetudinem, sed oblatio eorum non in
dei cultum sed in daemonum cibum proficit, quae est pinguissima hostia
eorum, et quasi adipe saturantur, et bibunt sanguinem deceptorum usque
in ebrietatem; hanc autem uictimam deus immolat per ecclesiasticos
uiros, ut multitudine deceptorum saturentur conuiuae pessimi, et bibant
usque ad uomitum et ebrietatem. quando uideris sanctos uiros et
scripturis diuinis eruditos truncare equos haereticorum et ascensores -
de quibus scriptum est: equum et ascensorem proiecit in mare -, et omnes
rebelles et gigantes suo mucrone concidere et cunctorum bellatorum
falsi nominis scientiae sanguinem fundere, tunc scito mensam domini
praeparatam, ut ponat gloriam suam in cunctis gentibus quae illius
credunt nomini. et intellegent ecclesiae sanctorum iudicium illius quod
fecerit super aduersarios, et manum fortem qua eos percusserit; et
sciant domus israel atque cognoscant quod ipse sit dominus deus eorum -
qui locutus est: ego sum dominus deus uester - a die uictoriae domini
usque in perpetuum, et recogitent idcirco captam esse quondam ab
haereticis domum israel, et in toto peruersorum dogmatum orbe dispersam:
quod reliquerint eum qui parumper abscondit siue auertit faciem suam ab
eis et tradit eos in manu haereticorum, et ceciderunt illorum mucrone
confossi propter immunditias et iniquitates suas; quae causa exstitit,
ut absconderet et auerteret faciam suam ab eis. expositis autem
rationibus - secundum illud quod scriptum est: oportet et haereses esse,
ut probati quique manifesti fiant - captiuitatis israel, uidelicet
ecclesiae, in qua habitant cernentes deum, nunc pollicetur quod reducat
in ecclesiam captiuitatem iacob, qui iudaicum populum supplantarat et
postea haereticorum fraudibus supplantatus est; et misereatur omnis
domus israel, non iuxta carnem sed iuxta spiritum. et assumam, inquit,
zelum meum pro nomine sancto meo quod blasphemabatur in gentibus propter
haereticos, ut, postquam eos liberauerit, erubescant et confundantur;
quare, fide ecclesiastica derelicta: praeuaricati sunt in me.
confundantur autem et erubescant ualde uelociter, cum habitauerint in
terra sua, terra mitium terra que sanctorum, et habitauerint confidenter
siue in pace, nequaquam haereticorum insidias formidantes. tunc
reducentur de populis, et congregabuntur de terris inimicorum suorum in
terram suam, et sanctificabitur dominus in eis in conspectu gentium
plurimarum quae et ipsae crediturae sunt domino, finis que sit
beatitudinis: scire atque cognoscere quod ipse sit dominus deus eorum,
eo quod apparuerit eis in gentibus siue transtulerit eos de nationibus,
et congregauerit super terram suam, terram iudaeam, terram confessionis,
terram mitium terram que uiuentium, et ne unum quidem reliquerit
haereticae prauitati. et ultra non abscondat faciem suam ab eis nec
auersetur illos, eo quod effuderit spiritum gratiae suae - de quo et
ioel propheta loquitur: in nouissimis diebus effundam de spiritu meo
super omnem carnem -; effuderit autem super omnem domum israel. sin
autem pro 'spiritu', iuxta septuaginta 'furorem' legerimus qui in
hebraico non habetur, sic sentiendum est: quod ultra non abscondat
faciem suam ab eis, in quos furorem suum ante effuderat. hucusque in
hiezechiel propheta, deo, ut optamus et credimus, auxiliante et
aperiente os nostrum, locuti sumus, non aliorum si qui scripserunt uel
deinceps scripturi sunt sententiam destruentes, sed afferentes
qualiacumque sunt nostra. in aedificatione autem templi, et ordine
sacerdotum, terrae que sanctae diuisione, et flumine egrediente de
templo, et arboribus ex utraque ripa semper uirentibus et per singulos
menses afferentibus fructum, et reliquis quae usque ad finem prophetico
uolumine continentur, aperte imperitiam confitemur, melius arbitrantes
interim nihil quam parum dicere.
LIBER 12
trepidationem meam in explanatione templi hiezechiel, immo tacendi
perseuerantiam, tuae, filia eustochium, preces, et domini promissa
superant dicentis: petite et accipietis, quaerite et inuenietis, pulsate
et aperietur uobis; et quia nos excusatione usi sumus, ut in calce
anterioris uoluminis diceremus: 'melius est nihil quam parum dicere', tu
eam uertisti in contrarium, ut praeferre putes saltem parum quam nihil
dicere, quia in altero uoluntas prompta, in altero totius operis
desperatio est, naturam que huiuscemodi hominum esse commemoras, ut non
tantum gratiam habeant pro his quae tribueris, quantum dolorem super his
quae negaueris: minore enim studio uirtutes laudamus quam uitia
reprehendimus, et, quamuis pulchra sint corpora, unius prauitate ac
deformitate membri insigniora fiunt. obsequar igitur uoluntati tuae, et
flanti spiritui sancto uela suspendam, ignorans ad quae sim littora
peruenturus et cum hoc eodem propheta clamitans: a quattuor uentis caeli
ueni spiritus. fastidioso que lectori, immo animo perduelli nostra
lecturo, illud in explanatione templi tota libertate denuntio, ut, si
ueritatem desiderat, quaerat ab aliis; nos autem ea quae in opere
difficillimo possumus suspicari, simpliciter confitemur atque dictamus,
gratias acturi domino, si non in omnibus - quod impossibile est - sed in
plerisque nobis aperuerit fores scientiae: prima enim, ut ait sublimis
orator, quaeque sectanti, honestum est etiam in secundis tertiis ue
consistere.
40. in uicesimo et quinto anno transmigrationis (siue
captiuitatis) iechoniae, in exordio anni (siue in primo mense), decima
mensis, quarto decimo anno postquam percussa (siue capta) est ciuitas,
in ipsa hac die (siue in illa die) facta est super me manus domini, et
adduxit me illuc, in uisionibus (siue in uisione) dei, adduxit que me in
terram israel, et dimisit (siue posuit) me super montem excelsum nimis,
super quem erat quasi aedificium ciuitatis uergentis ad austrum (siue e
regione). et introduxit me illuc, et ecce uir, cuius erat species quasi
species aeris (siue aeris splendentis), et funiculus lineus (siue
caementariorum) in manu eius, et calamus mensurae in manu eius, stabat
autem in porta. et locutus est ad me idem uir: fili hominis, uide oculis
tuis, et auribus tuis audi, et pone cor tuum in omnia quae ego ostendam
tibi (siue pone in cor tuum omnia quae ostendero tibi), quia ut
ostendantur tibi adductus (siue ingressus) es huc; et annuntia (siue
monstrabis) omnia quae tu uides domui israel. si quinto anno
captiuitatis siue transmigrationis regis ioiachin, in quarto mense, in
quinta mensis, aperti sunt caeli hiezechieli prophetae iuxta fluuium
chobar et uidit uisiones dei, nunc autem dicitur quod in uicesimo et
quinto anno transmigrationis eiusdem iechoniae, in exordio anni, decima
die mensis, facta sit super eum manus domini, adductus que in terram
israel et positus super montem excelsum nimis, ut uideret aedificium
ciuitatis uergentis ad austrum, nulli dubium est quin, decem et nouem
annis nouem que mensibus et quinque diebus anni uicesimi completis,
omnis illius prophetia contexta sit. quod si iuxta theodotionem, qui in
eo loco ubi nos posuimus in 'exordio anni' interpretatus est 'in nouo
anno', decima die mensis, - nouus autem annus apud hebraeos uocatur
mensis septimus qui apud eos habet uocabulum 'thesri', ut kalendis
mensis septimi sit tubarum clangor, et decima die eiusdem mensis dies
ieiunii et placationis, quinta decima uero, quando totus lunae orbis
impletur, dies scenopegiarum - datur intellegi, quod decima die
placationis dominicae monstratum fuerat hiezechieli aedificium
ciuitatis. et quomodo restitutionem populi, immo uiuificationem, in
ossibus campi sub resurrectionis imagine demonstrauit, sic nunc
instaurationem urbis, quae babylonio fuerat ante annos quattuordecim
igne deleta, sub descriptione eius dominus pollicetur, ut, sicut
captiuitatem et euersionem ollae succensae a facie aquilonis
monstrauerat typus et prophetiae ueritas opere comprobata est, ita, ex
praeteritorum fide, futurae aedificationis ueritas uaticinio probaretur.
nec hoc de illo tempore dicitur, quod quidam imperiti iudaeorum uolunt,
quando sub zorobabel et sub iesu filio iosedec sacerdote magno templum
exstructum est, prophetantibus aggaeo et zacharia: hoc enim templum quod
nunc describitur, et ordo sacerdotii terrae que diuisio et fertilitas
multo augustius est quam fuit quod salomon exstruxerat; illud autem quod
aedificatum est sub zorobabel in tantum paruum erat et prioris
comparatione nihili, ut, qui primum templum uiderant et postea hoc
aspiciebant, eiularent dolorem que suum lacrimis testarentur, et multo
maior esset clamor ululantium quam clangor tubarum; lege ezrae librum.
porro quod additur: quarto decimo anno postquam percussa (siue capta)
est ciuitas, iuxta mysticos intellectus quattuordecim significat
generationes, quibus completis a dauid usque ad natiuitatem christi,
urbis restitutio promittitur ab eo de quo scriptum est: ipse aedificabit
ciuitatem meam et captiuitatem populi mei reducet, et iterum, uenit: ut
praedicaret captiuis remissionem et caecis uisum, dicens his qui erant
in uinculis: exite, et qui erant in tenebris: reuelamini. fit autem
super eum manus domini ut, iuxta carnem in babylone positus, in spiritu
ad terram ueniret israel, et nequaquam in uisione, sed in uisionibus dei
poneretur super montem excelsum nimis - de quo esaias et michaeas
uaticinantur: uenite, ascendamus ad montem domini et ad domum dei iacob
-, qui mons excelsus est nimis ad comparationem montium ceterorum - de
quibus propheta testatur, dicens: leuaui oculos meos in montes, unde
ueniat adiutorium mihi, et in alio loco: montes in circuitu eius, et
dominus in circuitu populi sui, de quo et esaiae dicitur: in montem
excelsum ascende, qui euangelizas sion -; super hunc montem ostenditur
aedificium ciuitatis, iuxta septuaginta et aquilam: 'e regione' et 'ex
aduerso aquilonis' unde ad terram israel propheta uenerat, iuxta
theodotionem uero et symmachum: 'uergentis ad austrum' ubi plenum lumen
est et sol iustitiae in summo caeli uertice positus - unde et in cantico
dicitur canticorum: exsurge, aquilo, et ueni, auster; perfla hortum
meum et fluant aromata illius; fugatur enim ab horto domini aquilo
uentus durissimus, ne refrigeretur dilectionis calor flores que
marcescant -; quando autem dicitur: quasi aedificium ciuitatis, non uere
ciuitas, sed ciuitatis similitudo monstratur - de qua scriptum est:
gloriosa dicta sunt de te, ciuitas dei, quae est: hierusalem, aedificata
ut ciuitas cuius participatio eius in idipsum, et in qua: magnus
dominus et laudabilis nimis, in ciuitate dei nostri, in monte sancto
eius, et: in turribus ciuitatis iustis deus cognoscitur, quando suscipit
eam, de qua et alibi: fluminis impetus laetificat ciuitatem dei, et:
non potest abscondi ciuitas supra montem posita, quae loquitur in esaia:
ego ciuitas firma, ciuitas quae oppugnatur - non dixit: quae
'expugnatur', sed 'oppugnatur' -, quae 'aedificata est super petram et
nulla tempestate concutitur' -. sequitur: 'et introduxit me illuc -
subauditur manus domini; illuc autem, hoc est quasi aedificium ciuitatis
-, ut mihi cuncta quae erant intrinsecus demonstraret'. ecce, inquit,
uir, cuius erat species (siue uisio) quasi species aeris fulgentis -
ille uidelicet de quo scriptum est: ecce uir oriens nomen eius -;
habebat autem speciem, nequaquam electri ut in principio huius uoluminis
dicitur, neque accinctus erat zona aurea ut in ioannis apocalypsi
continetur, sed habebat speciem, iuxta hebraicum, quasi aeris - haec
enim materia cunctis metallis uocalior est et tinnitu longe resonat;
unde et in daniel, in imagine quae erat ex auro, argento, aere ferro que
compacta, regnum alexandri atque graecorum in aeris similitudine
demonstratur, ut graecae linguae eloquentia signaretur; per quam
manifestum est adhuc eos indigere doctrina, qui templi spiritaliter
aedificandi necdum plena nouere mysteria -; funiculus quoque erat lineus
siue caementariorum in manu eius - de quo et in zacharia scriptum est
quod funiculum habuerit geometricum, ut latitudinem et longitudinem
urbis metiretur. caementariorum autem: uel angelorum qui dei imperio
ministrabant, uel moysi et omnium prophetarum atque apostolorum qui
aedificant ciuitatem dei et adiutores uel ministri sunt dominicae
uoluntatis; unde et paulus apostolus loquebatur: dei agricultura, dei
aedificatio sumus -. quod que sequitur: et calamus mensurae in manu
eius, designat gratiam prophetalem - de qua scriptum est in quadragesimo
quarto psalmo: lingua mea calamus scribae uelociter scribentis, et de
ioanne propheta atque baptista: quid existis uidere in desertum? calamum
uento agitari?, quem calamum imitari cupiunt qui: scribentes scribunt
iniquitatem et quibus imprecatur propheta, dicens: increpa feras calami
-. stabat autem in porta, quia per ipsum ad patrem ingredimur et sine
ipso ciuitatem dei intrare non possumus, ut dignos suscipiat, indignos
abiciat; in porta quoque iudicium est - unde et propheta dicit: oderunt
arguentes in porta, et in alio loco: non confundentur cum loquentur
inimicis suis in porta -. hic uir locutus est ad prophetam, in cuius
manu erat funiculus et cuius erat species quasi aeris et qui calamum
tenebat manu: locutus est ad hiezechielem uerus architectus - quem
imitabatur paulus apostolus, dicens: quasi sapiens architectus
fundamentum posui; sapientem autem uocat architectum, ad distinctionem
illius qui stultus est et in zacharia pastor insipiens appellatur -;
locutus est autem quae sequuntur: fili hominis, uide oculis tuis, et
auribus tuis audi, non oculis carnis sed spiritus, nec auribus corporis
sed animae -. leuate, inquit, oculos uestros et uidete, quia messes iam
albae sunt ad metendum, et: qui habet aures audiendi, audiat -; uidetur
autem aedificatio ciuitatis et auditur ordo caeremoniarum et sacerdotum
terrae que descriptio; nec sufficit praecepisse ut cerneret oculis et
audiret auribus, sed adiecit: et pone cor tuum in omnia (siue et pone in
corde tuo omnia) quae ego ostendam tibi; nihil enim prodest uidisse et
audisse, nisi ea quae uideris et audieris, in memoriae reposueris
thesauro; quando autem dicit: omnia quae ego ostendam tibi, intentum
auditorem facit, facit et cordis oculis praeparatum, ut memoriter teneat
quae sibi ostendenda sunt: quia ut omnia ostendantur tibi adductus es
huc - quo dicto ostendit specialiter nihil theoria et scientia dulcius
quam propheta desiderat, dicens: unum petiui a domino, hoc requiram: ut
inhabitem in domo domini omnibus diebus uitae meae, ut uideam uoluntatem
domini et uisitem templum eius; unde adiungit et loquitur: domine,
dilexi decorem domus tuae, et locum habitationis gloriae tuae -.
'annuntia' inquit 'omnia quae tu uides domui israel, ut qui per se
uidere non possunt, per te discant quae tibi a domino demonstrantur';
domui autem israel: his qui mente conspiciunt deum - de quibus erat et
nathanahel qui christum studiosissime requirebat et meruit audire: ecce
uerus israelita in quo dolus non est -.
et ecce murus forinsecus in circuitu domus undique, et in manu
uiri calamus mensurae sex cubitorum et palmo; et mensus est latitudinem
aedificii calamo uno, altitudinem quoque calamo uno.
et uenit ad portam quae respiciebat uiam orientalem, et ascendit per
gradus eius, et mensus est limen portae calamo uno latitudinem, id est
limen unum calamo uno in latitudine, et thalamum uno calamo in longum,
et uno calamo in latum, et inter thalamos quinque cubitos, et limen
portae iuxta uestibulum portae intrinsecus calamo uno. et mensus est
uestibulum portae octo cubitorum, et frontem eius duobus cubitis;
uestibulum autem portae erat intrinsecus. porro thalami portae ad uiam
orientalem, tres hinc et tres inde, mensura una trium, et mensura una
frontium ex utraque parte. et mensus est latitudinem liminis portae
decem cubitorum, et longitudinem portae tredecim cubitorum, et marginem
ante thalamos cubiti unius, et cubitus unus finis utrumque; thalami
autem sex cubitorum erant hinc et inde. et mensus est portam a tecto
thalami usque ad tectum eius, latitudinem uiginti et quinque cubitorum
ostium contra ostium. (lxx: et ecce murus extra domum per gyrum, et in
manu uiri calamus mensurae sex cubitorum et palaestes; mensus est murum
latitudinem aequalem calamo, et altitudinem eiusdem mensurae. et
ingressus est portam, quae respiciebat ad orientem, septem gradibus, et
mensus est (signum_obeli) 'thee' sex hinc et sex inde (signum_metobeli)
aelam portae aequalem calamo in longitudine et aequalem calamo in
latitudine et 'aelam' in medio 'theelatha' cubitorum quinque, et 'thee'
secundum aequalem calamo in latitudine et aequalem calamo in longitudine
et 'aelam' cubitorum quinque, et 'thee' tertium aequalem calamo in
latitudine et aequalem calamo longitudinem trium et 'aelam' portae qui
iuxta 'aelam' portae octo cubitorum et 'aeleu' duo cubitorum et 'aelam'
portae intrinsecus. et 'thee' portae e regione, tres hinc et tres inde,
et mensura una trium, mensura una 'aelam' hinc et inde. et mensus est
latitudinem introitus portae decem cubitorum, et latitudinem portae
cubitorum tredecim, et cubitus unus redigebatur in conspectu 'theeri'
cubiti unius, et cubiti unius terminus hinc et inde; et 'thee' cubitorum
sex hinc et cubitorum sex inde. et mensus est portam a muro 'thee'
usque ad parietem 'thee', latitudinem uiginti quinque cubitorum, haec
porta contra portam). dum essem romae puer et liberalibus studiis
erudirer, solebam cum ceteris eiusdem aetatis et propositi, diebus
dominicis sepulcra apostolorum et martyrum circumire, crebro que cryptas
ingredi quae, in terrarum profunda defossae, ex utraque parte
ingredientium per parietes habent corpora sepultorum, et quia obscura
sunt omnia, ut propemodum illud propheticum compleatur: descendant ad
infernum uiuentes, et raro desuper lumen admissum, horrorem temperet
tenebrarum, ut non tam fenestram quam foramen dimissi luminis putes,
rursum que pedetemptim inceditur et caeca nocte circumdatis illud
uergilianum proponitur:
horror ubique animo, simul ipsa silentia terrent.
hoc mihi dictum sit ut prudens lector intellegat quam habeam
sententiam super explanationem templi domini in hiezechiel, de quo
scriptum est: nubes et caligo sub pedibus eius, et rursum: tenebrae
latibulum eius; unde et moyses in nubem ingressus est et caliginem ut
possit mysteria domini contemplari, quae populus longe positus et
deorsum manens uidere non poterat; denique post quadraginta dies, uultum
moysi uulgus ignobile caligantibus oculis non uidebat, quia
'glorificata erat', siue, ut in hebraico continetur, 'cornuta', facies
moysi; ita et mihi legenti descriptionem templi mystici - quod iudaei
secundum litteram in aduentu christi sui, quem nos antichristum
comprobamus, putant aedificandum, et nos referimus ad christi ecclesiam
et cotidie in sanctis aedificari cerno - accidere: ubicumque enim oculus
cordis aperitur, et me aliquid uidere aestimauero et tenere sponsum -
et gaudens dixero: inueni quem quaesiuit anima mea; tenebo eum et non
dimittam eum -, rursum me deserit sermo diuinus fugit que sponsus e
manibus et clauduntur oculi caecitate - ita ut cogar dicere: o profundum
diuitiarum sapientiae et scientiae dei! quam inscrutabilia sunt iudicia
eius, et inuestigabiles uiae illius! et quod alibi scriptum est:
iudicia domini abyssus multa, et: de profundis clamaui ad te, domine;
domine exaudi uocem meam, et illud elisaei, qui raptum a se magistrum
cordis oculis sequebatur, dicens: pater, pater, currus israel et auriga
-. simpliciter igitur est fatendum me templum beati hiezechielis, quod
saecula cuncta tacuerunt, non temeritate uelle disserere, sed fide et
timore dei coniecturam animi mei cupere legentibus demonstrare, ut, si
ego in tabernaculum dei pelles caprarum pilos que obtulero unde
peccatorum spinae et aculei protegantur et arceantur pluuiae
tempestatum, alius, qui diues est, pro qualitate meritorum uel ferrum
uel aes uel argentum aurum que et pretiosissimos lapides offerat et non
nostra, quia sunt minora, contemnat sed propriis gaudeat opibus: nisi
enim ima fuerint, summa esse non poterunt, et ut maiora laudentur,
minorum comparatione succrescunt. uideamus igitur, quid ingressus
hiezechiel aedificium ciuitatis uergentis ad austrum primum uiderit,
deinde audierit: et ecce, inquit, murus forinsecus in circuitu domus
undique. pro 'muro' quem aquila et theodotio interpretati sunt,
symmachus et septuaginta posuere [peribolon~g; murus ergo, siue]
peribolos~g: ex omni parte domum, hoc est templum domini, circumdabat;
habebat que uir, cuius erat species quasi aeris, non solum funiculum
geometricum et caementariorum, sed et calamum tenebat in manu, cuius
supra mensura tacita est et nunc ponitur: cubitorum sex et palmo - qui
rectius graece dicitur palaestes, et est sexta pars cubiti; alioquin
'palmus' spitham�n~g sonat quam nonnulli, pro distinctione 'palma',
porro 'palaesten' 'palmum' appellare consuerunt -; hoc igitur calamo
mensus est latitudinem et altitudinem muri, et utrumque, hoc est
altitudo et latitudo, uno fuere calamo, hoc est senis cubitis et palmo
uno. cum essent portae plurimae, noluit per alias intrare portas, sed
per eam quae respiciebat orientalem plagam; et quia non erat aequalis
locus - etenim murus per circuitum, et ipsa aedes dei in excelsioribus
locis aedificata erat -, propterea per gradus ingreditur immo conscendit
- quos soli septuaginta 'septem' nominant, cum et in hebraeo et ceteris
translatoribus 'gradus' tantum absque numero legerimus -; ingressus que
portam, statim mensus est limen portae - quod septuaginta 'thee'
nominant, pro quo in hebraeo scriptum est 'seph'; et hoc diligentem [et]
studiosum lectorem admonendum puto, si tamen scientia scripturarum et
non uanis oratorum declamationibus ducitur: ut sciat omnia prope uerba
hebraica et nomina, quae in graeca et latina translatione sunt posita,
nimia uetustate corrupta scriptorum que uitio deprauata et, dum de
inemendatis scribuntur inemendatiora, de uerbis hebraicis facta esse
sarmatica, imo nullius gentis, dum et hebraea esse desierint et aliena
esse non coeperint -. limen igitur portae - siue 'thee', immo 'seph',
quod symmachus oudon~g, aquila et theodotio prothuron~g interpretati
sunt -, habebat calamum unum, hoc est sex cubitos et palmum, in
latitudine, porro, nescio quid uolentes, septuaginta addidere de suo
'sex hinc et sex inde'; post limen autem portae, iuxta hebraicum: mensus
est thalamum - siue cubiculum, et, ut symmachus transtulit,
parastadas~g, id est 'postes' - ex utraque parte calamo uno, tam in
longum quam in latum - quod et ipsum septuaginta 'aelam' transtulerunt,
quod in consequentibus symmachus 'anteliminare' interpretatus est -,
inter thalamos autem duos - siue cubicula et parastadas~g - erant
quinque cubiti, et aliud propelimen portae iuxta uestibulum intrinsecus
calamo uno; tertium quoque uestibulum portae octo habebat cubitos et in
fronte eiusdem siue in marginibus duos cubitos, quod uestibulum ne quis
putet idem esse quod supra, addidit: uestibulum portae interioris; pro
quibus septuaginta primum et secundum et tertium uestibulum
transtulerunt. thalami autem, id est cubicula quae post portam
orientalem erant aedificata in uestibulis, respiciebant ad uiam
orientalem, et ut sciamus quot fuerint thalami, iungitur: tres hinc et
tres inde, ad septemtrionem uidelicet et ad meridiem respicientes et ad
orientalem uiam; una que mensura frontium erat ex utraque parte. mensus
est quoque mensuram in latum liminis portae et reperit decem cubita et
in longum tredecim cubita, et in unum cubitum artabantur extrema
thalamorum - uel, ut symmachus transtulit, parastades~g -, et utraque
frons singulos habebat cubitos; thalami autem, siue parastades~g et, ut
septuaginta de suo posuere, 'theelatha' -, ex utraque parte sena
habebant cubita. mensus que est portam a tecto thalami - siue
parastados~g - usque ad tectum siue ad parietem eius et inuenit, inter
tectum et tectum, latitudinis uiginti et quinque cubita, tantum enim
erat spatium inter ostium et ostium siue inter portam et portam. haec
breuiter diuinantis magis quam explanantis animo dixerimus, uolentes
iuxta litteram obscuram et pene non apparentem adumbrare picturam;
ceterum pauca quae possumus suspicari strictim dubitantes que ponemus.
apostolus paulus uolens ephesios sacratiora cognoscere, imprecatur eis
'ut repleantur sapientia et caritate domini et radicati scire ualeant et
comprehendere quae sit latitudo et longitudo et altitudo et profundum
diuitiarum eius'; et ad eosdem loquitur: ergo nequaquam estis peregrini
et aduenae, sed ciues sanctorum et domestici dei, aedificati super
fundamentum apostolorum et prophetarum, ipso angulari lapide iesu
christo; in quo omnis aedificatio compacta crescit in templum sanctum
domino, in quo et uos superaedificati estis in habitaculum dei in
spiritu sancto. petrus quoque hisdem pene uerbis, quia eodem spiritu, in
epistola loquitur: si quidem credidistis quoniam bonus dominus. ad quem
accedentes lapidem uiuum, ab hominibus quidem reprobatum, a deo autem
electum et honoratum, et ipsi ut lapides uiuentes aedificamini domus
spiritalis, in sacerdotium sanctum, offerentes spiritales uictimas,
acceptabiles deo per iesum christum. ex quo perspicuum est dominum
saluatorem, qui uerus architectus est, probare lapides: qui possunt in
templi fundamentum, qui in medio, qui in superioribus locis, et,
inferioris mensurae, uel non tam solidae firmitatis, in muro et extra
templum in circuitu peribol�i~g conuocari - non est enim parui roboris
nec minimae firmitatis, impositos desuper lapides sustinere; unde
scribit apostolus ad credentes: inuicem onera uestra portantes, et in
alio loco scriptum est: non debere nos pondus assumere quod [ferre] non
possumus -. calamus autem mensurae qui habebat sex cubita et palmum
unum, illud significat: notam esse deo conuersationem nostram, quae in
sex diebus in quibus mundus factus est continetur, notam esse et
rationem operum singulorum, ut aliud ad opera pertineat, aliud ad
mentem; unde et latitudo aequa est altitudini, quorum latitudo ad opera,
ut diximus, altitudo refertur ad animum, qui ad alta festinat. illud
autem semel monuisse sufficiat: nosse me cubitum et cubita neutrali
appellari genere sed, pro simplicitate [et facilitate] intellegentiae
uulgi que consuetudine, ponere et genere masculino - non enim curae
nobis est uitare sermonum uitia, sed scripturae sanctae obscuritatem
quibuscumque uerbis edisserere -. ingreditur igitur uir, cui oriens
nomen est, per portam orientalem, ut illuminet eos quos in prima
uestibuli fronte repperit siue in ipso introitu portae: non per unum sed
per plures gradus, quorum siletur numerus ut ascensionis appareat
difficultas, et, quotcumque gradus tibi proposueris, scias minus esse ab
eo quod dubium derelinquitur - istam arbitror portam, de qua et in
psalmis canitur: haec porta domini, iusti intrabunt per eam -; mensus
que est limen portae ut scire ualeamus omnia patere notitiae dei, quod
limen in latitudine dicitur unius calami et de altitudine siletur ac
longitudine: uia enim est et introitus, et per eam ad interiora
pergendum est - licet hoc loco septuaginta superflue 'longitudinem' uel,
ut in plerisque codicibus continetur, 'altitudinem' dixerint -;
cubicula autem, id est thalami et parastades~g, tam in longum quam in
latum singulos habent calamos, sed inter thalamum et thalamum sex tantum
sunt cubita ut interiora cubiculorum plenam habeant mensuram calami, id
est sex cubitorum et palmus, dum opera pariter ratio que conueniat, ea
uero quae extrinsecus sunt, hoc est inter thalamum et thalamum, quinque
cubita; necdum enim christi secreta penetrarunt, nec possunt dicere:
introduxit me rex in cubiculum suum, et alibi: omnis gloria filiae regis
intrinsecus, sed discipulis cum christo domi commorantibus, mysteria
eius audire non possunt et foras ad se cupiunt dei exire sermonem; et
propterea quinque cubitorum mensura in eis ponitur: ut ad sensus quinque
omnia referre doceantur; limen quoque alterius portae, siue, ut in
septuaginta continetur, secundi uestibuli et tertii, eiusdem unius
calami mensurae est. post quod uestibulum eius, hoc est limen portae,
introitum octo ponuntur cubita, ut interiora uestibuli nequaquam
septenarium numerum et sex cubita et palmum unum, sed octonarium
teneant, qui ad resurrectionis et diei dominicae pertinent sacramentum.
'et in fronte' inquit 'eiusdem uestibuli duo erant cubita', quae uel ad
utrumque pertinent instrumentum, uel ad litteram et spiritum, uel ad
mysterium forcipis qua in esaia de altari carbo comprehenditur et
defertur ad prophetae labia purganda; et ut sciamus quod sit hoc
uestibulum quod octo et duobus cubitis terminatur, ponit manifestius:
uestibulum autem portae erat intrinsecus, per quod peruenimus ad templum
dei. thalami quoque et cubicula quae erant ad uiam portae orientalis,
pro quibus septuaginta 'aeleu' scribunt, tres erant hinc et tres inde,
mensurae unius, id est calamo uno qui sex cubita et unum palmum habebat,
de quibus supra dictum est, et 'aelam' uno calamo in longum et uno
calamo in latum, et inter thalamos quinque cubitos; ne igitur putaremus
duos tantum esse thalamos, ternos ex utraque parte posuit, ut senarium
numerum demonstraret qui et in hydriis euangelii demonstratur in quibus
aquae in uina mutatae sunt, et cotidie iudaici latices uertuntur in
uinum, quod: laetificat cor hominis, et christi cruore sit dulcius.
mensus est quoque latitudinem liminis portae decem cubitorum, qui
perfectus est numerus et uel decalogo continetur, uel euangeliorum
quattuor sacramento qui, ab una incipiens, ita ad i ii iii iiii peruenit
ut denarium impleat numerum; cuius longitudo habebat tredecim cubitos;
pro qua in septuaginta rursum ponitur latitudo - quod mihi uidetur
scriptorum neglegentia deprauatum: neque enim in uno loco latitudinem et
rursum latitudinem decem uel tredecim cubitorum scriptura dixisset -;
potest autem porta liminis, in quo sacratus est numerus ueteris et noui
instrumenti, uel ipse dominus intellegi qui dicit: ego sum ostium, uel
certe omnes sancti per quos ingredimur ad notitiam dei, quorum apostolus
paulus loquebatur: os meum patet ad uos, o corinthii; dilatamini et
uos; tredecim cubiti post octonarium numerum, librorum moysi continent
sacramentum qui et quinque monstrantur [panibus] et in samaritana
euangelii quae arguitur quod quinque habuerit uiros et sextum quem se
putabat habere non habebat, et tamen octonarius numerus et quinarius uno
cubito, id est quarto decimo, consummatur, quia in christo
recapitulantur omnia; unde dicitur: et cubitus unus finis utrumque, dum
et uetus et nouum testamentum una christi mensura complectitur, et
altitudinem triginta cubitorum arcae noe unus cubitus includit. thalami
autem, inquit, (siue, ut septuaginta posuere, 'thau' uel 'thee' -
uertentes atque mutantes per singula loca ut uoluerint hebraica nomina
-) sex cubitorum erant 'ex utraque parte', quod dicitur hinc et inde, et
nequaquam habebant palmum nec rationem desuper additam, quae praesentem
conuersationem ad futuram beatitudinem prouocaret, sed tantum sex
cubita. unde sequitur: et mensus est portam a tecto thalami usque ad
tectum (siue parietem) eius, et inuenit latitudinis uiginti et quinque
cubita; et ipse numerus, licet quadrus, tamen refertur ad sensus: si
enim quinos cubitos contra se quinquies ordinaueris, uicesimum et
quintum numerum efficies qui est inter tectum thalamorum et tectum, et
tamen utrumque e regione sui positum, a summis partibus habet ostium
contra ostium.
haec non friuola uideantur lectori - licet et mihi ipsi qui dicto
displiceant, sentiens me clausam pulsare ianuam -, sed legenda cum uenia
sunt; alioquin potui simpliciter ignorantiam confiteri et omne
studiosorum amputare desiderium: sicut enim a perfecta scientia procul
sumus, ita leuioris culpae arbitramur saltem parum dicere quam omnino
nihil.
et fecit frontes per sexaginta cubitos, et ad frontem atrium portae
undique per circuitum; et ante faciem portae quae pertingebat usque ad
faciem uestibuli portae interioris, quinquaginta cubitos; et fenestras
obliquas in thalamis et in frontibus eorum, quae erant intra portam
undique per circuitum; similiter autem erant et in uestibulis fenestrae
per gyrum intrinsecus, et ante frontes pictura palmarum. (lxx: et sub
diuo 'aelam' portae sexaginta cubitis, et 'theim' atrii portae per
circuitum; et sub diuo atrii extrinsecus 'aelam' portae interioris
quinquaginta cubitis; et fenestrae absconditae super 'theim' et super
'aelam', intra portam atrii per circuitum; et similiter 'aelamoth' et
fenestrae in circuitum intrinsecus, et super 'aelam' palmae hinc et
inde). symmachus hunc locum ita interpretatus est: et fecit
peristaseis~g, quas nos 'circumstantias' possumus dicere, pro quibus in
hebraico habet et 'ulium', quae aquila interpretatus est kri�ma~g et nos
in 'frontem' uertimus; rursum ubi posuerunt septuaginta '[theim]
atrii', in hebraico habet 'ulim' numero singulari, quod symmachus
'propter atrium', aquila kri�ma~g [id est] 'frontem atrii'
transtulerunt; 'sub diuo' quoque 'aelam portae', aquila 'ante faciem
postium portae', symmachus 'ante faciem uestibuli portae' interpretati
sunt; fenestras que 'absconditas', quae hebraice appellantur 'aetemoth',
symmachus toxikas~g transtulit; et ubi dixere septuaginta 'super theim'
et 'super aelam', idem symmachus 'postes' posuit et 'circumstantias',
aquila 'thalamos' et 'frontes eorum', pro quibus in hebraico scriptum
est 'tham' et 'aele'; porro 'aelamoth', quod septuaginta et theodotio
similiter transtulerunt, symmachus 'circumstantias', aquila 'frontes'
interpretati sunt; 'aelam' autem, pro quo in hebraeo scriptum est 'ul',
uel 'ostium' uel 'porticus' appellatur; 'palmus' quoque scriptum est in
hebraico 'thamarim' numero plurali, quia singularis numerus 'palmam'
'thamar' uocat. haec fastidioso lectori molesta fore non ambigo, sed
uolui breuiter ostendere quantum temporis longitudine, immo scriptorum
uitio et ut apertius loquar uitio et imperitia, ab hebraica ueritate
discrepet antiqua translatio, praecipue que in hebraicis sermonibus quae
nos de aliorum editionibus in latinum sermonem expressimus, non tam
explanationem dictorum quam suspicionem nostram simpliciter indicantes.
puto autem inter murum templi extrinsecus per circuitum et ipsam aedem
in atrio, hoc est in medio, quaedam fuisse propter ornamentum posita,
quae symmachus interpretatur 'circumstantias', id est 'stantia quaedam',
et de terrae solo erecta in sublime, et haec sexaginta cubitorum
obtinere spatium; rursum que egredientibus de porta interiori ad faciem
uestibuli, quod respiciebat portam exteriorem, quinquaginta cubitos
obtinuisse locum in quibus fenestrae erant obliquae, quas septuaginta
'absconditas', symmachus toxikas~g uocat; et hae fenestrae erant in
thalamis, hoc est in cubiculis singulis, et in porticibus quae ante
cubicula tendebantur, obtinentes cubita quinquaginta - quae fenestrae
obliquae, siue toxikai~g, idcirco a sagittis uocabulum perceperunt, quod
instar sagittarum angustum in aedes lumen immittatur; et intrinsecus
dilatantur -; omnia que per circuitum plena erant huiusmodi fenestris.
'et ante frontes' inquit 'porticuum, pictura siue caelatura palmarum';
per quae ostenditur introitum portae statim que ingredientibus murum
sexaginta occurrere cubita cum uariis ornamentis, quae referuntur ad
conditionem mundi, ut ex creaturis creator intellegatur, et omnia ordine
et ratione currentia ostendat mundi uarietatem - qui apud graecos
kosmos~g ab 'ornatu' nomen accipit, et in sex diebus factus est ut per
singulos dies decades singulae supputentur, quem perfectum numerum supra
diximus -; post haec ingredientibus nobis atrium interius occurrunt,
ante ipsum uestibulum portae interioris, thalami cum fenestris obliquis,
qui quinquaginta cubitorum tenent spatium, qui et ipse sacratus est
numerus: et post septem hebdomadas plenas festiuitatis et gaudii,
ogdoadis prima incipit dies quae est resurrectionis, et introducit nos
ad uiciniam templi - cum enim omnia fecerimus, agentes prioris erroris
paenitentiam, tunc uicini et proximi efficimur deo, ut, in exteriori
atrio, notitiam creatoris creaturarum ordo nos doceat atque constantia,
et, in interiori, uerus iubilaeus, in quo omnia nobis debita
dimittuntur, instruat theologian~g [et introducat ad sancta sanctorum].
notandum quoque quod interius atrium plures habeat fenestras, non
directas et aequales sed obliquas et angustas exterius et se intrinsecus
dilatantes, ut per parua quaedam foramina possimus ad interiora
penetrare et ad clarissimi luminis, quod uersatur in templo,
plenitudinem peruenire -; denique, post sexaginta et quinquaginta
cubita, et thalamos et porticus, frontes porticuum et fenestras plurimas
per circuitum, palmarum nobis caelatura uel pictura monstratur ut, de
mundo uictoriam possidentes, digni efficiamur palmas uidere uirtutum.
et eduxit me ad atrium exterius, et ecce gazophylacia, et
pauimentum lapide stratum in atrio per circuitum, triginta gazophylacia
in circuitu pauimenti; et pauimentum in fronte portarum secundum
longitudinem portarum erat inferius. et mensus est latitudinem a facie
portae inferioris usque ad frontem atrii interioris extrinsecus, centum
cubitos ad orientem et ad aquilonem. (lxx: et introduxit me in atrium
interius, et ecce thalami et intercolumnia atrii per circuitum, triginta
thalami inter columnas; et porticus post ianuas, in longitudinem
ianuarum ante columnas inferius. et mensus est latitudinem atrii ab eo
loco qui erat sub diuo portae exterioris usque ad interius sub diuo
portae interioris quae respiciebat exteriora, cubitos centum, et
uergebat ad orientem). pro 'thalamis' triginta quos uertere septuaginta
siue 'gazophylaciis', atque 'cellariis' ut interpretatus est aquila,
symmachus posuit 'exedras'; et pro centum cubitis exterioris partis qui
tendebant usque ad portam orientalem, in hebraico idem cubitorum numerus
et ad aquilonem tendere dicitur, in septuaginta uero nomen aquilonis
ablatum est. uir ergo ille, qui habebat funiculum caementariorum in manu
et calamum mensurae et stabat in porta, inter cetera quae monstrabat
aspectu, post atrium sexaginta cubitorum et aliud uestibulum portae
interioris quod tenebat quinquaginta cubitos, eduxit prophetam ad atrium
exterius siue, ut in septuaginta continetur, introduxit ad atrium
interius - satis que miror iuxta litteram et septuaginta, quomodo, post
exteriora atria sexaginta et quinquaginta cubitos tenentia, interius sit
atrium quod in latitudine centum cubitorum tendatur spatiis, nisi forte
iuxta mysticos intellectus et profectus ingredientium, quae interiora
in doctrinis fuerunt latiora sunt -; introductus autem in atrium
interius, siue ductus ad exterius atrium ut in hebraico continetur,
statim intuitus est triginta 'thalamos' uel 'gazophylacia' et, ut
symmachus interpretatus est, 'exedras', quae habitationi leuitarum atque
sacerdotum fuerant praeparatae, et pauimentum stratum lapidibus siue
intercolumnia, ut ostendatur interius atrium uel exterius habere ante
fores ordinem columnarum et pauimentum in fronte portarum siue porticus
post tergum portarum, in quibus porticibus puto columnas ordine fuisse
dispositas, ut ante gazophylacia essent porticus et in frontibus
porticuum columnae porticus sustinentes; pauimentum autem quod stratum
erat lapidibus et ante porticus atrii tendebatur, inferius erat in
ascensione porticuum et eandem habebat longitudinem quam thalamorum
aedificatio possidebat. mensus que est idem uir, in cuius manu erat
funiculus et calamus, a facie portae inferioris siue, ut septuaginta
uolunt, exterioris, usque ad frontem atrii uel portae interioris, centum
cubitos ad orientem, et ut in hebraico dicitur, et ad aquilonem. ex
quibus intellegimus illud euangelicum quod saluator enarrat, missae in
agrum sementis in terram bonam, quae multiplicet fruges pro uarietate
uirtutum in tricinarium et in sexagenarium et centenarium numerum, huius
loci uaticinio conuenire: et hic tricesimus et sexagesimus et
centesimus numerus ponitur, ut in his quasi gradibus ad perfectam
scientiam peruenire ualeamus, ita dumtaxat ut ad interiorem aedem
quinquagenarius nos perducat numerus qui, finito septem hebdomadarum
sabbato, in diem resurrectionis erumpit. 'gazophylacia' autem
appellantur: quae plena sunt spiritalibus diuitiis - de quibus scriptum
est: redemptio animae uiri propriae diuitiae, super quibus et paulus
apostolus gratulatur discipulis suis: quod pleni sunt in omni uerbo et
in omni scientia; 'gaza' autem lingua persarum 'diuitiae' nuncupantur -,
uel certe thalami; quae graece dicuntur pastophoria~g: ostendunt sponsi
aduentui cubicula praeparata; quae fuere tricesimo numero, ut perfectam
aetatem habitantium demonstrarent. et 'pauimentum' stratum erat lapide
ne luto et terra et puluere peccatorum habitantium polluerentur uestigia
sed ut super uiuos incederent lapides quibus aedificatur templum dei,
siue 'intercolumnia' erant ante thalamorum fores quae impositum desuper
aedificium sustentarent - istae sunt columnae de quibus et paulus
apostolus scribit: dextras dederunt mihi et barnabae, petrus et ioannes
qui uidebantur columnae esse, et in alio loco: columna et firmamentum
ueritatis; et in ioannis apocalypsi legimus: qui uicerit, faciam eum
columnam in templo dei mei, et foras non egredietur amplius -;
'pauimentum' ergo quod erat in fronte portarum, de quo iam diximus, siue
'porticus' post tergum portarum, quae habitatores thalamorum ab
imbribus defendebat, erat inferius: semper enim quae inferiora sunt in
altioribus collocantur, ut ad mystica atque secreta et plena diuitiis
spiritalibus, ascensu et gradibus peruenire possimus. plenus que numerus
atque perfectus in decem decadarum numero est: qui et sementem isaac
centena fruge multiplicat; sed quia in terra erat et adhuc dicere
poterat: aduena sum ego, et peregrinus sicut omnes patres mei, hordeum
seuisse et centesimam frugem messuisse narratur: necdum enim granum
tritici mortuum fuerat in terra, quod multas fruges faceret, et famem
iudaici populi audiendi sermonis dei, saturaret eo pane qui de caelo
descendit; quomodo autem centum cubiti non solum ad portam orientalem
fuerint sed et ad portam aquilonis, sequens testimonium demonstrabit.
portam quoque quae respiciebat uiam aquilonis atrii exterioris
mensus est, tam in longitudine quam in latitudine; et thalamos eius,
tres hinc et tres inde, et frontem eius et uestibulum eius secundum
mensuram portae prioris, quinquaginta cubitorum longitudinem eius, et
latitudinem uiginti quinque cubitorum. fenestrae autem eius et
uestibulum eius et sculpturae secundum mensuras portae quae respiciebat
ad orientem; et septem graduum erat ascensus eius, et uestibulum ante
eam. et porta atrii interioris contra portam aquilonis et orientalem; et
mensus est a porta usque ad portam centum cubitos. (lxx: et introduxit
me ad aquilonem, et ecce porta respiciens atrium exterius, et mensus est
in longitudine et in latitudine; et 'thee' eius, tres hinc et tres
inde, et 'aeleu' et 'aelamoth' - et quod in hebraico non habetur: - et
palmas eius, et factum est secundum mensuram portae quae respiciebat
orientem, quinquaginta cubitorum longitudo et latitudo uiginti quinque
cubitorum. et fenestrae eius et 'aelamoth' et palmae eius sicut in porta
quae respiciebat orientem; et in gradibus [septem] ascendebant ad eam,
et 'aelamoth' intrinsecus. et porta atrii interioris respiciens ad
portam aquilonis - et quod in hebraico non habetur -: sicut porta quae
respicit ad orientem; et mensus est atrium de porta usque ad portam
centum cubitorum). quid significant uerba hebraica 'thee' et 'aeleu' et
'aelamoth' supra plenius diximus, sed et in praesentiarum collocatione
sui docebit nostra translatio. mensus est autem uir, cuius funiculus in
manu erat, portam quoque aquilonis atrii exterioris, siue introduxit
prophetam per portam aquilonis ad atrium exterius - in quo considerandum
est quod primum introducatur per portam aquilonis, secundo per portam
austri, tertio per portam orientalem - ab aquilone enim exardescunt mala
super habitatores terrae, pulchre que qui habitator terrae est et non
aduena et peregrinus patet iaculis eius qui ab aquilone uenit, cuius
ignita sunt iacula quae iuxta apostolum scuto fidei restinguuntur -; et
ad aquilonem exterius atrium nominatur, ad meridiem uero, hoc est ad
austrum, non exterius sed interius - dicit enim scriptura: et introduxit
me ad atrium interius ad portam australem, quod et in orientali atrio
scriptum similiter inuenitur -: primus enim ad uirtutem ingressus est
aquilonem calcare pedibus et per quinquagenarium et uicesimum quintum
numerum ad summitatem centenarii peruenire, deinde introduci ad
australem plagam et aquilonis frigus expellere, tunc ad perfectam uenire
uirtutem, id est ad portam orientalem in qua oritur sol iustitiae et
per quam solus ingreditur pontifex - et hoc obseruandum quod, cum
quattuor plagae sint, de occidentali porta taceatur, de qua in principio
illius psalmi scriptum est: iter facite ei qui ascendit super occasum:
dominus nomen est eius, ut, postquam nobis praeparantibus iter domino et
illud implentibus quod ioannes baptista clamat in eremo: parate uiam
domino, rectas facite semitas eius, possimus audire quod in extrema
parte eiusdem psalmi dicitur: [cantate deo, psallite domino] qui
ascendit super caelum caeli ad orientem -. quod autem dicuntur thalami
tres hinc et tres inde, hoc docet quod tam littera quam spiritus et
utraque intellegentia et historiae et tropologiae ad trinitatis
sacramenta pertineat. illud que quod dicitur: et frontem eius et
uestibulum secundum mensuram portae prioris, orientalem portam
significat quae prior non ordine sed merito nuncupatur. 'et habebant'
inquit: 'quinquaginta cubitos in longitudine et uiginti quinque in
latitudine', ut in quinquaginta post septem hebdomadas aeterna requies
demonstretur tendens per diem resurrectionis ad regna caelorum in quibus
uera requies est, in uiginti quinque autem, de quo numero ante diximus,
quinque sensus per quinque ordines quadranguli mensura seruetur, quorum
alterum longitudini alterum latitudini coaptatur, ut in longitudine
requies et delectatio sacratioris scientiae, in latitudine praesentium
quae ad sensus pertinet ratio demonstretur. quod que infertur: et
fenestrae et uestibula et sculpturae (siue, ut septuaginta tradidere,
palmae) erant iuxta mensuram portae quae respiciebat ad orientem, hoc
spiritaliter indicatur quod quicumque in introitu uirtutum positus tres
et tres thalamos fuerit ingressus frontem que et uestibulum mensurae
portae prioris agnouerit, et ad ea perueniat illa que conspiciat quae in
porta orientali plenissime suscepturus est.
porro quod sequitur: et septem graduum erat ascensus eius, et uestibulum
ante eam (siue interius), hunc habet sensum, quod per septem gradus
hebdomadis et ollae quae a facie aquilonis accenditur et caeremonias
iudaeorum quibus dedit deus praecepta non bona et iustificationes in
quibus non uiuant in eis, scandamus ad altiora et ad uestibulum eius, id
est portae pro quo septuaginta 'aelamoth' transtulerunt, quod
uestibulum ante portam est, siue interius. nec solum una porta est
aquilonis quae supra porta appellatur exterior, sed altera quae habet
similitudinem portae orientalis, ut manifestius dixere septuaginta: et
porta atrii interior respiciens portam aquilonis, sicut erat porta quae
respiciebat ad orientem; mensus que est a porta exteriori aquilonis
usque ad portam eiusdem aquilonis interiorem centum cubitos, ut his
quasi gradibus [atque mensuris] recedentes a porta exteriori ad
interiorem peruenire ualeamus, de cuius numeri sacramento [supra] dictum
est.
et duxit me ad uiam australem, et ecce porta quae respiciebat ad
austrum; et mensus est frontem eius et uestibulum eius iuxta mensuras
superiores, et fenestras eius, et uestibula in circuitu eius, sicut
fenestras ceteras, in qua erat quinquaginta cubitorum longitudo et
latitudo uiginti quinque. et in gradibus septem ascendebatur ad eam, et
uestibulum ante frontem eius, et caelatae palmae erant, una hinc et
altera inde, in fronte eius. et porta atrii interioris in uia australi,
et mensus est a porta usque ad portam in uia australi centum cubitos. et
introduxit me in atrium interius ad portam australem, et mensus est
portam iuxta mensuras superiores, thalamum eius et frontem eius, et
uestibulum eius hisdem mensuris, et fenestras uestibulorum in circuitu:
quinquaginta cubitos longitudinis, et latitudinis uiginti quinque
cubitorum, et uestibulum per gyrum longitudine uiginti quinque cubitorum
et latitudine quinque cubitorum, et uestibulum eius ad atrium exterius,
et palmas in fronte, et octo gradus erant quibus ascendebatur per eam.
(lxx in eadem uerba consentiunt, praeter 'thee' et 'aeleu' et 'aelamoth'
et 'aelam', pro quo in hebraeo positum est 'ulam'; 'thee' autem
interpretatur 'limen' siue 'frons', 'aeleu' 'circa eam' siue
'sustentacula', 'aelamoth' 'propyla' siue 'uestibula', 'ulam tritilon'
'in circuitu' id est 'ante fores'. illud autem quod iuxta hebraicum
posuimus: et uestibulum (siue propulon~g) in circuitu per gyrum
longitudinis cubitorum uiginti quinque et latitudinis per quinque
cubitos, in septuaginta non habetur. sed et hoc notandum, quod in
australi porta iuxta septuaginta non dicatur 'uia' sed simpliciter: et
duxit me ad austrum et ecce porta quae respiciebat ad austrum). per
singulos igitur introitus hiezechiel quem confortauit deus - hoc enim
nomen eius sonat -, ducitur, et de porta aquilonis transit ad portam
australem, cuius frontes et limina, propula~g siue uestibula, fenestrae
que per circuitum similes habebant mensuras: quinquaginta cubitorum
longitudinem et uiginti quinque cubitorum latitudinem. et per gradus
septem ascendebatur ad eam, id est ad portam australem, et uestibulum
eius, hoc est 'aelamoth', ante fores eius; duae quoque palmae caelatae,
de quibus in septemtrionali plaga portae diximus. et hoc tantum
admonuisse sufficiat quod quae ibi ponuntur iuxta intellegentiam
uiliorem, hoc est iuxta litteram, in meridiana porta intellegimus iuxta
spiritalem sensum: hisdem enim lineis et historia currit et tropologia,
sed illa humilior est, ista sublimior, illa haeret terrae, ista ad
caelestia subuolat. et in circuitu per fenestras cuncta plena erant
luminis - singula enim probl�mata~g habent terminos suos -, et proprium
per illa ad animam uidentis lumen ingreditur, praesertim si longitudo
uitae eius quinquagenarii anni, hoc est iubilaei, mysterio fuerit
protelata et ad diuinioris sensus latitudinem potuerit peruenire; in qua
latitudine et plateis agit sapientia confidenter et cum sublimi uoce
clamitat. septem gradibus ingreditur ut perueniat ad uestibulum, et per
palmas propositi sui atque conatus uictoriam teneat sempiternam. et ne
putaremus unum esse ad australem partem atrium, de secundo atrio
dicitur: et porta atrii interioris in uia australi, et mensus est a
porta usque ad portam in uia australi centum cubitos, ut post hebdomadis
et instrumenti ueteris sacramenta, ad terram bonam et ad euangelii
gratiam perueniret. nec solum secundum in porta australi atrium est, sed
tertium de quo nunc dicitur: et introduxit me in atrium interius ad
portam australem, et mensus est portam iuxta mensuras superiores, et
cetera: singula enim atria habent mensuras et ordines suos, et in hisdem
mensuris diuersa gratia est, dum easdem res aliter in principio, aliter
in profectu, aliter in fine cognoscimus. hoc uero, quod in septuaginta
non habetur: et uestibulum (siue propulon~g) per gyrum longitudine
uiginti quinque cubitorum et latitudine quinque cubitorum, uidetur
facere quaestionem, propter quod et in interpretatione non positum est:
quomodo post profectum tertii gradus uiginti quinque cubiti et quinque
ponuntur; sed tollit ambiguitatem illud quod sequitur: et uestibulum
eius ad atrium exterius, et palmas in fronte eius, ut scilicet hoc
atrium, quod habet in longitudine uiginti quinque cubitos et in
latitudine quinque, non interioris sed exterioris atrii sit, ut prioris
atrii latitudinem hoc est uiginti quinque cubitos, exterioris atrii
possideat longitudo, et in latitudine quinque cubitos teneat; quas
mensuras, id est uiginti quinque et quinque, ad eos sensus referimus,
uisum uidelicet, auditum, gustum et odoratum et tactum, quos, si ad
altiora conscendimus, quinquies duplicamus, et de carnalibus sensibus
faciemus spiritales - ut est illud: leuate oculos uestros et uidete
quoniam messes albae sunt ad metendum, et: qui habet aures audiendi,
audiat, et: gustate et uidete quoniam suauis est dominus, et: christi
bonus odor sumus in his qui credunt; et in ioannis epistola dicitur:
quod audiuimus et uidimus et manus nostrae palpauerunt de uerbo uitae -.
et ad extremum nequaquam, ut de septemtrionali plaga, septem tantum
gradus efficiunt, sed post septem octonarius ponitur numerus, ut de
synagoga ad ecclesiam, de ueteri testamento ad nouum, de terrenis ad
caelestia transeamus.
et introduxit me in atrium interius per uiam orientalem, et
mensus est portam secundum mensuras superiores; thalamum et frontem eius
et uestibula sicut supra, et fenestras eius et uestibula eius in
circuitu, longitudinem quinquaginta cubitos et latitudinem uiginti
quinque cubitorum; et uestibulum eius, id est atrii exterioris (pro quo
posuerunt lxx et symmachus interiorem), et palmae caelatae in fronte
eius hinc et inde, et in octo gradibus ascensus eius. de septemtrionali
plaga, in cuius atrium septem tantum ascendebatur gradibus, transit ad
australem portam et atrium eiusdem plagae, ad quod non solum septem, ut
supra diximus, sed octo gradibus ascenditur: scilicet ut per uetera
transeamus ad noua et, ut loquar manifestius, per patriarchas et
prophetas ueniamus ad apostolos: ut in altero hebdomada, in altero
ogdoada sit. nunc autem uenit ad ultimum, immo ad summum, et introducit
prophetam per uiam portae interioris, siue per atrium ad quod itur per
uiam orientalem - 'uia' iuxta septuaginta in hoc tantum habetur loco: in
septemtrionali et australi plaga omnino tacita est, ut possimus
intellegere in orientali tantum porta illam intellegendam uiam, quae
dicit: ego sum uia et ueritas et uita; per ipsum enim uenimus ad patrem
et de ipso scriptum est: beati immaculati in uia, qui nihil de christo
sinistrum sapiunt, sed fides eorum pura est et nequaquam haereticorum
sorde polluta -; idem que numerus thalamorum, frontium et uestibulorum
et fenestrarum et luminis earum et eadem mensura longitudinis et
latitudinis: quinquaginta uidelicet, et uiginti quinque cubitorum
sacramenta conseruans; et uestibulum eius portae siue atrii interioris,
quod iuxta hebraicum exterius ponitur ut orientali lumine omnia
teneantur inclusa - secundum illud quod scriptum est: nec est qui se
abscondat a calore eius -; sin autem et exterius et interius accipimus
atrium, sic intellegendum, quod deus et circumfusus et infusus sit,
dicens per prophetam: qui tenet caelum palmo et terram pugillo, ut omnia
ab illo uideantur includi, et rursum: caelum mihi thronus est, terra
autem scabellum pedum meorum, ut intra omnia esse credendus sit - iuxta
illud uergilianum:
principio caelum ac terras campos que liquentes
lucentem que globum lunae titania que astra
spiritus intus alit, totam que infusa per artus
mens agitat molem et magno se corpore miscet -;
cum que per arma a dextris et sinistris, per gloriam et ignominiam,
per bonam et malam famam, per laudes et uituperationes, uictoriam de
isto saeculo ceperimus, tunc palmae nobis dantur ex utroque latere, quos
nec gaudia mutauere nec moeror, nec prospera nec aduersa superarunt; et
nequaquam per septem gradus sicut in aquilonis plaga, nec per septem et
octo sicut et in meridie continetur, sed per octo tantum gradus ad
summa conscendimus, eo quod sufficiat nobis octonarii numeri, id est
euangelicum sacramentum, et possimus iuxta apostolum dicere: et si
noueramus secundum carnem christum, sed iam nunc non nouimus eum,
subauditur iuxta carnem.
et introduxit me ad portam quae respiciebat ad aquilonem, et mensus
est secundum mensuras superiores thalamum eius, frontem eius et
uestibulum eius et fenestras eius per circuitum, longitudine
quinquaginta cubitorum, latitudine uiginti quinque cubitorum. uestibulum
eius respiciebat in atrium exterius, et caelatura palmarum in fronte
illius hinc et inde; in octo gradibus ascensus eius. et per singula
gazophylacia ostium in foribus portarum; ibi lauabant holocaustum. et in
uestibulo portae duae mensae hinc et duae mensae inde, ut immoletur
super eas holocaustum, et pro peccato et pro delicto. et ad latus
exterius quod ascendit ad ostium portae quod pergit ad aquilonem, duae
mensae; et ad latus alterum ante uestibulum portae, duae mensae.
quattuor mensae hinc et quattuor mensae inde: per latera portae octo
mensae erant super quas immolabant. quattuor autem mensae ad holocaustum
de lapidibus quadris exstructae longitudine cubiti unius et dimidii, et
latitudine cubiti unius et dimidii, et altitudine cubiti unius, super
quas ponant uasa in quibus immolatur holocaustum et uictimae; et labia
earum palmi unius reflexa intrinsecus per circuitum, super mensas autem
carnes oblationis. multum in hoc testimonio hebraica ueritas a
septuaginta interpretum editione discordat: hoc enim quod diximus: ibi
lauabant holocaustum. et in uestibulo portae duae mensae hinc, et
rursum: ut immoletur super eas holocaustum, et pro peccato, in
septuaginta non habetur, sed in plerisque codicibus de theodotione
additum est; rursum ubi nos diximus: et labia earum palmi unius reflexa
intrinsecus per circuitum, septuaginta transtulerunt: et 'gisum' palmi
habentes dolatum intrinsecus per circuitum - quod uerbum, utrum hebraeum
an graecum sit scire non possumus, nisi hoc tantum quod pro 'giso',
symmachus et theodotio 'labia', aquilae prima editio epistaseis~g numero
plurali, secunda 'labia' transtulerunt, pro quo in hebraeo habetur
'asaphanaim' -; et ubi nos diximus: super mensas autem carnes
oblationis, septuaginta posuere de suo: et in mensis desuper tecta, ut
operiantur a pluuia et a siccitate; illud autem quod hebraeis nominibus
ediderunt 'thee' et 'aeleu' et 'aelamoth' et 'aelam', quid significet et
supra admonuimus et e regione ostendere potest nostra translatio, nec
necesse est super hoc saepe admonere lectorem et prudentiae eius studio
que diffidere. introducitur ergo rursum ad portam quae respiciebat
aquilonem, sed nequaquam ut supra ad atrium exterius, sed interius - in
eo enim quod in sequentibus dicitur: uestibulum eius respiciebat ad
atrium exterius, ostenditur hoc atrium fuisse intrinsecus -; per quae
profectus ingredientis ostenditur, dum in singulis locis nomina mensurae
que sunt propriae, et fenestrae per circuitum luminis plena scientiae
uniuersa monstrantes; et per quinquaginta et uiginti quinque cubita
remissionis diuinorum que sensuum sacramenta sunt posita ut, in
uestibulo atrii interioris positi, exteriora uideamus, et praeteritorum
et praesentium notitiam contemplantes per quam ueniamus ad duplices
palmas atque uictorias et octo graduum mysteria cognoscamus, introgressi
que gazophylacia in quibus templi diuitiae continentur et lauantur
orationes nostrae ab omni sorde peccati.
mensae que ex utraque parte binae sunt positae, ut primum immoletur
holocaustum quod totum sacer ignis assumat, deinde pro peccato, et ad
extremum pro ignorantia: quod uel scientes commisimus uel ignorantes. ad
latus quoque exterius, iuxta septuaginta: erat riuus fabrefactus qui
holocaustorum cineres et carnium purulentias efferebat exterius, siue:
erant duae mensae; et ad latus alterum uestibuli eiusdem portae duae
mensae, id est ex utraque parte quaternae. quattuor hinc et quattuor
inde et post tergum siue ad latus earum aliae octo mensae, ut simul
faciant mensas sedecim; quo numero prophetarum mysteria demonstrantur,
ut quidquid per euangelicam offerimus dignationem, praedictum eorum
uaticinationibus approbemus. quod que inferuntur quattuor mensae de
lapidibus quadris exstructae et hae ipsae ad sacrificium holocausti:
isti sunt uiui lapides qui uoluuntur super terram et habent se cum
angularem lapidem quo ueteris et noui testamenti parietes continentur,
quartus autem numerus euangelica sacramenta demonstrat; longitudine et
latitudine habens unum cubitum et dimidium, id est per quadrum, quae
simul iuncta tres cubitos faciunt, qui tres cubiti habent in altitudine
cubitum unum, ut mysteria trinitatis unius cubiti, hoc est diuinae
maiestatis mensura conseruet, dicente domino ad discipulos suos: ite,
baptizate omnes gentes in nomine patris, et filii et spiritus sancti:
nomen autem dei quasi unus altitudinis cubitus est, qui tres
complectitur proprietates et holocausta oblationum nostrarum semper
assumit; super ipsas autem quattuor mensas holocaustorum, de uiuis
lapidibus exstructas, quarum longitudo et latitudo et altitudo descripta
est, ponuntur uasa in quibus immolatur holocaustum martyrum de quibus
dicitur: pretiosa in conspectu domini mors sanctorum eius, et eorum
uictimae qui continentia et corporis sanctitate animas suas immolant
domino, mensarum que istarum nomina puto in matthaeo et luca et marco et
in ioanne apostolis contineri; quarum corona desuper reflexa
intrinsecus per circuitum margines ambiebat, ut holocausta contineret
intrinsecus et non passim fluere permitteret; teneret que carnes
oblationis, siue, ut septuaginta transtulerunt: et ipsae mensae tectae
erant desuper, propter imbrium uiolentiam et aestiui solis nimiam
siccitatem, ut carnes desuper positae possint dicere cum propheta: per
diem sol non uret nos, neque luna per noctem, quorum alterum nimiis
pluuiis et tempestatibus tribulationum dissoluit oblationes, alterum
uehementi aestu persecutionum arescere facit quidquid oblatum est.
ignosce, lector, difficultati locorum, aut si melius quid inuenire
potes, doce: libenter discimus quod nescimus.
et extra portam interiorem gazophylacia cantorum in atrio
interiori, quod erat in latere portae respicientis aquilonem, et facies
eorum contra uiam australem, una ex latere portae [orientalis] quae
respiciebat ad uiam aquilonis. et dixit ad me: hoc est gazophylacium
quod respicit uiam meridianam, sacerdotum qui excubant in custodiis
templi. porro gazophylacium quod respicit ad uiam aquilonis, sacerdotum
erit qui excubant ad ministerium altaris: isti sunt filii sadoc, qui
accedunt de filiis leui ad dominum ut ministrent ei. et mensus est
atrium longitudine centum cubitorum et latitudine centum cubitorum per
quadrum, et altare ante faciem templi. et introduxit me in uestibulum
templi; et mensus est uestibulum quinque cubitis hinc et quinque cubitis
inde, et latitudinem portae trium cubitorum hinc et trium cubitorum
inde; longitudinem autem uestibuli uiginti cubitorum et latitudinem
undecim cubitorum, et octo gradibus ascendebatur ad eam, et columnae
earum in frontibus, una hinc et altera inde. pro 'gazophylaciis'
septuaginta 'exedras' transtulerunt; illud que quod nos diximus exedrae
siue gazophylacia 'cantorum', ab eis praetermissum est; rursum que post
mensuram uestibuli quinque cubitorum hinc et quinque cubitorum inde,
addidere de suo: et latitudo portae cubitorum quattuordecim, cum in
hebraeo tantum positum sit: et latitudo portae trium cubitorum hinc et
trium cubitorum inde. haec lectorem admonui ne translationum diuersitate
turbetur, sed ut, in praesenti loco et maxime in mensuris templi,
hebraica ueritate contentus sit. igitur post murum, quem peribolon~g
septuaginta transtulerunt, qui totum templum per quadrum ambiebat in
circuitu, introductum prophetam legimus in atrium interius et deinde ad
aquilonem et ad austrum et ad portam orientalem et rursum ad aquilonem,
de quibus ut potuimus diximus, et in quorum diuersitatibus, uel nominum
uel mensurarum, quid nobis uideretur praeteritus sermo monstrauit -
quorum sensum testimonium saluatoris breuiter ostendit, dicens: in domo
patris mei multae mansiones sunt -. quibus expletis, ingreditur templum,
hoc est sancta sanctorum de quibus nunc dicitur, et intra portam
interiorem gazophylacia siue exedrae cantorum - ad quos illud imperium
est: cantate domino canticum nouum, qui cum angelis clamitant: gloria in
excelsis deo, et super terram pax in hominibus bonae uoluntatis -, quod
atrium interius erat situm in latere portae quae respiciebat aquilonem,
et ad austrum et ad orientem, ut semper meminerint cantores domini et
qui angelorum officio detinentur per quos gradus ad summa peruenerint,
et mysteria singulorum locorum diligenter agnoscant. denique uir ille,
cuius funiculus et calamus erat in manu, introducit prophetam in atrium
interius quod respiciebat uiam meridianam, et haec locutus est: hoc est
gazophylacium (siue exedra, et, ut theodotio posuit, thalamus) qui
habitationi sacerdotum separatus est obseruantium in excubiis templi.
porro gazophylacium quod respicit ad uiam aquilonis, sacerdotum erit qui
excubant ad ministerium altaris. in quo notandum quod sacerdotes quibus
custodiae templi delegatae sunt, habitant in gazophylacio quod
respiciebat ad uiam meridianam in qua lux plenissima est, hi autem qui
excubant ad ministerium altaris in quo offeruntur uictimae pro peccato,
in gazophylacio sunt quod respicit uiam aquilonis, eos qui ab aquilone
ueniunt et offerunt uictimas pro peccato suscipere et saluare cupientes:
qui utrique, pro officiis suis domino seruientes, appellantur filii
'sadoc' qui interpretatur 'iustus' siue 'iustificans', omnipotens
uidelicet deus - de quo scriptum est: iustus dominus et iustitias
dilexit, aequitates uidit uultus eius -; isti autem filii sadoc de
filiis 'leui' qui interpretatur 'assumptus', et ipsi assumuntur a domino
ut accedant ad eum - et nequaquam de solo dictum moyse: moyses
accedebat ad dominum: alii uero non accedebant, sed omnes qui seruiunt
ei et administrant, domino appropinquare dicantur -. iste autem uir, qui
introduxit hiezechiel in atrium exterius et ut ita loquar ad sancta
sanctorum, mensus est ipsum atrium in quo erant duae exedrae siue
gazophylacia custodum templi siue altaris habitaculis delegata, et
repperit longitudinis et latitudinis per quadrum centenos cubitos, ut
sacerdotes domini ministerio seruientes, qui per artam et angustam uiam
intrauerant, habeant deambulacra latissima et in perfecto consummato que
uirtutum numero commorentur; et in ipso atrio erat altare ante faciem
templi ut numquam sanctorum ad dominum cesset oratio. supradictus quoque
uir introduxit hiezechiel in uestibulum siue propulon~g templi, quod
mensus est quinque cubitis hinc et quinque inde, quoniam qui introductus
est, diuinis sensibus fuerat eruditus, et nec dexteram nouerat nec
sinistram, sed uia regia ingrediebatur; latitudo autem ipsius portae,
per quam introitus erat ad uestibulum templi, habebat ternos cubitos
'hinc et inde' - in quo scripturae sanctae obseruanda elegantia, quod
non dixerit 'a dextera et sinistra' ne uideretur in sanctis sanctorum
sinistrum aliquid nominare, sed 'hinc et inde' id est ex utraque parte
-, statim que prudens lector intellegit trinum numerum ad trinitatis
mysterium pertinere, quae porta est ingredientium ad deum, dum et pater
in filio et filius in patre et in utroque spiritus sanctus, qui ternus
numerus, una porta est eorum qui post baptismum trinitatis perueniunt ad
salutem. quod autem sequitur: longitudo uestibuli uiginti cubitorum et
latitudo undecim cubitorum, uidetur facere quaestionem: quomodo dualis
numerus qui refertur ad duas decades, et undecimus qui uno indiget ut
sacrum numerum expleat duodecimum, in uestibulo templi esse dicatur;
quod plerique sic soluunt: quamuis sancti sint sacerdotes et in templi
ministeriis collocati et cotidie uictimas offerant christo, tamen, quia
in hoc mortali fragili que corpusculo - et quod aegrotationibus uitiis
que subiectum est -, commorantur, uicenarium habent numerum et undecimum
- unde dicebat et apostolus: miser ego homo! quis me liberabit de
corpore mortis huius? non quo iuxta saeuissimam haeresim abolenda
corpora esse credamus, sed quo sit superuestiri, non spoliari, et
mortale hoc accipere immortalitatem et corruptiuum induere
incorruptionem -. illud autem quod sequitur: et octo gradibus
ascendebatur ad eam, id est ad portam interiorem, scientibus hebraeam
linguam magna difficultas est: denique symmachus, quem in hoc loco
secuti sumus, 'octo gradibus' posuit, septuaginta 'decem', theodotio et
aquilae secunda editio 'undecim', prima autem nullum numerum posuit sed
absolute ait: et gradibus in quibus ascendebatur ad eam, ut uel, iuxta
consuetudinem priorum portarum, 'octo' intellegamus 'gradibus' sicut
intellexit et symmachus, uel certe quos habebat porta interior, quorum
numerum scriptura non dixit: propter quod in hebraeo positum est 'urob' -
id est et 'latitudo' - 'ast-hesre' - quod, si ita legatur, 'undecim'
significat, sin autem pro 'hesre', hoc est 'decem', legamus 'heser', non
significat 'decem', sed pronomen -; quae hebraei sermonis expertibus
deliramenta uideantur. sed nunc non controuersias scribimus aut
orationes in quibus ludi solet compositione uerborum, sed explanationes
et commentarios hebraeorum uoluminum; uerum redeamus ad conceptum. octo
siue decem gradibus, qui perfectus est numerus, aut undecim, de quo iam
diximus, ascendebatur ad portam sanctorum, in cuius frontibus erant
columnae, una hinc et altera inde: non dixit 'duae', ne in dualem
incurreret numerum, sed 'una et una', qui perfectus est numerus et
unione sumitur dei - illae autem erant columnae suae de quibus et in
apocalypsi dicitur: qui uicerit, faciam eum columnam in templo dei mei,
et foras non egredietur; et petrus ac ioannes columnae appellantur
ecclesiae, per quos ingredimur ad sancta sanctorum, et quorum doctrina
ad christum noster introitus est -.
41. et introduxit me in templum, et mensus est frontes: sex
cubitos latitudinis hinc et sex cubitos latitudinis inde, latitudinem
tabernaculi. et latitudo portae decem cubitorum erat, et latera (siue
humeri) portae quinque cubitis hinc et quinque cubitis inde; et mensus
est longitudinem quadraginta cubitorum et latitudinem uiginti cubitorum.
post multa mysteria uarios que introitus et in locis singulis
proprietates, tandem aliquando uir, cuius funiculus caementariorum et
mensurae calamus in manu erat, hiezechielem prophetam introducit in
templum, et mensus est frontem templi - pro quo 'aelam' septuaginta et
'aelim' theodotio et 'in circuitu' symmachus transtulerunt -, et utraque
latitudo tabernaculi senum cubitorum erat, sacramentum creaturarum
omnium continens - in sex enim diebus mundus est conditus -, per quorum
notitiam causas que conditionis atque rationem intramus ad templum dei,
et ex creaturarum ordine atque constantia cognoscimus creatorem.
latitudo autem portae templi erat decem cubitorum - qui sacratus et
perfectus numerus et in quo mense septimo, die decima mensis, ieiunium
et propitiatio est; decima autem die mensis primi, qui appellatur nisan,
ad immolationem et praeparationem paschae, agnus assumitur. septimo
igitur mense, decimae offeruntur in dei horrea siue, ut scriptura
appellare consueuit, torcularia; unde dicit et apostolus: dilatamini et
uos -, ut, postquam per decem portae cubitos templum quis fuerit
ingressus, ex utraque parte ipsius latera, siue, ut proprie in hebraico
dicitur, humeri, mensurentur, qui semper referuntur ad opera - unde et:
issachar desiderauit bonum, requiescens inter medios cleros; uidit que
requiem quia bona est et terram quia pinguis est: supposuit humerum ad
laborandum et factus est agricola; et in ueste pontificis humerale cum
rationali stringitur, ut ratione opera compleantur, et possit dicere
ecclesiasticus: a mandatis tuis intellexi -, qui humeri portae ex
utraque parte quinos habebant cubitos, ut per terrenos sensus atque
diuinos, super quorum differentia saepe scribimus, ingrediamur adyta
templi; cuius mensus est uir ille, qui ductor prophetae erat,
longitudinem quadraginta cubitorum et latitudinem uiginti cubitorum
siue, ut melius est, portae longitudinem ac latitudinem, quia supra
tantum de latitudine et humeris eius dixerat. quod autem uicies
quadraginta octingentesimum numerum faciat qui uicinus est octonario,
nulli dubium est - unde et in ecclesiaste praecipitur: date partem
septem, date et octo -, de cuius numeri sacramento crebro disputasse me
noui; siue, quia per tribulationes et angustias huius saeculi intramus
ad sanctuarium domini, idcirco longitudo portae habebat cubitos
quadraginta, qui numerus semper in labore positus est - unde et moyses
et helias quadraginta diebus non comedunt panem et aquam non bibunt, et
annis quadraginta populus israel uexatur et probatur in solitudine et
post multos labores terram repromissionis ingreditur, et dominus ac
saluator secundum assumpti corporis fragilitatem quadraginta diebus
tentatur in solitudine ut post uictoriam accedant angeli et ministrarent
ei -. cum autem, post tribulationes et angustias, potuerimus dicere
illud apostolicum: in omnibus tribulati, sed non coangustati, atque
propheticum: in tribulatione dilatasti mihi, tunc nobis latissimus
aperitur introitus, qui uiginti cubitorum habet latitudinem, ut,
superatis mundi certaminibus atque terrenis qui et ipse dualis est
numerus, ingrediamur templi penetrabilia, et audiamus imperantem
discipulis dominum: confidite, ego uici mundum.
et ingressus intrinsecus (siue in atrium interius) mensus est in
fronte (siue 'aelam') portae duos cubitos, et portam sex cubitorum, et
latitudinem portae septem cubitorum (siue et humeros portae septem
cubitis hinc et septem cubitis inde).
et mensus est longitudinem eius (siue ostiorum) uiginti cubitorum
et latitudinem uiginti cubitorum ante faciem templi, et dixit ad me:
hoc est sanctum sanctorum. quantumuis proficiamus, semper nobis maior
profectus aperitur.
unde post introitum templi rursum ingredimur intrinsecus siue, ut
septuaginta transtulerunt, interius atrium, in cuius 'fronte' siue 'ael'
- pro quo symmachus 'circa portam', theodotio 'aelam', hebraicum 'ul',
aquila 'cis ostium', nos 'frontem' interpretati sumus -, duo erant
cubiti, ut iuxta superiorem sensum per dualem numerum ingrediamur ad eum
locum, ubi sint sancta sanctorum; unde et ipsa porta sex cubitorum erat
per quos introgressi aeternam requiem possidemus: quae in septenario
numero demonstratur: pro quo septuaginta transtulerunt: et latitudinem
portae septem cubitorum hinc et septem cubitorum inde, cum in hebraeo et
ceteris editionibus semel tantum cubiti in latitudine portae positi
sint. quod autem sequitur: et mensus est longitudinem eius uiginti
cubitorum (siue ut in septuaginta quadraginta continetur), latitudinem
quoque uiginti cubitorum ante faciem templi, illud significat quod ante
templi faciem et in introitu eius praeteriti laboris atque certaminis
nobis mensura semper occurrat: quam enim rationem in singulis numeris
duplex numerus possidet, eandem duae habent decades. et hoc
considerandum quod, ingressus intrinsecus per portam duorum in fronte
cubitorum et sex habentem cubitos septem que in latitudine ex utraque
parte et uiginti cubitos in longitudine totidem que in ipsis templi
foribus, doceatur propheta qui sit ille locus uel quo appellatur
uocabulo: dixit enim, inquit, mihi: hoc est sanctum sanctorum. sin autem
ante templum siue, ut scriptura cognominat, ante faciem templi sanctum
sanctorum est, quantam beatitudinem in templi adytis et in interioribus
eius aestimare debemus - de qua propheta loquitur: hoc labor est in
conspectu meo, donec ingrediar in sanctuarium dei, intellegam in
nouissimis eorum -! sed et hoc notandum, quod in descriptione
tabernaculi dicuntur sancta sanctorum plurali numero, hic autem sanctum
sanctorum numero singulari, ut post sancta ueniamus ad sanctum - quomodo
post multa cantica peruenimus ad canticum canticorum, quod omnium
carminum carmen est et quod canentes sponsi copulamur amplexibus -. et
mensus est parietem domus sex cubitorum, et latitudinem lateris quattuor
cubitorum per circuitum undique domus; latera autem, latus ad latus,
bis triginta tria. et erant eminentia quae ingrederentur per parietem
domus in lateribus per circuitum, ut continerent et non attingerent
parietem templi. et platea erat in rotundum ascendens sursum per
cochleam, et in coenaculum templi deferebat per gyrum. idcirco latius
erat templum in superioribus, et sic de inferioribus ascendebatur ad
superiora in medium. (quod autem in lxx ponitur et de mediis ad tristega
- id est 'ad tertia coenacula' et 'thrael', in hebraico non habetur; et
pro 'thrael' quoque, quod nescio quid significet, neque enim habetur in
hebraeo, legitur apud illos 'uraithi', quod et nos et ceteri
transtulerunt 'et uidi', ut sequatur ordo testimonii:)
et uidi in domo altitudinem per circuitum, fundata latera ad
mensuram calami sex cubitorum spatio; et latitudinem per parietem
lateris forinsecus quinque cubitorum, et interior [domus] in lateribus
domus, et inter gazophylacia latitudinem uiginti cubitorum in circuitu
domus undique. et ostium lateris ad orationem (quod in lxx non habetur),
ostium unum ad uiam aquilonis, et ostium unum ad uiam australem; et
latitudinem loci ad orationem (quod et ipsum lxx non transtulerunt)
quinque cubitorum in circuitu. et aedificium quod erat separatum uersum
que ad uiam respicientem ad mare latitudinis septuaginta cubitorum,
paries autem aedificii quinque cubitorum latitudinis per circuitum, et
longitudo eius nonaginta cubitis. postquam peruenit ad sanctum
sanctorum, de quo supra diximus, uir ille uenerabilis mensus est sancti
sanctorum parietem qui, propter fabricam mundi et omnem uisibilem
creaturam quae in sex diebus condita est, sex habebat cubita, et
latitudinem unius lateris quattuor cubitorum: non ex uno latere, sed per
circuitum domus latitudo; quattuor autem cubita tenebat per circuitum
domus latitudo, ut quattuor elementa monstraret ex quibus uniuersa
compacta sunt, et maxime humana corpora, contra quae sancti dimicantes
et subicientes ea animae potestati, interiora merentur intrare et domini
arcana cognoscere. ipsa autem latera, quae in circuitu domus erant et
quattuor cubitorum spatio a templi pariete separabantur, iuncta sibi
erant, ita ut unum latus aliud latus contingeret et haberet in
longitudine non triginta et tres cubitos sed bis triginta tres, hoc est
sexaginta sex. uetus in leuitico loquitur testamentum, in ortu maris,
post unam hebdomadem, et illam quae genuit et illum qui genitus est
triginta et tres implere dies ut ueniant ad purificationem, porro si
genuerit feminam, duplicem obseruare numerum est id, sexaginta sex; et
quia, ut ueniamus ad sancta sanctorum, non solum prima indigemus
natiuitate, sed et secunda ut, nati in carne, renascamur in spiritu,
idcirco non sexaginta sex, sed bis triginta et trium ponitur numerus, ut
utraque natiuitas deo auctori debeatur illius que clementiae et duplici
muro circumeant latera domus quae templi fulciunt aedificium. quod que
sequitur iuxta hebraicum: et erant quaedam eminentia quae ingrederentur
per parietes domus per latera in circuitu, [ut continerent] et non
attingerent parietem templi, illud significat quod sancti uiri in
multitudine credentium erumpant per parietem templi, per omnia uidelicet
latera in circuitu, et contineant ecclesiae fundamenta, et tamen non
tangant parietem templi, tantum uidisse contenti et de longe
inenarrabilia adorasse mysteria: nunc enim uidemus per speculum in
aenigmate, et plenissimam tangere atque comprehendere non possumus
ueritatem. quod autem: platea erat in rotundum ascendens sursum per
cochleam, et in coenaculum templi deferebat per gyrum, et: idcirco
latius erat templum in superioribus, et sic de inferioribus ascendebatur
ad superiora et medium, puto perspicuum esse lectori, semper angustiora
esse quae deorsum sint in ieiuniis, chameuniis, uictus continentia,
paulatim que, dum ad summa conscendimus, latiorem nobis aperiri uiam et
impleri quod scriptum est: in tribulatione dilatasti mihi; per rotundum
autem et cochleam conscendimus templi coenaculum, quae figura inter
omnia sch�mata~g a philosophis quoque huius saeculi pulchrior
approbatur, dum et caelum et sol et luna et astra cetera et punctum
terrae, in corporibus quoque humanis oculi quasi altera sidera, et
figura capitis quod omnium sensuum receptaculum est, teretes que digiti
et femina et brachia hanc praeferunt rotunditatem; porro coenaculum
templi ad quod de angustioribus ad altiora conscenditur illud puto esse
quod in regum uolumine helias habuit et elisaeus, et in apostolorum
actibus tabitha - id est dorkas~g et dammula - nostra possedit quae
bonis operibus ad summa conscenderat; apostolus autem petrus, super quem
dominus ecclesiae fundamenta solidauit, transcendit coenaculum et uenit
ad tectum - quod significantius graece d�ma~g dicitur - id est tecti
solarium -, et incognita prius saeculo ecclesiae sacramenta cognouit;
saluator quoque generis humani pascha fecit in coenaculo, et magno lato
que coenaculo atque omni sorde purgato strato que et ad spiritale
conuiuium praeparato, ubi mysterium corporis et sanguinis sui tradidit
discipulis suis et aeternam nobis agni immaculati reliquit festiuitatem.
quod que addit: et de mediis ad tristega (id est tertia coenacula) et
'thrael', uidetur mihi obelo praenotandum: quid enim necesse est dubia
et non scripta disserere, cum in ea quae hebraeorum tenentur libris
debeamus incumbere? sequitur: et uidi in domo altitudinem per circuitum,
fundata latera ad mensuram calami sex cubitorum spatio; et latitudinem
per parietem lateris forinsecus quinque cubitorum; et inter gazophylacia
(quae symmachus exedras~g uocat) latitudinem cubitorum uiginti per
circuitum domus, quibus numeris ostenditur quod de mundo hoc et de
terrenis sensibus et de duali duarum decadarum numero qui refertur ad
uiginti, non solum in sancta sanctorum sed et in coenacula eorum
mereamur ascendere, et semper habere in memoria quod per sex dies
conditionis nostrae et per quinque sensus et per uiginti cubita
latitudinis ascenderimus coenaculum templi et, terrenam humilitatem
sensum que litterae relinquentes, transierimus ad summitatem ecclesiae,
spiritus que sancti consortio gaudeamus. et ostium, inquit, lateris ad
orationem contra uiam aquilonis: a quo exardescunt mala super omnem
terram, et quem dominus abacturum se a nobis pollicetur, dicens: et eum
qui ab aquilone est, abigam a uobis; pulchre que in ostio contra
aquilonem locus orationis est, ut secundum apostolum oremus sine
cessatione, et dicamus cum hieremia: non sileat pupilla oculi mei, uel
praesentia mala uitare cupientes uel agentes gratias pro praeteritis -
quamdiu enim in tabernaculo corporis huius sumus, ingemiscimus dicimus
que: miser ego homo! quis me liberabit de corpore mortis huius? -, sed
et ad uiam australem erat ostium et ipsum, iuxta hebraicum, habens locum
orationis et quinque tendens cubitis per circuitum - post frigus enim
aquilonis ad australem transeamus calorem -, et tamen rursum orationis
locum quaerimus: in aquilonis ostio ut euadamus pericula, in australi ut
agamus gratias pro praeteritis et sit nobis uictoriae secura possessio;
quinque autem cubiti et in hoc loco diuinos indicant sensus per quos de
terrenis ad altiora conscendimus. et aedificium, inquit, quod erat
separatum uersum que ad uiam respicientem ad mare latitudinis
septuaginta cubitorum, ut, post labores et pericula et saeculi istius
fluctus atque naufragia et annos septuaginta de quibus hieremias scribit
et daniel et zacharias, uerum et legitimum septem decadarum sabbatum
consequamur, et sit nobis aeterna requies; et per quinque cubitorum
latitudinem ueniamus ad longitudinem nonaginta cubitorum, in qua aetate
de repromissione filium sara generauit quae nonaginta annorum, id est
nouem decadarum, peperit isaac, iuncta abraham centenario, id est decem
decadarum habenti mysterium, qui numerus quid significet sequens
scriptura monstrabit.
et mensus est domus longitudinem centum cubitorum, et quod
separatum erat aedificium et parietes eius longitudinis centum
cubitorum; latitudo autem ante faciem domus et eius quod erat separatum
contra orientem centum cubitorum. et mensus est longitudinem aedificii
contra faciem eius quod erat separatum ad dorsum, ekthetas~g (id est
'eminentia') ex utraque parte centum cubitorum; et templum interius et
uestibula atrii, limina et fenestras obliquas, et ekthetas~g in circuitu
per tres partes contra uniuscuiusque limen, stratum que ligno per gyrum
in circuitu; terra autem usque ad fenestras, et fenestrae clausae super
ostia. et usque ad domum interiorem et forinsecus, per omnem parietem
in circuitu, intrinsecus et forinsecus, ad mensuram. et fabrefacta
cherubim et palmae, et palma inter cherub et cherub; duas que facies
habebat cherub: faciem hominis iuxta palmam ex hac parte, et faciem
leonis iuxta palmam ex alia parte expressam per omnem domum in circuitu.
de terra usque ad superiora portae cherubim et palmae coelatae erant in
pariete templi. limen quadrangulum et facies sanctuarii aspectus contra
aspectum. altaris lignei trium cubitorum altitudo, et longitudo eius
duorum cubitorum, et anguli eius et longitudo eius et parietes eius
lignei. (lxx: et mensus est (signum_obeli) contra (signum_metobeli)
domum longitudinem cubitorum centum, et reliqua et separantia et
parietes eius in longitudine cubitorum centum; et latitudinem contra
faciem templi et reliqua e contra cubitorum centum. et mensus est
longitudinem separantis contra faciem reliquorum quae erant post tergum
domus illius et reliqua hinc et inde cubitorum centum longitudinem; et
templum et anguli et 'aelam' exterius strata ligno, et fenestrae in
modum retis factae tres ad lucendum ut perspiceretur per eas; et domus
et ea quae proxima erant strata ligno per circuitum et pauimentum et de
pauimento usque ad fenestras, et fenestrae aperiebantur tripliciter ut
prospiceretur per eas. et usque ad domum interiorem et exteriorem et per
omnem parietem in circuitu, intrinsecus et extrinsecus, mensura; et
coelata cherubim et palmae inter cherub et cherub: facies hominis ad
palmam hinc, et facies leonis ad palmam inde, coelatus omnis paries per
circuitum: a pauimento usque ad laquearia cherubim et palmae coelatae.
et sanctuarium et templum aperiebatur per quattuor angulos. contra
faciem sanctorum uisio quasi species altaris lignei, trium cubitorum
altitudo eius et longitudo cubitorum duorum et latitudo cubitorum
duorum, et cornua habebat, basis quoque et parietes eius lignei). uerbum
'contra', quod septuaginta transtulerunt in principio testimonii ubi
scriptum est: et mensus est 'contra' domum, in hebraico non habetur, et
idcirco obelo praenotandum est, ut sit rectius et uerius: et mensus est
domum longitudinem cubitorum centum, et reliqua. describuntur autem
sancta sanctorum et templum interius, quod post nonaginta cubitos ex
tribus partibus centenos cubitos habere dicatur: perfectum uidelicet
numerum decadarum decem, ut et mente et sermone et operibus deo
seruiamus, recordantes illius apostolici exempli, in quo ait: ut scire
possimus quae sit latitudo, et longitudo et altitudo et profundum. quod
autem hebraicum dicit 'aedificium separatum et parietes eius',
septuaginta 'reliqua' interpretantur 'et separantia' quae non haereant
parietibus templi sed propinquos et suos habeant parietes. ipsum quoque
templum et anguli eius et 'aelam' (id est propulon~g siue 'uestibulum')
exterius erant strata ligno, sapientia uidelicet, quod lignum uitae
situm in paradiso scriptura commemorat. fenestrae quoque erant factae in
modum retis instar cancellorum, ut non speculari lapide nec uitro, sed
lignis interrasilibus et uermiculatis clauderentur - pro quibus in
hebraico 'obliquas fenestras' habet -, quae in tribus tantum erant
partibus templi, ad dexteram uidelicet et sinistram et post tergum, id
est ad meridiem et aquilonem et ad occidentem; orientalis autem pars non
habebat fenestras, quia ipse introitus clarum immittebat lumen
intrinsecus, et cuncta interiora templi ianuarum lumine complebantur,
ita ut per singulas fenestras et cancellorum foramina intro quis possit
aspicere. et non solum exteriora erant strata ligno, sed tanta erat
lignorum copia per circuitum, ut et pauimentum et de pauimento usque ad
fenestras lignis omnia iungerentur; quae fenestrae iuxta septuaginta
aperiebantur tripliciter, ut apertis eis triplex in templo dei
intellegentia monstraretur - iuxta illud quod alibi dicitur: tu autem
scribe ea tripliciter -; prospiceretur autem per eas non solum interius
sed exterius, ut quae interiora sunt, inuisibilia, quae exteriora,
uisibilia cognoscamus; ut aliud mentem, aliud carnem, aliud spiritalem
intellegentiam, aliud simplicem monstret historiam. et per omnes
parietes in circuitu tam intrinsecus quam extrinsecus erant mensurae
suae: nihil enim absque ratione et mensura in templo dei, et maxime in
sanctis sanctorum, a deo factum est. coelata quoque erant cherubim, haud
dubium quin in lignis de pauimento usque ad fenestras pertingentibus,
et tam fabrefactae erant coelaturae, ut non sculptae sed appositae
uiderentur. 'cherubim' interpretatur 'scientiae multitudo'; igitur
intrinsecus in interioribus templi, post scientiae multitudinem,
coelantur et palmae - in quibus signum uictoriae est, dicente apostolo:
persequor autem statutum ad brauium supernae uocationis dei in christo
iesu -, quae: palmae erant inter cherub et cherub, ut unum cherub duarum
palmarum lateribus uallaretur; quod cherub nequaquam, ut in principio
huius prophetae legimus, quattuor habebat facies, hominis scilicet et
leonis et uituli et aquilae, sed tantum duas, hoc est hominis et leonis,
quorum primum ad rationem pertinet, sequens ad furorem - qui
significantius graece thumos~g appellatur -: furorem autem dicimus non
eum qui perturbationi et uitio proximus est, sed qui mentis consolidat
mollitiem et fortiorem facit animum dimicantis: in principio enim
subiacemus et concupiscentiae quae refertur ad uitulum propter terrae
opera, et alia sunt carnalia et alia spiritalia quorum extremum aquilae
deputatur; cum autem intrauerimus sancta sanctorum et interiora templi
possederimus, nequaquam alia re indigemus nisi ratione atque
fortitudine, quorum alterum ad sensum atque prudentiam, alterum refertur
ad animi perseuerantiam. omnis igitur paries per circuitum templi a
pauimento usque ad laquearia cherubim habebat et palmas mira arte
coelatas; post quae aperiebatur sanctuarium per quattuor angulos contra
faciem sanctorum: prius enim habemus scientiae multitudinem, per quam
uictoriam de hoste consequimur, et postea nobis sanctuarium aperitur et
templum quod habet quattuor angulos, stationem firmissimam, et quae in
nullam partem decliuior sit: hanc enim habet naturam mensura
quadranguli, ut stabili consistat basi et, in mystico numero qui
prudenti lectori perspicuus est, elementa quattuor, ex quibus constant
omnia, solida perpetua que possideat. et cuncta contra faciem sanctuarii
aspiciebant; ante quod sanctuarium siue in quo sanctuario erat: species
altaris lignei trium cubitorum altitudine et longitudine cubitorum
duorum et latitudine cubitorum duorum, qui iuncti septem faciunt
cubitos. quod altare habebat cornua, et tam basis quam parietes eius,
hoc est latera, erant lignea: in quo scripturae sanctae mysteria humanus
sermo non potest explicare: quomodo altare in quo ignis succendendus
erat, mensa uidelicet thymiamatis, nihil ab igne patiatur sed, ut ita
dicam, igne purius fiat: sicut enim sanctorum opera - de quibus scribit
apostolus: uniuscuiusque opus quale sit ignis probabit -, non pereunt
sed per ignem puriora monstrantur, ita et altaris ligna, quae de lignis
paradisi sunt, non cremantur igne uicino sed puriora redduntur - nec
mirum hoc de sanctuario et interioribus templi et altari thymiamatis
credere, cum etiam amianton~g - ligni genus est uel lini habens
similitudinem - quanto plus arserit tanto mundius inueniatur -. ignosce,
lector, difficultati et ueniam tribue pauperi intellegentiae: per
fenestras enim obliquas et in modum retis factas et quae semper clausae
sunt, uix usque ad interiorem domum cordis nostri oculum possumus
intromittere, ut omnia quae cernimus, in umbra uidemus et imagine - et
cum apostolo proclamemus: o profundum diuitiarum sapientiae et scientiae
dei! quam inscrutabilia sunt iudicia eius, et inuestigabiles uiae
illius! et quis cognouit sensum domini? nisi ille qui est magni consilii
angelus et sua potest dignis aperire mysteria -. ekthetas~g autem romae
appellant 'solaria' de coenaculorum parietibus eminentia, siue
'maeniana' ab eo qui primus inuenit, quae nonnulli graecorum ex�stras~g
uocant.
et locutus est ad me: haec est mensa coram domino. et duo ostia
erant in templo et in sanctuario; et in duobus ostiis ex utraque parte
bina erant ostiola, quae in se inuicem plicabantur; bina enim ostia
erant ex utraque parte ostiorum. et coelata erant in ipsis ostiis templi
cherubim et sculpturae palmarum, sicut in parietibus quoque expressae
erant; quamobrem et grossiora erant ligna in uestibuli fronte
forinsecus. super quae fenestrae obliquae, et similitudo palmarum hinc
atque inde in humerulis uestibuli, secundum latera domus latitudinem que
parietum. (multum in hoc loco lxx editio ab hebraica ueritate
discordat. unde hoc solum admonebo, quod pro 'grossioribus lignis',
spoudaia~g hoc est 'necessaria' siue 'cura digna' transtulerint, et pro
'obliquis' fenestris, 'absconditis', et quod in fine testimonii positum
est: et mensus est hinc et inde laquearia superliminaris - siue
uestibuli - per latera domus compacta - siue coniuncta, quae illi
dixerunt ezug�mena~g pro quibus possumus 'aequi ponderis' uertere -).
uir ergo ille qui prophetam in adyta templi introduxerat, et inter
cetera ostenderat ei altare ligneum quod et angulos, et cornua iuxta
septuaginta, et parietes habebat ligneos, dixit ei: 'hoc altare quod
respicis: ipsa est mensa coram domino' quae in similitudine rubi ardet
et non comburitur - de qua sanctus loquitur ad dominum: parasti in
conspectu meo mensam aduersus eos qui tribulant me -. duo quoque ostia
erant in templo et in ipso sanctuario, per quae utriusque instrumenti
sacramenta monstrantur. et in duobus ostiis ex utraque parte bina erant
ostiola, quae in se inuicem plicabantur, ut et in historia spiritalem
habeamus intellegentiam et in tropologia historiae ueritatem, quorum
utrumque altero indiget et si unum defuerit perfecta caret scientia.
quod autem sequitur: bina ostia erant ex utraque parte ostiorum, iuxta
litteram perspicuum est: solent enim in maioribus tricliniis bina sibi
haerere ostia atque coniungi, ut maior introitus nequaquam a duobus et
ingentibus sed quattuor minoribus claudatur uel aperiatur foribus. in
quibus ostiis templi (siue sancti sanctorum) coelata erant cherubim - de
quibus supra diximus - et sculpturae palmarum, ut post scientiae
multitudinem uictoria intrantibus praeberetur; quae sculptura palmarum
in omnibus quoque parietibus templi erat. reddit que causas quare
coelata fuerint in ipsis ostiis cherubim et palmarum expressae
similitudines: unde et grossiora erant ligna in uestibulo portae
forinsecus, ut et firmitatem haberent et coelaturam possent recipere;
pulchre que, iuxta intellegentiam spiritalem, firmiora et coelata sunt
ostia, ut et firmitatem habeant et pulchritudinem, ne quis ad sancta
sanctorum similis oziae possit irrumpere et sibi sacerdotium uindicare.
super quae ostia erant fenestrae obliquae (siue absconditae), ut ipsum
quoque lumen quod praebebatur intrinsecus non haberet perfectam
scientiam nec clarum lumen et cunctis patens, sed plerisque ex parte
esset absconditum - nunc enim uidemus in aenigmate, et necdum nouimus
sicut oportet nos scire; cum autem uenerit quod perfectum est, tunc quod
ex parte fuerat destruetur -. et erat similitudo palmarum hinc atque
inde: eleganter in interioribus templi et in sanctis sanctorum non
posuit 'dexteram et sinistram', ne quid sinistrum in his quae magna sunt
et arcana dicere uideretur, sed 'hinc atque inde' - iuxta illud quod in
euangelio scriptum est: qui te percusserit in dexteram maxillam, praebe
illi et alteram. numquid dicere non potuit 'et sinistram'? sed quando
percutitur dextera praebetur altera dextera, quia in sancto uiro
utrumque dextrum, utrumque perfectum est -. et: in humerulis uestibuli,
secundum latera domus latitudinem que parietum (pro quo septuaginta
transtulerunt: in laquearibus 'aelam' - hoc est propulou~g - et latera
domus aequalis ponderis - siue mensurae -), per quae latenter
ostenditur, et postes superliminaris siue uestibuli - hoc enim humeruli
uidentur significare -, et latera domus, et latitudinem parietum, cuncta
rationis plena esse atque mensurae, et nihil in templo domini reperiri
quod absque mensura et sapientia constitutum sit.
LIBER 13
tertius decimus liber explanationum in hiezechielem, liber secundus
est explanationis templi, quem et quartum decimum, opitulante saluatore
nostro, ad finem usque dictare cupio, illud eiusdem numeri cum dauid in
quarto decimo psalmo canens: domine, quis habitabit in tabernaculo tuo?
aut quis requiescet in monte sancto tuo? quod et pro difficili et pro
impossibili debemus accipere; inde et in alio loco quasi uir
desideriorum enixius deprecatur ac dicit: unum petiui a domino, hoc
requiram: ut habitem in domo domini omnibus diebus uitae meae, ut uideam
iucunditatem domini et uisitem templum sanctum eius, et rursum: quam
dilecta, inquit, tabernacula tua, domine uirtutum concupiscit et deficit
anima mea in atria domini. aemulorum maledicta praeuenio, qui non quid
ipsi possint sed quid ego non possim considerant et, cum nostra
diiudicent, sua diiudicanda non praebent, numquam in agone pugnantes sed
de pugnantibus otioso immo superbo animo iudicantes: facile est dare
dictata de populo, et singulos ictus calumniari, ac de alieno ridere
sanguine, et, ubi uulnus infigi debuerit, imperiti lanistae more
disserere.
ego, in explanatione templi hiezechielis et ceterorum quae ad finem
ipsius uoluminis pertinent, fateor me pro rei magnitudine nihil dignum
scribere, et in paucis, si qua tamen accipere meruero, gratias agere
saluatori: scriptum est enim: nisi credideritis, non intellegetis, et in
alio loco: si habueritis fidem ut granum sinapis, et dixeritis monti
huic: transmigra et transplantare in mare, fiet; et quomodo apostolus
granum sinapis non modicam fidei portionem sed totam fidem commemorat
esse dicens: et si totam fidem habuero, ita ut montes transferam, igitur
granum hoc sinapis, etiam si modicum fuerit: in magnam succrescit
arborem, et uolatilia caeli habitant in ramis eius. quamobrem tibi,
filia mi eustochium, quae nostra qualiacumque fuerint libenter accipis,
contestatum uolo; et illud rhetoris uictorini breuiter admoneo, ut
obscuritatem uoluminum ex tribus rebus fieri scias: uel rei magnitudine,
uel doctoris imperitia, uel audientis duritia: quorum primum et
secundum liquido in hoc opere confitebor, tertium acumen ingenii tui et
desiderium scripturarum facile renuit, quae priuilegio uirginali et
uictus continentia, non dicam frequentem sed iugem hospitem possides
deum. igitur tertium decimum in hiezechiel arripiamus librum, cuius hoc
principium est:
42. et eduxit me in atrium exterius ad uiam ducentem ad
aquilonem; et eduxit me in gazophylacium quod erat contra separatum
aedificium, et contra aedem uergentem ad aquilonem. in faciem
longitudinis centum cubitos ostii aquilonis, et latitudinis quinquaginta
cubitos, contra uiginti cubitos atrii interioris, et contra pauimentum
stratum lapide atrii exterioris ubi erat porticus iuncta porticui
triplici. et ante gazophylacia deambulatio decem cubitorum latitudinis
et ad interiora respiciens uiae cubiti unius; et ostia earum ad
aquilonem, ubi erant gazophylacia in superioribus humiliora, quia
supportabant porticus quae ex illis eminebant de inferioribus et de
mediis aedificii sedibus. tristega enim erant, et non habebant columnas
sicut erant columnae atriorum; propterea eminebant de inferioribus et de
mediis a terra cubitis quinquaginta. et peribolus exterior secundum
gazophylacia quae erant in uia atrii exterioris ante gazophylacia;
longitudo eius quinquaginta cubitorum, quia longitudo erat
gazophylaciorum atrii exterioris quinquaginta cubitorum, et longitudo
ante faciem templi centum cubitorum. et erat subter gazophylacia haec
introitus ab oriente ingredientium in ea de atrio exteriori. in
latitudine periboli atrii quod erat contra uiam orientalem in facie
aedificii separati, et erant ante aedificium gazophylacia. et uia ante
faciem eorum iuxta similitudinem gazophylaciorum quae erant in uia
aquilonis; secundum longitudinem eorum sic et latitudo eorum, et omnis
introitus eorum et similitudines et ostia eorum secundum ostia
gazophylaciorum quae erant in uia respiciente ad austrum; ostium in
capite uiae quae erat ante uestibulum separatum per uiam orientalem
ingredientibus. (lxx: et eduxit me in atrium exterius (signum_obeli) ad
orientem (signum_metobeli) contra portam aquilonis; et introduxit me, et
ecce exedrae quinque iuxta parietem aedificii et propter aedificium
separatum ad aquilonem, et contra cubitis centum longitudinis ad
aquilonem et latitudinis quinquaginta cubitis, descriptae sicut portae
atrii interioris et sicut columnae atrii exterioris, per ordinem contra
faciem porticus ternae. et contra exedras deambulatio cubitorum decem
latitudinis, per cubitos centum longitudinis - in interiorem uiam cubiti
unius -; et ostia eorum ad aquilonem. et deambulationes coenaculorum
similiter, quoniam eminebant columnae a columnis inferioribus et spatium
simile erat. et porticus triplices erant et columnas non habebant sicut
columnae in exterioribus; propterea eminebant ab his quae erant
inferius et in medio de terra - quinquaginta cubitorum -. et lumen
exterius sicut exedrarum atrii exterioris quae respiciebant contra
exedras aquilonis, longitudine cubitorum quinquaginta; longitudo enim
exedrarum respicientium atrium exterius erat cubitorum quinquaginta, et
hae sunt contra faciem suam: omnes cubitorum centum. et ostia exedrarum
istarum ad introitum orientalem, ut ingrediatur per ea de atrio
exteriori secundum lumen quod erat in principio deambulationis - ad
austrum contra meridiem et faciem reliqui aedificii et separati. et
exedrae et deambulatio contra faciem suam iuxta mensuras exedrarum et
uiam ad aquilonem et longitudinem earum et latitudinem earum et omnes
exitus earum et introitus et luminaria et ostia exedrarum contra
meridiem et introitus ab initio deambulacri ad luminare spatio calami et
ut ad orientem iretur per ea -). hoc quod septuaginta transtulerunt 'ad
orientem', in hebraico non habetur et superfluum esse manifestum est -
quomodo enim educitur ad portam exteriorem 'ad orientem', cum sequatur
'contra portam aquilonis'? -; illud que quod et supra et in hoc loco
posuimus: et eduxit me in gazophylacium quod erat contra separatum
aedificium, et contra aedem uergentem ad aquilonem, pro quo habetur in
septuaginta: et eduxit me, et ecce exedrae quinque iunctae reliquo
aedificio et iuxta separatum ad aquilonem: pro 'separato' quod aquila et
symmachus transtulerunt, secunda editio aquilae et theodotio ipsum
uerbum posuere 'gazera', in omnibus locis similiter exprimentes; multa
que alia quae in praesenti loco proposita sunt, inter hebraicum et
septuaginta non solum ordine sed et numero et uerborum interpretatione
discordant, ut, si uoluerimus haerere in singulis et diuersitatis eorum
quaerere et explanare rationem, multum aberremus a proposito, uolueram
que, desperatione et magnitudine rei, praesens testimonium silentio
praeterire, sed melius arbitratus sum quodcumque dicere, quam omnino
nihil dicere, socraticum illud assumens: 'scio quid nesciam', pars enim
scientiae est, scire quid nescias. postquam igitur ea quae erant intus
propheta diligentius contemplatus est, eduxit eum uir, cuius funiculus
et calamus erat in manu, atrium exterius per uiam ducentem ad aquilonem,
quod et supra iam uiderat antequam interiora penetraret - sed aliter
uidemus perfectam habentes scientiam, aliter in principio disciplinae;
et necesse est ut qui interiora conspexerit secundum eandem formam atque
mensuras et recondita sacramenta, etiam quae exteriora sunt uideat -;
eductus autem est in gazophylacium - siue ut symmachus dicit et
septuaginta transtulerunt 'exedram', et theodotio pastophorion~g, quod
in 'thalamum' uertitur quod erat contra separatum aedificium; quod autem
septuaginta addidere pro gazophylacio 'exedras quinque', in hebraico
non habetur -, quod gazophylacium erat contra separatum aedificium - de
quo supra diximus 'gazera' -: separatum autem erat, eos suscipiens qui
ab aquilone ueniebant, et erat contra aedem uergentem ad aquilonem, id
est respicientem quidem aquilonis partes sed non in aquilone positum, ut
facilior esset transitus his qui aquilonis frigora relinquebant a quo
exardescunt mala super terram - legimus in numerorum libro tribus dan et
neptalim et aser filiorum ballae et zelphae ancillarum rachel et liae
ad aquilonis plagam castra tenuisse -. nunc quoque in facie longitudinis
ostii aquilonis centum fuisse cubitos et latitudinis quinquaginta, ut,
ex decem decadis quadrangulus numerus atque perfectus et ex septem
hebdomadibus qui remissionis est numerus et in principium unionis id est
ogdoadis erumpit, sacerdotalia in templo dei spatia monstrarentur;
illud que quod iuxta hebraicum iungitur: contra uiginti cubitos atrii
interioris, pro quo septuaginta transtulerunt: descripta erant sicut
portae atrii interioris, hunc habet sensum, quod exterioris atrii
centenarius numerus et quinquagenarius, eandem uim habeat quam
uicenarius atrii interioris: si enim quattuor quinquies supputes in
numero uicenario, utrumque reperies testamentum, ut et lex teneatur in
euangelio et euangelium de legis radice nascatur; pro quo numero
septuaginta 'similitudinem atrii interioris' interpretati sunt, forsitan
formidantes uicenarium numerum - in quo offeruntur esau munera - in
atrio interiori ponere. sequitur: et contra pauimentum stratum lapide
atrii exterioris ubi erat porticus iuncta porticui triplici, pro quo
septuaginta transtulerunt: et sicut columnae atrii exterioris, per
ordinem positae contra faciem porticuum triplicium: significat autem
quod pauimentum atrii exterioris uiuo fuerit stratum lapide, ut nec
aestatis puluere nec luto hiemis sacerdotum uestigia polluantur - unde
et dominus, ascensurus ad patrem, apostolorum lauat pedes ut mundis
purgatis que uestigiis scandant regna caelorum, et imperat apostolis ut,
in quamcumque ingressi fuerint ciuitatem et non susceperint eos,
excutiant pedum suorum puluerem, quo scilicet nihil munerum terrenorum
ab eis apud se manere patiantur -; non solum autem pauimentum stratum
erat lapide, sed et porticus erat iuncta porticui triplici: una porticus
ab imbre et aestu protegens sacerdotes et iuncta porticui triplici,
demonstrat que mysterium trinitatis, quod, cum in patris et filii et
spiritus sancti diuidatur nomina, tamen una sibi diuinitate coniungitur.
erat quoque ante gazophylacia - siue exedras, uel thalamos -
deambulatio decem cubitorum latitudinis, ad interiora respiciens uiae
cubiti unius - quod que a septuaginta additum est: per cubitos
longitudinis centum, superfluum est quia in hebraico non habetur; quod
ponentes, tulerunt id quod habetur in hebraeo: ad interiora respiciens
uiae cubiti unius, quod nos de hebraica ueritate transtulimus -:
significat autem quod ante fores gazophylaciorum omnium, siue exedrarum
et thalamorum, fuerit deambulatio latitudinem habens cubitorum decem qui
et ipse perfectus est numerus uel propter legis decalogum uel propter
euangelii sacramenta: si enim ab uno per duos et tres ad quartum numerum
uenias, denarius et euangeliorum numerus efficitur -, in cuius
latitudine deambulant sacerdotes, ante singula gazophylacia gradientes,
ita dumtaxat ut semper ad interiora respiciant uiae eius quae ducit ad
cubitum unum, ad cultum uidelicet unius diuinitatis - dicente filio ad
patrem: reuelaui nomen tuum hominibus. ipsa est enim uia interiora
respiciens quae erit in euangelio: ego sum uia et uita et ueritas, quia
nemo uenit ad notitiam patris, nisi per filium -. sequitur: et ostia
earum ad aquilonem, ubi erant gazophylacia in superioribus humiliora,
quia supportabant porticus quae ex illis eminebant de inferioribus et de
mediis aedificii. tristega enim erant, et non habebant columnas sicut
erant columnae atriorum; propterea eminebant de inferioribus, et de
mediis a terra cubitis quinquaginta. quod iungitur 'ostia earum'
subauditur 'exedrarum' siue 'gazophylaciorum' de quibus supra sermo
fuit, quae gazophylacia erant in superioribus, id est in coenaculis,
humiliora - quae coenacula ascendit helias et elisaeus, et dominus cum
discipulis pascha facturus, et tabitha quae et fide apostoli et uirtutum
suarum merito suscitata est; ista sunt coenacula de quibus et in psalmo
scriptum est: qui rigat montes de coenaculis suis: nisi enim quis mons
fuerit effectus et ad altiora surrexerit, pluuiis domini non
irrigabitur, qui pro diuersitate meritorum de primo secundo que et
tertio irrigatur coenaculo; ipsa quoque gazophylacia, hoc est thesauri
gazarum domini, in superioribus humiliora sunt: quanto enim quis
excelsus fuerit, tanto cum apostolo humilitate deicitur, dicens: qui non
sum dignus uocari apostolus, quia persecutus sum ecclesiam dei -; erant
autem ipsa gazophylacia in coenaculis humiliora, quia supportabant
porticus quae ex illis eminebant de inferioribus et de mediis aedificii:
reddit causas cur gazophylacia in coenaculis posita humiliora fuerint:
'quia supportabant' inquit 'porticus quae libertate aeris fruebantur, et
eminebant de inferioribus et de mediis aedificii', ut secundum
coenaculum pauimento interioris domus esset eminentius et tertium
coenaculum secundo esset excelsius, et quanto quis ad superiora
conscenderet tanto altiori uteretur coenaculo quod humilitate crescebat -
dicente domino: qui uult inter uos maior esse, fiat omnium minimus -.
neque enim columnis aliis portabantur, sicut in atriorum columnis
legimus, sed eminebant de inferioribus, et de mediis a terra cubitis
quinquaginta, numero remissionis omnium debitorum - haec sunt autem
tristega de quibus praecipitur: describe eam tripliciter consilio et
scientia, ut respondeas sermones ueritatis his qui proponuntur tibi -.
inferiora igitur et exteriora columnis indigent, quae autem altiora sunt
et interiora columnarum, id est alieni, auxilii usum non habent. post
haec dicitur: et peribolus exterior secundum gazophylacia quae erant in
uia atrii exterioris ante gazophylacia; longitudo eius quinquaginta
cubitorum, quia longitudo erat gazophylaciorum atrii exterioris
quinquaginta cubitorum, et longitudo ante faciem templi centum
cubitorum. 'peribolus' 'murum' significat qui erat exterior et cingebat
gazophylacia in uia atrii exterioris, habens in longitudine quinquaginta
cubitos, de cuius numeri sacramento crebro diximus; porro longitudo
ante faciem templi nequaquam quinquaginta cubitorum erat ut ante
gazophylacia, sed centum cubitorum, ut post remissionem omnium
peccatorum perfecta praemia in centenario numero praestolemur; pro
'peribolo' siue 'muro' quod hebraice dicitur 'gader', septuaginta
'lumen' interpretati sunt quod uenit extrinsecus et illuminet cordis
nostri oculos, non sufficiente natura nostra luminis quod uersatur in
sensu perfectum scientiae habere fulgorem, nisi extrinsecus per dei
gratiam introeat: quod primum oculos cordis nostri illuminat et omne
atrium exterius quod quinquaginta cubitorum latitudine tenditur facit
clarescere, postea uero, cum uenerimus ante faciem templi, perfecta in
centenario numero recipiamus praemia. erat autem subter gazophylacia
introitus ab oriente ingredientium in ea de atrio exteriori. oportet
enim dei nos possidere diuitias, et de atrio exteriori subter
gazophylacia orientis introitum reperire, et per altitudinem periboli
quae respicit uiam orientis uenire ad aedificium quod sanctis est
separatum; ante quod sunt gazophylacia. et in ipsa uia similitudo
gazophylaciorum quae erant in uia aquilonis: licet enim ad orientis
perueniamus introitum, tamen similitudo maiorum est in minoribus, et non
possumus ad orientis peruenire lumen nisi per uiam aquilonis, id est
per minora et humiliora ad maiora et altiora tendamus. in ipso autem
introitu longitudo erat similis latitudini, id est eadem mensura per
quadrum, omnis que ingressus et similitudines et ostia eandem habebant
mensuram et similitudinem quam gazophylacia quae erant in uia
respiciente ad austrum: per orientem quippe aquilonis frigora
relinquentes peruenimus ad austrum, in quo sponsus recubat in meridie et
in pleno uersatur lumine; in capite autem eiusdem uiae, hoc est
orientalis, quae patet ingredientibus, ostium est - quod non aperitur
nisi apertum fuerit ab eo qui dicit: ego sum ostium, et qui habet clauem
dauid -, ad uestibulum sanctorum uirtutibus separatum; et quod ab
aquilone uenientes suscipit, non possumus peruenire.
superfluum est iuxta septuaginta singula loci huius uerba disserere, cum
et haec quae dicta sunt obscuritate non careant, et illa quae reticemus
similia prope sint his quae diximus.
et dixit ad me: gazophylacia aquilonis et gazophylacia austri
quae sunt ante aedificium separatum, haec sunt gazophylacia sancta in
quibus uescuntur sacerdotes qui appropinquant ad dominum in sancta
sanctorum: ibi ponent sancta sanctorum et oblationem pro peccato et pro
delicto, locus enim sanctus est. cum autem ingressi fuerint sacerdotes,
non egredientur de sanctis in atrium exterius, et ibi reponent
uestimenta sua in quibus ministrant, quia sancta sunt; uestientur que
uestimentis aliis, et sic procedent ad populum. uir ille qui ductor
prophetae fuit, postquam duxit eum in atrium exterius et monstrauit
omnia quae praeteritus sermo narrauit, gazophylacia quoque siue exedras
in quibus diutissime commoratus est, dixit ad eum: 'haec sunt
gazophylacia, uel exedrae thalami que, ad aquilonem et ad austrum quae
sunt ante aedificium separatum, et appellantur sancta gazophylacia in
quibus uescuntur sacerdotes qui appropinquant ad dominum in sancta
sanctorum' - ex quibus discimus multas ciborum esse diuersitates quibus
uesci sacerdotibus licet uel non licet, et de his ipsis quos licet in
cibo sumere, non in omnibus sumuntur locis nec ab omnibus neque in omni
tempore -; gazophylacia aquilonis et austri puto esse quae uel historiae
contineant simplicitatem uel spiritalis intellegentiae sacramenta, ut
per aquilonem ueniamus ad meridiem: neque enim sic legenda est littera
et historiae fundamenta iacienda ut non ueniamus ad culmina, nec ita
pulcherrimo aedificio desuper tecta ponenda ut nequaquam fundamenta sint
solida; sacerdotes autem, qui uescuntur in cellariis in quibus multae
diuitiae continentur, ipsi sunt qui appropinquant ad dominum - de quibus
scriptura testatur quod moyses appropinquauerit ad dominum et ceteri
accedere non potuerint -: in aedificatione templi mystici et in
ecclesiae sacramento multi sunt sacerdotes et apostolici uiri qui
accedunt ad dominum, et non in quolibet loco sed in sancta sanctorum -
quod que iuxta septuaginta dicitur: filii 'sadoc', qui interpretatur
'iustus', in hebraico non habetur -. 'ibi' inquit 'sacerdotes ponent
sancta sanctorum et oblationem, hoc est uictimam holocausti, et pro
peccato et pro ignorantia', ut non solum iuge offerant sacrificium, sed,
pro diuersitate temporum et qualitate peccati atque ignorantiae, sciant
placare dominum: 'quia ipse locus sanctus est', et sacerdotalis in eo
dignitas commoratur, quae possit rogare pro ceteris: 'quando autem
procedendum est ad eos qui non possunt templi adyta penetrare nec
diuinae scientiae arcana cognoscere, egrediantur' inquit 'foras ad eos
sacerdotes in atrium exterius, nequaquam cum his uestimentis quibus
intrinsecus induti erant' - uiscera uidelicet misericordiae et dominum
saluatorem, de quibus scriptum est: induimini christum iesum; nec his
utuntur sermonibus, de quibus loquitur deus: mysterium meum mihi et
meis; nec incurrant illud quod saluator prohibet dicens: nolite dare
sanctum canibus, nec proiciatis margaritas uestras ante porcos -, 'sed
deponent uestimenta sua intrinsecus, quibus induuntur quando ministrant
in templi adytis: sancta enim sunt, et ad eos qui perfectam non habent
sanctitatem non debent proferri; accipient que alia uestimenta et sic
procedunt ad populum': 'sic' inquit 'loquentur ad populum, quomodo
potest audire populus' - unde et apostolus ad corinthios loquebatur - in
quibus audiebatur fornicatio, et talis fornicatio quae ne inter gentes
quidem -: lac uobis potum dedi, non escam - id est solidum cibum -:
necdum capere poteratis; ad quos rursum dicit: filioli mei, quos iterum
parturio donec christus formetur in uobis: paruulis enim atque
lactantibus non solum non prodest solidus cibus sed interficit eos, qui
perfectae aetatis hominibus congruit -. illud autem quod a septuaginta
additum est: propterea non egredientur in atrium exterius sacerdotes, ut
semper sancti sint qui offerunt, obelo praenotemus quia in hebraico non
habetur. cum que complesset mensuras domus interioris, eduxit me per
uiam portae quae respiciebat ad uiam orientalem, et mensus est eam
undique per circuitum (siue similitudinem domus per circuitum in
ordine). mensus est autem contra uentum orientalem (siue et stetit post
tergum portae respicientis ad orientem) calamo mensurae per circuitum
quingentos calamos, in calamo mensurae per gyrum. et mensus est contra
uentum aquilonis quingentos calamos in calamo mensurae per gyrum. et ad
uentum australem mensus est quingentos calamos in calamo mensurae per
circuitum. et ad uentum occidentalem mensus est quingentos calamos in
calamo mensurae. per quattuor uentos mensus est murum eius undique per
circuitum longitudinem quingentorum cubitorum, et latitudinem
quingentorum cubitorum, diuidentem inter sanctuarium et uulgi locum.
sciendum quod, post uentum orientalem et aquilonem, in uento australi et
occidentali apud septuaginta ordo praeposterus sit: illi enim primum
posuerunt occidentalem - id est mare - et postea australem, cum apud
hebraeos primum ponatur uentus australis et postea occidentalis. quod
que scriptura nunc dicit: cum que complesset mensuras domus interioris,
eduxit me per uiam portae quae respicit ad uiam orientalem, ostendit
cuncta quae supra dicta sunt, et forinsecus et intrinsecus et in
interioribus templi - hoc est sanctum sanctorum -, proprie ad templi
aedificium pertinere et templi interioris. unde nunc sequitur: eduxit me
per uiam portae quae respiciebat ad uiam orientalem, et mensus est eam
undique per circuitum (siue similitudinem domus), per quod demonstratur,
non ipsam domum, sed similitudinem domus esse quae cernitur - quia:
nunc per speculum uidemus in aenigmate; cum autem uenerit quod perfectum
est, tunc quod ex parte est destruetur; unde et moyses in tabernaculo,
et salomon in aedificio, non ueritatem tentorii et templi sed
similitudinem figuram que fecerunt -, ut per haec quae minora sunt et
terrena, ea quae in caelestibus et in spiritali aedificio sunt
intellegere possemus. uir autem qui prophetam eduxerat, nequaquam in
atrium exterius sed per uiam portae quae respiciebat ad uiam orientalem,
primum mensus est contra uentum orientalem - id est ad orientalem
plagam - quingentos calamos per gyrum, secundo ad aquilonem, tertio, ad
austrum, quarto ad mare - id est ad occidentem -: per quattuor uidelicet
uentos, murum in circuitum, tam in longitudinem quam in latitudinem,
hoc est per quadrum: qui murus habebat simul duo milia calamos: sin
autem calamus sex cubitorum erat et palaist�i~g uno - qui palaist�s~g
sexta pars cubiti est -, perspicuum est murum exteriorem habuisse per
circuitum calamos duo milia: qui faciunt cubitos duodecim milia
trecentos triginta tres et trientem de duobus milibus - prudens lector
et diligens legat librum iesu filii naue, et inueniet quomodo in
suburbanis haec mensura seruetur; unde et legio daemonum hunc numerum
elegit in suffocatione porcorum, ut qui seruientibus deo praecepto
domini separatus est, in contrariam partem referretur ad perditionem
eorum qui uitam coeno dignam et sordibus consectantur. omnis autem murus
qui est exterior et habet spatiosissimam longitudinem et latitudinem
per quadrum, apostolorum continet numerum, id est duodecim milium - ut
singulis apostolis millenus numerus deputetur -, et tamen ad mensuram
plenitudinis christi et perfecti uiri non ueniat, nisi iungatur ei et
palaist�s~g: qui trecentos triginta et tres facit cubitos et cubiti
tertiam partem: per quae sanctae et uenerabilis trinitatis mysterium
demonstratur, quae cingit et uallat omnia et habitatores templi sui
praestat tutissimos; unde et trecentorum cubitorum arca noe habet
longitudinem et triginta cubitorum altitudinem, quae consummatur in uno
cubito - quod autem ibi adduntur quinquaginta cubiti in latitudinem,
remissionis, ut saepe diximus, significat sacramentum -; unde et dominus
triginta annorum uenit ad baptismum; et hic ipse propheta in principio
uoluminis sui annum ponit tricesimum; qui tricesimus et trecentesimus
numerus, tribus additis et tertia parte completur -. illud autem quod
per simplicitatem interpretationis, dum parum attendimus celeritate
dictandi, et septuaginta habent et nostra translatio: murum eius undique
per circuitum longitudinem quingentorum cubitorum, et latitudinem
quingentorum cubitorum, hebraeus sermo non continet, sed simpliciter
'longitudinem quingentorum et latitudinem quingentorum' ut subaudiatur
'calamorum' - sicuti quarto supra dictum est: ad orientalem uentum et ad
aquilonem et ad austrum et ad mare quingentenis 'calamis' -, murum
partium singularum ab eo qui tenebat calamum fuisse dimensum -
quingentesimus autem numerus, quia uicinus est quinquagenario, quod ad
remissionem pertineat omnium peccatorum, non solum uetus scriptura, sed
et saluatoris in euangelio uerba demonstrant, dicentis: duo debitores
erant feneratori cuidam; unus debebat denarios quingentos, et alius
quinquaginta -; et murus diuidit inter sanctuarium et uulgi locum, ex
quo intellegimus omnem supra templi descriptionem sacerdotum - qui sunt
filii sadoc - fuisse ministeriis delegatam, hunc autem murum - qui tanto
spatio dilatetur et uniuersa circumeat - separare sanctuarium et uulgi
locum.
43. et duxit me ad portam quae respiciebat ad uiam orientalem, et
ecce gloria dei israel ingrediebatur per uiam orientalem, et uox erat
ei quasi uox aquarum multarum, et terra splendebat a maiestate eius. et
uidi uisionem secundum speciem quam uideram quando uenit ut disperderet
ciuitatem et species secundum aspectum quem uideram iuxta fluuium
chobar, et cecidi super faciem meam. et maiestas domini ingressa est
templum per uiam portae quae respiciebat ad orientem. et leuauit me
spiritus, et introduxit me in atrium interius; et ecce repleta erat
gloria domini domus. et audiui loquentem ad me de domo, et uir qui
stabat iuxta me dixit ad me: fili hominis, locus solii mei et locus
uestigiorum pedum meorum, ubi habito in medio filiorum israel in
aeternum; et non polluent ultra domus israel nomen sanctum meum, ipsi et
reges eorum, in fornicationibus suis et in ruinis regum suorum et in
excelsis: qui fabricati sunt limen suum iuxta limen meum, et postes suos
iuxta postes meos, et murus erat inter me et eos, et polluerunt nomen
sanctum meum in abominationibus quas fecerunt; propter quod consumpsi
eos in ira mea. nunc ergo repellant procul fornicationem suam et ruinas
regum suorum a me, et habitabo in medio eorum semper. (lxx: et adduxit
me ad portam quae respiciebat contra orientem (signum_obeli) et eduxit
me (signum_metobeli) et ecce gloria dei israel ueniebat per uiam
orientis, et uox castrorum quasi uox geminantium multorum, et terra
resplendebat quasi fulgur a gloria per circuitum. et uisio, quam uidi,
secundum uisionem quam uideram quando ingrediebar ut ungerem ciuitatem,
(signum_obeli) et uisio currus quam uidi (signum_metobeli) secundum
uisionem quam uideram super fluuium chobar; cecidi que in faciem meam.
et gloria domini ingressa est domum per uiam portae quae respiciebat
orientem. et assumpsit me spiritus et introduxit me in atrium interius,
et ecce plena gloria domini domus. et steti, et ecce uox de domo
loquentis ad me, et uir stabat iuxta me et dixit ad me: fili hominis,
uidisti locum solii mei et locum uestigii pedum meorum, in quibus
habitabit nomen meum in medio domus israel in sempiternum; et non
contaminabunt ultra domus israel nomen sanctum meum, ipsi et duces
eorum, in fornicatione sua et in homicidiis ducum in medio sui, cum
ponerent limen meum in liminibus suis, et postes meos iuxta postes suos,
et dederunt parietem meum quasi connexum inter me et se, et
contaminauerunt nomen sanctum meum in iniquitatibus suis quas faciebant;
et contriui eos in furore meo et in occisione. et nunc abiciant
fornicationem suam et homicidia ducum suorum a me, et habitabo in medio
eorum in sempiternum). primum de translationis uarietate dicendum est.
hoc quod ponunt septuaginta: et eduxit me, in hebraico non habetur - si
enim adductus fuerat ad portam quae respiciebat orientem, quid necesse
ut educeretur, cum ideo inductus sit, ut uideret quid in porta fieret
orientali? -; deinde ubi dicitur: uox erat (haud dubium quin dei) quasi
uox aquarum multarum - quod et ioannes in sua confirmat apocalypsi -,
septuaginta posuerunt: et uox castrorum quasi geminantium multorum;
tertio in hebraico habetur: uisionem secundum speciem quam uideram
quando uenit ut 'disperderet' ciuitatem: uenit autem ille, qui in
principio huius prophetae uestitus erat lineis et atramentarium habebat
ad lumbos, cum aliis sex, ut 'disperderet' ciuitatem, non ut 'ungeret'
quod septuaginta transtulerunt; qui quarto dixere: et uisio currus quam
uideram, quod in hebraico non habetur.
dicamus strictim de singulis quantum explanationis patitur difficultas,
ne, dum studemus breuitati, uelamentum non solum moysi sed etiam
prophetae hiezechielis remaneat in nobis qui cupimus reuelata facie
ueritatem [domini] contemplari. gloria [ergo] dei israel ingreditur per
uiam orientalem per quam et egressa fuerat quando ciuitas domini furore
percussa est, ingreditur autem immo regreditur ad eam quia templum
domini aedificatum in monte monstrauerat. et tamen multo plus est quod
in consequentibus dicitur: leuauit me spiritus, et introduxit me in
atrium interius; et ecce repleta erat gloria domini domus: hic enim
gloria tantum dei israel ingreditur, ibi autem dicitur quod plenitudo
gloriae domini fuerit in templo - de qua et esaias scribit: uidi dominum
super thronum excelsum et eleuatum, et plena domus gloria eius - qua,
quando reuelata facie gloriam domini contemplamur, reformamur in
imaginem creatoris. uox quoque erat dei quasi uox aquarum 'multarum':
omnium scilicet in toto orbe populorum ut ioannes euangelista
interpretatur; siue: quasi uox 'castrorum' et sicut uox geminantium
multorum: ut exercitus dei sacramenta cognosceret - quod intellegens et
iacob: uocauit nomen illius loci castra; de quibus et alibi scriptum
est: currus dei decem milium multiplex, milia laetantium -; una autem
'uox' dicitur castrorum et multitudinis: propter unum in dei laude
consensum; 'geminatur que' uox canentium patri et filio et spiritui
sancto: sanctus, sanctus, sanctus dominus deus sabaoth; plena est terra
gloria eius. sequitur: et terra splendebat a maiestate eius, quod
proprie in aduentu christi factum est, quando in omnem terram exiit
apostolorum sonus et in fines orbis terrarum uerba eorum; cotidie que
impletur in credentibus et ad perfectum complebitur, quando corruptiuum
hoc induerit incorruptionem et mortale istud fuerit immortalitate
uestitum. quod autem infertur: et uidi uisionem secundum speciem quam
uideram quando uenit ut disperderet ciuitatem, pro quo septuaginta
transtulerunt: quando ingressus sum ut ungerem ciuitatem, cum iuxta
hebraicum perspicuum sit, iuxta septuaginta plurimam obscuritatem habet:
quomodo hiezechiel ingressus sit ut 'ungeret ciuitatem' ad eius
prophetiam, nisi forte illud dicamus, quod correptio prophetae sit
unctio ciuitatis, et unctio olei exsultationis sacerdotalis et regis,
quod qui libenter receperint et audire uoluerint, efficiuntur uncti
domini - de quibus scriptum est: nolite tangere christos meos, et in
prophetis meis nolite malignari -; ille autem potest iuxta anag�g�n~g
ungere ciuitatem - de qua scriptum est: gloriosa dicta sunt de te,
ciuitas dei -, qui uidit uisionem currus et mysteriorum dei, quam
intuitus est hiezechiel super fluuium chobar - qui 'onus pondus que'
significat: quid enim 'grauius' fluminibus babyloniis super quae dauid
sedit et fleuit cum recordaretur sion - de quibus scriptum est:
praeterit enim figura huius mundi -? nihil que puto in saeculi huius
confusione esse perpetuum, sed omnia praeterire et fluere -; quae qui
considerauerit, cadet super faciem suam intellegens quam procul sit a
maiestate dei, et flectet genua ad patrem in nomine iesu christi. 'cum
que' ait 'ego corruissem: maiestas domini ingressa est templum per uiam
portae quae respiciebat ad orientem; statim que me eleuauit spiritus -
ipse enim iacens pergere non ualebam - et introduxit me in atrium
interius - foris enim cecideram -; et ecce, qui prius conspexeram
gloriam dei israel uenientem per uiam orientalem, uidi repletam gloria
domini domum eius, et uocem ad me de domo interiori loquentis audiui' -
quae quid sit locuta scriptura non narrat, nisi forte illud apostoli: et
audiui uerba ineffabilia quae non licet hominibus loqui -. uir autem,
inquit, ille, qui stabat iuxta prophetam, dixit ad eum; quem perspicue
dominum intellegimus: cui enim poterit conuenire quod sequitur: fili
hominis, locus solii mei et locus uestigiorum pedum meorum, ubi habito
in medio filiorum israel in aeternum, nisi illi, qui habitat in ecclesia
in medio filiorum israel cernentium deum? - et 'habitat in perpetuum',
non secundum templum salomonis: ad tempus; et 'locus eius' est ille de
quo scriptum est: et factus est in pace locus eius: quae exsuperat omnem
sensum; et 'locus uestigiorum pedum illius', apostolis dicentibus:
adoremus in loco ubi steterunt pedes eius, et pulchre dixit 'steterunt':
in ecclesia enim stant pedes domini, in synagoga ambulant et
praetereunt -; ut autem sciamus hoc dici de ecclesia, iungitur: et non
polluent ultra domus israel nomen sanctum meum, quod proprie ad eos
pertinet, qui sanctae conuersationis in ecclesia commorantur; qui sint
autem qui polluerint prius nomen sanctum dei, ponit manifestius: ipsi et
reges eorum, tam populus quam sacerdotes, in fornicationibus suis
quibus a deo fornicati sunt, et in ruinis regum suorum, qui frustra sibi
per superbiam regium nomen assumunt; denique sequitur: et in excelsis -
arrogans enim mens offendit deum, humilis ad misericordiam prouocat -:
qui, post superbiam, immo per superbiam, fabricati sunt limen suum iuxta
limen dei, et postes suos iuxta postes illius; audiant haec iuxta
litteram mulierculae oneratae peccatis, quae circumferuntur omni uento
doctrinae: semper discentes et numquam ad scientiam ueritatis
peruenientes: mentem iunctam deo, non uicinitatem ecclesiarum et
habitationem proximam dei, in se prouocare clementiam, quin potius
indignationem domini commoueri quando in consecratis locis indignus
habitator est. fabricati sunt, inquit, limen suum iuxta limen meum, ut
nihil interesset inter sacrum et profanum, et postes suos iuxta postes
meos, ut unus laicorum et sacerdotum esset introitus - unde et apostolus
dicit: probet se autem homo et sic accedat ad corpus et sanguinem
domini -; et ut grauius faceret quod dicebat, sequenti iungit uersiculo:
et murus erat inter me et eos, ut sacerdotalia sacrificia et loca
sacramentorum corporis et sanguinis christi, breuissimus murus
diuideret. et polluerunt, inquit, nomen sanctum meum, in abominationibus
quas fecerunt. quid prodest habitationis uicinia et medius inter
cellulam nostram et altare domini paries, cum in his, quae secreto
facimus et quae turpe est etiam dicere, contaminetur et polluatur nomen
domini? ego hoc arbitror: quod non polluat nomen domini, nisi ille qui
uisus est nomini eius credere et ex illius censeri uocabulo; et quomodo
tollit membra christi et facit membra meretricis qui prius christo
credidit, sic ille polluit nomen domini qui prius nominis eius fidem
susceperit - alioquin ethnicus et iudaeus, cum sint polluti et
contaminati immo contaminatio ipsa atque pollutio, nomen domini polluere
et contaminare non possunt; quod polluunt sed illi ad quos dicitur: per
uos nomen meum blasphematur in gentibus -; propter has igitur causas:
consumpsi eos in ira mea, quia haec fecere quae diximus. et tamen
clemens dominus rursum prophetae praecipit ut iubeat eis procul a se
amouere fornicationes pristinas, et ruinas regum suorum ac principum
derelinquere et repellere non tam a se quam a deo; et boni operis statim
praemia pollicetur dicens: et habitabo in medio eorum - de quo in
euangelio dicitur: medius inter uos stat quem nescitis -; et habitabit
non paruo tempore ut in synagoga, sed in perpetuum, quod in christi
ecclesia comprobatur.
tu autem, fili hominis, ostende domui israel templum, et
confundantur ab iniquitatibus, et metiantur fabricam, et erubescant ex
omnibus quae fecerunt. figuram domus et fabricae eius, exitus et
introitus, et omnem descriptionem eius, et uniuersa praecepta eius,
cunctum que ordinem eius et omnes leges eius ostende eis; et scribes in
oculis eorum ut custodiant omnes distributiones eius et praecepta illius
et faciant ea. ista est lex domus in summitate montis: omnes fines eius
in circuitu sanctum sanctorum est; haec est ergo lex domus. (lxx: et
tu, fili hominis, ostende domui israel domum, et cessabunt a peccatis
suis, et uisionem et dispositionem illius, et ipsi sustinebunt tormentum
suum pro omnibus quae fecerunt. et describes domum et praeparationem
eius, et exitus atque introitus eius, et substantiam eius, et omnia
praecepta illius, et omnia legitima eius et omnes leges eius ostendes
illis; et describes coram eis, et custodient omnes iustificationes meas
et omnia praecepta mea [et facient ea]. et descriptionem domus in
uertice montis: omnes termini eius in circuitu sancta sanctorum; ista
est lex domus). non parui operis est, quod oculis carnis uel mente
conspexeris audientibus demonstrare, ut et ipsi te cum uidisse uideantur
- quamobrem scribit iosephus: eos, qui ad describendam terram missi
sunt ab iesu filio naue, fuisse ge�metras~g, et artem quae philosophorum
est proprie habuisse geometriae -. domui igitur israel - eorum qui
animo conspiciunt deum - ostenditur domus, hoc est templum quod
hiezechiel situm in monte conspexit, et non solum in monte sed, sicut
nunc dicitur, in summitate montis; quam nequaquam illam putemus quae a
salomone constructa narratur in regum et paralipomenon libris: illa enim
alterius ordinis atque mensurae est et in singulis magnam habens
diuersitatem, tantum que inferior templo quod nunc ostenditur
hiezechieli, ut non solum cultores eius et aeditui, sed et ipse
fabricator eius salomon peccauerit et offenderit dominum - licet postea
egerit paenitentiam scribens prouerbia, in quibus ait: nouissime ego egi
paenitentiam, et respexi ut eligerem disciplinam -; ista autem quae
[hiezechieli et] per hiezechielem domui israel ostenditur talis est, ut
qui eam mente conspexerit cesset ab iniquitatibus suis non quibusdam sed
omnibus - siue, ut in hebraico continetur: confundatur -, et sustineat
tormentum suum pro omnibus quae fecerit - sustinet autem tormentum
iniquitatum suarum, qui cessauit praeterita facere peccata -. multum que
prodest ei qui ante peccauerit, uidere domum dei et omnis fabricae eius
nosse rationes - et peccare desistat et, habens illius desiderium,
dicat ad dominum: 'domine, dilexi decorem domus tuae, et locum
habitationis gloriae tuae', et iterum: 'unum petiui a domino, hoc
requiram: ut inhabitem in domo domini omnibus diebus uitae meae, cum
coepero uiuere et esse cum christo, qui est uita credentium' -.
sequitur: exitus eius et introitus, subauditur 'domus' - exitus autem
eorum qui egrediuntur ad eos qui foris sunt, et introitus eorum qui per
magistrorum disciplinam ad interiora penetrant -. 'et omnem' inquit
'descriptionem eius (siue substantiam ut septuaginta transtulerunt: quae
non tam ad naturam domus quam ad supellectilem pertinet atque
diuitias), et uniuersa praecepta, cunctum que ordinem et omnes leges
templi ostendes eis qui portauerunt tormentum iniquitatum suarum et
cessauerunt siue confusi sunt super his quae ante gesserant; idcirco
autem ostendes eis, ut custodiant omnia quae praecepta sunt: nihil enim
prodest scire descriptionem domus et omnes distributiones eius - de
quibus scriptum est: multae mansiones apud patrem, et iterum: statuit
terminos gentium iuxta numerum filiorum israel (siue angelorum dei) -,
nisi feceritis quae praecepta sunt'. domus autem, et lex omnium
praeceptorum dei, et urbs quae in summitate montis est constituta, est
illa credenda de qua scriptum est: non potest ciuitas abscondi supra
montem posita, et: fluminis impetus laetificat ciuitatem dei: quae
perspicue refertur ad dei ecclesiam, et sita est in eo monte qui in
uertice omnium montium est et a quo uulneratus est princeps tyri; omnes
que fines et termini huius domus sancta sanctorum sunt - in illa domo -
hoc est in tabernaculo quod fabricatum est a moyse et in templo quod a
salomone constructum est - interiora tantum, ubi erant cherubim et
propitiatorium et arca testamenti et mensa thymiamatis, appellabantur
sancta sanctorum: in hac autem domo - quae monstratur hiezechieli et
quae in summitate montis est constituta - omnes termini eius reputantur
in sancta sanctorum -; quod que infertur: haec est lex domus, uel ad
praeterita pertinet de quibus iam dictum est, uel ad ea quae dicenda
sunt postea.
istae autem mensurae altaris in cubito uerissimo, qui habebat
cubitum et palmum (siue palaesten): in sinu eius erat cubitus et cubitus
in latitudine, et definitio usque ad labium eius, et in circuitu palmus
unus: haec quoque erat fossa altaris. et de sinu terrae usque ad
crepidinem nouissimam duo cubiti, et latitudo cubiti unius; et a
crepidine minori usque ad crepidinem maiorem quattuor cubiti, et
latitudo unius cubiti. ipse autem 'ariel' quattuor cubitorum, et ab
'ariel' usque sursum cornua quattuor. et 'ariel' duodecim cubitorum in
longitudine per duodecim cubitos latitudinis, quadrangulatum aequis
lateribus. et crepido quattuordecim cubitorum longitudinis per
quattuordecim latitudinis in quattuor angulis eius; et corona in
circuitu eius dimidii cubiti, et sinus eius unius cubiti per circuitum;
gradus autem eius uersi ad orientem. (lxx: et haec mensura altaris in
cubito perfecto - cubitus et palaist�s~g -: sinus illius altitudo per
cubitum, et cubitus latitudinis, et 'gisus' per labium eius in circuitu
palmi unius. et haec est altitudo altaris: a profundo exordii in sinu
eius usque ad propitiatorium [magnum] quod subter, cubitorum duo, et
latitudo cubiti; et a propitiatorio minori usque ad propitiatorium maius
cubiti quattuor, et latitudo cubiti. 'ariel' cubitorum quattuor, et ab
'ariel' usque ad superiora cornuum cubitus unus.
ipsum autem 'ariel' duodecim cubitos habebat in longitudine, et duodecim
cubitos in latitudine, quattuor angulorum per singulas partes eius. et
propitiatorium quattuordecim cubitorum in longitudine [per quattuordecim
cubitorum in latitudine] per quattuor partes eius; et 'gisus' eius per
circuitum gyrans illud dimidio cubito, et circuitus eius cubito per
gyrum; et gradus eius respicientes ad orientem). scriptum est: abyssum
et sapientiam quis inuestigabit? et: o profundum sapientiae et scientiae
dei!: cuius alta profunditas, et quis inueniet eam? multum est si
uoluerimus templum salomonis huic templo, et omnes partes eius et
tabernaculi, comparare; quod quia difficillimum est, in praesentiarum
altare, quod hiezechieli ostensum est, altari quod in exodo legimus, ex
parte modica conferamus: ibi altare quinque cubitorum in longitudine et
quinque cubitorum in latitudine id est quadrangulum et trium cubitorum
in altitudine describitur, hic, recedens a sensibus quinque, tendit ad
unionem, in qua cubitus perfectus siue uerissimus ponitur: cui iungitur
palmus, id est palaist�s~g, sextam ut supra diximus habens partem
cubiti; in sinu autem eius, hoc est altaris, erat cubitus, qui scilicet
ea quae igne consumebantur suscipiebat, et in latitudine eius alius
cubitus, ut et interiora, hoc est secreta et spatia altaris quae in
latitudine demonstrantur, in uno cubito finirentur; quod autem sequitur:
et 'definitio' usque ad labium eius - pro quo aquila, symmachus et
theodotio posuerunt 'terminum' -, septuaginta rursum 'gisum'
interpretati sunt - cuius uerbi, ut ante iam dixi, non possum scire
rationem nec cuius linguae sit confidenter dicere, nisi hoc admonere
lectorem, quod, ubi nunc 'definitionem' interpretatus sum, supra
'coronam' transtulerim; illud que breuiter demonstratur, quod in
circuitu ipsius altaris, id est in margine et circulo, repandum fuerit
labium et quasi corona in modum lilii, habens in aspectu plurimam
uenustatem -, quae 'definitio', siue 'gisus', per circuitum palmi unius,
siue palaistou~g, latitudine tendebatur. 'fouea' autem altaris, siue
'profundum' et 'altitudo' pro qua in hebraico ponitur 'gab', de sinu
terrae usque ad crepidinem nouissimam, uel usque ad propitiatorium
maximum, duobus cubitis erat, et latitudo eius cubiti unius: inferiora
enim et profunda et terrae cohaerentia duali numero - qui et immundis
animalibus positus est - continentur, superiora autem et ad crepidinem
siue propitiatorium peruenientia - quod theodotio ipso hebraico nomine
appellauit 'azara' - unius cubiti habent latitudinem, ut dualis numerus
transeat ad solitarium, et bonum nuptiarum, quod inferius est, ad
unionis perueniat beatitudinem. quod que sequitur: et a crepidine minori
usque ad crepidinem maiorem quattuor cubiti, et latitudo unius cubiti -
pro quo in septuaginta positum est: et a propitiatorio minori usque ad
propitiatorium maius, et theodotio in utroque 'azara' transtulit -,
illud est intellegendum, quod propitiatorium minus lapis sit excisus de
monte sine manibus, et propitiatorium magnum ipse lapis qui creuit in
montem magnum et impleuit uniuersum orbem; siue, iuxta alterum sensum,
propitiatorium minus est quando exinaniuit se formam serui accipiens, et
propitiatorium magnum quando recepit gloriam quam habuit apud patrem
antequam mundus fieret: prius enim christi humiliora cognoscimus et sic
ad diuinitatis eius altitudinem peruenimus; et tamen utriusque naturae
propitiatorium, hoc est minoris atque maioris, ad unius altaris pertinet
sacramentum; inter duo autem propitiatoria, minus atque maius, quattuor
erant cubita, quattuor mundi elementa signantia, quae et ipsa
perueniunt ad unius cubiti latitudinem - et hoc animaduertendum, quod,
in mensura altaris, primus cubitus in latitudine nulli copulatur sed sua
unione perfectus est, secundus autem latitudinis cubitus post duos
cubitos crescit ad summum, et tertius cubitus post propitiatorium minus
et maius per quattuor elementa ad unius cubiti mysterium tendit: ut unus
et alter et tertius cubitus in altari domini nequaquam primus, secundus
et tertius, sed unus et unus et unus esse dicantur -. ipse autem
'ariel' quattuor cubitorum erat, et ab 'ariel' usque sursum cornua
quattuor (siue, ut in septuaginta dicitur, et ab 'ariel' usque ad
superiora cornuum cubitus unus): 'ariel', ut plerique aestimant,
interpretatur 'lux mea deus' - de quo et in esaia propheta, ubi scriptum
est: uae tibi, ciuitas 'ariel', quam expugnauit (siue circumdedit)
dauid, plenius diximus -, ut autem ego arbitror, 'leo' uel 'fortis dei' -
quod nomen refertur proprie ad altare, in quo uel illuminatio dei est,
uel leo et fortitudo eius, dicente iacob ad iudam: catulus leonis, fili
mi, iuda; ad praedam, fili, ascendisti. requiescens accubuisti ut leo,
et quasi leaena: quis suscitabit eum? -; cubitorum autem quattuor est et
cornua habet quattuor, siue superiora quattuor cornuum uno cubito
finiuntur: ut euangeliorum mensura et in totum orbem fortitudo
discurrens, sub illuminatione dei et leonis fortitudine demonstretur, ad
unum que cubitum pertineant diuinae confessionis. et ut paulatim
obscuritas praesentis loci manifestior fiat, sequitur: et 'ariel'
duodecim cubitorum in longitudine per duodecim cubitos latitudinis,
quadrangulum aequis lateribus, quod nemo dubitat ad duodecim tribus
pertinere quae in ioannis apocalypsi scriptae sunt, et ad apostolorum
numerum de cuius sacramento supra dixisse me memini; per quattuor latera
- latera mundi -, duodeni cubiti simul efficiunt quadraginta octo
cubitos - sacerdotalium ciuitatum -, ut istis quasi fundamentis in toto
orbe diuisis ecclesiae fortitudo solidetur. porro: crepido (pro qua
septuaginta propitiatorium, theodotio ut supra 'azara', symmachus
peribolon~g, hoc est 'circuitum', interpretati sunt) quattuordecim
cubitorum erat longitudinis per quattuordecim latitudinis, in quattuor
angulis eius; et 'corona' in circuitu eius dimidii cubiti (pro qua
rursum septuaginta 'gison' interpretati sunt), et sinus (siue iuxta
symmachum 'consummatio') eius (atque 'perfectio') cubiti unius per
circuitum, illud latenter ostendit quod dominus noster, qui uere
propitiatorium dicitur, non solum pro peccatis nostris sed pro omni
mundo, per quattuordecim generationes uenerit ab abraham usque ad dauid,
et rursum per alias quattuordecim usque ad captiuitatem iechoniae, et
eiusdem numeri sacramento ad terrena descenderit, ut in tertia
tesseriscedecade et diuini numeri sacramento saluaret quattuor angulos
mundi - de quibus scriptum est: multi ab oriente et ab occidente et ab
aquilone et meridie uenient, et accubabunt cum abraham, isaac et iacob
in regno caelorum -. quod que sequitur: et corona (siue gisus) per
circuitum eius - subauditur propitiatorii - habebat dimidium cubitum, et
'sinus' ipsius propitiatorii (siue consummatio atque perfectio, quam
symmachus interpretatus est perigraph�n~g) habebat unum cubitum, illud
significat: quod et peccatores et iusti domini propitiatione saluentur -
dicente apostolo paulo: reconciliati sumus deo in sanguine filii eius
-; et de peccatoribus dicitur quod dimidii cubiti mensuram habeant per
circuitum: qui tamen saluentur misericordia creatoris - iuxta illud quod
in psalmo scriptum est: pro nihilo saluos facies eos -, de iustis: quod
in uno saluentur numero solitario atque perfecto et imitante unam
diuinitatem - dicente apostolo: deus erat in christo mundum reconcilians
sibi -. quod autem in fine huius testimonii ponitur: et gradus eius
uersi ad orientem, gradus huius propitiatorii uel uiginti quattuor
libros ueteris instrumenti debemus accipere qui habebant citharas in
apocalypsi ioannis et coronas in capitibus suis, uel sacramentum patris
et filii et spiritus sancti, in quo uera nobis datur propitiatio; et ut
dicam apertius: propterea graduum numerus relinquitur incertus, ut,
quantocumque studio ad altiora scandere potuerimus, in interioribus nos
putemus collocandos, et cogitemus illud psalmi: ibunt de uirtute in
uirtutem.
et dixit ad me: fili hominis, haec dicit dominus deus: hi sunt
ritus altaris in quacumque die fuerit fabricatum, ut offeratur super
illud holocaustum et effundatur sanguis. et dabis sacerdotibus et
leuitis qui sunt de semine sadoc, qui accedunt ad me, ait dominus deus,
ut offerant mihi uitulum de armento pro peccato. et assumens de sanguine
eius, pones super quattuor cornua, et super quattuor angulos
crepidinis, et super coronam in circuitu, et mundabis illud et expiabis.
et tolles uitulum qui oblatus fuerit pro peccato, et combures illum in
separato loco domus extra sanctuarium. et in die secunda offeres hircum
caprarum immaculatum pro peccato, et expiabunt altare sicut expiauerunt
in uitulo. (lxx: et dixit ad me: fili hominis, haec dicit dominus deus:
haec sunt praecepta altaris in die qua factum fuerit, ut offerantur
super eo holocaustomata et effundatur super eo sanguis. et dabis
sacerdotibus et leuitis qui sunt ex semine saddoch, et appropinquant ad
me, dicit dominus deus, ut ministrent mihi uitulum de bubus pro peccato.
et tollent de sanguine eius, et ponent super quattuor cornua altaris,
et super basem eius in circuitu, et mundabunt et expiabunt illud. et
tollent uitulum pro peccato, et comburetur in loco separato domus extra
sancta. et die secunda tollent haedos duos de capris immaculatis pro
peccato, et expiabunt altare sicut expiauerunt in uitulo). postquam
prophetae monstrauit altare et cubitum eius cubitos que duos, et rursum
cubitum et quattuor cubitos et tertio cubitum, duodecim quoque cubitos
per alios duodecim, et quattuor altaris cornua, 'ariel' quoque duodecim
cubitorum per duodecim cubitos, et crepidinem, hoc est propitiatorium,
quattuordecim cubitorum per quattuordecim cubitos, coronam quoque illius
et sinum dimidio cubito et uno cubito per circuitum, gradus que ad
orientem quorum incertus est numerus, locutus est uir cuius calamus et
funiculus erat in manu, et docet eum quomodo altaris opere perfecto
altare debeat expiari et consecrari. primum que offertur uictima et
datur sacerdotibus de genere leui, qui sunt de semine 'sadoc' - quem cur
septuaginta 'saddoch' nominent scire non ualeo. 'sadoc' autem
interpretatur 'iustus' -. offertur que, iuxta septuaginta et
theodotionem 'uitulus', iuxta symmachum 'taurus', qui hebraice dicitur
'phar' - 'uitulum' autem, qui pro nobis immolatus est, et multa
scripturarum loca et praecipue barnabae epistola, quae habetur inter
scripturas apocryphas, nominat -; et hircus caprarum secundo offertur
die: unde et pascha facturi assumunt de grege agnum et haedum, et qui
primum pascha facere non potuerunt, in secundo mense faciunt: quorum
alterum ad iustos pertinet, alterum ad paenitentes; sin autem
septuaginta nobis interpretatio placet - qui dixerunt: die autem secundo
tollent haedos duos immaculatos pro peccato -, audax quidem est quod
dicturi sumus, sed tamen aliorum simpliciter ponenda sententia est, qui
aiunt duos haedos immaculatos post passionem domini oblatos esse ad
altare domini: iacobum et stephanum, quorum alter de apostolorum numero,
alter de septem electis in ministerium domini princeps fuit - iste est
iacobus qui transformatum uidit saluatorem in monte, qui resurgentem
filiam archisynagogi cum domino petro que et ioanne intuitus est, qui in
katalog�i~g apostolorum - in quo bina iunguntur nomina - prior fratre
ponitur: hunc interfecit herodes, et quasi haedum immaculatum post
passionem saluatoris in die immolauit secunda; stephanum quoque, cuius
sapientiae atque doctrinae nullus poterat resistere, et qui stantem
uidit filium hominis ad dexteram patris, et dixit: domine iesu, suscipe
spiritum meum, lapidibus obruere iudaei; et quomodo quosdam credentium
primitias achaiae et asiae apostolus nominat, sic et isti primitiae
fuere martyrum, quos christi postea confessio coronauit -; et hoc
notandum, quod uitulus totus offertur holocaustum, et crassitudo
corporis eius diuino igne consumitur - etsi enim noueramus christum
secundum carnem, sed iam nunc non nouimus eum secundum carnem -, iacobus
autem et stephanus, qui secunda die oblati sunt, siue hircus, qui iuxta
hebraicum narratur oblatus, offertur quidem in uictima, sed holocaustum
domini praestantiae reseruatur. quod autem tollitur sanguis - de quo
loquitur petrus: redempti sumus ex uana nostra conuersatione paternae
traditionis pretioso sanguine christi; et paulus apostolus docet: pretio
redempti estis, et in alio loco: pacem faciens per sanguinem crucis
suae, siue in terra, siue super caelos -, illud significat: quod
sanguine saluatoris quattuor cornua purificentur altaris - id est
quattuor mundi plagae -, aspergitur que corona propitiatorii siue bases
per circuitum, ut uniuersa purgentur et firma sit propitiatio. propterea
autem, in secunda die, uel duo haedi - de quibus supra diximus - uel
hircus assumitur, quia animal est semper ad excelsa festinans et nihil
periculi sustinens in praecipitiis, et ibi inuenit uiam ubi ceteris
animantibus interitus est - unde et graeco sermone 'caprarum et hircorum
grex' 'sublimium conuersatio' dicitur, hoc est 'aipolion~g' quasi
'aipu-polion~g': siquidem aipu~g quasi 'excelsum', polein~g
'conuersationem' significat -. porro altare christi expiatur sanguine,
ut orationes sanctorum mundae perueniant ad deum. hoc quoque notandum
quod, iuxta, hebraicum ipse hiezechiel, quasi sacerdos, uitulum iubetur
assumere et holocaustum facere et sanguinem eius in circuitu aspergere,
tam altaris quam angulorum et coronae, siue basis; septuaginta autem
interpretes, alios sacerdotes hoc facere demonstrant, de quibus dictum
est: et dabis sacerdotibus et leuitis qui sunt de semine sadoc, qui
accedunt ad me.
cum que compleueris expians illud, offeres uitulum de armento
immaculatum, et arietem de grege immaculatum; et offeres eos in
conspectu domini, et mittent super eos sacerdotes sal, et offerent eos
holocaustum domino. septem diebus facies hircum pro peccato cotidie, et
uitulum de armento et arietem de pecoribus immaculatis offerent. septem
diebus expiabunt altare et mundabunt illud, et implebunt manum eius;
expletis autem diebus in die octaua et ultra facient sacerdotes super
altare holocausta uestra, et quae pro pace offerunt; et placatus ero
uobis, ait dominus deus. (lxx: et cum compleueris expiationem, offerent
uitulum de bubus immaculatum, et arietem de ouibus immaculatum; et
offeretis coram domino, et aspergent sacerdotes super ea sal, et
offerent ea holocausta domino.
septem diebus facies haedum pro peccato cotidie, et uitulum ex bubus et
arietem de ouibus, immaculatum facient septem diebus; et expiabunt
altare et mundabunt illud, et implebunt manus eorum; et consummabunt
dies; et erunt a die octauo et ultra facient sacerdotes super altare
holocausta uestra, et pro salute uestra; et suscipiam uos, dicit dominus
deus). postquam altare et mensurae eius in montis uertice demonstratae
sunt, rursus que expiatio et consecratio illius prophetae ostensa est
per unum uitulum immaculatum et hircum siue duos haedos, quorum primum
ad dominum saluatorem, duo sequentia ad apostolos ministros que
retulimus ne, in consecratione spiritalis altaris et proprie ad
ecclesiam pertinentis, lex et prophetae uiderentur exclusi: propterea
consecrato altari uitulus immaculatus assumitur et aries; et offeruntur
in conspectu domini, et filii sadoc, hoc est iustorum sacerdotes,
aspergunt super capita eorum sal: ut et lex et prophetae sapore
euangelii condiantur, nec ullum est sacrificium - iuxta legis imperium
et interpretationem apostoli, qui ait: sermo uester sit sale conditus -
quod sale careat; utrumque autem offertur holocaustum domino, ut corpus
pinguius - littera quod significatur in lege - et prophetiae nubilum,
igne domini - hoc est spiritu sancto, de quo dicit paulus: spiritu
feruentes - in spiritalem et tenuem substantiam conuertantur. uolumus
scire apertius qui sit uitulus de armento immaculatus et aries de ouibus
purissimo uellere, intellegamus moysen et heliam - quorum primus:
mansuetissimus fuit inter omnes homines qui uersabantur in terra, alter
ardore fidei similis moysi, unde et audebat dicere: ego relictus sum
solus -. quod autem in hebraico scriptum est: 'offeres' uitulum, in
septuaginta: 'offerent' sacerdotes, nulla fit quaestio - et ipse enim
hiezechiel, cui haec dicuntur, de numero sacerdotum est, plenae aetatis
atque perfectae: et sacerdotalem gradum prophetiae auxit gratia; et
moyses et helias uidentur in monte cum domino, id est lex et prophetae,
qui annuntiabant ei quae in hierosolymis passurus esset -. expiato autem
altari, septem diebus offertur hircus siue haedus pro peccato cotidie,
et uitulus de armento et aries de pecoribus immaculatis, ut per haec
sacrificia septem diebus ad perfectum expietur altare: in septem diebus
sabbatismus ostenditur qui, iuxta apostolum, populo domini reseruatur,
in quibus aeternam ueram que speramus requiem et nequaquam seruile opus
faciamus peccatorum; in hirco autem et uitulo et ariete tria generalia
delicta monstrantur quibus omne mortalium subiacet genus: aut enim
cogitationibus aut sermone aut opere peccamus - cogitatio refertur ad
arietem, quae prima est omnium peccatorum et ex qua alia duo peccata
nascuntur; haedus autem, siue hircus, ad eloquium atque sermonem, qui
semper de excelsioribus disputat; opera uero proprie uitulo deputantur,
qui uomeri et labori et terrenis operibus mancipatus est -. haec igitur
immaculata per septem dies ueri sabbati atque perfecti deo offerre
debemus, et expiare altare, ut oratio nostra munda perueniat ad deum.
quod autem infertur: et mundabunt illud, et implebunt manum eius, quod
et hebraicum et ceteri interpretes transtulerunt, illud significat quod
ipsius quoque altaris, pro cuius expiatione offertur sacrificium, dona
complenda sint, sicut offertur pro sacerdotibus et populo atque
pontifice, ne quid uacuum stetisse uideatur in conspectu domini; pro quo
posuere septuaginta: et mundabunt illud, et implebunt manus suas, ut
subaudiatur 'sacerdotes', qui, cum pleni fuerint bonis operibus - hoc
enim plenae significant manus -, transacto sabbato, ueniant ad diem
resurrectionis octauam - et dicant cum apostolo: resurreximus cum
christo -, et ultra octauam tendant ad caelestia, et offerant pro nobis
holocausta siue quae pro pace peccatorum nostrorum et salute sunt
nostra, ut, per ignem spiritus sancti, omnia quae cogitamus, loquimur et
facimus, in spiritalem substantiam conuertantur, et huiuscemodi dominus
delectatus sacrificiis nobis placabilis fiat.
44. et conuertit me ad uiam portae sanctuarii exterioris quae
respiciebat ad orientem, et erat clausa; et dixit dominus ad me: porta
haec clausa erit, et non aperietur, et uir non transibit per eam,
quoniam dominus deus israel ingressus est (siue ingredietur) per eam,
erit que clausa principi: princeps ipse sedebit in ea ut comedat panem
coram domino, per uiam uestibuli (id est 'aelam') portae ingredietur et
per uiam eius egredietur. (pro eo quod in hebraico scriptum est: erit
clausa principi, lxx transtulerunt: et erit clausa, quia dux ipse
sedebit in ea). multae sunt portae quas in descriptione templi
hiezechielis scriptura commemorat, tam intus quam foris; altaris quoque
figuram et consecrationem et sacrificia sermo praeteritus percurrit. quo
finito, uenit ad portam sanctuarii exterioris quae respiciebat ad
orientem, et erat clausa; statim que uir ille, qui erat ductor prophetae
et ei omnia demonstrabat, locutus est ad eum: 'porta haec, quam
respicis clausam, semper clausa erit, et non aperietur, nullus que
uirorum transibit per eam'; et reddit causas cur clausa sit semper:
quoniam dominus israel ingressus est (uel ingredietur) per eam, erit que
clausa - iuxta hebraicum - principi (quem 'ducem' septuaginta
transtulerunt): qui princeps (et dux, id est 'nasi') sedebit in ea ut
comedat panem coram domino, et: per uiam uestibuli portae ingredietur,
per ipsam egredietur. quaenam ista porta est quae semper clausa est et
solus dominus deus israel ingredietur per eam? nempe illa de qua
saluator loquitur in euangelio: uae uobis, scribae et pharisaei
hypocritae, et: uae uobis, legis doctoribus, uae, qui tollitis clauem
scientiae: ipsi non ingredimini, et intrantes prohibetis - de hac, sub
nomine libri, scribit esaias: erunt uerba libri istius sicut uerba
signata; quem cum dederis homini nescienti litteras, et dixeris ei:
lege; respondebit tibi: nescio litteras. et dabunt illum homini scienti
litteras, dicentes: lege; et dicet: non possum legere quia signatus est:
iste autem liber est cuius nemo potest soluere et aperire signacula
neque in caelo neque in terra neque sub terra, nisi ille de quo in
apocalypsi ioannis dicitur: ecce uicit leo de tribu iuda, radix et genus
dauid, ut aperiat librum et soluat signacula eius: prius enim quam
saluator humanum corpus assumeret et humiliaret se formam serui
accipiens, clausa erat lex et prophetae et omnis scientia scripturarum,
clausus erat paradisus; postquam autem ille pependit in cruce et locutus
est ad latronem: hodie me cum eris in paradiso, statim uelum templi
scissum est et aperta sunt omnia; ablato que uelamine dicimus: nos autem
omnes reuelata facie gloriam domini contemplantes, in eandem imaginem
transformamur a gloria in gloriam. si autem reuelata sunt omnia - in
christo enim, iuxta sermonem pauli, omnia reuelantur -, quomodo: porta
clausa erit, et non aperietur, et uir non transibit per eam? ex quibus
discimus - quamuis ad summam scientiam uenerimus comparatione diuinae
scientiae -, nunc ex parte nos scire et ex parte cognoscere: quando
autem uenerit quod perfectum est, tunc quod ex parte est destruetur.
unde et in alio loco ipse apostolus imperfectum se esse loquitur rursum
que perfectum, quod, si interpretatione careat, uidetur esse contrarium:
dicit enim: non quia iam accepi, aut quia iam perfectus sim. fratres,
ego me non arbitror comprehendisse; unum autem: posteriora obliuiscens,
ad priora me extendens, statutum persequor, ad brauium supernae
uocationis dei, cum que putaremus eum secundum professionem suam non
esse perfectum et magis quaerere quam inuenisse quod uerum est, non
solum se sed et alios se cum dicit esse perfectos: quotquot ergo
perfecti, hoc sapiamus; est autem sensus huius loci: 'ad comparationem
hominum ceterorum, qui curam non habent notitiae scripturarum nec
mysteriorum dei, perfectum esse me fateor; quantum autem ad scientiam
diuinae maiestatis, nunc in aenigmate uideo et per nebulam et caliginem,
et dico cum propheta: mirabilis facta est scientia tua ex me;
confortata est, et non potero ad eam' -. haec igitur porta, quae omnibus
clausa est - uir enim non transibit per eam -: erit clausa principi
(siue duci), et illius aduentu reseruabitur: qui sedebit in ea ut
comedat panem coram domino - de quo ipse in euangelio profitetur,
dicens: meus est cibus ut faciam uoluntatem eius qui me misit, et
compleam opus eius -; ipse est princeps et pontifex secundum ordinem
melchisedech et hostia et sacerdos, qui in conspectu patris nobis cum
caelestem comedit panem et uinum bibit - de quo loquitur in euangelio:
non bibam de genimine uitis huius, nisi cum bibero illud nouum in regno
patris mei: in illo uidelicet regno, de quo scribit et apostolus: regnum
dei intra uos est -; clausa que erit porta: nemo enim potest passionis
domini corporis que eius et sanguinis pro maiestate rei sacramenta
cognoscere; tantae que bonitatis est et clementiae princeps noster, ut,
cum solus sedeat in porta quae clausa est et panem coram domino comedat,
uelit mensae suae atque conuiuii plures habere consortes - et dicat:
ecce ego sto et pulso; si quis mihi aperuerit, ingrediar ad eum, et
coenabo cum ipso, et ipse me cum -; solus autem comedit panem coram
domino, quia substantia eius diuina que natura a cunctis creaturarum
substantiis separata est. ipse per eandem uestibuli portam ingreditur et
egreditur, quia et intus et foris est - hoc est infusus et circumfusus
omnibus -: ingrediens que per portam ut se cum introducat eos qui absque
doctrina eius et auxilio intrare non possunt, et egrediens ut rursum
alios introducat, et loquatur eis qui difficiliora non capiunt. - quod
autem porta orientalis extra terminos mundi semper clausa sit et humano
nequaquam pateat aspectui, ioannis probat euangelium - dicentis: deum
nemo uidit umquam nisi unigenitus filius, qui est in sinu patris, ipse
enarrauit, quasi aliis uerbis dixerit: erit que clausa principi:
princeps solus sedebit in ea ut comedat panem 'perfectae et consummatae
scientiae': nemo enim nouit filium nisi pater, et nemo nouit patrem nisi
filius, et cui uoluerit filius reuelare -. pulchre quidam portam
clausam per quam solus dominus deus israel ingreditur et dux cui porta
clausa est, mariam uirginem intellegunt, quae et ante partum et post
partum uirgo permansit et eo enim tempore quo angelus loquebatur:
spiritus sanctus superueniet in te, et uirtus altissimi obumbrabit te;
quod autem nascetur ex te sanctum uocabitur filius dei, et quando natus
est, uirgo permansit aeterna -, ad confundendos eos qui arbitrantur eam
post natiuitatem saluatoris habuisse de ioseph filios, ex occasione
'fratrum' eius qui uocantur in euangelio: super qua quaestiuncula, romae
aduersum heluidium illius temporis haereticum, in adolescentia non
grandem librum scripsisse me noui -.
et adduxit me per uiam portae aquilonis in conspectu domus; et
uidi, et ecce impleuerat gloria domini domum domini, et cecidi in faciem
meam. et dixit ad me dominus: fili hominis, pone cor tuum et uide
oculis tuis, et auribus tuis audi omnia quae ego loquor ad te de
uniuersis caeremoniis domus domini, et de cunctis legibus eius; et pones
cor tuum in uiis templi per omnes exitus sanctuarii. uir, qui ductor
prophetae est et quo cuncta in templo monstrante cognoscit, postquam
clausam ei ostenderat portam numquam reserandam et tamen apertam ei qui
clausis ingressus est ostiis, ducit prophetam ad uiam portae aquilonis,
quae tamen et ipsa esset in conspectu domus: haud dubium quin templum
significet; cum que propheta e regione uidisset plenam domum domini
gloria domini - eandem uidelicet quam in aquilonis plaga positus contra
cernebat -, statim cecidit in faciem suam, maiestatem gloriae domini
ferre non sustinens. unde, quia fuerat humilitate deiectus, dicit ad eum
nequaquam uir sed dominus: fili hominis, pone cor tuum, et reliqua: in
consummatione tabernaculi et in aedificatione templi quod a salomone
constructum est apparuit gloria domini, quae postea euangelicae gloriae
comparatione destructa est - dicente apostolo: etenim non est
glorificatum quod glorificatum est in hac parte propter excellentem
gloriam. si enim quod destruitur, per gloriam, multo magis quod manet,
in gloria -, cauendum que ne destructionem prioris gloriae abolitionem
putemus, sed sic sentiendum, quod: postquam uenerit quod perfectum est,
id quod ex parte fuerat destruetur - uelut si solis radiis lampadem
compares, aut lampadis lumen lucernulae, quamobrem et de ioanne baptista
dicitur: ille erat lucerna lucens in domo; postquam autem uenit sol
iustitiae, lucernae lumen absconditum est, dicente ipso propheta atque
baptista: illum oportet crescere, me autem minui -; cecidit autem in
faciem suam propheta, ne, dum plus cernere cupit quam potest humana
fragilitas intueri, etiam ipsum oculorum lumen amitteret; unde
familiarius uocat eum dominus filium hominis, praecepit que ut ponat cor
suum, et uideat oculis, et auribus audiat - primum enim ad
intellegendum quod dicitur aperiendus est animus, secundo cordis
intendendi oculi de quibus dicitur ad abraham: leua oculos tuos et uide
stellas caeli, tertio his auribus audiendum de quibus saluator ait: qui
habet aures audiendi, audiat -, ut possit cunctas templi caeremonias et
legitima eius intellegere, et ad extremum ponere cor suum in 'uiis'
templi - quia diuersi ad eum introitus sunt -, siue 'uia' templi -
caeremoniarum ordinem significat -, et exitus sanctuarii. prooemium
igitur est, et praeparatio prophetae, ad intellegenda quae postea super
templi ordine cogniturus est. et hoc notandum, quod in mundi huius plaga
qui in maligno positus est et in aquilonis frigore constitutus,
caelestium nobis caeremoniarum ordo monstratur.
et dices ad exasperantem me domum israel: haec dicit dominus
deus: sufficiant uobis omnia scelera uestra, domus israel, eo quod
inducitis filios alienos (siue alienigenas) incircumcisos corde et
incircumcisos carne, ut sint in sanctuario meo et polluant domum meam;
et offertis panes meos adipem et sanguinem, et dissoluitis pactum (siue
praeteritis praeceptum) meum in omnibus sceleribus uestris. et non
seruastis praecepta sanctuarii mei, et posuistis custodes obseruationum
mearum in sanctuario meo uobismetipsis. quando dicit: sufficiant uobis
omnia scelera (siue iniquitates uestrae), ad priorum peccatorum hortatur
paenitentiam, ne augeamus peccata peccatis et materiam futuro paremus
incendio - sed audiamus illud quod esaias loquitur: uae his qui
attrahunt peccata sicut funiculo longo et sicut iugo corrigiae uituli
iniquitates -. primum que peccatum est, quod inducunt filios alienos -
siue alienigenas - incircumcisos corde et incircumcisos carne, ut sint
in sanctuario dei et polluant domum domini - modicum enim fermentum
totam massam corrumpit, et in quibusdam exemplaribus fertur
prouerbiorum: ne introducas impium in tabernacula iustorum -. urgent nos
in hoc loco iudaei et ebionitae - qui circumcisionem carnis accipiunt
-, quomodo possumus praesentem locum exponere: incircumcisos corde et
incircumcisos carne, quo uidelicet post spiritalem intellegentiam etiam
carnis circumcisionem suscipere debeamus; sed - qui legimus paulum
dicentem: contestor autem omnem hominem qui circumciditur, quoniam, si
circumcidamini, christus uobis nihil proderit, et illud hieremiae: ecce
incircumcisae aures uestrae et noluistis audire, et in exodo: locutus
est moyses in conspectu domini dicens: ecce filii israel non audierunt,
et quomodo audiet me pharao? ego autem sum tardi sermonis (pro quo
septuaginta dixere: eg�~g de~g alogos~g eimi~g, quod melius habetur in
hebraeo: ego autem incircumcisus labiis) -, interrogemus eos - immo
cogamus circumcidere aures et labia desecare, ut scripturam implere
uideantur -: sin autem coeperint circumcisionem 'aurium' interpretari
quando nihil turpe et inhonestum audire nos patimur, et circumcisionem
'labiorum' quando nihil indecens loquimur, dicamus eis: eandem
expositionem etiam in 'corde' et in 'carne' seruare debetis: 'cor'
circumcidimus cultello dei et aufertur de corde nostro praeputium,
quando turpes cogitationes nequaquam exeunt de corde nostro - nec de
nobis dicitur: impinguatum est cor populi huius, et auribus suis
grauiter audierunt -, ergo et 'caro' similiter circumciditur ut
nequaquam faciamus terrena opera quae pro necessitate corporis facere
compellimur - cibum capere et potum et somnum et uti uestibus -, quae
tunc circumcidimus, si non ad delicias et ad luxuriam et ad inertiam sed
ad necessitatem naturae et corporis istius sustentaculum cuncta
faciamus - qui bibit uinum modicum propter stomachum et frequentes
infirmitates et odit ebrietatem, circumcidit carnem suam; qui dormit
quantum natura patitur, audiet a salomone: si sederis, absque timore
eris, si dormieris, suauiter dormies: et non timebis pauorem
superuenientem tibi, neque impetus impiorum superuenientes; et qui fugit
fornicationem et uxori debitum reddit, reuertens in idipsum ne tentet
eum satanas, audiet cum populo israel: in hac die abstuli opprobrium
aegypti a uobis; uestibus quoque utetur quae frigus repellant, non quae
tenuitate sui corpora nuda demonstrent -: attenuata ieiuniis caro et
circumcisa continentia fugit opprobrium aegyptiorum: qui sunt magnis
carnibus - et illud potest dicere quod in plerisque iuxta editionem
septuaginta legitur: quomodo contabuit caro mea, in terra deserta et
inuia et inaquosa, sic in sancto apparui tibi -. siquando ergo
alienigenas introducere uoluerimus in templum dei, circumcidamus aures
eorum et labia et cor et omnem carnem oculos que, gustum et odoratum: ut
omnia cum dei timore et ratione faciamus; audiant hoc episcopi atque
presbyteri et omnis ordo ecclesiasticus, ut non inducant filios alienos
incircumcisos corde et incircumcisos carne, ne sint in sanctuario eius
et polluant domum eius; si enim hoc fecerint, aptabitur illis quod
sequitur: et offertis panes meos - panes uidelicet propositionis in
cunctis ecclesiis et in orbe terrarum, de uno pane pullulantes -, et non
solum panes, sed adipem quoque - de quo scriptum est: ex adipe frumenti
saturauit eos -, et sanguinem - qui in christi passione effusus est -.
legendum que ita, et sic lectionis ordo reddendus: 'cum filios
alienigenas incircumcisos corde et corpore inducatis in sanctuarium meum
et polluatis domum meam, audetis offerre panes et adipem et sanguinem -
mystica sacramenta - et non intellegitis quid solueritis et
praetergressi sitis pactum meum in omnibus sceleribus et impietatibus
uestris; et non seruaueritis praecepta sanctuarii mei neque posueritis
custodes caeremoniarum mearum in sanctuario meo' - omnis autem aduersus
eos est comminatio, qui non audierunt apostolum praemonentem: manus cito
nemini imposueritis, neque communicaueritis peccatis alienis -; uel
certe sic intellegendum: 'dissoluistis pactum meum in omnibus sceleribus
uestris et non seruastis praecepta sanctuarii mei, et audetis indignos
alienos que custodes ponere in obseruatione sanctuarii mei -
uobismetipsis ut subaudiatur, non mihi, et est sensus: - qui uobis in
carnalibus seruiant ac ministrent et ob uestra refrigeria meum polluant
sanctuarium'.
haec dicit dominus deus: omnis alienigena incircumcisus corde et
incircumcisus carne non ingredietur sanctuarium meum, omnis filius
alienus qui est in medio filiorum israel. sed et leuitae qui longe
recesserunt a me in errore filiorum israel et errauerunt a me post idola
sua portabunt iniquitatem suam, qui erant in sanctuario meo aeditui et
ianitores portarum domus et ministri domus: ipsi que mactabant
holocausta et uictimas populi, et ipsi stabant ante eos ut ministrent
illis. pro eo ergo quod ministrauerunt eis in conspectu idolorum suorum
et facti sunt domui israel in offendiculum iniquitatis, idcirco leuaui
manum meam super eos, dicit dominus deus, et portauerunt iniquitatem
suam.
et non appropinquabunt ad me ut sacerdotio fungantur mihi, neque
accedent ad omne sanctuarium meum iuxta sancta sanctorum, sed portabunt
confusionem suam et scelera sua quae fecerunt. et dabo eos ianitores
domus in omni ministerio eius et uniuersis quae fiunt in ea. sacerdotes
autem leuitae filii sadoc, qui custodierunt caeremonias sanctuarii mei
cum errarent filii israel a me, ipsi accedent ad me ut ministrent mihi,
et stabunt in conspectu meo ut offerant mihi adipem et sanguinem, ait
dominus deus. ipsi ingredientur sanctuarium meum, et ipsi accedent ad
mensam meam, ut ministrent mihi et custodiant caeremonias meas. (lxx:
propterea haec dicit dominus: omnis filius alienigena incircumcisus
corde et incircumcisus carne non ingredietur sancta mea, in omnibus
filiis alienigenarum qui sunt in medio domus israel. sed et leuitae qui
recesserunt a me cum erraret israel a me post cogitationes suas, et
accipient iniquitates suas, et erunt in sanctis meis ministrantes,
ostiarii in portis domus et ministri domus: isti immolabunt holocausta
et uictimas populo, et isti stabunt ante populum ut ministrent eis, pro
eo quod ministrauerunt eis ante faciem idolorum suorum, et factum est
domui israel in tormentum iniquitatis. propterea leuaui manum meam super
eos, dicit dominus deus, et accipient iniquitatem suam: ut non accedant
ad me ut sacerdotio fungantur mihi, neque ut offerant ad omnia sancta
filiorum israel nec ad sancta sanctorum meorum, et suscipient ignominiam
suam in errore quo errauerunt. et ponent eos ut seruent custodias domus
in omnia opera eius et in uniuersa quae fecerunt in eo. sacerdotes
leuitae filii saddoch, qui custodierunt custodias sanctorum meorum cum
erraret domus israel a me, isti accedent ad me ut ministrent mihi, et
stabunt ante faciem meam ut offerant mihi hostiam, adipem et sanguinem,
dicit dominus deus. ipsi ingredientur in sancta mea, et isti accedent ad
mensam meam, ut ministrent mihi et obseruent custodias meas). iuxta
utramque editionem posui testimonium, ut, ex comparatione earum, quid
septuaginta senserint, quid hebraicum contineat, scire ualeamus.
septuaginta hoc significant: quod alienigenae incircumcisi corde et
carne, qui habitant in medio filiorum israel, ingredi non debeant
sanctuarium dei; leuitae autem, hoc est sacerdotalis gradus, qui longe
recesserunt a domino in errore filiorum israel et errauerunt post idola
sua, postquam receperunt iniquitatem suam, stent in sanctuario domini
aeditui et ianitores ministri que domus et mactent holocausta et
uictimas populi, et isti sint in conspectu eorum ut ministrent eis, eo
quod ministrauerunt illis in conspectu idolorum suorum et facti sunt
domui israel in tormentum iniquitatis; et idcirco manum leuasse se dicit
super eos dominus deus, ut non accedant ad eum et sacerdotio fungantur
illi neque offerant illi in sancta sanctorum, portent que ignominiam
suam in errore quo errauerunt: ut scilicet ponantur in obseruatione
custodiarum domus in omnia opera eius et in uniuersa quae fiunt in domo -
quod si ita est: quomodo stare poterit, ut leuitae - qui longe
recesserunt a deo in errore filiorum israel et errauerunt ab eo post
idola sua - ipsi ministrent in domo et mactent holocausta et uictimas
populi, et ipsi stent in conspectu eorum ut ministrent eis - quid enim
amplius facturi sunt sacerdotes filii saddoch qui custodierunt
caeremonias sanctuarii dei, de quibus dicit: ipsi accedent ad me ut
ministrent mihi, et stabunt in conspectu meo ut offerant mihi adipem, et
reliqua? -. hebraicum autem hunc habet sensum: 'omnis alienigena
incircumcisus corde et carne non ingredietur sanctuarium meum, licet cum
populo israel esse uideatur. leuitae autem, hoc est sacerdotalis
gradus, qui longe recesserunt a me in errore filiorum israel et secuti
sunt idola, portabunt iniquitatem suam, eo quod fuerint in sanctuario
meo ministrantes in officio portarum domus et ministri eius: ipsi enim
offerebant holocaustum et uictimas populi, et ipsi stabant in conspectu
eorum ut ministrarent pro eis. quia ergo ministrauerunt pro illis in
conspectu idolorum suorum et fuerunt domui israel offendiculum
iniquitatis, propterea leuaui manum meam super eos, dicit dominus deus,
et portauerunt iniquitatem suam. et non appropinquabunt ad me ut
sacerdotio fungantur mihi, neque accedent ad omne sanctuarium meum iuxta
sancta sanctorum, sed portabunt confusionem suam et scelera sua quae
fecerunt - pro sacerdotali enim officio, qui holocaustum et uictimas
omne que sacrificium offerre consueuerant, redigentur in ultimum gradum
-. et erunt ianitores domus in ignominiam sempiternam - ut ab uniuerso
populo uideantur, intrante et exeunte, de qua sublimi dignitate ad quem
ultimum gradum peruenerunt -. sacerdotes autem' inquit, 'id est leuitae
qui sunt filii sadoc - hoc est iustorum siue iusti dei - et qui in
tempore erroris uniuersi israel custodierunt caeremonias sanctuarii mei,
ipsi accedent ad me ut ministrent mihi, et stent in conspectu meo et
offerant mihi adipem - hoc est pinguissimam hostiam -, et sanguinem -
uiuam scilicet et placentem deo hostiam -. et ipsi ingredientur
sanctuarium meum et accedent ad mensam meam, ut accendant thymiama mihi
et omnem ritum sacrificii custodiant' - sin autem hoc ita est, ut, qui
in tempore erroris uel persecutionis idola sunt secuti quae de suo corde
confixerant, et non solum uoce sed et subscriptione manus asseruerunt
filium dei creaturam: et seruierunt creaturae magis quam creatori, qui
est benedictus in saecula: quomodo sibi sacerdotale et pontificale
assumunt fastigium et audent offerre uictimas deo, cultores quondam
idolorum? - sed, ut ardentissimus poeta testatur:
quidquid multis peccatur, inultum est,
multitudo peccantium impetrabiliorem fecit impiis ueniam: ut, qui,
redacti in laicos, pristina sacrilegii sui debuerant scelera deplorare,
nunc resupini in pontificali solio sedeant, et ructent nobis simulatae
fidei nauseas, immo abortae perfidiae aperta compendia -; audiant igitur
saltem sero et obseruent praecepta omnipotentis dei: omnis alienigena
incircumcisus corde et incircumcisus carne non ingredietur sanctuarium
meum, licet ille sit filius, licet cognatione sociatus, licet antiqua
nobis haereat necessitudine: si incircumcisus corde uel carne est non
introducatur sanctuarium dei, ne ministros christi nostros faciamus
ministros et pro carnalibus refrigeriis altaria domini polluamus -. pro
eo quod nos posuimus: et dabo eos ianitores domus in omni ministerio
eius et in uniuersis quae fiunt in ea, eos uidelicet leuitarum qui longe
recesserunt a deo in errore filiorum israel et secuti sunt idola quibus
uictimas immolarunt, symmachus, ordinem lectionis sensum que
considerans, rectius interpretatus est dicens: posueram enim eos
custodes ianuarum domus uniuersi ministerii eius et cunctorum quae fiunt
in ea, ut non ad eos pertineat qui futuri sunt in templo, sed ad eos
qui fuerunt.
cum que ingredientur portas atrii interioris, uestibus (siue stolis)
lineis induentur, nec ascendet super eos quidquam laneum (siue et non
induentur lanificiis) quando ministrant in portis (siue a portis) atrii
interioris in intrinsecus. uittae lineae erunt in capitibus eorum (siue
cidares lineas habebunt super capita sua), et feminalia linea erunt in
lumbis eorum, et non accingentur in sudore (siue uiolenter). cum que
egredientur atrium exterius ad populum, exuent se uestimentis (siue
stolis) suis in quibus ministrauerant, et reponent ea (siue eas) in
gazophylaciis (siue exedris) sanctuarii (uel sanctorum), et uestient se
uestimentis (siue stolis) aliis, et non sanctificabunt populum in
uestimentis (siue stolis) suis. caput autem suum non radent, neque comam
nutrient, sed tondentes attondebunt capita sua (siue: capita sua non
radent, et comas non ad pressum tondebunt, operientes operient capita
sua). et uinum non bibet omnis sacerdos quando ingressus fuerit in
atrium interius. primum historiae uerba pandenda sunt. inter cetera quae
sacerdotibus praecepit sermo dominicus, hoc quoque obseruandum iubet:
ut, in ipsis portis interioris atrii uestibus - id est stolis - lineis
induantur, nec utantur laneis indumentis tam in portis atrii interioris
quam intrinsecus - hoc est in adytis sanctis que sanctorum -; uittae
quoque - siue cidares - lineae sint in capitibus eorum, feminalia linea
in lumbis; quod que sequitur iuxta septuaginta: et non accingentur
uiolenter (pro quo aquila et symmachus transtulerunt in sudore,
theodotio ipsum uerbum hebraicum exprimens 'in ieze', aquilae secunda
editio 'buza'), per quod significat: non eos uiolenter, arte atque
constricte instar uinctorum esse cingendos, ne in ministeriis
sacerdotalibus atque leuiticis inhabiles fiant et tenere et caedere
uictimas, attrahere quoque nequeant atque discurrere. et quia semel
praeceperat quibus uestibus uti deberent sacerdotes quando intrinsecus
in ministeriis sunt, rursum iubet: ut, egredientes in gazophylaciis -
siue exedris - sanctorum, exuantur pristinis uestibus et induantur
aliis, ne, si sanctas uestes habuerint, sanctificent populum foris
positum, qui necdum fuerit sanctificatus nec se praeparauerit in
sanctificationem templi, ut sit domini nazaraeus; per quae discimus, non
cotidianis et quibuslibet pro usu uitae communis pollutis uestibus nos
ingredi debere sancta sanctorum, sed munda conscientia et mundis
uestibus tenere domini sacramenta. quod autem sequitur: caput autem suum
non radent, neque comam nutrient, sed tondentes attondebunt capita sua,
perspicue demonstratur, nec rasis capitibus sicut sacerdotes cultores
que isidis atque serapidis nos esse debere, nec rursum comam demittere,
quod proprie luxuriosorum est barbarorum que et militantium, sed ut
honestus habitus sacerdotum prima facie demonstretur; quod dixere
septuaginta: capite sua non radent, et comas suas non ad pressum
tondebunt, sed [operientes] operient capita sua, iuxta quos discimus,
nec caluitiem nouacula esse faciendam, nec ita ad pressum tondendum
caput ut rasorum simile esse uideatur, sed in tantum capillos
dimittendos ut operta sit cutis - uel certe semper sacerdotes operire
capita sua, iuxta illud uergilianum:
purpureo uelare comas adopertus amictu;
sed haec uiolenta interpretatio est -. uinum autem non solum in
ministerium sacerdotes non bibent atque leuitae, sed ingressuri quidem
sancta sanctorum, ne opprimatur mens et sensus crassior fiat - unde et
apostolus: bonum est, inquit, uinum non bibere et carnem non manducare,
et in alio loco: et uinum, in quo est luxuria - manducauit enim populus
et bibit, et surrexerunt ludere -; quod que concedit timotheo: ut uini
paululum bibat, perspicue demonstrat cur hoc concesserit: propter
stomachum, inquit, et frequentes tuas infirmitates -. uestibus lineis
utuntur aegypti sacerdotes non solum intrinsecus sed extrinsecus - porro
religio diuina alterum habitum habet in ministerium, alterum in usum -;
uittae que et feminalia recte assumuntur, ut honestas decor que
seruetur - ne scilicet ascendentes altaris gradus et in ministeria
discurrentes reuelent turpitudinem -; rasa capita habet superstitio
gentilis; uino autem, quantum ad meam scientiam pertinet, non reor
aliquem se abstinere gentilium. quae uniuersa quid iuxta sensum indicent
spiritalem, sequentia monstrabunt. esse indumenta sancta et spiritalia,
docet apostolus, dicens: induimini domino iesu christo, et in alio
loco: induite uos uiscera misericordiae, bonitatis, humilitatis,
mansuetudinis et patientiae, et iterum: exspoliate uos ueterem hominem
cum operibus eius, et induite nouum qui renouatur in scientia iuxta
imaginem creatoris, quod et illud significare puto: oportet enim
corruptiuum hoc indui incorruptionem, et mortale hoc indui
immortalitatem. cum autem corruptiuum indutum fuerit incorruptione - et
mortale hoc immortalitate -, tunc fiet sermo qui scriptus est, et
reliqua - de sacerdotalibus uestimentis in exodo plenius scriptum est,
et nos olim edidimus librum ad cuius interpretationem diligens mittendus
est lector: neque enim possumus latam materiam breui sermone
comprehendere -; haec uestimenta proprio nobis labore conficimus, quae
texta sunt desuper - qualem et dominus habebat tunicam quae scindi non
potest -, quibus induimur quando secreta domini et arcana cognoscimus et
habemus spiritum qui scrutatur etiam alta et profunda quae non sunt
monstranda uulgo nec proferenda ad populum qui non est sanctificatus nec
domini sanctitudini praeparatus - ne, si maiora se audierint,
maiestatem scientiae ferre non possint et quasi solido suffocentur cibo,
qui adhuc lacte infantiae nutriendi sunt -; esse autem e contrario
pessima uestimenta docet scriptura diuina, ut est illud quod in psalmis
de iuda proditore cantatum est: et induit maledictionem sicut
uestimentum, et post paululum: fiat ei sicut uestimentum quod
circumdatur, et sicut zona quae semper accingitur: unde et dominus, qui
pro nobis doluit et nostra peccata portauit, in zacharia sordida habere
dicitur uestimenta - de quibus scriptum est: et iesus erat indutus
uestibus sordidis -, quae postea deponit - scriptura dicente: auferte ab
eo uestimenta sordida et induite eum podere, et reliqua -. quod autem
sequitur: uittae (siue cidares) lineae erunt in capitibus eorum, puto
coronam ostendere gratiae de qua scriptum est: coronam enim gratiarum
suscipiet tuus uertex, nec illud nobis de aperto et nudato capite faciat
quaestionem quod apostolus loquitur: mulier debet potestatem habere
super caput propter angelos. si enim non uelatur mulier, attondeatur;
sin autem turpe est mulieri tonderi aut radi, operiatur.
uir enim non debet operire caput, cum sit imago et gloria dei; mulier
autem gloria uiri est: si enim uirorum est non operire caput, uidetur
esse contrarium quomodo nunc sacerdotes capita uittis lineis uel cidare
operire iubeantur, sed legamus diligentius: ex prioribus soluentur
praesentia: supra enim dicitur: quando omnes ministrant in portis atrii
interioris et intrinsecus - si enim ingrediamur ad sancta et stemus in
conspectu domini, capita nostra operire debemus quia: non iustificabitur
in conspectu domini omnis uiuens, et ab infantia cor hominis appositum
est ad malitiam -; denique et feminalibus intrinsecus utimur, ne ulla in
conspectu domini pollutae conscientiae et operis nuptialis appareat
turpitudo: quibus feminalibus accingit et saluator apostolos suos
dicens: sint lumbi uestri accincti, et lucernae ardentes in manibus, et
apostolus credentibus loquitur: state ergo accincti lumbos uestros in
ueritate, et imitatores christi audiant illud quod de eo scriptum est:
erit iustitia accinctus lumbos et ueritate circumdatus; et hac ipsa
leuitica zona pia qui sanctus est et ad uirtutum culmen ascenderit
nequaquam uiolenter astringitur, ne inuitus bonum continentiae obseruare
uideatur et in sudore uultus sui comedere panem sed praeceptum domini
facere uoluntate. denique, quando foras egreditur et miscet se populo,
sacerdotalia uestimenta deponit in gazophylacio in quo domini diuitiae
conseruantur, et aliis utuntur uestibus sacerdotes alia que doctrina ad
uulgus ignobile, ne sanctificetur populus in stolis eorum: graue est
enim multitudinis onus ultra uires suscipere, dicente salomone: laqueus
est uiri cito quid de suis sanctificare: cum enim uotum fecerit surripit
paenitentia. - denique et nazaraei sponte se offerunt; et quicumque
aliquid uouerit et non impleuerit, uoti reus est; unde et de uiduis
dicitur: cum luxuriatae fuerint in christo, nubere uolunt, habentes
damnationem quia primam fidem irritam fecerunt - melius est enim non
promittere, quam promittere et non perficere -: anna obtulit samuelem,
qui in aeterna sanctitate permansit; et manue obtulit samson filium, sed
sanctificationem capillorum eius dalilae libido turpauit: denique
dominus recessit ab eo et caecitate damnatus est, nisi quod postea,
crescentibus capillis, pristinum robur accepit, et in typo christi,
multo: plures alienigenarum mortuus quam uiuus occidit -. uult autem
dominus sacerdotes suos capillos sanctificationis habere perpetuos et
operire capita eorum, non aliquo extrinsecus uelamento sed sua naturali
caesarie, non ad ornatum atque luxuriam sed ad honestatem - unde et
capilli capitis apostolorum numerati sunt, dicente saluatore: uestri
autem et capilli capitis omnes numerati sunt: illius capitis, de quo et
in ecclesiaste scriptum est: sapientis oculi in capite eius. caput autem
uiri christus est, quod peccator conculcat et despicit et, ut ita
loquar, radit nouacula et aufert eius pulchritudinem: quod et filii
ammon fecerunt his quos dauid legatos miserat -; sin autem legis
praeuaricatio inhonorat deum, consequenter qui legis praecepta conseruat
honorat eum - ut impleatur quod scriptum est: ut omnes honorificent
filium, sicut honorificant patrem -. porro quod sequitur, ut: omnis
sacerdos quando ingressurus est atrium interius uinum non bibat,
perspicuum est ebrietate et sicera statum mentis euerti, et non plene
nos sapere quando uino et satietate animus occupatur; ebrietas autem non
solum in potione uini sed in omnibus rebus ostenditur, quibus et in
contractibus et in negotiis saeculi et damnis ac lucris, amore et odio
mens inebriatur et fluctuat et statum suum tenere non potest; et quia
fragili carne circumdamur et cogimur - pro uictu et uestitu et
necessariis quae ad corpus pertinent - aliqua facere quae facere non
debemus, saltim hoc a nobis exigitur, ut - quando in nosmetipsos
reuertimur et scimus cur nati sumus et interiora atque adyta templi
ingredimur - recedamus a uitiis saeculi et ne minima quidem peccata
faciamus; per quae ostenditur: et peccare nos - cum pro necessitatibus
carnis - peccata leuia, et rursum esse tempus quando - atrium
ingredientes interius - ab omni ebrietate mundi atque alieni esse
debemus.
uiduam et repudiatam (siue eiectam) non accipient uxores, sed
uirginem de semine domus israel; sed et uiduam quae fuerit uidua a
sacerdote accipient. et populum meum docebunt; quid sit inter sanctum et
pollutum, inter mundum et immundum ostendent eis. et cum fuerit
controuersia (ut in lxx additum est, sanguinis), stabunt in iudiciis
meis, et iudicabunt; leges meas et praecepta mea in omnibus
solemnitatibus meis custodient, et sabbata mea sanctificabunt. et ad
mortuum hominem non ingredientur ne polluantur, nisi ad patrem et
matrem, filium et filiam, fratrem et sororem quae alterum uirum non
habuit: in quibus contaminabuntur. et postquam fuerit emundatus, septem
dies enumerabuntur ei, et in die introitus sui in sanctuarium in atrium
interius, ut ministret mihi in sanctuario, offeret pro peccato suo, ait
dominus deus. non erit autem eis hereditas; ego hereditas eorum, et
possessionem non dabitis eis in israel, ego enim possessio eorum.
uictimam et pro peccato et pro delicto ipsi comedent, et omne uotum
israel ipsorum erit; et primitiua omnium primogenitorum, et omnia
libamenta ex omnibus quae offeruntur sacerdotum erunt; et primitiua
ciborum uestrorum dabitis sacerdoti, ut reponat benedictionem domui
suae. omne morticinum et captum a bestia de auibus et pecoribus non
comedent sacerdotes. omnis hic locus praecepta continet sacerdotum qui,
post multa quae supra exposuimus, iubentur uiduam et repudiatam, siue
eiectam, non accipere uxores - uidua et repudiata est synagoga, id est
congregatio iudaeorum quae dominum non recepit; unde et recte 'eiecta'
dicitur siue 'uidua' synagoga: eiecta uero haereticorum frequentia, qui
exierunt a nobis quia non erant ex nobis -, sed: uirginem, inquit, de
semine domus israel, quae nutrita est in domo dei, in lege et prophetis,
de qua et apostolus loquitur: uolo omnes uos uirginem sanctam exhibere
christo; ista est uirgo de qua et alibi dicit sermo diuinus: ama illam
et seruabit te, circumda illam et exaltabit te, honora eam ut te
amplexetur; quae sit autem uirgo, quae amanda sit et suum custodiat
amatorem, sciet qui illud legerit: hanc dilexi et quaesiui ab
adolescentia, et quaesiui sponsam ducere mihi, et amator fui decoris
eius; et omnium dominus dilexit eam. non solum autem uirginem, sed et
uiduam debet sacerdos ducere, quae tamen alterius sacerdotis uxor
fuerit: scientiam uidelicet quam alius dei cultor inuenerit; neque enim
noua tantum contenti debemus esse doctrina, sed et ueterem excolere et
nostro iungere comitatui, si tamen sacro cultu fuerit erudita.
sacerdotis quoque officium est docere populum: quid sit inter sanctum et
pollutum, inter mundum et immundum, ut prius referamus ad dogmata,
secundum ad opera quae per carnem efficiuntur - delicta enim quis
intellegit? -. et cum fuerit controuersia 'de omni re' siue, ut
septuaginta transtulerunt, 'sanguinis', hoc est quod ad mortale pertinet
crimen: stabunt sacerdotes in iudiciis meis, ut non iudicent secundum
honorem nec accipiant personam pauperis siue diuitis in iudicio, sed
stent in iudiciis dei - et recordentur illius psalmi: deus stetit in
synagoga deorum, in medio autem deos diiudicat, 'deos' appellans: qui
habent iudicandi de hominibus potestatem -: qui, in quo iudicio
iudicauerint, iudicabitur de eis. leges, inquit, meas et praecepta mea
in omnibus solemnitatibus meis custodient, ut sciant quomodo nobis
christus pascha sit immolatus, quomodo septem hebdomadas implere
debeamus gaudii atque laetitiae et humiliare animas nostras in ieiunio
clangore que tubarum, intellegere et scenopegias spiritales - in quibus
dicimus: aduena sum ego et peregrinus sicut omnes patres mei -; hae sunt
uerae solemnitates dei, quas consequentius quis pentateuchum disserens
interpretabitur: prima uirtus est sacerdotis non tantum docere quae
nouerit, sed omnes dei festiuitates custodire, ut possit aliis
custodienda praecipere quae ipse obseruauerit - sacerdotum esse
officium, legis habere notitiam, et in malachi discimus, qui ait: labia
sacerdotis custodient scientiam, et legem requirent ex ore eius, quia
angelus domini exercituum est -.
et sabbata mea sanctificabunt. et ad mortuum hominem non
ingredientur ne polluantur (pro quo septuaginta transtulerunt: et super
animam hominis non ingredientur ne polluantur), nisi ad patrem, inquit,
et matrem, filium et filiam, fratrem et sororem quae uirum non habuit:
contaminabuntur. et postquam fuerit emundatus, septem dies numerabuntur
ei, et in die introitus sui in sanctuarium et ad atrium interius, ut
ministret mihi in sanctuario, offeret pro peccato suo domino deo (siue
offeret placationem). erit autem eis hereditas eorum, et possessionem
non dabitis eis in israel, ego possessio eorum, adhuc sacerdotibus
praecipitur; in quibus obseruandum, quod non dixerit absolute: et
'sabbata' sanctificabunt - uel iuxta esaiam: neomenias et sabbata uestra
odit anima mea -, sed cum distinctione: sabbata 'mea' - unde et in
euangelio scriptum est: sacerdotes in templo sabbatum uiolant et absque
culpa sunt: non sabbatum dei, sed sabbatum litterae, sabbatum iudaeorum,
quod recte uiolant qui sunt: genus electum, regale sacerdotium -; porro
sabbatum quod sanctificatum est, illud intellegamus quod et apostolus
docet relictum esse populo dei - de quo scribitur: si intrabunt in
'requiem' meam, quod hebraice 'sabbatum' nominatur -; sanctificat autem
sabbatum dei, qui non portat onus peccati in sabbato nec dicit: sicut
onus graue grauatae sunt super me: qui talis est non colligit ligna in
sabbato, nec superaedificat fundamento iesu christi ligna, fenum,
stipulam, nec accendit ignem qui inutilem consumat materiam, et die
sabbato in uno permanet loco nec foras egreditur, sed quasi columna in
templo dei positus permanet - super quo ioannes scribit in apocalypsi:
qui uicerit, faciam illum columnam in templo dei mei, et foras non
egredietur amplius -. quod sequitur: et ad mortuum hominem non
ingredientur ne polluantur: proprie sacerdotalis officii est, morticina
non tangere, ut qui pro aliorum uitiis deprecatur, ipse ad altare mundus
accedat - de quibus mortuis et saluator loquitur in euangelio: dimitte
mortuos ut sepeliant mortuos suos -; isti contaminantur in patre mortuo,
quando relinquunt creatorem suum, et in matre mortua, de ecclesia
recedentes, in filio quoque et filia, quod aliud ad cogitationes aliud
ad opera pertinet - quod significantius graece dicitur no�ta~g kai~g
aisth�ta~g -; fratrem quoque et sororem, qui, eodem renatus spiritu, si
putauerit mortuum, contaminatur in eo, ita dumtaxat, si soror uirgo
permanserit nec ullius uiri maculata complexu - ex quibus intellegimus
priuilegium uirginale, quod cuiuslibet uiri contactus perfectam auferat
puritatem, quae utrum recte perperam nec dicta sint, lectoris arbitrio
relinquamus -; naturae quoque super hoc probatur affectus, ut ordine
caritatis - iuxta quod scriptum est: ordinate in me caritatem -, post
rerum parentem deum, carnis quoque pater diligatur et mater, filius et
filia, frater et soror, ita dumtaxat, si de domo non exierit nec in
alterius transierit potestatem. postquam autem sacerdos fuerit emundatus
purificationis ordine quae in moysaica lege conscripta est: septem dies
numerabuntur ei - uel perfectus numerus paenitudinis uel post
consummationem mundi, quando ad ueram transierimus ogdoadem -, ut
introeat sancta sanctorum - hoc est enim interius atrium - et possit
ministrare in sanctuario et semper offerre pro peccato conscientiae
uictimam; nec ullum tempus sit quo non recordetur maculatum se fuisse
super patre et matre, filio et filia, fratre et sorore: multa quippe
facere compellimur, in saeculi huius angustiis constituti, uel
conditione carnis uel fragilitate naturae. qui autem talis exstiterit,
ut ministret in sanctuario et atrium ingrediatur interius et offerat
semper sacrificium domino - ita ut uerus sacerdos, uerus sit immo
imitator eius, de quo scriptum est: tu es sacerdos in aeternum secundum
ordinem melchisedech -, iste nullam habebit hereditatem nisi deum qui
est hereditas eius, nec accipiet possessionem in israel - id est inter
uulgus ignobile -, sed sacerdotalem, ut dicat de eo dominus: ego sum
hereditas et: ego possessio eorum - quem cum inuenerint, loquentur ac
dicent: tenebo eum et non dimittam illum, et psallent cum propheta: pars
mea dominus -.
uictimam et pro peccato et pro delicto (siue pro ignorantia) ipsi
comedent, et omne uotum (siue separatio) in israel ipsorum erit; et
primitiua omnium primogenitorum, et omnia libamenta ex omnibus quae
offeruntur sacerdotum erunt; et primitiua ciborum uestrorum dabitis
sacerdoti, ut reponat benedictionem domui suae (siue ut ponat
benedictiones super domos uestras). pro 'uictima' et sacrificio quod
hebraice dicitur 'manaa', aquila et symmachus interpretati sunt 'donum';
rursum pro 'uoto' quod septuaginta aphorisma~g hoc est 'separationem'
transtulerunt, aquila et symmachus et theodotio anath�ma~g interpretati
sunt quod hebraice dicitur 'herem'; et considerandum quod omnia quae
nunc per prophetam dominus loquitur, per moysen ante iam dixerit; et
quaerendum cur eadem quae dicta sunt repetat: ut uidelicet quae in
mentibus hominum sunt, uel legendi neglegentia uel audiendi contemptu et
obliuione deleta, uiua uoce innouentur: quae non sunt scripta calamo et
atramento sed spiritu et uerbo dei - unde et saluator nullum uolumen
doctrinae suae proprium dereliquit, quod in plerisque apocryphorum
deliramenta confingunt, sed patris et suo spiritu cotidie loquitur in
corde credentium -; et haec erit responsio aduersum eos qui calumniantur
prophetas: cur, quae in pentateucho continentur, ea in suis uoluminibus
replicent. uictimam igitur et pro peccato et pro delicto (siue
ignorantia) comedant sacerdotes - de quibus scriptum est: peccata populi
mei comedent -, nec tantum gaudendum est ad oblationem munerum, quantum
timendum ad honoris condemnationem si eo abutamur indigne. primitiua
iuxta litteram sunt animantium et inanimantium quae prima nascuntur et
quae primum terra gignit, primitiae quoque ciborum nostrorum
sacerdotibus offeruntur ut nihil gustemus nouarum frugum nisi quod
sacerdos ante gustauerit; hoc autem facimus, ut reponat sacerdos
benedictionem et oblationem nostram in domo sua, siue ut imprecatione
eius dominus benedicat domibus nostris: grandis dignitas sacerdotum, sed
grandis ruina si peccent; laetamur ad ascensum sed timeamus ad lapsum:
non est tanti gaudii excelsa tenuisse, quanti moeroris de sublimioribus
corruisse - neque enim solum pro nostris delictis reddemus rationem, sed
pro omnium quorum abutimur donis; et nequaquam sumus de eorum salute
solliciti -. omne morticinum et captum a bestia de auibus et pecoribus
non comedent sacerdotes, et iuxta litteram, omni generi electo, regali
et sacerdotali - quod proprie ad christianos refertur, qui uncti sunt
oleo spiritali de quo scriptum est: unxit te deus, deus tuus, oleo
exsultationis prae participibus tuis - haec praecepta conueniunt: ut
'morticinum' non comedat tam de auibus quam de pecoribus cuius nequaquam
sanguis effusus est - quod in actibus apostolorum dicitur 'suffocatum',
et quae necessario obseruanda, apostolorum de hierusalem epistola monet
- et captum a bestia, quia et ipsum similiter suffocatum est: et
condemnat sacerdotes qui in turdis, ficedulis, gliribus et ceteris
huiuscemodi haec auiditate gulae non custodiunt. possumus autem iuxta
anag�g�n~g morticinum dicere: in quo animae sanguis immortuus est, et
imitatur 'nabal' carmelium, qui interpretatur 'stultus' et, audita ira
dauid, pauore contremuit: et emortuum est cor eius in eo; captus autem a
bestiis, quarum ne morsibus lanietur propheta suspirat, dicens: ne
tradas bestiis animam confitentem tibi: ille dicendus est qui aduersarii
leonis morsibus deuoratur, et pardi qui non mutat uarietatem suam, et
ursae quae raptis saeuit catulis, et luporum rabie, et reliquarum
bestiarum, quas in uarietate daemonum accipimus; aues autem: illas esse
dicimus quae ponunt in caelo os suum; et illa pecora: quae, prona in
terra que uergentia, uentri tantum et his quae sub uentre sunt seruiunt.
45. cum que coeperitis terram diuidere in possessionem, separate
primitias domino sanctificatum de terra, longitudinis uiginti quinque
milia et latitudine decem milia; sanctificatum erit in omni termino eius
per circuitum. et erit ex hoc sanctificatum quingentos per quingentos,
quadrifariam per circuitum, et quinquaginta cubitis in suburbana eius
per gyrum. et a mensura ista mensurabis longitudinem uiginti quinque
milium et latitudinem decem milium, et in ipso erit templum (siue
sanctificatio) sanctum que sanctorum. sanctificatum de terra erit
sacerdotibus ministris sanctuarii, qui accedunt ad ministerium domini;
et erit eis locus in domos et in sanctuarium sanctitatis: uiginti
quinque milia longitudinis et decem milia latitudinis.
leuitae autem qui ministrant domui, ipsi possidebunt uiginti
gazophylacia (pro quibus lxx transtulerunt: ipsi tenebunt ciuitatem ut
habitent). et possessionem ciuitatis dabitis quinque milibus
latitudinis, et longitudinis uiginti quinque milibus, secundum
separationem sanctuarii omni domui israel. principi quoque hinc et inde
separatione (uel primitiis) sanctuarii in possessione ciuitatis, contra
faciem separationis sanctuarii et contra faciem possessionis urbis, a
latere maris usque ad mare et a latere orientis usque ad orientem,
longitudinis autem iuxta unamquamque partem, a termino occidentali usque
ad terminum orientalem, terrae: erit ei possessio in israel, et non
populabuntur (siue uastabunt) ultra principes populum meum; et terram
dabunt domui israel secundum tribus eorum. post caeremonias sacerdotum
cultum que eorum et cibum - quae debeant sumere, quae uitare -, nunc
terrae sanctae facit descriptionem; et antequam omnem terram in tribus
diuidat, de cunctis tribubus iubet eligi locum qui in longitudine habeat
uiginti quinque milia et in latitudine decem milia - et quia non est
positum 'cubitorum' siue 'pedum' aut 'ulnarum', subintellegi datur
significare 'calamum', qui erat in manu uiri et habebat mensurae sex
cubitos et sextam partem unius cubiti, id est palaist�n~g: diligens
supputet lector quot calami mille passus faciant et quam multa milia
fuerint in longitudine et latitudine -; post quam descriptionem, rursum
praecepit ut, de sanctificata terra quae electa est ex omnibus tribubus
israel, id est uiginti quinque milium calamorum in longitudine et decem
milium in latitudine, eligatur ad aedificandum sanctuarium, id est
templum domini, alia intrinsecus terra quingentorum calamorum per
circuitum, hoc est duo milium. et ne forsitan aedificio templi aedes
aliae iungerentur, praecepit ut quinquaginta cubitis per circuitum terra
sit uacua in 'suburbana' uel, ut symmachus, theodotio et septuaginta
transtulerunt, 'in terminum' et 'separationem' et 'spatium'. hac
descriptione finita, alia ex integro separandae sanctificationis mensura
praecipitur, ut, uiginti quinque milium calamorum in longitudine et
latitudine decem milium post superiorem mensuram, terra alia metiatur,
in qua nequaquam sit templum, id est sanctum, sed sanctum sanctorum. et
habitent in ea sacerdotes qui accedunt ad ministerium domini; habitent
autem eo tempore, quando sacerdotali funguntur officio: et sit ipsa, ut
diximus, possessio uiginti quinque milium calamorum in longitudine et
decem milium in latitudine. porro leuitae, qui sacerdotibus seruiunt et
habent propria ministeria, accipient locum ad aedificanda uiginti
'gazophylacia' - iuxta aquilam; 'exedras' iuxta symmachum; 'thalamos'
iuxta theodotionem; siue, ut septuaginta transtulerunt, 'ciuitatem', per
quod intellegimus, separatum quendam locum ad habitationem leuitarum
urbis uocabulo nuncupari -, qui locus quinque milia habeat calamorum in
latitudine et uiginti quinque milia in longitudine. haec autem omnia, id
est sanctuarium et alterum sanctuarium, sanctum que sanctorum et
habitacula sacerdotum et domus leuitarum qui ministrant sacerdotibus,
appellantur loca separata et consecrata in ministerium et in
sanctificationem domui israel. post quadruplicem terrae sanctae
descriptionem, ponitur quinta diuisio: ut princeps siue dux populi
accipiat hinc et inde, hoc est ex utraque parte sanctuarii in
possessionem suam et in urbe uersetur respiciat que eius possessio
separatum templo locum et faciem urbis, sit que a latere maris, hoc est
ab occidente, usque ad alterum latus maris, latitudinem habens quam
inferius in descriptionem tribuum singularum propheta describit. denique
sequitur: in longitudine autem iuxta unamquamque partem - quam singulae
tribus accipiunt - a termino occidentali - id est maris - usque ad
terminum orientalem - qui ubi finiatur, in tribuum descriptione noscimus
-; et haec erit possessio ducis siue principis in terra israel. haec
interim dicta sunt ut simplex historiae sermo noscatur. ceterum, si
uoluerimus comparare spiritalibus spiritalia et, iuxta quosdam
interpretes, ad altiora conscendere - qui asserunt figuram futurorum
esse praesentia et omnia quae dicuntur pertinere ad caelestem
hierusalem, quae est mater omnium nostrum et ecclesiam primitiuorum -,
non quidem difficile erit dicere quae dicta sunt ab aliis, sed ueremur
ne huiuscemodi expositionem prudens lector nequaquam recipiat; unde et
ad praesens tempus et ad ecclesiam, quae nunc laborat in mundo et ad
caelestia ire festinat, referenda sunt omnia, ut de uniuerso mundo
eligantur alii in possessionem dei qui sanctum possideant, alii qui ad
maiora profecerint teneant sancta sanctorum; in ministeriis quoque ordo
diuersus est sacerdotum et leuitarum, quorum alii orationibus suis atque
uirtutibus cotidie sacrificium offerunt deo, alii in secundo et minori
gradu sunt ut his ministrent et per eos qui ad uirtutum culmina
conscenderunt, et ad extremum sit dux siue princeps qui tantum possit ut
contra unam tribum possessionem accipiat unius que merito compenset
merita plurimorum, et primum, dum uersatur in saeculo, de mari usque ad
mare latitudinem possideat, deinde ab occidente siue a mari usque ad
orientem, ut, praesentia derelinquens, ad futura festinet, et habeat
certam possessionem suam, et nequaquam princeps aliena desideret, et
unaquaeque tribus suam partem teneat: quod proprie ad episcopos et
presbyteros referri potest, quibus dicitur ut non uastent atque
populentur ultra populum dei nec terram israel hereditate possideant,
sed unusquisque habeat possessionem suam quae gradui illius constituta
est. uiginti quinque autem milia referunt ad sensus, quae quater posita
sunt; porro decem milia ad perfectam scientiam, ut in altero simplex
tantum teneatur historia, in altero etiam de theologiai~g et supernis
uirtutibus disputetur, quia decenarius perfectus est numerus. illud
quoque considerandum est, quod sacerdotes, qui in maiori gradu sunt
constituti, uiginti quinque milia possideant in longitudine et decem
milia in latitudine; leuitae autem, id est inferioris, gradus, eundem
quidem habeat numerum in longitudine, hoc est uiginti quinque milia, sed
latitudo ipsius quinario numero finiatur: unde et uiginti tantum tenent
gazophylacia - in quo numero offeruntur munera esau -; princeps uero,
qui uere princeps in populo est et meretur nomen ducis accipere, hinc
inde accipit possessionem sanctuarii, ex omnibus uidelicet qui ei
uoluntate subiecti sunt, et urbis habitator est, multorum que salutem
suam mercedem facit. in priori templo quod dicitur sanctuarium quingenti
per singula latera calami describuntur et rursum quinquaginta cubiti
quibus omnis sacerdotum possessio separatur, in secundo autem sanctuario
ubi sunt sancta sanctorum latitudo templi et spatium non describitur
sed incertus numerus est: quod quidem et in possessionem principis
inuenimus, qui absque ullo numero habet possessionem in populo israel,
dum profectus uniuersorum redundat ad principem: et discipulorum salus
praemium magistrorum est.
haec dicit dominus deus: sufficiat uobis, principes in israel;
iniquitatem et rapinas intermittite, et iudicium et iustitiam facite:
separate confinia uestra a populo meo, ait dominus deus. pro 'rapinis'
'miseriam' septuaginta transtulerunt; pro 'confiniis' 'oppressionem'.
est autem sensus: 'quia accepistis partem uestram, o principes -
scriptura dicente: principi quoque hinc inde in separationem sanctuarii
in possessionem ciuitatis (subauditur: dabitis) -, et tanta est uestra
potentia, ut unius tribus partem acceperit uestra possessio: idcirco
praecipio uobis atque commoneo, ut sufficiat huc usque iniquitatem
fecisse et rapinas, dum aliena inuaditis atque deripitis; et - quia
scriptum est: demitte malum et fac bonum, e contrario: iudicium facite
atque iustitiam, iudicantes pupillo et iustificantes uiduam -: separate
uestra confinia a populo meo, ne uidelicet terminos transferatis, et
quia ipsa uicinia laedit humiliorem, qui supercilium maioris et
potentioris non potest sustinere'. hoc interim dictum sit ad illius
temporis populum; ceterum et nostris principibus praeceptum poterit
coaptari - qui in morem pharaonis et aegyptiorum opprimunt filios israel
per potentiam, nec meminerunt scriptum: ducem te constituerunt? ne
eleueris, sed esto inter eos quasi unus ex ipsis -, et illud quod in
euangelio kata~g lucam dominus loquitur: si autem dixerit seruus ille in
corde suo: moratur dominus meus uenire; et ceperit percutere seruos
suos et ancillas, et comedere et bibere et inebriari: ueniet dominus
serui illius in die quo non putat et in hora quae nescit, et diuidet
eum, partem que eius ponet cum infidelibus; discipulos quoque suos in
euangelio secundum matthaeum his praeceptis erudit: scitis quoniam
principes gentium dominantur eorum, et qui maiores sunt potestatem
exercent in eos; non sic erit inter uos, sed qui uoluerit in uobis
magnus esse fiet uester minister, et qui uoluerit esse primus, sit
omnium seruus. sicut filius hominis non uenit ministrari, sed
ministrare, et dare animam suam redemptionem pro multis: multa sunt, si
uoluero de sacris scripturis reuoluere, ubi maiorum superbia coercetur
et ad humilitatem omnes domini prouocantur dicentis: discite a me quia
mitis sum et humilis corde.
LIBER 14
quod in principio templi hiezechielis debui dicere, nunc praepostero
ordine in fine dicturus sum, illius uersiculi memor: hic labor ille
domus et inextricabilis error, de quo et in alio loco idem poeta
decantat: ut quondam creta fertur labyrinthus in alta parietibus textum
caecis iter ancipitem que mille uiis habuisse dolum, qua signa sequendi
frangeret indeprensus et irremeabilis error. ita et ego, sanctarum
scripturarum ingressus oceanum et mysteriorum dei ut sic loquar
labyrinthum - de quo scriptum est: posuit tenebras latibulum suum et:
nubes in circuitu eius -, perfectam quidem scientiam ueritatis mihi
uindicare non audeo, sed nosse cupientibus aliqua doctrinae indicia
praebuisse: non meis uiribus sed christi misericordia, qui, errantibus
nobis, ... ipse dolos tecti ambages que resoluit, caeca regens spiritu
sancto uestigia. quem sequentes, ad portum explanationum prophetae
hiezechielis peruenire poterimus, in quem extremus, id est quartus
decimus, hic liber est; quem si, orante te, uirgo christi eustochium, ad
finem usque perduxero, et dominus uitae huius concesserit spatium,
transibo ad hieremiam qui unus nobis remanet prophetarum; cuius
interpretatio, mei quidem laboris et tuarum orationum, sed proprie
christi erit clementiae.
45. statera iusta et 'oephi' iustum et batus iustus erit uobis;
'oephi' et batus aequalia et unius mensurae erunt, ut capiat decimam
partem batus, et decimam partem 'oephi': iuxta mensuram 'cori' erit
aequilibratio eorum. siclus autem uiginti obolos habet; porro uiginti
sicli et uiginti quinque sicli et quindecim sicli minam faciunt. (lxx:
statera iusta et mensura iusta et choenix iustus erit uobis ad mensuram,
et choenix similiter unus erit ad accipiendum: decima pars gomer
choenix, et decima pars gomer 'oephi', ad gomer erit aequum et ad pondus
uiginti oboli: uiginti sicli, quinque et uiginti sicli et quindecim
sicli mina erit uobis). hic locus iuxta septuaginta non cohaeret et
penitus intellegi non potest, dum non solum numeros mensurarum sed etiam
nomina commutarunt: pro 'oephi' enim interpretati sunt 'mensuram'
generale nomen pro speciali, et pro 'bato' 'choenica'; pro 'omer' quoque
hebraico, qui graece dicitur 'corus', transtulerunt 'gomor', rursum que
pro 'bato' 'choenica'. dicamus ergo iuxta hebraicum et litteram, et
quid nobis uideatur in singulis apertius explicemus.
'statera', quae hebraice dicitur 'mozene', in his intellegitur quae
appenduntur; 'epha' autem, quae in graeco sermone corrupte dicitur
'oephi', ad mensuram pertinet uariarum frugum, uerbi gratia tritici,
hordei, leguminum; porro 'batus', qui hebraice appellatur 'bath', eadem
mensura est quae et 'oephi' et in speciebus tantum liquidi, uini et olei
et ceteris istiusmodi; 'corus' triginta habet modios, et in utraque
mensura, hoc est tam aridarum quam liquentium, tenet principium; decima
pars 'cori' in his quae modio mensurantur appellatur 'epha' - id est
tres modii -, et decima pars 'cori' in speciebus liquidis uocatur
'batus' siue 'badus': ut eiusdem mensurae sit 'epha' et 'batus'; porro
'siclus', qui graece dicitur 'stater', uiginti habet obolos; 'mina'
uero, quae graece appellatur 'mna', habet sexaginta siclos, qui faciunt
obolos mille ducentos; quod autem dicit: uiginti sicli et uiginti
quinque sicli et quindecim sicli minam faciunt, lectorem turbare non
debet: idcirco enim difficultas in numeris ponitur, ut intentum animum
faciat auditoris - unde et multa dicuntur in parabolis et aenigmatibus,
ut: qui habet aures audiendi, audiat; omnis que prophetia obscuritate
continet ueritatem, ut discipuli intrinsecus audiant, uulgus ignobile et
foris positum nesciat quid dicatur -. praecepit ergo scriptura diuina
ut iusta sint pondera - dicens: non erit in marsupio tuo mensura grandis
et minor. statera uera et iusta erit uobis, et mensura uera et iusta
erit tibi; et in prouerbiis dicitur: statera grandis et minor,
abominabile est utrumque in conspectu dei -, quod quidem non solum in
commerciis et usu cotidianae uitae nobis est obseruandum, sed in omnibus
custodienda iustitia - dicente scriptura: sermonibus tuis facies
stateram et appendiculum -, ut, et in uerbis et in opere et in
cogitationibus, omnia pondere et ratione faciamus. obolum autem, hoc est
uicesimam partem 'sicli' siue stateris, esse minimam portiunculam, in
alio loco legimus: eius qui fidelis est, totus mundus diuitiarum; illius
autem qui infidelis est, neque obolus - quasi aliis uerbis dixerit:
'infidelis nihil in mundo possidet, sed etiam minima indiget portione',
de qua alio uerbo in euangelio dicitur: non egredietur inde, nisi reddat
nouissimum quadrantem, hoc est etiam extremum nummum et minutum -;
legimus decem minas singulis seruis ad negotiandum traditas, et in alia
parabola inter seruos talenta diuisa, et debitorem quingentorum
denariorum, et quinquaginta et operarios uineae qui singulos accipiant
denarios, et mulierem uiduam quae drachmam perdiderit et uix eam
lucernae accensione repperit: quae omnia quem sensum habeant, non huius
temporis est disserere.
et hae sunt primitiae quas tolletis: sextam partem 'oephi' de
'coro' frumenti, et sextam partem 'oephi' de 'coro' hordei. mensura
quoque olei, batus olei, decima pars 'cori' est; et decem bati 'corum'
faciunt, quia decem bati implent 'corum'. (lxx: et haec sunt primitiae
quas separabitis: sextam partem mensurae de gomor tritici et sextam
partem 'oephi' de 'coro' hordei. et praeceptum olei: cotylen - id est
cyathum - olei de decem cotylis, quia decem cotylae sunt gomor). et hic,
mutatis nominibus mensurarum, in septuaginta editione confusa sunt
omnia, ut quid dicatur non possit intellegi: qui enim supra pro 'oephi'
'mensuram', et pro 'bato' 'choenica' dixerant, et pro 'coro' 'gomor',
pro 'siclo' 'appendiculum', et hic pro 'oephi' 'mensuram', pro 'coro'
nunc 'gomer' nunc ipsum 'corum', et in mensura olei pro 'bato' 'cotylen'
id est 'cyathum'. dicamus igitur primum iuxta litteram. dekatas~g - hoc
est decimam partem - omnium frugum leuiticae tribui populus ex lege
debebat, rursum ex ipsis decimis leuitae - hoc est inferiorum
ministrorum - gradus decimas dabat sacerdotibus, et haec est quae
appellatur deuteron~g dekat�~g - erant quoque et aliae decimae, quas
unusquisque de populo israel in suis horreis separabat, ut comederet eas
cum iret ad templum in urbe hierusalem et in uestibulo templi et
sacerdotes ac leuitas inuitarent ad conuiuia: erant autem et aliae
decimae, quas pauperibus recondebant, quae graeco sermone appellantur
pt�chodekatai~g -; at uero primitiua quae de frugibus offerebant, non
erant speciali numero definita sed offerentium arbitrio derelicta,
traditionem que accepimus hebraeorum, non lege praeceptam sed
magistrorum arbitrio inolitam: qui plurimum quadragesimam partem dabat
sacerdotibus, qui minimum sexagesimam, inter quadragesimam et
sexagesimam licebat offerri quodcumque uoluissent; quod igitur in
pentateucho dubium derelictum est, hic specialiter definitur propter
sacerdotum auaritiam, ne amplius a populo exigant in primitiis
deferendis, id est: ut sexagesimam partem offerant eorum quae gignuntur e
terra - si enim 'corus', qui hebraice appellatur 'omer' et a
septuaginta dicitur 'gomer', triginta habet modios tam in aridis
speciebus quam in liquentibus, 'epha' quoque et 'batus', iuxta quod
supra diximus, decima pars est 'cori', praecipitur que ut sexta pars tam
'oephi' quam 'bati' detur sacerdotibus in primitiis offerendis, quae de
tribus modiis dimidium facit modium, perspicue supputatur sexagesimam
partem primitiarum sacerdotes accipere debere -. haec interim iuxta
litteram et iuxta hebraicam ueritatem et sensisse et audisse sufficiat.
nunc reuertamur ad intellegentiam spiritalem, in qua primum quaerendum
quomodo dicatur: 'honora dominum de iustis tuis laboribus, et da ei
primitias de fructibus iustitiae tuae, ut impleantur cellaria tua
frumento, et uino torcularia tua redundent, ut, postquam obtuleris
primitias laborum tuorum atque uirtutum et dixeris: ecce nunc ego attuli
tibi primitias fructuum terrae, quod dedisti mihi, domine, merearis
audire: benedictus tu in ciuitate et benedictus in agro; benedicti filii
uteri tui et genimina terrae tuae, et fructus iumentorum tuorum et
cetera, et possideas - iuxta apostolum - omnem benedictionem spiritalium
in caelestibus in christo, dum quidquid habes non tuae putas esse
uirtutis sed eius misericordiae qui fruges dedit'. et siquidem tantum
habuerimus scientiam scripturarum ut mystica quaeque pandamus et
doceamus homines, id est rationale animal, damus primitias frumenti
nostri; sin autem post anag�g�n~g puram tantum sequamur historiam quae
simplices nutrire potest - iuxta illud quod scriptum est: homines et
iumenta saluos facies, domine -, damus primitias hordei nostri - quod
hordeum: seruit et isaac in terra alienigenarum, et ortum est ei
centuplum -. qui hordei dat primitias potest dicere: dominus pascit me,
et nihil mihi deerit: in loco pascuae ibi me collocauit, super aquas
refectionis educauit me, qui autem frumento rationalia pascit animantia
uertit sententiam et dicit: praeparasti in conspectu meo mensam aduersus
eos qui tribulant me, et postquam olei et uini obtulerit primitias
iungit et loquitur: impinguasti in oleo caput meum, et calix tuus
inebrians quam praeclarus est: illo oleo quod absque faece mundissimum
ad lucernam domini praeparatur - quod qui praeparauerit: exhilaratur
facies eius in oleo, oleo exsultationis quo christus unctus est prae
participibus suis, et effectus oliua cum propheta cantabit: ego autem,
sicut oliua fructifera in domo dei -, et illo uino quod de uera uite
redundat in torcularibus saluatoris - dicente domino: ego sum uitis, uos
propagines, pater meus agricola -; de his torcularibus tres psalmos
legimus, octauum et octogesimum et octogesimum tertium, qui omnes ad
ecclesiae sacramenta referuntur. et in ueteri quidem lege absque mensura
erant et numero primitiae: non enim ad mensuram deus dabat spiritum; in
secunda autem aedificatione templi quod hiezechielis prophetia
continet, certa mensura est, id est sexagenarius numerus: quo mundus
expletur, et dicitur nobis: in qua mensura mensi fueritis, remetietur
uobis.
et arietem unum de grege ducentorum, de his quae nutriunt in
israel, in sacrificium et in holocaustum et in pacifica ad expiandum pro
eis, ait dominus deus. omnis populus terrae tenebitur primitiis his
principi israel; et super principe erunt holocausta et sacrificium et
libamina, in sollemnitatibus et in kalendis et in sabbatis: in uniuersis
sollemnitatibus domus israel: ipse faciat pro peccato sacrificium et
holocaustum et pacifica ad expiandum pro domo israel. supra dixit quota
pars eorum quae appenduntur, mensurae quoque tam aridarum specierum quam
liquentium debeat offerri principi; nunc eundem primitiarum in
animantibus ordinem tenet, et unum de grege ducentorum arietum iubeat
offerre israel: quos nutrit israel in sacrificium et in holocaustum et
in pacifica ad expiandum populo israel, ait dominus deus. quod nos
interpretati sumus: de his quae nutrit israel, in hebraico scriptum est
'memmasce', quod aquila et symmachus interpretantur apo~g t�n~g
hudat�n~g, septuaginta et theodotio: apo~g t�n~g potist�ri�n~g: quorum
alterum de irriguis, alterum de canalibus siue piscinis sonat, ut
uidelicet primitiae principis non alibi nisi irriguis nutriantur. et
quomodo in superioribus legimus sexagesimam partem debere offerri
principi de his quae appenduntur et quae mensurae subiacent, sic nunc
ducentesima pars animantium iubetur offerri, et huius legis huius que
praecepto omnem populum esse subiectum: ut offerat duci siue principi,
quod uidelicet per illum holocausta et sacrificia et libamina in
singulis sollemnitatibus offerantur populo, et expietur domus dei; ex
quo animaduertendum quod, quomodo populus debitor est primitiarum
offerendarum principi, sic princeps debitor est populi offerre pro eo
uictimas; quem iuxta tropologiam non alium intellegere possumus, nisi
deum saluatorem. iste de ducentis animantibus suscipit arietem - siue,
ut significantius hebraicus sermo demonstrat, bosk�ma~g, quod ad cuncta
animantia et non proprie ad arietem referri potest -, et suscipit animal
uel arietem qui nutritus est in locis irriguis, sanctarum uidelicet
scripturarum, et potest dicere: dominus pascit me, et nihil mihi deerit:
in locum pascuae ibi me collocauit, super aquas refectionis educauit
me; haec erant irrigua, immo hi canales, ad quos et iacob ducebat pecora
sua, ut in ipsis biberent atque conciperent et iuxta uirgarum colorem
fetus ederent domino. pro 'sacrificio', hoc est thusiai~g, aquila et
symmachus 'donum' interpretantur, quod in hebraico dicitur 'manaa', et
proprie non pertinet ad hostiam sed ad ea quae ex simila et polenta et
oleo offeruntur in sacrificio; 'holocaustum' uero est quod totum
offertur deo et sacro igne consumitur; 'pacifica', quando reconciliamur
deo: et pro nobis apostolus loquitur: precamur pro christo:
reconciliamini deo, et in alio loco: deus erat in christo mundum
reconcilians sibi. iste autem princeps, cui primitiae de animantibus
offeruntur, ipse est rex, ut in crucis quoque titulo demonstratur
hebraicis et graecis litteris ac latinis - nitentibus que iudaeis, ut
deponeretur titulus triumphalis, gentium in pilato turba, respondit:
quod scripsi, scripsi -. super principe, inquit, erunt: pulchre
sacerdotalis dignitas commonetur cui subiecta sit officio, ut sciat se
sacrificium et libamina quae offeruntur ex uino, pro populo offerre
debere in cunctis sollemnitatibus: tam uidelicet in kalendis, id est
neomeniis, quam in sabbatis, quando tenebris cuncta operientibus lunaris
exordium luminis est, in requie sabbatorum: ut faciat uidelicet pro
peccato ad expiandum pro domo israel, quae est ecclesia dei uiuentis,
columna et firmamentum ueritatis: ista est enim domus uiuentis dei et
domus israel, quae expiatione suorum indiget peccatorum.
haec dicit dominus deus: in primo mense, una mensis, sumes
uitulum de armento immaculatum, et expiabis sanctuarium. et tollet
sacerdos de sanguine quod erit pro peccato, et ponet in postibus domus
et in quattuor angulis crepidinis altaris et in postibus portae atrii
interioris. et sic facies in septima mensis pro unoquoque qui ignorauit
et errore deceptus est, et expiabitis pro domo. in primo mense,
quartadecima die mensis, erit uobis pascha sollemnitas; septem diebus
azyma comedentur. et faciet princeps in die illa pro se et pro uniuerso
populo terrae uitulum pro peccato; et in septem dierum sollemnitate
faciet holocaustum domino septem uitulos et septem arietes immaculatos
cotidie septem diebus, et pro peccato hircum caprarum cotidie; et
sacrificium 'oephi' per uitulum et 'oephi' per arietem faciet, et olei
'hin' per singula 'oephi'. septimo mense, quintadecima die mensis, in
sollemnitate faciet sicut supra dicta sunt per septem dies, tam pro
peccato quam pro holocausto et in sacrificio et in oleo. (totum
capitulum posui ne diuisum per singula legentis animum conturbaret, et
primum de interpretationis uarietate dicendum est; ubi nos interpretati
sumus: in quattuor angulis crepidinis altaris, lxx transtulerunt: et
super quattuor angulos templi et super altare; et ubi nos diximus: pro
unoquoque qui ignorauit et errore deceptus est, illi posuerunt: pro
ignorante et paruulo; in eo quoque ubi nos diximus: et sacrificium
'oephi' per uitulum 'oephi' et 'oephi' per arietem faciet, et olei 'hin'
per singula 'oephi', illorum editio tenet: et sacrificium et coctionem
uitulo et coctionem arieti dabis, et olei 'hin' coctionis; in extremo
quoque uersiculo ubi nos diximus: in sacrificio et in oleo, illi
dixerunt: sicut in manaa, sicut in oleo). in primo, inquit, mense et
prima die mensis - haud dubium quin nisan significet -, et: sumes
uitulum de armento, non qui domi nutritus sit sed qui in armento, hoc
est de grege et numero plurimorum; in septima quoque eiusdem mensis die:
quae duae sollemnitates, hoc est primi mensis prima dies et eiusdem
septima, in lege moysaica non habentur; quartumdecimum autem diem mensis
quo pascha celebratur, et moyses praecepit obseruandum: quando septem
diebus azyma comedimus; quartam uero sollemnitatem, de qua dicit:
septimo mense, quintadecima die mensis, in sollemnitate et cetera:
uidetur mihi significare scenopegiam, quam hic sine nomine posuit.
recurramus ergo ad singula, et quid nobis uideatur breuiter disseramus.
esse sollemnitates et spiritales apostolus docet: ne ergo quis uos
iudicet in cibo aut in potu aut in sollemnitates aut neomeniae aut
sabbatorum, quae sunt umbra futurorum; et, si per esaiam loquitur deus:
neomenias uestras et sabbata uestra et diem magnum non suscipio:
ieiunium et ferias et neomenias et sollemnitates uestras odit anima mea,
manifestum est ut, qui sollemnitates oderit iudaeorum, suas diligat,
sabbatum uidelicet quod relictum est populo dei: ut uideamus quae a deo
donata sunt nobis: et loquamur non in doctis humanae sapientiae uerbis,
sed in doctrina spiritus, spiritalibus spiritalia comparantes: in
praesenti enim saeculo quod in maligno positum est dies bonas uidere non
possumus sed in nouo, de quibus diebus in carmine moysaico spiritus
sanctus canit: memento dierum antiquitatis, intellegite annos
generationis generationum, de quibus et sanctus loquebatur in psalmo:
nocte in corde meo meditabar, et iterum: et annos aeternos in mente
habui et meditatus sum; qui istum non suscepit intellectum, respondeat
quomodo illud possit exponere quod esaias de futuro et nouo saeculo
uaticinatur: erit mensis ex mense et sabbatum ex sabbato, et ueniet
omnis caro adorare dominum, quando ueri adoratores nequaquam adorabunt
in monte garizin nec in hierusalem, sed in spiritu et ueritate, quando
erit caelum nouum et terra noua et: liberabitur omnis creatura a
seruitute corruptionis in libertatem filiorum dei et sol septies tanto
lumen accipiet et luna soli comparabitur: accessimus enim ad montem
'sion', quod interpretatur 'specula', et ad ciuitatem dei uiuentis,
hierusalem caelestem, et ad milia angelorum sollemnitates, de qua
sollemnitate loquitur et alius propheta: quid facietis in diebus
congregationis et in diebus sollemnitatis domini? hoc est illud quod et
alibi dicitur: celebra, iuda, festiuitates tuas, redde uota tua si ergo
didicimus sollemnitates spiritales, consequenter docebimur et uictimas
spiritales: assumitur uitulus de armento - siue taurus, ut interpretatus
est symmachus -, liber et nullo pressus iugo, hoc est onere peccatorum,
et immaculatus: qui peccatum non fecit, nec dolus inuentus est in ore
eius, uitulus nouellus cornua efferens et ungulas: ut in ipso mundetur
et expietur sanctuarium. et tollet, inquit, sacerdos de sanguine eius
quod erit pro peccato omnium, qui aliis uerbis agnus appellatur in
exodo, et in euangelio, baptista ioanne dicente: ecce agnus dei qui
tollit peccata mundi; sanguis autem ipse est pretiosus, in quo redimimur
in passione domini saluatoris, cuius carnibus alimur et cruore potamur,
quo tanguntur quattuor anguli crepidinis 'altaris' - quod theodotio
ipsum uerbum hebraicum posuit 'azara', siue 'templi' ut septuaginta
transtulerunt -, ut sanctificetur domus et altare - uniuersa enim mundi
elementa hoc sanguine sanctificantur - ut, cum quis expiatus fuerit
atque mundatus, ingrediatur portam atrii interioris et possit domini
arcana cognoscere, et consequenter uenire ad septimam diem mensis primi
et consequi requiem et domino offerre sacrificium: tam pro ignorantia -
de qua dauid loquitur: delicta iuuentutis meae et ignorantiae meae ne
memineris -, quam pro paruulo - qui, cum ad perfecti uiri mensuram
peruenerit, destruit ea quae paruuli sunt et loquitur confidenter: dum
essem paruulus, quasi paruulus loquebar, quasi paruulus sapiebam -, siue
pro eo qui errore deceptus est et non tam uoluntate quam boni opinione
peccauit. completis autem duabus sollemnitatibus primi mensis, hoc est
primae diei et septimae eius, uenit ad quartumdecimum diem mensis, in
quo paschae sollemnitas est, de qua scriptum est: etenim pascha nostrum
immolatus est, christus; tunc comedimus septem diebus azyma in requie et
securitate rerum omnium, quando, fermentum malitiae et nequitiae
destruentes, manducamus azyma sinceritatis et ueritatis, principe nostro
cuncta haec pro nobis offerente: et primum 'pro seipso' - suscepit enim
corpus humanum et pro peccato destruxit peccatum, qui pro nobis dolet
et portat infirmitates nostras -, deinde 'pro domo sua' - quod in
septuaginta scriptum est sed in hebraico non habetur - id est pro
ecclesia et pro omni populo terrae, uniuerso uidelicet humano genere:
saluator est enim omnium hominum et maxime fidelium; et ipse est
propitiatio pro peccatis nostris, et non solum pro nobis, sed pro omni
mundo. oblato autem uitulo pro uniuerso populo terrae, in septem diebus
reliquis dominicae passionis septem uituli et septem arietes immaculati
offeruntur cotidie ut holocausto et igne dominico concrementur: septem
autem uituli et septem arietes sunt qui configurantur dominicae
passioni, ut imitentur uerum uitulum et uerum arietem, et sanguine
martyrum per septem dies totius mundi peccata mundentur; hircus quoque
caprarum offertur pro peccato cotidie, septem uidelicet diebus.
attendendum que diligentius quod in sacrificio 'oephi' per uitulum et
'oephi' per arietem et olei 'hin' offeruntur quae lege praecepta sunt,
in oblatione autem hirci nec 'oephi' nec, ut septuaginta transtulerunt,
'coctio' ponitur - qui pro 'oephi' [pemma]~g hoc est 'coctionem'
interpretati sunt -; 'hin' uero, qui olei certa mensura est de qua ante
iam diximus, assumitur in sacrificio uituli et arietis, ut fomentum
luminis sempiterni et requiem laboris et lassitudinis sanitatem post
placationem peccatorum accipere possimus. in septimo quoque mense,
quintadecima mensis die, hoc est scenopegiarum, idem oblationis et
sacrificiorum ordo seruandus est: tam pro peccato quam pro holocausto et
in sacrificio et in oleo, ut festiuitatem domini, fugatis tenebris et
orto lumine olei, consequamur, clariores que habeamus sollemnitates in
quibus nobis omnia peccata donantur.
46. haec dicit dominus deus: porta atrii interioris quae respicit
ad orientem erit clausa sex diebus in quibus opus fit; die autem
sabbati aperietur, sed et in die kalendarum aperietur, et intrabit
princeps per uiam uestibuli portae deforis, et stabit in limine portae,
et facient sacerdotes holocaustum eius et pacifica eius, et adorabit
super limen portae, et egredietur; porta autem non cludetur usque ad
uesperam. et adorabit populus terrae ad ostium portae illius in sabbatis
ac kalendis coram domino. holocaustum autem hoc offeret princeps domino
in die sabbati: sex agnos immaculatos et arietem immaculatum, et
sacrificium 'oephi' per arietem, agnis uero sacrificium quod dederit
manus eius, et olei 'hin' per singula 'oephi'; in die autem kalendarum:
uitulum de armento immaculatum et sex agni et aries immaculati erunt, et
'oephi' per uitulum, 'oephi' quoque per arietem faciet sacrificium,
agnis autem sicut inuenerit manus eius, et olei 'hin' per singula
'oephi'. ubi nos interpretati sumus 'oephi' quae est decima pars 'cori',
septuaginta transtulerunt pemma~g quod in nostra lingua 'coctionem'
sonat; et ubi nos diximus 'sacrificium', illi ipsum hebraicum posuere
uerbum 'manaa', quod aquila 'donum' uel 'sacrificium', theodotio
'sacrificium' transtulit. et interim, priusquam quod ista significent
disseramus, ipsa scripturae paraphrastik�s~g uerba pandenda sunt. porta,
inquit, atrii interioris sex diebus - de quibus scriptum est: sex
diebus operaberis et facies omnia opera tua - erit clausa, nec quaelibet
porta, sed quae respicit ad orientem unde oritur sol iustitiae; porro
die sabbati, id est septimo in quo requies est, aperietur per singulas
hebdomadas, et rursum completis diebus triginta, quando alterius mensis
finis est et alterius exordium est, neomenia die uidelicet kalendarum
aperietur, ut quod priuilegium habet septimus dies in hebdomada, hoc
habeat priuilegium mensis exordium. cur autem aperiatur die septimo et
die kalendarum porta interioris atrii quae respicit ad orientem, sequens
sermo monstrabit: et intrabit, inquit, princeps per uiam portae deforis
- atrii uidelicet exterioris -, et stabit in limine portae - atrii
interioris quae respicit orientem -, nec ingredietur atrium interius
sed, illo stante, alii sacerdotes faciant pro ipso 'holocaustum' - quam
'oblationem' interpretatus est symmachus -, et pacifica siue quae ad
salutem pertinent -, ut, postquam hostia principis sacro igne fuerit
concremata et dux reconciliatus deo, tunc adorare possit super limen
portae interioris atrii in quo steterit, et egrediatur. quid igitur?
post egressionem principis statim porta claudetur? nequaquam, sed aperta
erit usque ad uesperam, ut post principem: omnis populus terrae adoret
contra ostium portae illius: adoret autem in sabbatis et in kalendis
quando aperitur porta. et quia supra dixerat: facient sacerdotes
holocaustum eius et pacifica eius, nec significauerat holocaustorum
numerum, nunc infert: holocaustum autem hoc offeret princeps domino in
die sabbati - offeret autem non per se, sed per sacerdotes de quibus
scriptum est: et facient sacerdotes holocaustum eius et pacifica eius -:
sex, inquit, agnos immaculatos et arietem immaculatum, ita ut
sacrificium arietis mensura 'oephi' sit - quae hebraice appellatur
'epha' -, sex autem agnis sit sacrificium quod offerre potuerit manus
eius qui offert, et per singula 'oephi', erit olei mensura quae
appellatur 'hin'; kalendarum autem, hoc est neomeniarum dies, hoc habuit
priuilegium amplius a die sabbati, ut: uitulus immoletur de armento
(siue taurus) immaculatus, cetera autem, hoc est sex agni immaculati et
aries immaculatus et sacrificia eorum, ritum sabbati possidebunt, ita
dumtaxat ut, sicut in ariete 'oephi' offertur sacrificii, id est similae
et 'hin' olei, ita offertur et in uitulo. haec perspicuitatis causa
sint posita, nunc spiritalem sensum domino donante reseremus. sex
diebus, quibus operamur in mundo, porta orientalis atrii interioris
nobis clausa est; postquam autem uenerimus ad diem septimum, id est ad
diem sabbati in quo aeterna requies est, siue ad diem kalendarum, quando
post caecam noctem et horribiles tenebras lucis exordium est, aperitur
nobis porta orientalis; et si quis nostrum per merita uirtutum ducis
nomen et dignitatem fuerit consecutus, per uiam uestibuli portae
deforis, hoc est per mundi huius labores, et portam ecclesiae, quae
adhuc in terrenis finibus posita est, ingredietur, non interius atrium -
hoc enim in praesenti loco scribitur - sed ad limen portae interioris:
stabit autem in ea; sin autem princeps in praesenti scriptura non
ingreditur atrium interius, sed stat in limine eius, nulli dubium est
nunc ex parte nos uidere et ex parte cognoscere, et necdum reuelata
facie gloriam domini contemplari. denique, stante principe in limine
portae atrii interioris, ceteri sacerdotes, quibus hoc officium
delegatum est - quos possumus intellegere uirtutes angelicas -, facient
pro ipso holocaustum et pacifica - indigemus enim misericordia dei et
omnis creatura ad comparationem creatoris immunda est diuino igne
purganda, quo et esaiae prophetae purgata sunt labia -, ut, postquam per
sacrificium pacem receperit, tunc in limine constitutus adoret
omnipotentiam dei et se atrii interioris ingressu fateatur indignum et
statim egrediatur; postquam autem qui primus est fuerit egressus, non
claudetur usque ad uesperam huius saeculi ipsa porta interioris atrii,
sed aperta erit ut populus quoque terrae sit ad ostium et adoret ad eum:
nequaquam omni tempore, sed quando requieuerit a peccatis et, fugatis
tenebris fidei, scientiae lumen acceperit. hoc autem ipsum holocaustum
quod offert princeps per sacerdotes in die sabbati, sex agnorum
immaculatorum numero terminatur - post sex uidelicet diebus in quibus
operamur in mundo - et arietem immaculatum qui princeps gregis est, ita
ut per singulos arietes offeratur in sacrificio 'oephi', id est decima
pars 'cori'; in agnorum autem sex sacrificio certa mensura non ponitur,
sed quantumcumque dederit manus eius qui offert, hoc est pro operum
qualitate atque mensura; olei autem 'hin' offeret per singula 'oephi' -
hoc est oleum quod sibi quinque uirgines praepararunt -, ut ungat
similam siue commisceat, et omnis oblatio dei plena sit lumine
ueritatis, et exhilaretur facies offerentis in oleo; die autem
kalendarum, hoc est die tricesimo, quando primogenita et leuitae
numerantur in legem praeter omnem israel de quibus supra diximus,
offertur uitulus de armento immaculatus - super quo plenius in priori
capitulo disseruimus - et agni sex et aries immaculati et cetera quae
offeruntur in sabbatis, ut aeternam requiem consequamur, et mereamur
audire: euge, serue bone, quia in paucis fidelis fuisti, super multa te
constituam: intra in requiem domini tui, et non solum ad portam
interioris atrii peruenire sed etiam penetralia eius intrare possimus et
illud opere possidere: plantati in domo domini, in atriis dei nostri
florebunt.
cum que ingreditur princeps, per uiam uestibuli portae
ingrediatur, et per eandem uiam exeat. et cum intrabit populus terrae in
conspectu domini in sollemnitatibus, qui ingreditur per portam
aquilonis ut adoret, egrediatur per uiam portae meridianae; et qui
ingreditur per uiam portae meridianae egrediatur per uiam portae
aquilonis: non reuertetur per uiam portae per quam ingressus est, sed e
regione illius egredietur. princeps autem in medio eorum cum
ingredientibus ingredietur et cum egredientibus egredietur. et in
nundinis et in sollemnitatibus erit sacrificium 'oephi' per uitulum et
'oephi' per arietem, agnis autem erit sacrificium sicut inuenerit manus
eius, et olei 'hin' per singula 'oephi'. princeps ille, de quo supra
dictum est: et intrabit princeps per uiam uestibuli portae deforis, et
per eandem ingrediatur et per eandem egrediatur: liberi enim arbitrii
est et potestatem habet ponendi animam et rursum resumendi eam, tam que
ad nos ueniens quam ad caelestia conscendens eadem maiestatis suae
utitur libertate. denique non quaerit nundinas nec sollemnitates, nec
differentiam ullam obseruat dierum, quia omne tempus et festiuitas est;
populus autem in nundinis tantum et in sollemnitatibus ingreditur et
egreditur, et non per eandem uiam sed per alteram atque alteram:
scriptum est enim: et cum intrabit populus terrae in conspectu domini in
sollemnitatibus, qui ingreditur per portam aquilonis ut adoret,
egrediatur per uiam portae meridianae; et qui ingreditur per uiam portae
meridianae egrediatur per uiam portae aquilonis: non reuertetur per
uiam portae per quam ingressus est, sed e regione illius egredietur -
quod non solum his praecipitur qui egrediuntur de sodomis et dicitur
eis: nec respicias retrorsum, neque illis qui manum mittunt ad aratrum
ut non respiciant ea quae post tergum sunt, sed in domo quoque domini
constitutis iubetur ne post terga respiciant et reuertantur ad egena et
infirma elementa et incipientes spiritu carne consumentur, sed ut de
spiritalibus quoque ad maiora procedant et dicant cum apostolo:
praeteritorum obliuiscens, et in priora me extendens, ut nequaquam ex
parte cognoscant et ex parte prophetent sed ueniant ad perfectum: iuxta
eam tamen perfectionem quam potest capere humana natura, ut intellegamus
illud euangelicum: et uos, cum omnia feceritis, dicite: serui inutiles
sumus; quod debuimus facere, fecimus; unde et apostolus in eadem
epistola de duabus loquitur perfectionibus: quasi perfectus enim
scribit: non quia iam accepi, et quia iam perfectus sum; persequor
autem, si apprehendam in quo et comprehensus sum a christo, statim que
quasi perfectus loquitur: unum autem: posteriorum obliuiscens, ad ea
quae in priora sunt me extendens, iuxta propositum persequor ad brauium
supernae uocationis. quotquot ergo perfecti, hoc sapimus - quomodo enim
potest stare sententia, ut, qui dixerat: non quia iam accepi aut quia
iam perfectus sum, audeat dicere: quotquot ergo perfecti, hoc sapimus?
-, ex quo perspicuum est omnem hominem et uniuersam creaturam, quamuis
ad perfectionem uenerit, tamen indigere misericordia dei et plenam
perfectionem ex gratia, non ex merito possidere -. praecipitur itaque
populo terrae, ut, si ingreditur per portam aquilonis ut adoret,
egrediatur per uiam portae meridianae. quis est iste populus cui hoc
praecipitur? nempe gentilium: ut, qui, derelinquens portam aquilonis - a
quo: exardescunt mala super terram -, ingressus fuerit templum, non
egrediatur nisi per uiam portae meridianae, ad portam luminis, ad portam
caloris, ad portam in qua sponsus cubat in meridie; denique dicitur in
eodem cantico canticorum: surge, aquilo, et ueni, auster.
qui uero ingreditur per uiam portae meridianae, et egreditur per uiam
portae aquilonis. quisnam ille est populus? scilicet iudaeorum, qui,
derelinquens uiam portae luminis, uadit ad portam aquilonis - de quo
dicitur: aquilo uentus durissimus; nam et olla hieremiae a facie
aquilonis accenditur -. dicamus et aliter: per portam aquilonis
ingreditur qui peccata dimittit, et egreditur per portam meridianam qui
uirtutes sequitur; e contrario, si iustus lapsus fuerit in peccatis,
ingreditur quidem per portam meridianam, sed egreditur per uiam portae
aquilonis. princeps autem, inquit, in medio eorum erit, ingredientium
scilicet et egredientium, iuxta illud quod scriptum est: medius inter
uos stat, quem uos ignoratis, et apostolus: an ignoratis, quoniam
christus in uobis est? - sin autem ignorantibus dicitur quod medius
inter eos stet christus, quanto magis scientibus; sed cum inter scientes
christus steterit, tunc corpus mortuum fiet propter peccatum et
spiritus uiuens propter iustitiam! -; ingreditur autem princeps cum
ingredientibus, et egreditur cum egredientibus, utrorumque uirtutis
atque peccati testis assistens. in nundinis ergo et in sollemnitatibus -
sabbatorum uidelicet et kalendarum et uniuersae festiuitatis de qua in
anterioribus locuti sumus - tam in uitulo quam in ariete singula 'oephi'
offerentur in sacrificio; in agnis uero non erit certus numerus, nec
uoluntati dimissum arbitrium sed uiribus quis utetur et bono
conscientiae, ut quantum potest non quantum uult offerat; et super omnia
olei 'hin' per 'oephi' singula, ut ungatur simila et lucerna accendatur
in conspectu domini, et qui eo utuntur possint dicere: ego autem, sicut
oliua fructifera in domo domini.
cum autem fecerit princeps spontaneum holocaustum aut pacifica
uoluntaria domino, aperietur ei porta quae respicit ad orientem, et
faciet holocaustum suum et pacifica sua sicuti fieri solet in die
sabbati, et egredietur, claudetur que porta postquam exierit. et agnum
anniculum immaculatum faciet holocaustum cotidie domino; mane et mane
faciet illum. et sacrificium (siue manaa) faciet super eo mane mane
sextam partem 'oephi' (siue mensurae), et de oleo tertiam partem 'hin',
ut misceatur (siue iuxta symmachum aspergatur) similae; sacrificium
(siue manaa) domino legitimum, iuge atque perpetuum. facietis agnum et
sacrificium et oleum mane mane, holocaustum sempiternum. ubi nos legimus
'immaculatum' et in hebraico scriptum est 'thamim', aquila 'perfectum'
interpretatur; et ubi septuaginta 'manaa', theodotio 'sacrificium',
aquila et symmachus 'donum' transferunt; pro eo autem quod nos diximus
'spontaneum', septuaginta homologian~g id est 'confessionem' uerterunt;
et pro 'principe' 'ducem', hoc enim 'basi' significat. adhuc autem sermo
de principe est - de quo esaias loquitur: ecce testimonium in gentibus
dedi eum, principem et praeceptorem in gentibus, et hiezechiel: et ego
dominus ero eorum in deum, et dauid princeps in medio eorum -. cum
igitur iste princeps fecerit spontaneum - et dixerit: uoluntaria (siue
spontanea) oris mei beneplacita fac, domine -: 'spontaneum' autem
holocaustum, ut totum offerat deo, et pacifica 'uoluntaria' - quod in
prioribus non inuenitur, scriptum est enim: et facient sacerdotes
holocaustum eius et pacifica eius, et de spontaneis ac uoluntariis,
quibus nunc dicitur, omnino reticetur -, ut non necessitate faciat sed
uoluntate; post holocaustum offerat pacifica, et reconcilietur deo -
unde et uirginitas maior est nuptiis, quia non exigitur nec redditur sed
offertur -; pro 'pacificis' quae hebraice dicuntur 'selamim',
septuaginta 'salutaria' interpretantur: ut ipsa reconciliatio
pacificorum salus sit offerentis. cum ergo hoc fecerit princeps:
aperietur ei porta (uel, iuxta septuaginta, aperiet sibi portam) quae
respicit ad orientem - illam uidelicet portam, de qua scriptum est: haec
porta domini, iusti intrabunt per eam, et unde oritur sol iustitiae -.
et faciet, inquit, holocaustum suum et pacifica sua - de quibus nunc
diximus -; 'faciet' autem: quasi spontaneum sacrificium est, et non alii
pro eo 'facient' sacerdotes: uidelicet sicut fieri solet in die
sabbati; ergo omni tempore holocaustum et pacificum, quod offertur
uoluntarie, reseratam habet portam domini, nec obseruat sabbatum sed
omnes dies ei reputantur in requiem. denique, postquam obtulerit
holocaustum et pacifica, statim: egreditur, et cluditur post eum ianua
(siue cludit ianuam), ut seruetur principi priuilegium suum nec
sacrificia eius populo misceantur. et quia generaliter dixerat:
spontaneum holocaustum aut pacifica uoluntaria domino, nec apposuerat
taurum siue uitulum, arietem uel ouem, hircum que pro peccato, docet
quid sit ipsum holocaustum: agnum, inquiens, anniculum immaculatum
faciet holocaustum; et non certis diebus, sed: cotidie; nec qualibet
alia hora, sed: mane mane faciet illum: per singula uidelicet 'mane',
quando, orto sole, lucis exordium est - de quo 'mane' dauid loquitur in
psalmo: mane exaudies uocem meam. mane assistam tibi, et uidebo, et in
alio loco: ad uesperum demorabitur fletus, et ad matutinum laetitia, et
iterum: deus, deus meus, ad te de mane uigilo. qui sit autem iste agnus
immaculatus siue perfectus, et anniculus, esaias plenius docet, dicens:
sicut ouis ad uictimam ductus est, et sicut agnus in conspectu tondentis
se, sine uoce et non aperiens os suum, et hieremias: ego autem sicut
agnus innocens ductus ad uictimam non cognoui, et ioannes euangelista:
ecce agnus dei qui tollit peccatum mundi; iste agnus qui immolatur in
aegypto et de cuius sanguine armantur postes fidei, et exterminator
excluditur; anniculus autem, quia: praedicauit annum domini
acceptabilem, diem retributionis. nec miretur lector si idem et princeps
est et sacerdos et uitulus et aries et agnus, cum in scripturis sanctis
pro uarietate causarum legamus eum dominum et deum et hominem et
prophetam et uirgam et florem et radicem et principem et iudicem et
regem iustum et iustitiam, apostolum et episcopum, brachium, seruum,
unguentum, pastorem, filium et puerum, unigenitum et primogenitum,
ostium, uiam, angelum, sagittam et sapientiam, et multa alia, quorum
omnium si uoluero testimonia dicere, proprio libro indigent -. in
holocausto itaque istius agni immaculati et anniculi qui mane semper
offertur: faciet ipse princeps sacrificium (siue 'manaa', et similam
siue donum) mane mane sextam partem 'oephi', subauditur similae - sexta
autem pars 'oephi' dimidius modius est; si enim 'oephi' decima pars
'cori' est, id est tres modii, nulli dubium quin sexta pars 'oephi'
dimidium faciat modium -. de oleo quoque mensurae 'hin' tertia pars
offertur, ut misceatur (siue aspergatur) similae; sacrificium domini
legitimum, iuge atque perpetuum, quod nulla intermittitur die sed omni
tempore, orto sole, semper offertur, ut impleatur quod in fine capituli
huius ponitur: faciet agnum in sacrificium et oleum mane mane,
holocaustum sempiternum.
haec dicit dominus deus: si dederit princeps (siue dux) donum
alicui de filiis suis, hereditas eius filiorum suorum erit, possidebunt
eam hereditarie. sin autem dederit legatum de hereditate sua uni
seruorum suorum, erit illius usque ad annum remissionis (pro quo
theodotio ipsum uerbum hebraicum posuit deror), sed reuertetur ad
principem; hereditas autem eius filiis eius erit. et non accipiet
princeps de hereditate populi per uiolentiam et de possessione eorum,
sed de possessione sua hereditatem dabit filiis suis, ut non dispergatur
populus meus unusquisque a possessione sua. huc usque sermo de
principe; nunc de heredibus eius praecepta tribuuntur, immo de donis,
hereditate atque legatis, quibus dare debeat et quorum sit uel ad tempus
uel aeterna possessio. 'si' inquit 'filiis suis dederit uel donum uel
hereditatem, ipsi possidebunt eam, quia eis successionis iure debetur et
de alio ad alium non potest transire possessio; sin autem dederit uni
seruorum suorum legati nomine, tamdiu habebit possessionem quamdiu uel
septimus annus remissionis, qui dicitur deror, uel iubilaeus, id est
quinquagesimus, adueniat, quando omnis emptio atque donatio reuertetur
ad priores dominos: ita ut seruus usum habeat pro tempore, et
proprietatem possessionis filii principis'. quod autem sequitur: et non
accipiet princeps de hereditate populi per uiolentiam (siue, ut
septuaginta transtulerunt, ut opprimat eos uel, ut aquila et symmachus,
affligat eos atque contristet), sed de possessione sua hereditatem dabit
filiis suis, suggillat non solum illius temporis sacerdotes et
principes, sed nostri quoque, qui ditiores fiunt sacerdotii dignitate
et, praeter ea quae sibi domini dispositione debentur, tollunt a
pauperibus per uiolentiam, uel sub honoris nomine diuites spoliant, ut
ipsis quoque filiis suis, quibus paterna debetur hereditas, nihil
debeant derelinquere, nisi quod sibi a parentibus derelictum est; ergo
qui ditior est sacerdos cum uenit ad sacerdotium, quidquid plus habuerit
non filiis debet dare sed pauperibus et sanctis fratribus et domesticis
fidei qui uincunt merita liberorum, ut reddat ea quae domini sunt
domino suo - qui loquitur in euangelio: quidquid uni istorum feceritis,
mihi fecistis; ipse enim in pauperibus suscipitur hospitio, uisitatur in
carcere, nudus tegitur, sitiens bibit, saturatur esuriens -: ut non
dispergatur populus meus a possessione sua: si enim licentiam habuerit
princeps uel accipere uel rapere uel sub figura honoris tenere quae non
sunt sua et liberis derelinquere, populus qui in nomine dei fuerat
congregatus dispergetur in partes atque lacerabitur, siue, iuxta legem,
paulatim alterius hereditas transeat ad alium et pereat funiculus
diuisionis per quem forte ad unumquemque uenit hereditas; dispergit ergo
populum dei et aufert ab eo possessionem fidei sempiternam, qui aliena
bona, uel rapina uel adulatione uel blanditiis uel praetexto religionis,
filiis fratribus que et consanguineis derelinquit.
et introduxit me per ingressum qui erat ex latere (uel post
tergum) portae in gazophylacia sanctuarii ad sacerdotes (siue exedras,
et thalamos) qui respiciebant ad aquilonem, et ecce ibi erat locus
uergens ad occidentem (siue ad mare, et ut lxx transtulerunt separatus);
et dixit ad me: iste est locus ubi coquent sacerdotes pro delicto et
pro peccato (siue pro ignorantia et pro peccato), ubi coquent
sacrificium (siue manaa, et donum), ut non efferant in atrium exterius
et sanctificetur populus. et eduxit me in atrium exterius et circumduxit
me per quattuor angulos atrii, et ecce atriolum erat in angulo atrii,
atriola singula per angulos atrii. in quattuor angulis atrii atriola
disposita quadraginta cubitorum per longum et triginta per latum:
mensurae unius quattuor erant. et paries per circuitum ambiens quattuor
atriola, et culinae fabricatae erant subter porticus per gyrum (siue
propter accubita, quae aquila stibadas~g interpretatus est, symmachus
periphragmata~g, theodotio ipsum uerbum hebraicum posuit turoth). et
dixit, inquit, ad me: haec est domus culinarum, in qua coquunt ministri
domus uictimas populi (siue uictimam, hoc enim hebraice significat
zeba). uir qui calamum tenebat manu et funiculum caementarii quo
aedificium metiretur: 'introduxit' inquit 'me per ingressum qui erat ex
latere portae (uel post tergum portae) - nec posuit cuius portae,
orientalis, australis aut alterius plagae, sed reliquit incertum -, ut
irem ad locum sanctuarii et in gazophylacia siue cubicula sacerdotum,
quae respiciebant ad aquilonem et ad mare': ad septentrionem uidelicet
et ad occidentem, hanc habente scriptura sancta consuetudinem, ut
prositum terrae iudae semper mare occidentem uocet - et considerandum
quod locus sacerdotum: ubi pro delicto (siue pro ignorantia) et pro
peccato coquuntur sacrificia ne cruda efferantur in atrium exterius, ad
aquilonem et occidentem positus sit, unde uentus frigidissimus oritur et
ubi solis lumen occumbit; ex quo ostenditur, quidquid ad edulium
pertinet, uel pro errore esse uel pro peccato: sin autem et pro
ignorantia offertur sacrificium, quanto magis pro delicti conscientia!:
unde et iob offerebat mane cotidie hostiam pro filiis suis, timens ne
per ignorantiam deliquissent -. quod autem sequitur: 'ut non efferant in
atrium exterius et sanctificetur populus qui sanctificationi non fuerat
praeparatus', illud significat, ne facile non sanctificatis sancta
tribuamus: ne mittamus, iuxta euangelium, margaritas ante porcos nec
demus sanctum canibus - denique moyses tribus diebus ab omni immunditia
et ab uxorum complexu uult populum sanctificari, ut accedat ad montem
sina et sanctificatus sancta suscipiat. sin autem, accessuri ad audienda
et suscipienda uerba dei, sanctificari iubentur ab uxoribus, manifestum
est et in lege illud apostolicum contineri: nolite fraudare inuicem,
nisi forte ex consensu ad tempus, ut uacetis orationi; et ex consensu
abstinendum ab uxoribus, ut uacemus orationi -. post haec scriptum est:
et eduxit me in atrium exterius et circumduxit me per quattuor angulos
atrii, et ecce atriolum erat in angulo atrii, atriola singula per
angulos atrii, in quattuor atriolis anguli atriola disposita; ille uir,
quem saepe commemorat, eduxit eum de loco sacerdotum qui uergebat ad
aquilonem siue qui erat separatus, ubi coquunt sacerdotes pro delicto et
pro peccato uel ignorantia; eduxit autem in atrium exterius: ex quo
intellegimus illud atrium, de quo egressus est, fuisse interius, et
multa esse atria in scripturis sanctis - de quibus legimus: qui statis
in domo domini, in atriis domus dei nostri, et in ioanne: et alias oues
habeo, quae non sunt 'ex hoc atrio'; et illas oportet me adducere: et
uocem meam audient, et fient unum 'atrium' et unus pastor - hoc enim
graece aul�~g significat, quod latina simplicitas in 'ouile' transtulit
-: quando enim dicit 'ex hoc atrio', ostendit esse et aliud, quod uel in
gentium turba ad distinctionem israel, uel in caelis ad separationem
terreni atrii, demonstratur, et pro qualitate meritorum unicuique
officio atrium delegatum, super quo in anterioribus plenius disputatum
est -; hoc autem atrium, de quo nunc sermo est, per singulos angulos
quattuor habebat atriola - quae septuaginta 'minora' uocant et nos pro
facilitate sensus hupokoristik�s~g 'atriola' diximus -: quadraginta
cubitorum erant per longum et triginta per latum, de quibus numeris in
hoc eodem propheta disputasse me memini: quod aliud ad tribulationes et
angustias, aliud ad perfectam referatur aetatem - unde quadraginta
diebus moyses et helias et dominus atque saluator in eremo ieiunarunt;
et ad sacerdotale officium non - ut septuaginta - post uicesimum quintum
aetatis annum, sed post tricesimum accedunt, quamobrem et dominus
triginta annorum erat cum uenit ad baptismum, et in hoc eodem propheta
tricesimus annus ponitur in exordio.
ubi igitur cibi, ibi et angustia atque tentatio per quae parantur cibi;
et ubi in perfecti uiri uenerimus aetatem, ibi calcanda sunt omnia, et
dicendum: habentes uictum et uestitum, his contenti sumus, et: si
dederit mihi dominus cibum ad uescendum et uestem ad operiendum, uel
certe illud: esca uentri et uenter escis: deus autem et hunc et illas
destruet; neque enim in futuro manducabimus et bibemus, sed illo
uescemus pane: qui de caelo descendit, de quo in psalterio canitur:
panem angelorum manducabit homo, et: meus cibus est, ut faciam
uoluntatem eius qui me misit -. quod autem mensura una atriolorum erat
quattuor quae atrii maioris angulos possidebant, quattuor mundi
significat plagas: quod in sudore uultus nostri comedamus panem et omnis
labor noster uentri stercori que proficiat. quae quattuor atriola uel
unus paries ambiebat: et culinae fabricatae erant subter porticus per
gyrum, uel propinqua habebant accubita, ut, ubi cibi, et mensarum
praeparatio. et ne forsitan ignoraret propheta quae cerneret, dixit ad
eum: haec est domus culinarum, in qua coquent ministri domini uictimas
populi: populi quidem uictimas quae offeruntur pro delicto siue pro
peccato et ignorantia, sed alimenta et refrigeria sacerdotum ut
meminerint nihil se aliud debere appetere cum etiam in templo carnis
eorum refrigeria praeparata sint.
47. et conuertit me ad portam domus, et ecce aquae egrediebantur
subter limen domus ad orientem; facies enim domus respiciebat ad
orientem, aquae autem descendebant in latus templi dextrum ad meridiem
altaris. et eduxit me per uiam portae aquilonis, et conuertit me ad uiam
foras portam exteriorem, uiam quae respiciebat ad orientem; et ecce
aquae redundantes a latere dextro. cum egrederetur uir ad orientem, qui
habebat funiculum in manu sua, et mensus est mille cubitos, et
transduxit me per aquam usque ad talos (siue transiuit in aqua, aquam
remissionis). rursum que mensus est mille, et transduxit me per aquam
usque ad genua (siue et transiuit in aqua, aquam usque ad femina). et
mensus est mille, et transduxit me per aquam usque ad renes (siue et
transiuit aquam usque ad lumbos). et mensus est mille, torrentem quem
non potui pertransire, quoniam intumuerant aquae profundae torrentis qui
non poterat transuadari (pro quo lxx transtulerunt: et mensus est
mille, et non poterat pertransire, quoniam ferebatur aqua instar
praecipitis torrentis qui transiri non potest). aquae istae quae
egrediebantur subter limen domus, id est templi, non ferebantur ad
aquilonem et ad occidentem sed ad orientem et in latere templi dextro,
id est ad meridiem, ipsam que meridiem non cuiuslibet loci, sed altaris -
ex quo perspicuum fit sacras esse aquas et saluatoris nostri
significare doctrinam, iuxta illud quod scriptum est: de sion egredietur
lex et uerbum domini de hierusalem, et in alio loco: repleta sunt omnia
scientia domini sicut aqua multa operiens mare; de his aquis et
zacharias propheta uaticinatus est dicens: in die illo egredietur aqua
uiua de hierusalem, et medium eius in mare primum, medium autem illius
in mare nouissimum; de his aquis et ad samaritanam dominus loquebatur:
si scires quis est qui dicit tibi: da mihi bibere, tu forsitan petisses
eum et dedisset tibi aquam uiuentem, et iterum: omnis qui biberit de
aqua ista, sitiet denuo; qui autem biberit ex aqua quam ego dabo ei, non
sitiet in aeternum, et in templo clamabat atque dicebat: si quis sitit,
ueniat ad me et bibat. qui credit in me, sicut dicit scriptura, flumina
de uentre eius fluent aquae uiuae. hoc autem dixit de spiritu quem
accepturi erant credentes in eum; istae sunt aquae de quibus propheta
loquebatur in psalmo: super aquam refectionis educauit me, et in
hiezechiel: assumam uos de gentibus et de terris, et aspergam super uos
aquam mundam, et mundabimini ex omnibus immunditiis uestris. apparuerunt
enim fontes aquarum, et in nonagesimo secundo psalmo canitur:
eleuauerunt flumina, domine, eleuauerunt flumina uoces suas. a uocibus
aquarum multarum, mirabiles elationes maris; istae sunt: aquae siloe
quae uadunt cum silentio, de quibus loquitur esaias: haurietis aquas de
fontibus saluatoris, et psalmista: benedicite dominum de fontibus
israel, et idem esaias de domino saluatore: iste, ait, habitabit in
excelsa spelunca petrae fortissimae; panis ei dabitur, et aqua illius
fidelis. erupit enim in deserto aqua et uallis in terra sitienti,
dicitur que credentibus: noli timere, quoniam redemi te; meus es tu. et
si transieris per aquam, te cum ego sum, et rursum: qui sititis, ite ad
aquam; et per hieremiam loquitur deus: quod mala fecit populus meus: me
dereliquit, fontem aquae uiuae, et foderunt sibi lacus, qui aquam
continere non possunt. sicut igitur legimus in bonam partem aquas quae
egrediuntur de limine templi et referuntur ad doctrinam ecclesiae, sic
sunt aquae amarae et aquae pessimae ad quas hieremias propheta nos
prohibet accedere dicens: quid uobis et uiae aegypti, ut bibatis de
aquis 'geon'? - quae hebraice dicitur 'sior', id est 'turbidae' atque
'coenosae' -, de quibus iratus super haereticis loquitur deus: ecce ego
cibabo eos angustiis, et dabo eis potum aquam fellis, in qua draco
regnat aegyptius qui dicit: mea sunt flumina, et ego feci ea, qui: omne
excelsum uidet et ipse est rex eorum qui in aquis sunt; unde uir
ecclesiasticus dominum deprecatur, et dicit: saluum me fac, domine,
quoniam intrauerunt aquae usque ad animam meam. infixus sum in limum
profundi, et non est substantia; ueni in profundum maris, et tempestas
demersit me, et iterum: liberer ab his qui oderunt me et de profundo
aquarum. non me praecipitet tempestas aquae, neque absorbeat me
profundum; neque urgeat super me puteus os suum, et in alio psalmo: nisi
quia dominus erat in nobis, dicat nunc israel, nisi quia dominus erat
in nobis, cum exsurgerent homines in nos, forsitan uiuos deglutissent
nos; cum irasceretur furor eorum super nos, forsitan aqua absorbuisset
nos, et sponsa in cantico canticorum: aqua multa non poterit restinguere
caritatem, et flumina non demergent eam; ista est aqua de qua dicit
osee: contempsit me galaad ciuitas, quae operatur uanitates, conturbans
aquam, et fortitudo eius uiri piratae; quae aqua alio nomine uocatur
'merra' hoc est 'amaritudo' - in qua lignum crucis mittitur, et amara
uertuntur in dulcia -; considera legem moysi, si intellegatur iuxta
sensum carneum iudaeorum, quomodo amara sit - effodiens: oculum pro
oculo, dentem pro dente -: iudae in thamar fornicationem, et osee
iunctum fornicariae, hieremiae periz�ma~g, moysi uxorem aethiopissam,
interfectionem aegyptii, et mille alia quae, si intellegamus iuxta
occidentem litteram et non iuxta spiritum uiuificantem, amara sunt et
lectorem suum non tam aedificant quam destruunt -. istae igitur aquae,
quae egrediuntur de templo domini, pergunt ad orientem et descendunt in
latus templi dextrum, ad altaris meridiem, ubi sponsus conuiuas suas
pascit et accubat. quod autem sequitur: et eduxit me per uiam portae
aquilonis, et conuertit ad uiam foras portam exteriorem, uiam quae
respiciebat ad orientem, illud latenter ostendit quod statim ad portam
orientalem peruenire non possumus, nisi per uiam portae aquilonis longo
circuitu perueniamus ad eam: nisi enim uentum frigidissimum uicerimus
calore fidei et calcauerimus regiones eius - ut impleatur illud in nobis
apostolicum: deus autem conteret satanam sub pedibus uestris uelociter
-, portam, per quam ingrediuntur aquae et sunt a latere dextro, ingredi
non ualemus; et nota quod aquae istae, quae egrediuntur per portam
orientis, in tantum laeuas partes fugiunt, ut a dextris altaris ad
meridiem pergere describantur. 'uir autem ille, qui habebat funiculum in
manu, cum me duxisset per portam aquilonis forinsecus ad uiam quae
respiciebat orientem et ipse quoque esset in eodem loco, mensus est
eiusdem aquae mille cubitos'. et transduxit me per aquam usque ad
'talos' - quos aquila et symmachus et theodotio astragalous~g
interpretati sunt - (pro quibus septuaginta transtulerunt: sed transiuit
in aqua, aquam remissionis), quod intellegere possumus prima hominum
significare peccata, quae ingredientibus nobis aquas domini dimittuntur,
et baptismi ostendunt gratiam salutarem, et initia sunt profectuum;
denique ad talos usque pertingunt qui plantae calcaneo que uicini sunt -
qui patet morsibus colubri, dicente domino: tu ei obseruabis caput et
ipse obseruabit tuum calcaneum; et in psalterio de iuda dicitur
proditore: qui edebat panes meos, magnificauit super me supplantationem
(siue calcaneum: hoc enim graecum pterna~g significat). post mille autem
cubitos qui perueniunt usque ad talum: mensus est alios mille cubitos
in aqua et transduxit me usque ad genua: post remissionem siquidem
peccatorum et initia profectuum, quando paululum de terrenis ad altiora
conamur ascendere, flectimus domino genua - dicente apostolo: ut omne
genu flectat caelestium et terrestrium et infernorum, et omnis lingua
confiteatur quoniam dominus iesus christus in gloria dei patris -.
tertio: mensus est mille cubitos, et transduxit, inquit, me per aquam
usque ad renes: his enim gradibus ad sublimia peruenimus, quae tamen
ipsa sublimia usque ad lumbos et renes perueniunt, ut omnis in nobis
libido truncetur, et possideamus sanctificationem corporis sine qua nemo
uidebit deum - unde et in hoc eodem propheta a pedibus usque ad lumbos
deus igneus cernitur: indigent enim igne et purgatione opera lumborum,
dicente iusto: quoniam lumbi mei repleti sunt illusionibus, per quos
nobis et in die et in noctium phantasmate illudit inimicus; a lumbis
uero usque ad caput et uerticem pretiosissimo metallo electri fulgore
resplendet, ut nihil in se sordium, nihil habeat uilitatis -. unde nunc
quarto dicitur: et mensus est mille, subauditur 'cubitos', torrentem -
quod septuaginta non transtulerunt -, quem non potui pertransire (multo
melius quam septuaginta qui dixerunt quem non potuit pertransire):
propheta enim et omnis humana natura post lumbos torrentem cogitationum
et incentiua uitiorum non potest pertransire; uir autem ille: qui
indutus erat 'baddi', et ductor prophetae, liquido pertransit: qui
peccatum non fecit, nec dolus inuentus est in ore eius. causas que
reddit cur propheta mille quartos cubitos non potuerit pertransire:
quoniam, inquit, intumuerant aquae profundae torrentis qui non potest
transuadari - et quomodo scriptum est, gloriante propheta: torrentem
pertransiit anima nostra? sed facile soluitur si sciamus pro hoc
scriptum in hebraeo: torrens pertransiit animam meam -. de hoc torrente
et esaias loquitur: ecce ego inclino super eos sicuti fluuium pacis, et
sicut torrentem inundantem gloriam, et in tricesimo quinto psalmo de
sanctis dicitur: in protectione alarum tuarum sperabunt, inebriabuntur
ab ubertate domus tuae, et torrente deliciarum tuarum potabis eos;
quoniam apud te fons uitae, et in centesimo uicesimo quarto: conuerte,
domine, captiuitatem nostram, sicut torrens in austro, et super
saluatore: de torrente bibet in uia - quis enim hominum gloriari potest
castum se habere cor?, uel: ad cuius mentem per oculorum fenestras mors
concupiscentiae non introiuit et, ut parum dicam, animi titillatio?
mundus enim in maligno positus est, et: a pueritia positum est cor
hominis ad malum ut ne unius quidem diei [a] natiuitatis exordio sine
peccato sit humana conditio; unde et dauid confitetur in psalmo: 'ecce
enim in iniquitatibus conceptus sum, et in peccatis concepit me mater
mea, non iniquitatibus matris meae uel certe meis, sed in iniquitatibus
humanae conditionis'; unde et apostolus dicit: regnauit mors ab adam
usque ad moysen, etiam super eos qui non peccauerunt in similitudinem
praeuaricationis adam -. quod 'cubitos' genere masculino et non neutrali
'cubita' dicimus iuxta regulam grammaticorum, et in superioribus docui
non nos ignorantia hoc facere, sed consuetudine, propter simplices
quoque et indoctos quorum in congregatione ecclesiae maior est numerus.
et dixit ad me: certe uidisti, fili hominis; et eduxit me, et
conuertit ad ripam torrentis (siue fluminis). cum que me conuertissem
(siue conuertisset), ecce in ripa torrentis (siue fluminis) ligna multa
nimis (siue arbores multae nimis) ex utraque parte; et ait ad me: aquae
istae, quae egrediuntur ad tumulos sabuli orientis et descendunt ad
plana deserti (siue aqua ista quae egreditur in galilaeam, quae uergit
ad orientem, et descendit ad arabiam), intrabunt mare; et exibunt et
sanabuntur aquae: et omnis anima uiuens (uel animalium) quae serpit
(siue serpentium), quocumque uenerit torrens (siue fluuius), uiuent, et
erunt pisces multi satis postquam uenerint illuc aquae istae, et
sanabuntur et uiuent omnia ad quae uenerit torrens (siue fluuius).
et stabunt super illas piscatores ab engaddi usque ad engallim, siccatio
sagenarum erit; plurimae species erunt piscium eius, sicut pisces maris
magni, multitudinis nimiae. in his autem quae egrediuntur ripas et sunt
palustria non sanabuntur, sed in salinas dabuntur. et super torrentem
(siue fluuium) orietur in ripis eius ex utraque parte omne lignum
pomiferum (siue fructiferum); non defluet folium ex eo (siue non
ueterescet ex eo), et non deficiet fructus eius: per singulos menses
afferet primitiua (siue innouabuntur omnia), quia aquae eiusdem de
sanctuario egredientur, et erunt fructus eius in cibum, et folia eius ad
medicinam (siue et ascensio eius ad sanitatem). totum capitulum
quamquam prolixum sit simul ponere uolui, ne sensum legentis irrumperem
et lectionis ordo diuisus in partes audientis intellegentiam
conturbaret. primum que dicendum quod pro 'torrente', qui in hebraico
dicitur 'nehel' et graeco sermone cheimarros~g appellatur, septuaginta
'flumen' transtulerunt; dein pro 'galilaea', quae hebraice dicitur
'galila', aquila thinas~g interpretatus sit quod 'tumulos' significat
'arenarum', symmachus methorion~g quod possumus transferre 'confinium';
pro 'arabia' quoque symmachus 'inhabitabilem', aquila 'humilia' uel
'plana', theodotio 'arabas' transtulerit. dicamus ergo qui nobis
uideatur in singulis. uir ille, qui erat ductor hiezechielis, commonet
prophetam ut diligentius intueatur et uideat et occulta mysteria oculis
mentis attendat; uocat autem 'filium hominis' uel in figura domini
saluatoris - etenim 'hiezechiel' interpretatur 'fortitudo' uel 'imperium
dei' -, uel certe ad commonitionem fragilitatis humanae - ne
obliuiscatur conditionis suae dum ei magna monstrantur -; et commonitum
ducit atque conuertit ad ripam torrentis ut, quoniam mediam
profunditatem transire non poterat, saltem ea quae in ripis sunt
recognoscat. cum que, ait, me conuertissem (siue ille me conuertisset
qui ductor erat et monitor), ecce in ripa torrentis (siue fluuii) ligna
multa (uel arbores plurimae) nimis ex utraque parte: 'torrens' iste qui
pro aquarum abundantia fertur more torrentis et suscipit de caelo
pluuias, de quo in praeterita diximus lectione, ipse a septuaginta
appellatur 'fluuius' eo quod perpetuas aquas habeat nec de pluuiis hinc
inde collectas sed de uiuo et perpetuo fonte manentes - de quo fluuio
multa in scripturis sanctis legimus, sed in praesentiarum pauca dicenda
sunt, ac primum illud: fluminis impetus laetificat ciuitatem dei, et
alio loco: flumen dei repletum est aquis; praeparasti cibum eorum, quia
sic est praeparatio tua, rursum que pluraliter: eleuauerunt flumina,
domine, eleuauerunt flumina uoces suas. a uocibus aquarum multarum,
mirabiles elationes maris, et in esaia: faciam in deserto uiam, et in
inuio flumina, et in alio eiusdem loco manifestius apparebit in sion
fluuius decurrens gloriosus in terra sitienti -; super hunc fluuium
erant arbores plurimae ex utraque parte ripae, ut inter duo scilicet
instrumenta, uetus et nouum, clausus curreret fluuius; ligna autem multa
uel arbores plurimas et multas nimis, illas arbitror quas in paradiso
scriptura commemorat pomis uariis abundare. docet que prophetam ductor
praeuius et magister et dicit: aquae istae, quae egrediuntur (uel in
galilaeam gentium iuxta septuaginta, uel, ut uerius [in hebraeo]
continetur:) ad tumulos sabuli orientalis et descendunt ad plana deserti
(uel ad arabiam), intrabunt mare (uel ad exitus maris), et sanabuntur
aquae; aquas uel baptismi gratiam uel euangelicam significare doctrinam
dudum diximus, quae, si egrediantur de limine templi domini et
apostolicam teneant disciplinam, tumulos sabuli, steriles prius et
infertiles, faciunt esse frugiferos, et omnia plana atque deserta ita
irrigant, ut exprimant et inter se fontis hierichontini sacramentum -
quem elisaeus euangelico et apostolico curauit sale, intantum ut, ubi
prius sterilitas fuerat et mors, ibi ubertas esset et uita -; nec solum
deserta sanarunt, sed intrant mare orientale - mare uidelicet 'mortuum'
in quo nihil poterat esse uitale, et mare 'amarissimum' quod graece
limn�n~g asphaltitin~g id est 'stagnum bituminis' uocant -; mirum que in
modum aquis euangelicis aquae sanantur mortuae - quae ab eo quod nihil
in se uitale habeant, nomen mortis sortitae sunt: non enim nouerant eum
qui dicit: ego sum uita; et reuera iuxta litteram huc usque nihil quod
spiret et possit incedere, prae amaritudine nimia in hoc mari reperiri
potest: ne cochleolae quidem parui que uermiculi et anguillae et cetera
animantium siue serpentium genera, quorum magis corpuscula possumus
nosse quam nomina; denique si iordanis auctus imbribus pisces illuc
fluens rapuerit, statim moriuntur et pinguibus aquis supernatant -. cum
haec igitur nihil utilitatis habeant ut simplex sermo testatur, etiam si
facta fuerint, quod stulta iudaeorum credit superstitio, iuxta
intellegentiam spiritalem domini torrente curatae, habebunt pisces
plurimos et uiuent omnia ad quae torrens iste peruenerit, ita ut
piscatores stent super ripas, ab 'engaddi' usque ad 'engallim' - quorum
prius 'fontem' siue 'oculum' 'haedi', sequens 'fontem, oculum' ue
'uitulorum' sonat: engallim in principio est maris mortui ubi iordanis
ingreditur, engaddi uero ubi finitur atque consumitur; mare autem
mortuum illud puto esse, de quo zacharias loquitur: in die illa
egredietur aqua uiuens de hierusalem et medium eius in mare primum,
daniel quoque in haec uerba consentit: uidebam, et ecce quattuor uenti
caeli immittebant in mare magnum, et dauid: mirabiles, ait, eleuationes
maris, et ex persona saluatoris in psalmo: ueni in profundum maris, et
tempestas demersit me; rex quoque aegypti iuxta hunc eundem hiezechiel:
draco appellatur qui habitat in mari et uentilat fluminibus quasi
cornibus suis, et iterum: hoc mare magnum et spatiosum; quod, quamdiu
non susceperit in se aquam fluminis siue torrentis, omne quod in se
habet mortificat: sed dominus - de quo dictum est: percutiet: et curabit
post duos dies, et in die tertio surgemus et uiuemus in conspectu eius -
ipse loquitur in eodem propheta osee: ego colligaui ephraim, suscepi
eum in brachio meo, et non cognouerunt quia sanaui eos in corruptione
hominum - qui: uulneratus est propter peccata nostra et infirmatus pro
iniquitatibus nostris; disciplina pacis eius super eum, et liuore eius
sanati sumus -; ipse istud mare, quod est salsissimum et nimia
amaritudine mortuum, sua morte sanauit, qui dicit per esaiam: spiritus
domini super me, propter quod unxit me; euangelizare pauperibus misit
me, sanare eos qui contriti sunt corde, unde et per hieremiam clamitat:
conuertimini, filii conuertentes, et sanabo contritiones uestras -
dixerat enim populus impatiens et dolorem uulnerum suorum diutius ferre
non sustinens: transiit aestas, pertransiit messis, et nos saluati non
sumus, unde et respondit ei dominus: numquid resina non est in galaad,
aut medici non sunt ibi? quare non ascendit sanatio populi mei? -, et
ipse hieremias uociferatur et dicit: sana me, domine, et sanabor; saluum
me fac et saluus ero, denique angeli - qui praesides erant iudaeorum eo
tempore, quando clamauit multitudo insipiens et ait: sanguis eius super
nos et super filios nostros, et uelum templi scissum est et omnia
hebraeorum sacramenta reserata - responderunt praecipienti domino, atque
dixerunt: curauimus babylonem et non est sanata; relinquamus eam, urbem
uidelicet confusionis atque uitiorum - unde et iosephus in sua narrat
historia, quod, postquam dominus crucifixus est et uelum templi scissum,
siue liminare templi fractum corruit, audita sit uox in adytis templi
uirtutum caelestium: transeamus ex his sedibus -. hoc totum non
superfluo sed necessario dictum sit, quia mare mortuum influente in se
flumine domini dicitur esse curatum -. super hoc mare - ab 'engaddi',
'oculo et fonte haedi' qui pro peccatis semper offertur, usque ad
'engallim', 'fontem uitulorum' qui mactantur domino et imitantur uitulum
cornua efferentem et ungulas, qui in typo saluatoris ad altare
mactantur - erunt piscatores, quibus loquitur iesus: uenite ad me et
faciam uos piscatores, de quibus et hieremias: ecce ego, inquit, mittam
piscatores; et plurimae species immo genera piscium erunt in mari
quondam mortuo, quos pisces ad dexteram partem iubente domino extraxit
petrus et erant centum quinquaginta tres ita ut prae multitudine eorum
retia rumperentur - aiunt autem qui de animantium scripsere naturis et
proprie qui halieutika~g tam latino quam graeco edidere sermone - de
quibus opianicus cilex est poeta doctissimus -, centum quinquaginta tria
esse genera piscium; quae omnia capta sunt ab apostolis, et nihil
remansit incaptum, dum et nobiles et ignobiles et diuites et pauperes et
omne genus hominum de mari huius saeculi extrahitur ad salutem -. quod
autem sequitur: in littoribus eius et in palustribus (siue his quae ex
littora egrediuntur) aquae non sanabuntur, illud latenter ostendit quod
qui in noe arca non fuerit pereat regnante diluuio, et quos iste fluuius
non attigerit non suscipiant sanitatem: sed in salinas, inquit,
dabuntur, iuxta illud quod scriptum est: pestilente flagellato, stultus
sapientior erit - erudiunt enim bonos exempla peiorum -, siue: in
salinas dabuntur, iuxta illud quod in euangelio scriptum est: bonum est
sal; si autem sal infatuatum fuerit in nihil est utile, ut in perpetuum
frugibus careant et uirore - quod et urbs post ruinam sale conspersa
demonstrat -. super torrentem uero (siue fluuium) orietur in ripis eius
ex utraque parte lignum omne pomiferum (siue, ut omnes uoce consona
transtulerunt, br�simon~g 'quod cibum et escam tribuit' et 'quod mandi
potest', appellatur que lingua hebraea 'machal'). et: (nihil, iuxta
septuaginta, ueterescet in eo, sed cotidie innouabuntur fruges eius,
siue:) non defluet folium ex eo, et non deficiet fructus eius, iuxta
illud quod in primo psalmo scriptum est: et erit tamquam lignum quod
plantatum est secus decursus aquarum, quod fructum suum dabit in tempore
suo; et folium eius non defluet. per singulos, inquit, menses afferet
primitiua (siue, ut in septuaginta scriptum est: fructus eius in
renouatione sui primitiua dabit), ut omnes credentium fructus primitiae
sint et singuli menses singulis apostolis deputentur; hoc autem eueniet:
quoniam aquae eius de sanctuario egredientur: ne putemus riparum esse
uel arborum aut mensium, tantarum frugum abundantiam, reddit causas
ubertatis et infert: quia aquae eius de sanctuario egredientur - non
ergo uolentis neque currentis, sed miserentis est dei -. horum omnium
lignorum principatum tenet lignum uitae quod intellegitur sapientia, de
qua scriptum est: lignum uitae est omnibus credentibus in ea. illud quod
dicitur: et erunt fructus eius in cibum, et folium eius ad medicinam,
diuinorum librorum sacramenta demonstrat, quorum alterum pertinet ad
litteram, alterum ad spiritum, ut uerba simplicia intellegamus in
foliis, in fructibus uero sensum latentem: sicut enim scientia
scripturarum ducit ad regna caelorum et praebet nobis panem qui dicit:
ego sum panis, qui de caelo descendi, sic folia eius, quae moralem
doctrinam continent, tribuunt sanitatem, ut peccantium curent uulnera.
pro 'foliis', quae hebraice dicuntur 'ale', propter uerbi et uocis
similitudinem septuaginta 'ascensionem' transtulerunt, quod et ipsum sic
edisseri potest, ut, post cibos fructuum, uerborum monitis ad caelestia
conscendamus.
haec dicit dominus deus. hic est terminus in quo possidebitis
terram in duodecim tribubus israel, quia ioseph duplicem funiculum
habet; possidebitis autem eam - singuli aeque ut frater suus - quam
leuaui manum meam ut darem patribus uestris; et cadet terra haec uobis
in possessionem. pro eo quod nos diximus: quia ioseph duplicem funiculum
habet, lxx transtulerunt: augmentum funiculi - etenim 'ioseph'
interpretatur 'augmentum' -, rem intellegentes pro nomine et lectoris
animum confundentes: subtracta enim leuitica tribu et templi sacrificiis
delegata, remanebant undecim tribus quarum ioseph diuisa est in duas,
ephraim et manasse, qui dixerunt ad iosue filium nun: quare dedisti mihi
possessionem sortis et funiculi unius, cum sim tantae multitudinis et
benedixerit mihi dominus?, quibus respondit iosue: si populus multus es,
ascende in siluam et succide tibi spatia in terra pherezaei et raphaim,
quia angusta est tibi possessio montis ephraim, et iterum: dixit que
iosue ad domum ephraim et manasse: populus multus es et magnae
fortitudinis; non habebis sortem unam, sed transibis ad montem et
succides tibi atque purgabis ad habitandum spatia; et poteris ultra
procedere cum subuerteris chananaeum, quem dicis ferreos habere currus
et esse fortissimum; hoc propterea dixerim, quia nunc scriptura
commemorat ioseph, hoc est ephraim et manasse, duplicem habere
funiculum. singulae autem tribus iuxta multitudinem suam aequalia
accipiunt terrae spatia, nequaquam arbitrio diuidentis sed sorte quae in
domini potestate consistit. denique et ipse iosue, qui diuisor terrae
fuit, non propriam sibi separauit terram ne optimam elegisse uideretur,
sed accepit a principibus omnium tribuum: tamnath-seraath in monte
ephraim.
hic est autem terminus terrae: ad plagam septemtrionalem a mari
magno uia ethalon uenientibus sadada, emath, berotha, sabarim, quae est
inter medium damasci et confinium emath, atrium thicon quae est iuxta
auran (siue auranitidis); et erit terminus a mari usque ad 'atrium enom'
(siue 'aser-enan') terminus damasci; et ab aquilone ad aquilonem
terminus emath, plaga septemtrionalis. inter descriptionem terrae
sanctae duodecim tribuum iosue filii nun, quae nunc per hiezechiel fieri
imperatur, hoc interest, quod ibi in tribus sorte terra diuiditur, hic
domini iubentis arbitrio delegatur. in numerorum igitur libro, in quo
omnis terra repromissionis per quattuor plagas breui sermone diuiditur,
ab aquilone, id est a plaga septemtrionali, ista descriptio est: porro
ad septemtrionalem partem a mari magno termini incipient, peruenientes
usque ad montem altissimum, a quo uenies in emath usque ad terminos
sedada. ibunt que confinia usque zephrona et 'uillam enan' (siue
'aser-enan'). dicunt que hebraei septemtrionalem plagam incipere a mari
magno, quod palaestinae, phoenicis, et syriae quae appellatur coele,
ciliciae que praetenditur littoribus, et per aegyptum tendit ad libyam.
quod autem dicit: peruenientes terminos usque ad montem altissimum, idem
hebraei autumant uel amanum montem significare uel taurum - quod nobis
uidetur uerius -. a quo, inquit, uenies in 'emath', quae nunc
'epiphania' nominatur ab antiocho crudelissimo tyrannorum nomine
commutato, nam cognomentum habuit epiphan�s~g. usque ad terminos,
inquit, sedada, qui locus et in praesenti hiezechiel ponitur lectione.
ibunt que confinia usque zephrona, quam urbem hodie zephyrium oppidum
ciliciae uocant. hoc autem quod sequitur: et 'uilla enan' (pro quo in
hebraico scriptum est 'aser-enon' siue '-enan'), et praesens continet
locus.
et interim secundum historiam breuiter strinxisse sufficiat et tam
numerorum quam hiezechielis descriptionem sibi ex latere copulasse, ut
prudens lector intellegat in quibus uel eadem uel uicina uel diuersa
memorarint; nunc, interpretatis nominibus singulorum, sequamur
anag�g�n~g, et quid nobis uideatur in singulis, praebente domino
disseramus. 'ethalon' interpretatur 'incunabula moeroris'; 'sedada',
'latus eius', a latere non a latitudine intellege; 'emath', 'furor' qui
graece dicitur cholos~g; 'berotha', 'putei'; 'sabarim', 'circuitus
montium'; 'damascus', 'sanguis sacci' et 'osculi' siue 'poculi'; 'domum'
autem siue 'atrium thicon', symmachus interpretatur 'atrium medium'
quod pergit ad terminos 'auran', igitur 'thicon' 'medium' sonat; 'auran'
- quam lxx in graecum uertere sermonem 'auranitidis' -, 'iracundiam';
'asar' autem '-enon' - qui est terminus damasci -, in lingua nostra
dicitur 'atrium fontis'. septemtrionalis igitur plaga incipit a mari
magno et per uiam 'ethalon' quod interpretatur 'incunabula moeroris';
per paenitentiam uenit ad 'sadada' ubi est 'ex latere' declinatio:
intellegimus enim impendentem nobis 'emath' hoc est 'indignationem' dei,
siue 'emath' 'ueritate' comperta, aperiuntur nobis 'putei' 'berotha'
quos foderunt principes abraham, isaac et iacob, longo que 'circuitu'
peruenimus ad 'montes' 'sabarim' qui positi sunt inter 'damascum' hoc
est 'sanguinem cilicii', et confinium 'emath' ut supra diximus
'ueritatis' - sicut enim per moerorem declinamus mala impendentia et ex
latere deuitamus, sic post sanguinem et cilicium uitae sanguinariae,
antequam ueniamus ad confinia emath, circuimus et peruenimus ad montes
de quibus scriptum est: montes in circuitu eius, et dominus in circuitu
populi sui -, qui locus appellatur 'atrium thicon', hoc est 'atrium
medium' ut interpretatus est symmachus, iuxta terminos 'auran' quod
'iracundiam' sonat - ut cum propheta dicamus: iram domini sustinebo
quoniam peccaui ei -, et a mari usque terminos damasci: in quo et
apostolus paulus, a furore iudaico et effusione ecclesiastici sanguinis,
lumen caecitate conspexit et, assumpto cilicio persecutionis ueteris,
euangelium praedicauit, ut perueniret ad 'atrium fontis' aeterni et, in
aquilone quondam positus, apprehenderet terminum ueritatis.
porro plaga orientalis de medio auran et de medio damasci et de
medio galaad et de medio terrae israel, iordanis disterminans ad mare
orientale; metiemini plagam orientalem. pro quo in numerorum libro ita
scriptum reperi: inde metientur fines contra orientalem plagam de 'uilla
enan' (hoc est 'aser-enon') usque sephama, et de sephama descendent
termini rebla contra fontem; inde peruenient contra orientem ad mare
chenereth, et tendent usque iordanem, et ad ultimum claudentur mari.
supra dixerat: et erit terminus a mari usque ad eser-enon terminus
damasci: a fine igitur septemtrionalis plagae, hoc est atrio enan,
tendunt fines iuxta numerorum librum usque sephama, quam hebraei apamiam
nominant, et de apamia descendent termini in rebla, quae nunc syriae
uocatur antiochia; et ut scias reblam hanc significare urbem quae nunc
in syria-coele nobilissima est, sequitur: contra fontem, quem perspicuum
est significari daphnen, de quo fonte supradicta urbs aquis
abundantissimis fruitur - hic autem locus a cnaeo pompeio, qui primus
iudaeam romano subegit imperio, militari manu consitus est, et ab eo -
iuxta fabulam poetarum - daphnes nomen accepit ob lauros et cyparissos,
quae arbores et in ipso loco frequentissimae sunt -. inde, inquit,
peruenient termini contra orientalem plagam ad mare chenereth: usque ad
stagnum tyberiadis; mare autem dicitur cum habeat dulces aquas, iuxta
idioma scripturarum quae congregationes aquarum appellant maria. et
tendent, inquit, termini usque iordanem, et ad ultimum claudentur mari:
uel mari mortuo uel, ut alii putant, lingua maris rubri, in cuius
littore ahila posita est ubi nunc moratur legio et praesidium romanorum.
hoc iuxta numerorum librum dictum sit. iuxta hiezechiel uero: de medio
auran, quod est oppidum damasci in solitudine, et de medio galaad, qui
mons libani collibus copulatur, cecidit in sortem ruben et gad et
dimidiae tribus manasse, et est a tergo phoenicis et arabiae - ad quem
montem usque peruenit de carris profectus iacob et comprehensus est a
laban; de quo et hieremias loquitur: galaad tu mihi, initium libani,
quam cepit de amorrhaeorum regione galaad filius machir, filii manasse
-; finis que huius plagae: iordanis fluuius determinans et mare
orientale, quod in hoc loco mare mortuum non linguam maris rubri
intellegunt. dicamus iuxta tropologiam. post terminos aquilonis longo
circuitu per ethalon et sedada et berotha, sabarim quoque et thicon et
auran et damascum et atrium enom, ad emath usque peruenit orientalis
plaga: de medio 'iracundiae' 'auran', et medio 'damasci' 'sanguine'
uidelicet 'paenitentiae', et de medio 'galaad' quod interpretatur
'reuelatio' uel 'tumulus testimonii': ut, post iram et paenitentiam,
spem salutis ostendat, et de medio terrae 'israel' quae 'uisionem'
continet 'pacis', usque ad dulcissima iordanis fluenta pertingat, quae
longe separato mari lumen orientis consequitur, ita ut 'fluuio'
'iordanis', qui interpretatur 'riuus iudicii', et 'torrentis' termino
finiatur; quod autem in septuaginta ponitur 'phoeniconos' id est
'palmeti', in hebraeo non habetur, pro quo nos 'metiemini' interpretati
sumus: error que manifestus, quod pro 'thamoddu', litterae decepti
similitudine 'daleth' et 'res', legerunt 'thamorru'.
plaga autem australis meridiana a thamar usque ad aquas
contradictionis (siue ad aquas 'mariboth' - hoc enim 'contradictio' siue
diadikasmoi~g, hoc est 'iurgia', sonant -) cades quoque, et torrens
usque ad mare magnum; haec est plaga ad meridiem australis. pro quo in
numerorum libro ita scriptum est: incipiet a solitudine sin, quae est
iuxta edom, et habebit terminos contra orientem mare. qui circuibunt
australem plagam per ascensum scorpionis, ita ut transeant senna et
perueniant in meridiem usque cadesbarne, unde egredientur confinia ad
uillam nomine addar, et tendent usque ad asemona. ibit que per gyrum
terminus ab asemona usque ad torrentem aegypti, et maris magni littore
finietur. quod breuiter hoc significat - ne per occasionem hiezechielis
ad expositionem uideamur numerorum transire latissimam -: a solitudine
sin quae est iuxta edom, et mari rubro terminum circuire, et, per
ascensum scorpionis et per senna et cadesbarne et atrium addar et
asemona, peruenire usque ad torrentem aegypti qui iuxta urbem
rinocoruram mari influit; hic uero terminus plagae australis, hoc est
meridianae, incipit a thamar - quae urbs in solitudine est, quam et
salomon miris operibus exstruxit, et hodie palmyra nuncupatur, hebraeo
que sermone 'thamar' dicitur quae in lingua nostra 'palmam' sonat -
usque ad aquas contradictionis cades, quam in deserto esse non dubium
est, et torrens ingrediens mare magnum hoc quod aegypti palestinae que
praetendit littoribus, est haec est plaga australis ad meridiem. post
plagam ergo aquilonis et orientis quando ortus nobis fuerit sol
iustitiae, accipimus meridianam plagam quando totum nobis desuper lumen
infunditur et cum abraham inimus conuiuium et inebriamur uino - quod:
laetificat cor hominis - cum ioseph et fratribus; incipit autem ista
possessio et hi termini a 'thamar', a 'palma' uidelicet uictoria que
uitiorum, usque ad aquas contradictionis: semper enim uirtutibus
contradicitur - unde et praedicationi euangelicae, iudaei contra paulum
disserentes, in toto orbe asserunt contradici; et in euangelio legimus,
simeone dicente: hic erit in ruinam et resurrectionem multorum, et in
signum cui contradicetur -, omnis autem contradictio est 'sanctitatis',
quod interpretatur 'cades' - dicente psalmista: concutiet dominus
desertum cades: quod uidelicet primum non habebat domini sanctitatem,
sed concussum est atque commotum, ut reciperet hospitem deum qui dicit:
super quem requiescet spiritus meus, nisi super humilem et quietum et
trementem uerba mea? -; post desertum cades, usque ad mare magnum in
meridie plagae australis, torrens est, de quo supra diximus, qui non de
terra sed de caelo pluuias habet diuersarum uirtutum uarietate
collectas. et plaga maris, mare magnum a confinio per directum donec
uenias emath; hoc est plaga maris. de qua manifestius et breuius scribit
numerorum liber: plaga autem occidentalis a mari magno incipiet, et
ipso fine cludetur, hoc est de mari usque ad mare: a torrente uidelicet
rinocorure qui in mare influit, usque ad eum locum qui est contra emath
urbem syriae, de qua supra diximus. occidens autem iuxta leges
tropologiae semper in mari est, semper in salo et fluctibus ubi cotidie
naufragia suscitantur et miserorum neces et diuitiarum et mercium
amissio; et tamen, cum haec omnia patientia fregerimus, uenimus per
directum ad 'emath', hoc est ad domini 'ueritatem', qui uictis
persecutionibus aeterna nobis praemia repromisit.
et diuidetis terram istam uobis per tribus israel; et mittetis
eam in hereditatem, uobis et aduenis qui accesserunt ad uos, qui
genuerint filios in medio uestro, et erunt uobis sicut indigenae inter
filios israel: uobis cum diuident possessionem in medio tribuum israel;
in tribu autem quacumque fuerit aduena, ibi dabitis possessionem illi,
ait dominus deus. per hoc capitulum discimus - et decutitur supercilium
iudaeorum - nihil inter israel et gentium populum esse diuisum: si enim
aduenis et alienigenis cum his qui sunt de populo israel, hoc est
indigenis, terra diuiditur, nulli dubium eandem esse hereditatem populo
gentium et populo iudaeorum, si tamen conuersi fuerint ad cultum dei
israel - quod proprie nomen possidet christianum -, habentibus iudaeis
legis litteram et nobis spiritum, illis tenentibus membranas et nobis
eum qui scriptus est in membranis; et apud moysen sorte terra diuiditur,
hic autem ut diximus, domini iudicio delegatur, una que possessio est
aduenae et israeli, et in singulis tribubus datur hereditas, iubente
domino deo.
et haec nomina tribuum: a finibus aquilonis iuxta uiam ethalon
pergentibus emath atrium enon, terminus damasci ad aquilonem iuxta
emath, et erit ei plaga orientalis mare, dan una. et a termino dan a
plaga orientali usque ad plagam [maris], aser una. et super terminum
aser a plaga orientali usque ad plagam maris, neptalim una. et super
terminum neptalim a plaga orientali usque ad plagam maris, manasse una.
et super terminum manasse a plaga orientali usque ad plagam maris,
ephraim una. et super terminum ephraim a plaga orientali usque ad plagam
maris, ruben una. et super terminum ruben a plaga orientali usque ad
plagam maris, iuda una descripta terrae sanctae possessione tam iuxta
praesentem hiezechielis prophetiam quam iuxta numerorum librum, nunc
singularum tribuum a plaga orientali usque ad plagam occidentis id est
maris possessio describitur.
et primum fines accipiunt ab aquilone iuxta uiam ethalon pergentibus
emath, 'atrium' - siue 'aser' - enon, terminum damasci ad aquilonem
iuxta emath, de quibus ante iam diximus; incipit autem primum tribus
dan, secundum aser, tertia neptalim, quarta manasse, quinta ephraim,
sexta ruben, septima iudae: hoc est a sinistra parte, et completur
numerus septenarius. - deinde primitiae sacerdotum et leuitarum, et
sanctuarium domini in medio, sanctum que sanctorum; urbs quoque ipsa
describitur per singula latera in quadrum, quattuor milia et quingentos
habens calamos; suburbana quoque sacerdotum et leuitarum per ordinem
describuntur, et possessio principis; rursum que a parte dextera
succedunt quinque tribus, a plaga similiter orientis usque ad plagam
occidentis, quarum prima est beniamin, secunda simeon suam specialiter
habens possessionem et nequaquam ut prius mixtam cum iuda, tertia
isachar, quarta zabulon, quinta gad; portae que ciuitatis ternae per
singulas plagas, et nomen ipsius ciuitatis quod in fronte pontificis
auri lamina continetur - de quibus uniuersis in suis disseremus locis -.
hoc quoque notandum, quod quadraginta octo ciuitatum, quae in numerorum
uolumine tribui leuiticae dantur ad habitandum cum suburbanis suis, hic
silentur nomina et ciuitates fugitiuorum, quarum tres trans iordanem,
bosor uidelicet et ramoth et gaulon, in duabus et dimidia tribu datae
sunt, et tres infra iordanem, cedes uidelicet et sichem et chariatharbe:
neque enim opus erat, in descriptione mystica et habitatione sanctorum
et conuersatione perfecta, fugitiuorum describi auxilia quibus israel
indiguit adhuc in terra positus et per multos labores atque discrimina
ad hanc ciuitatem uenire festinans et in singulis sanctis loquens:
aduena sum atque peregrinus sicut omnes patres mei, et in alio loco:
habitaui cum habitantibus cedar, multum peregrinata est anima mea.
et super terminum iuda a plaga orientali usque ad plagam maris
erunt primitiae quas separabitis, uiginti quinque milia latitudinis, et
longitudinis, sicuti singulae partes a plaga orientali usque ad plagam
maris; et erit sanctuarium in medio eius. primitiae quas separabitis
domino, longitudo uiginti quinque milia, et latitudo decem milibus.
superfluum est disserta disserere et in quibus supra laborauimus, quasi
non sint dicta, iterum laborare. post septem tribuum terminos, ab
oriente usque ad occidentem describuntur primitiae, quarum latitudo
teneat uiginti quinque milia calamorum, longitudo uero sicuti tenent
singulae tribus ab oriente usque ad mare, cuius longitudinis incertus
est numerus: neque enim in singularum descriptione tribuum mensura
descripta est, sin autem latitudo habet uiginti quinque milium
calamorum, conici datur multo maiorem esse numerum longitudinis quae
semper maior est latitudine. in medio autem sanctuarium ponitur iuxta
primitias quae sunt domino separatae, longitudinis uiginti quinque
milium calamorum et latitudinis decem milium - quae legens nihil aliud
possumus dicere, nisi illud apostoli: o profundum diuitiarum et
sapientiae et scientiae dei! quam inscrutabilia iudicia eius, et
inuestigabiles uiae eius!, et alio loco: ut possitis comprehendere cum
omnibus sanctis quae sit latitudo et longitudo et sublimitas et
profundum, scire etiam supereminentem scientiae caritatem christi, ut
impleamini in omnem plenitudinem dei -. uiginti quinque autem numerum
referri ad sensus - de quibus dictum est: sensum diuinum possidebis -,
et decem milium ad perfectam consummatam que uirtutem - quae decalogo
ueteris instrumenti ad euangelicum perueniat sacramentum, et prius breui
sermone perstrinximus, et hic ex parte commonebimus: si enim ab uno
addens numero ad quattuor peruenias, denarium implebis numerum, atque
ita fiet, ut et uetus testamentum constringatur in nouo et nouum in
ueteri dilatetur -.
haec autem erunt primitiae sanctuarii sacerdotum, ad aquilonem
longitudinis uiginti quinque milium, et ad mare latitudinis decem milia,
sed et ad orientem latitudinis decem milia, et ad meridiem longitudinis
uiginti quinque milia; et erit sanctuarium domini in medio eius:
sacerdotibus sanctuarium, de filiis sadoc qui custodierunt caeremonias
meas, et non errauerunt cum errarent filii israel, sicut errauerunt
leuitae. et erunt primitiae de primitiuis terrae sanctum sanctorum iuxta
terminum leuitarum. quattuor primitiarum sanctuarii describuntur
plagae, quae non ad populum uel ad uulgus ignobile, neque ad leuitas
inferiorem gradum, sed proprie ad cultum pertinet sacerdotum: aquilonis
uidelicet et occidentis et orientis et austri, et per partes profectuum
ordo narratur: ut, aquilonis frigora relinquentes, ueniamus ad
occidentem quo scilicet occidant nobis uitia atque intereant, et inde
transeamus ad orientem, orto que nobis sole iustitiae ueniamus ad
meridiem in qua clarissimum lumen atque perfectum est; et tam ab
aquilone usque ad mare, quam ab oriente usque ad meridiem, uiginti
quinque milia longitudinis et latitudinis decem milia sint, ut ubique
eadem longitudinis et latitudinis mensura seruetur. sanctuarium autem
(id est templum) domini, in medio erit primitiarum sacerdotalium, et
aequo latere ex omni parte uallabitur; et quia dixerat: hae autem erunt
primitiae sanctuarii sacerdotum, ne communi uocabulo omnes sacerdotes
uindicarent sibi huius loci possessionem et caeremonias obseruandas,
ponit specialiter inferens: sacerdotibus sanctuarium erit de filiis
'sadoc' - qui interpretatur 'iustus' de quo dicitur: iustus dominus et
iustitias dilexit, aequitatem uidit uultus eius; pro 'sadoc' septuaginta
scribunt 'saduc'. iste sadoc loquitur in euangelio: non enim pater
iudicat quemquam, sed omne iudicium dedit filio, et de hoc, sub nomine
salomonis, mystice propheta decantat: deus, iudicium tuum regi da, et
iustitiam tuam filio regis -. illi autem sacerdotes domini sanctuarium
possidebunt et custodient caeremonias eius: qui non errauerunt cum
errarent filii israel atque leuitae, de quibus in superioribus
disputatum est: qui non offerunt uictimas sed, priuilegio nominis et
erroris sui humilitate contenti, semper loquuntur in corde: iniquitatem
meam ego cognosco, et peccatum meum contra me est semper - audiat hoc
sacerdotalis gradus et arianae persecutionis ardore superatus ac uerae
postea fidei, ne opibus careat et potentia colla submittens, sufficere
sibi si non expellatur e templo, si pristini nominis umbram quandam et
imaginem teneat, et non resupinus ructans que delicias quasi immaculatus
et purus de excelsissimo throno nobis imperitiae suae et barbarae
garrulitatis ructet nauseam -. erunt enim, inquit, 'eis' primitiae de
primitiis terrae - hoc est sacerdotibus et: qui non errauerunt cum
errarent filii israel et leuitae; primitiae autem de primitiis, sicut
decimarum decimae -, sanctum que sanctorum iuxta terminum leuitarum, ut
habeant quidem leuitae confinia sacerdotum, sed umbilicum, id est medium
eius et ipsam possessionem tenere non ualeant.
sed et leuitis similiter iuxta fines sacerdotum, uiginti et
quinque milia longitudinis et latitudinis decem milia, omnis longitudo
uiginti et quinque milium et latitudo decem milium; et non uenundabunt
ex eo, neque mutabunt (siue metientur) nec transferentur primitiae
terrae (siue auferentur), quia sanctificatae sunt domino. quinque milia
autem quae supersunt in latitudine per uiginti quinque milia, profana
erunt urbis in habitaculum et in suburbana, et erit ciuitas in medio
eius. quod nos uertimus in 'profanum' pro quo aquila beb�lon~g,
symmachus et theodotio laikon~g transtulerunt, septuaginta dixere
proteichisma~g, quod 'antemurale' possumus dicere: 'profanum' autem est
et 'laicum' id est 'uulgare' quod omni populo habitare passim licet;
illud autem quod dixerunt: nec mensurabitur nec auferetur pro eo quod
nos diximus: non mutabitur neque transferetur, sensum non habere
perspicuum est. describitur quoque leuitarum possessio, quae uicina
quidem est finibus sacerdotum, et eadem habet spatia in longitudine et
in latitudine pro multitudine leuitarum, quae habet paucitas sacerdotum,
sed tamen propriis utitur terminis et intellegit se a sacerdotali gradu
esse deiunctam ad decutiendam superbiam ministrorum qui, ignorantes
humilitatem status sui, ultra sacerdotes, hoc est presbyteros,
intumescunt: se dignitate non merito sed diuitiis aestimant; certe qui
primus fuerit ministrorum quia per singula contionatur in populo sed a
pontificis latere non recedit, iniuriam putat si presbyter ordinetur, et
non meminit mensarum et uiduarum minister in obsequium se non solum
sacerdotum sed et uiduarum et pauperum delegatum. et non uenundabunt,
inquit, ex eo neque mutabunt, ut permaneat leuiticae distributionis
aeterna possessio nec uincatur pretio meritum dignitatis nec ab alio
transferatur ad alium: quia quae sanctificatae sunt domino non sunt
eorum quibus data sunt sed eius cuius nomine possidentur. quinque milia
autem quae supersunt in latitudine per uiginti quinque milia -
subauditur 'longitudinis' -, profana erunt urbis, ut cunctis habitare
liceat israelitis omni que de plebe, non quo immunda sint aut aliquid in
habitatione terrae sanctae contaminatum putetur et sordidum, sed quo
praeter sacerdotes omnibus in eis habitare permissum sit; per quae
intellegimus cuncta quae referimus ad sensus, hoc est ad corporis
uoluntates: quae uisu et auditu, tactu, odore et sapore capimus, esse
profana et templi sanctimoniam non habere, nec sacerdotalis esse
priuilegii sed laicae uilitatis. ciuitas autem erit in medio - de qua
scriptum est: fluminis impetus laetificat ciuitatem dei, et: non potest
ciuitas abscondi super montem posita -, de qua dicemus in
consequentibus. proteichisma~g hoc est 'antemurale', et diast�ma~g id
est 'spatium' quod septuaginta pro 'suburbanis' interpretati sunt, quem
sensum in hoc loco habeat ignoramus.
et haec mensurae eiusdem: ad plagam septemtrionalem quingenti et
quattuor milia, et ad plagam meridianam quingenti et quattuor milia, et
ad plagam orientalem quingenti et quattuor milia, et ad plagam
occidentalem quingenti et quattuor milia. quod dicit: et hae mensurae
eius, subaudiendum est ciuitatis; in fine enim praeteriti capituli
positum est: et erit ciuitas in medio eius, id est terrae. primum que a
plaga septemtrionali incipit et e regione ponit plagam meridianam,
rursum que par reddit pari ut orientali plagae e contrario ponat
occidentalem id est mare, singula que latera ciuitatis habent quattuor
milia et quingentos calamos qui faciunt supputati undecim milia passuum
et octoginta quinque, ut simul omnis urbs, sicut in fine huius uoluminis
scribitur, per circuitum habeat decem et octo milia calamorum, qui
faciunt quadraginta quattuor milia passuum et trecentos quadraginta -
unde et quadragesimus quartus psalmus, qui inscribitur: in finem, pro
his qui commutabuntur, et pertinet 'ad ididia' id est 'ad amabilem
domini' siue, ut interpretatus est aquila, 'pro liliis', symmachus que
'pro floribus', ecclesiae, quae urbs domini est, et continet sacramenta,
de qua scribitur in eodem psalmo: astetit regina a dextris tuis in
uestitu deaurato, circumdata uarietate, et iterum: omnis gloria filiae
regis intrinsecus, ut non sit similis sepulcris forinsecus dealbatis sed
et intus et foris omnia lauet paropsidis -. cum que recesserimus ab
aquilone uento frigidissimo, transimus ad meridiem et, post ortum in
nobis lumen scientiae, occasum fortitudinum formidamus, nequaquam
praeterita sed futura considerantes, nec habentes certam uirtutis
possessionem, sed cotidie in oratione dicentes: ne inducas nos in
tentationem, quam ferre non possumus.
erunt autem suburbana ciuitatis ad aquilonem ducenti
quinquaginta, et ad meridiem ducenti quinquaginta, et ad orientem
ducenti quinquaginta, et ad mare ducenti quinquaginta. pro 'suburbana'
quae hebraice dicuntur 'magras', rursum septuaginta diast�ma~g id est
'spatium' transtulerunt. quod autem dicitur 'ducenti quinquaginta' per
singulas plagas, subauditur 'calami' qui sena cubita habent et unum
palmum, et per singula latera faciunt passus sescentos decem et septem
paulo minus, et in commune mille calamos, habentes passus duo milia
quadringentos sexaginta octo: quae spatia muros per circuitum ambiunt
ciuitatis, ut inter urbem et ea quae reliqua sunt diuidant. ex quo
ostenditur, nullum de his spatiis et exercentium opera ciuitatis
capiendorum que fructuum habere licentiam, sed uacare ab usu et opere
hominum, ut circummuralia urbis, sponte nascentium uirgultorum atque
herbarum et ceterorum quae terra gignit, habeant amoenitatem.
quod autem reliquum fuerit in longitudine secundum primitias
sanctuarii, decem milia in orientem et decem milia in occidentem, erunt
sicut primitiae sanctuarii, et erunt fruges eius in cibum (uel in panes)
his qui seruiunt (uel operantur) [in operibus] ciuitatis. seruientes
autem (uel operantes) [in operibus] ciuitatis, ciuitati seruient (siue
operabuntur) ex omnibus tribubus israel. omnes primitiae uiginti quinque
milium, per uiginti quinque milia in quadrum, separabuntur in primitias
sanctuarii et possessionem ciuitatis. post urbis sanctae descriptionem
et suburbana eius, reliquam partem primitiarum sanctuarii, decem milia
calamorum in orientem, et alia decem milia ad occidentem tendentium,
delegari [uult] his qui opera ciuitatis exercent ad uarios usus et
quibuscumque urbs indiget, ut scilicet serantur et ex frugibus quae in
hoc terrae nascuntur spatio uescantur operarii, qui uel moenia urbis
exstruunt uel interrupta et ruinosa restituunt, ut habeat ciuitas cultum
suum et sarta tecta, cum poposcerit necessitas, instaurentur - et hoc
non solum in israel uel in possessionem terrae sanctae, quae
spiritaliter ecclesiae mysteria continent, sed in romano quoque fieri
probamus imperio, ut quaedam uillae sint pertinentes ad iura urbium uel
regia munificentia uel hereditatibus et donatione multorum, ne scilicet
paulatim aedificia collabantur et aedes publicae, quae ornamento sunt
ciuitati, longa uexentur incuria -. operarii autem, inquit, (siue qui
seruiunt in operibus ciuitatis) erunt ex omnibus tribubus israel, ut
nullus se ab operibus ciuitatis immunem putet, sed omnes certatim
exstruant ecclesiam - quod in tabernaculo quoque factum legimus, ut, pro
uarietate uirium, alius aurum et argentum, coccum, byssum et purpuram
uaria que et diuersa subtegmina, alii pelles et caprarum offerent pilos,
et, cum essent dona diuersa pro qualitate substantiae, unum donantium
esse praemium, immo maius eorum qui parua quidem obtulerint sed maiora
pro uiribus, in exemplum uiduae pauperis quae duo minuta in gazophylacii
dona mittebat et domini iudicio est laudata dicentis: uere dico uobis
quia uidua haec paupercula plus quam omnes misit; nam omnes hi ex
abundanti sibi miserunt in munera dei, haec autem ex eo quod deest illi,
omnem uictum suum quem habuit, misit -. sicut ergo diximus de operibus
ciuitatis, sic illud breuiter perstringendum est, quod omnes primitiae
sanctuarii et possessio ciuitatis, pariter supputata per quadrum,
contineat milia ducenta quadraginta sex et partem tertiam - si enim
uiginti quinque milia calamorum - qui senos cubitos habent et palmum
unum - faciunt nostra, hoc est romana, sexaginta et unum milia et
sescentos sexaginta septem passus, nulli dubium est haec, in quadruplum
supputata, superiorem efficere numerum -, ex quo perspicimus omnia
intellegenda spiritaliter, et ecclesiae possessionem multo latiorem esse
quam quondam fuit in iudaea, qui nec accepere quidem partes terrae
sanctae, sed ex singulis tribubus quadraginta et octo ciuitatum, non ex
pleno possessionem sed habitationem et hospitia susceperunt, ut ipsi
quoque qui uidentur laici nec peruenisse ad sacerdotalem et leuiticum
gradum, tamen, si operentur in domini ciuitatem, uescantur de terra
sancta, mitium, terra que credentium, quorum unus loquebatur: credo
uidere bona domini in terra uiuentium.
quod autem reliquum fuerit principis erit, ex omni parte (siue
hinc inde) primitiarum sanctuarii et possessionis ciuitatis, e regione
(siue contra faciem) uiginti quinque milium primitiarum usque ad
terminum orientalem, sed et a mari e regione (siue contra faciem)
uiginti quinque milium usque ad terminum maris similiter in partibus
principis erit; et erunt primitiae sanctuarii et sanctuarium templi in
medio eius. de possessione quoque leuitarum et de possessione ciuitatis
in medio partium principis, erit in terminum iuda et in terminum
beniamin, et ad principem pertinebit. de hoc principe supra plenius
disputatum est et quod tantum solus acciperet quantum una tribus; nunc
autem aliud discimus: quod ex cunctis tribubus quidquid reliquum fuerit,
hic solus accipiat, ut nulla tribus sit quae principi dona non offerat,
non aliunde sed ex primitiis quae templo et sanctuario et delegatis
urbis partibus seruiunt - hoc est enim quod dicit: e regione (siue
contra faciem) uiginti quinque milium primitiarum usque ad terminum
orientalem (siue usque ad terminum orientalem maris), ut sint primitiae
inter septem et quinque, et in ipsis primitiis ciuitas et suburbana
eius, et in medio ciuitatis sanctuarium templi -. sed et de possessione
leuitarum et de possessione ciuitatis quidquid reliquum est, principi
deputabitur, erit que pars extrema septem tribuum uicina primitiis et
ciuitati et templo in tribu iuda, et pars extrema quinque tribuum, eodem
iure quo supra, in tribu beniamin, ipsa que extrema pars ad principem
pertinebit. ex quo scripturae sanctae sacramenta miranda sunt, et
cogitanda magis quam eloquio proferenda. in priori enim diuisione
terrarum trans iordanem per moysen, duabus tribubus ruben et gad et
dimidiae tribui manasse terra diuisa est; intra iordanem autem, per
iosue filium nun et eleazarum filium aaron, iudas possedit ab austro, et
ephraim et manasse tribus dimidia ab aquilone: postea uero de silo
missis exploratoribus per singulas tribus et descriptione terrae allata
ad iosue et eleazar, beniamin iuxta iudam ab austro et iuxta ephraim et
dimidiam tribum manasse accepit possessionem; secunda tribus simeon
hereditatem accepit in tribu iuda - ut impleretur quod scriptum est de
leui et simeon: diuidam eos in iacob, et dispergam eos in israel -;
tertia zabulon galilaeam accepit, in qua est mons thabor; quarta
isachar, ubi est iezrael, usque ad iordanem; quinta aser, usque ad
montem carmelum qui imminet mari magno, tyrum que et sidonem; sexta
neptalim, in galilaea usque ad iordanem, ubi tiberias quae olim
appellabatur chenereth; septima dan, usque ioppen ubi sunt urbes aialon
et selebi et emmaus quae nunc appellatur nicopolis, licet postea
legerimus quod ceperint sibi, transcensis aliis tribubus, urbem lesem in
tribu dan, quae hodie appellatur paneas. cum haec se ita habeant et
inter priorem tribuum descriptionem et quae nunc habetur tanta
diuersitas sit, hoc consideremus: quomodo et in praesenti descriptione
et in praeterita inter tribum iuda et beniamin urbs et templum
collocatum sit: et in priori quidem descriptione iudas erat ab austro et
beniamin ab aquilone, hic uero e contrario fit ut iudas sit ab aquilone
et beniamin ab austro; post quem secundus est simeon, tertius isachar,
quartus zabulon, quintus gad: quinque uidelicet tribus, sicut in
consequentibus dicitur; scriptum est enim:
et reliquis tribubus: a plaga orientali usque ad plagam
occidentalem, beniamin una. et contra terminum beniamin a plaga
orientali usque ad plagam occidentalem, simeon una. et super terminum
simeonis a plaga orientali usque ad plagam occidentis, isachar una. et
super terminum isachar a plaga orientali usque ad plagam occidentalem,
zabulon una. et super terminum zabulon a plaga orientali usque ad plagam
maris, gad una. et super terminum gad ad plagam austri in meridiem, et
erit finis de thamar usque ad aquas contradictionis cades et hereditas
contra mare magnum. hoc est terra quam mittetis filiis israel, et hae
partitiones earum, ait dominus deus. quod in quinque et septem tribubus
semper in fine ponitur 'una', subintellegitur uel 'pars' uel 'possessio'
uel 'hereditas', licet aquila et symmachus interpretentur genere
neutrali to~g horion~g quod significat 'terminum'. illud que breuiter
attendendum: in extrema quinque tribuum tribum gad - quae in priori
descriptione trans iordanem fuit - poni eam partem quam iudas prius
tenuit, ad plagam uidelicet austri in meridiem, et esse terminum de
thamar usque ad aquas contradictionis cades, hereditatem contra mare
magnum; thamar ipsa est de qua iam diximus, quam nunc 'palmyram' uocant
et olim a salomone constructam: 'palma' enim hebraeo sermone 'thamar'
appellatur, et ab eo quod ibi palmeta sint plurima quidam putant hoc
sortitam uocabulum. quod que sequitur: usque ad aquas contradictionis
cades hereditas contra mare magnum (pro quo septuaginta transtulerunt de
theman et aqua mariboth cades hereditas usque ad mare magnum), illud
est obseruandum, in hebraico eundem sermonem 'nehela', quia ambiguus
sit, et 'hereditatem' sonare et 'torrentem', et hic magis torrentem
accipi debere quam 'hereditatem': iste est enim torrens qui ingreditur
mare magnum rinocorurae, ut ante iam diximus; cades autem, quae in libro
iosue appellatur cadesbarne, in deserto est quod extenditur usque ad
urbem petram; 'mariboth' uero, quod interpretatur 'contradictionis', non
uocabulum loci est ut plerique aestimant, sed aquarum in quibus populus
domino contradixit et moyses offendit deum, dicente psalmo: tentauerunt
eum ad aquam contradictionis, et afflictus est moyses propter eos.
omnis que terrae sanctae hereditas ab australi plaga iuxta terminos
aegypti, rinocorurae torrente finitur. et quia 'gad' interpretatur
'tentatio', in possessione eius de palmetis transimus ad aquas
contradictionis usque ad 'cades' quae interpretatur 'sancta', ut
intellegamus nos etiam post uictoriam mundi debere esse sollicitos et
semper in metu, et recordari illius uersiculi: tentatio est uita hominum
super terram, et ad sanctitatem aduersariis repugnantibus peruenire,
sic que obtinere uictoriam; et e uicino torrentem plenum imbrium
contemplemur.
et hi egressus ciuitatis: a plaga septemtrionali quingentos et
quattuor milia mensurabis. et portae ciuitatis ex nominibus tribuum
israel: portae tres a septemtrione, porta ruben una, porta iudae una,
porta leui una. et ad plagam orientalem quingentos et quattuor milia; et
portae tres: porta ioseph una, porta beniamin una, porta dan una. et ad
plagam meridianam quingentos et quattuor milia metieris: portam
simeonis unam, portam isachar unam, portam zabulon unam. et ad plagam
occidentalem quingentos et quattuor milia; portae eorum tres: porta gad
una, porta aser una, porta neptalim una. per circuitum decem et octo
milia, et nomen ciuitatis ex illa die: dominus ibidem. de ambitu
ciuitatis, quod per latera singula in quadrum quattuor milia quingentos
calamos habuerit, praeteritus sermo narrauit; qui faciunt decem et octo
milia calamorum, ut in praesenti quoque capitulo positum est, id est
quadraginta quattuor milia passuum et trecentos quadraginta passus. nunc
scribitur per singula latera, hoc est per undecim milia passuum et
octoginta quinque passus, ternas fuisse portas, quas aquila, symmachus
et theodotio diexodous~g, septuaginta diekbolas~g uocant, nos
interpretati sumus 'egressus' et 'exitus' ciuitatis. illud que primum
breuiter admonendum, easdem tribus in circuitu tabernaculi ita
castrametatas, ut ad orientem fuerit iudas, isachar et zabulon, filii
liae, et ad meridiem ruben, simeon, gad, duo filii liae et tertius
filius zelphae ancillae liae, ad occidentem uero ephraim, manasses et
beniamin, duo uidelicet filii rachelis - quia ioseph pro tribu leui,
quae sacrificiis deputata est, in duas tribus ephraim et manassem diuisa
est -, ad aquilonem autem dan et aser et neptalim, quorum primus et
tertius filii sunt ballae ancillae rachelis, secundus filius zelphae
ancillae liae, ignobiles et ad aquilonem positi quippe qui ex ancillarum
inter se dissidentium stirpe generati sunt. hoc iuxta numerorum librum
et descriptionem tabernaculi quae iubente deo moysi ore dictata est.
nostra uero urbs - quae est: ciuitas magni regis: cuius artifex et
conditor deus est, de qua et psalmista canit: numquid sion dicet: homo
et homo natus est in ea, et ipse fundauit eam altissimus? - aliam habet
tribuum in terra sancta descriptionem et mensuram ciuitatis et
possessionis ordinem et plagas tribuum singularum. primum enim plagae
aquilonis opponuntur tres portae siue exitus ciuitatis, quorum est
primogenitus ruben, et iudas regiae stirpis auctor, et leui super cuius
nomine in tabernaculi et castrorum descriptione nil dictum est: ut
primogenita possidentes, quasi genus regale et sacerdotale, aquilonis
frigora contemnamus; secundo uero ad orientem est ioseph, beniamin et
dan, ambo filii rachel et unus ballae ancillae eius; ad meridiem uero
simeon, isachar et zabulon, quorum tres liae filii sunt; porro ad
occidentem gad, aser et neptalim, quorum priores duo filii zelphae sunt
ancillae liae, tertius filius ballae ancillae rachelis - quis sapiens et
intelleget haec?
intellegens cognoscet ea? quia rectae uiae domini et iusti ambulabunt in
eis; praeuaricatores uero corruent in illis -. has duodecim portas siue
exitus pro qualitate meritorum atque uirtutum singulis tribubus sub
apostolicis et patriarcharum nominibus arbitror iniugatas, de quibus et
in apocalypsi ioannis apertius scribitur et mira diuinarum scripturarum
sacramenta testantur. et necesse est ut talis ciuitas decem et octo
milia per circuitum teneat calamorum, sub quo numero et in duodeuigesimo
psalmo lex naturalis descripta, gratia que euangelii describitur,
quibus ecclesia, id est urbs saluatoris, exstructa est. nomen quoque
ipsius ciuitatis nequaquam erit ut prius 'hierosolyma' quae
interpretatur 'uisio pacis', sed 'adonai sam' quod in latinum sermonem
uertitur 'dominus ibidem': qui numquam recedat ab ea ut a priori populo
ante discessit dicens ad discipulos: surgite, abeamus hinc, et ad
iudaeos: relinquetur uobis domus uestra deserta, sed aeternam habeat
possessionem et sit ei ipse possessio, isdem discipulis repromittens:
ecce ego uobis cum sum usque ad consummationem saeculi.
|