et congregastis aquas piscinae inferioris. et domus hierusalem
numerastis; et destruxistis domus ad muniendum murum.
et lacum fecistis inter duos muros, et aquam piscinae ueteris; et non
aspexistis ad eum, qui fecerat eam, et operatorem eius de longe non
uidistis. lxx: et auerterunt aquam antiquae piscinae in ciuitatem; et
destruxerunt domos hierusalem ad firmandos muros ciuitatis; et fecistis
uobis aquam inter duos muros intra piscinam antiquam; et non aspexistis
eum qui a principio fecit eam et creatorem illius non uidistis. uos qui
scissuras ciuitatis dauid, id est ecclesiae, uidebitis uel uidetis, quae
in toto orbe multiplicatae sunt, qui congregastis aquas piscinae
uestrae atque doctrinae, non superioris, sed inferioris, et domos
hierusalem numerastis, siue destruxistis, ut muniretis murum uestrum,
non fodistis puteos, qui uitales haberent et aeternas aquas, sed lacus
contritos, qui aquam non ualent continere. et fecistis eos inter duos
muros noui et ueteris instrumenti, et aquam piscinae ueteris
neglexistis, nec considerastis datorem legis deum, et operatorem mundi
penitus neglexistis. hoc iuxta hebraicum. ceterum iuxta lxx
considerauerunt se haeretici, quod multi essent et hac multitudine
confidentes, doctrinam ueteris testamenti auerterunt a ciuitate dei,
quae est ecclesia, et destruxerunt domos hierusalem, ut aedificarent
conciliabula malignantium; dum que uetus reprobant instrumentum, nec
nouum secuti sunt, quia nouum ueteris instrumenti testimoniis roboratur.
propterea inter duos muros ueterem et nouum, fecerunt sibi nouas aquas,
quas interiores esse putant, et maiora continere mysteria, quam in
testamento ueteri continentur; et non respexerunt deum, qui ueteris
instrumenti conditor est et factorem eius nec a longe quidem uidere
uoluerunt.
et uocabit dominus deus exercituum in die illa ad fletum et ad
planctum, ad caluitium et ad cingulum sacci; et ecce gaudium et
laetitia, occidere uitulos et iugulare arietes, comedere carnes et
bibere uinum; comedamus et bibamus, cras enim moriemur. et reuelata est
in auribus meis domini exercituum, si dimittetur iniquitas haec uobis
donec moriamini, dicit dominus deus exercituum. cotidie dominus deus
exercituum prouocat haereticos ad paenitentiam, qui inter duos muros
aquam piscinae ueteris contemnentes, foderunt sibi lacum, et
congregauerunt aquam piscinae inferioris, quae non de caelo, sed de
terra aquas habet; et uocat eos ad fletum; beati enim flentes, quia ipsi
ridebunt. et ad planctum, ne postea audiant: lamentauimus uobis et non
planxistis. et ad caluitium, ut omnia opera mortis radant, et auferant
de corpore suo quidquid non uiuit in corpore. et ad cingulum sacci, ne
postea iuxta hierusalem pro cingulo reste cingantur. illi autem e
contrario pro fletu et planctu, caluitio et cilicio, gaudium habuere
atque laetitiam, et quasi morte omnia finirentur, occidentes uitulos
arietes que iugulantes, ut comederent carnes et biberent uinum, locuti
sunt uerba blasphemantium. dum in praesenti saeculo sumus, deliciis
affluamus. crastina enim dies, hoc est futurum tempus, sine sensu erit.
illis ista dicentibus, audiuit dominus uerba blasphemiae, et comminatus
est, non se dimissurum esse hanc iniquitatem, donec aut peccato
moriantur et uitiis, aut cum delictis suis ad inferos pertrahantur. quod
quidem non solum de haereticis, sed de omni potest intellegi peccatore,
qui neglegens peccata sua, desperatione fit peior; et uoluptatibus
irretitus, iungit peccato blasphemiam, ut omnem sensum uiuentium putet
morte finiri, dicens illud epicuri: post mortem nihil est, et mors ipsa
nihil est.
haec dicit dominus deus exercituum: uade, ingredere ad eum qui
habitat in tabernaculo, ad sobnam praepositum templi, et dices ei: quid
tu hic; aut quasi quis hic? quia excidisti tibi hic sepulcrum? excidisti
in excelso memoriam, diligenter in petra tabernaculum tibi. ecce
dominus asportari te faciet sicut asportatur gallus gallinaceus; et
quasi amictum sic subleuabit te. coronans coronabit te tribulatione,
quasi pilam mittet te in terram latam et spatiosam; ibi morieris, et ibi
erit currus gloriae tuae, ignominia domus domini tui. et expellam te de
statione tua; et de ministerio tuo deponam te. et erit in die illa,
uocabo seruum meum eliacim filium helciae; et induam illum tunica tua,
et cingulo tuo confortabo eum; et potestatem tuam dabo in manu eius, et
erit quasi pater habitantium hierusalem, et domui iuda. et dabo clauem
domus dauid super humerum eius; et aperiet et non erit qui claudat; et
claudet et non erit qui aperiat. et figam illum paxillum in loco fideli,
et erit in solio domus patris sui. et suspendent super eum omnem
gloriam domus patris eius, uasorum diuersa genera, omne uas paruulum a
uasis craterarum usque ad omne uas musicorum. in die illo dicit dominus
exercituum: auferetur paxillus qui fixus fuerat in loco fideli, et
frangetur et cadet; et peribit quod pependerat in eo, quia dominus
locutus est. lxx: haec dicit dominus sabaoth: uade ad pastophorion ad
somnam quaestorem, et dices ei: quid tu hic? aut quid tibi est hic?
quoniam excidisti tibi sepulcrum, et fecisti tibi in excelso memoriam;
et descripsisti tibi in terra tabernaculum?
ecce dominus sabaoth eiciet et conteret uirum, et auferet stolam et
coronam tuam gloriosam, et proiciet te in regionem magnam et absque
mensura, et ibi morieris. et ponet currum tuum optimum in ignominiam, et
domum principis tui in conculcationem. et aufereris a dispensatione
tua, et de gradu tuo. et erit in die illa, uocabo puerum meum eliacim
filium helciae, et induam illum stola tua, et coronam tuam dabo illi
fortiter, et dispensationem tuam dabo in manus eius, et erit quasi pater
habitatoribus hierusalem, et iudae, et dabo gloriam domus dauid ei, et
principabitur, et non erit qui contradicat. et dabo clauem domus dauid
super humerum eius, et aperiet, et non erit qui claudat; et claudet, et
non erit qui aperiat. et constituam eum principem in loco fideli et in
solium gloriae domus patris eius et erit confidens super eum omnis
gloriosus in domo patris sui a minimo usque ad maximum. omne uas
paruulum a uasis aganoth; et pendebunt super eum. in die illa haec dicit
dominus sabaoth: mouebitur homo qui stabilitus erat in loco fideli; et
auferetur, et corruet, et disperibit gloria quae erat in eo, quoniam
dominus locutus est. praecipitur esaiae prophetae ut ingrediatur ad eum
qui habitat in tabernaculo, quod hebraice dicitur sochen, ad sobnam
praepositum templi, siue ut lxx transtulerunt, tamian~g, hoc est
quaestorem et dispensatorem thesaurorum domus dei. sochen autem uel
tabernaculum interpretatur uel pastophorion, hoc est thalamus, in quo
habitat praepositus templi. quis est autem alius, qui habitauit in
tabernaculo iudaeorum et in domo quondam dei, nisi iudaicae legis sermo
et traditio, quae in ueteris instrumenti lectione uersata est? huic
itaque traditioni dicitur atque doctrinae: quid hic agis? cur tibi uis
aedificare domum in occidente littera, et tabernaculum tuum, quod non
habet fundamentum, in petrae figere firmitate; quod non tam tabernaculum
et domus, quam sepulcrum et memoria appellandum est? propterea autem
tibi dico, quod in excisione sepulcri non debeas laborare, quia
transferet dominus sacerdotium tuum, sicut transferri solet geber, quod
omnes uirum interpretati sunt. hebraeus autem qui nos in ueteris
instrumenti lectione erudiuit, gallum gallinaceum transtulit. sicut,
inquit, gallus gallinaceus humero portitoris de alio loco transfertur ad
alium, sic te dominus de loco tuo leuiter asportabit, et qui quondam
habebas coronam pontificis, et sanctificationem in auri lamina, in qua
erat scriptum nomen dei, coronaberis tribulatione et angustia. et
quomodo si sphaera mittatur in decliui loco atque spatioso, stare non
potest, sed in immensum uoluitur. sic omnis populus tuus in orbis
terminos dispergetur. ibi que morieris cum littera tua, et omnis gloria
tua, et currus quibus inclutus antea ferebaris; et domus dei splendor
uertetur in ignominiam. auferet enim te dominus de statione tua, et de
ministerio tuo, hoc est caeremoniis uictimarum, ut impleatur illud quod
scribitur ad hebraeos: translato enim sacerdotio, necesse est ut legis
translatio fiat. cum autem tu eiectus fueris de ministerio tuo, uocabo
puerum meum eliacim, cui dixi et in alio loco: magnum tibi est uocari te
puerum meum. eliacim interpretatur resurgens deus, siue dei
resurrectio. iste igitur resurgens deus, qui est filius helciae, id est
partis domini, accipiet locum tuum, tua que induetur stola, et cingulo
tuo confortabitur, ut quod tu habebas in littera, ille possideat in
spiritu, et erit pater habitantium in hierusalem, hoc est in uisione
pacis, quae interpretatur ecclesia, et domui iuda, ubi est fidei uera
confessio. unde ipse ad apostolos loquitur: filioli, adhuc modicum uobis
cum sum. et ad alium: fili, dimittuntur tibi peccata tua. et ad aliam:
filia, fides tua te saluam fecit. dabo, inquit, ei clauem domus dauid,
qui aperit, et nemo claudit; qui claudit, et nemo aperit. et haec ipsa
clauis erit super humerum eius, hoc est in passione, iuxta illud quod in
alio loco scribitur: cuius principatus super humerum eius. quod enim
ille sua passione reserauerit, claudi non poterit; et quod clauserit in
caeremoniis iudaeorum, a nullo alio aperietur. figam enim illum paxillum
in loco fideli, ubi conuentus fidelium est.
unde et credentes in christo fideles appellantur. et erit in solium
gloriae domus patris sui, hoc est ecclesiae; et suspendent super eum
omnem gloriam domus patris eius. unde et in euangelio scribitur: omnis
populus pendebat ex eo. quod quidem non illo tantum tempore factum est,
sed usque hodie impletur, ut pendeant ex eo quasi uasa diuersa dei,
sapientia et iustitia, et omnia quibus christus appellatur. uasorum
diuersa genera, pro quibus aquila interpretatus est sasaim et sephoth,
quod symmachus uertit nepotes atque commixtos: ut et apostoli, et omnes
credentes, hoc est filii filiorum, et commixti de uniuersis gentibus
pendeant super eum. a uasis craterarum, pro quibus theodotio aganoth
posuit, et parui enim et magni in dominum credituri sunt. crateras autem
puto esse apostolos plenos uitalibus aquis. de quibus dicitur:
benedicite deum de fontibus israel, in quibus crateribus miscuit
sapientia uinum suum. et omne, inquit, uas musicorum, eorum qui omni
tempore in dei laudes personant. quod sequitur, uidetur sensui nostro
esse contrarium, quomodo paxillus iste, qui fixus fuerat in loco fideli,
auferatur et frangatur; et cadat et pereat quod pependerat in eo, et
hoc fiat quia dominus locutus est. quod ita solui potest si legamus
illud euangelii, quod in nouissimis diebus refrigescat caritas multorum;
et ipse dominus dicat: putas filius hominis ueniens inueniet fidem
super terram? non ergo paxillus frangetur et cadet et peribit, quod
impium est dicere. sed paxillus auferetur de loco fideli, hoc est de
ecclesia, per impietatem cotidie subcrescentem, et qui super eum ante
pependerant fide, postea infidelitate frangentur et cadent et peribunt.
hoc autem fiet in diebus nouissimis, quia dominus locutus est. pro
paxillo, qui hebraice dicitur iathed, et ab omnibus similiter effertur,
soli lxx supra principem, hic hominem interpretati sunt. quod que nos
celeritate dictandi paene praeteriit. sobnas interpretatur conuertere
nunc, siue conuersio. dicitur ergo ad principem iudaeorum ut conuertatur
de lege ad euangelium; et uictimarum imaginibus derelictis, transferat
se ad spiritalis sacrificii ueritatem.
23. uerbum tyri. quid nobis uideretur super onere uel uerbo et
assumptione tyri iuxta hebraeos, supra in libro decem uisionum
historicae explanationis diximus. nunc omnem contra tyrum prophetiam
secundum anag�g�n~g, et editionem lxx breuiter percurremus. tyrus lingua
hebraea sor dicitur, et in nostrum sermonem transfertur angustia. omnis
igitur anima uitiis occupata et prauis cogitationibus, sor appellari
potest. ululate naues carthaginis, quia perierunt et ultra non uenient.
de terra citiorum ducta captiua est. cui similes facti sunt habitatores
insulae, negotiatores phoenicis, transfretantes mare in aquis multis,
semen negotiatorum quasi messium illatarum, negotiatores gentium. pro
carthagine in hebraeo scribitur tharsis quod omnes similiter
transtulerunt. tharsis autem interpretatur contemplatio siue exploratio
gaudii. citii quoque, quod hebraice dicitur chetim, interpretatur mare
congelascens; et pro phoenice apud eos sidon legitur. arguuntur itaque
hi quos malarum cogitationum turba circumdat, et qui uolentes iuxta
apostolum diuites fieri, incidunt in temptationes et laqueos diaboli, et
desideria multa inutilia et noxia, quae detrahunt homines in profundum.
et dicitur eis quod ululare debeant, scientes omnes negotiationes mundi
huius esse perituras, et contemplationem gaudii atque laetitiae in
luctum lacrimas que uertendam. mare enim hoc ultra non poterit nauigari;
sed omnia congelascent, et coloniae tyriorum captiuae ducentur in
poenas. nulli enim alii similes sunt qui habitant in insula ista, nisi
negotiatoribus, siue translatoribus qui circumferuntur omni uento
doctrinae, et de aliis ad alia uitia transeunt. habitamus autem in
insula, quamdiu temptationibus huius saeculi tundimur. et ex omni parte
nostra insula atque nauicula maris feritur fluctibus. huius autem
insulae negotiatores de sidone sunt, quae interpretatur uenatrix, et in
qua habitant plurimi uenatores. de quibus scriptum est: liberabit te de
laqueo uenantium. et in alio loco laetatur sanctus, quod de eorum
insidiis liberatus sit dicens: anima nostra sicut passer erepta est de
laqueo uenantium. omnes autem negotiatores gentium segetibus
comparantur, quae cito arescunt, siue messibus fluminis quae de caelo
non habent pluuiam, sed de terra; ideo que cum gentibus periturae sunt.
ubi nos legimus, semen negotiatorum, in hebraeo scriptum est: semen
sior, quod subauditur nili, eo quod aquas turbidas habeat quibus aegypti
segetes irrigantur.
erubesce, sidon, dixit mare; fortitudo autem maris ait: non
parturiui neque peperi, neque enutriui iuuenes neque exaltaui uirgines.
cum autem auditum fuerit in aegypto, apprehendet eos dolor super tyro.
saeculi huius mare, in quo habitant animalia parua cum magnis, et draco
quem plasmauit deus ad illudendum ei, uidens a uenatoribus christi - qui
de omni monte uenantur et colle - captos, qui prius a daemonibus capti
fuerant, loquitur ad contrariam fortitudinem uenatorum, quae
interpretatur sidon, et dicit ei: erubesce, sidon; non enim parturiui
neque peperi, nec captos a te enutriui iuuenes, nec eleuaui uirgines
quarum stultitia in euangelio condemnatur. mea enim parturitio et
partus, et nutrimentum et eleuatio uirginum, apostolorum christi
parturitione deleta est; quorum unus loquebatur: filioli mei, quos
iterum parturio, donec christus formetur in uobis. et: lac uobis potum
dedi, non escam. et rursum: uolo autem uos omnes uirginem castam
exhibere christo. cum hoc aegyptus audierit, quae hebraice dicitur
mesraim, quod interpretatur ekthlibousa~g, id est tribulans et
coarctans, etiam ipsa terrebitur, se quoque intellegens eadem quae tyrus
passa est, esse passuram. quod cum ad omnia uitia referatur, potest et
in haereseon diuersitate sentiri, quando alia capta haeresi, alia
pertremiscit, et in alterius confusione alter se capiendum esse sentit.
quomodo autem de sodomis dicitur: quoniam si facta fuissent signa in eis
quae facta sunt in capharnaum, mansissent usque hodie; et infertur:
uerumtamen sodomis tolerabilius erit in die iudicii quam uobis. sic de
tyro et sidone discimus saluatore dicente: uerumtamen tyro et sidoni
leuius erit in die iudicii quam ciuitati illi. unde et chananaea quae ad
precationem christi, filiam, id est animam suam, grauissimo daemonio
uexari intellegebat, exisse dicitur de finibus tyri et sidonis. neque
enim poterat aliter occurrere saluatori, nisi tyri et sidonis terminos
reliquisset.
ite carthaginem; ululate qui habitatis in insula hac. nonne haec
est contumelia uestra a principio antequam traderetur? quod que
sequitur: (signum_asterisci) deducent eam pedes eius longe ad
peregrinandum, (signum_metobeli) de hebraico additum est et asterisco,
id est stellis illuminantibus, praenotatur. o tyrii qui habitatis in
angustia et in insula commoramini, qui ex omni parte expositi estis
temptationum fluctibus, recedite de ea, et ite ad carthaginem, id est
tharsis, atque ad uerum gaudium festinate, lugentes antiqua peccata et
ueterem contumeliam, quam aut ipsi aliis inferebatis, aut patiebamini ab
illis. hoc autem ideo praecipio, quia tyrum urbem uestram de suis
sedibus et proposito cernitis ad terminos alios migraturam, quando
ueteri errore deposito, euangelio saluatoris colla submiserint, ut qui
prius habitabant in angustia, recedant longius, et aduenae sint atque
incolae doctrinae domini saluatoris.
quis cogitauit haec super tyrum? numquid minor est, aut non
praeualet? negotiatores eius principes chanaan, incluti terrae. dominus
sabaoth cogitauit dissoluere omnem contumeliam gloriantium, et
dehonestare omne quod inclutum est super terram.
uerbum chanaan de theodotionis editione additum est, pro quo aquila
negotiatores transtulit. interrogat ergo spiritus sanctus, immo
interrogatione confirmat, quod dominus haec aduersum tyri principes
cogitarit, quorum omnis industria est negotiationibus opes quaerere. et
quomodo in euangelio legimus institores margaritarum, qui omnibus
uenditis unam cupiunt emere margaritam, et utique appellandi sunt
incluti negotiatores non terrae, sed caeli; sic e contra negotiatores
tyri, hoc est tribulationis et angustiae, appellandi sunt incluti
terrae, quia quidquid agunt, terram respicit, et principes chanaan, quod
interpretatur fluctuantes atque commoti. non enim statuunt supra petram
pedes suos, nec potest de eis dici: petra refugium herinaciis siue
leporibus; sed illud potius quod iustus paene passus est, sustinent: mei
autem paene moti sunt pedes; paene effusi sunt gressus mei. dominus
ergo exercituum hoc consilium cogitauit, ut dissolueret pessima
negotiatorum uincula, immo compactam iniuriam dissiparet, per quam
cuncti qui tyro subditi sunt superbiunt. quod que intulit: et
dehonestare omne quod gloriosum est super terram, non dominus
dehonestamenti auctor est, sed quod per se ignominiae patet, ostendit
esse ignominiosum. quod quidem et de sacerdotibus in leuitico legimus:
contaminatione contaminabit eum, haud dubium quin sacerdos, non quo
contaminationis auctor sit, sed quo ostendat eum contaminatum, qui prius
mundus plurimis uidebatur.
operare terram tuam; etenim naues nequaquam ueniunt de
carthagine, et manus tua nequaquam praeualet, quae in mari prouocat
reges. multum a ceteris interpretibus et ab ipso hebraico in hoc loco
lxx discordat editio, sed propositum prosequamur. supra dixerat: ite
carthaginem, ululate qui habitatis in insula. nunc contrarium loquitur,
quia naues de carthagine ultra non ueniunt, operare terram tuam. profuit
enim tyro naues interire peregrinas, ut cogatur operari terram suam. de
qua in prouerbiis dicitur: qui operatur terram suam, saturabitur
panibus, ut nequaquam de incerto fluctuum naufragorum que discrimine,
sed operis sui uiuat frugibus. de quibus in psalmis ad iustum canitur:
labores manuum tuarum manducabis. scriptum est in osee, meretricis uias
septas esse a domino spinis, ne sequi possit amatores suos, et hac
necessitate compulsa reuerteretur ad uirum suum pristinum. quod et in
saeculi rebus frequenter animaduertimus, multos qui per prospera et
abundantiam omnium rerum dominum sentire non poterant, intellegere per
inopiam, et conuerti ad opera iustitiae, postquam manus eorum non
praeualuerit felicitate huius saeculi perfrui, quae prius in mari
prouocabat reges, siue iuxta symmachum conturbabat; quorum cor in manu
dei est. atque utinam et nos maris huius negotiatione contempta,
operemur terram nostram, et nequaquam exspectemus naues carthaginis,
siue naues tyri, quae carthaginem ire consueuerant, ne subiciamur
potestati draconis, qui dominatur in mari. sed stabilem gradum figamus
in terram, immo ad caelestia festinantes, operemur terram nostram, ut
hic seminantes, ibi metamus. manus quoque nostra, quae prius in mundi
negotiis uersabatur, et pro potentia ac felicitate etiam reges, id est
sanctos, de statu suo poterat commouere, fiat imbecilla in rebus maris,
ut fortis sit in opere terrae suae.
dominus sabaoth praecepit de chanaan perdere robur eius, et
dicent: nequaquam adicietis iniuriam facere et iniquitatem uirgini
filiae sidonis. tyrum et sidonem esse in terra chanaan et supra
ostendimus, euangelii testimonium proponentes, in quo legitur,
chananaeam mulierem siue syrophoenissam exisse de finibus tyri et
sidonis, et occurrisse domino saluatori. omnis autem anima quae in
saeculi fluctibus posita est, et circumfertur omni uento doctrinae,
chanaan appellanda est, quae interpretatur quasi fluctuatio, siue
commotio. unde et ad senem adulterum dicitur: semen chanaan et non iuda,
species decepit te. prodest igitur tyro et eius angustiis robur perire
chananaeum, ut dicatur habitatoribus eius quod ultra non ualeant
iniurias facere, et opprimere per iniquitatem uirginem filiam sidonis.
quicumque a diabolo capitur in diuersorum perturbatione uitiorum, et
traditur in contumelias ignominiae, ut polluat corpus uoluptatibus et
turpitudine, iste filius uel filia est sidonis. et hoc sciendum quod
sabaoth in hebraico non habetur, et e contrario uirgo de hebraico addita
sit.
si ieris in citios, neque ibi erit requies tibi; et si ad terram
chaldaeorum, et ipsa uastata est ab assyriis. quod que sequitur de
theodotionis editione, sub asteriscis additum est: fundauit eam siim,
statuerunt propugnacula eius; suscitauerunt turrem eius; et absque
asteriscis iungitur: paries eius cecidit. citii interpretantur plaga
consummata siue perfecta. chaldaei in hoc loco: quasi ubera.
assyrii: arguentes. siim etymologiam nec nos potuimus inuenire, et
ceteri interpretes ipso quo apud hebraeos scribitur nomine
transtulerunt. dicitur ergo ad tyrum, quod licet ad citios ire
contendat, et angustiarum suarum plagam uitare, perfectam etiam ibi
requiem inuenire non ualeat. rursum que si cupiat ire ad chaldaeos, et
ubertate eorum ac rerum omnium abundantia perfrui, etiam illos inueniat
desolatos, arguentibus assyriis eorum sterilitatem, iuxta quod et
apostolus tradidit peccatores satanae, ut discant non blasphemare, qui
traduntur in interitum carnis, ut spiritus saluus fiat. chaldaeorum
autem siim fundamenta iecerunt, quos intellego daemones pessimos, qui et
propugnacula et turres superbissimas urbis chaldaeae contra scientiam
domini suscitauerunt. sed omnis eorum aedificatio in ruinas concidit;
sequitur enim, paries eius cecidit. nisi enim dominus aedificauerit
domum, in uanum laborauerunt qui aedificant eam. saepe uidemus in
saeculo de alio quosdam proposito transire ad aliud. uerbi gratia, ut
qui militiam male experti sunt, transeant ad negotiationem. rursum que
causidicos bellatorum arma corripere. mutant industriam, ut mutent
infelicitatem; et nihilominus dispensatione dei his quos saluare
dignatur, omnia nitentibus euenire contraria, ut per inopiam ac miserias
cogantur non in se, sed in creatore suo habere fiduciam.
ululate naues carthaginis, quoniam periit fortitudo uestra. naues
carthaginis, id est tharsis, iubentur ululare; nequaquam enim, ut
supra, perierunt, siue non uenient; sed periit fortitudo earum. tharsis
enim secundum aliam interpretationem in linguam nostram uertitur
consummatio sex, siue laetitiae, in sex autem diebus mundum istum factum
legimus, qui iuxta traditiones ecclesiasticas postea consummabitur.
omnia ergo bona saeculi huius, et uniuersus mortalium labor, incerto
nauium cursui comparatur, quod cito peritura sint, et cuncta nauigantium
fortitudo soluatur. unde et in salomone scriptum est: ciuitates firmas
ascendit sapiens; et destruxit munitiones earum. quidquid enim
haereticorum et sapientiae saecularis, contrariorum que dogmatum arte
componitur, uir ecclesiasticus destruit, et suis docet pedibus esse
subiectum.
et erit in die illa, derelinquetur tyrus septuaginta annis, sicut
tempus regis unius; sicut tempus hominis. et post septuaginta annos
erit tyrus quasi canticum meretricis. sume citharam, uagare, ciuitas
meretrix, obliuioni tradita. bene cithariza, plurimum canta, ut sit tui
memoria. post septuaginta autem annos, uisitationem faciet deus tyri. et
iterum restituetur in antiquum; erit que negotiatio eius omnibus regnis
orbis terrarum super faciem terrae. et erit negotiatio eius, et merces
sancta domino; sed non ipsis congregabitur, sed his qui habitant coram
domino. omnis negotiatio eius comedere et bibere et impleri in
collationem, memoriale coram domino. hoc quod dicitur: memoriale coram
domino; et: super faciem terrae, et: sicut tempus hominis, in hebraico
non habetur, sed in graeco additum est. septuaginta autem annis tyrus
quondam coangustata dimittitur, ut expleto solitudinis tempore, carmen
quondam meretricium uertat in laudes dei, assumens que citharam omnes
chordas habeat concinentes; ut postquam bene concinuerit et multa
cantauerit, fiat eius apud deum memoria, quae propter fornicationem
obliuioni tradita erat; et restituatur in pristinum statum. habeat que
diuitias regnorum totius orbis, et mercedes laboris illius nequaquam
tyriis congregentur; sed his qui habitant in conspectu domini, comedant
que et bibant, et impleantur omnibus bonis quae in conuiuii laetitiam
cunctorum fuerint labore collata. sidonem ac tyrum sermo diuinus ad
paenitentiam cohortatur, et labores eius atque mercedes domino
sanctificandas esse promittit. quis non peccatorum spem salutis habeat,
si tamen bene cecinerit, et uniuersae chordae uirtutum, quae quondam
fuerant relaxatae, in laudes domini componantur?
legimus in quadragesimo quarto psalmo, qui specialiter ad coniunctionem
sponsi et sponsae, id est ad deum saluatorem et ecclesiae pertinet
sacramenta, dici inter cetera: filiae tyri in muneribus faciem tuam
precabuntur diuites plebis. et ipse rursum sponsus ad sponsam tyriam
loquitur: audi, filia, et uide, et inclina aurem tuam; et obliuiscere
populi tui, et domum patris tui, quia concupiscet rex decorem tuum. unde
et in descriptione pulchritudinis eius infertur: astitit regina a
dextris tuis, in uestitu deaurato, circumamicta uarietate. et iterum:
omnis gloria filiae regis intrinsecus. si autem concupiuit rex
pulchritudinem tyriae paenitentis et uariarum habentis ornamenta
uirtutum, quanto magis merces eius et negotiatio, non in tyro
permanentium, sed eorum erit qui habitant in conspectu domini! qui
postquam egerint paenitentiam, audient a domino saluatore: comedite,
amici mei, et bibite, et inebriamini, carissimi. quid sit autem comedere
et bibere, et saturari omnium collatione uirtutum, fidelis lector
intellegit. septuaginta annis desolatum fuisse templum et hieremias et
daniel et zacharias docent. et in hiezechiele de sodoma legimus, quod
restituatur in antiquum, et de aegypto, quod post desolationem terrae
aegypti et ariditatem septem fluminum, ueterem recipiat ubertatem.
septenarius autem et septuagesimus numerus, qui uel de singulis diebus,
uel de septem conficitur decadibus, perfectam significat et consummatam
paenitentiam; ut iuste tyrus, expleto paenitentiae tempore, in antiquum
redeat statum. de hac arbitror meretrice et illud in prouerbiis
salomonis mystico sermone signari: ne attendas pessimam mulierem; mel
enim distillat de labiis mulieris meretricis, quae ad breue impinguat
fauces tuas, et postea amarius felle reperies. per fenestram enim domus
suae in plateas prospicit, quia lata est et spatiosa uia quae ducit ad
mortem, et quemcumque insipientem uiderit iuuenem, sapientes quippe
temptare non audet, et transire iuxta angulos, qui rectam lineam
perdiderunt. loquitur ei in tenebris et in caligine, et sub specie
uoluptatum quasi uictimam ducit ad mortem. haec si conuersa fuerit, et
bene cecinerit, et perfectae paenitentiae annorum tempus impleuerit,
comedet et bibet, et saturabitur. audiat nouatianus, et taceat.
LIBER 8
sextus et septimus superiores libri allegoriam quinti uoluminis
continent, quod olim historica explanatione dictaui. praesens opus, id
est octauus liber, ad coeptam interpretationem reuertitur, ut et
historiam et tropologiam iuxta utramque editionem pariter disserat. quae
si longa tibi uidebitur, o uirgo christi eustochium, non mihi imputes,
sed scripturae sanctae difficultati, praecipue que esaiae prophetae, qui
tantis obscuritatibus inuolutus est, ut prae magnitudine rei, breuem
explanationem putem, quae per se longa est. certe nos studiosis
scribimus, et sanctam scripturam scire cupientibus, non fastidiosis et
ad singula nauseantibus. qui si flumen eloquentiae et concinnas
declamationes desiderant, legant tullium, quintilianum, gallionem,
gabinianum, et ut ad nostros ueniam, tertullianum, cyprianum, minutium,
arnobium, lactantium, hilarium. nobis propositum est esaiam per nos
intellegi, et nequaquam sub esaiae occasione nostra uerba laudari.
24. ecce dominus dissipabit terram, et nudabit eam, et affliget
faciem eius, et disperget habitatores eius; et erit sicut populus, sic
sacerdos; et sicut seruus, sic dominus eius. sicut ancilla, sic domina
eius; sicut emens, sic ille qui uendit; sicut fenerator, sic is qui
mutuum accipit; sicut qui repetit, sic qui debet. dissipatione
dissipabitur terra, et direptione praedabitur; dominus enim locutus est
uerbum hoc. post specialem singularum gentium correptionem, iudaeae,
babylonis, philistiim, moab, damasci, israel, aegypti, deserti maris,
idumaeae et arabiae, uallis uisionis, et ad extremum tyri, in quarum
explanatione quae potuimus diximus, nunc quid totus orbis in
consummatione passurus sit, propheticus sermo describit, et nequaquam de
singulis gentibus, sed de cunctis pariter prophetatur. et primum quidem
quae impii tormenta passuri sint; et quomodo iuxta euangelium et
apostolum pertranseat caelum et terra et figura mundi istius, et
deducantur peccatores in infernum, de quibus scriptum est: ingredientur
ad extrema terrae, tradentur in manus gladii, partes uulpium erunt.
deinde quia pro qualitate meritorum multae sunt mansiones apud patrem,
dicitur quomodo sancti rapiantur in nubibus obuiam domino in aera, et
semper cum eo futuri sint. pro dissipata terra, septuaginta corruptum
orbem interpretati sunt; et pro afflicta facie illius, id est terrae,
iidem transtulerunt: et reuelabit faciem eius, ut procedant mortui de
sepulcris suis. siue nudabit eam, ut omnia opera eius proferantur in
publicum, et dispergantur habitatores eius in diuersa loca, praemiis uel
suppliciis destinati. tunc nulla erit diuersitas inter nobilem et
ignobilem, sacerdotem et laicum, seruum et dominum, ancillam et dominam,
diuitem et pauperem, feneratorem et eum qui aere alieno premitur,
ementem atque uendentem. omnes enim ex aequo stabunt ante tribunal
christi, nec erit acceptio personarum apud deum.
de quo et iob eisdem propemodum uerbis loquitur: paruus et magnus ibi
sunt, et seruus non timens dominum suum. et saluator in euangelio, cui
omne iudicium traditum est, pleno sermone testatur. dissipabitur ergo
terra, et omnia terrena opera redigentur ad nihilum, ut abolita imagine
choikou~g, permaneat imago supercaelestis. primus enim homo de terra
terrenus, et secundus de caelo caelestis; qualis terrenus, tales et
terreni; et qualis supercaelestis, tales et supercaelestes; ut sicut
portauimus imaginem terreni, portemus et imaginem supercaelestis. unde
idem apostolus loquitur: caro et sanguis regnum dei non possidebunt. non
quod secundum haereticos dispereat natura corporum, sed quod
corruptiuum hoc induat incorruptionem, et mortale hoc induat
immortalitatem. et haec omnia fient, quia quod futurum est, per
prophetas dominus locutus est.
luxit et defluxit terra, et infirmata est; defluxit orbis,
infirmata est altitudo populi terrae, et terra interfecta est ab
habitatoribus suis. lxx: luxit terra, corruptus est orbis, luxerunt
excelsi terrae, terra autem egit impie propter habitatores suos. deus
superbis resistit, et humilibus dat gratiam. unde prima sententia est
contra eos, qui excelsi sunt terrae, ut infirmentur uniuersa quae nunc
fortia sunt propter eos qui sanguinem sanguini miscuerunt, et in morem
sanguinis abel, interfectorum cruorem ad deum clamare fecerunt.
quia transgressi legem sunt, mutauerunt ius, dissipauerunt foedus
sempiternum. propter hoc maledictio uorabit terram, et peccabunt
habitatores eius; ideo insanient cultores eius, et relinquentur homines
pauci. lxx: quia praeuaricati sunt legem, mutauerunt praecepta,
testamentum aeternum. propter hoc maledictio uorabit terram, quia
peccauerunt habitatores eius; ideo pauperes erunt habitatores terrae, et
dimittentur homines pauci. audiant iudaei, qui se solos legem accepisse
domini gloriantur, quod uniuersae primum gentes totus que orbis
naturalem acceperit legem, et idcirco postea lex data sit per moysen,
quia prima lex dissipata est. de qua apostolus loquitur: cum enim
gentes, quae non habent legem, naturaliter ea quae legis sunt faciunt,
isti legem non habentes, ipsi sibi sunt lex; qui ostendunt opus legis
scriptum in cordibus suis. qui igitur has leges obseruauerint, praemia
consequentur; qui autem neglexerint eas, sustinebunt quae nunc sermo
propheticus comminatur. et quomodo in principio benedixit deus omni
creaturae quam fecerat. sic in consummatione mundi maledicet his qui
terreni sunt, et non fuerint peregrini, sed habitatores terrae, et in ea
peccauerint, qui obliti conditionis suae, contra se mutuo furore
bacchati sunt. et pauci remanebunt qui habeant imaginem supercaelestis.
siue, iuxta lxx: pauperes erunt habitatores terrae, quia spiritales
diuitias perdiderunt.
luxit uindemia, infirmata est uitis, ingemuerunt omnes qui
laetabantur corde. cessauit gaudium tympanorum, quieuit sonitus
laetantium, conticuit dulcedo citharae, cum cantico non bibent uinum,
amara erit potio bibentibus illam. attrita est ciuitas uanitatis, clausa
est omnis domus nullo introeunte. clamor erit super uino in plateis,
deserta est omnis laetitia, translatum est gaudium terrae. et relicta
est in urbe solitudo, et calamitas opprimet portas, quia haec erunt in
medio terrae, in medio populorum. in consummatione mundi, praeteritarum
deliciarum recordatio erit materia cruciatuum. unde et diues ille in
conuiuio purpuratus, qui receperat bona sua in uita sua, eleuans oculos
suos de inferno, lazarum cernit in requie. et dominus increpans diuites
et luxuriosos atque ridentes, loquitur in euangelio: uae uobis diuites,
quoniam recepistis consolationem uestram.
uae uobis qui nunc saturati estis, quoniam esurietis. uae uobis qui nunc
ridetis, quia lugebitis et flebitis. quando igitur fuerit resurrectio
mortuorum, et iudicii aduenerit dies, tunc lugebit uinum atque uindemia,
de qua moyses loquitur: de uinea sodomorum uinea eorum, propago eorum
de gomorra. uua eorum uua fellis, botrus amaritudinis eorum. furor
draconum uinum eorum, et furor aspidum insanabilis. tunc omnis potio,
siue ut hebraice dicitur, sicera, id est ebrietas, quae statum mentis
euertit, et homines uigilare non patitur, amaritudine commutabitur, quae
ad tempus utentibus se mella mentitur, et in nouissimo amarior felle
reperietur. tunc omnis dulcedo laetantium et tympanorum ac citharae
sonitus in planctum uertetur ac gemitum. ingeramus hoc testimonium his
qui in conuiuiis non solum gula et ebrietate, sed et auribus luxuriant,
ut per omnes sensus animae fortitudo mollescat. atteretur ciuitas
uanitatis, siue omnis ciuitas, uel spiritalis babylon, quae sedet in
septem montibus purpurata, cuius supplicia in apocalypsi ioannis
legimus. pulchre que dixit urbem uanitatis. si enim de caelo et terra et
de omnibus quae terrena sunt dicitur: uanitas uanitatum, et omnia
uanitas; quanto magis hoc de una urbe dicendum est, quae totius orbis
pars modica est. tunc domus quarum nunc sunt aurata laquearia, et
pauperibus absque tecto et tugurio frigore morientibus, parietes earum
uestiuntur marmorum crustis, et secti eboris nitore resplendent,
remanebunt uacuae. clamor erit in plateis super uino, non in arcta et
angusta uia quae ducit ad uitam, sed in lata et spatiosa, quae ducit ad
mortem. super uino et ebrietate erroris eorum, qui dormierunt somnum
suum, et nihil inuenerunt omnes uiri diuitiarum in manibus suis.
translatum est quippe in caelos gaudium terrae, et relicta est in urbe
quondam celeberrima solitudo, et portas uiarum frequentium per quas
populorum influebant agmina, opprimet habitatorum calamitas. et ut
sciremus perspicue de totius orbis interitu nuntiari, intulit: haec
erunt in medio terrae: in medio gentium siue populorum.
quomodo si paucae oliuae, quae remanserunt, excutiantur ex olea,
et racemi cum fuerit finita uindemia. hi leuabunt uocem suam atque
laudabunt, cum glorificatus fuerit dominus, hinnient de mari. propter
hoc in doctrinis glorificate dominum; in insulis maris nomen domini dei
israel. quantum ab hebraica ueritate in hoc loco lxx distet translatio,
sequentia uerba monstrabunt. lxx: quomodo si quis excutiat oliuam, sic
excutient eos; et si quiescat uindemia, isti clamore uociferabuntur. qui
autem relicti fuerint super terram, laetabuntur simul cum gloria
domini, conturbabitur aqua maris, propterea gloria domini in insulis
erit maris, nomen domini gloriosum erit, domini dei israel. relictis
hominibus paucis, quando maledictio uorauerit terram, et in urbe fuerit
solitudo, et haec uniuersa contigerint in medio terrae, in medio
populorum et gentium, tanta erit sanctorum paucitas, de quibus dominus
loquitur in euangelio: multi uocati, et pauci electi. et tam uehemens
pressura iustorum, ut temptentur, si fieri potest, etiam electi dei. et
paucitas eorum baccis oliuarum rarissimis comparetur, quae cum excussae
fuerint atque demessae, uix paucae remanent in ramorum cacumine; et
quomodo cum fuerit finita uindemia, solent pauperes, egestate cogente,
uacuas circuire uites, et pauca uuarum grana colligere. hi igitur qui
remanserint, et post uindemiam mundi atque pressuram, manus quiuerint
antichristi persequentis effugere, siue poenae imminentis ardores,
leuabunt uoces suas in sublime, deum que laudabunt. quando uenerit
dominus in gloria patris sui, cum angelis sanctis, et eum uiderint in
sua maiestate regnantem, tunc hinnient in equorum similitudinem,
laetitiae magnitudine gestientes, et hinnient de mari huius saeculi.
propterea qui nunc in scripturis sanctis eruditi estis, et scitis uobis
tantum gaudium tanta que praemia reseruari, in doctrinis glorificate
dominum, audientes illud quod scriptum est: qui gloriatur, in domino
glorietur. nequaquam in terra iudaeae, sed in insulis, id est in
ecclesiis huius maris et saeculi, in quibus benedicitur atque laudatur
nomen domini dei quondam israel, siue hominis uidentis deum. iuxta lxx,
omnia quae de sanctis intelleximus, referri possunt ad impios, quod cum
fuerit finita uindemia, tunc illi clament in suppliciis constituti.
qui autem euaserint impiorum numerum laetentur in gloria domini, et
conturbentur aquae populorum huius saeculi.
a finibus terrae laudes audiuimus, gloriam iusti, et dixi:
secretum meum mihi, secretum meum mihi; uae mihi. lxx: ab alis terrae
portenta audiuimus: spes iusto, et dicent (signum_asterisci) mysterium
meum mihi. (signum_metobeli) hoc quod dicitur mysterium meum mihi, in
lxx non habetur, sed de theodotionis translatione in graeco additum est.
rursum pro eo quod illi posuerunt uae, ut sequenti uersiculo
iungeretur, in hebraico dicitur oi li, quod proprie sonat: uae mihi. pro
finibus quoque quod nos propter explanationem sensus apertius posuimus,
in hebraico habetur mecchenaph, quod alam, non finem, sonat. hi ergo,
de quibus supra dictum est: leuabunt uocem suam atque laudabunt, cum
hinnierint de mari, et in doctrinis glorificauerint dominum, et uiderint
in insulis maris laudari nomen domini dei israel, tunc consona uoce
cantabunt, et dicent: ab alis terrae, hoc est a prophetis et a sanctis
domini, qui assumptis alis columbae, ad caelorum regna festinant, laudes
eius audiuimus praedicari; et quod gloria uel spes iusti non sit
irrita, sed rebus omnia compleantur. dicentibus itaque haec sanctis, et
hinnientibus de mari, et leuantibus uocem suam atque laudantibus,
propheta sibimetipsi loquitur: cum, inquit, haec audissem, et in
subuersionem orbis uaticinium prophetarum explendum esse perspicerem,
locutus sum mihi interno cordis affectu. non possum cuncta narrare quae
cerno. haeret lingua faucibus meis, uox dolore concluditur. uae mihi,
quantus ordo poenarum ante oculos uersatur meos! cerno praesentia quae
futura sunt. errant autem qui hoc putant ex persona dei debere
intellegi, rerum ordinem non sequentes. miror que quo sensu pro psalmis,
et laudibus, quod in hebraico legitur zemroth, lxx portenta
interpretati sunt, nisi forte signum est atque portentum, ut excluso
populo iudaeorum, incredula prius gentium turba saluetur.
praeuaricantes praeuaricati sunt, et praeuaricatione
transgressorum praeuaricati sunt. formido et fouea et laqueus super te,
qui habitator es terrae; et erit, qui fugerit a uoce formidinis cadet in
foueam, et qui se explicuerit de fouea, tenebitur a laqueo. lxx: uae
praeuaricatoribus qui praeuaricantur legem. timor et fouea et laqueus
super uos qui habitatis terram. et erit, qui fugerit timorem, cadet in
foueam, et qui exierit de fouea, capietur laqueo. haec est causa luctus
et gemitus mei, propter quam secundo dixi: secretum meum mihi, secretum
meum mihi, quia omnes praeuaricati sunt legem dei, et nequaquam domini
poena differtur, nec futura praedicitur, sed imminet, et habitatores
terrae captos tenet. cum que se putauerint fugisse, ex alio incident in
aliud, et quocumque se uerterint, impendentem iram domini non euadent.
quia cataractae de excelsis apertae sunt, et concutientur
fundamenta terrae. confractione confringetur terra, contritione
conteretur terra, commotione commouebitur terra. agitatione agitabitur
terra sicut ebrius, et auferetur quasi tabernaculum unius noctis, et
grauabit eam iniquitas sua, et corruet, et non adiciet ut resurgat.
propterea formidinem et laqueum et foueam domini nullus euadet, quia
cataractae de excelsis, siue ut lxx manifestius transtulerunt: fenestrae
caeli, apertae sunt, ut despiceret dominus hominum uniuersa peccata,
quae prius, quia non puniebat, uidebatur peccatoribus ignorare. postquam
autem apertis fenestris uidit cuncta opera mortalium, concussa sunt
fundamenta terrae, iuxta illud quod in alio loco de dei intuitu scriptum
est: qui respicit terram, et faciet eam tremere; tunc confringetur et
conteretur, et commouebitur atque agitabitur terra in similitudinem
ebrii; non quod ipsa terra redigatur in puluerem et in nihili; sed quod
uniuersa terrena pertranseant et succedat alia conuersatio. et quomodo
ebrius nescit quid agat, sed hebescentibus ebrietate neruis, nec pes nec
mens stat in suo officio. sic omnis terra, id est omnes homines qui
uersantur in terra, malorum magnitudine atque poenarum ebrii erunt, et
stupebunt ad cuncta quae cernent. et sicut unius noctis tabernaculum
atque tentorium transfertur de loco in locum, et locus tentorii pristini
a uiatore deseritur, ita ut nullum uestigium remaneat praeteritae
mansionis, sic transibit figura huius mundi et erit terra deserta quae
grauata est iniquitate sua, cuius pondus et grauissimum onus in zacharia
scribitur: quae sedebat super talentum plumbi. et corruet, inquit, et
non adiciet ut resurgat. non quod resurrectio negetur hominum, et omnium
qui uersabantur in terra, sed nequaquam erit terrena conuersatio et
pristinae uitae status, cum ad hoc humana resurgant corpora, ut animae
eisdem, quae prius deposuerant, corporibus uestiantur, et recipiant a
deo siue bona siue mala, quae egerunt super terram.
et erit in die illa, uisitabit dominus super militiam caeli in
excelso, et super reges terrae qui sunt super terram. et congregabuntur
in congregationem unius fascis in lacum, et claudentur ibi in carcere,
et post multos dies uisitabuntur. et erubescet luna et confundetur sol,
cum regnauerit dominus exercituum in monte sion et in hierusalem, et in
conspectu senum suorum fuerit glorificatus. pro eo quod nos interpretati
sumus: et erubescet luna et confundetur sol, septuaginta transtulerunt:
liquefieri laterem et cadere murum; quae autem erroris causa sit,
sequentia uerba monstrabunt. sol lingua hebraica tribus generibus
appellatur: semes, et hamma, quod interpretatur calor, et heres, quod
ostrakon~g, id est testam uel ariditatem sonat. maor autem, quod graece
ph�st�r~g, latine dicitur luminare soli lunae que commune est. rursum
luna uocatur iaree, quae graece dicitur m�n�~g, eo quod triginta dierum
circuitu mensem efficiat, et labana, id est alba uel candida. in
praesenti igitur loco pro labana, id est luna, septuaginta interpretati
sunt laterem, qui hebraice appellatur lebena, uerbi ambiguitate decepti.
rursum pro hamma, id est calore, per quod intellegitur sol, posuerunt
murum, qui hebraice dicitur homa. est autem hic sensus totius capituli:
fenestrae caeli apertae sunt, ut prospiciente domino terrena peccata,
omnis figura terrenorum operum praeteriret et corrueret, et nequaquam
ultra in pristinum statum resurgeret. in die illa, hoc est in die
iudicii, uisitabit dominus super militiam, siue super ornatum caeli in
excelsis, ut non solum terrena, sed et caelestia iudicet. quid sit autem
ornatus caeli siue militia, moyse scribente, discamus: caue ne
suspiciens caelum, et uidens solem et lunam, stellas et omnem ornatum
caeli, decipiaris, et adores ea. uisitabit autem dominus, secundum
idioma scripturarum, quasi aegrotantem militiam, et exercitum caeli, et
ferro et cauteriis indigentem, secundum illud: uisitabo in uirga peccata
eorum, et in flagellis iniquitates eorum. nam et in sequentibus
legimus: inebriatus est gladius meus in caelo. et in iob: astra non sunt
munda in conspectu eius. et: aduersum angelos suos peruersum quid
reperit. uisitabit quoque super reges et principes terrae, rectores
tenebrarum istarum, et spiritalia nequitiae in caelestibus. de quibus
principibus diuersis prouinciis praesidentibus et in daniele scriptum
est: exiit in occursum mihi princeps regni persarum, et princeps regni
medorum, et princeps regni graecorum. hos igitur principes, qui suum non
seruauerunt gradum, congregabit dominus in die iudicii, quasi in uno
fasce pariter colligatos, et mittet in lacum inferni, ut in illis quoque
impleatur quod de impiis scriptum est: lacum aperuit, et effodit eum,
et incidit in foueam quam fecit. et includentur in carcerem, iuxta illud
quod ait dominus: ite in ignem aeternum, qui praeparatus est diabolo et
angelis eius. quod autem sequitur: et post multos dies uisitabuntur,
uidetur applaudere amicis meis, qui diabolo et daemonibus dant
paenitentiam, quod multa post tempora a domino uisitentur. sed
considerent quod non dixerit aperte scriptura diuina: uisitabuntur a
domino, uel uisitabuntur ab angelis, sed absolute, uisitabuntur. ex qua
ambiguitate uerbi et remedium potest intellegi et correptio, quod
postquam iusti praemia receperint, illi in poenis perpetuis uisitentur.
est tamen sciendum, quod iudicium dei humana non possit scire
fragilitas, nec de poenarum magnitudine atque mensura ferre sententiam,
quae domini arbitrio derelicta est. tunc erubescet luna et confundetur
sol, iuxta illud quod apostolus ait: etenim creatura ipsa congemiscit et
parturit, cernens homines qui suo fruebantur lumine, nihil dignum dei
bonitate fecisse, qui solem suum oriri facit super iustos et iniustos.
quomodo si dispensator et uillicus, ueniente domino, cernat familiam
uariis subici cruciatibus, et nequaquam sua implesse praecepta. de hoc
eodem loco plenius saluator in euangelio docet: sol obscurabitur, et
luna non dabit lumen suum, et stellae cadent de caelo, et uirtutes
caelorum mouebuntur, quando apparuerit signum filii hominis in caelo, et
planxerint se omnes tribus terrae, et uiderint filium hominis uenientem
cum nubibus caeli, in uirtute et gloria multa. didicimus subuersionem
terrae, uisitationem militiae caeli, congregationem regum et principum
in unum fascem, et detrusionem in lacum, et custodiam carceris, et
clausorum post longum tempus uisitationem, ruborem lunae et confusionem
solis. post haec omnia regnabit dominus exercituum in monte sion et in
hierusalem caelesti, de qua et in epistola scribitur ad hebraeos. et in
conspectu senum suorum glorificabitur.
qualis senex fuit abraham, qui mortuus est in senectute bona, et
appositus est ad patres suos. quales iubetur et moyses presbyteros
eligere, quos scit esse presbyteros: cani enim hominis sapientia eius,
qui imitantur uetustum dierum, cuius caesaries describitur candida, ut
aetatis longitudo monstretur. potest hoc et de ecclesiastico gradu
intellegi, si tamen non destruant operibus dignitatem.
25. domine, deus meus es tu, exaltabo te, confitebor nomini tuo,
quoniam fecisti mirabilia, cogitationes antiquas fideles; amen. quia
posuisti ciuitatem in tumulum, urbem fortem in ruinam, domum alienorum,
ut non sit ciuitas, et in sempiternum non aedificetur. super hoc
laudabit te populus fortis, ciuitas gentium robustarum timebit te. quia
factus es fortitudo pauperi, fortitudo egeno in tribulatione sua, spes a
turbine, umbraculum ab aestu; spiritus enim robustorum quasi turbo
impellens parietem. sicut aestus in siti, tumultum alienorum humiliabis;
et quasi calore sub nube torrente, propaginem fortium marcescere
facies. lxx: domine deus meus, glorificabo te; laudabo nomen tuum,
quoniam fecisti admirabiles res, consilium antiquum uerum; fiat. quia
posuisti ciuitates in tumulum, ciuitates fortes, ut caderent fundamenta
earum. impiorum ciuitates in aeternum non aedificabuntur. propterea
benedicet tibi populus pauperum, et ciuitates hominum iniquitatem
sustinentium benedicent tibi. fuisti enim omni ciuitati humili
auxiliator, et tristibus propter inopiam protectio; ab hominibus
pessimis liberabis eos. umbraculum sitientium, et spiritus hominum
iniquitatem sustinentium, quasi homines pusillanimes sitientes in sion
ab hominibus impiis, quibus nos tradidisti. duplex huius loci expositio
est. iudaei putant uocem sanctorum esse, populi que credentis, cum deus
aduersum omnem orbem quae supra dicta sunt fecerit et omnium prophetarum
fuerint completa uaticinia; ciuitatem que subuersam romam
interpretantur, quae delenda sit penitus, populum que fortem, qui laudet
dominum, et cui factus sit dominus fortitudo in tribulatione sua et
angustia, referunt ad israel, qui de persecutione gentium quasi in aestu
ardentissimo et in siti sit liberatus. alii uero et melius et rectius
ex persona prophetae dici intellegunt, pro passione domini saluatoris
gratias patri referentis, quod fecerit mirabilia, et cogitationes
antiquas ueritate compleuerit, quando stantes ad dexteram audient:
uenite, benedicti patris mei, possidete praeparatum uobis regnum a
constitutione mundi. quod et paulus intellegens loquebatur: sicut elegit
nos in ipso ante constitutionem mundi, esse nos sanctos et immaculatos.
desiderans que fieri quod prophetat, adiungit uerbum hebraicum amen,
pro quo lxx transtulerunt: fiat. et dominus in euangelio saepe hoc uerbo
abutitur: amen, amen, id est uere, uere, dico uobis. quare autem laudet
et confiteatur nomini domini, et quae sint ista mirabilia, et
cogitationes antiquae, quas ueras opere demonstrauit, sequitur: quia
posuisti ciuitatem in tumulum, urbem fortem in ruinam, domum alienorum,
ut non sit ciuitas, et in aeternum non aedificetur. ciuitas quondam
fortis hierusalem intellegitur, quae facta est domus alienorum; de
quibus saluator dicit in psalmo: filii alieni mentiti sunt mihi, filii
alieni inueterauerunt et claudicauerunt in semitis suis. haec ciuitas
cum destructa fuerit, in aeternum non aedificabitur, ut mille annorum
regnum et aureae hierusalem atque gemmatae somnia conquiescant.
destructa autem hierusalem pro impietate sua, laudabit dominum populus
fortis. quis sit autem populus fortis, sequens uersus ostendit: ciuitas
gentium robustarum timebit te. illis blasphemantibus, gentium populus te
timebit. principium enim sapientiae timor domini. laudabit que te
populus fortis, et ciuitas gentium robustarum timebit te, hoc est
ecclesia de gentibus congregata. quia factus es fortitudo pauperi,
christo tuo, de quo et in psalmis legimus: beatus qui intellegit super
egenum et pauperem. et in zacharia secundum hebraicam ueritatem, pauper,
hoc est ebion, super pullum asinae sedere describitur.
fortitudo egeno, in tribulatione passionis suae, spes a turbine
patibuli, et umbraculum ab aestu, quando locutus est: pater, in manus
tuas commendo spiritum meum. quomodo enim si uentus impingatur parieti
atque pertranseat, sic turbo blasphemantium iudaeorum illi nocere non
potuit. et ut alia utar similitudine, sicut propago grauissimo torretur
aestu atque flaccescit, ita tumultum et clamorem alienorum, hoc est: qui
a te alieni facti sunt, marcescere facies et perire. iuxta lxx
interpretes, non dico sensum, sed uerborum ordinem et consequentiam, in
hoc loco reperire non potui. et pro eo loco, ubi nos interpretati sumus:
sicut aestum in siti, pro quo in hebraeo scriptum est basaion, quod
apud eos inuium uel sitis dicitur; quare illi pro inuio et in siti
uerterint in sion; error perspicuus est, ob similitudinem uerbi saion et
sion, quod eisdem signatur elementis.
et faciet dominus exercituum omnibus populis in monte hoc
conuiuium pinguium, conuiuium uindemiae; pinguium medullatorum,
uindemiae defaecatae. et praecipitabit in monte isto faciem uinculi
colligati super omnes populos et telam quam orditus est super omnes
nationes. et praecipitabit mortem in sempiternum, et auferet dominus
deus lacrimam ab omni facie, et opprobrium populi sui auferet de
uniuersa terra, quia dominus locutus est. lxx: et faciet dominus sabaoth
omnibus gentibus super montem istum, bibent laetitiam, bibent uinum.
ungentur unguento in monte isto. trade omnia haec gentibus, consilium
enim hoc super omnes gentes; deuorauit mors praeualens. et rursum:
abstulit dominus deus omnem lacrimam ab omni facie, et opprobrium populi
sui abstulit ab omni terra. os enim domini locutum est. pro eo quod nos
uertimus: faciem uinculi colligati super omnes populos, aquila
interpretatus est: faciem tenebrarum super omnes populos. cum que aquila
bis tenebras dixerit, theodotio semel tenebras nominauit, cetera
similiter. pro quo symmachus transtulit: faciem dominatoris qui
dominatur super omnes populos. quid autem uoluerint pro hoc loco
septuaginta dicere: trade omnia haec gentibus, legenti perspicuum est,
quod non scripturae uerba, sed suum sensum posuerint, eo quod omnia
mysteria legis et templi transferenda sint ad ecclesias nationum. post
passionem ergo domini, quando eum a siti et aestu ac turbine
liberauerit, faciet dominus nequaquam populo iudaeorum, sed omnibus
gentibus in monte sion pingue conuiuium, holocausta medullata, et uinum
uindemiae defaecatae, ut praecipitet et absorberi faciat faciem mortis
et uinculi quo omnes populi ligabantur. disrumpet que rete mortis, et
telam quae omnes ceperat nationes. et iuxta apostolum, absorbebitur mors
in perpetuum. et auferet dominus lacrimam ab omni facie, quando morte
superata, christi aduenerit regnum; et opprobrium generis humani, quod
ad imaginem conditum fuerat creatoris, diaboli et mortis effugerit
seruitutem. nec mirum si iuxta symmachum domina appelletur mors, cum
beatus apostolus dixerit: regnauit mors ab adam usque ad moysem, etiam
super eos qui non peccauerunt, in similitudinem praeuaricationis adam.
dominatorem omnium populorum, siue faciem tenebrarum super omnes
populos, et telam quae ordita sit super omnes gentes, quidam
antichristum intellegi uolunt, qui in monte oliueti consumendus sit,
quod et in danielis ultima diximus uisione. iuxta lxx omnibus gentibus
in monte sion conuiuium laetitiae praeparatur, in quo bibent uinum, quod
se dominus cum sanctis suis in regno patris sui bibiturum esse
promisit. et ungentur unguento, ut renati in christo efficiantur populus
nouus; unde dicitur: trade omnia haec gentibus, quae quondam israel in
typo et imagine celebrabat. hoc enim consilium domini est, ut cuncta
transferantur ad gentes, quia mors absorpta est et lacrima omnis
abstersa, et opprobrium uniuersae terrae, christi imperio succedente,
deletum est.
et dicent in die illa: ecce deus noster iste, exspectauimus eum,
et saluabit nos; iste dominus, sustinuimus enim, exsultabimus et
laetabimur in salutari eius. quia requiescet manus domini in monte isto;
et triturabitur moab sub eo sicut teruntur paleae in plaustro. et
extendet manus suas sub eo, sicut extendit natans ad natandum, et
humiliabitur gloria eius cum allisione manuum eius. et munimenta
sublimium murorum tuorum concident et humiliabuntur et detrahentur in
terram usque ad puluerem.
absorpta morte in perpetuum, populus dei qui de manu mortis fuerit
liberatus, dicet ad dominum: ecce deus noster iste, quem increduli
hominem tantum putabant; et exspectauimus eum, hoc est, uerbis eius
credidimus, quia sua promissa compleuit, et saluabit nos. propterea eius
auxilio de faucibus mortis erepti, exsultabimus et laetabimur in eo; et
manus eius atque potentia requiescet in monte isto. de quo supra
legimus: cum regnauerit dominus exercituum in monte sion et in
hierusalem, et in conspectu senum suorum fuerit glorificatus. moab
autem, quod interpretatur de patre, ita conteretur, ut solent plaustro
paleae conteri. hoc iuxta ritum loquitur palaestinae et multarum
orientis prouinciarum, quae ob pratorum et feni penuriam, paleas
praeparant esui animantium. sunt autem carpenta ferrata, rotis per
medium in serrarum modum se uoluentibus, quae stipulam conterunt, et
comminuunt in paleas. quomodo igitur plaustris ferratis paleae
conteruntur, sic conteretur moab sub eo, siue sub dei potentia, siue in
semetipso, ut nihil in eo integri remaneat. et sicut solet qui natat
totum corpus extendere, ita ille de sua potentia allidetur in terram, et
ruens sonitum faciet. omnia quoque munimenta sublimium uirorum illius,
siue murorum, ut in hebraico continetur, concident et humiliabuntur, et
detrahentur in terram usque ad puluerem comminuta. igitur sermo
propheticus licet de consummatione mundi generaliter texat uaticinium,
tamen ne praesentia omnino uideatur neglegere, nominat moab, qui fuit
inimicus israel, in tantum ut faceret eos fornicari cum madianitis, et
consecrari idolo beelphegor, qui interpretatur priapus, contra quem
hieremias loquitur: egredietur chamos in captiuitatem, sacerdotes illius
et principes eius simul. et iterum: confundetur moab in chamos, sicut
confusa est domus israel in bethel, et reliqua his similia. atque ex uno
idolo et daemone, qui huic idolo praesidebat, omnes indicat contrarias
fortitudines humiliandas et deducendas in tartarum, et instar pulueris
conterendas. si autem hoc ita erit, ubi est diaboli paenitentia?
26. in die illa cantabitur canticum istud in terra iuda: urbs
fortitudinis nostrae, saluator ponetur in ea murus et antemurale. lxx:
in die illa cantabunt canticum istud super terram iudaeam: ecce ciuitas
fortis, et salutare nostrum ponet murum et circummurale. cum humiliatus
fuerit moab, et detractus in terram usque ad puluerem, et omnes inimici
substrati christi pedibus, tunc cantabitur canticum istud in terra iuda
siue iudaea, quod interpretatur utrumque confessio, ut quomodo sion et
hierusalem urbem caelestem intelleximus, ita et regionem huius urbis
confessionem caelestem intellegamus. denique sancti in terra aliena
carmen iudaeae cantare nolentes, dicunt: quomodo cantabimus canticum
domino in terra aliena? ego puto hoc esse canticum, de quo et in alio
loco sanctis praecipitur: cantate domino canticum nouum. erit autem
canticum hoc quod sequitur: urbs fortitudinis nostrae saluator. quae est
ista urbs? quae in monte sita latere non potest. de qua et in alio loco
scriptum est: fluminis impetus laetificat ciuitatem dei; et rursum:
gloriosa dicta sunt de te, ciuitas dei. huius urbis ille conditor est,
de quo loquitur pater: iste aedificauit ciuitatem meam. immo urbs
fortitudinis nostrae saluator est, id est iesus. et ponetur in ea murus
et antemurale. murus bonorum operum, et antemurale rectae fidei, ut
duplici septa sit munimento. non enim sufficit murum habere fidei, nisi
ipsa fides bonis operibus confirmetur. hic murus et hoc antemurale siue
circummurale, de uiuis lapidibus exstruitur, qui iuxta prophetam
uoluuntur super terram. pro eo quod nos uertimus antemurale, symmachus
firmamentum interpretatus est, ut ipsi muri munitionibus cincti sint, et
uallo fossa que et aliis muris, quos in aedificatione castrorum solent
loriculas dicere.
aperite portas, et ingrediatur gens iusta, custodiens ueritatem.
uetus error abiit, seruabis pacem: pacem, quia in te sperauimus.
sperastis in domino in saeculis aeternis. lxx: aperite portas,
ingrediatur populus custodiens iustitiam, et custodiens ueritatem,
apprehendens ueritatem, et custodiens pacem; pacem, quoniam in te
sperauerunt, domine, usque in sempiternum. omne hoc canticum quod in
terra confessionis et laudis sancti cantaturi sunt, mutat repente
personas, et quasi per interrogationem et responsionem texitur. dixerat
populus dei: urbs fortitudinis nostrae saluator, ponetur in ea murus et
antemurale. respondit dominus, immo praecepit non eis qui hoc dixerant,
sed angelis qui portis urbis dominicae praesidebant, ut aperiant portas,
et ingrediatur per eas gens iusta, custodiens ueritatem, siue ut in
hebraico dicitur emmunim, quod nostra lingua uertitur: fides, plurali
numero, non singulari. quae sunt portae, quae aperiuntur ab angelis, ut
ingrediatur non populus iudaeorum, qui abiectus est, sed gens iusta,
quae ex fide fidelium nomen accepit? utique illae de quibus sanctus
loquitur: aperite mihi portas iustitiae, ingressus in eas confitebor
domino. has autem portas nullus poterit ingredi, nisi qui de portis
mortis fuerit liberatus, et cum psalmista dixerit: qui exaltas me de
portis mortis, ut annuntiem omnes laudationes tuas in portis filiae
sion. cum enim de portis mortis fuerimus erepti, tunc in portis filiae
sion omnes laudationes domini cantare poterimus. et quomodo portas
mortis reor esse peccata, de quibus ad petrum dicitur: portae inferni
non praeualebunt aduersum te. sic portas iustitiae, omnia opera
uirtutum, quas qui fuerit ingressus, unam inueniet portam, de qua
dicitur: haec porta domini, iusti intrabunt per eam. et quomodo per
plures margaritas ad unum pergitur margaritum, sic per multas uias et
portas peruenimus ad eum qui dicit esse se uiam et portam, per quem
ingredimur ad patrem. post sermonem dei, respondit populus hebraice
ieser samuch, quod aquila et symmachus similiter transtulerunt: plasma~g
ep�reismenon~g, hoc est: error noster ablatus est, siue cogitatio
nostra firmata est, quae prius inter te et idola fluctuabat, ut
nequaquam circumferamur omni uento doctrinae, sed in te dominum
saluatorem tota mente credamus. pro quo nos ut sensus manifestior
fieret, transtulimus: uetus error abiit. et quia cogitatio nostra
firmata est, propterea seruabis nobis pacem, quam apostolis pollicitus
es, dicens: pacem meam do uobis, pacem meam relinquo uobis; et non solum
semel, sed secundo, ut secura sit retributio quae duplici sermone
promittitur, iuxta quod et apostolus loquebatur: gaudete, iterum dico
gaudete. hoc autem ille consequitur, de quo in leuitico dicitur: homo,
homo, filiorum israel. et in numerorum libro: uir, uir, cuius uxor
cubile macularit; ut duplex homo et duplex uir, pacem duplicem
consequantur. meremur autem, inquiunt, pacem, quia in te tota mente
confidimus. post populi uerba et responsionem domini, et rursum uocem
populi propheta loquitur ad credentes: sperastis, uel sperate in domino,
in saeculis sempiternis, et cetera quae sequuntur. iuxta lxx, ille
ingreditur portas domini, qui custodit iustitiam in bonis operibus, et
seruat siue amplectitur ueritatem in fidei ueritate, ut per bona opera
et fidem perueniat ad pacem, quae omnem sensum exsuperat et ipsam pacem
mereatur accipere; quia credidit in deum qui aeternus bonorum operum
retributor est. unde et in alio loco scribitur: desiderasti sapientiam,
serua mandata, et dominus tribuet tibi eam.
in domino deo forti in perpetuum. quia incuruabit habitantes in
excelso. ciuitatem sublimem humiliabit, humiliabit eam usque ad terram;
detrahet eam usque ad puluerem. conculcabit eam pes, pedes pauperis
gressus egenorum. lxx: deus magne aeterne, qui humiliasti, et detraxisti
eos qui habitant in excelsis, ciuitates robustas destrues, et deduces
usque ad pauimentum, et conculcabunt eas pedes mansuetorum et humilium.
et haec propheta loquitur, qui ab eo respondit loco in quo supra
dixerat: sperate in domino in saeculis aeternis; et iungit ei quod nunc
proposuimus: in domino deo forti in perpetuum, et reliqua. pro domino
deo forti, in hebraico tria habet nomina, ia et adonai et sur, quod
aliud inuisibilem, aliud ineffabilem, aliud robustum sonat, quorum
primum in alleluia extrema syllaba ponitur. et hoc diligens lector
obseruet, quod interdum textum in propositione testimonii diuidamus;
quoniam alium lxx editio, et alium ex hebraeo ad uerbum expressa
translatio efficit sensum. dicit ergo propheta: sperate in domino in
saeculis aeternis, in domino deo forti in perpetuum, cuius auxilium
sempiternum est.
ipse enim incuruabit habitantes in excelso, quia omnis qui se exaltat
humiliabitur; qui patrem abraham se habere iactabant, et in
suggillationem domini loquebantur: nos de fornicatione nati non sumus.
ipse ciuitatem sublimem humiliabit, ut iudaei putant, romam, ut nos
rectius esse conuincimus, hierusalem, quae occidit prophetas, et
lapidauit eos qui ad se missi erant, et ad extremum patrisfamilias
interfecit filium, ut herede iugulato, periret hereditas. nec uocatur
ciuitas, quae hebraice dicitur ir, sed caria, quam aquila polichn�n~g
interpretatus est, et quam nos uel ciuitatulam, uel uiculum, uel
oppidulum possumus dicere, et frequenter in scripturis hoc nomine
appellatur hierusalem. pulchre que duplicem humilitatem posuit:
humiliabit, humiliabit eam, primum sub babyloniis, quando templum
destructum est, secundo sub tito et uespasiano, cuius ruina usque in
finem permanet. conculcabit eam pes, repetit que et copulat pedes
pauperis, haud dubium quin christi. de quo et supra diximus: factus est
fortitudo pauperi; fortitudo egeno in tribulatione sua. gressus
egenorum, apostolorum scilicet, qui imitantes domini paupertatem, etiam
uirtutis eius priuilegium consecuti sunt; qui non recepti, excusserunt
super eam puluerem pedum suorum. et quia saluatoris dicitur uerbis:
omnis qui se exaltat, humiliabitur; et qui se humiliat, exaltabitur, non
solum hoc ad homines, sed ad contrarias quoque fortitudines referre
possumus. iuxta lxx, laudes deo propheta decantat, quod omnes superbos
humiliet, et uniuersarum urbium munimenta usque ad solum diruat, et
sanctorum ea mitium que et humilium calcent pedes.
semita iusti recta est, rectus callis iusti ad ambulandum; et in
semita iudiciorum tuorum, domine, sustinuimus te, nomen tuum et
memoriale tuum in desiderio animae; anima mea desiderauit te in nocte.
lxx: uia iustorum recta, recta facta est uia iustorum, et praeparata.
uia enim domini iudicium, sperauimus in nomine tuo; et in memoria quam
desiderat anima nostra. adhuc propheta de christo loquitur, de quo supra
dixerat: conculcabit eam pes, pedes pauperis. huius ergo iusti semita
recta est, siue, ut uerbum nouum fingam, rectitudines, quas graeci
uocant euthut�tas~g, et nos aequitates latinius possumus appellare,
dicuntur que hebraice messarim. in una igitur christi semita omnes
iustitiae reperiuntur, et propterea eam suo calcauit et triuit pede, ut
quicumque per eam uoluerit ambulare, cursu ambulet inoffenso. in hac
semita iudiciorum domini, sustinuerunt eum sancti, et sperauerunt in eo,
quia spes non confundit. et nomen illius et memoriale habuerunt in
desiderio animae, dicentes: concupiuit anima mea desiderare iudicia tua
in omni tempore; et iterum: desiderat anima mea, et defecit in salutari
tuo. qui autem nomen domini habet in desiderio, aliud non desiderat. et
hoc notandum, quod desiderium domini non in carne sit, sed in anima,
iuxta illud quod in alio psalmo legimus: sitiuit anima mea ad deum
fortem, uiuum. caro enim concupiscit aduersus spiritum, et spiritus
aduersus carnem. haec enim sibi inuicem aduersantur, ne quae uolumus,
illa faciamus. quod que sequitur: in nocte, iuxta lxx, sequenti capitulo
iungitur, iuxta hebraicum priori. ille autem potest dicere: anima mea
desiderauit te in nocte, qui cum psalmista loquitur confidenter: lauabo
per singulas noctes lectum meum, in lacrimis stratum meum rigabo. potest
nox et tenebrae pro tribulatione et angustiis accipi. unde et in alio
psalmo super iusti securitate propheta decantat: per diem sol non uret
te, neque luna per noctem, id est nec in prosperis, nec in aduersis
umquam de tuo moueberis gradu.
sed et spiritu meo in praecordiis meis, de mane uigilabo ad te.
lxx: de nocte consurgit spiritus meus ad te, deus, quia lux iudicia tua
super terram. uolumus et hebraicum sequi, et uulgatam editionem non
penitus praeterire, et hac rerum necessitate compellimur diuerso ordine,
atque sermone diuersas intellegentias quaerere. igitur quod dicitur de
nocte, iuxta lxx huius capituli, ut diximus, principium est; iuxta
hebraicum, finis superioris; licet possit etiam iuxta lxx in fine accipi
superioris testimonii, ut sit sensus: desiderat anima mea ad te nocte;
et postea incipiat, mane consurgit spiritus meus ad te, deus. ideo autem
mane consurgit, quia lux praecepta tua super terram.
seruans enim mandata tua, et illuminatus eorum lumine, de quibus
dicitur: praeceptum domini lucidum, illuminans oculos, dormire nequeo,
sed omni tempore te desiderans, meo ad te consurgo spiritu. et hoc
obseruandum, quod in nocte adhuc positi, animo desideremus dominum.
postquam autem spiritus noster in praecordiis nostris tota se ad deum
mente commouerit, mane uigilemus ad eum, atque ut manifestius dicam:
animae nox et desiderium, spiritui autem mane iungitur et uigiliae.
porro spiritu in praecordiis suis euigilat ad deum, qui potest dicere:
de profundis clamaui ad te, domine.
cum feceris iudicia tua in terra, iustitiam discent habitatores
orbis. misereamur impio, et non discet iustitiam, in terra sanctorum
inique egit, et non uidebit gloriam domini. lxx: iustitiam discite, qui
habitatis super terram. cessauit enim impius, et non discet iustitiam
super terram, ueritatem non faciet, auferatur impius, ut non uideat
gloriam domini. dicamus primum iuxta hebraicum, et si sensum prophetae
uoluerimus exprimere, tunc ad lxx interpretes transeamus. quamdiu non
exerces iudicia tua super terram, et nec bonis bona, nec malis retribuis
mala, iustitia tua, o domine deus, ignoratur in terra. cum autem in
iudicii die pro qualitate operum unicuique reddideris quod meretur, tunc
iustitia tua cognoscetur in orbe terrarum, quae prius apud incredulos
uidebatur iniusta, ita ut unus sanctorum quoque diceret: mei autem paene
moti sunt pedes, paene effusi sunt gressus mei, quoniam zelatus sum
superiniquis, pacem peccatorum uidens. ad quod respondit dominus:
misereamur impio. quod exceptis septuaginta, omnes similiter
transtulerunt. et est sensus: magis impius misericordiam consequatur, et
discat clementiam meam, dum etiam ipse saluatur. rursum que loquenti
domino, ex persona humanae impatientiae propheta respondit: et non
discet iustitiam. est que sensus: et quomodo poterit tuam nosse
iustitiam, si tantum clementiam fuerit expertus? reddit que causas,
quare eum uelit dei iustitiam discere, quia in terra sanctorum inique
gessit, et contra sanctos tuos iugiter dimicauit, debet sentire
tormenta. rursum que dominus sententiam temperans: et non uideat,
inquit, siue non uidebit gloriam domini. est que sensus: sufficit ei pro
uniuersa poena, quod me cum sanctis meis non uidebit in mea maiestate
regnantem. quidam impium, hoc est resa, diabolum intellegi uolunt, de
quo in nono psalmo scribitur: increpasti gentes et periit impius; nomen
eorum delesti in aeternum et in saeculum saeculi. inimici defecerunt
frameae in finem, et ciuitates eorum destruxisti. nos autem generaliter
impium uel pro peccatore, uel pro eo qui dei cultum non habet,
accipiamus. iuxta septuaginta iubentur habitatores terrae iustitiam
discere. omnis enim uir uidetur sibi iustus; deus autem corda omnium
nouit, qui reddet unicuique secundum opera sua. et in alio loco eiusdem
uoluminis dicitur: sunt uiae uiri, quae uidentur rectae; nouissima autem
earum respiciunt in profundum inferni. unde debemus iustitiam discere,
nec confidere in proprio iudicio. est enim iustus qui pereat in iustitia
sua; non quo iustus sit, sed quo sibi iustus esse uideatur. sin autem
christus factus est nobis a deo sapientia et iustitia, sanctificatio et
redemptio, quibus praecipitur ut cognoscant iustitiam, hoc iubetur ut
christum discant atque cognoscant. propterea autem praecipio, ait,
uobis, ut discatis iustitiam, quia ablatus est impius; et regnum illius
destructum est, qui quamdiu regnabat in terra, iustitiam scire non
poterat, nec facere ueritatem. de qua alibi scribitur, quod gratia et
ueritas per iesum christum facta sit.
et qui in terra ueritatem non facit impius, auferetur; non enim meretur
dominum uidere regnantem. domine, exaltetur manus tua, et non uideant;
uideant, et confundatur zelus populi, et ignis hostes tuos deuoret. lxx:
domine, excelsum est brachium tuum, et nesciebant, scientes autem
confundentur; zelus apprehendet populum ineruditum, et nunc ignis
aduersarios comedet. hoc quod supra dixerat: et non uidebit gloriam
domini, potest et sic intellegi: postulas, o propheta, ut non miserear
impio, ne si misertus eius fuero, incipiat nescire iustitiam, qui in
terra sanctorum inique gessit; ego tibi respondeo: ergo ne gloriam
domini non uidebit? ergo non cernet triumphos meos, qui magis me debet
uidere regnantem, ut sciat quanto bono careat? et hoc pressius uoce
interrogantis legendum est. ad quod propheta respondit: domine,
exaltetur manus tua et extendatur ad percutiendum, ut te non uideant
impii et tuae gloriae, ne ad paenitendum quidem, lumine perfruantur. cui
respondit dominus: uideant magis et confundantur, uel zelus populi, uel
zelantes populi, et ignis aduersarios tuos, id est sanctorum populi,
deuoret atque consumat. ignis autem paenitentiae, qui eorum corda
excruciet, quod talem dominum perdiderunt. potest hoc et super iudaeis
intellegi, qui christum brachium domini nescierunt, cum que uiderint eum
atque cognouerint, quem patibulo affixerant, confundentur. tunc
ineruditus populus et nesciens legem dei, zeli stimulis incitabitur,
quando uiderit nationes in suum successisse locum, et igne paenitudinis
arserit, siue dolore supplicii, quando audierit illud quod scriptum est:
ite in ignem aeternum, qui praeparatus est diabolo et angelis eius.
domine, dabis pacem nobis; omnia enim opera nostra operatus es
nobis. lxx: domine deus noster, pacem da nobis; omnia enim reddidisti
nobis. notandum quod postquam nobis opera nostra reddiderit, pacem
daturus sit, et quomodo exponat causas, cur postulet pacem. pro cunctis
enim operibus quae operati sunt super terram, dicunt se sustinuisse
tormenta, et iustum esse ut post supplicia atque cruciatus,
misericordiam consequantur. siue aliter: quia uenit mundi consummatio,
et omnia quae per prophetas locutus es, rebus expleta sunt, et
reddidisti uniuersa quae pollicitus es, tribue nobis pacem, quae
exsuperat omnem sensum. domine deus noster, possederunt nos domini
absque te; tantum in te recordemur nominis tui. lxx:
domine deus noster, posside nos; domine, extra te alium nescimus,
nomen tuum inuocamus. idcirco misericordiam quaesumus et pacem, quae
post cuncta tribuenda est, quia nos absque te domini possederunt, idola
uidelicet, uel daemones idolis assidentes; nihil que aliud postulamus,
nisi ut digni simus post errores plurimos, qui tui nominis recordemur.
iuxta lxx, qui dixerunt: domine deus, posside nos, hoc precantur, ut
post pacem sibi redditam dei possessio fiant. quod quidem et de
sapientia legimus, quae iuxta hebraicum loquitur in prouerbiis: deus
possedit me initium uiarum suarum, licet quaedam exemplaria male pro
possessione habeant creaturam. denique sequitur: ante omnes autem colles
generauit me. quomodo enim creaturae generatio poterit coaptari, quae
magis possessioni congruit? scriptum est in deuteronomio: nonne iste
pater tuus possedit te, et fecit te, et creauit te? et hoc
considerandum, quod non dixerit, dominus, siue deus, possedit te, et
fecit te, et creauit te; sed pater, ut clementia nominis austeritatem
potentiae mitigaret. quod que sequitur: domine, absque te alium non
nouimus, non excludit filium, sed iungit patri, neque enim dixit: alium
non nouimus; sed: extra te alium non nouimus. cum autem dicat filius:
ego in patre et pater in me, extra patrem non nouimus filium, quia in
patre cognoscimus eum. denique et nomen illius nominamus dicentes in
oratione dominica: pater noster qui es in caelis.
morientes non uiuant; gigantes non resurgant. propterea uisitasti
et contriuisti eos, et perdidisti omnem memoriam eorum.
lxx: mortui enim uitam non uidebunt; neque medici suscitabunt. idcirco
induxisti et perdidisti, et tulisti omne masculum eorum. symmachus more
suo manifestius: mortui non uiuificabunt; gigantes non suscitabunt.
propterea uisitasti, et contriuisti eos, et disperdidisti omnem memoriam
eorum. dicamus primum iuxta lxx. quaestio uidetur esse difficilis,
quomodo mortui uitam non uideant? quae sic soluitur, tamdiu eos uitam
non uidere, quamdiu mortui sunt. quomodo si dicamus, caecus non uidet
lumen quamdiu caecus est; sin autem receperit sanitatem, lumen aspiciet.
sic et qui iniquitate mortuus est atque peccatis, antequam uiuificetur
iustitia atque uirtutibus per eum qui dicit: ego sum uita, uiuere non
poterit. unde et deus uiuorum dicitur, non mortuorum. anima enim quae
peccauerit, ipsa morietur. legimus in epistola quae ad hebraeos
scribitur: ne rursum fundamentum iaciamus paenitentiae ab operibus
mortuis. sin autem peccata appellantur opera mortua, quare non e
contrario uirtutes appellentur opera uiua? quod que sequitur: nec medici
suscitabunt, sensus perspicuus est, condemnari fabulas poetarum, qui ab
aesculapio iactant uirbium suscitatum. non solum autem hoc de mortuis,
sed de omni infirmitate dicendum est, quod absque dei misericordia nihil
medendi ars ualeat. sed quomodo? nisi dominus aedificauerit domum, in
uanum laborauerunt qui aedificant eam. nisi dominus custodierit
ciuitatem, frustra uigilauit qui custodit eam. sic nisi dominus
languorem curauerit, in uanum laborant medici qui cupiunt sanare
languentes. nisi dominus custodierit sanitatem, in uanum custodiunt, qui
etiam praecepta custodiendae salutis propriis edunt libris; semper que
discendum est non solum in corporis, sed etiam in animae sanitate:
benedic, anima mea, domino, qui sanat omnes languores tuos. porro qui
peccato mortui perseuerant, et nulla arte medicinae possunt recipere
animae sanitatem, isti disperdentur et tollentur a domino, et quidquid
robustum est in eis, quod masculinum uocatur, penitus auferetur. unde et
pharao non uult interficere sexum femineum, qui per se fragilis est et
facile interire potest, sed omne masculinum, quod si adultum fuerit, et
in uirilem aetatem peruenerit, difficulter occiditur. iuxta symmachum,
mortui non uiuificabunt, quia peccato mortui, alios uiuificare non
possunt, nec pulchra est laudatio in ore peccatoris. et gigantes, id est
raphaim, non suscitabunt alios, qui ipsi iuxta geneseos librum
appellantur cadentes. uisitat que eos dominus, ut et mortuorum et
gigantium omnis deleatur memoria. solus enim est qui suscitat mortuos de
quo dicitur: sicut pater suscitat mortuos et uiuificat, sic et filius
uiuificat quos uult. possumus mortuos simulacra appellare hominum
mortuorum, et gigantes daemones, qui simulacris eorum assident. nec
terrere nos debet, quare lxx masculum, et ceteri interpretes memoriam
transtulerunt, cum eisdem tribus litteris zai et chaph et res utrumque
scribatur apud hebraeos. sed quando memoriale dicimus, legitur zachar;
quando masculum, zochor. et hac uerbi ambiguitate deceptum arbitrantur
saul, quando pugnauit contra amalech et interfecit omne masculinum
eorum. deo enim praecipiente, ut deleret omnem memoriam amalech sub
caelo, ille pro memoria, non tam errore, quam praedae seductus cupidine,
masculos interpretatus est, nesciens illud apostoli: nolite errare,
deus non irridetur.
indulsisti genti, domine, indulsisti genti. numquid glorificatus
es? elongasti omnes terminos terrae. lxx: adde eis mala, domine, adde
mala gloriosis terrae; longe fecisti omnes terminos terrae. mala quae
lxx secundo posuerunt, in hebraico non habentur; sed quia supra dixerat:
ideo induxisti et perdidisti, et tulisti omne masculum eorum, eumdem
sensum secuti, addiderunt de suo mala, ut qui gloriosi in terra sunt,
malis duplicibus opprimantur. porro iuxta hebraeos multi aliter est
sensus, et priori disputationi congruens. dixerat dominus: misereamur
impio. propheta responderat: et ubi est iustitia tua? praesertim cum
tanta mala in sanctos tuos operatus sit. ad quod dominus: et non
uidebit, inquit, gloriam domini. rursum propheta: exaltetur manus tua ad
percutiendum, et non uideant gloriam tuam, quam non merentur aspicere.
ad quod dominus: uideant magis et confundantur. rursum propheta: domine,
pacem da nobis, et posside nos, qui tui nominis recordamur. impii autem
et superbi non uiuant, nec resurgant in gloria, sed contere omnem
memoriam eorum. causas que reddit, cur eos cupiat interire. indulsisti
genti, domine, indulsisti genti, numquid glorificatus es? et est sensus:
saepe misertus es gentibus, id est humano generi, et exercuisti in eas
incredibilem clementiam, numquid te cognouerunt? numquid glorificauerunt
nomen tuum? nonne e contrario a te longe recesserunt? securitas enim
neglegentiam, neglegentia contemptum parit.
domine, in angustia requisierunt te, in tribulatione murmuris
doctrina tua eis. lxx: domine, in tribulatione recordatus sum tui, in
tribulatione parua doctrina tua nobis. quia indulgens saepe contemptus
es, nec glorificatus; sed e contrario omnes a tua scientia recesserunt;
propterea, domine, percute eos, ut in angustia te requirant, et in
tribulatione murmuris doctrina tua sit eis; quando tantum eis malorum
pondus incumbet, ut ne clamare quidem audeant confidenter, sed dolorem
suum silentio deuorent. iuxta lxx in tribulatione propheta domini
recordatur, iuxta illud quod in psalmo dicitur: de tribulatione inuocaui
dominum et exaudiuit me in latitudine. et in alio loco: ad dominum cum
tribularer clamaui, et exaudiuit me. unde et apostolus loquitur:
tribulamur, sed non angustiamur; persecutionem patimur, sed non
derelinquimur. et in alio loco: non sunt condignae passiones huius
temporis ad uenturam gloriam quae reuelabitur in nobis. si autem parua
tribulatio docet et emendat et corripit, quanto magis magna, cum
admonemur conditionis nostrae, et dei potentiae recordamur.
sicut quae concepit cum appropinquauerit ad partum, dolens clamat
in doloribus suis, sic facti sumus a facie tua, domine. concepimus et
quasi parturiuimus, et peperimus spiritum. lxx: et sicut parturiens cum
appropinquat ad partum in dolore suo clamat (signum_obeli) sic facti
sumus dilecto tuo (signum_metobeli) propter timorem tuum, domine, in
utero accepimus, et parturiuimus, et peperimus spiritum salutis tuae,
quae fecimus super terram. sicut ad partum mulier appropinquans, dolore
cogitur exclamare; sic nos in angustia requirimus te et a facie
formidinis tuae concepimus, et parturiuimus, et peperimus, non carnis
liberos, sed spiritus; ut tota in te mente credamus, et quem per
beneficia non sensimus, per tormenta discamus. hoc quod lxx addiderunt:
sic facti sumus dilecto tuo, pro quo ceteri transtulerunt: sic facti
sumus a facie tua, domine, obelo praenotandum est.
possumus autem dilectum domini christum accipere, propter cuius timorem
concipimus, et parturimus, et parimus, et spiritum salutis facimus super
terram. potest hoc et apostolicus uir dicere, quando populos erudit et
imitatur apostolum paulum: filioli mei, quos iterum parturio, donec
christus formetur in uobis. an dubitandum est quod paulus apostolus
spiritum salutis fecerit super terram, qui de hierusalem usque ad
illyricum euangelium praedicauit, et quasi sapiens architectus
fundamentum posuit, extra quod nullus aliud potest ponere, qui est
christus iesus? siue igitur legerimus: propter timorem tuum, domine, in
utero accepimus, siue iuxta hebraicum: a facie tua, domine, concepimus,
et in utero accepimus, utrumque ad id pertinet, ut ex timore et
recordatione domini sermonem concipiamus dei, et illuminetur cor nostrum
dicentium: signatum est super nos lumen uultus tui, domine. et: ostende
faciem tuam et salui erimus.
salutes non fecimus in terra; ideo non ceciderunt habitatores
orbis. lxx: non cademus, sed cadent habitatores terrae. diuersa
interpretatio necesse est ut diuersum habeat et sensum. iuxta hebraicum
hoc dicitur: quia nihil dignum tua fecimus misericordia, propterea impii
non corruerunt, sed usque hodie praeualent et possident terram. lxx
autem hoc asserunt, quod facientibus sanctis spiritum salutis super
terram, qui terrae habitatores sunt corruant, licet inter orbem, qui
hebraice thebel, et graece dicitur oikoumen�~g, ac terram, multa
diuersitas sit. cadent ergo quicumque habitationi terrae se dederunt et
in terrenis operibus fixa radice fundati sunt; et non cadent qui sedent
in orbe terrarum et requiescunt in ecclesia, quae habitaculum patris et
filii et spiritus sancti est.
uiuant mortui tui, interfecti mei resurgant; expergiscimini et
laudate, qui habitatis in puluere, quia ros luminum ros tuus, et terram
gigantium detrahes in ruinam. lxx: resurgent mortui, et resurgent de
sepulcris, et laetabuntur qui sunt in terra. ros enim tuus sanitas
eorum, terra autem impiorum cadet. sanctis parturientibus et parientibus
spiritum, et habitatoribus terrae corruentibus, quia salutes non
fecerunt in terra, hi quos in christo mortuos apostolus uocat, et
propter nomen domini interfecti sunt, resurgent in gloria. et quia mors
eorum somnus est, nequaquam iuxta lxx resurgere, sed expergisci et
euigilare dicuntur. unde et lazarus qui euigilaturus erat, a domino
dormiens appellatur. omnes igitur martyres et sancti uiri, qui pro
christo fuderunt sanguinem, et quorum fuit tota uita martyrium,
resurgent et euigilabunt, atque laudabunt deum creatorem suum, qui nunc
habitant in puluere, de quibus et in daniele scriptum est: multi
dormientium in terrae puluere resurgent, hi in uitam aeternam, et hi in
opprobrium et confusionem sempiternam. et in ioanne euangelista legimus:
ueniet hora, et nunc est, quando qui in sepulcris sunt audient uocem
filii dei, et qui audierint uiuent, et egredientur qui bona fecerunt in
resurrectionem uitae, et qui mala, in resurrectionem iudicii. ros enim
domini, iuxta fabulas poetarum uincens omnes herbas paeonias,
uiuificabit corpora mortuorum. et quomodo iactis in terram seminibus,
ros paulatim crescere facit herbas, et ad fruges sui generis peruenire;
sic domini ros qui pro misericordia ponitur, ros erit luminum
plurimorum, quod hebraice dicitur oroth. terram autem, id est corpora
raphaim, gigantium uidelicet et impiorum, dominus in poenas detrahet
sempiternas. denique pro raphaim soli lxx impios transtulerunt. et quia
supra legimus: mortui uitam non uidebunt, nec medici suscitabunt, pro
quo aquila et symmachus raphaim et gigantes interpretati sunt, quaerimus
quae erroris causa sit, ut pro raphaim hebraico, alii gigantes, alii
medicos posuerint. uerbum hebraicum raphaim si post res primam litteram
sequentem habeat uau, legitur rophaim et significat medicos; sin autem
absque uau littera scribatur, legitur raphaim, et transfertur in
gigantes. simul que quia supra dixerat: mortui uitam non uidebunt, ut
manifestius demonstraret non dici ibi de mortuis lege naturae, et
separatione animae ac corporis; sed de his qui peccato mortui sunt. nunc
e contrario dicit ad deum: uiuent mortui tui, qui interfecti sunt
propter te, qui non absolute mortui, ut lxx transtulerunt; sed iuxta
hebraicum ubi dicitur: ieiu metheca, mortui tui appellantur.
uade, populus meus, intra in cubicula tua, claude ostia tua super
te; abscondere modicum ad momentum, donec pertranseat indignatio. ecce
enim dominus egredietur de loco suo, ut uisitet iniquitatem habitatoris
terrae contra eum, et reuelabit terra sanguinem suum, et non operiet
ultra interfectos suos. lxx: uade, populus meus, ingredere cubicula tua,
claude ostium tuum; abscondere paululum quantulumcumque, donec
pertranseat ira domini.
ecce enim dominus de sancto inducet iram super habitatores terrae, et
reuelabit terra sanguinem suum, et non abscondet ultra interfectos.
supra de sanctis dixerat: resurgent mortui, et resurgent qui in
sepulcris sunt; ros enim a te sanitas eorum est; et e contrario de
impiis, terra autem impiorum cadet; nunc ad sanctos loquitur, quia uobis
resurrectio repromissa est, donec in peccatores et impios ira dei
desaeuiat; ingredimini in sepulcra uestra, et abscondite uos, breue enim
tempus est donec dei pertranseat indignatio. siquidem egreditur dominus
de loco suo, quia misericors et miserator dominus, et clementissimus
pater filios neglegentes ferire compellitur, et quodammodo de sua
sententia commutari, ut uisitet et inducat iram suam super habitatores
terrae, de quibus dicitur in osee: maledictio et mendacium, et
adulterium et furtum effusa sunt super habitatores terrae. et in
apocalypsi tertio legimus uae super habitatores terrae. porro iusti,
licet uidentur in terra, tamen conuersatio eorum in caelis est, qui
possunt dicere: aduena ego sum in terra, et peregrinus sicut omnes
patres mei, et fruuntur habitatione altissimi, de quibus sanctus
loquitur: qui habitat in adiutorio altissimi, in protectione dei caeli
commorabitur. tunc reuelabit terra sanguinem suum, de quo deus loquitur
ad cain: uox sanguinis fratris tui clamat ad me de terra, quae aperuit
os suum, ut susciperet sanguinem fratris tui de manu tua. potest et hoc
de martyribus intellegi, qui pro christo fuderunt sanguinem, et sub
altari dei clamitant: usquequo, domine, non ulcisceris sanguinem nostrum
de his qui habitant super terram? de quibus et moyses dicit in cantico:
sanguis filiorum eius uindicabitur et ulciscetur, et retribuet
uindictam inimicis. hunc sanguinem terra quae susceperat, reuelabit, et
interfectos domini nequaquam operiet; sed producet in publicum ad
condemnationem eorum qui martyres occiderunt. hoc de simplici
resurrectione intellectum sit. praecipitur autem iuxta anagogen populo
dei, ut ingrediatur cubicula sua siue cellaria (tameia~g quippe utrumque
significat), ut claudat iuxta euangelicum praeceptum ostium cubiculi
sui, et dicat cum propheta: pone, domine, custodiam ori meo, et ostium
munitum labiis meis. et abscondatur paululum quantulumcumque, donec
pertranseat ira domini, ut nihil gloriae causa faciat; sed fruatur bono
conscientiae, et solum iudicem exspectet deum. sunt autem cellaria quae
claudenda sunt et abscondenda ab his qui diuites facti sunt in operibus
atque sermonibus, prudentia, temperantia, fortitudo, iustitia, ut
nesciat sinistra quid faciat dextera, ut legis et prophetarum et
euangelii opibus perfruamur. quod autem omnes dies uitae nostrae breues
sint et paruuli, iacob excedens annos centum loquitur: parui sunt et
pessimi dies mei. ira autem domini transitura illa est, quam
thesaurizant sibi, qui nolunt agere paenitentiam; quae postquam
transierit, nequaquam cellaria ultra claudentur, sed implebitur quod
scriptum est: nihil occultum quod non reuelabitur, et absconditum quod
non manifestetur. quod que sequitur: ecce enim dominus de sancto inducet
iram suam, illud significat, quod a sanctis dei ira incipiat, uel omnis
illius ultio iusta sancta que sit, non de mentis perturbatione
descendens, ut in hominibus solet; sed studio corrigendi. terram autem
habitatorum illam reor, de qua scriptum est: audiat terra sermones oris
mei. et: auribus percipe, terra. et iterum: terra, terra, audi sermonem
domini. quomodo enim qui in terra habitant, sic qui in carne sunt, deo
placere non possunt. terra autem in hoc loco significat animam quae
uiuit carnaliter. et reuelabit sanguinem suum, si quempiam
scandalizauerit, et cum cain meretur audire: uox sanguinis fratris tui
clamat ad me de terra, quae aperuit os suum, ut susciperet sanguinem
fratris tui. omnis igitur sanguis in die iudicii requiretur, nec
abscondet terra sanguinem suum; et interfectos quos occidit, uel uolens,
uel per neglegentiam, producet in medium.
27. in die illo uisitabit dominus in gladio suo duro, et grandi,
et forti super leuiathan serpentem uectem, et super leuiathan serpentem
tortuosum, et occidet cetum qui est in mari. lxx: in die illa inducet
deus gladium sanctum, et magnum, et fortem, super draconem colubrum
fugientem, super draconem colubrum tortuosum, et occidet draconem qui
est in mari. tradunt hebraei diabolum, id est criminatorem, quod graecum
nomen est, hebraice appellari satan, hoc est aduersarium. unde et in
zacharia dicitur: stabat satan, id est aduersarius, a dextris eius ut
aduersaretur ei. appellatur que et belial, id est apostata
praeuaricator, et absque iugo. unde et apostolus: quae, inquit,
communicatio christi ad belial? et ubicumque lxx ponunt filios
pestilentiae, in hebraico scriptum est: filii belial.
unde et illud quod in psalmo canitur de mysterio saluatoris: filius
iniquitatis non apponet nocere ei, in hebraico dicitur: filius belial.
appellatur que et aliis nominibus, ut in alio psalmo scriptum est: super
aspidem et basiliscum ambulabis, et conculcabis leonem et draconem. qui
draco proprie in hebraico sermone appellatur leuiathan. ipse est magnus
cetus, de quo, quod a christo capiendus sit, mystico in iob sermone
narratur: qui magnum cetum capturus est; nam et ibi pro ceto leuiathan
ponitur; et iterum: adduces autem draconem in hamo, circumdabis
capistrum naribus eius. statim que hoc est principium plasmatis domini
quod factum est, ut illudatur ab angelis eius. et in psalmo: hoc mare
magnum et spatiosum; ibi reptilia quorum non est numerus. animalia parua
cum magnis. draco iste quem formasti ad illudendum ei. de hoc et in
apocalypsi scribit ioannes: facta est pugna in caelo: michael et angeli
eius bellabant cum dracone, et draco pugnabat et angeli eius, et non
praeualuerunt, nec locus inuentus est eis in caelo. et missus est draco
magnus, coluber antiquus, qui uocatur diabolus et satanas, qui errare
facit orbem terrarum uniuersum; missus que est in terram, et angeli eius
cum eo. ibi que dicitur: missus est accusator fratrum nostrorum, qui
accusabat eos coram deo nostro. illud que notandum quod in psalmo et in
iob, propterea factus dicatur draco, hoc est leuiathan, ut illuderetur
ei ab angelis. unde et apostoli accipiunt potestatem, ut calcent super
serpentes et scorpiones, et super omnem uirtutem inimici. quia igitur ab
eo loco ubi scriptum est: ecce dominus dissipabit terram, et nudabit
eam; siue iuxta lxx: ecce dominus disperdet orbem terrarum, et desolabit
eum, usque ad praesens capitulum, contra orbem in consummatione mundi
iudicium praedicatum est, et nouissimus inimicus destruetur mors;
propterea aduersum diabolum extrema sententia est, ut inducatur super
eum gladius sanctus, et magnus, et fortis, siue iuxta hebraicum et
reliquos interpretes: gladius durus. non enim ut lxx arbitrati sunt
cadesa dicitur, quod si esset, sanctum sonaret: sed casa, quod proprie
transfertur in durum. unde et cis pater saul, durus appellatur. gladium
autem sanctum, siue durum, ob eius sensum qui patitur, quidam nostrorum
intellegunt uerbum dei, de quo dicit apostolus: uiuens autem dei sermo
et efficax, et acutus super omnem gladium ex utraque parte acutum. unde
et in alio loco de ore saluatoris gladium bicipitem exire legimus. cum
autem in fine mundi aduersum leuiathan, qui in principio geneseos
appellatur serpens prudentissimus super omnes bestias, quae erant in
terra, gladius sanctus siue durus, et magnus, et fortis fuerit inductus,
fugiet qui numquam fugere consueuerat, nesciens illud scriptum: quo
uadam a spiritu tuo, aut a facie tua quo fugiam? pulchre quidam poeta in
gigantomachia de encelado lusit:
quo fugis, encelade? quascumque accesseris oras,
sub deo semper eris.
iste autem leuiathan coluber fugiens, in hebraico dicitur bari, quod
aquila interpretatus est uectem, symmachus concludentem, theodotio
robustum. uectem autem siue claudentem puto appellari, quod multos suo
carcere clauserit, et propriae subiecerit potestati, nihil que in se
rectum habet, et idcirco dicitur tortuosus, nec imitari potest uirgam
domini, de qua scriptum est: uirga directionis, uirga regni tui. quem
dominus interficiet spiritu oris sui, habitatorem quondam maris,
falsorum et amarorum fluctuum. qui dicunt diabolum acturum paenitentiam
et ueniam consecuturum, interpretentur nobis quomodo hoc accipiant, quod
scriptum est: et interficiet draconem qui est in mari, siue cetum.
secundo enim loco in praesenti capitulo, in hebraico non appellatur
leuiathan, sed thannin, quod proprie cetum sonat. unde hebraei autumant
leuiathan habitare sub terra et in aethere; thanniim uero in mari, quae
iudaica fabula est. quod que dicitur in extremo huius capituli in die
illa, eusebius priori iungit capiti, ne sequens prophetia huic tempori
coaptetur; hebraei autem et ceteri explanatores sequenti, quod nunc
proposituri sumus.
in die illa uinea meri cantabit ei. ego dominus qui seruo eam,
repente propinabo illi; ne forte uisitetur contra eam, nocte et die
seruo eam.
lxx: in die illo uinea bona desiderium eius, ut princeps illius sit. ego
ciuitas fortis, ciuitas quae oppugnatur; frustra potum dabo illi.
capientur enim nocte, die autem cadet murus. multum hebraicum in hoc
loco a lxx editione discordat, idcirco singula ut proposuimus
disseramus. uinea de qua supra loquitur esaias: uinea facta est dilecto
in cornu, in loco uberi, quae debeat intellegi, ipso docente discamus:
uinea enim domini sabaoth domus est israel, de qua in psalmo canitur:
uineam de aegypto transtulisti, et cetera. huic et per hieremiam
propinat calicem meracissimum. cum enim misisset eum ut potionaret omnes
gentes, et huic se propheta libenter obtulisset officio, primum
inebriare iubetur hierusalem. unde dicit: decepisti me, domine, et
deceptus sum. bibet igitur hierusalem, et propinatur ei meraca potio, ut
planctum discat et fletum. dicit que se dominus multo eam tempore
custodisse et locum dedisse paenitentiae, et quia conuerti noluerit,
subito inebriandam. hoc enim dicit diebus egisse uel noctibus, ut ipsius
semper auxilio seruaretur. lxx autem eamdem pulchram appellant uineam,
in qua fuit lex et prophetae, sacerdotium et pontificium, et dei
notitia, dicente scriptura: notus in iudaea deus, in israel magnum nomen
eius. quod alii putant iuxta editionem eorum ad ecclesiam pertinere,
quia nihil est pulchrius. et de qua dictum est: gloriosa dicta sunt de
te, ciuitas dei; quae princeps est genitricis suae, et dicit in cantico
canticorum: filii matris meae pugnauerunt aduersus me. et loquitur: ego
ciuitas firma, ciuitas quae oppugnatur. pulchre que oppugnatur dixit,
non expugnatur. statim que iungit de synagoga, quae de capite uersa est
in caudam: frustra ei potum meracum tribuo doctrinarum, capietur enim in
tenebris erroris sui. et quia apertam lucem non recepit, per diem
corruit murus eius, id est: omne quod sibi putabat auxilium, nullus que
erit aduersariorum qui non capiat eam, quod de contrariis debemus
intellegere potestatibus.
indignatio non est mihi; quis dabit me spinam et ueprem in
proelio? gradiar super eam; succendam eam pariter. an potius tenebo
fortitudinem meam? faciet pacem mihi, pacem faciet mihi. lxx: non est
quae non apprehenderit eam. quis ponet me custodem stipulae in agro?
propter aduersariam hanc repuli eam. idcirco fecit dominus omnia quae
disposuit; combusta sum; dicent habitatores eius; faciemus pacem illi,
pacem faciemus ei. iuxta hebraicum hic sensus est: ego qui diebus et
noctibus semper meam uineam conseruaui, ne exterminaret eam aper de
silua, ne bestiae deuorarent. numquid indignationem non habeo, et nescio
ferire peccantem, et reddere unicuique quod meretur? ubi aquila posuit
spinam et ueprem, in hebraico scriptum est samir et saith, quod
adamantem et loca sentium plena significat. unde dicit: quis me docebit
ut durus sim, et meam uincam clementiam, et in proelio atque certamine
truculentus incedam, ut gradiar super uineam, quam ante seruaui, et
succendam eam quam meo sepseram muro? an potius id aget fortitudo mea,
ut iram differam, et saluem eos euangelii clementia, qui nequaquam sunt
legis auctoritate saluati? emphatik�s~g autem iuxta hebraicum legendum
est: quis me faciet durum atque crudelem, ut uincam naturam meam?
hoc quippe in deserto significatur et in spinis, ut eam quasi in proelio
conteram atque succendam, quam semper mea diligentia custodiui. an
potius tenebo fortitudinem meam, quam christum esse non dubium est, et
de qua legimus: christus dei uirtus et dei sapientia, ut ipsa mihi pacem
faciat, et mundum reconciliet? iuxta lxx hic est sensus, ut ex persona
accipiamus ecclesiae: ego ciuitas firma, ciuitas multis uallata
hostibus, quae frustra dedi pocula inimicae meae synagogae. capietur
enim nocte, et corruet murus eius, nulla que erit de aduersariis
potestatibus, quae non apprehendat eam. rursum loquar: quid mihi prodest
custodire eam, quae stipulam in se habeat, non frumenta; quae ita
inculta est, ut ueprium plena sit et spinarum, quam saluare uolui? sed
quia hostiliter me cum agit, recessi ab ea. dixerunt que in me et ex me
nati apostoli: uobis quidem oportebat primum loqui uerbum dei, sed
quoniam repulistis illud, et indignos uos iudicastis aeternae uitae,
ecce conuertimur ad gentes. idcirco faciet dominus quod minatus est, ut
omnes in ea ardeant romano igne circumdati. uel certe ardeant uitiis
atque peccatis, ne possint ardentia diaboli iacula restinguere. omnes
enim adulterantes quasi clibanus corda eorum. et illi qui prius
habitabant in ea, postquam clamauerint, capta est ciuitas atque
succensa, dimittent eam, et reconciliantes mundum deo, dicent: faciamus
pacem illi, pacem faciamus ei, hoc est christo, semper scribentes in
epistolis suis: gratia uobis cum et pax a deo patre et christo iesu
domino nostro. de quibus in hoc eodem propheta legimus: quam speciosi
pedes euangelizantium pacem. quidam hunc locum ad ecclesias referunt,
quod custodiantur quidem a deo; sed multi in eis fructus non faciant; et
propterea boni doctoris succendantur ardoribus, ut clamitent et
confiteantur errorem suum, et postea pacem faciant deo, qui uere
appellentur filii iacob.
qui egrediuntur de radice iacob, florebit et germinabit israel;
et implebunt faciem orbis semine. lxx: qui ueniunt filii iacob,
germinabit et florebit israel; et implebit orbem terrarum fructus eius.
postquam apostoli in toto orbe euangelium praedicantes, dixerint:
faciemus pacem christo, pacem faciemus ei, qui in excelsis fuerint de
semine iacob, et in apostolicam peruenerint dignitatem, appellabuntur
filii iacob. tunc germinabit et florebit israel, uidens doctrina
filiorum suorum uniuersum orbem esse completum, et attulisse fructus
uberrimos, quos in iudaea manens non attulerat.
numquid iuxta plagam percutientis se, percussit eum; aut sicut
occidit interfectos eius, sic occisus est? locus iste dupliciter
intellegitur. aut contra hierusalem, ut dicat eam non ita a deo esse
percussam, ut ipsa percussit christum et apostolos eius; aut contra
gentium multitudinem, quod illis persequentibus et effundentibus
sanguinem christianum, apostoli et apostolici uiri nihilominus salutis
eorum curam habuerint et reconciliauerint eos deo.
in mensura contra mensuram cum abiecta fuerit iudicabis eam. lxx:
rixans et exprobrans emittet eos. iuxta hebraicum hic sensus est: sicut
fecit hierusalem, sic recipiet, et iuxta mensuram qua mensa est,
remetietur ei. tunc que cumulatam mensuram recipiet, quando iudicii
tempus aduenerit et abiecerit eam deus. iuxta lxx pendet ex superioribus
quod dicitur. non enim israel sicut percussit, percutietur; nec sicut
interfecit, interficietur qui iurgabat contra apostolos, et exprobrabat
doctoribus suis, et praecipiebat ne in nomine christi loquerentur.
propterea dominus abiciet eos, et de suo expellet grege.
meditatus est in spiritu suo duro per diem aestus. lxx: nonne tu
eras qui meditabaris spiritu duro interficere eos, spiritu furoris?
iuxta hebraicum hoc dicitur: in mensura qua mensa est, hierusalem
recipiet; propterea deus in spiritu suo duro atque uehementi meditatus
est, siue locutus contra eam in die aestus, hoc est in persecutionis
tempore, quando ardentior indignationis dies est atque poenarum.
iuxta lxx, ad ipsam dicitur hierusalem, siue ad israel: nonne tu eras
quae in spiritu tuo durissimo atque crudeli, et in furore blasphemiarum
tuarum, apostolos domini atque doctores interficere cupiebas?
idcirco super his dimittetur iniquitas domui iacob, et iste omnis
fructus, ut auferatur peccatum eius, quia posuit omnes lapides altaris
sicut lapides cineris allisos; non stabunt luci et delubra. lxx:
propterea auferetur iniquitas iacob, et haec erit benedictio eius cum
abstulero peccatum eius, quando posuerit omnes lapides ararum contritos
quasi cinerem comminutum, et non perseuerabunt arbores eorum, et idola.
causas reddit cur postquam iudaei in dominum miserint manus, ueniam
consequantur, si uoluerint agere paenitentiam, ut impleatur saluatoris
oratio: pater, ignosce eis; quod enim faciunt, nesciunt. propterea,
inquit, dimittetur iniquitas domui iacob et auferetur peccatum eius, ut
mereatur benedictionem dei, qui sibi maledictionem fuerat imprecatus,
dicens: sanguis eius super nos, et super filios nostros, quia per
apostolos de stirpe israel in toto orbe euangelium seminabitur, et
destruetur idololatria, et comminuentur arae usque ad puluerem,
succidentur luci, delubra corruent, et dei unius sub mysterio trinitatis
notitia praedicabitur
ciuitas enim munita desolata erit; speciosa relinquetur, et
dimittetur quasi deserta. ibi pascetur uitulus, et ibi accubabit et
consumet summitates eius. lxx: idola eorum succidentur, quasi lucus, et
longe habitans grex dimittetur sicut grex derelictus, et erit multo
tempore in pascua, et ibi requiescent greges, et post multum tempus non
erit in ea omne uiride, quia exsiccatum est. hierusalem ciuitas quondam
firma atque munita, quia non suscepit patrisfamilias filium, sed dixit:
uenite, occidamus eum, quia iste heres est et nostra erit hereditas,
desolata erit. et quae quondam fuit speciosa, de qua et in hiezechiele
dicitur: similam et mel et oleum comedisti, et speciosa facta es
uehementer nimis, et in qua habitat ille de quo scriptum est: speciosus
forma prae filiis hominum. relinquetur et dimittetur quasi desertum,
dicente domino ad apostolos: surgite, abeamus hinc. ibi pascetur
uitulus, romanus exercitus, de quo et in alio loco sub nomine apri
dictum est: uastabit eam aper de silua; et singularis ferus depastus est
eam. et ibi accubabit et consumet summitates eius sub metaphora uineae
et propaginum eius, ut nihil in ea uiride, nihil remaneat flagellorum,
sed omnia consumat inimicus. iuxta lxx, quia non receperunt pastorem
bonum, propterea erunt quasi grex derelictus, et patebunt morsibus
bestiarum; et nihil in eis uiride remanebit, quia siccitas omnia
possidebit.
in siccitate messis illius conterentur mulieres uenientes et
docentes eam. non est enim populus sapiens; propterea non miserebitur
eius qui fecit eum. et qui formauit eum, non parcet ei. lxx: mulieres
uenientes a spectaculo, uenite; non est enim populus habens
intellegentiam; propterea non miserebitur eorum qui fecit eos; et qui
formauit eos, non parcet. hoc quod dicitur: in siccitate messis illius
conterentur, pro quo septuaginta interpretati sunt: non erit in ea
quicquam uiride, quia exaruit, iuxta hebraicum sequentibus copulatur;
iuxta lxx, priori sensui. dicamus ergo primum iuxta hebraicum. cum
siccitatis et messionis hierusalem, et ut apertius loquar, uastitatis
tempus aduenerit, de toto orbe synagogarum turba concurret, ut plangant
hierusalem et mala illius consolentur. siue aperte de mulieribus
loquitur, quae nudatis pectoribus, sanguinantes feriunt lacertos, et
implebitur domini uaticinium: filiae hierusalem, nolite me flere, sed
plangite super uos et super filios uestros. magna que infelicitas
populi, a mulieribus lamentationis carmina discere; sicut reprehensio
fuit populi israel, quando in iudicum libro in manu mulieris debborae
fecit salutem dominus, et tempore uicinae captiuitatis, tacentibus
uiris, holda mulier prophetauit. propterea autem mulieres longo
conterentur itinere, imbecillitate, fame et squalore confectae, et
docebunt populum miserabilem, quia non est populus sapiens, nec
intellexit creatorem suum, qui neglectus ab eis atque contemptus non
miserebitur facturae, et non parcet creaturae suae. iuxta lxx, de maria
dicitur magdalene, et alia maria, et ceteris mulieribus, quae primum
uiderunt dominum resurgentem, et tenuerunt pedes eius, et ab eo audire
meruerunt: nolite timere. ite, nuntiate fratribus meis ut uadant in
galilaeam, et ibi me uidebunt. de istis mulieribus, multo priusquam
nascerentur, propheticus sermo praenuntiat, et uocat eas a spectaculo
dominicae passionis et resurrectionis, ut euangelium praedicent, et,
iuxta hebraicum, doceant hierusalem siue terram israel, quod iste sit
dominus et deus. populo enim israel non habente sapientiam illo tempore,
quando passus est dominus, et impletum est uaticinium prophetale:
saluum me fac, domine, quoniam defecit sanctus. et: omnes declinauerunt,
simul inutiles facti sunt; non est qui faciat bonum, non est usque ad
unum. uocantur mulieres de spectaculo, ut quod ipsae uiderunt apostolis
nuntient.
israel autem de quo dictum est: israel non cognouit me, et populus meus
non intellexit; clementissimum creatorem et factorem suum prouocauit in
amaritudinem, ut nequaquam eius misereatur. haec pie quidem dicuntur;
sed quomodo cum ceteris congruant, et consummationis mundi temporibus
coaptentur, difficilis interpretatio est.
et erit in die illa, percutiet dominus ab alueo fluminis usque ad
torrentem aegypti. lxx: et erit in die illa, concludet dominus a fossa
fluminis usque ad rhinocoruram. nisi iunxisset in die illa, per quod
docemur, ea quae dicturus est superioribus copulanda, poteramus quasi
proprium capituli huius sensum exponere; nunc autem ad superiora
referenda sunt omnia. quoniam ciuitas munita desolata erit, et speciosa
quondam relinquetur quasi desertum, et ibi uitulus accubabit et consumet
propagines uineae, et omnia siccabuntur, quoniam non est populus habens
intellectum, et propter stultitiam eius nullam a creatore suo
misericordiam consecutus est, idcirco percutiet, siue concludet dominus
ab alueo uel riuo fluminis usque ad torrentem aegypti, ut in uniuersa
iudaea, quae quondam repromissionis terra fuit, nullus reperiatur sermo
doctrinae, nihil scientiae scripturarum, de quibus et apostolus
loquitur: ut non attendamus iudaicis fabulis et mandatis hominum, qui
auertuntur a ueritate. et iterum: sunt enim multi et non subdidi ac
uaniloqui, et seductores, quos oportet redarguere, praecipue ex
circumcisione. alueum autem, siue riuum fluminis iuxta historiam
euphratem possumus dicere, sicut et in septuagesimo primo psalmo
scriptum est: dominabitur a mari usque ad mare, et a flumine usque ad
finem orbis terrae. alii iordanem putant. et hoc notandum, quod in
iudaeae terminis, fluuius appelletur; in aegypti finibus, torrens, qui
turbidas aquas habet, et non perpetuas. pro torrente aegypti, lxx
rhinocoruram transtulerunt, quod est oppidum in aegypti palaestinae que
confinio, non tam uerba scripturarum, quam sensum uerborum exprimentes.
quod autem nos diximus percutiet, pro quo lxx sumphraxei~g, id est
concludet, transtulerunt, aquila et theodotio, rhabd�sei~g interpretati
sunt, quod siue uirga percutiet, siue ad uirgam recensebit numerum
gregis sui, intellegi potest: ut non in malam, sed in bonam partem
accipiatur.
et uos congregabimini unus et unus, filii israel. lxx: uos autem
congregate unum et unum, filios israel. o filii israel, pro quo
interpretatus est symmachus domus israel: percussis aduersariis uestris a
riuo fluminis, usque ad torrentem aegypti, id est ab euphrate usque ad
nilum, uos uel ipsi congregabimini ad fidem domini unus et unus, quia
iudaeorum turba non credidit, per quod significat, paucos ex iudaeis in
saluatorem dominum credituros. uel certe, o apostoli et apostolici uiri,
iudaeorum multitudine non credente, uos de toto orbe, quos potueritis,
quasi oues morbidas referte ad caulas domini, et congregate eas cum
gentium populo, ut impleatur illud, quod paulus apostolus et barnabas
loquuntur ad iudaeos: uobis quidem primum oportebat annuntiare uerbum
dei: sed quia indignos uos iudicastis salute, ecce conuertimur ad
gentes.
et erit in die illa, clangetur in tuba magna; et uenient qui
perditi fuerant de terra assyriorum et qui eiecti erant in terram
aegypti; et adorabunt dominum in monte sancto in hierusalem. lxx: et
erit in die illa, canent tuba magna; et uenient qui perierant in regione
assyriorum, et qui perierant in aegypto: et adorabunt dominum super
montem sanctum in hierusalem. in hoc loco iudaei cassa sibi uota
promittunt, quod in consummatione mundi, quando [antichristus, ut
dicitur] �leimmenos~g suus uenerit, de assyriis et de terra aegypti
dispersus populus congregetur, et ueniat in hierusalem, et aedificato
templo, adoret dominum deum suum. quod secundum litteram omnino stare
non potest. neque enim de assyriis tantum et de aegypto, sed de toto
orbe terrarum, qui in christum credituri sunt, uocabuntur. ergo hoc
significat, quod in nouissima tuba, iuxta apostolum paulum, omnes qui
perierant in assyriis et in aegypto ad dominum ueniant. nec dixit omnes
filios israel, sed omnes qui perierant, per quod significat gentium
multitudinem, quod et idololatriae, et magicis, ac philosophiae artibus
obligati, ueniant ad fidem christi, et adorent eum in ecclesia. tuba
autem magna potest intellegi sermo euangelicus, de quo et in hoc eodem
propheta legimus: super montem excelsum ascende, qui euangelizas sion;
exalta uocem tuam, qui euangelizas hierusalem. mons ergo sanctus et
hierusalem illa est, de qua saepe diximus: accessistis ad sion montem et
ciuitatem dei uiuentis, hierusalem caelestem, et multorum angelorum
milia; et ecclesiam primitiuorum, qui scripti sunt in caelis. hucusque
de consummatione mundi dictum est ab eo loco in quo exponere coepimus:
ecce dominus dissipabit terram, et nudabit eam, quod praesenti uolumine
continetur. nunc adiuuante, immo inspirante nobis christo, transeamus ad
nonum, quod alterius prophetiae habebit exordium.
LIBER 9
uariis molestiis occupati, explanationes in esaiam prophetam per
interualla dictamus. unde expleto octauo uolumine, nunc post aliquantum
temporis spatium transimus ad nonum, non absque morsu et
obtrectationibus inuidorum, qui ignorantes quid audiant, quid loquantur,
de eo audent iudicare quod nesciunt, et ante despiciunt quam probent,
eruditos que se aestimant et disertos, si de cunctis scriptoribus
detrahant. quorum liuorem et mussitationem garrulam contemnentes, dei
poscamus auxilium, et psalmistae imprecatione dicamus: dissipa gentes
quae bella uolunt.
domini enim locus in pace est, quae exsuperat omnem sensum. quam et
propheta desiderat clamitans: domine deus noster, pacem da nobis; omnia
enim reddidisti nobis. sed iam proponamus esaiae capitulum, et cum moyse
ingrediamur nubem et caliginem, ut clarificetur uultus noster, et,
iuxta hebraicum, cornuta sit facies. audiantur que et rutilent tonitrua
et fulgura, quae plebs uilior uidere non potuit.
28. uae coronae superbiae ebriis ephraim et flori decidenti
gloriae exsultationis eius, qui erant in uertice uallis pinguissimae,
errantes a uino. ecce ualidus et fortis domini, sicut impetus grandinis
turbo confringens; sicut impetus aquarum multarum inundantium et
emissarum super terram spatiosam. pedibus conculcabitur corona superbiae
ebriorum ephraim. et erit flos decidens gloriae exsultationis eius, qui
est super uerticem uallis pinguium, quasi temporaneum ante maturitatem
autumni, quod cum aspexerit uidens, statim ut manu tenuerit, deuorabit
illud. lxx: uae coronae iniuriae mercenarii ephraim; flos cadens de
gloria super uerticem montis pinguis, qui ebrii estis absque uino. ecce
fortis et durus furor domini, sicut grando quae fertur in pronum, non
habens umbraculum, quae uiolenter decidit sicut aquarum multitudo
trahens humum, et faciens sibi spatium. manibus et pedibus conculcabitur
corona iniuriae mercenarii ephraim. et erit flos qui decidit de spe
gloriae in summitate montis excelsi, sicut praematura ficus, quam qui
uiderit, antequam sumat manu, cupiet eam deuorare. dicamus primum iuxta
historiam, deinde iuxta tropologiam, et ad extremum iuxta uaticinium
prophetale. loquitur sermo diuinus aduersum decem tribus quae regnabant
in samaria, et propter ieroboam, qui de tribu ephraim fuit,
appellabantur ephraim. et uocat eos coronam superbiae, quia comparati
duabus tribubus, quae appellabantur iuda, sublimiores erant et numero et
robore. ebrios que eos dicit ephraim, qui suum non intellegant
creatorem, sed pro domino adorent uitulos aureos in dan et bethel. isti
quondam in flore fuerunt domini, et in gloria, quando regebantur a dauid
et salomone, et in duodecim tribubus erant adorantes deum in templo
hierusalem, qui fuerunt in uertice uallis pinguissimae, quod hebraice
dicitur gessemanim; significat autem locum ubi traditus dominus est;
super cuius uallis uerticem templum domini situm est. isti inebriati
sunt uino erroris et amentiae, quod eis miscuit ieroboam. quapropter
poenam illis dominus comminatur, quod sicut grandinis turbo uniuersa
confringit, et impetus aquarum inundantium quidquid obuium inuenerit,
rapit. sic ab assyriorum deleantur exercitu, et quod reliquum fuerit, in
montes siue urbes mediae transferatur. comparat autem gloriam decem
tribuum coronae uariorum florum, quae tantam habuerit pulchritudinem, ut
quomodo si quis antequam aestas ueniat et autumnus, prodromon~g ficum
uidens in arbore, statim ut manu tenuerit, deuorat: sic et decem tribus
cum assyrius uiderit, uastet et deuoret, et nihil omnino pristini populi
relinquat in samaria. hoc breuiter iuxta historiam dictum sit.
transeamus ad allegoriam. secundum expositionem osee prophetae, in quo
ephraim et ioseph et samariam et decem tribus, quae scissae sunt a
corpore duodecim tribuum, et templum domini reliquerunt, retulimus ad
haereticos, qui uere iuxta septuaginta editionem, corona iniuriae sunt,
dominum blasphemantes, et omnia mercedis causa faciunt, et de gloria
domini conciderunt. nec sequuntur tenuitatem mannae, et humilitatem
ecclesiasticam; sed in monte pinguissimo uersantur ebrii absque uino.
propterea fortis et durus furor domini, qui eos puniturus est, grandini
praecipiti, quae non in tecta, sed in capita mortalium ruit, et multis
aquarum inundationibus comparatur, quae quidquid obuium inuenerint,
trahunt. haec corona iniuriae recte mercenarii appellantur ephraim, qui
iuxta apostolum turpis lucri gratia, de flore et spe ac gloria pristinae
fidei corruerunt, et uersantur in superbia, et dulcissimus cibus
diaboli sunt, qui eos cotidie deuorat. secundum prophetiam illud
possumus dicere, quod coronam iniuriae uocet scribas et pharisaeos, qui
dominum blasphemabant. et appellabantur mercenarii ephraim, propter
iudam, qui de tribu ephraim et de uico eiusdem tribus iscarioth, dominum
pretio uendidit, qui uere flos apostolicae gloriae cecidit super montem
pinguissimum, de quo dictum putamus: manducauit et bibit iacob, et
saturatus est et impinguatus, et recalcitrauit dilectus. siue iuxta
hebraicum: super uallem pinguium, id est gessemanim, in qua etiam nomen
loci significatur, in quo iudas dominum tradidit.
uallis autem pinguis, siue pinguium dicitur, propter ubertatem, et
scribas et pharisaeos qui ibi dominum comprehenderunt, de quibus in
psalmo scriptum est: tauri pingues obsederunt me. haec uallis pinguium,
id est gessemanim, in hoc capitulo secundo appellatur; et miror quomodo
lxx primum eam dixerint: montem pinguem, et postea montem excelsum.
ebrius autem fuit proditor non uino, sed auaritia et furore aspidum
insanabili, et diaboli cibo, qui post buccellam intrauit in eum, et
penitus deuoratus est, quia oratio eius uersa est in peccatum, et ne
paenitentia quidem eius fructum salutis habuit. uerbum hebraicum
sacchore ambiguum est, et uel ebrios, uel mercenarios sonat. unde et
issachar interpretatur: est merces; et sachar methusma~g, id est
ebrietas, ceteri que ebrios; soli lxx mercenarios transtulerunt.
in die illa erit dominus exercituum, corona gloriae, et sertum
exsultationis residuo populi sui, et spiritus iudicii sedenti super
iudicium, et fortitudo reuertentibus de bello ad portam. uerum hi quoque
prae uino nescierunt et prae ebrietate errauerunt, sacerdos et propheta
nescierunt. prae ebrietate absorpti sunt a uino, errauerunt in
ebrietate; nescierunt uidentem, ignorauerunt iudicium, siue mirabiliter.
omnes enim mensae repletae sunt uomitu sordium que ita ut non esset
ultra locus. lxx: in die illa erit dominus sabaoth corona spei, quae
compacta est gloriae reliquiis populi. relinquentur in spiritu iudicii
super iudicium, et fortitudinem uetans interficere, isti enim uino
decepti sunt; errant propter siceram; sacerdos et propheta exciderunt
mente propter siceram; absorpti sunt propter uinum, uacillauerunt,
propter ebrietatem sicerae errauerunt, hoc est phasma~g; maledictio
comedet hoc consilium; siquidem istud consilium propter auaritiam est.
postquam omnis terra samariae, id est decem tribuum, assyrio fuerit
inundante deleta, et conculcata pedibus corona superbiae ebriorum
ephraim, et in modum ficus temporaneae deuorata, tunc residui populi
israel, hoc est duarum tribuum, iudae et beniamin, ipse dominus erit
corona uictoriae; et spiritus iudicii sedenti super iudicium, haud
dubium quin ezechiae regi iudae; et fortitudo eorum, qui cuncta regione
populata, de proelio reuertentes, se urbe clauserunt. quod in hoc eodem
propheta lecturi sumus, quando centum octoginta quinque milia armatorum
de assyriorum exercitu angelo percutiente deleta sunt. uerum hi quoque,
id est iudas et beniamin, inebriati sunt uino idololatriae, et contempta
religione templi, daemonum simulacra uenerati et nescierunt uidentem
dominum, qui cuncta considerat. omnes enim mensae eorum, et uniuersa
religio repletae sunt uomitu sordium que ut non solum in templo, sed in
uertice montium et nemorosis locis idololatriae sordibus cuncta
complerent, et dominus in eis non haberet habitationis locum. hoc iuxta
litteram dictum sit. porro iuxta tropologiam, priorem sequamur
intellegentiam, nec intactos lxx interpretes relinquamus. haereticis
enim ore diaboli deuoratis, qui montem superbiae pinguissimum
conscenderunt, dominus erit corona gloriae, his qui in ecclesia
commorantur, et ad multitudinem plurimorum errantium comparati, parui
sunt numero. erit autem in spiritu iudicii super iudicium, quia lauabit
dominus sordes filiorum et filiarum sion spiritu iudicii. si quis autem
sanguinem habuerit, nequaquam spiritu iudicii, sed combustionis igne
purgabitur, erit que populo fortitudo, et prohibebit eum interfici ab
his qui uino draconum inebriati sunt, et errauerunt propter siceram.
saepe diximus esse uinum, quod de uineis fit. siceram autem omnem
potionem, quae inebriare potest, et statum mentis euertere, quam proprie
aquila ebrietatem transtulit, siue illa frumento siue hordeo siue
millio, pomorum que succo et palmarum fructu, et alio quolibet genere
conficiatur. igitur sacerdotes et prophetae haereticorum exciderunt
mente propter siceram, et absorpti sunt propter uinum, quales fuerunt
prisca et maximilla earum que princeps montanus; et quid dicerent,
nesciebant. uino inebriantur, quando scripturas sanctas male intellegunt
atque peruertunt. sicera, quando saeculari abutuntur sapientia et
dialecticorum tendiculis, quae non tam uincula sunt appellanda, quam
phasmata, id est umbrae quaedam et imagines, quae cito pereunt atque
soluuntur. istius modi consilium maledictio possidebit, qui quaestum
putant esse pietatem, et cuncta faciunt propter auaritiam. de hoc
phasmate et apostolus loquebatur: attendentes spiritibus erroris, et
doctrinis daemoniorum, in hypocrisi loquentium mendacium. tertia
explanatio est, quod postquam dominus scribas pharisaeos que subuerterit
et socium eorum iudam proditorem, qui ab initio fur fuerat, loculos
enim pecuniae pauperum ipse portabat, tunc sit in spem et in gloriae
coronam his qui de iudaeis in dominum crediderint, haud dubium quin
apostolos significet, quos ad praedicationem euangelii reseruarit, et
non statim permiserit pro christo sanguinem fundere. omnes enim scribae
et pharisaei uino et sicera, de quibus supra diximus, inebriati sunt,
tam sacerdotes quam pseudoprophetae. sed tendiculae eorum atque insidiae
fuere pro nihilo, quia et iudas ipse qui prodidit, fecit propter
pecuniam, et sacerdotes, qui proditorem pecunia corruperunt propter
metum abiectionis suae.
ipse enim flagellum de funiculis faciens, eiecit de templo eos qui
uendebant boues et oues, et cathedras uendentium columbas, et
nummulariorum mensas sua auctoritate subuertit, dicens ad eos: scriptum
est: domus patris mei, domus orationis uocabitur, uos autem fecistis eam
domum negotiationis, siue speluncam latronum. iuxta anagogen illud
hebraicum, in quo diximus: omnes enim mensae eorum repletae sunt uomitu
sordium que ita ut non sit ultra locus, ad haereticos et ad scribas et
pharisaeos sic referri potest, ut uniuersam doctrinam eorum et cuncta
mysteria dicamus uomitu plena et sordium, dum scripturarum sanctarum non
digerunt cibos, nec uniuerso corpori faciunt esse uitales; sed
immaturos et fetentes egerunt, ita ut nullum in eis deus reperiat locum.
miror autem quid uoluerit theodotio, ut pro uerbo hebraico quod dicitur
cisoa, pro quo aquila interpretatus est: uomitum sordium, et symmachus
tantum uomitum, ille diceret emeton~g dusalias~g, id est uomitum
dysaliae, quod uerbum ubi apud graecos lectum sit, inuenire non potui,
nisi forte nouae rei nouum finxerit nomen. siquidem et apud hebraeos
compositum est, quia uomitus dicitur ci et soa, sordidus. quidquid
igitur nauseam facit et uomitum, dusalia~g appellari potest.
quem docebit scientiam, et quem intellegere faciet auditum?
ablactatos a lacte, auulsos ab uberibus, quia manda, remanda; manda,
remanda; exspecta, reexspecta; exspecta, reexspecta; modicum ibi,
modicum ibi. in loquela enim labii et in lingua altera loquetur ad
populum istum, cui dixit: haec est requies mea; reficite lassum, et hoc
est meum refrigerium, et noluerunt audire. et erit eis uerbum domini:
manda, remanda; manda, remanda; exspecta, reexspecta; exspecta,
reexspecta; modicum ibi, modicum ibi; et uadant et cadant retrorsum, et
conterantur, et illaqueentur et capiantur. lxx: cui annuntiabimus mala,
et cui annuntiabimus nuntium? qui ablactati sunt a lacte; qui abstracti
ab ubere. tribulationem super tribulationem exspecta; praestolare spem
super spem; adhuc parum, adhuc parum; propter irrisionem labiorum,
propter linguam alteram qua loquentur populo huic dicentes eis. haec est
requies esurienti, et haec contritio, et noluerunt audire. et erit eis
sermo domini: tribulatio super tribulationem; exspecta, exspecta; spes
super spem; adhuc parum, adhuc parum; et uadant et cadant retrorsum, et
conterantur, et periclitentur, et capiantur. quis, inquit, dignus est
doctrina domini, qui uerbis saluatoris dicentis: qui habet aures
audiendi audiat, ut quod auribus hauserit, corde intellegat? quinam illi
sint, sequens uersus ostendit: ablactati a lacte, auulsi ab ubere, qui
nequaquam lacte nutriuntur infantiae, sed solido uescuntur cibo; qui
auulsi sunt ab ubere cum isaac, propter quam laetitiam fecit abraham
grande conuiuium. hi meruntur domini audire mysteria, et intellegere
quae sacerdos et propheta nesciunt, inebriati et absorpti a uino, qui
errauerunt et nescierunt uidentem, quia omnes mensae eorum repletae sunt
uomitu sordium que qui prophetis uentura annuntiantibus, et nisi
fecissent quae praecepta erant, tormenta minitantibus, solebant dicere
subsannantes: manda, remanda; manda, remanda, id est: praecipe,
praecipe, impera quae facere debeamus, cum que abuterentur dei
patientia, qui differt iram, ut praebeat misericordiam; qui solebant
etiam hoc ex persona prophetarum ludentes dicere: exspecta paulisper,
exspecta modicum, uenient quae futura praediximus. haec autem uniuersa
loquebantur in populo, quia dei sermonibus non credebant. statim que
infert propheta: nequaquam uobis deus his uerbis loquetur, ut praecipiat
quid facere debeatis, et praestolemini quae uentura sunt, sed loquetur
uobis in furore praesenti, qui prius dixerat ad populum: haec est
requies mea, reficite lassum, multo tempore laboraui, in nullo inueni
requiem. uulpes foueas habent, et uolucres caeli nidos; filius autem
hominis non habet ubi caput suum reclinet. et hoc est meum refrigerium,
ut in uobis aliquando requiescam. qui noluerunt audire, et mea monita
contempserunt; quamobrem quod solebant ludentes dicere prophetis: manda,
remanda; manda, remanda; exspecta, reexspecta; exspecta, reexspecta;
modicum ibi, modicum ibi, et irridere patientiam meam, cum me
arbitrantur minitari, quae numquam facturus sim. sentiant rebus expleri,
ut uadant in interitum, et cadant retrorsum opisthoton�i~g insanabili;
numquam que ad priora proficiant nec possint cum apostolo dicere:
praeteritorum obliti, ad ea quae priora sunt extendimur; sed conterantur
et illaqueentur, et uel a babylonio, uel a romano capiantur exercitu.
pro eo quod nos diximus: manda, remanda; manda, remanda; exspecta,
reexspecta; exspecta, reexspecta; modicum ibi, modicum ibi, in hebraeo
sic scriptum est: sau lasau, sau lasau; cau lacau, cau lacau; zer sam,
zer sam; his que uerbis abuti solet immundissima haeresis apud simplices
quosque atque deceptos, ut terrorem faciat nouitate sermonum, quod
scilicet qui haec uerba cognouerit, et in coitu eorum meminerit, absque
ulla dubitatione transeat ad regna caelorum. legimus in apostolo: in
aliis linguis, et in labiis aliis loquar populo huic, et nec sic
exaudient me, dicit dominus. quod mihi uidetur iuxta hebraicum de
praesenti sumptum capitulo; et hoc in ueteri obseruauimus testamento, -
absque paucis testimoniis, quibus lucas solus abutitur qui magis graecae
linguae habuit scientiam, ubicumque de ueteri instrumento quid dicitur
-, non eos iuxta septuaginta, sed iuxta hebraicum ponere, nullius
sequentes interpretationem, sed sensum hebraicum cum suo sermone
uertentes, symmachus, theodotio et lxx de hoc loco diuersa senserunt, et
quia longum est de omnibus dicere, lxx interpretes, qui leguntur in
ecclesiis, breuiter transcurramus. reiecto populo iudaeorum,
sacerdotibus et prophetis, qui inebriati sunt sicera, et errauerunt et
maledictio comedit consilium eorum, quod inierunt propter auaritiam, cui
annuntiabimus futuras pro christo tribulationes? cui mala pro quibus
paratur corona uirtutum? utique his qui ablactati sunt a lacte, qui
auulsi sunt ab ubere, haud dubium quin apostolos significet:
tribulationem super tribulationem exspecta. loquitur autem ad chorum
apostolorum omnium que credentium, ut non ad unam, sed ad multas se
paret tribulationes, ut cum tribulatus fuerit atque depressus, rursum
speret, et spem super spem habeat. quod si paululum tardauerint quae
promissa sunt, non sit incredulus.
modicum enim paruulum que et uenient quae promissa sunt. etenim
tribulatio patientiam operatur; patientia probationem; probatio spem;
spes autem non confundit. et haec ipsa tribulatio geminabitur
detractione labiorum, et blasphemiis persequentium, quibus aduersus dei
populum rabido ore desaeuiunt. porro apostoli et apostolici uiri
loquentur ad populum iudaeorum, dicentes: haec est requies esurienti
iustitiam, et haec contritio et angustia quae ducit ad uitam. illis haec
praedicantibus, audire impii noluerunt. unde hoc quod ad dei populum
dicebatur: tribulationem sustine, tribulationem sustine; exspecta spem,
exspecta spem; adhuc modicum, adhuc modicum, illis uertetur in poenam,
qui audire sermonem domini noluerunt, ut corruant et uadant retrorsum,
et in periculum obsidionis ac mortis incurrant, et absque ullo
miseriarum fine capiantur. quod autem uerbum hebraicum dea, quod omnes
uerterunt scientiam, soli septuaginta mala interpretati sunt, error
perspicuus est. prima enim littera daleth uel res paruo apice
distinguuntur, si ergo legatur dea, scientiam sonat; si rea, malitiam;
non a malo, quod contrarium bono est, sed ab angustia.
propter hoc audite uerbum domini, uiri illusores, qui dominamini
super populum meum, qui est in hierusalem. dixistis enim: percussimus
foedus cum morte, et cum inferno fecimus pactum; flagellum inundans cum
transierit, non ueniet super nos, quia posuimus mendacium spem nostram,
et mendacio protecti sumus. lxx: propterea audite uerbum domini, uiri
tribulati et principes populi huius, qui est in hierusalem. quia
dixistis: fecimus testamentum cum inferno, et cum morte pactum;
tempestas transiens si irruerit, non ueniet super nos, quoniam posuimus
mendacium spem nostram, et mendacio protegemur. quod supra diximus cum
irrisione solitos principes iudaeorum prophetis dicere: manda, remanda;
exspecta, reexspecta, et cetera his similia, per quae ostenditur
nequaquam eos prophetarum credidisse sermonibus, sed prophetiam eorum
habuisse despectui; praesens ostendit capitulum, per quod appellantur
uiri illusores. sunt autem scribae et pharisaei qui dominantur super
populum dei in hierusalem, quos lxx uocant uiros tribulatos et principes
populi hierusalem. dixerunt enim non sermone, sed opere: sumus sicut et
ceterae nationes; habemus pactum et foedus cum inferno et cum morte;
semel salutem desperauimus. certe captiuitas longo post tempore uentura
est, dicentibus uobis: adhuc modicum, adhuc modicum: exspecta, rursus
exspecta. ergo cum mortui fuerimus, hoc flagellum captiuitatis et hanc
tempestatem non sentiemus. semel enim mendacio credidimus, hoc est,
frustra spem habuimus in deo et in lege eius. et ideo mendacio protecti
sumus, quia mortui imminentem captiuitatem declinauimus. uerbum
hebraicum sot, aquila et symmachus flagellum, lxx tempestatem
interpretati sunt; chasab quoque omnes mendacium transtulerunt, in quo
sperauerunt iudaei, cuius iuxta euangelistam ioannem, pater est
diabolus.
idcirco haec dicit dominus deus: ecce ego mittam in fundamentis
sion lapidem probatum, angularem, pretiosum, fundatum fundamine; qui
crediderit, non festinet. et ponam iudicium in pondere, et iustitiam in
mensura; et subuertet grando spem mendacii, et protectionem aquae
inundabunt. et delebitur foedus uestrum cum morte, et pactum uestrum cum
inferno non stabit; flagellum inundans cum transierit, eritis ei in
conculcationem. cum pertransierit, tollet uos, quoniam mane diluculo
transibit in die et in nocte, et tantummodo sola uexatio intellectum
dabit auditui. coangustatum est enim stratum, ita ut alter decidat; et
pallium breue utrumque operire non potest. lxx: propterea sic dicit
dominus: ecce ego immittam in fundamenta sion lapidem pretiosum,
electum, angularem, honorabilem in fundamenta eius; et qui crediderit,
non confundetur. et ponam iudicium in spem; misericordiam autem meam in
pondere, et qui credunt frustra mendacio, quoniam non transibit per nos
tempestas, et non auferet nobis testamentum mortis, et spes uestra ad
infernum non permanebit. tempestas ueniens si transierit, eritis ei in
conculcationem; cum transierit, tollet uos mane, mane pertransiet; die
et nocte erit spes pessima. discite audire qui estis in tribulatione:
non possumus pugnare, ipsi autem infirmi sumus ut congregemur. dixeram,
inquit, uobis: audite uerbum domini, uiri illusores, siue tribulati
principes populi mei, et nolite foedus habere cum morte, nec pactum cum
inferno, qui contemnentes praecepta mea, posuistis mendacium spem
uestram, et gloriantes, immo desperantes dicitis: mendacio protegemur.
idcirco misericors et miserator dominus, patiens et multum misericors,
nolentibus uobis, in fundamenta sion lapidem electum et probatum, et
pretiosum et angularem missurum esse se dicit. de quo et apostolus
loquitur: quasi sapiens architectus fundamentum posui; et iterum:
fundamentum enim aliud nemo potest ponere praeter id quod positum est,
quod est christus iesus. iste lapis uere et secundo appellatur lapis,
sicut et in leuitico homo, homo bis dicitur, et angularis lapis, quia
circumcisionis et gentium populos copulauit, de quo et in psalmo
dicitur: lapidem quem reprobauerunt aedificantes, hic factus est in
caput anguli. isti sunt autem aedificantes et caementarii, qui nunc
appellantur uiri illusores et principes populi qui est in hierusalem. de
hoc lapide et in daniele legimus, quod excisus sit de monte sine
manibus, et impleuerit uniuersum orbem; eo quod diuini germinis
dispensatio humanum corpus assumpserit, et habitauerit in eo plenitudo
diuinitatis corporaliter. super hunc lapidem, qui alio nomine appellatur
petra, christus aedificauit ecclesiam, et firmo, iuxta hebraicum,
fundauit fundamine, in quo qui crediderit, non confundetur, siue, iuxta
hebraicum, non festinet; ne uidelicet tardus ei christi uideatur
aduentus. si enim tardauerit iuxta abacuc, nemo desperet, quia ueniens
ueniet, et sua promissa complebit. promittit quoque deus ponere se in eo
iudicium ponderis: neque enim iudicat pater quemquam, sed omne iudicium
tradidit filio. et iustitiam siue misericordiam in mensura, ut reddat
unicuique secundum opera sua, et iustitiam ac misericordiam alterutro
temperet, iuxta illud quod et in psalmis legimus: misericordia et
ueritas obuiauerunt sibi; iustitia et pax deosculatae sunt se. spem
quoque ait uestram atque mendacium, id est diabolum patrem omnis
mendacii, suppliciorum meorum grando subuertet. et protectionem, sub qua
uos tutos fore arbitrabamini, tempestas ualida et aquarum multitudo
delebit, ita ut amicitia et foedus quod habebatis cum morte et cum
inferno, hoc est cum diabolo, pereat in aeternum. et flagellum siue
tempestas, de quo dixeratis: flagellum inundans cum transierit, non
ueniet super nos; ueniet, et eritis ei in conculcationem, hoc est: omnia
tormenta patiemini, quae uos putabatis desperationis animo nequaquam
esse passuros. semper enim irruet uobis, et tam in prosperis quam in
aduersis iram domini sentietis, et mors uos saeua populabitur. quid
dicam de poenis? poenarum sola formido et tormentorum metus uos corriget
ad salutem, et mala uestra intellegere faciet. cum que uexati fueritis,
tunc scietis prophetas meos uera dixisse. quod que sequitur:
coangustatum est enim stratum, ita ut alter decidat, et pallium breue:
utrumque operire non potest, illum habet sensum quem in apostolo
legimus: non potestis calicem domini bibere, et calicem daemoniorum. non
potestis mensae domini esse participes, et mensae idolorum; et alibi:
quae participatio iustitiae cum iniquitate? quae societas luci ad
tenebras? quae conuentio christi ad belial? quae pars fideli cum
infideli? qui consensus templo dei cum idolis? loquitur autem sub
metaphora mariti pudicissimi, qui adulterae dicit uxori: unus lectulus
me et adulterum te cum capere non potest, et pallium breue maritum et
moechum cooperire non praeualet. o igitur hierusalem, ad quam et in
hiezechiel sub persona uxoris loquitur fornicantis, et quam in osee
principio scortum uocat et adulteram, si uis meis complexibus copulari,
abice idola; si seruieris idolis, me habere non poteris. hoc iuxta
hebraicum. porro quod in lxx legitur: discite audire qui tribulati
estis: non possumus pugnare, ipsi autem infirmi sumus ut congregemur,
quem sensum habeat, et quomodo superioribus copuletur, penitus ignoro.
nisi forte ad principes populi loquatur sermo diuinus, et hortetur eos,
ut spem habeant in deo, et non in morte atque inferno, et discant audire
uaticinia prophetarum; illi que respondeant se pro infirmitate uirium
aduersus contrarias potestates pugnare non posse, nec inter dei populum
congregari.
sicut enim in monte diuisionum stabit dominus, sicut in ualle
gabaon irascetur, ut faciat opus suum, alienum opus eius, ut operetur
opus suum, peregrinum est opus ab eo. et nunc nolite illudere, ne forte
constringantur uincula uestra. consummationem enim et abbreuiationem
audiui a domino deo exercituum super uniuersam terram. lxx: sicut mons
impiorum consurget dominus, et erit in ualle gabaon, cum furore faciet
opera sua, amaritudinis opus et furor eius quasi alienis abutetur; et
aliena amaritudo eius. et uos nolite laetari, ne confortentur uincula
uestra, quia consummatas et abbreuiatas res audiui a domino deo sabaoth,
quas facturus est super omnem terram. lapidem pretiosum in fundamentis
sion positurum se dominus repromisit, ut subuerteret grando mendacium et
impiorum spem; foedus que cum morte et pactum cum inferno tempestas
ualida deleret.
quem quia suscipere illusores principes noluerunt, sicut quondam contra
allophylos, regnante dauid, in monte diuisionum, qui hebraice
appellabatur pharasim, dominus concidit aduersarios suos, unde et locus
nomen accepit. et sicut in ualle gabaon, sub iesu principe, quando
fiducia habitantis in se dei locutus est: stet sol in gabaon, et luna
contra uallem aialon. et stetit sol spatio unius diei; multi que de
alienigenis perierunt; sic contra impios et illusores irascetur dominus,
ut faciat opus suum. non est enim opus domini perdere quos creauit; sed
facere opus alienum, quod ad crudelitatem magis quam ad clementiam
pertinet. rursum que id ipsum aliis uerbis repetit: ut operetur opus
suum. non est opus eius punire peccantes, sed peregrinum, et alienum ab
eo, ut puniat qui saluator est. quoniam igitur de patientia sua
resurrecturus est dominus, et nequaquam parciturus, sicut non pepercit
in monte pharasim, et in ualle gabaon. moneo uos, o uiri illusores, ut
nequaquam rideatis de prophetis meis, et non putetis uentura quae
nuntiant, ne si permanseritis in illudendo, constringantur uincula
peccatorum uestrorum. funibus enim peccatorum suorum unusquisque
constringitur, siue captiuitatis uobis tempus adueniat. siquidem quod
dominus tanto tempore differebat uincula, captiuitatem atque supplicia,
siue ultimum iudicii diem, iam rebus expleturus est, et consummaturus,
et abbreuiaturus. itaque ego propheta quae a domino deo omnipotente
futura cognoui super uniuersam terram, haec uobis nuntio, ut imminentem
iram paenitentia praeueniatis. iuxta lxx ipse dominus quasi mons
impiorum dicitur surrecturus et futurus in ualle gabaon, ut faciat opera
sua, quae omnia unum opus est amaritudinis, quod nequaquam uideatur
esse blasphemum. non enim dicit futurum dominum montem impiorum, sed
quasi montem, qui impiis et sustinentibus uideatur esse grauissimus.
quomodo si filius neglegens et alter aegrotus, patrem et medicum putent
esse crudeles, si eos uerberibus atque cauterio disciplinae restituant
sanitati. consurget enim dominus et erit in ualle gabaon, propter eos
qui cum ob peccata in humili consistant loco, propter tumorem animi
eriguntur in superbiam - gabaon enim collis interpretatur -, ut faciat
opera sua quae sunt opera amaritudinis, quando cogitur mutare
clementiam, et pro dulci amarus efficitur. igitur uos qui haec estis
aliquando passuri, nunc nolite laetari illa laetitia qua gaudebat et
diues in conuiuio purpuratus, et lazarum pauperem neglegens, ne forte
fiant uestra uincula fortiora. quae enim facturus est dominus, et rebus
suam sententiam completurus, haec ego et audiui, et uobis omnia
nuntiaui. quod que intulit: supra omnem terram, iuxta historiam, iudaeae
terminos intellege; iuxta anagogen, totius mundi.
auribus percipite et audite uocem meam; attendite et audite
eloquium meum. numquid tota die arabit arans ut serat, proscindet et
sarriet humum suam? nonne cum adaequauerit faciem eius, seret gith, et
cyminum sparget, et ponet triticum per ordinem, et hordeum, et milium,
et uiciam in finibus suis? et erudiet illum in iudicio; deus suus
docebit illum, non enim in serris triturabitur gith, nec rota plaustri
super cyminum circuibit; sed uirga excutietur gith, et cyminum baculo;
panis autem comminuetur. uerum non in perpetuum triturans triturabit
illum, neque uexabit eum rota plaustri, neque ungulis suis comminuet
eum. et hoc a deo exercituum exiuit, ut mirabile faceret consilium, et
magnificaret iustitiam. lxx: auribus percipite et audite uocem meam;
attendite et audite sermones meos. numquid tota die arabit qui arat, aut
sementem praeparabit antequam praeparet terram? numquid cum
adaequauerit faciem eius, tunc seminabit gith et cyminum, et rursum
seminabit triticum, et hordeum, et milium, et far in finibus tuis, et
erudieris iudicio dei, et laetaberis? non enim cum duritia mundatur
gith, neque rota plaustri circuit super cyminum; sed uirga excutitur
gith, et cyminum cum pane comeditur. neque enim in sempiternum ego
irascar uobis, nec uox amaritudinis meae conculcabit uos, et haec a
domino sunt egressa portenta. inite consilium, exaltate uanam
consolationem.
ad eosdem nunc etiam loquitur, quibus supra dixerat: audite uerbum
domini, uiri illusores, qui dominamini super populum meum qui est in
hierusalem. et praecipit eis, ut uocem eius audiant, et eloquium illius
diligenter attendant. numquid, ait, agricola semper arabit, ut sementem
iaciat? nonne prius proscindet humum, et uomere sulcos reuoluet,
iacentes que glebas rastro franget et sarculo. ut cum adaequauerit
superficiem terrae, et dura prius arua mollierit, tunc spargat gith,
siue cyminum; serat que triticum, et hordeum, et milium, et far in
finibus suis, iuxta uarietatem terrae et temporum; neque enim simul
omnia seminantur. pro farre quod graeci zean~g uocant, quidam uiciam
intellegunt. ipsum que agricolam, id est satorem, erudit deus
naturaliter iudicio suo, et docet illum ut sciat quam cui sementi
culturam adhibeat. denique cum metendi tempus aduenerit, gith et
cyminum, quae infirmiora sunt semina, non rotis plaustrorum teruntur,
quae in serrarum similitudinem ferreae circumaguntur et trahuntur super
demessas segetes; sed uirga excutiuntur et baculo, quae uulgo flagella
dicuntur. panis autem, id est triticum de quo efficitur panis, rotis
ferreis teritur, et omnis eius stipula comminuitur in paleas. uerumtamen
non semper uexatur et teritur, nec omni tempore rotarum ungulis
comminuitur; pro quibus in hebraico dicitur equis earum, ut quia ungulas
rotarum dixerat, metaphoram seruaret in reliquis. quidam uolunt ex eo
quod ungulas et equos nominauit, ostendi equarum greges, qui ad terenda
frumenta areis immitti soleant. sed non poterat scriptura dicere, quod
iudaea prouincia non habebat. hoc autem, id est ut gith et cyminum uirga
excutiantur et baculo, frumentum hordeum que et far, fortasse et
milium, rotis ferreis conterantur, non in perpetuum dei iudicium est,
qui in omnibus ostendit mirabile consilium suum, et iustitiae
magnitudinem monstrat in cunctis. haec paraphrastik�s~g diximus, ut
facilius sensum pro quo ista dicuntur, possimus intellegere. deus uarie
genus dispensat humanum, nunc punit, nunc miseretur; nunc corripit, nunc
defendit; id est: nunc arat, nunc serit, nunc maturas fruges metit, et
demessas in areis terit, orbem que suum gubernat ut uoluerit. gith et
cyminum, id est omnes gentes quae non receperunt eius notitiam, nec
legis habuere praecepta, uirga emendat et baculo. frumentum autem, id
est populum iudaeorum, magnis torquebit suppliciis. cui enim plus
creditur, plus exigetur ab eo. et seruus, qui scit uoluntatem domini
sui, et non fecerit eam, uapulabit multis; et in alio loco scriptum est:
potentes potenter tormenta patientur. uerumtamen non eos torquebit in
perpetuum. aliud enim est esse impium, aliud peccatorem. quod nos de
gentibus et iudaeis interpretati sumus, alii exponunt super populo et
sacerdotibus, quod uulgus indoctum in die iudicii quasi gith et cyminum
corripiatur uirga et baculo, sacerdotes autem qui habuerunt clauem
scientiae, magnis suppliciis torqueantur. et hoc domini fiat iudicio,
qui ostendit in cunctis mirabile consilium suum et iustitiae ueritatem,
ut qui plus acceperunt, plus exigatur ab eis. pro eo quod nos
interpretati sumus: in uirga excutietur gith, et cyminum in baculo,
nescio quid uolentes lxx transtulerunt: cyminum autem cum pane
comeditur. denique et ueteres graeciae interpretes hebraicum
disserentes, de hoc sermone tacuerunt, quia forsitan quid dicerent non
habebant. illud autem in quo nos iuxta hebraicum posuimus: uerum non in
perpetuum triturans triturabit illum, neque uexabit illum rota plaustri,
nec ungulis suis comminuet eum, lxx non iuxta uerbum, sed iuxta sensum
interpretati sunt: neque enim ego in sempiternum irascar uobis, nec uox
amaritudinis meae conculcabit uos; ostendentes futura peccatoribus, post
tormenta refrigeria, et haec quasi portenta atque mirabilia egressa
esse a domino. unde praecipitur peccatoribus qui postea puniendi sunt,
ut ineant consilium, et exaltent consolationem suam, nequaquam uanam, ut
a lxx additum est, sed absolute consolationem, numquam enim deus
praeciperet, ut exaltarent uanam consolationem suam, quae eis non erat
profutura.
29. uae ariel, ariel ciuitas, quam expugnauit dauid. additus est
annus ad annum, sollemnitates euolutae sunt. circumuallabo ariel, et
erit tristis et maerens; et erit mihi quasi ariel.
et circumdabo quasi sphaeram in circuitu tuo, et iaciam contra te
aggerem, et munimenta ponam in obsidionem tuam. humiliaberis, de terra
loqueris, et de humo audietur eloquium tuum, et erit quasi pythonis de
terra uox tua, et de humo eloquium tuum mussitabit. et erit sicut puluis
tenuis multitudo uentilantium te, et sicut fauilla pertransiens
multitudo eorum qui contra te praeualuerunt. erit que repente confestim:
a domino exercituum uisitabitur in tonitruo et commotione terrae, et
uoce magna turbinis et tempestatis, et flammae ignis deuorantis. et erit
sicut somnium uisionis nocturnae multitudo omnium gentium, quae
dimicauerunt contra ariel, et omnes qui militauerunt, et obsederunt, et
praeualuerunt aduersus eam. sicut somniat esuriens et comedit, cum
fuerit experrectus, uacua est anima eius; et sicut somniat sitiens et
bibit, postquam euigilauerit, lassus adhuc sitit, et anima eius uacua
est. sic erit multitudo omnium gentium quae dimicauerunt contra montem
sion. lxx: uae ariel. ariel ciuitas quam expugnauit dauid. congregate
genimina, annum super annum comedite, comedetis enim cum moab.
coangustabo enim ariel, et erit fortitudo illius et diuitiae mihi, et
circumdabo sicut dauid super te; et mittam uallum in circuitu tuo, et
ponam per gyrum tui turres, et humiliabuntur in terram sermones tui et
in terram occident uerba tua. et erit sicut loquentium de terra uox tua,
et usque ad pauimentum uox tua infirmabitur. et erunt sicut puluis de
rota diuitiae impiorum; et sicut fauilla quae rapitur, multitudo eorum
qui te oppresserunt; erit que in puncto repente a domino sabaoth.
uisitatio enim erit cum tonitru, et commotione et uoce magna, tempestas
ualida, et flamma ignis deuorans. et erunt quomodo uidentis somnium
nocte, diuitiae omnium gentium quae militauerunt contra ariel; et omnes
qui pugnauerunt contra hierusalem, et uniuersi qui congregati sunt super
eam, et afflixerunt eam. erunt que sicut qui in somnis esuriunt et
comedunt; cum que surrexerint, uanum est somnium eorum, et sicut qui per
somnium sitit et bibit, cum surrexerit, adhuc sitiet, et anima eius
frustra sperauit. sic erunt diuitiae omnium gentium quae militauerunt
contra montem sion. pro eo quod nos interpretati sumus uae, in hebraeo
scriptum est oi, quod apud eos interdum uocatiuo casu dicitur, ut non
plangat ariel, sed uocet. licet in praesenti loco pro planctu
accipiendum sit. ariel quoque interpretatur leo dei; et pro ciuitate
quam aquila interpretatus est polichn�n~g hoc est oppidulum siue
uiculum, in hebraeo legunt cariatha, quod proprie uillam significat, et
lingua syra dicitur cartha, unde et uilla siluarum appellatur
cariathiarim. denique et in superioribus ubi legimus: quomodo facta est
meretrix ciuitas fidelis sion? pro ciuitate cariath scribitur, id est
uilla, quam nos ut translationem aquilae exprimamus ad uerbum,
ciuitatulam possumus dicere. igitur ariel, id est leo dei, quondam
fortissima uocatur hierusalem. siue ut alii arbitrantur, templum et
altare dei quod erat in hierusalem. quod que sequitur: quam expugnauit
dauid, pro quo interpretatus est symmachus castrum dauid, et theodotio
circumuallatio dauid, in hebraeo legitur hana, quod eruditissimus
hebraeorum habitaculum significare uoluit. si igitur legerimus: quam
expugnauit dauid, ad illud tempus referamus, quando cepit dauid arcem
sion, repugnantibus caecis et claudis, et primus ioab domatum excelsa
conscendit. si autem iuxta symmachum et theodotionem hoc sentiendum,
quod dauid eam instaurauerit atque munierit, additus est annus ad annum,
siue subtractus, ut interpretatus est aquila; et sollemnitates euolutae
sunt. subuerso enim templo, et iudaica religione sublata, omnis eorum
festiuitas periit. dicit que se dominus circumuallare ariel babylonio
exercitu, et fore eam tristem atque maerentem, quando ab eis diruta
fuerit. rursum que sub iesu filio iosedec sacerdote magno, et zorobabel
filio salathiel, esdra que et neemia, quando prophetauerunt aggaeus et
zacharias, fore eam quasi ariel, quod habeat antiqui templi
similitudinem, sed magnificentiam ornamentum que non habeat.
secundo quoque dominus comminatur, quod circumdet arielem sphaera, et
iaciat contra eam aggerem, et munimenta ponat in obsidionem eius, et
compleatur illud quod ipse plangens hierusalem loquitur in euangelio: si
scires ea quae ad pacem sunt tibi, quoniam uenient dies super te, et
circumdabunt te inimici tui uallo, et obsidebunt te, et in terram
humiliaberis. et hierusalem erit conculcata a nationibus usque ad
consummationem temporis gentium. aliis enim uerbis eadem propheta nunc
dicit, quod humiliata de terra loquatur, et de humo audiatur eloquium
eius; et sit quasi pythonis de terra uox illius, et de humo instar
passerum mussitet, ut per haec uerba significet magorum nekuomanteian~g,
per quam animas euocare dicuntur, et tenues umbrarum, immo daemonum,
audire uoces. denique pro pythone, aquila magum interpretatus est, qui
hebraice dicitur cheb, pro quo lxx de terra loquentes transtulerunt.
quibus uerbis indicatur ruinam templi usque ad consummationem
permansuram mundi, quod collapsum in cineres, nequaquam ultra
suscitetur. tantus autem, o ariel, te romanae potentiae uallabit
exercitus, ut innumerabili pulueri comparetur et fauillae per aerem
uolitanti. unde non imbecillitatem eorum pulueri comparat et fauillae,
qui contra eos militauerunt; sed multitudinem quae arenis
innumerabilibus exaequatur. et hoc erit repente confestim, ut in media
pace, subita sub nerone bella consurgant, et dominus exercituum uisitet
hierusalem in tonitru, et in commotione terrae, et in turbine
tempestatis, et in flamma ignis deuorantis, per quod templum significat
comburendum. romani autem qui, superatis iudaeis et subuersa hierusalem
sub tito et uespasiano, de uasis quondam dei manubias obtulerunt
capitolio; suae que uirtutis et potentiae numinum, non irae dei
putauerunt esse quod fecerant, quasi in somnio et in nocturna uisione
omnes diuitias possidebunt. et quomodo qui esurit dormiens in somnis se
uesci putat, et qui sitit, arentibus siti faucibus flumina bibit, cum
que euigilauerit ardentior sitis fit, quae cassa potione delusa est. sic
multitudo uniuersarum gentium, quae romanae subditae potestati
dimicauerunt contra montem sion, habebunt quasi in umbra et nube, et
somnio noctis diuitias, quas maturo interitu derelinquent. in eo loco
ubi nos posuimus: omnes qui militauerunt et obsederunt et praeualuerunt
aduersus eam, lxx transtulerunt: et omnes qui militauerunt contra
hierusalem, quod in hebraico non habetur. in principio quoque huius
capituli ubi nos diximus: additus est annus ad annum, siue subtractus,
illi interpretati sunt: congregate fructus, uel genimina, annum super
annum; manducate, comedetis enim cum moab. et est sensus: antequam annus
domini acceptabilis praedicationis eius adueniat, immo duo anni, de
quibus in cantico habacuc iuxta hebraicum legimus: in medio duorum
temporum cognosceris, seminate uobis in lacrimis, ut metatis in gaudio.
scriptum est in euangelio secundum ioannem, per tria pascha dominum
uenisse in hierusalem, quae duos annos efficiunt. quod autem sequitur:
comedetis enim cum moab, in hebraico non habetur. de quo possumus
dicere, quod nisi fructus sibi paenitentiae congregauerint, incipiant
cum his comedere qui non ingrediuntur ecclesiam domini usque in
aeternum. cetera in quibus uidentur discrepare, manifesta sunt; et ex
his quae exposuimus, facilis eorum interpretatio est. scio me legisse
ariel interpretari: lux mea dei, quod longe aliter est. hic enim prima
syllaba per aleph et res scribitur; lux autem quae hebraice dicitur or,
inter aleph et res mediam habet litteram uau, quae in praesenti nomine
non habetur. omnia que quae nunc dicuntur contra ariel, referunt ad
haereticos, qui doctrinam suam dei aestimant lucem, et expugnandi sunt a
uero dauid. omnes que sollemnitates eorum auferendae, et gaudium
praesens futura tristitia commutandum, quibus praecipiat deus ut agant
paenitentiam, ne incipiant comedere cum moabitis, et similes esse
gentilium. ipse enim expugnabit ariel, et omnem uirtutem eorum atque
diuitias suo circumdabit exercitu. turribus que hoc est, magistris
ecclesiae humiliabit in terra sermones eorum, ut nequaquam ponant in
caelum os suum, sed scribantur in terra, loquantur que de terra, et
fiant quasi puluis excussus rota. omnes que diuitiae impiorum puncto et
momento temporis comparentur, quando uisitauerit eos in sua maiestate,
descendens in turbine et tempestate et igne supplicii. et intellexerint
omnes diuitias suas, pompam que sermonum et argumentorum strophas,
frustra comedentis et bibentis somnio comparari, qui militauerunt contra
hierusalem, uisionem pacis; siue aduersum ariel, leonem fortissimum, et
ad extremum contra montem sion, super quem ecclesiae ciuitas sita
latere non potest.
obstupescite et admiramini; fluctuate et uaccillate; inebriamini,
et non a uino; mouemini, et non ebrietate. quoniam miscuit uobis
dominus spiritum soporis, claudet oculos uestros, prophetas et principes
uestros qui uident uisiones, operiet. et erit uobis uisio omnium sicut
uerba libri signati, quem cum dederint scienti litteras, dicent: lege
istum, et respondebit: non possum, signatus enim est. et dabitur liber
nescienti litteras, dicetur que ei: lege.
et respondebit: nescio litteras. pro soporis spiritu, lxx compunctionem;
theodotio mentis excessum; aquila kataphoran~g, id est grauem somnum,
interpretatus est; qui hebraice dicitur thardema, quem et in adam missum
a deo scriptura commemorat, quando de costa lateris eius mulier effecta
est. et ionas hoc eodem somno stertebat in naui. omnis autem prophetia
post subuersionem hierusalem et templi, id est ariel, contra scribas et
pharisaeos est, qui habentes clauem scientiae, nec ipsi introeunt, nec
uolentes alios introire permittunt. et praecipitur eis, ut stupore atque
miraculo, immo iuxta septuaginta dissolutione totius corporis et mentis
excessu inebrientur, atque moueantur et fluctuent. uacillantes non uino
nec sicera, sed spiritu soporis, siue compunctionis domini, ut
intellegentes malum suum, agant aliquando paenitentiam, dicant que cum
propheta: uersatus sum in infirmitate, dum configitur mihi spina.
scitote ergo, o scribae et pharisaei, qui estis principes iudaeorum,
quod reddat uobis dominus uicissitudinem uestram. uos enim audientes
dominum saluatorem, intellegere noluistis, et clausistis oculos uestros,
ne eum uideretis, et aures aggrauastis, ne audiretis. ideo et ille
claudet oculos uestros, qui sunt prophetae, per quos scientiam dei
uidebatis. siue uestros oculos claudet et prophetarum, qui sunt
principes uestri. lex enim et prophetae usque ad ioannem baptistam, ut
uobis non uidentibus, illi uideant, de quibus inferior sermo testatur:
et audient in die illa surdi uerba libri signati et oculi caecorum
uidebunt et exsultabunt. in iudicium enim uenit dominus, ut uidentes
iudaei non uideant; et qui caeci erant, populus scilicet nationum,
uideant et dominum contemplentur. unde significanter non dixit, quod
uisio omnium prophetarum signata sit cunctis legentibus; sed uobis,
inquit, erit signata quibus nunc loquor, quibus haec futura praenuntio.
siue oculos principum uestrorum, qui se iuxta septuaginta abscondita et
arcana uidere iactabant, claudet in perpetuum. erit que ait, uobis omnis
scriptura sancta clausa atque signata, ut uos qui legis litteras et
prophetarum uaticinia nosse uos existimatis, et diebus ac noctibus
uolumina scripturarum indefesso ore meditamini, non intellegatis, quod
legitis, sicut in apocalypsi ioannis scribitur: quis est dignus aperire
librum, et soluere signacula eius? cum que nullus fuisset inuentus qui
aperiret signacula, flesse se dicit; et dei tandem ad se meruisse
sermonem: noli flere; ecce uicit leo de tribu iuda radix dauid, ut
aperiat librum, et soluat signacula eius. leo autem de tribu iuda
dominus iesus christus est, qui soluit signacula libri, non proprie
unius, ut multi putant, psalmorum dauid, sed omnium scripturarum, quae
uno scriptae sunt spiritu sancto; et propterea unus liber appellantur.
de quo hiezechiel mystico sermone testatur, quod scriptus fuerit intus
et foris; in sensu et in littera. de quo et saluator loquitur in
psalmis: in capitulo libri scriptum est de me. non hieremiae, non
esaiae, sed in omni scriptura sancta quae unus liber appellatur.
magistris igitur iudaeorum usque in praesentem diem nequeuntibus legere
et aperire signacula, et mysteria pandere scripturarum, si dederis eum
librum indocto populo, qui a suis praeceptoribus deuoratur, fatebuntur
nescire se litteras, et idcirco legere non posse. atque e duobus malis
multo leuius est legis imperitiam confiteri, quam iactare prudentiam; et
non posse scire quod dicitur.
et dixit dominus: pro eo quod appropinquat populus iste ore suo,
et labiis suis glorificat me; cor autem eius longe est a me, et
timuerunt me mandato hominum, et doctrinis. ideo ecce ego addam ut
admirationem faciam populo huic miraculo grandi et stupendo. peribit
enim sapientia a sapientibus eius, et intellectus prudentium illius
abscondetur. lxx: et ait dominus: appropinquat mihi populus iste ore
suo, et labiis suis honorat me; cor autem eius longe est a me. frustra
colunt me, docentes hominum praecepta atque doctrinas. propterea ecce
adiciam ut transferam populum istum; transferam enim illos, et perdam
sapientiam sapientium, et intellectum prudentium abscondam. hoc
testimonio abusus est dominus contra pharisaeos in euangelio matthaei,
dicens: quare et uos praeteritis mandatum dei propter traditiones
uestras. et iterum: hypocritae, bene prophetauit de uobis esaias,
dicens: populus iste labiis me honorat, cor autem eius longe est a me.
frustra autem colunt me docentes doctrinas et praecepta hominum. in quo
notare debemus illud quod plerumque admonuimus, euangelistas et
apostolos non uerbum interpretatos esse de uerbo; nec lxx interpretum
auctoritatem secutos, quorum editio illo iam tempore legebatur; sed
quasi hebraeos et instructos in lege, absque damno sensuum suis usos
esse sermonibus. appropinquat autem populus iudaeorum ore et labiis suis
deo; quia unius dei cultum habere se gloriatur et respuere idola; sed
cor eius longe est ab eo, quia non recipit dominum iesum christum. qui
enim non recipit filium, non recipit patrem. simul que discamus quomodo
aliquis appropinquet deo, uel longe fiat ab eo. qui et per hieremiam
loquitur: deus appropinquans ego, et non de longe dicit dominus.
appropinquamus autem deo mente, non corpore; sicut et de moyse legimus:
appropinquauit moyses solus ad deum; ceteri autem non appropinquabant.
orabat enim deum in spiritu et ueritate, et accedebat ad eum sensu et
spiritu. hi autem de quibus scribitur quod tollantur ab utero, et
erudiantur a puero usque ad senectutem; et in lege dei die ac nocte
meditentur, non appropinquant deo, quia traditiones pharisaeorum
scribarum que suscipiunt, quae eos longe faciunt a deo, et sunt sepulcra
dealbata, quae foris uidentur esse pulchra, intus autem plena sunt
ossibus mortuorum. qui elegerunt barabbam, et dominum respuerunt.
propterea additurum se esse comminatur, iuxta lxx, ut nequaquam in
assyrios et babylonios eos transferat, sed in toto orbe dispergat. iuxta
hebraicum, admirationem magnam populo iudaeorum stupendum que miraculum
facturum esse se dicit; ut perdat eorum sapientiam qui non receperunt
dei uirtutem dei que sapientiam, et intellectum prudentium abscondat et
celet, ne scilicet eum reperiant qui in littera continetur. de hoc loco
apostolus paulus scribens ad corinthios posuit testimonium: perdam
sapientiam sapientium, et intellectum prudentium reprobabo. aliis uerbis
eumdem sensum edisserens, non quod deus sit inimicus sapientiae cuius
pater est, et per quem omnis est in hominibus sapientia; sed cum
additamento posuit, ut in hebraico est, sapientium populi et prudentium
illius, id est populi iudaeorum. et reuera grande miraculum deus fecit
in populo post aduentum domini saluatoris, ut uno atque eodem tempore
arderet hierusalem, templum que corrueret, et omnis magistrorum scientia
tolleretur; impleto illo quod supra dictum est: ecce dominator dominus
sabaoth auferet ab hierusalem et a iuda ualidum et ualidam, omnem
fortitudinem panis et omne robur aquae. gigantem et hominem bellatorem,
et iudicem et prophetam, et coniectorem et senem et quinquagenarium, et
admirabilem consiliarium, et sapientem architectum, et prudentem
auditorem, et cetera, quae propheticus sermo contexuit.
uae qui profundi estis corde, ut a domino abscondatis consilium,
quorum sunt in tenebris opera. et dicunt: quis uidet nos, et quis nouit
nos? peruersa est haec uestra cogitatio, quasi si lutum contra figulum
cogitet, et dicat opus factori suo: non fecisti me; et figmentum dicat
fictori suo: non intellegis. lxx: uae qui profundum consilium faciunt,
et erunt in tenebris opera eorum, et dicunt: quis uidet nos? quis sciet
nos, et quae nos facimus?
nonne ut lutum figuli reputabimini? numquid dicet factura factori
suo: non sapienter me fecisti, aut figmentum fictori suo: non tu me
electum fecisti? aduersum eosdem de quibus supra dixerat: perdam
sapientiam sapientium, et intellegentiam prudentium reprobabo, siue ut
propheta scribit: abscondam, nunc etiam dei sermo dirigitur, qui
sapientes sunt in semetipsis, et in conspectu suo prudentes. de quibus
rectissime illud intellegi potest: defecerunt scrutantes scrutinio. cum
scriptum sit de dei sapientia: si enim quis perfectus fuerit in filiis
hominum absque tua sapientia, in nihil reputabitur. qui idcirco
arbitrantur deum sua nescire consilia, quia in tenebris sunt opera
eorum, et dicunt: quis uidet nos? et quis nouit nos? haec autem dicunt
et sapientes huius saeculi, et haereticorum magistri, et iudaeorum
pharisaei, quod nullus eos intellegat; non recordantes eius quod ad deum
dicitur: tenebrae non obscurabuntur a te; et nox sicut dies
illuminabitur. et: sicut tenebrae eius, ita et lux eius. hoc errore
decepti adam et eua, audientes sonitum pedum deambulantis in paradiso
dei, absconderunt se sub arbore, in qua erat scientia boni et mali; cain
quoque dicens: si eicis me hodie a facie tua, abscondar; simili
stultitia deum arbitratus est ignorare. et per amos de impiis et
peccatoribus dicitur: si absconderint se ab oculis meis in profundo
maris, ibi mandabo draconi, et mordebit eos.
unde quamuis aliquis sapiens sit et feruentioris ingenii, si non
habuerit dei sapientiam atque doctrinam, dicamus de eo: nisi dominus
aedificauerit domum, in uanum laborauerunt qui aedificant eam. nisi
dominus custodierit ciuitatem, in uanum uigilabit qui custodit eam. cui
nos faciamus simile: nisi dominus adiuuerit scientiam, in uanum laborat
qui se putat esse sapientem. nisi dominus omni custodia seruauerit cor
nostrum, in uanum uigilat qui putat illud sua diligentia posse seruari.
peruersa est, inquit, haec uestra cogitatio, ut factorem putetis nescire
quod fecit, et creatorem ignorare creaturam suam, quasi si lutum et
opus dicat figulo et factori suo: non me fecisti, uel: non me bene
fecisti, nec intellegis facturam tuam. hoc testimonio aliis uerbis
apostolus utitur ad romanos ubi de dei profunda scientia disputat, et
hominum uult calumniam confutare: o homo, tu quis es qui respondeas deo?
numquid dicit figmentum fictori suo: quare me fecisti sic? an non habet
potestatem figulus de eodem luto aliud uas facere in honorem, aliud in
contumeliam? in quibus cunctis illa semper obseruanda est regula:
euangelistas et apostolos absque damno sensuum interpretatos in graecum
ex hebraeo, ut sibi uisum fuerit. nonne adhuc in modico et in breui
conuertetur libanus in chermel. et chermel in saltum reputabitur? et
audient in die illa surdi uerba libri signati; et de tenebris et
caligine oculi caecorum uidebunt. et addent mites in domino laetitiam;
et pauperes homines in sancto israel exsultabunt, quoniam defecit qui
praeualebat. consummatus est illusor, et succisi sunt omnes, qui
uigilabant super iniquitatem. qui peccare faciebant homines in uerbo, et
arguentem in porta supplantabant; et declinauerunt frustra a iusto.
respondeant iudaei et amici simplicis tantum historiae, qui fructus non
quaerunt in arbore, sed folia tantum umbram que uerborum, quae cito
arescit et deperit, quomodo in aduentu domini saluatoris, - quia a
temporibus esaiae usque ad dispensationem carnis assumptae, pro
comparatione aeternitatis breue et modicum temporis spatium est -,
libanus mons phoenicis uersus sit atque translatus in montem carmelum?
qui hebraice chermel dicitur; et est in confinio palaestinae atque
phoenicis ptolemaidi imminens; licet et alius in scripturis sanctis mons
carmelus appelletur, in quo fuit nabal carmelius, homo stultus est
cynicus, qui uxorem habuit abigail, quae mortuo uiro, nupsit dauid. illo
enim uiuente, uirum dauid accipere non poterat, ne uocaretur adultera
si foret alteri uiro sociata; et quomodo chermel in saltum et
infructuosa ligna reputetur? quod cum dicere non potuerint, audiant
libanum, qui interpretatur dealbatio, referri ad populum gentium, qui
lotus in domino et purgatis sordibus pristinis, totus mundus ascendens,
sub ecclesiae persona innititur saluatori, et de eo in cantico
canticorum dicitur: quae est ista quae ascendit dealbata, innitens super
fratruelem suum; et istum populum transferri in chermel, hoc est, in
circumcisionis scientiam, ut spiritalis et uerae circumcisionis mysteria
recognoscat; et in loco sit quondam populi iudaeorum. illos autem qui
christum suscipere noluerunt reputari in saltum, et in arbores steriles,
quae non possunt cum lignis fructiferis laudare dominum. cum autem
libanus in chermel, et chermel in saltum fuerit commutatus, tunc qui
prius surdi erant, et uerba libri prophetici audire non poterant, de quo
supra diximus, quod omnis scriptura sancta unus liber appelletur,
dicente ecclesiaste: sermones sapientium tamquam stimuli et quasi claui
in altum confixi, qui a conciliis dati sunt a pastore uno. audient, et
loquentur, quibus saluator dicet: ephphetha, quod interpretatur
adaperire. quod que nos uertimus: de tenebris et caligine oculi caecorum
uidebunt, quorum facilis interpretatio est; aquila et theodotio et
symmachus transtulerunt: tenebras et caliginem oculi caecorum uidebunt,
ut ostenderent gentium populo, qui prius caecus erat, christi sacramenta
pandenda, iuxta illud quod dicitur: tenebrosa aqua in nubibus aeris. et
in eodem psalmo de deo scriptum est: posuit tenebras latibulum suum. et
in prouerbiis legimus: haec audiens sapiens sapientior erit; et prudens
gubernationem possidebit, et intelleget parabolam et tenebrosum
sermonem, dicta sapientium et aenigmata. denique et moyses ut
intellegeret et uideret deum, in nubem ingressus est et in caliginem, de
qua in psalmo dicitur: caligo sub pedibus eius. cum autem prius caeci
uel mystica quaeque conspexerint, uel de caecitate et tenebris oculos
leuauerint ad uidendum, ut sedentibus in tenebris et umbra mortis
oriatur lumen uerum. tunc mites de quibus scriptum est: beati mites,
quoniam ipsi possidebunt terram; siue pauperes, quorum princeps in
psalmis ait: hic pauper clamauit, et dominus exaudiuit illum; et: qui
iudicabit pauperes populi, et saluos faciet filios pauperum. de quo
dicitur ad iudaeos: consilium pauperis spreuistis, addent in domino
laetitiam, ut qui gloriatur, in domino glorietur. et pauperes homines
siue desperati ab hominibus atque contempti, qui legis prius notitiam
non habebant, in sancto israel exsultabunt, qui ait: sancti estote,
quoniam ego sanctus sum. omnis que est exsultatio, quoniam defecit qui
praeualebat.
consummatus est illusor, siue arrogans, et superbus, qui dixerat:
fortitudine faciam et sapientia, auferam et fines gentium et
fortitudinem earum uastabo; qui omnibus illudebat, in tantum ut sanctus
quoque diceret: lumbi mei repleti sunt illusionibus. et succisi sunt,
siue deleti omnes qui uigilabant super iniquitatem, quorum propter malas
uigilias non dormitat interitus. qui peccare faciebant uniuersum
hominum genus in uerbo blasphemiae, ut negarent uerbum dei, et in caelo
ponerent os suum. significat autem daemones, qui, nequam ipsi, omnes
faciebant homines in sermone peccare, uariis dogmatibus blasphemantes,
et arguentem in porta atque iudicio, quantum in se erat, supplantabant,
et a iustitia declinare faciebant, qui erat in portis filiae sion,
exaltatus de portis mortis; et corripiebat eos qui oderant in portis
arguentem. quae nos super diabolo et angelis eius intelleximus, nazaraei
contra scribas et pharisaeos dicta arbitrantur, quod defecerint
deuter�tai~g, qui prius illudebant populo traditionibus pessimis; et ad
decipiendos simplices die noctu que uigilabant, qui peccare faciebant
homines in uerbo dei, ut christum dei filium negarent.
propter hoc haec dicit dominus ad domum iacob, qui redemit
abraham: non modo confundetur iacob; nec modo uultus eius erubescet. sed
cum uiderit filios suos, opera manuum mearum, in medio sui
sanctificantes nomen meum et sanctificabunt sanctum iacob, et deum
israel praedicabunt; et scient errantes spiritu intellectum et
mussitatores discent legem. lxx: propterea haec dicit dominus super
domum iacob, quam separauit ex abraham: non modo confundetur iacob,
neque nunc faciem mutabit. sed cum uiderit filios suos opera mea;
propter me sanctificabunt nomen meum, et sanctificabunt sanctum iacob.
et deum israel timebunt et scient qui errant spiritu intellegentiam; et
mussitatores discent oboedientiam. quod que sequitur et linguae
balbutientes discent loqui pacem obelo praenotandum est. cum audierint,
inquit, surdi uerba libri, et oculi caecorum uiderint. libanus que
conuersus fuerit in chermel, et chermel reputatus in saltum, ita ut
mites et pauperes laetentur in domino, et superbus illusor que deficiat.
tunc confundetur iacob qui modo interim non confunditur. significat
autem esaiae tempora. et uultus illius erubescet, ut rubor atque
confusio occasio sit salutis, praecipue cum uiderit filios suos, id est
apostolos et apostolicos uiros, qui fuerunt de genere iudaeorum, in
medio nationum domini perpetrare uirtutes, et christi nomen gentibus
praedicare, et dicere: pater noster, qui es in caelis, sanctificetur
nomen tuum. illi enim sanctificabunt sanctum qui ortus est de iacob, et
deum israel docebunt in gentibus, ut idolis derelictis, dicant: quam
falsa possederunt patres nostri idola, et non est in illis qui pluat. et
tunc scient qui nunc errant spiritu intellegentiam dei, et qui quondam
in solitudine murmurabant contra dominum, discent legem, cuius prius
notitiam non habebant. si enim recepissent moysem, recepissent et
dominum iesum christum, quia moyses de illo loquebatur. quod in
principio capituli iuxta hebraicum transtulimus: haec dicit dominus ad
domum iacob, qui redemit quondam abraham, et eduxit de chaldaeis, et in
terram repromissionis induxit, perspicue patet. illud autem quod
septuaginta transtulerunt: haec dicit dominus super domum iacob quam
separauit ex abraham, sic intellegi potest, quod scribas et pharisaeos,
qui dominum blasphemabant, separauerit ab abraham, qui uidit diem
domini, et laetatus est. si enim fuissent filii abraham, fecissent opera
abraham. et apostolus disputat eos appellandos filios abraham, qui
habuerint similitudinem fidei abraham, hoc est populum gentium, qui non
ex operibus, sed ex fide abraham filius appellatus est.
30. uae filii desertores, dicit dominus, ut faceretis consilium,
et non ex me; et ordiremini telam, et non per spiritum meum, ut
adderetis peccatum super peccatum. qui ambulatis, ut descendatis in
aegyptum; et os meum non interrogastis, sperantes auxilium in
fortitudine pharaonis, et habentes fiduciam in umbra aegypti. et erit
uobis fortitudo pharaonis in confusione, et fiducia umbrae aegypti in
ignominiam. erant enim in tanis principes tui et nuntii tui usque hanes
peruenerunt. omnes confusi sunt super populo qui eis prodesse non
poterit; non fuerunt in auxilium et in aliquam utilitatem, sed in
confusionem et in opprobrium. lxx: uae filii praeuaricatores, dicit
dominus. fecistis consilium, et non per me; et pactum, non per spiritum
meum, ut adderetis peccata peccatis, qui itis ut descendatis in
aegyptum.
et me non interrogastis, ut accipiatis auxilium a pharaone, et
protegamini ab aegyptiis. erit uobis protectio pharaonis in confusionem;
et his, qui confidunt in aegypto, opprobrium. sunt enim in tani
principes, nuntii pessimi. frustra laborabunt ad populum, qui eis non
proderit ad auxiliandum, neque in utilitatem, sed in confusionem et
opprobrium. post prophetiam contra ariel, et cetera quae usque ad hunc
locum praeteritus sermo disseruit, nunc alterius uaticinationis exordium
est, quae post centum quinquaginta annos, qui fuerunt inter esaiam et
hieremiam probatur esse completa. praedicit enim illam historiam, quam
in hieremiae uolumine legimus, quando subuersa hierusalem et omnibus in
babylone opibus principibus que translatis, praepositus est regii
generis his qui in iudaea remanserant, godolias filius ahicam, quo per
dolum cum chaldaeis sociis interfecto, omnes principes bellatorum, et
iohannan filius chareae, et iechonias filius osiae. et reliquum uulgus a
paruo usque ad magnum, accesserunt ad hieremiam prophetam, et dixerunt
ei: cadat oratio nostra in conspectu tuo, et ora pro nobis ad dominum
deum tuum pro uniuersis reliquiis istis. quia relicti sumus pauci de
pluribus, sicut oculi tui nos intuentur; et annuntiet nobis dominus deus
tuus uiam per quam pergamus, et uerbum quod faciamus. cum que hieremias
post decem dies ex sermone domini respondisset: haec dicit dominus deus
israel: si quiescentes manseritis in terra hac, aedificabo uos et non
destruam, plantabo et non euellam, quoniam placatus sum super malo quod
feci uobis. nolite timere a facie regis babylonis, quem uos pauidi
formidatis. et post modicum: si autem dixeritis: non habitabimus in
terra ista; et posueritis faciem uestram, ut ingrediamini aegyptum, et
intraueritis ut ibi habitetis; gladius quem uos formidatis, ibi
comprehendet uos. et fames pro qua estis solliciti, adhaerebit uobis in
aegypto, et ibi moriemini. responderunt uiri superbi, dicentes ad
hieremiam: mendacium tu loqueris. non misit te dominus deus noster,
dicens: ne ingrediamini in aegyptum, ut habitetis illic; sed baruch
filius neriae incitat te aduersum nos, ut tradat nos in manibus
chaldaeorum, ut interficiat nos et transduci faciat in babylonem.
denique omnes principes populi reliquiis congregatis cum mulieribus et
paruulis et filiabus regis, non audientes uocem domini, ingressi sunt
aegyptum, assumptis se cum hieremia et baruch, et uenerunt in taphnas,
ita ut hieremias in signum captiuitatis futurae prophetaret contra
inoboedientem populum ea quae in libro illius continentur. quod igitur
postea futurum erat, ante annos multos praedicitur, et desertores et
praeuaricatores filii appellantur qui deserto consilio dei, quod
acceperant per hieremiam, suam secuti sunt uoluntatem, et orditi telam,
non per spiritum dei, qui eis hieremiae ore resonabat. orditam autem
telam metaphorik�s~g posuit, ut prauum consilium demonstraret, et hoc
fecerunt, ut peccata pristina augerent peccato contentionis et
superbiae. qui descenditis, inquit, in aegyptum, et os meum non
interrogastis. non quod non interrogauerint, sed quod consilium
prophetae audire noluerint, sperantes auxilium in fortitudine pharaonis,
et habentes fiduciam in protectione, siue umbra aegypti. pro
fortitudine pharaonis, quae in hoc loco bis ponitur, in hebraico
scriptum habet maoz. hoc annotauimus, ut quod in danielis extrema
legimus uisione deum maozim, non ut porphyrius somniat: deum uiculi
modim, sed robustum deum et fortem intellegamus. pharao autem apud
aegyptios nomen est regiae potestatis; et unusquisque speciali
appellatur uocabulo, ut pharao nechao, et pharao uafre. quomodo si nos
caesares et augustos propriis regum uocabulis praeponamus. et erit,
inquit, uobis fortitudo pharaonis in confusionem, et fiducia umbrae
aegypti in ignominiam. scribit idem hieremias, quod in taphnis urbe
aegypti infoderit lapides in porta domus pharao, et dixerit uiris
iudaeis: haec dicit dominus exercituum deus israel: ecce ego mittam et
assumam nabuchodonosor regem babylonis seruum meum, et ponam thronum
eius super lapides istos quos abscondi, et statuet solium suum super
eos. ueniens que percutiet terram aegypti, quos in mortem, in mortem; et
quos in captiuitatem, in captiuitatem; et quos in gladio, in gladio. et
succendet ignem in delubris deorum aegypti, et comburet ea, et captiuos
ducet illos. et amicietur terra aegypti, sicut amicitur pastor pallio
suo et egredietur inde in pace. superatis enim aegyptiis capti sunt et
iudaei, qui ad aegyptios fugerant. quod que sequitur: erunt enim in
tanis principes tui, et nuntii tui usque hanes peruenerunt, cum
irrisione et emphatik�s~g legendum, quod spreto dei consilio, principes
suos ad tanis urbem aegypti miserint, in qua domus pharaonis regia fuit,
et sub moyse signa atque portenta plurima perpetrata sunt, dicente
psalmographo: qui fecit mirabilia in terra aegypti, in campo taneos.
et idem esaias contra aegyptum loquitur: ubi sunt nunc sapientes tui?
annuntient tibi, et dicant, quid cogitauerit dominus sabaoth contra
aegyptum. defecerunt principes taneos, quos eo tempore defecisse
commemorat, quando dominus ingressus est aegyptum super nubem leuem.
hanes autem urbem aegypti in alio loco non legimus, sed ex eo quod ait:
nuntii tui usque ad hanes peruenerunt, intellegimus ultimam iuxta
aethiopas et blemmyas esse aegypti ciuitatem, pro quo lxx interpretati
sunt: nuntii pessimi frustra laborabunt, qui confisi sunt super populo
aegypti, qui eis prodesse non potuit, et fuerunt in opprobrium
sempiternum. quidam hunc locum contra decem tribus in samaria scriptum
putant, quod ab aegyptiis auxilia postulantes, capti sint ab assyriis.
iuxta tropologiam: omnes qui dei religione contempta, reuertuntur ad
uomitum suum et perdito nomine filiorum, impudentissimi canes
appellantur, ineunt consilium, non per dominum, et feriunt foedus, non
per spiritum domini, addunt que peccata peccatis. ut superati
blandientibus uitiis, etiam dogmatum recipiant prauitatem et descendant
in aegypti tenebras, quaerentes auxilium pharaonis, qui regnat in
aegypto, cuius protectio ducit in ignominiam, et in opprobrium
sempiternum. sunt enim in tanis, in mandato uidelicet humili atque
deiecto principes eius, pessimi nuntii, qui frustra laborant super
populo qui eis prodesse non poterit. sicut enim sanctos magistros iuuat
discipulorum salus, sic perditio seductorum perdit patriarchas eorum qui
ad aegypti auxilium confugerunt.
onus iumentorum austri. pro quo hebraice dicitur massa beemoth
negeb, quod lxx transtulerunt: uisio quadrupedum in deserto. superior
expositio, quam latissime historiae replicatione texuimus, huius loci
est interpretatio, quod iuxta consuetudinem prophetalem, onus, id est
pondus et sarcina cruciatuum atque poenarum, non solum super babylonem
et philisthiim, et moab et damascum, et aegyptum et desertum mare,
idumaeam quoque et arabiam, et uallem sion et ad extremum tyrum, sed
super iumenta quoque austri peruenerit, quae lxx transtulerunt:
quadrupedes in deserto. significat autem tribum iuda, quae in australi
parte sita, eremo confinis est. et eos qui hieremiae uaticinium
respuentes, capta hierosolyma, noluerunt habitare in iudaea; sed per
desertum ad aegyptios confugerunt. et recte appellantur iumenta austri,
siue quadrupedes in deserto, quia respuerunt notitiam dei, et contempto
eius imperio, ad aegypti simulacra fugerunt, spem habentes in pharaone,
cui qui innixus fuerit, quasi si incumbat arundini, quae fracta manum
uulneret innitentis. de istiusmodi iumentis et filii chore loquebantur
in psalmo: homo cum in honore esset, non intellexit, comparatus est
iumentis insipientibus, et similis factus est illis. quod que sequitur
haec uia eorum scandalum ipsis, recte super praesenti capitulo intellegi
potest, quod uia deserti illis fuerit in ruinam. legisse me noui,
iumenta austri et quadrupedes in deserto, qui iudaeae terminos
relinquentes, ad aegypti tenebras confugerunt, referri ad spiritalia
nequitiae in caelestibus; et rectores tenebrarum istarum, qui uniuersas
diuitias et pristinas opes aegypti desiderio perdiderunt. hoc ille
dixerit. nos iuxta tropologiam, ut quae necdum proposuimus disseramus,
dicimus omnes qui creatore deserto, saeculi erroribus se dederunt, esse
quadrupedes in deserto istius saeculi, a quo frustra sperent auxilium,
cum uerum dei auxilium dereliquerint.
in terra tribulationis et angustiae leaena et leo; ex eis uipera
et regulus uolans. portantes super humeros iumentorum diuitias suas; et
super gibbum camelorum thesauros suos ad populum qui eis prodesse non
poterit. aegyptus frustra et uane auxiliabitur. lxx: in tribulatione et
angustia leo et catulus leonis. inde aspides et genimina aspidum
uolantium, qui ferebant super asinos et camelos diuitias suas ad gentem,
quae eis non proderit. aegyptii inania et uacua proderunt uobis. pro
leone in hebraico scriptum habet leis, et pro regulo uolante, quem lxx
genimina aspidum uolantium transtulerunt, in hebraico empr�st�s~g
dicitur et uolans quem nos appellare possumus comburentem, et hebraice
uocatur saraph. rursum in eo loco ubi nos interpretati sumus: portantes
super humeros iumentorum, pro iumentis omnes similiter transtulerunt
p�lous~g, id est pullos asinorum. terra autem tribulationis et
angustiae, latissimam eremi significat uastitatem, per quam reliquiae
hierusalem cum iohannan filio careae et filiabus regis sedechiae,
sublatis omnibus quae habere poterant, ad aegyptum transfugerunt.
leaenam quoque et catulum leonis, hierusalem et populum eius
metaphorik�s~g intellege, dicente balaam in numeris: ecce populus ut
leaena consurget, et quasi leo erigetur.
non accubabit, donec deuoret praedam, et occisorum sanguinem bibat. in
hiezechiele quoque scriptum est: assume planctum super principem israel,
et dices: quare mater tua leaena inter leones cubauit, in medio
leunculorum enutriuit catulos suos? ac ne putaremus uere scripturam
sanctam de leaena et leone dicere, contra naturam rerum loquitur, quod
de leaena et leone nata sit uipera et regulus uolans, siue genimina
aspidum uolantia. quod uidelicet de malis parentibus peiores generati
sint liberi, de quibus et euangelium loquebatur: generatio uiperarum,
quis ostendit uobis fugere ab ira uentura? et ad terram dicitur israel:
tu es terra in qua non pluit, nec imber uenit super te in die irae,
cuius principes in medio eius, quasi leones rugientes, rapientes
praedam, animas deuorantes per potentiam. ista genimina uiperarum, siue
aspidum uolantium, id est principes populi et omnis impiorum turba,
ierunt ad populum, qui eis prodesse non potuit, dicente hieremia, quod
traderet dominus pharaonem uafre regem aegypti in manum inimicorum eius,
et in manus quaerentium animam illius. et consumerentur omnes uiri
iuda, qui erant in terra aegypti, gladio et fame usque ad internecionem,
in tantum ut tradant hebraei, prius quam nabuchodonosor aegyptum
caperet, hieremiam et baruch imminentem captiuitatem morte uitasse.
leaenam et catulum leonis quidam caelestem hierusalem et deceptum ex ea
populum exposuit, regulum que uolantem, et uiperas, et genimina aspidum,
illum de quo supra legimus, colubrum tortuosum; et de quo saluator in
euangelio loquebatur: uidebam satanam, quasi fulgur de caelo cadentem.
qui draco appellatus in apocalypsi, tertiam partem stellarum se cum
detraxit in terram, quae peruersitate sententiae priores diuitias
perdiderunt, deserentes eas in aegyptum huius saeculi.
ideo clamaui super hoc: superbia tantum est; quiesce. pro quo
nescio quid uolentes septuaginta interpretes transtulerunt: annuntia
ista, quoniam uana est consolatio uestra haec. porro symmachus
interpretatus est: tarachai~g eisin~g katoikein~g, id est: tumultus sunt
ut habitent. uerbum hebraicum reeb, aquila horm�ma~g, id est impetum et
superbiam, symmachus: turbationem, lxx: uanitatem, theodotio:
latitudinem interpretati sunt; quod tribus litteris scribitur res et he
et beth, et ipsum est quod in psalmis legitur: memor ero raab et
babylonis scientium me. et est sensus: quoniam in aegyptiis uanum
auxilium est, praecepi ei, id est hierusalem, siue clamaui, quod
aegyptii regni tantum haberent uocabulum, et absque uiribus superbiam;
et israel in terra sua sedere uel habitare deberet, nec frustra ab
infirmis auxilium petere.
nunc ingressus scribe eis super buxum, in libro diligenter exara
illud; et erit in die nouissimo in testimonium usque in aeternum. aiunt
hebraei, quoniam in prophetis unus sit spiritus, et omnia apud dominum
iuncta sint tempora, hieremiae praecipi, et dei esse mandatum, ut
ingressus aegyptum scribat eis super buxum, quod lignum est imputribile;
siue, ut symmachus transtulit epi~g ptuchi~g, id est: super latissimam
tabulam. eis autem, haud dubium quin iudaeis, et in libro diligenter
edisserat, ita ut nulla difficultas sit lectionis, ut quando uaticinium
fuerit rebus expletum, tunc intellegant uerum prophetarum esse sermonem.
manifesta transcurrimus, ut in obscurioribus immoremur.
populus enim ad iracundiam prouocans est; et filii mendaces,
filii nolentes audire legem dei. qui dicunt uidentibus, nolite uidere;
et aspicientibus, nolite aspicere nobis ea quae recta sunt. loquimini
nobis placentia; uidete nobis errores. auferte a me uiam; declinate a me
semitam; cesset a facie nostra sanctus israel. perspicuum est, quod ad
iracundiam prouocauerint dominum, hieremiae uerba audire nolentes. qui
dixerunt ei: noli nobis uidere quod nolumus; noli nobis interdicere uiam
aegypti nec quae recta sunt praedices; sed loquere quod nobis placet,
ut pergamus in aegyptum, quod cumulet peccata peccatis. quid nobis
ingeris quod non libenter audimus? quid monstras uiam per quam ingredi
nolumus? quid frequenter ingeminas auribus nostris: haec dicit dominus
sanctus israel? cesset a nobis ista praedicatio. secundum tropologiam,
omnes haeretici mendaces filii appellantur. ex nobis enim exierunt, sed
non fuerunt ex nobis. qui non audiunt interioris hominis auribus legem
dei, et ecclesiarum loquuntur magistris.
nolite nobis uidere quae recta sunt, nec gehennae flammas comminemini;
sed promittite nobis regna caelorum, ut post luxuriam et delicias
pandatur nobis paradisus. quid mihi ostendis uiam domini, per quam non
libenter ingredior? quid replicas nomen sancti israel, siue uerbum
israelis, quod mei pectoris arcana non penetrat? quod quidem et ad
populum ecclesiae dicitur neglegentem, si auersetur austeritatem
magistrorum, et adulatoribus faueat.
propterea haec dicit dominus sanctus israel: pro eo quod
reprobastis uerbum hoc, et sperastis in calumnia et tumultu; et innixi
estis super eo, propterea erit uobis iniquitas haec sicut interruptio
cadens, et requisita in muro excelso, quoniam subito dum non speratur
ueniet contritio eius. et comminuetur sicut conteritur lagena figuli
contritione perualida; et non inuenietur de fragmentis eius testa in qua
portetur igniculus de incendio; aut hauriatur parum aquae de fouea.
quia, inquit, supra dixistis: cesset a facie nostra sanctus israel, siue
ut lxx transtulerunt: auferte a nobis uerbum israel, idcirco haec dicit
dominus sanctus israel, et nolentibus uobis se ingerit, ut quem
neglexistis commonentem, sentiatis punientem. habuistis fiduciam in
aegyptiorum calumnia atque mendacio, et innixi estis super tumultu
eorum, siue contradictione et superbia, ut symmachus et theodotio
interpretati sunt, propterea uertetur uobis haec iniquitas siue
peccatum, ut sitis quasi murus cadens subito ciuitatis firmissimae et
captae, cui repentina aduenerit ruina, ita enim lxx transtulerunt. et
est sensus iuxta hebraicum: quomodo interruptio muri altissimi, qui
longam traxit ruinam, difficile instaurari potest et pristinum decorem
recipere, sic uobis ueniet repentina contritio. et ut alia utar
similitudine: sicut uas figuli, si confringatur contritione perualida,
ita comminuitur in frusta, ut uix paruula testa remaneat de fragmentis,
in qua portetur igniculus, aut paululum aquae de lacuna hauriatur et
fouea; sic uos cum ieritis in aegyptum, persequente uos illuc
nabuchodonosor, usque ad internecionem peribitis. haeretici quoque et
omne dogma contrarium ueritati confidunt in calumnia atque mendacio, et
mussitant iuxta lxx contra creatorem suum. propterea impietatis eorum
ciuitas destruetur, quam aedificauit cain, cui ueniet repentina
perditio, cum capta fuerit ab ecclesiasticis uiris, et ita destructa et
comminuta, ut nihil in ea remaneat quod possit ignem emortuum
reaccendere, et saltem caenosam et paruulam aquam populis praebere
sitientibus.
quia haec dicit dominus deus sanctus israel: si reuertamini et
quiescatis, salui eritis; in silentio et in spe erit fortitudo uestra;
et noluistis, et dixistis: nequaquam; sed ad equos fugiemus. ideo
fugietis et super ueloces ascendemus; ideo ueloces erunt qui
persequentur uos. mille homines a facie terroris unius; et a facie
terroris quinque fugietis. lxx: haec dicit dominus deus sanctus israel:
cum reuersus ingemueris tunc saluus eris, et scies ubi fueris, quia
confidebas super uanis, uana facta est fortitudo uestra; et noluistis
audire. sed dixistis: super equos fugiemus; propterea fugietis; et super
leuibus ascensoribus erimus. ideo leues erunt qui persequentur uos.
mille ad uocem unius fugient; et ad uocem quinque fugient multi.
sanctus, ait, cuius supra nomen tacueram, ipse est dominus deus, qui
uobis et per me et per hieremiam loquitur: si agatis paenitentiam, et
uel uitia relinquatis uel errorem praui consilii, et maneatis in iudaea,
non babyloniorum impetum, sed mea praecepta metuentes, salui eritis.
quiescite et sperate in domino, et fidei in promissis meis robur
arripite, qui contemnentes praecepta uitalia, desperatione dixistis,
nequaquam ita erit ut loqueris; sed ad equos confugiemus aegyptios, et
concito ad eos atque ueloci pergemus gradu. quia igitur ista dixistis,
fugietis quidem et pernici cursu intrabitis aegyptum; sed uelociores
erunt babylonii, qui uos usque ad aegyptum persequentur, tantus que
terror atque formido obtinebit aegyptum, ut uni chaldaeo mille aegyptii
resistere nequeant, et quinque hostibus, fugientium plurima multitudo,
iuxta illud quod in deuteronomio legimus: dabit te dominus ut corruas in
conspectu inimicorum tuorum. uia una egredieris ad eos, et per septem
uias fugies a facie eorum, et eris in dispersione in cunctis regnis
terrae. iuxta anagogen et lxx editionem, omnes ad paenitentiam
peccatores, et praecipue haereticos cohortatur sermo diuinus, quod cum
reuersi a uitiis ingemuerint, et egerint paenitentiam, salui fiant; et
tunc intellegant ubi prius fuerint, et quod frustra in uanis
sperauerint. cum que eos ad paenitentiam cohortetur, illi e contrario
confidunt in falsis magistris, et in incerto saeculi. dei que uerba
audire nolentes, equos aegyptios desiderant, et eorum uelocitate
laetantur, quos multiplicari dominus prohibuit. idcirco ecclesiastici
uiri eos uelociter persequentur, et unius bellatoris uocem, siue quinque
pugnantium, quod ad mentem et ad quinque sensus referre debemus, mille
homines et incondita turba fugientium sustinere non poterunt.
donec relinquamini quasi malus nauis in uertice montis et quasi
signum super collem. scribit et hieremias quod interfectis gladio et
fame his qui in aegyptum confugerant, pauci remanserint qui reuersi sint
in iudaeam. et quomodo si fracta naui et compage illius dissoluta, sola
arbor quae malus dicitur, remaneat, et ponatur pro signo in summitate
montis, siue in excelso colle.
sic pro signo atque uestigio, uix unus et alter resideant ad dei
potentiam demonstrandam. et tunc, inquit, scient omnes reliquiae iuda,
qui nunc ingrediuntur terram aegypti, ut habitent ibi, cum reuersi
fuerint in terram iudaeam, cuius sermo compleatur, meus, an illorum.
propterea exspectat dominus, ut misereatur uestri, et ideo
exaltabitur parcens uobis, quia deus iudicii dominus! beati omnes qui
exspectant eum. grandis clementia dei, ut exspectet nostram
paenitentiam, et donec nos a uitiis conuertamur, ille potentem contrahat
manum, ne ferire cogatur. ideo autem miseretur et parcit, ut exaltetur
illius misericordia, et bonitas creatoris nota cunctis fiat. uel certe
iuxta illud quod in euangelio loquitur: cum exaltatus fuero, omnia
traham ad me, idcirco exaltatur in cruce, ut parcat omnibus. ipse est
enim deus iudicii; et beati sunt omnes qui exspectant dominum
exspectantem conuersionem suam. quorum sit autem, et quae ista
conuersio, sequentia uerba monstrabunt.
populus enim sion habitabit in hierusalem. iudaei haec ad cyri
tempora referunt, quando de babylone in iudaeam reuersus est populus sub
zorobabel et iesu pontifice. nos autem, ut saepe iam diximus, omnes
repromissiones quae excedunt mediocritatem illius temporis, ad christi
referamus aduentum, in quo captiuus quondam populus passione domini
liberatus, habitauit in sion et hierusalem, in specula uidelicet, et
uisione pacis, hoc est in ecclesia. porro quod in lxx uerbum additur
sanctitatis, qui dixerunt: populus enim sanctus in sion habitat, sic
interpretari possumus, ut dicamus nullum habitare in sion, nisi eum qui
sanctus sit, et audiat dicentem dominum: sancti estote, quoniam et ego
sanctus sum.
plorans nequaquam plorabis, miserans miserebitur tui. ad uocem
clamoris tui, statim ut audierit, respondebit tibi. cum reuersus fueris
in sion, et habitaueris in hierusalem, nequaquam plorabis, ut ante
ploraueras, sed fletus tuus uertetur in gaudium: beati enim flentes,
quia ipsi ridebunt. et postquam clamaueris, et dixeris ad dominum:
clamaui in toto corde meo, exaudi me, domine. et iterum: clamaui,
miserere mei, et custodiam mandata tua. et alibi: exspectaui in matutino
et clamaui. et tam clara fuerit uox tua, ut caelos penetret; statim
tibi dominus respondebit, et similis eris moysi, de quo scriptum est:
loquebatur moyses, et dominus respondebat ei.
et dabit uobis dominus panem arctum, et aquam breuem. si ad
zorobabel haec referimus tempora, facilis interpretatio est; quod non
fuerit sub eo perfecta laetitia, dicente dauid: cum conuerteret dominus
captiuitatem sion, facti sumus sicut consolati, ut non consolationem
plenam atque perfectam, sed similitudinem consolationis acciperent. sin
autem ad saluatoris aduentum, panis arctus et aqua breuis, iuxta
apostolum paulum, et hunc eumdem esaiam prophetam, euangelicus sermo
praedicitur, qui pro laciniosis legis obseruationibus atque mandatis, in
uno uerbo recapitulauit omnia: diliges proximum tuum, sicut teipsum.
consummatum enim et abbreuiatum sermonem fecit dominus super terram.
et non faciet auolare a te ultra doctorem tuum, et erunt oculi
tui uidentes praeceptorem tuum. et aures tuae audient uerbum post tergum
monentis. haec uia, ambulate in ea, neque ad dexteram, neque ad
sinistram. lxx: et nequaquam ultra appropinquabunt tibi qui decipiant
te, quia oculi tui uidebunt eos qui te seduxerunt, et aures tuae audient
uerba post te decipientium, qui dixerunt: haec uia, ambulemus in ea,
siue ad dextram, siue ad sinistram. multum in hoc loco lxx editio
hebraicum que discordant. primum ergo de uulgata editione tractabimus,
et postea sequemur ordinem ueritatis. cum intellexerint atque
perspexerint cordis oculi ueritatem, et eos qui se prius deceperant,
tota mentis ratione cognouerint, et auribus eruditis post tergum
decipientium uerba perspexerint, semper enim caecam corporis partem
decipere festinant, iuxta illud quod in psalmo legimus: ut sagittent in
obscuro rectos corde, qui tantam sibi assumunt auctoritatem, ut seu
dextera doceant, seu sinistra, id est siue bona, siue mala, nolint
discipulos ratione discutere, sed se praecessores sequi.
tunc hi qui prius decipiebant, nequaquam ultra ad eos ualebunt accedere
postquam se senserint intellectos. porro iuxta hebraicum et facilis et
uera explanatio est. cum enim dominus credentibus dederit panem arctum
et aquam breuem, nequaquam ultra faciet auolare ab eis illum qui docet
hominem scientiam. sed semper uidebunt oculi eius praeceptorem suum, et
aures illius uerbum post tergum monentis exaudient, atque dicentis: haec
uia recta est, ambulate in ea, neque ad dextram, neque ad sinistram.
secundum illud quod alibi legitur: nec ad dextram, nec ad sinistram
declinabimus, uia regia gradiemur. in utraque enim parte quidquid supra
modum est, in uitio est. et de dextris partibus dicitur: ne sis iustus
multum. de sinistris autem quod in haedorum et in pereuntium parte
ponantur, nulla dubitatio est.
et contaminabis laminas sculptilium argenti tui, et uestimentum
conflatilis auri tui, et disperges ea sicut immunditiam menstruatae;
egredere, dices ei. lxx: et contaminabis idola deargentata, et deaurata;
comminues ea et disperges sicut aquam menstruatae, et sicut stercus
abicies ea. cum intellexeris ueritatem, et decipientes ad te non
accesserint, sed oculi tui uiderint praeceptorem tuum et aures tuae
semper audierint: haec uia, ambulate in ea, neque ad dextram, neque ad
sinistram, tunc omnes errores et idola, ac similitudines ueritatis, quae
artifex lingua composuerat in splendore eloquentiae, quod interpretatur
argentum, et in ratione sapientiae, quod aurum sonat, comminues atque
disperges, et ita iudicabis immunda ut menstruatae mulieris sordidissimo
sanguini compares, quod uerbis aliis aquam menstruatae septuaginta
transtulerunt.
et dabitur pluuia semini tuo ubicumque seminaueris in terra, et
panis frugum terrae erit uberrimus et pinguis. lxx: tunc erit pluuia
semini terrae tuae, et panis frugum terrae tuae erit abundans et
pinguis. scriptum est in regum uolumine, quod postquam interfecti sunt
ab elia pseudoprophetae, data sit pluuia terrae israel; et quod panis
elisaei et postea saluatoris uberrimus fuerit atque pinguissimus, et
tantam habuerit plenitudinem, ut multa hominum milia ex eo saturata
sint. ita et in praesenti loco, non prius dabitur pluuia semini
spiritali, et panis terrae uberrimus atque pinguissimus, nisi idola
deargentata et deaurata fuerint comminuta, et reputata in sterquilinium.
nisi enim uitia recesserint, uirtutes non subeunt.
pascetur in possessione tua in die illa agnus spatiose. et tauri
tui et pulli asinorum qui operantur terram, commixtum migma comedent
sicut in area uentilatum est. lxx: et pascentur iumenta tua in die illa
locum pinguem et spatiosum. tauri uestri et boues uestri qui operantur
terram, comedent paleas commixtas in hordeo uentilato. in rerum omnium
abundantia, caelesti pluuia descendente, et illo pane qui de caelo
descendit, quem qui comederit, numquam esuriet, pascentur agni in loco
spatiosissimo, qui sequuntur agnum quocumque uadit, et qui semper ad
dextram sunt. tauri autem principes gregis, de quibus legimus:
congregatio taurorum in uaccis populorum. et pulli asinorum, quibus
sedens dominus ingressus est hierusalem, qui operantur terram, sic de
area comedent, ut fuerit uentilatum, ne quid uidelicet in cibo eorum
mixtum sit palearum, de quibus in hieremia scriptum est: quid paleis ad
triticum, dicit dominus? et quae in euangelio comburuntur igni
inextinguibili. porro iuxta lxx iumenta, quae necdum rationis sapientiae
que sunt plena, et de quibus unus loquitur ad deum: sicut iumentum
factus sum apud te, pascentur in loco pinguissimo et spatioso, qui non
affert spinas et tribulos, sed quasi terra israel lacte et melle
decurrit, et plenam pascentibus tribuit libertatem. tauri autem et boues
qui operantur terram, id est apostoli et uiri apostolici, de quibus et
apostolus paulus scriptum interpretatur: non alligabis os boui
trituranti. et: numquid de bobus cura est deo? sed utique de his dicit
qui operantur terram suam, et de quibus idem loquitur: dei agricultura,
dei aedificatio sumus. pater enim agricola est, et christus uinea;
comedent paleas mixtas cum hordeo uentilato. legimus quod isaac hordeum
seuerit, et quia apud allophylos erat, centenariam hordei frugem
receperit. et osee coro et dimidio coro hordei conduxit mulierem
adulteram.
saluator quoque quinque milia uirorum qui adhuc sensibus corporis
seruiebant et legem sequebantur moysi, hordeaceis panibus saturauerat.
qui in alio loco frangens septem legis panes et in frusta comminuens,
quattuor milia uiros repleuit triticeis panibus, qui euangelicum numerum
sequebantur. istiusmodi populi comedunt et partem palearum; dum in
quibusdam sequuntur litteram, et tamen per paleas et hordeum paulatim
proficiunt, ut transeant ad frumentum.
et erunt super omnem montem excelsum, et super omnem collem
eleuatum riui currentium aquarum in die interfectionis multorum, cum
ceciderint turres. in hoc loco iudaei multos interfectos et ruentes
turres, ad romani imperii referunt potentiam, de quibus et apostolus
loquitur: tantum qui tenet nunc, teneat, donec de medio fiat. quod
scilicet in illo tempore tanta beatitudo sit populi israel, ut non solum
ualles atque campestria, sed omnes montes et colles aquis fluentibus
irrigentur. nos autem montes et colles, eos intellegamus, qui in
excelsum uirtutibus eleuati sunt, qui esuriunt et sitiunt iustitiam,
quos dominus prouocat ad bibendum. qui enim biberit de aquis eius, non
sitiet in aeternum. unde et in psalmo legimus: benedicite dominum de
fontibus israel. et in euangelio dicitur, quod omnis qui biberit de
aquis iesu, flumina aquae uiuae fluent de uentre eius. et ad deum
sanctus loquitur: quoniam apud te est fons uitae, de quo purissimum
flumen egreditur, super quo rursum scriptura commemorat: fluminis
impetus laetificat ciuitatem dei. et in alio loco: fluuius dei repletus
est aquis; ille uidelicet, qui loquitur per hieremiam: me dereliquerunt
fontem aquae uiuae. hoc autem tunc fiet, cum interfecti fuerint, siue
perierint plurimi: multi enim uocati, pauci uero electi. et cum
ceciderint turres, siue daemonum potestates, siue superbi quique et
arrogantes et magni in isto saeculo, de quibus et in psalmis dicitur:
uidi impium eleuatum, et exaltatum sicut cedros libani, et transiui, et
ecce non erat, quaesiui eum, et non est inuentus locus eius. has turres
aedificare cupiebant, qui mouerunt pedes suos de oriente, quorum linguae
in babylone confusae sunt, et illi, super quos cecidit turris siloae.
et erit lux lunae sicut lux solis, et lumen solis erit septuplum
sicut lux septem dierum, in die qua alligauerit dominus uulnus populi
sui, et percussuram plagae eius sanauerit. lxx: et erit lumen lunae
sicut lumen solis, et lumen solis septuplum, in die quando sanauerit
dominus contritionem populi sui, et dolorem plagae tuae curauerit. miror
quomodo in praesenti loco uerba hebraica labana et hamma, quae aquila
interpretatur albam et calorem, per quae lunam solem que significat,
supra idem lxx laterem et murum transtulerint, in eo loco ubi scriptum
est: et erubescet luna, et sol confundetur. pro quo illi interpretati
sunt: liquefient lateres, et ruet murus, et nunc idem sequentes
hebraicum, lunam solem que transtulerint. unde mihi datur suspicio, non
eos errasse a principio, sed paulatim scriptorum uitio deprauatos. neque
enim fieri potest, ut qui in hoc loco eadem uerba bene interpretati
sunt, in superioribus errauerint. in die ergo interfectionis multorum,
cum arrogantes superbi que corruerint, et qui posuerunt in caelum os
suum, didicerint esse se terram, erit lumen lunae sicut lumen solis,
quando dederit dominus caelum nouum et terram nouam, et transierit
habitus mundi huius, ut luna et sol laboris et cursus sui praemia
consequantur. etenim exspectatio creaturae reuelationem filiorum dei
praestolatur; quia et ipsa creatura liberabitur a seruitute
corruptionis, in libertatem gloriae filiorum dei. licet ea quidam organa
lucis intellegentes, insensibilia esse contendant. luna ergo solis
fulgorem accipiet. nec mirum hoc de clarissimo sentire elemento, cui
principatus noctis est traditus, cum de sanctis quoque scriptum sit:
fulgebunt iusti quasi sol. et sol septuplum lumen accipiet, sicut fuit
lux septem dierum, quando ab initio creatus est mundus (quamquam septem
dies septuaginta non transtulerint). quando dominus alligauerit uulnus
populi sui, siue sanauerit contritionem populi sui, quando implebitur
illud quod scriptum est: fugiet dolor, et maeror, et gemitus. quando
subintrante plenitudine gentium, saluus fiet omnis israel; aut certe
quando ultio eorum uenerit, quorum sub altari clamant animae: usquequo
non ulcisceris sanguinem nostrum de his qui habitant in terra? et hoc
considera quod non dixerit: quando sanauerit contritionem populi sui
israel, siue iacob; sed absolute: populi sui, ut omnes deo significet
seruientes.
quidam locum istum et omnia quae in hoc repromissionum capitulo
continentur, ad caelestem referunt hierusalem, et ad reuersionem populi
eius, quando implebitur illud quod scriptum est: caelum et terra
pertransibunt. alii ad eliae tempora, et ipsum dicunt esse, de quo supra
scriptum est: erunt oculi tui uidentes praeceptorem tuum et aures tuae
audient uerbum post tergum monentis. tunc de montibus et collibus, iuxta
fabulas poetarum, et saturni aureum saeculum lactis riuos fluere, et de
arborum foliis stillare mella purissima. quae qui recipiunt, mille
quoque annorum fabulam, et terrenum saluatoris imperium iudaico errore
suscipient, non intellegentes apocalypsim ioannis in superficie
litterae, medullata ecclesiae sacramenta contexere.
LIBER 10
decimus liber, quem nunc habemus in manibus, nono et undecimo minor
erit numero uersuum, non sensuum magnitudine. sequitur enim eum
sennacherib atque rabsacis, et ezechiae regis historia, quae nec iungi
cum praecedentibus poterit, propter enormem uoluminis magnitudinem, nec
diuidi propter gestorum continentiam. itaque ut uoluisti, uirgo christi
eustochium, et ut in commune placuit, sicut et superiores ante dictaui,
et hunc et reliquos, si christus annuerit, dictabo libros, ut prophetias
sibi copulem, nec eas inter se lacerem atque discerpam, in alterius
finem, et alterius principium. audio praeterea scorpium, mutum animal et
uenenatum, super responsione quondam commentarioli mei in danielem
prophetam, nescio quid mussitare, immo ferire conari in suo pure
moriturum. cuius naeniae et lugubres cantilenae necdum mihi proditae
sunt, et idcirco dilata responsio; magis que oboediendum tibi est, et
sancto atque eruditissimo uiro fratri tuo pammachio, qui insatiabili
studio me per litteras cogit, expleto esaia, transire ad hiezechiel, cum
ego et aetatis et corporis imbecillitate confectus, notariorum que
penuria, qui me possent suis ministeriis adiuuare, in eodem adhuc luto
haesitem, et uix partem esaiae mediam in hoc uolumine finiturum esse me
credam. quod si, te orante, compleuero, arripienda erunt et reliqua,
quae a quartodecimo ezechiae regis anno habebunt initium.
ecce nomen domini uenit de longe; ardens furor eius et grauis ad
portandum. labia eius repleta sunt indignatione, et lingua eius quasi
ignis deuorans. spiritus eius uelut torrens inundans usque ad medium
colli, ad perdendas gentes pro nihili, et frenum erroris quod erat in
maxillis populorum. canticum erit uobis, sicut uox sanctificatae
sollemnitatis, et laetitia cordis, sicut qui pergit cum tibia, ut intret
in montem domini ad fortem israel. lxx: ecce nomen domini uenit post
tempus multum; ardens furor cum gloria, eloquium labiorum eius, eloquium
irae plenum, et ira furoris sicut ignis deuorabit, et spiritus eius
sicut aqua in ualle, trahens ueniet usque ad collum. et diuidetur ut
conturbet gentes super errore uano, et abicietur error, et assumet eos
in conspectu eorum. numquid semper oportet uos laetari et ingredi in
sancta mea iugiter, quasi festa celebrantes atque gaudentes, ut
ingrediamini cum tibia ad montem domini ad deum israel? dicamus primum
iuxta hebraicum. pendent ex superioribus, quae dicuntur. corripuerat
sermo propheticus eos, qui contempto auxilio dei, propter babyloniorum
metum ad aegyptios confugiebant, et est comminatus descendentibus, ibi
eos esse morituros. rursum que post poenas, eos qui illum audire
uoluissent, non solum sub zorobabel, ezra et neemia in hierusalem
habitaturos esse promittit, sed maiorem cunctis credentibus uerbo dei,
in consummatione mundi beatitudinem pollicetur, quando per omnes montes
et colles current aquarum flumina, et interfectis multis, cadent turres.
luna quoque et sol clarius lumen accipient, quando uulnus populi sui
dominus alligauerit atque sanauerit. licet haec quidam huperbolik�s~g
cyri temporibus, qui captiuitatem populi relaxauit, in terra iudaea
expleta contendant. quia igitur bonis et oboedientibus praemia
repromissa sunt, nunc e contrario malis et contemptoribus supplicia
nuntiantur, quo dominus impleat cogitationem suam, et ad puniendos longo
post tempore ueniat peccatores, et in cunctos sententiam proferat,
spiritu que oris sui interficiat impium, quem frenum appellat fuisse
populorum. non quod subiectos regeret, sed quo subditos sibi traheret ad
ruinam. ponit quoque similitudinem torrentis usque ad collum
inundantis, ut finem omnium uenisse testetur. sicut enim torrens
suffocat eum, ad cuius collum usque peruenerit, sic iudicium dei neminem
impunitum abire patietur. cum autem frenum, quod in maxillis erat
omnium gentium, cum subditis ei gentibus perdiderit, et ad nihili
deduxerit, tunc uobis, inquit, sanctis, qui meis iussionibus oboeditis,
erit canticum, sicut uox sanctificatae sollemnitatis, quando egressi
estis de aegypto, et in sollemnitate paschae iugum seruitutis aegyptiae
proiecistis, dicentes in mari rubro pharaone submerso: cantemus domino,
gloriose enim magnificatus est. et cordis tanta laetitia, ut imitemini
eos qui ad templum primitiua portantes, et in dei torcularia deferentes
munera, pergunt cum tibiis, cordis gaudia carmine demonstrantes. haec
iuxta hebraicum breui sermone perstrinxi.
in utraque autem editione annotandum est, quod non dominus, sed nomen
domini post multum tempus adueniat, de quo in psalmis dicitur:
benedictus qui uenit in nomine domini, deus dominus, et illuxit nobis.
et ipse loquitur in euangelio: ego ueni in nomine patris mei, et non
suscepistis me. pulchre que post multum tempus uenire dicitur, loquente
humana impatientia: usquequo, domine, obliuisceris me in finem? quamdiu
auertis faciem tuam a me? ardens quoque furor eius uenit cum gloria, ut
quem in humilitate contempsimus, in maiestate timeamus. hoc ipsum et in
psalmis scriptum est: deus manifeste ueniet. deus noster et non silebit.
ignis in conspectu eius ardebit, et in circuitu eius tempestas ualida.
ipse enim loquitur in euangelio: ignem ueni mittere super terram, et
quam uolo ut ardeat! rursus in alio psalmo legitur: uox domini
intercidentis flammam ignis, ut quidquid in mundo est feni, lignorum et
stipulae, rapiens flamma consumat. unde et deus ignis dicitur esse
consumens. quod que infertur: ira furoris eius quasi ignis deuorabit,
plerique nostrorum iram furoris domini diabolum interpretantur, cui
tradimur ad puniendum, qui iuxta librum samuelis commouit dauid, ut
numeraret populum dei. et apostolus loquitur: tradere huiuscemodi
satanae in interitum carnis, ut spiritus saluus fiat. hic autem ipse
furor, et ira furoris domini nihil suo faciet arbitrio, sed quod sibi
fuerit imperatum. unde sequitur: eloquium labiorum eius, eloquium irae
plenum. spiritus quoque eius quasi aqua in ualle, trahens ueniet usque
ad collum, ut supplicia super peccatores faciat redundare. qui diuidetur
pro qualitate meritorum, ut perdat atque conturbet gentes, quas uanus
error seduxerat, et se intellegant, supplantatas. unde ad huiuscemodi
homines dicitur, qui in mundi huius potentia praeualebant, et suo
delectabantur errore, non eos semper hoc esse facturos. praecipue que
locum istum et totam continentiam capituli aduersus haereticos et omnia
dogmata, quae sunt contraria ueritati, dicta quidam nostrorum putant,
quod cum iudicii tempus aduenerit, nequaquam ingrediantur sancta eius et
montem, id est ecclesiam domini. ne sub religionis nomine diuitias
congregent, abutantur que luxuria, quasi domini festa celebrantes.
iudaei de gog et magog gentibus, quas putant ab aquilone uenturas, id
est de scythiae partibus, haec intellegunt, super quibus hiezechiel
plenius loquitur.
et auditam faciet dominus gloriam uocis eius, et terrorem brachii
sui ostendet in comminatione furoris et flamma ignis deuorantis;
allidet in turbine et in lapide grandinis. a uoce enim domini pauebit
assur uirga percussus, et erit transitus uirgae fundatus, quam
requiescere faciet dominus super eum in tympanis et in citharis, et in
bellis praecipuis expugnabit eos. praeparata est enim ab heri thopheth, a
rege praeparata profunda et dilatata, nutrimenta eius ignis, et ligna
multa; flatus domini sicut torrens sulphuris succendens eam. lxx: et
auditam faciet dominus gloriam uocis suae, et furorem brachii sui
ostendet cum furore et ira; et flamma ignis deuorante fulminabit
uehementer, et sicut aqua et grando descendens cum ui. ad uocem enim
domini superabuntur assyrii plaga qua percutiet eos, et erit ei per
circuitum, unde habebat spem auxilii, in quo confidebat, ipsi cum
tympanis et cithara pugnabunt contra eum ex commutatione. tu enim ante
dies decipieris; numquid et tibi regnum paratum est? uallem profundam,
ligna posita, ignem et ligna multorum; furor domini, sicut uallis
sulphure succensa. poteram iuxta hebraicum quid mihi uideretur currens
legentibus indicare. sed quid faciam quorumdam studiis, qui nisi et lxx
interpretum editionem disseruero, imperfectum opus me habiturum esse
denuntiant? sequar igitur coeptum ordinem disserendi. uox domini atque
praeceptum omnibus nota fient, et fortitudo brachii illius cunctis
patebit, quando retributionis tempus aduenerit, flammae et turbinis,
grandinis que magnitudine, et pondere lapidum deferetur.
super quo hiezechiel in prophetia, ut diximus. gog et magog pleno
sermone scribit. ad uocis eius imperium pauebit assur uirga percussus.
omnis impius, omnis imitator gentis inimicae, non quo in die iudicii
solus sit feriendus assyrius, sed quo per assyrium diabolum
intellegamus. denique sequitur: et erit transitus uirgae fundatus, quam
requiescere faciet dominus super eum. et est sensus: nequaquam eum uirga
percutiet, et eam rursus leuabit, ac more caedentium finem faciet
uerberandi; sed quasi fundatam et alta radice defixam, in poenis eius
faciet permanere. quod si ita intellegitur, ubi erit paenitentia
diaboli; praesertim cum dicatur peccatoribus: ite in ignem aeternum,
quem praeparauit deus diabolo et angelis eius. in tympanis et in
citharis, et bellis praecipuis expugnabit eos, daemones uidelicet et
omnes impios cum gaudio omnium dominus expugnabit. ab heri quippe et a
praeterito tempore praeparata est a rege domino thopheth, id est lata et
spatiosa gehenna, quae eos aeternis urat ardoribus. nutrimentum eius et
fomes ignis est, et ligna multa, id est flamma perpetua et supplicia
peccatorum. et quoniam sicut de camino et fornace ignis ardentis,
propheticus sermo praedixerat, seruat metaphoram, ut flatu et spiritu ac
uoluntate domini hanc succendi sciamus, mixto sulphure, quod flammas
excitat, ut faciat acriora tormenta. porro quod iuxta lxx dicitur: ad
uocem domini superabuntur assyrii plaga, cum percusserit eos, et erit ei
in circuitu unde fuerat ei spes auxilii, in quo confidebat, ipsi cum
tympanis et cithara pugnabunt aduersum eum ex commutatione, illud
significat, quod aduersum diabolum consurgant, qui ei quondam subditi
fuerant, et cum gaudio atque laetitia dimicent contra eum ex
commutatione subita, dum intellegentes errorem suum, destruunt eum a quo
decepti fuerant. dicitur que ad illum, quod ab initio se ipse
deceperit, regnum suum arbitrans sempiternum, cui parata sit gehenna et
aeterna supplicia.
31. uae qui descendunt in aegyptum ad auxilium, in equis
sperantes et habentes fiduciam super quadrigis, quia multae sint, et
super equitibus, quia praeualidi nimis; et non sunt confisi super
sanctum israel, et dominum non requisierunt. ipse autem sapiens adduxit
malum, et uerba sua non abstulit et consurget contra domum pessimorum,
et contra auxilium operantium iniquitatem. aegyptus homo et non deus; et
equi eorum caro, et non spiritus; et dominus inclinabit manum suam, et
corruet auxiliator, et cadet cui praestatur auxilium, simul que omnes
consumentur. post onus iumentorum austri, et eos qui portabant in
aegyptum diuitias suas ad populum, qui eis prodesse non poterat, qui
sperabant auxilium in fortitudine pharaonis, et habebant fiduciam in
umbra aegypti, sub specie reuersionis in hierusalem et captiuitatis
laxandae sub cyro, de consummatione saeculi, et de perfecta iustorum
beatitudine sermo propheticus nuntiarat. nunc reuertitur ad eosdem, ad
quos supra locutus fuerat ne descenderent in aegyptum. et hoc inter
praesentem locum est et praeteritum, quod ibi praecipitur tribui iudae,
ne descendant in aegyptum; hic quia contempto imperio domini, descensuri
sint, prophetatur. et quod a nabuchodonosor rege babylonio, tam israel
quam aegyptii, tam perfugae quam auxiliatores pariter trucidentur. de
quo hieremias plenissime loquitur. uae ergo his qui descendunt in
aegyptum, et chaldaeorum metu, domini praecepta contemnunt, sperantes in
idololatris, qui dei cultum habere se iactant; et in equorum auxilio
confidentes, nesciunt scriptum: fallax equus in salutem. habent que
fiduciam super quadrigis et curribus et equitibus; nec recordantur
illius cantici: equum et ascensorem deiecit in mare. et non sunt confisi
super sanctum israel, qui manentibus in terra iudaeae suum per
hieremiam pollicebatur auxilium. et dominum non requisierunt; non quo
non requisierint; sed quo requisiti uerba contempserint. unde et de
malis sacerdotibus dicitur: qui deuorant plebem meam, dominum non
inuocauerunt. ipse autem sapiens, id est dominus, adduxit malum super
eos, et pessimum, uidelicet nabuchodonosor, siue absolute malum, rem
significans, non personam; et uerba sua non abstulit, quae locutus
fuerat per prophetas. quamobrem consurget super tribum iudam domum
pessimorum, et contra auxilium aegyptiorum, qui operantur iniquitatem.
aegyptus enim, siue aegyptius, ut lxx transtulerunt, homo est, et non
deus; et equi eorum caro, et non spiritus. unde et in hieremia scriptum
est: maledictus homo qui spem habet in homine, et firmauit carnem
brachii sui, et a domino recessit cor eius.
et erit quasi myrice in deserto, quae non uidebit cum uenerint bona. et
in alio loco scriptum est: uana salus hominis, siue, ut melius habetur
in hebraeo: in homine. cum que dominus manum suam extenderit ad
puniendum, uel declinauerit, sub metaphora aurigae, et frenos equorum
currentium relaxarit, corruet auxiliator aegyptius, et israel cui
praestabatur auxilium. quae quidem possumus intellegere et super his qui
persecutionis tempore et tribulationis atque angustiae non confidunt in
domino, sed in aegyptiorum, id est saecularium hominum auxilio,
nescientes abraham periclitatum in aegypto, et dei populum luto et
lateribus in illa regione seruisse, quae spiritaliter appellatur fornax
ferrea. unde et in apocalypsi ioannis legitur: locus in quo crucifixus
est dominus, spiritaliter uocatur sodoma et aegyptus.
quia haec dicit dominus ad me: quomodo si rugiat leo et catulus
leonis super praedam suam, cum occurrerit ei multitudo pastorum, a uoce
eorum non formidabit, et a multitudine eorum non pauebit. sic descendet
dominus exercituum, ut proelietur super montem sion, et super collem
eius. sicut aues uolantes, sic proteget dominus exercituum hierusalem,
protegens et liberans, transiens et saluans. in manifestis unam ponimus
editionem, maxime ubi nulla diuersitas sensuum est. caesis in aegypto
israelitis et aegyptiis, in quorum auxilio confidebant, reuertentur in
hierusalem, cyro regnante, captiui. et per duas similitudines, domini,
qui se fore adiutorem promiserat, fortitudo monstratur. sicut leo et
catulus leonis esuriens, si cernat ouium gregem, nulla pastorum uoce
terretur, et multitudinem eorum conscius uirium suarum despicit. sic
dominus exercituum proeliabitur, non contra montem sion et collem eius,
sed super montem sion contra aduersarios illius. dicamus et aliam
comparationem: quomodo aues ut defendant fetus suos, nidos superuolant,
et siue serpentem, siue hominem uiderint, aues que alias ad pullos suos
accedere, oblitae imbecillitatis, rostro pugnant et unguibus, dolorem
que pectoris garrula uoce congeminant. sic dominus proteget hierusalem,
et liberabit eam transiens atque saluabit. pro transeunte, in hebraico
phase. in tribus, praeter lxx, interpretibus huperbain�n~g ponitur. ex
quo manifestum est, pascha, hoc est phase domini, non passionem
significare, sed transitum. quod autem dominus in similitudinem auium
protector fuerit super hierusalem, in euangelio ipse testatur:
hierusalem, hierusalem, quae occidis prophetas, et lapidas eos qui ad te
missi sunt, quotiens uolui congregare filios tuos, sicut gallina
congregat pullos suos sub alas suas, et noluisti? et in deuteronomio
dicitur de domino: expandit alas suas, et suscepit eos, et portauit eos
in humeris suis.
conuertimini, sicut in profundum recesseratis, filii israel. in
die enim illa abiciet uir idola argenti sui et idola auri sui, quae
fecerunt uobis manus uestrae in peccatum. et cadet assur in gladio non
uiri, et gladius non hominis uorabit eum; et fugiet non a facie gladii,
et iuuenes eius uectigales erunt. et fortitudo eius a terrore transibit,
et pauebunt fugientes principes eius, dixit dominus, cuius ignis in
sion, et caminus eius in hierusalem. lxx: cum similiter priora
transtulerint, in fine fuere diuersi, scribentes: iuuenes eius
superabuntur. petra enim circumdabuntur quasi uallo, et uincentur; qui
autem fugerit, capietur. haec dicit dominus: beatus qui habet in sion
semen, et domesticos in hierusalem. pugnante domino super montem sion
contra aduersarios eius, et protegente eam instar auium: conuertimini, o
filii israel. siue ut symmachus transtulit: agite paenitentiam, qui
profundo consilio atque peccato a domino recessistis. si enim hoc
feceritis, abicientes idola aurea atque argentea, quae uobis fuerunt in
peccatum, propter quae urbs uestra capta est.
cadet assur, cuius metu nunc fugitis, non gladio hominum, nec exercitus
robore, sed dei potentia. significat autem angelum a quo centum
octoginta quinque milia assyriorum una nocte deleta sunt. ipse quoque
rex assyrius fugiet non hominum gladium, sed iram dei. ita ut iuuenes
illius atque robusti, uectigales fiant medis, de quibus supra contra
babylonem dicitur: ecce ego suscitabo uobis medos. et fortitudo assyrii
domini terrore transibit atque praeteriet, omnes que principes illius
pertremiscent. dixit enim dominus atque pollicitus est, cuius dixisse,
fecisse est; et qui habet ignem in sion et caminum in hierusalem, ut
aduersarios suos instar stipulae atque lignorum egrediens de hierusalem
flamma consumat. alius hoc quod dicitur: in die illa abiciet uir idola
argenti sui, et reliqua, sic interpretatur, ut post reditum de
captiuitate babylonia usque ad aduentum christi, numquam filios israel
idola coluisse testetur. assyrium quoque in praesenti loco significari,
non ab angelo, sed a medis esse superandum, quod uetustissimum et
quondam potens regnum, post offensam domini deletum sit, uictoribus que
seruierit. nazaraei locum istum sic intellegunt: o filii israel, qui
consilio pessimo dei filium denegastis, reuertimini ad eum et ad
apostolos eius. si enim hoc feceritis, omnia abicietis idola quae uobis
prius fuerant in peccatum, et cadet uobis diabolus, non uestris uiribus,
sed misericordia dei. et iuuenes eius qui quondam pro illo pugnauerant
erunt ecclesiae uectigales, omnis que fortitudo et petra illius
pertransibit; philosophi quoque et omne dogma peruersum ad crucis signum
terga conuertent. domini quippe sententia est, ut hoc fiat, cuius ignis
siue lumen est in sion et clibanus in hierusalem. ignis et lumen
hebraice eisdem scribuntur litteris aleph, uau, res; quod si legatur ur,
ignem sonat, si or, lucem. hoc ideo dictum est, quia pro igne, quem
solus interpretatus est symmachus, aquila et theodotio lumen
transtulerunt. quid sibi autem uelit quod in septuaginta legitur: petra
circumdabuntur quasi uallo, et uincentur; qui autem fugerit, capietur,
scire non ualeo. nisi forte hoc possumus dicere, quod iuuenes regis
assyrii qui uincendi sunt atque capiendi, ita circumdentur petra, hoc
est fortitudine domini, quomodo uallo circumdatur ciuitas. porro quod
sequitur: beatus qui habet semen in sion, et domesticos in hierusalem,
sic interpretari possumus, ut dicamus praesentis loci sensui conuenire,
quod exhortetur sermo diuinus fugientes in aegyptum, reuerti in
hierusalem, et filios procreare. cui tanta beatitudo promittitur, ut
domini defendatur et protegatur auxilio. et in alio loco de ea scriptum
sit: erit gloria domus huius nouissimae super priorem. quod et ad
ecclesiam referri potest: uisionem pacis et speculam, de qua scriptum
est: gloriosa dicta sunt de te, ciuitas dei. et alibi: fluminis impetus
laetificat ciuitatem dei. in hac enim ignis est et caminus, qui deuoret
peccatores, et ligna, fenum, stipulam que consumat; siue lumen et
clibanus, ut iustorum claritas et peccatorum poena monstretur.
32. ecce cum iustitia regnabit rex, et principes in iudicio
praeerunt. et erit uir sicut qui absconditur a uento, et celat se a
tempestate; sicut riui aquarum in siti, et umbra petrae prominentis in
terra deserta. non caligabunt oculi uidentium, et aures audientium
diligenter auscultabunt. et cor stultorum intelleget scientiam, et
lingua balborum uelociter loquetur et plane. non uocabitur ultra is qui
insipiens est princeps, neque fraudulentus appellabitur magnus. fatuus
enim fatua loquetur, et cor eius faciet iniquitatem, ut perficiat
simulationem, et loquatur ad dominum fraudulenter, et uacuefaciat animam
esurientis, et potum sitienti auferat. fraudulenti uasa pessima sunt;
ipse enim cogitationes concinnauit ad perdendos mites in sermone
mendacii, cum loqueretur pauper iudicium. princeps uero ea quae digna
sunt principe cogitabit, et ipse super duces stabit.
lxx: ecce enim rex iustus regnabit, et principes cum iudicio praeerunt.
et erit homo occultans sermones suos, et abscondetur quasi ab aqua quae
fertur; et apparebit in sion, sicut fluuius currens, inclutus in terra
sitienti, et nequaquam erunt confidentes in hominibus. sed aures suas ad
audiendum dabunt, et cor infirmorum attendet auditui; et linguae
balbutientium cito discent loqui pacem; et nequaquam dicent stulto ut
princeps sit, nec ultra dicent ministri tui: tace. fatuus enim fatua
loquetur, et cor eius uana intelleget ad perficiendam iniquitatem, et
loquendum ad dominum errorem, ut dispergat animas esurientes, et animas
sitientes uacuas faciat. consilium enim pessimorum iniqua cogitabit;
interficere humiles sermonibus iniquis, et dissipare uerba humilium in
iudicio. pii autem sapientiam cogitarunt, et hoc consilium permanet.
iuxta lxx interpretes qui dixerunt: ecce enim rex iustus regnabit, et
principes cum iudicio praeerunt, quae sequuntur superioribus copulanda
sunt, his uidelicet, in quibus prius capitulum finitum est: beatus qui
habet semen in sion, et domesticos in hierusalem. iuxta hebraicum finita
priore prophetia, de his qui in aegyptum descendebant; nunc alterius
uaticinationis exordium est, de aduentu scilicet christi et apostolorum
eius. iste enim rex regnabit iuste; non accipiens personam in iudicio,
et principes illius cum ueritate praeerunt, causas, non homines
considerantes. et quicumque sub eius umbraculo fuerit, sic tutus erit in
tribulationibus et angustiis, et in mundi istius tempestate, quomodo
qui uentum et turbinem fugiens, se tuto abscondit loco; et qui
purissimos fontes inuenit in deserto; et qui in uehementi aestu solis
ardore cuncta torrente, sub prominenti saxo requieuerit. ubi nos
diximus: sicut riui aquarum in siti, septuaginta transtulerunt: et
apparebit in sion quasi fluuius currens. uerbum enim hebraicum, de quo
supra disputauimus, basaion, quod dicitur in siti, siue in siccitate et
in inuio, septuaginta et theodotio in sion interpretati sunt, pro saion,
id est siti, legentes sion, quae eisdem litteris scribitur. cum ergo
christus regnauerit, et principes eius praefuerint in iudicio, non
caligabunt oculi credentium, et aures audientium diligenter attendent,
quae prius surdae erant, et cor quondam stultorum intellegit scientiam,
et lingua balbutientium atque mutorum, quae christum sonare non poterat,
pleno aperto que sermone dominum confitebitur. non uocabitur ultra is
qui stultus est princeps. stultam enim fecit deus sapientiam huius
saeculi. neque fraudulentus doctor atque peruersus appellabitur magnus
in populis. scribae uidelicet et pharisaei, quibus dominus loquebatur:
stulti et caeci, quid maius est, aurum an templum quod sanctificat
aurum? fatuus enim fatua loquetur, pro quo in hebraico scriptum est:
nabal nabala idabber. hoc dicimus, ut uerba abigail exponamus, dicentis
de nabal carmelio: secundum nomen suum insipiens est. uere enim fatuus
fatua loquetur, et cor eius perficiet iniquitatem, qui ibi timuit ubi
non erat timor, et abutebatur stultitia pro sapientia, dicens: hic si ex
deo esset, non solueret sabbatum. quod usque hodie facit magister
synagogarum, ut perficiat simulationem, pro qua in hebraico scribitur
oneph, id est hupokrisis~g. unde saepius ad pharisaeos dicitur: uae
uobis scribae et pharisaei hypocritae. et loquatur, inquit, ad dominum
fraudulenter: magister, scimus quia ex deo es, et quod ad te non
pertinet de hominibus, licet censum dari caesari, an non. qui
uacuefaciunt animas esurientis populi, et potum auferunt sitientibus
turbis, nec ipsi intrantes, nec alios intrare patientes. fraudulenti
enim doctoris et principis omnia uasa et arma sunt pessima; qui
concinnat dolos ad perdendos simplices in sermone mendacii, dicens ad
deceptum populum: scrutare et uide, quoniam propheta de galilaea non
surget. cum loqueretur ad eos pauper iudicium, qui cum diues esset, pro
nobis pauper factus est. uere enim iudicium eis christus, et iustitiam
loquebatur, dicens: si non facio opera patris mei, nolite credere mihi;
si autem facio, et si mihi non uultis credere, operibus credite. iste
pauper qui loquitur iudicium, princeps et dominus, ea quae principe
digna sunt cogitauit, dicens: non ueni nisi ad oues perditas domus
israel. et sollicitus erit pro infidelibus saluare cupiens non
credentes; et stabit super duces suos apostolos, quorum ad unum
loquitur: tu autem homo unanimis, dux meus et notus meus. haec iuxta
hebraicum, a quo lxx non solum uerbis, sed et sensibus in plerisque
discordant.
cum enim rex iustus regnauerit, et principes illius imperauerint cum
iudicio, erit homo abscondens sermones suos, homo qui per naturam deus
est, et abscondet sermones suos, loquens eis in parabolis. abscondet
autem quasi ab aqua currente, a populo scilicet iudaeorum, qui instar
aquae pro magistrorum uoluntate huc illuc que fertur et trahitur. qui
homo abscondens apud incredulos sermones suos, apparebit in sion, hoc
est in ecclesia, quasi fluuius inclutus, et decurrens in terra sitienti.
apparebit enim gentilium populo, qui prius ueritatis patiebatur sitim;
et rigabit arua sitientia fluuius dei, de quo scriptum est: fluminis
impetus laetificat ciuitatem dei. et in alio loco: flumen dei repletum
est aquis. ipse enim loquitur in euangelio: qui sitit, ueniat ad me, et
bibat. quia credit in me, sicut dicit scriptura, flumina de uentre eius
fluent aquae uiuae. tunc nequaquam habebunt fiduciam in magistris; sed
praebebunt aures suas ad audiendum dominum. et tam corde quam lingua
pacem domini fatebuntur, deserentes stultos principes et ministros
eorum, qui credentibus in iesum, imperabant silentium. quae sequuntur,
eumdem prope sensum, quem et hebraicum, continent; et possunt haereticis
coaptari. hi enim loquuntur contra dominum mendacium, et peruertunt
animas esurientes atque sitientes, et uacuas abire faciunt, ut etiam si
quid naturaliter boni habeant, magistrorum amittant uitio, quorum omnes
consilium est, ut perdant humiles iniquis sermonibus, et dissipent uerba
humilium in iudicio. in quo pariter annotandum, quod qui ab eis decipi
potest, humilis sit, et terrae cohaerens.
mulieres opulentae, surgite et audite uocem meam; filiae
confidentes, percipite auribus eloquium meum. post dies et annum, et uos
conturbabimini confidentes: consummata est enim uindemia; collectio
ultra non ueniet. obstupescite opulentae, conturbamini confidentes;
exuite uos, et confundimini. pro quo symmachus interpretatus est:
nudamini. sequitur: accingite lumbos uestros, super ubera plangite,
super regione desiderabili, super uinea fertili. super humum populi mei
spina et uepres ascendent; quanto magis super omnes domos gaudii
ciuitatis exsultantis? domus enim dimissa est: multitudo urbis relicta
est. tenebrae et palpatio factae sunt super speluncas usque in aeternum.
gaudium onagrorum pascua gregum. donec effundatur super nos spiritus de
excelso et erit desertum in chermel, et chermel in saltum reputabitur.
et habitabit in solitudine iudicium, et iustitia in chermel sedebit. et
erit opus iustitiae pax; et cultus iustitiae silentium; et securitas
usque in sempiternum. et sedebit populus meus in pulchritudine pacis, et
in tabernaculis fiduciae, et in requie opulenta. grando autem in
descensione saltus, et humilitate humiliabitur ciuitas. beati qui
seminatis super omnes aquas, immittentes pedem bouis et asini. lxx, pro
tenebris et palpatione, quae factae sunt super speluncas usque in
sempiternum, transtulerunt: et erunt uillae tuae speluncae usque in
aeternum, quod in hebraico dicitur ophel et been, quas hebraei duas
turres in hierusalem fuisse arbitrantur, excelsas atque firmissimas,
quae his appellantur nominibus. quarum prior interpretatur tenebrae,
siue nubilum, quod usque ad nubes erigeret caput. altera: probamentum et
firmitas, siue, ut symmachus uertit, inquisitio; eo quod in
contemplando culmine eius oculi fallerentur.
in fine quoque capituli ita interpretati sunt: beati qui seminant super
omnem aquam, ubi bos et asinus calcant. post uocationem gentium, quando
christus rex imperauerit cum iustitia, et principes eius, apostoli et
apostolici uiri, praefuerint credentibus cum iudicio, dirigetur sermo
propheticus ad mulieres opulentas, quas uel urbes iudaeae, uel synagogas
illius temporis, uel ut plerique arbitrantur, matronas diuitum quondam
populi iudaeorum debemus accipere, quibus quasi iacentibus dicitur post
ruinam: surgite. et nihilominus appellantur filiae confidentes, siue
sperantes. praecipitur que eis ut audiant sermones domini, et
recordentur dierum et anni, de quo in consequentibus dicturi sumus, ipso
saluatore dicente: spiritus domini super me, propter quod unxit me;
euangelizare pauperibus misit me; praedicare captiuis remissionem, et
caecis uisum; uocare annum domini acceptabilem. et ipsa recordatio fiat
eis iuxta septuaginta in dolorem cum spe, ut plangant se dominum
denegasse, et spem habeant salutis, si egerint paenitentiam. dicit enim
uindemiam consummatam, et post ultimam uastitatem, quae sub uespasiano
et tito hadriano que accidit, nequaquam aliam captiuitatem esse
uenturam, nec remansuros botros in populis, qui deinceps colligendi
sunt. unde prouocantur ad planctum, et iubentur nudare pectora, et
accingere lumbos suos, eo quod regio quondam desiderabilis, et uinea
fertilis, de qua scriptum est: ego plantaui te uineam fructiferam, totam
ueram; quomodo conuersa es in amaritudinem uitis alienae? romano
uastante, deleta sit. super humum, inquit, populi mei, spinae et uepres,
siue fenum ascendet. et est sensus: si terram iudaeam, quae
repromissionis terra est, spinae repleuerunt et uepres, quanto magis
alias ciuitates quae plenae sunt gaudio, et quae illud euangelicum
consequentur: uae qui gaudetis nunc, quoniam plorabitis! domus enim, id
est templum meum dimissum est, dicente me ad apostolos: surgite, abeamus
hinc; et ad incredulos: relinquetur uobis domus uestra deserta. adyta
templi et secreta mysteria palpabiles tenebrae possederunt, et facta
sunt nequaquam cellaria uasorum domini, sed speluncae usque in
sempiternum. audierant enim a domino saluatore: domus patris mei domus
orationis uocabitur; uos autem fecistis eam speluncam latronum. gaudium,
inquit, onagrorum, pascua gregum. quod uel iuxta litteram intellegendum
est, eo quod deserta sint omnia; uel spiritaliter, quod expulso
israele, feri homines et dei notitiam non habentes, habitent in iudaea.
et hoc fiat donec effundatur super nos spiritus de excelso, quem
saluator ascendens ad patrem, credentibus repromisit, dicens: ecce ego
uado, et mittam uobis paracletum spiritum ueritatis. et rursum: donec
accipiatis de excelso uirtutem. quod que supra dixerat: adhuc modicum,
et erit libanus in chermel, et chermel in saltum reputabitur; et audient
in die illa surdi uerba libri, et de tenebris, et caligine oculi
caecorum uidebunt, nunc aliis uerbis idipsum repetit, quod solitudo
gentium uertatur in diuitias israel; et israel reputetur in gentes, quo
tempore habitauerit in deserto iudicium, dominus atque saluator, cui
pater dedit omne iudicium. et iustitia in chermel requiescet, de qua
supra dictum est: et erit desertum in chermel, quod iudicium atque
iustitia habitet in deserto, et requiescat in chermel, qui prius
appellabatur desertum. opus quoque iustitiae erit pax, quae, iuxta
apostolum, omnem sensum exsuperat. et cultus iustitiae silentium, ut non
multiloquio iudaeorum, sed breuitate fidei adorent dominum; et securi
aeterna pace requiescant, et in tabernaculis eorum sint diuitiae, de
quibus apostolus loquebatur: gratias ago deo meo per iesum christum,
quoniam in omnibus diuites facti estis in eo, in omni uerbo, et in omni
scientia. cum autem populus christianus sederit, uel habitauerit in
pulchritudine, siue ut lxx transtulerunt: in ciuitate pacis, haud dubium
quin in ecclesia, tunc grando atque tempestas, et domini ira desaeuiens
descendent in saltum, de quo supra dictum est: et chermel in saltum
reputabitur; et humiliabitur ciuitas hierusalem, et iuxta aliam
scripturam, de terra loquetur. quae cum ita se habeant, et didicerimus
uaticinio prophetali, quanta bona ecclesia possessura sit et quanta mala
passura sit hierusalem. beati estis, apostoli, ceteri que doctores, qui
seminatis super omnes aquas scripturae sanctae, in quibus calcat bos et
asinus. bos mundum animal, propter electionem patrum, asinus immundus,
propter idololatriam quondam gentilium, ut et de circumcisione et de
praeputio ecclesia domini congregetur. quod supra, iuxta lxx, dicitur:
super terram populi mei spinae et fenum ascendet, referri potest et ad
haereticos et ad simplices quosque credentium, qui non ita scripturam
intellegunt sanctam, ut illius conuenit maiestati. unde singula singulis
coaptauimus, ut terra populi dei, haereticis spinas, imperitis
quibusque ecclesiae fenum afferat.
33. uae qui praedaris; nonne et ipse praedaberis? et qui spernis;
nonne et ipse sperneris? cum consummaueris depraedationem,
depraedaberis; cum fatigatus desieris contemnere, contemneris. lxx: uae
qui uos miseros faciunt; uos enim nemo facit miseros. et qui reprobant
uos, uos non reprobant.
capientur reprobantes, et tradentur, et quasi tinea in uestimento sic
superabuntur. de apostolis dixerat, et de ecclesiarum magistris: beati
qui seminant super omnem aquam, ubi bos et asinus calcant. nunc ad
persecutores eorum maledictionem dirigit; immo aduersum principem eorum,
qui corda possidet impiorum, quod quidquid fecerint recipiant; et
praesens potentia, futurorum sit materia tormentorum. unde iuxta lxx
dicitur: uae eis qui uos miseros faciunt; uos enim nemo facit miseros.
et est sensus: quantum in illis est, quando persequuntur uos, et uariis
affligunt cruciatibus, interfectos atque cruciatos miseros arbitrantur.
sed nullus uos potest facere miseros, non enim habent in anima
potestatem, sed in corpore. et qui reprobat uos, non uos reprobat, sed
eum qui uos misit, iuxta illud quod saluator discipulis loquitur: qui
uos reprobat, me reprobat; et qui me reprobat, reprobat eum qui me
misit. capientur igitur persecutores, et aeternis tradentur ardoribus.
et quomodo tinea uestimentum, ita illos iugis flamma consumet. quod et
in fine huius prophetiae scribitur: uermis eorum non morietur, et ignis
eorum non exstinguetur.
domine, miserere nostri, te enim exspectauimus; esto brachium
eorum in mane, et salus nostra in tempore tribulationis. a uoce angeli
fugerunt populi, ab exaltatione tua dispersae sunt gentes. et
congregabuntur spolia uestra, sicut colligitur bruchus, uelut cum fossae
plenae fuerint de eo. magnificatus est dominus, quoniam habitauit in
excelso; impleuit sion iudicio et iustitia. et erit fides in temporibus
tuis; diuitiae salutis sapientia et scientia; timor domini ipse
thesaurus eius. lxx: domine, miserere nostri, in te enim confidimus.
factum est semen incredulorum in perditionem, salus autem nostra in
tempore tribulationis; propter uocem timoris obstupuerunt populi a
timore tuo, et dispersae sunt gentes. nunc autem congregabuntur spolia
uestra parui et magni. quomodo si quis congreget locustas, sic illudent
uobis; sanctus deus qui habitat in excelsis. repleta est sion iudicio et
iustitia, in lege tradentur, in thesauris salus nostra. uenit
sapientia, et disciplina, et pietas a domino, isti sunt thesauri
iustitiae. hebraei capitulum superius, in quo legitur: uae qui
praedaris; nonne et ipse praedaberis? et reliqua usque ad finem, contra
sennacherib regem assyriorum dictum putant, quod postquam decem tribuum,
quae appellabantur israel, subuerterit ciuitates; et excepta
hierusalem, iudaeae quoque urbes ceperit, ipse superetur, et percutiente
angelo, eius deleatur exercitus. unde nunc ex persona populi gratias
referentis deo. atque dicentis: domine, miserere nostri, te
exspectauimus, haec dicta contendunt, quae praesenti capitulo
continentur, quod ipse brachium fuerit et robur populi obsidione uallati
in tempore matutino, et salus in necessitate et angustia. a uoce enim
angeli, quem symmachus ita ut in hebraeo scriptum est, transtulit amun,
quem hebraei gabrielem autumant, et habere etymologiam populi. fugit
assyrius, et ab exaltatione dei gentes quae cum eo erant, huc illuc que
dispersae sunt. quibus fugientibus, spolia congregata sunt a iudaeis,
sicut solet bruchi et locustarum colligi multitudo, cum in fossas
coaceruatae fuerint. in quorum uictoria magnificatus est dominus; et
sion impleta iudicio et iustitia, et fides obsessi populi comprobata;
omnes que diuitias in sapientia habuerunt, et scientia dei et timore
domini, qui solus eorum thesaurus fuit. haec illi iuxta historiam
dixerint, omni ratione nitentes, christi et apostolorum eius subuertere
sacramenta.
nos autem post beatitudinem apostolorum, de quibus supra dictum est:
beati qui seminant super omnem aquam ubi bos et asinus calcant, et
lamentationem et planctum eorum qui eos persecuti sunt, de quibus in
consequentibus dicitur: uae qui miseros uos faciunt; uos autem nemo
facit miseros; et sicut tinea in uestimento, sic atterentur; ex persona
eorumdem apostolorum, omnium que credentium haec dicta conuincimus. et
esse sensum: domine, in tuo sperauimus auxilio, et in te confidimus:
semen incredulorum periit in aeternum, et salus nostra in tempore
tribulationis apparuit. te enim praebente auxilium, omnis gentium
multitudo dispersa est, et praedae atque illusioni uictoribus fuit. et
hoc factum est, quia sanctus dominus habitat in excelsis, et repleta est
sion iudicio et iustitia, de qua supra scriptum est: requiescet in
deserto iudicium et iustitia. ipsa est ergo sion, quae prius est
appellata desertum, et quicumque habitauerit in ea, tradetur ei lex
euangelii, in cuius thesauro salus nostra est, et sapientia credentium,
et disciplina et pietas, siue fides, quae proprie christianorum est, et
timor domini, in quo thesauri sapientiae continentur.
ecce uidentes clamabunt foris. angeli pacis amare flebunt.
dissipatae sunt uiae, cessauit transiens per semitam, irritum factum est
pactum, proiecit ciuitates, non reputauit homines. luxit et elanguit
terra, confusus est libanus et obsurduit, et factus est saron sicut
desertum, et concussa est basan et carmelus. nunc consurgam, dicit
dominus; nunc exaltabor, nunc subleuabor. concipietis ardorem parietis
stipulam, spiritus uester ut ignis deuorabit uos. et erunt populi quasi
de incendio cinis; spinae congregatae igni comburentur. uerbum hebraicum
arellam, pro quo aquila et symmachus et theodotio interpretati sunt:
apparebo eis, extremam syllabam diuidentes et legentes: are lahem,
hebraei significare angelos arbitrantur, et esse prophetiam, post
uocationem gentium, et diuitias ecclesiae, de subuersione templi, quod
flebunt angeli, nequaquam intus habitantes, sed exeuntes foras; et qui
prius nuntii pacis erant, flebunt amare. siue ipsi apostoli qui missi
fuerant ut pacem nuntiarent hierusalem, ad quam dominus loquebatur: si
scires etiam tu ea quae ad pacem sunt tibi; quibus apparuit dominus, ut
eos suo confortaret aspectu, flebunt hierusalem, quia non receperit
praedicationem suam, eo quod dissipatae sunt uiae, et cessauerit
transiens per semitam iustam, iuxta illud quod in hieremiae
lamentationibus dicitur: uiae sion lugent, eo quod non sint qui ueniant
ad sollemnitatem. irritum quoque factum est pactum cum abraham, isaac et
iacob: proiecit ciuitates iudaeae, non reputauit homines, qui suo uitio
iumenta esse uoluerunt. luxit et elanguit terra pro his qui morabantur
in terra. confusus est libanus et obsurduit, haud dubium quin templum
significet, de quo in zacharia legimus: aperi, libane, portas tuas, ut
deuoret ignis cedros tuas. siue hierusalem, quae in hiezechiel libanus
appellatur, dicente propheta: aquila magna magnarum alarum, quae habet
ductum intrandi in libanum; quod postea interpretans sermo diuinus; cum,
inquit, uenerit nabuchodonosor in hierusalem, perspicue aquilam regem
babylonium, et libanum hierusalem edisserens. factus est saron sicut
desertum, et concussa est basan et carmelus, pro basan, lxx galilaeam
transtulerunt, prouinciam pro uno loco prouinciae. saron autem omnis
iuxta ioppen liddam que appellatur regio, in qua latissimi campi
fertiles que tenduntur. basan quoque regio trans iordanem est quam duae
et dimidia tribus possederunt, et quae interpretatur uberrima et
pinguis; et carmelus, de quo supra diximus. loca igitur iudaeae quondam
fertilia uertentur in solitudinem, per quae metaphorik�s~g ostenditur
omnis opulentia iudaeorum egestate et penuria commutanda. quia igitur
apostolorum sermonem recipere noluerunt, confusus est libanus, et saron
uersus est in solitudinem, et basan carmelus que concussi sunt.
propterea dominus uel de nimia patientia, uel ab inferis resurrecturum
esse se dicit, et exaltandum in gentibus, et subleuandum in cruce. et ad
ipsos iudaeos apostropham facit: concipietis ardorem, et parietis
stipulam; et spiritus uester uobis conflabit incendium, ut conceptum et
partum uorax flamma consumat. et erunt, inquit, populi iudaeorum quasi
de incendio cinis, infelicitatis magnitudinem fauillae reliquiis
demonstrantes. spinae enim eorum quae peccatorum multitudine congregatae
sunt, incendio uorabuntur, quod plerique ad extremam captiuitatem et
subuersionem referunt hierusalem. alii plenius atque perfectius iudicii
tempore futurum esse confirmant.
audite qui longe estis quae fecerim, et cognoscite uicini
fortitudinem meam. conterriti sunt in sion peccatores, possedit tremor
hypocritas.
quis poterit habitare de uobis cum igne deuorante? quis habitabit ex
uobis cum ardoribus sempiternis? qui ambulat in iustitiis, et loquitur
ueritates; qui proicit auaritiam ex calumnia, et excutit manus suas ab
omni munere; qui obturat aures suas ne audiat sanguinem, et claudit
oculos suos ne uideat malum. iste in excelsis habitabit, munimenta
saxorum sublimitas eius; panis ei datus est, aquae eius fideles sunt.
regem in decore suo uidebunt oculi eius; cernent terram de longe. cor
tuum meditabitur timorem. ubi est scriba? ubi legis uerba ponderans? ubi
doctor paruulorum? populum imprudentem non uidebis populum alti
sermonis, ita ut non possis intellegere disertitudinem linguae eius, in
quo nulla est sapientia. lxx: audient qui longe sunt quae fecerunt;
scient qui appropinquant fortitudinem meam. recesserunt qui erant in
sion iniqui, apprehendet tremor impios. quis annuntiabit uobis, quoniam
ignis ardet? quis annuntiabit uobis locum aeternum? qui ambulat in
iustitia, et loquitur rectam uiam, et odit impietatem, et iniquitatem et
manus excutit a muneribus, et obturat aures, ut non audiat iudicium
sanguinis; et claudit oculos, ne uideat iniquitatem, iste habitabit in
excelsa spelunca petrae fortissimae. panis ei dabitur, et aqua eius
fidelis; regem cum gloria uidebunt oculi uestri, uidebunt terram de
longe, anima uestra meditabitur timorem. ubi sunt grammatici? ubi
consiliatores? ubi est qui numerat eos qui nutriunt et paruum et magnum
populum? cui non dedit consilium, neque sciebat profundam uocem illius,
ita ut non audiret populus contemptus, et non est audienti
intellegentia. quoniam dissipatae sunt uiae, cessauit transiens per
semitas, irritum factum est pactum cum populo iudaeorum, proiecit deus
ciuitates eorum, non reputauit eos inter homines; propterea uos qui
longe estis, audite quae fecerim, et appropinquate ut agnoscatis
fortitudinem meam. conterriti sunt, siue recesserunt qui erant in sion
peccatores uel impii, et tremor possedit hypocritas, quibus dominus in
euangelio loquebatur: uae uobis scribae et pharisaei hypocritae! quis
poterit habitare de uobis cum eo qui ignis est deuorans? quis habitabit
cum ardoribus sempiternis? siue iuxta lxx: quis uobis annuntiabit, quia
ignis ardet aeternus, quem praeparauit deus diabolo et angelis eius?
quis igitur poterit habitare cum deo, uel annuntiare uentura supplicia?
omnis qui huiuscemodi est, qualem propheticus sermo describit, qui
ambulat in pluribus iustitiis, et non semel, sed semper iustitias
diligit, nec una uice, sed iugiter loquitur ueritates; qui proicit
auaritiam, quae est mater calumniae. nisi enim cum alterius damno et
malo, pecuniae alteri non coaceruantur. et excutit manus suas ab omni
munere. munera quippe excaecant oculos, etiam sapientium. qui obturat
aures suas ne audiat iudicium sanguinis. omnis iniquitas et oppressio et
iniustitia, iudicium sanguinis est; et licet gladio non occidat,
uoluntate tamen interficit. et claudit oculos suos ne uideat malum.
felix conscientia, quae non audit, nec aspicit malum. qui igitur talis
est, ipse habitabit in excelsis, hoc est in regno caelorum, siue in
excelsa spelunca petrae fortissimae, in christo iesu; quae petra israel
populum sequebatur, ut biberet de ea, et illius fortitudine
protegeretur. panis ei dabitur, et aquae eius fideles sunt; quae
gentilium fabulae in ambrosia et nectare intellegunt. nos autem panes et
aquas fidelissimas legem dei interpretabimur. qui igitur talis est,
regem christum in sua claritate conspiciet, de quo supra dicitur: ecce
rex iustus regnabit, et principes in iudicio praeerunt.
et oculi eius uidebunt terram de longe, quam multo tempore
desiderauerant, terram mitium et mansuetorum, de qua in euangelio
scriptum est: beati mites, quoniam ipsi possidebunt terram. siue in
caelo positi, terrena despicient. cor tuum meditabitur timorem: ut cum
omnia fueris consecutus, dicas cum apostolo: qui non sum dignus uocari
apostolus, quoniam persecutus sum ecclesiam dei. principium enim
sapientiae timor domini. ubi est scriba? ubi legis uerba ponderans? ubi
doctor paruulorum? ubi sunt, inquit, scribae et pharisaei, qui legis
uerba trutinantes, infelicem populum decipiebant? quos nunc paruulos
scriptura cognominat, paruulos sensu, paruulos intellegentia. cum autem
oculi credentis regem in sua maiestate conspexerint, et cor eius
meditatum fuerit timorem, tunc imprudentem populum non uidebit, populum
iudaeorum, siue philosophorum et oratorum mundi, qui applaudunt sibi in
eruditione et eloquentia saeculari, de quibus nunc ait: populum alti
sermonis; ita ut non possis intellegere disertitudinem linguae eius;
quorum omnis ornatus in uerbis est, qui habent folia tantum umbram que
sermonum, et fructum non possident ueritatis. denique sequitur: in quo
nulla est sapientia, de quibus et alio loco dicitur: perdam sapientiam
sapientium, et intellectum prudentium reprobabo. cur? quia stultam fecit
deus sapientiam huius saeculi.
respice sion ciuitatem sollemnitatis nostrae; oculi tui uidebunt
hierusalem, habitationem opulentam. tabernaculum quod nequaquam
transferri poterit, nec auferentur claui eius in sempiternum, et omnes
funiculi eius non rumpentur. quia solummodo ibi magnificus est dominus
noster; locus fluuiorum riui latissimi et patentes, non transibit per
eum nauis remigium; neque triremis magna transgredietur eum. dominus
enim iudex noster, dominus legifer noster, dominus rex noster, ipse
saluabit nos. laxati sunt funiculi tui, et non praeualebunt; sic erit
malus tuus, ut dilatare signum nequeas. tunc diuidentur spolia praedarum
multarum; claudi diripient rapinam. nec dicet uicinus: elangui; populus
qui habitat in ea auferetur ab eo iniquitas. lxx: ecce sion ciuitas,
salutare nostrum; oculi tui uidebunt hierusalem, ciuitas diues,
tabernacula quae non mouebuntur. nec auferentur paxilli tabernaculi eius
in sempiternum, et funiculi eius non diripientur, quia nomen magnum
domini uobis. locus uester erit flumina et riui latissimi et spatiosi;
non ingredietur per eam nauis agitata remigio. deus enim meus magnus
est; non transibit me dominus iudex noster, dominus princeps noster,
dominus rex noster, dominus ipse saluabit nos. disrupti sunt funiculi
tui, quia non praeualuerunt; malus tuus inclinatus est, non dimittet
uela, nec eleuabit signum, donec tradatur in uastitatem. multi igitur
claudi praedas facient; et non dicent: laborabo; populus qui habitat in
eis, dimittetur eis delictum. o iuste, cui supra dictum est: cor tuum
meditabitur timorem; et: populum imprudentem non uidebis; et qui antea
audieras: regem in decore suo uidebunt oculi tui, contemplare sion urbem
sollemnitatis nostrae, uide ecclesiam christi, in qua est uera
sollemnitas; oculi tui cernent uisionem pacis, et diuitias insperatas,
quas oculus non uidit, nec auris audiuit, nec in cor hominis
ascenderunt, et tabernaculum quod nequaquam transferri poterit. prius
enim tabernaculum quod habuit populus iudaeorum, translatum est atque
sublatum. nec mouebuntur claui eius in sempiternum, et omnes funiculi
eius firmi erunt; ita ut dominus habitet in eo, qui locus est omnium
fluuiorum riuorum que currentium, per quos nullus aduersae partis
poterit nauigare; neque triremis magna, quae interpretatur diabolus, eum
transgredi poterit, quia dominus ipse est iudex et princeps, et rex et
saluator noster, et illo protegente, nullius metuemus insidias. haec
dicta sunt de sion urbe sollemnitatis nostrae, et de hierusalem
habitatione ditissima, quam ipse dominus fluuiis suis circumdabit atque
uallabit. nunc autem ad terrenam loquitur hierusalem, quod laxati sint
funiculi tabernaculi eius, et tentorium sustinere non quiuerint, et
malus eius, in quo pulcherrima quondam uela pendebant, ruptis funibus
ceciderit, ut non solum ad nauigationem, sed ad signum quoque inutilis
sit. postquam autem nauis eorum fuerit dissoluta, et tabernaculum
dissipatum, ita ut in utramque partem funiculi disrumpantur, praeda
uictoribus diuidetur. qui tam imbecilli erunt propriis uiribus, ut
claudi appellentur; et nihilominus dei ira tribuente eis fortitudinem,
nullam infirmitatem sentient, nec dicent: laboraui.
qui enim fuerit inter eos, auferetur ab eo iniquitas atque peccatum,
quia dei exsecutus est uoluntatem.
34. accedite gentes, et audite, et populi attendite; audiat terra
et plenitudo eius, orbis et omne germen eius. quia indignatio domini
super omnes gentes, et furor super uniuersam militiam earum. interfecit
eas, et dedit in occisionem. occisi earum proicientur; et de cadaueribus
earum ascendet fetor; tabescent montes sanguine earum. et tabescet
omnis militia caelorum; replicabuntur (siue complicabuntur) sicut liber
caeli. et omnis militia eorum defluet, sicut defluit folium de uinea et
de ficu, quoniam inebriatus est in caelo gladius meus. ecce super
idumaeam descendet, et super populum interfectionis meae ad iudicium.
gladius domini repletus est sanguine, incrassatus adipe; de sanguine
agnorum et hircorum, de sanguine medullatorum arietum; uictima enim
domini in bosra; et interfectio magna in terra edom. et descendent
unicornes cum eis, et tauri cum potentibus. inebriabitur terra sanguine
eorum, et humus eorum adipe pinguium. post euersionem hierusalem et
naufragium quondam solidissimae nauis, praedam que omnis supellectilis
illius, de interitu omnium dicitur nationum, et de consummatione mundi,
quae est in die futura iudicii. unde omnes gentes et populi terrae et
plenitudo eius, orbis et cuncta genimina eius, tam quae habitantur loca,
quam quae inhabitabilia sunt nimietate frigoris et caloris, iubentur
audire, et quae uentura sunt cum omni mentis tremore cognoscere.
indignatio enim domini nequaquam super unam gentem iudaeam, et assyrios
atque chaldaeos, aegyptios, moabitas, et ammonitas et philisthaeos, sed
et contra omnes gentes, et super uniuersam militiam, siue ut lxx
transtulerunt: numerum earum; uentura describitur, quae interficiat eas,
et fetorem corporum putrescentium in altum ascendere faciat;
significans peccata omnium nationum. ita ut sanie earum et spurcitia ac
sanguine montes repleantur; sublimes quaeque uirtutes et angeli, qui
singulis gentibus praesidebant; et tabescat omnis militia uel fortitudo
caelorum. replicentur, siue complicentur caeli sicut liber, et omnis
militia et exercitus eorum, atque ut lxx transtulerunt: et stellae
defluant, in similitudinem foliorum, quae, appropinquante frigore,
arentia atque contracta de uinea et ficu defluunt. quod quidem et
saluator loquitur in euangelio: stellae cadent de caelo, et uirtutes
caelorum mouebuntur, et tunc apparebit signum filii hominis in caelo. et
hoc considerandum, quod non dicat interire caelos, sed replicari, siue
complicari, quasi librum, ut postquam omnia peccata aperta fuerint et
relecta, complicentur qui prius aperti fuerant, ut nequaquam ultra
scribantur in eis delicta multorum, de huiuscemodi libris et daniel in
suo uolumine loquitur: iudicium sedit, et libri aperti sunt; in quibus
descripta erant opera singulorum. stellas autem cadere plerique
arbitrantur, iuxta apocalypsim ioannis, et illud quod alibi scriptum
est: stellae uniuersae ardentes soluentur, et caelum ac terra
transibunt, et: praeterit enim figura huius mundi, uere has stellas,
quae in caelo rutilant, ut in parte monstretur et totum, quod scilicet
per stellarum ruinam etiam caelorum interitus ostendatur. alii uero has
stellas putant esse ruituras, de quibus et paulus apostolus scribit: non
est nobis certamen aduersus sanguinem et carnem, sed aduersus
principatus, aduersus potestates, aduersus rectores tenebrarum istarum,
aduersus spiritalia nequitiae in caelestibus. nec mirum si daemones qui
in aere habitant, dicantur esse caelestes, cum etiam uolucres caeli,
quae utique non in caelo, sed in aere uolitant, scriptura cognominet.
nam et satanas transfiguratur in angelum lucis, stellam se esse
simulans. et saluator uidit eum quasi fulgur de caelo cadentem. et
tropologice de eo quasi de stella magna dicitur: quomodo cecidit lucifer
qui mane oriebatur? haec uniuersa fient, quia inebriatus est in caelo
gladius eius, poena atque sententia, et ultio in peccatores, quae
profertur a domino. qui gladius et machaera in hiezechiel contra impios
exacuitur, ac plurimis interfectis, uaginam suam iubetur intrare. cum
que inebriatus fuerit et repletus in caelo, hoc est in aere, qui
consuetudine scripturarum caelum dicitur, tunc ad idumaeam quoque, id
est ad terrenam, descendet, ut post poenam daemonum, etiam hominum
animae iudicentur. idumaea quippe in lingua nostra terrenam sonat.
repletus que est sanguine, et incrassatus adipe agnorum et hircorum,
medullatorum que arietum atque taurorum, ut et principes et populum
pariter significet puniendos. uictima enim domini in bosra, et
interfectio magna in terra edom.
de qua bosra et idumaea etiam in consequentibus idem propheta testatur
dicens: quis est iste qui uenit de edom; rubra uestimenta eius de bosra?
et nonnulli existimant, quia bosor caro dicitur, per uictimam domini in
bosra, tormenta omnium in carne monstrari, qui pio labuntur errore. in
praesenti enim loco non per sin litteram, quae in bosor, hoc est in
carne, ponitur, sed per sade scribitur, et bosra appellatur, quae iuxta
iesum et hieremiam non in edom, id est, idumaea, sed in terra moab
inuenitur. bosra autem in lingua nostra munitam sonat atque circumdatam,
siue firmatam; ut orbem terrarum domini uoluntate doceat esse
solidatum, iuxta illud quod in psalmo canitur: ipse super maria fundauit
eum, et super flumina collocauit illum. et de firmitate terrae ex
persona dei dicitur: ego firmaui columnas eius. cum que uictima domini
fuerit in bosra, et interfectio eius in idumaea, descendunt unicornes
cum tauris potentibus, reges uidelicet et principes terrae; et omnia
interfectionis et sanguinis replebuntur, et adipe quondam diuitum ac
potentum. per quae uerba, iuxta humanam consuetudinem, terrorem
audientibus incutientia, in omnes principes ac potentes, populos que ac
paruos tormenta monstrantur. bosra, id est munitam atque firmatam, et
edom, siue duma, et idumaeam, iudaeorum magistri romam intellegi uolunt,
et omnia de ipsa dici quae sequenti capitulo continentur.
quia dies ultionis domini, annus retributionum iudicii sion. et
conuertentur torrentes eius in picem, et humus eius in sulphur; et erit
terra eius in picem ardentem. nocte et die non exstinguetur, in
sempiternum ascendet fumus eius; a generatione in generationem
desolabitur, in saeculum saeculorum non erit transiens per eam. et
possidebunt illam onocrotalus, et hericius, et ibis, et coruus
habitabunt in ea, et extendetur super eam mensura, ut redigatur ad
nihili, et perpendiculum in desolationem. nobiles eius non erunt ibi;
regem potius inuocabunt, et omnes principes eius erunt in nihili. et
orientur in domo eius spinae, et urticae, et paliurus in munitionibus
eius. et erit cubile draconum, et pascua struthionum. et occurrent
daemonia onocentauris, et pilosus clamabit alter ad alterum; ibi cubabit
lamia, et inueniet sibi requiem. ibi habuit foueam hericius, et
enutriuit catulos, et circumfodit, et fouit in umbra eius; illuc
congregati sunt milui, alter ad alterum. requirite diligenter in libro
domini, et legite, unum ex eis non defuit, alter ad alterum non
quaesiuit, quia quod ex ore meo procedit; ille mandauit, et spiritus
eius, ipse congregauit ea. et ipse misit eis sortem, et manus eis
diuisit eam illis in mensura; usque in sempiternum possidebunt eam; in
generatione et generationem habitabunt in ea. hebraei, ut supra diximus,
haec de romano imperio prophetata contendunt, et in ultionem sion,
uastitatem quondam regni potentissimi praedicari, quod iuxta litteram
plerique nostrorum etiam in apocalypsi ioannis scriptum putant. nos
autem ex eo quod dicitur: dies ultionis domini, annus retributionum
iudicii sion hunc arbitramur annum, de quo loquitur ipse saluator:
spiritus domini super me, eo quod unxit me, euangelizare pauperibus
misit me, praedicare captiuis remissionem, et caecis ut uideant, uocare
annum domini acceptabilem, et diem retributionis deo nostro; consolari
omnes lugentes, et dare plangentibus sion gloriam. et de quo supra
dictum est: mulieres opulentae surgite; et dierum anni recordamini in
dolore cum spe, ac per hoc post generalem totius orbis consummationem
reuerti scripturam ad hierusalem, cui illo tempore loquebatur, et
uastitatem eius pleno sermone describi, quod scilicet postquam tempus
romanae obsidionis aduenerit, pice et sulphure et flammis ardentibus
omnia compleantur, et fumus illius maneat in aeternum, habitent que ibi
onocrotalus et hericius, et ibis et coruus, quae animantia in desertis
locis habitare consueuerunt; et hoc fiat, quia funiculus domini atque
perpendiculum, id est: sententia illius non ualeat immutari. nobiles
eius, id est apostoli atque credentes, non erunt ibi, nec perditorum
numero coniungentur. sed regem potius christum inuocabunt. omnes autem
principes illius, scribae uidelicet et pharisaei, redigentur in nihili,
et in domibus quondam ornatissimis spinae et urticae et paliurus
orientur. erit que cubile draconum, et pascua struthionum, quae et ipsa
signa sunt extremae solitudinis. et occurrent sibi in ea, iuxta lxx
diuersa daemonum phantasmata, siue ut omnes alii iuxta hebraicum
transtulerunt, siim et iim. onocentauri, et pilosi, et lamia, quae
gentilium fabulae et poetarum figmenta describunt. hericium quoque ibi
enutrire catulos, et stationem habere fidissimam. illuc congregari
miluos, rapacissimam auem, quae hebraice appellatur daioth, siue ut lxx
transtulerunt ceruos, de quibus infra dicemus.
inter quae propheta loquitur audientibus: o homines qui me auditis
loquentem, quae uentura pronuntio, rebus omnia complebuntur. in libro
enim scripta sunt domini, et illius sententia definita, et ne unum
quidem irritum erit. nam quod de meo ore procedit, ille mandauit, id
est: ego quidem loquor, sed uerba sunt domini, et spiritu illius
quidquid dictum est perpetrabitur. ipsius decreto atque mensura singula
complebuntur. et usque in generationes sempiternas suum ordinem non
relinquent. haec iuxta hebraicum et explanationem historicam dicta sint.
ceterum qui tropologiam sequuntur, expulso populo iudaeorum sub
bestiarum et portentorum nominibus, idololatras et uariis
superstitionibus seruientes in hierusalem habitaturos esse confirmant;
et hos esse onocrotalos et hericios, ibin et coruum, dracones et
struthiones et onocentauros, et daemonia et pilosos et lamiam (quae
hebraice dicitur lilith; et a solo symmacho translata est lamia, quam
quidam hebraeorum erinun~g, id est furiam, suspicantur). et reuera si
consideremus de diuersis gentibus adductas hierusalem colonias, et iuxta
ritum prouinciarum suarum, singulas familias propriorum daemonum
coluisse portenta, haec omnia in hierusalem habitasse firmabimus. quod
que lxx transtulerunt: ibi obuiauerunt sibi cerui, et uiderunt facies
suas; numero transierunt, unus ex ipsis non periit, nec quaesiuit
alterum. dominus enim praecepit eis, et spiritus eius congregauit eos.
et ipse dedit eis sortes, et manus illius diuidet eis, ut pascantur in
sempiternum, et possideant in generatione generationum, et requiescant
in ea. sic allegorice interpretabimur, ut doceamus ceruos, id est
apostolos, et sanctos quosque doctores, de quibus scriptum est: sicut
desiderat ceruus ad fontes aquarum, ita desiderat anima mea ad te, deus.
et alibi: uox domini perficientis ceruos. et rursum: ceruus amicitiae
et pullus gratiarum tuarum loquantur tibi. et in iob: custodisti autem
menses ceruorum, et partus eorum emittes. et in cantico canticorum
dicitur: similis est fratruelis meus capreae, uel hinnulo ceruorum super
montes aromatum. obuiasse sibi in hierusalem et mutuos uidisse
conspectus, et transisse ac reliquisse eam, et ad diuersas prouincias
perrexisse, quia dominus mandauerit eis: ite et docete omnes gentes
baptizantes eas in nomine patris, et filii, et spiritus sancti; et
spiritus illius congregauerit eos, dederit que eis sortes atque
diuiserit, ut alius ad indos, alius ad hispanias, alius ad illyricum,
alius ad graeciam pergeret; et unusquisque in euangelii sui atque
doctrinae prouincia requiesceret. quae nos super hierusalem diximus
prophetari, et iudaei de romano dicta imperio suspicantur, nonnulli ad
orbem referunt, ne a prioribus discrepare uideantur.
35. laetabitur deserta et inuia et exsultabit solitudo, et
florebit quasi lilium. germinans germinabit, et exsultabit laetabunda et
laudans. gloria libani data est ei, decor carmeli et saron. ipsi
uidebunt gloriam domini; et decorem dei nostri. lxx: laetare desertum
sitiens, et exsultet solitudo, et floreat quasi lilium. florebunt et
exsultabunt deserta iordanis; gloria libani data est ei, et honor
carmeli; et populus meus uidebit gloriam domini, et altitudinem dei
nostri. quoniam hierusalem conuersa est in picem et ascendit fumus
illius sempiternus, et habitant in ea onocrotalus et hericius, ibis et
coruus, dracones et struthiones, daemonia et onocentauri, lamia et
pilosi; et domini super eam impleta sententia est: relinquetur uobis
domus uestra deserta. propterea quae prius deserta fuerat, de qua in
psalmo dicitur: uox domini concutientis solitudinem, et commouebit
dominus desertum cades. uox domini praeparantis ceruos; et reuelabit
condensa siluarum. mutabitur in rerum omnium abundantiam, et pugnantibus
ceruis, de uniuersis saltibus nationum bestiae, quae eas prius
possederant, expellentur, ut impleatur illud quod in hoc eodem propheta
dicitur: laetare sterilis, quae non paris; erumpe et clama, quae non
parturis; quoniam plures sunt filii desertae, magis quam eius quae habet
uirum. haec erat prius sitiens, siue inuia non habens uitales aquas, et
dominus non gradiebatur per eam, quae nunc florebit ut lilium, siue ut
significantius expressit aquila: kaluk�sis~g, quam nos tumentem rosam et
necdum foliis dilatatis possumus dicere. florebit autem, ut cum
apostolo pronuntiet: christi bonus odor sumus in omni loco.
et illud cantici canticorum: flores uisi sunt in terra; mandragorae
dederunt odorem suum. quod que in lxx ponitur: et exsultabunt deserta
iordanis, in hebraico quidem non habetur sed possumus dicere ioannis in
iordane fluuio paenitentiae baptismum demonstrari, quod dominus suo
lauacro signauit atque firmauit. et quia de solitudine figuraliter
dicitur, quae refertur ad gentes, in qua fuit ioannes, consequenter
iungi potest iordanis, ut per desertum gentium ueniamus ad baptismum
saluatoris. quod que sequitur: gloria libani data est ei, et decor
carmeli et saron, iuxta priorem explanationem debemus accipere, in qua
diximus libanum templum siue hierusalem intellegi, dicente zacharia:
aperi, libane, portas tuas. et hiezechiel: aquila magna magnarum alarum
plena unguibus, quae habet ductum intrandi in libanum et carmelum;
priorem significare populum, de quo supra dictum est: et erit desertum
in chermel, et chermel in saltum reputabitur. et saron eamdem habere
intellegentiam, scriptura dicente: factus est saron sicut desertum.
omnis igitur candor, cultus dei, et circumcisionis scientia, et loca
uberrima atque campestria, quae appellantur saron, pro quibus symmachus
interpretatus est campos, dabuntur desertae quondam ecclesiae, et
habitatores illius uidebunt gloriam domini, et decorem siue altitudinem
dei nostri.
confortate manus dissolutas, et genua debilia roborate. dicite
pusillanimis, siue meticulosis, confortamini, et nolite timere, ecce
deus uester ultionem adducet retributionis. deus ipse ueniet, et
saluabit uos, siue ut lxx transtulerunt, nos. tunc aperientur oculi
caecorum, et aures surdorum patebunt, uel audient. tunc saliet sicut
ceruus claudus, et aperta erit lingua mutorum, quia scissae sunt in
deserto aquae, et torrentes in solitudine, et quae erat arida in
stagnum, siue paludes, et sitiens in fontes aquarum. in cubilibus, in
quibus prius dracones habitabant, orietur uiror calami et iunci. pro quo
lxx transtulerunt: erit ibi laetitia auium, et caulae gregum. et erit,
inquit, ibi semita et uia, siue uia munda, et uia sancta uocabitur, non
transibit per eam pollutus. et haec erit nobis directa uia; ita ut
stulti non errent per eam, uel ut lxx transtulerunt: neque erit ibi uia
immunda, qui autem dispersi sunt, transibunt per eam, et non errabunt.
non erit, inquit, ibi leo, et mala bestia non ascendet per eam nec
inuenietur ibi, sed ambulabunt per eam, qui liberati fuerint. et
redempti a domino conuertentur, et uenient in sion cum laude, et
laetitia sempiterna super caput eorum. gaudium et laetitiam obtinebunt;
et fugiet dolor et gemitus. utramque editionem miscuimus, ne in
proponendis singulis, librorum magnitudo tendatur, quae iam modum
breuitatis excedit. apostolis, de quibus supra dictum est: ipsi uidebunt
gloriam domini et decorem dei nostri, praecipitur, ut confortent manus
in gentibus dissolutas, et genua debilia roborent; ut qui prius manibus
dissolutis opus dei facere non poterant, et aridam habebant dexteram,
extendant eam ad bona opera. et qui dudum inter idola diuersis erroribus
claudicabant, firmo super ueritatem incedant gradu. et pusillanimes
siue formidolosos fide domini confirmantes, faciant non timere, unius
que dei metus uniuersi erroris expellat timores. causa autem est
securitatis atque constantiae, quia uenturus est christus, cui pater
dedit omne iudicium et reddet unicuique secundum opera sua. ipse ueniet
et saluabit uos, quibus dicitur: nolite timere. siue nos, ut salutem cum
credentibus apostoli dicant sibi esse communem. tunc aperientur oculi
caecorum, et aures surdorum patebunt. tunc saliet sicut ceruus, claudus;
et aperta erit lingua mutorum. quod quamquam signorum magnitudine
completum sit, quando dominus loquebatur discipulis ioannis, qui ad eum
missi fuerant: euntes renuntiate ioanni quae audistis et uidistis; caeci
uident; claudi ambulant; leprosi mundantur; surdi audiunt; mortui
resurgunt; pauperes euangelizantur. tamen cotidie expletur in gentibus,
quando qui prius caeci erant, et in ligna et lapides impingebant,
ueritatis lumen aspiciunt.
et qui scripturarum uerba surdis auribus audire non poterant, nunc ad
dei praecepta laetantur; quando qui prius claudi erant, et rectam uiam
non tenebant, saliunt sicut cerui, imitantes doctores suos, et aperta
erit lingua mutorum, quorum satanas ora concluserat, ne possent unum
dominum confiteri. idcirco autem aperientur oculi, aures audient,
salient claudi, et aperta erit lingua mutorum, quia scissae sunt, siue
eruperunt in deserto quondam ecclesiae aquae baptismi salutaris, et
torrentes ac riui in solitudine, diuersae scilicet gratiae spiritales;
et quae erat arida, in stagnum paludes que conuersa est, ut non solum
careret ardore sitis sed nauigabilis esset et irrigua, et haberet fontes
plurimos, quos ceruus desiderat, quos qui biberit, potest benedicere
domino, iuxta illud quod scriptum est: benedicite domino de fontibus
israel. in cubilibus animarum gentilium, in quibus prius dracones
habitabant, erunt calamus et iuncus, quibus scribatur fides domini, et
in quibus fessa prius membra requiescant; siue erit laetitia auium, et
caulae gregum, ut assumant alas columbae, et humilia relinquentes, ad
excelsa festinent, possint que cum psalmista dicere: dominus pascit me,
et nihil mihi deerit; in loco pascuae ibi me collocauit; super aquas
refectionis educauit me. ibi erit semita, et uia mundissima, quae sancta
uocabitur, et quae dicit ipsa de se: ego sum uia, per quam qui pollutus
est, transire non poterit. unde et in psalmo dicitur: beati immaculati
in uia. et haec uia erit nobis, id est deus noster, tam recta et plana
atque campestris, ut nullum habeat errorem; et stulti atque uecordes per
eam ingredi ualeant, quibus in prouerbiis loquitur sapientia: si quis
est paruulus, ueniat ad me. et insipientibus locuta est: uenite et
comedite panem meum, et bibite uinum quod miscui uobis. relinquite
infantiam, et uiuite, et ambulate per uias prudentiae. stulta enim mundi
elegit deus, quorum stultorum princeps loquitur in psalmo: deus tu scis
insipientiam meam. et: stultum dei sapientius est hominibus. unde lxx
transtulerunt: et qui dispersi fuerant, et a societate domini separati,
nequaquam errabunt. sequitur: non erit ibi leo, aduersarius noster
diabolus, qui circuit rugiens, quomodo ouile domini possit intrare. et
malae bestiae, satellites eius, non ascendent per eam. neque enim
uestigium colubri in petra inueniri potest. ambulabunt autem per eam qui
liberati fuerint de uinculis peccatorum, et redempti sanguine
saluatoris, et egerint paenitentiam; et uenerint in sion, de qua saepius
diximus: accessistis ad sion montem, et ciuitatem dei uiuentis
hierusalem caelestem; ne more iudaico auream quaeramus sion, et gemmatam
hierusalem, quae iuxta prophetiam danielis in aeternos cineres
dissoluta est. erit que laetitia sempiterna laudantium dominum super
caput eorum, ut postquam saeculum uicerint, possint cum apostolo et
propheta dicere: cursum consummaui, fidem seruaui, de cetero reposita
est mihi corona iustitiae. et: domine, ut scuto bonae uoluntatis tuae
coronasti nos. tunc succedente gaudio atque laetitia, fugiet dolor et
gemitus, quando uenerit ex sion qui eruat. quae omnia nos iuxta
apostolum paulum in primo saluatoris interpretamur aduentu: iudaei autem
et nostri iudaizantes ad secundum referunt, unius occasione uersiculi:
conuertentur et uenient in sion cum laude, hostiarum sanguinem,
cunctarum que gentium seruitutem, et uxorum pulchritudinem desiderantes.
LIBER 11
difficile, immo impossibile est placere omnibus; nec tanta uultuum,
quanta sententiarum diuersitas est. in explanatione duodecim prophetarum
longior quibusdam uisus sum, quam oportuit; et ob hanc causam in
commentariolis danielis breuitati studui, praeter ultimam et penultimam
uisionem, in quibus me necesse fuit ob obscuritatis magnitudinem
sermonem tendere; praecipue que in expositione septem et sexaginta
duarum et unius hebdomadarum, in quibus disserendis quid africanus
temporum scriptor, quid origenes, et caesariensis eusebius, clemens
quoque alexandrinae ecclesiae presbyter, et apollinaris laodicenus
hippolytus que et hebraei, et tertullianus senserint, breuiter
comprehendi, lectoris arbitrio derelinquens quid de pluribus eligeret.
itaque quod nos uerecundia fecimus iudicandi, et eorum honore qui
lecturi erant, quibusdam forte non placeat, qui non antiquorum
opiniones, sed nostram sententiam scire desiderant. quibus facilis
responsio est noluisse me sic unum recipere, ut uiderer alios
condemnare. et certe si tanti et tam eruditi uiri fastidiosis lectoribus
displicent, quid de me facturi erant qui pro tenuitate ingenioli
inuidorum morsibus pateo? sin autem supradictos uiros magistros
ecclesiae nominaui, illud intellegant, me non omnium probare fidem, qui
certe inter se contrarii sunt. sed ad distinctionem iosephi porphyrii
que dixisse, qui de hac quaestione plurima disputarunt. quod si in
expositione statuae pedum que eius et digitorum discrepantia, ferrum et
testam super romano regno interpretatus sum, quod primum forte, dein
imbecillum scriptura portendit, non mihi imputent, sed prophetae. neque
enim sic adulandum est principibus, ut sanctarum scripturarum ueritas
neglegatur, nec generalis disputatio unius personae iniuria est. quae
cum benigno meorum studio caueretur, dei iudicio repente sublata est, ut
amicorum in me studia, et aemulorum insidiae monstrarentur. sed haec
alias, nunc quod coepimus exequamur.
undecimus in esaiam liber, o uirgo christi eustochium, quia magnam
partem historiae disserturus est, facilior erit in principiis, et usque
ad duas sui partes, reliqua simili more dictanda sunt; et sic studendum
breuitati, ut nullum damnum fiat intellegentiae.
36. et factum est in quartodecimo anno regis ezechiae, ascendit
sennacherib rex assyriorum super omnes ciuitates iuda munitas et cepit
eas. et misit rex assyriorum rabsacen de lachis in hierusalem ad regem
ezechiam in manu graui et stetit in aquaeductu piscinae superioris, in
uia agri fullonis. et egressus est ad eum eliacim filius helciae, qui
erat super domum; et sobna scriba, et ioahe filius asaph a commentariis,
et dixit ad eos rabsaces: dicite ezechiae: haec dicit rex magnus, rex
assyriorum: quae est ista fiducia qua confidis? aut quo consilio et
fortitudine rebellare disponis? super quem habes fiduciam, quia
recessisti a me? ecce confidis, super baculum arundineum confractum
istum, super aegyptum, cui si innixus fuerit homo, intrabit in manum
eius, et perforabit eam. sic est pharao rex aegypti omnibus qui
confidunt in eo. quod si responderis mihi: in domino deo nostro
confidimus, nonne ipse est cuius abstulit ezechias excelsa et altaria?
et dixit iudae et hierusalem: coram altari isto adorabitis? et nunc
trade te domino meo regi assyriorum, et dabo tibi duo milia equorum, nec
poteris ex te praebere ascensores eorum. et quomodo sustinebis faciem
iudicis unius loci ex seruis domini mei minoribus? quod si confidis in
aegypto, et in quadrigis, et in equitibus; et nunc numquid sine domino
ascendi ad terram istam, ut disperderem eam? dominus dixit ad me:
ascende super terram istam, et disperde eam. historia manifesta est, et
interpretatione non indiget; plenius que in regum et dierum uoluminibus
haec eadem scripta referuntur, quod anno tertio osee filii hela regis
israel, regnauerit ezechias filius achaz regis iuda. uiginti quinque,
inquit, annorum erat cum regnare coepisset, et uiginti et nouem annis
regnauit in hierusalem, et fecit quod erat bonum coram domino, iuxta
omnia quae fecerat dauid pater eius. et post paululum: in domino deo
israel sperauit, et post eum non fuit similis illi, de cunctis regibus
iuda, sed neque in his qui ante eum fuerunt. adhaesit domino, et non
recessit a uestigiis eius; fecit que mandata eius quae praeceperat
dominus moysi. unde et erat dominus cum eo, et in cunctis ad quae
procedebat, sapienter se agebat. rebellauit autem contra regem
assyriorum, et non seruiuit ei; in cuius sexto anno imperii, salmanasar
rex assyriorum cepit samariam et decem tribus quae appellabantur israel;
et transtulit eas in assyrios, collocauit que in hala et habor fluuiis
gozan, in ciuitatibus medorum. post annos autem septem, id est quarto
decimo anno ezechiae, rex assyriorum sennacherib ingressus iudaeam,
obsedit ciuitates eius munitas, uolens eas capere. cum que obsideret
lachis, misit ad eum ezechias nuntios, dicens: peccaui, recede a me, et
omne quod imposueris mihi, feram. cum que trecenta talenta argenti et
triginta auri ad regis imperium persoluisset, fractis ianuis templi
domini, et laminis eius detractis, quas ipse affixerat, misit rex
assyriorum thartan et rabsacen de lachis ad regem ezechiam cum manu
ualida ad hierusalem; qui cum ascendissent, uenerunt in hierusalem, et
steterunt contra aquaeductum piscinae superioris, quae est in uia agri
fullonis, uocauerunt que ad se regem. egressus est autem ad eos eliacim
filius helciae praepositus domus, et sobna scriba et ioahe filius asaph,
a commentariis; dixit que ad eos rabsaces: loquimini ezechiae. haec
dicit rex magnus, rex assyriorum, et cetera quae in historia
continentur. in quo arrogantia consideranda rabsacis, quod uelut quaedam
contraria fortitudo, imitatur consuetudinem prophetarum, ut quod illi
solent in prologis ponere: haec dicit dominus, quo auctoritatem et
magnitudinem loquentis ostendant, iste nunc dixerit: haec dicit rex
magnus, rex assyriorum. egressus est autem ad eum eliacim filius helciae
qui erat praepositus domus, et sobna scriba, et ioahe filius asaph, a
commentariis. iste est eliacim filius helciae, de quo in uisione uallis
sion supra legimus: uocabo seruum meum eliacim filium helciae, et induam
illum tunica tua; et cingulo tuo confortabo eum, et potestatem tuam
dabo in manu eius, et erit quasi pater habitantium in hierusalem et
domui iuda, et cetera. haec autem dicuntur ad sobnam, qui ante eum
praepositus templi fuit, de quo in eadem scriptum est uisione: uade et
ingredere ad eum qui habitat in tabernaculo, ad sobnam praepositum
templi; quem tradunt hebraei rabsacis comminatione perterritum
tradidisse manus assyriis, et inferiorem partem hierusalem aduersariis
prodidisse, excepta que arce sion et templo, nihil aliud remansisse quod
non tenuerit assyrius. unde errant qui sobnam, qui nunc cum eliacim et
ioahe ad rabsacen egreditur, eumdem putant quem et supra. ibi enim sobna
praepositus templi ponitur, qui ab assyriis dicitur esse capiendus; hic
autem sobna scriba, hoc est grammateis~g, qui hebraice appellatur
sopher, et est superiori hom�numos~g.
rabsacen autem, qui hebraea lingua locutus sit, filium esaiae prophetae
iudaei autumant, qui et ipse proditor fuerit; relictum que filium esaiae
alterum, appellari iasub, qui in lingua nostra relictum sonet. porro
alii arbitrantur eum fuisse samariten, et idcirco hebraicum scisse
sermonem, et tam audacter et impie dominum blasphemare. consideremus
ergo uerba rabsacis; ac primum quod dicit: confidis super baculum
arundineum confractum istum, super aegyptum, falsum est. nulla enim
narrat historia quod ezechias ad aegyptios miserit et pharaonis auxilium
postularit. quod que infert: si responderis mihi: in domino deo nostro
confidimus, uerum est. sed rursum iungit mendacium ueritati, quod
abstulerit ezechias excelsa illius et altaria. hoc enim non contra deum,
sed pro deo fecerat; ut idololatria et ueteri errore destructo, iuberet
deum adorari in hierusalem, ubi erat templum eius, quamquam legamus
pessima consuetudine in montibus collibus que exstructo iam altari,
populum deo uictimas immolasse. quod que paucitatem obsessorum uolens
ostendere, equorum duo milia pollicetur, quorum ezechias ascensores
praebere non possit, non de imbecillitate uenit populi iudaeorum qui
equitandi carebat scientia, sed de obseruatione mandatorum dei, qui per
moysen super rege praeceperat israel: non multiplicabit sibi equos; et
uxores plurimas non habebit. sin autem me, inquit, seruum sennacherib,
qui sum minimus famulorum eius, non uales sustinere, quomodo tantam
regis potentiam sustinebis? ad id autem quod dixerat: si responderis
mihi: in domino deo confidimus, callide prudenter que respondit, se non
sua uoluntate, sed domini uenisse praeceptis. dominus dixit ad me:
ascende super terram istam et disperde eam. et est argumentum: certe
sine domini uoluntate huc uenire non poteram. cum autem uenerim et
multas ceperim ciuitates, et pars hierusalem maneat intacta, manifestum
est me eius uoluntate uenisse. legi in cuiusdam commentario eumdem esse
sennacherib qui et samariam ceperit, quod omnino falsum est. sacra enim
narrat historia primum phul regem assyriorum, sub manahen rege israel,
uastasse decem tribus. secundum theglathphalasar sub phacee filio
romeliae rege israel uenisse samariam. tertium salmanasar sub osee rege
israel totam cepisse samariam. quartum fuisse sargon, qui expugnauit
azotum. quintum asaraddon qui translato israel, samaritanos in terram
iudaeam custodes miserit. sextum sennacherib qui sub ezechia rege iudae,
capta lachis et ceteris iudaeae urbibus, obsederit hierusalem. alii
autem unum atque eumdem multis putant nominibus appellari.
et dixit eliacim et sobna et ioahe ad rabsacen: loquere ad seruos
tuos syra lingua, intellegimus enim, ne loquaris ad nos iudaice in
auribus populi qui est super murum. et dixit ad eos rabsaces: numquid ad
dominum tuum, et ad te misit me dominus meus, ut loquerer omnia uerba
ista, et non potius ad uiros qui sedent in muro, ut comedant stercora
sua, et bibant urinam pedum suorum uobis cum et stetit rabsaces, et
clamauit uoce magna iudaice, et dixit: audite uerba regis magni, regis
assyriorum. haec dicit rex: non seducat uos ezechias, quia non poterit
uos eruere, et non uobis tribuat fiduciam ezechias super domino, dicens:
eruens liberabit nos dominus, non dabitur ciuitas ista in manu regis
assyriorum. nolite audire ezechiam. haec enim dicit rex assyriorum:
facite me cum benedictionem, et egredimini ad me, et comedite
unusquisque uineam suam, et unusquisque ficum suam, et bibite
unusquisque aquam cisternae suae. donec ueniam, et tollam uos ad terram,
quae est similis terrae uestrae; terram frumenti et uini, terram panum
et uinearum. ne conturbet uos ezechias, dicens: dominus liberabit nos.
numquid liberauerunt dii gentium unusquisque terram suam de manu regis
assyriorum?
ubi est deus hemath et arphad? ubi est deus sepharuaim?
numquid liberauerunt samariam de manu mea? quis est ex omnibus diis
terrarum istarum, qui eruerit terram suam de manu mea, ut eruat dominus
hierusalem de manu mea? et siluerunt, et non responderunt ei uerbum.
mandauerat enim eis rex dicens: ne respondeatis ei. accusatio rabsacis
ezechiae testimonium est, quod captis cunctis iudaeae urbibus confisus
in domino sit, dixerit que ad populum: nolite timere, nec paueatis regem
assyriorum, et uniuersam multitudinem quae est cum eo. multo enim
plures nobis cum sunt quam cum illo. cum illo est brachium carneum;
nobis cum est dominus deus noster, qui auxiliator est noster, pugnat que
pro nobis. et confortatus est, inquit, populus huiuscemodi uerbis
ezechiae regis iudae. unde rabsaces destruere uult, quod ille
construxerat; et loquitur ad populum: non seducat uos ezechias; et non
uobis tribuat fiduciam super domino deo. quod autem eliacim et sobna et
ioahe humiliter deprecantur: loquere ad seruos tuos syra lingua,
intellegimus enim; et non loquaris ad nos iudaice in auribus populi qui
est super murum, hunc sensum habet: quid necesse est populum falsis
terroribus commoueri, et uanam iactare uirtutem? loquere linguam quam
populus non intellegit. si quidem nos habemus linguae tuae scientiam;
nouimus que sermonem syrum, qui utrisque communis est ad quod rabsaces
arroganter: num, ait, ad dominum tuum, et ad te misit me dominus meus,
et non potius ad uiros qui sedent in muro? rursum que augens
comminatione terrorem, ut comedant, inquit, stercora sua, et bibant
urinam pedum suorum uobis cum per quae ostendit fame eos et penuria siti
que esse capiendos. simul que illecebram iungit formidini, ut quos
terrore non uicerat, repromissionibus et persuasione decipiat, dicens ex
sermone regis assyriorum: facite me cum benedictionem, et egredimini ad
me. pro quo in regum uolumine legitur: facite me cum quod est utile, et
egredimini ad me. ergo sensus idem est. facite, inquit, quod uobis
prosit, et in benedictionem uestram proficiat. siue hoc dicit:
benedicite regi assyrio, et laudate eum, et dominum confitemini, ut
praemia consequamini, et donec reuertar de aegypto, siue capta lobna,
redeam, habitate in urbe uestra; et rebus uestris fruimini. postea autem
ueniam, et transferam uos in terram quae similis est terrae uestrae,
frumenti, uini et olearum. nec dicit nomen regionis, quia aequalem
terrae repromissionis inuenire non poterat; sed similitudinem
pollicetur. hoc enim unusquisque desiderat, in quo natus est. quidam
putant terram eis mediae repromitti, quae habebat terrae iudaeae
similitudinem, tam in situ quam in frugibus. quod que infert: ubi est
deus hemath et arphad et sepharuaim? numquid liberauerunt samariam de
manu mea? hoc ostendit quod omnibus his diis samaria seruierit, et
idcirco capta sit. sin autem, ait, tantis diis praesidentibus, decem
tribus facile superauimus, quanto magis uos, immo solam hierusalem, uno
deo praesule, uincemus facilius? tacuit que omnis populus, et non
respondit ei quicquam. siquidem praeceptum regis acceperant, ut non
responderent ei. uere iustus ezechias, agens cuncta fideliter uniuersa
que consilio. ideo autem iusserat blasphemanti assyrio non responderi,
ne eum ad maiores blasphemias prouocaret. unde scriptum est: ne
succendas carbones peccatoris; et in psalmo legimus: cum consisteret
aduersum me peccator, obmutui, et humiliatus sum, et tacui de bonis; et
iterum: pone, domine, custodiam ori meo, et ostium munitum labiis meis
ne declines cor meum in uerba malitiae.
37. et ingressus est eliacim filius helciae, qui erat super
domum, et sobnas scriba et ioahe filius asaph a commentariis ad ezechiam
scissis uestibus, et nuntiarunt ei uerba rabsacis.
et factum est cum audisset rex ezechias, scidit uestimenta sua, et
obuolutus est sacco, et intrauit in domum dei. et misit eliacim qui erat
super domum, et sobnam scribam, et seniores de sacerdotibus opertos
saccis ad esaiam filium amos prophetae, et dixerunt ad eum: haec dicit
ezechias: dies tribulationis et correptionis, et blasphemiae dies haec,
quia uenerunt filii usque ad partum, et uirtus non est pariendi. si
quomodo audiat dominus deus tuus uerba rabsacis, quem misit rex
assyriorum dominus suus ad blasphemandum deum uiuentem, et exprobrandum
sermonibus, quos audiuit dominus deus tuus. leua ergo orationem pro
reliquiis quae repertae sunt. et uenerunt serui regis ezechiae ad
esaiam. et dixit ad eos esaias: haec dicetis domino uestro: haec dicit
dominus: ne timeas a facie uerborum quae audisti quibus blasphemauerunt
pueri regis assyriorum me. ecce ego ei dabo spiritum, et audiet nuntium,
et reuertetur ad terram suam, et corruere eum faciam gladio in terra
sua. perspicua relinquentes, ea tantum in quibus latens sensus est,
disseramus. scindunt uestes, quia rabsacen audiunt blasphemantem.
scindit et ipse rex uestimenta sua, quia peccatorum suorum, et populi
esse credebat, quod rabsaces usque ad portam hierusalem uenerit, et
contra dominum talia sit locutus. unde et pontifex quia saluatorem
blasphemasse credebat, scidit uestimenta sua. et paulus ac barnabas,
deferentibus sibi dei cultum lycaonibus, sciderunt uestimenta sua. pro
regio ergo cultu obuolutus est sacco; et de palatio ad templum gradiens,
eliacim pontificem, et sobnam scribam, et seniores de sacerdotibus
misit ad esaiam filium amos prophetae. in quo regis consideranda
humilitas atque prudentia. ipse pergit ad templum; principes populi et
seniores sacerdotum, non stolis sacerdotalibus, sed ciliciis opertos
misit ad esaiam filium amos prophetae. pro quo in regum uolumine
legitur: ipse coopertus est sacco, et ingressus domum domini, eliacim
praepositum domus, et sobnam scribam, et senes de sacerdotibus misit
coopertos saccis ad esaiam prophetam filium amos. hic quia ipse de se
isaias scribebat historiam, non se appellauit prophetam, sed filium
prophetae; ibi uero quia alter erat scriptor historiae, ipsum scribit
prophetam. quod quidem et de matthaeo euangelista legimus, quod ipse
matthaeus se dixerit publicanum; alii uero euangelistae nomen publicani
tacuerint, et apostolicam tantum posuerint dignitatem; et quod in
coniunctionibus apostolorum, apud se secundus, apud alios primus sit.
dixerunt que inquit, ad eum: haec dicit ezechias, non rex, non tumens
nomine imperii: dies tribulationis et correptionis, et blasphemiae dies
haec; tribulationis nostrae, correptionis dei, blasphemiae hostium.
ponit que similitudinem parturientis mulieris et dolentis, quod ad
partum usque peruenerit, et generare non possit, nec dicere: a timore
tuo, domine, concepimus, et doluimus, et peperimus spiritum salutis.
sequitur: si quomodo audiat dominus deus tuus uerba rabsacis. non enim
audemus dominum omnium, nostrum dominum dicere, quo irascente tanta
perpetimur; sed tuum dicimus dominum. et hanc habemus ultionis fiduciam,
quoniam uiuens deus blasphematur a cultore idolorum mortuorum. et
exprobrauerunt sermonibus, quos audiuit dominus deus tuus. leua ergo
orationem nostram iacentem, non pro cuncto populo qui iam periit, sed
pro reliquiis, quae obsidentur. cum que uenissent serui regis ezechiae
ad esaiam. rursum nomen prophetae tacuit, ut coeptam seruaret
humilitatem. praeuenit que eos esaias. eodem enim spiritu quo futura
noscebat, etiam absentem regem audierat; et dicit quid respondere
deberent domino suo, humiliati in ista fiducia conscientiae. dicite,
inquit, domino uestro, qui uester est dominus; meus enim haec dicit
dominus: noli timere uerba quibus non tu, sed ego sum blasphematus.
nec dico uniuersa quae regi assyriorum sim facturus, ne meam uidear
iactare potentiam; sed quod dandus sit ei spiritus non dei, sed
aduersarius. audito que nuntio, reuertatur ad terram suam, et corruat in
ea gladio, ut duo pariter quae optabat ezechias, audiret, se obsidione
et periculo liberandum, et inimicum iratum que regem in sua terra esse
moriturum. si quis quaerat cur in libro prophetiae, historia quae in
regum et dierum uoluminibus scripta est, mixta uideatur, consideret quod
historiae prophetia sit copulata, tam de liberatione urbis, quam de
assyrii interitu, et de reuersione solis horarum decem, et quindecim
annorum spatiis protelatis, quod et prophetiae est et historiae.
reuersus autem rabsaces, inuenit regem assyriorum proeliantem
aduersum lobnam; audierat enim quia profectus esset de lachis. et
audiuit de taracha rege aethiopiae dicentes: egressus est, ut pugnet
contra te. quod cum audisset, misit nuntios ad ezechiam dicens: haec
dicetis ezechiae regi iudae loquentes: non te decipiat deus tuus, in quo
tu confidis dicens: non dabitur hierusalem in manum regis assyriorum.
ecce tu audisti omnia quae fecerunt reges assyriorum omnibus terris quas
subuerterunt, et tu poteris liberari? numquid eruerunt eos dii gentium,
quos subuerterunt patres mei gozan et haram et reseph, et filios edem,
qui erant in thalassar? ubi est rex hemath, et rex arphad, et rex urbis
sepharuaim ana et aua? eisdem uerbis eadem que sententia scriptum est in
regum et dierum uolumine, quod rabsaces iuxta domini uoluntatem,
obsidionem deseruerit hierusalem, et perrexerit ad dominum suum, quem
uel deserta uel capta lachis, ad oppugnandam lobnam ire cognouerat. ipse
quoque sennacherib audiens taracham regem aethiopum inferre sibi
bellum, occurrit uenienti, et nihilominus mittit nuntios ad ezechiam, et
epistolas, ut quos necdum uiribus ceperat, sermone terreret. et quomodo
populo dixerat: non te decipiat ezechias; eadem blasphemia loquitur ad
regem: non te decipiat deus tuus. ponit que exempla maiorum, quod
quomodo ceteras terras non potuerint liberare dii sui de manibus eorum,
sic nec hierusalem liberetur. in enumeratione autem gentium ceterarum
ponit ana et aua, quas lxx miscuerunt dicentes anauegaua, coniunctionem
que et, id est uau, inter duas gentes ana et aua lingua posuere hebraea,
ut ignorantibus una gens uideatur aut ciuitas. manifesta transcurrimus,
ut in dubiis immoremur. pugnasse autem sennacherib regem assyriorum
contra aegyptios, et obsedisse pelusium, iam que exstructis aggeribus
urbi capiendae, uenisse taracham regem aethiopum in auxilium, et una
nocte iuxta hierusalem centum octoginta quinque milia exercitus assyrii
pestilentia corruisse, narrat herodotus, et plenissime berosus,
chaldaicae scriptor historiae, quorum fides de propriis libris petenda
est. et tulit ezechias libros de manu nuntiorum, et legit eos; et
ascendit in domum domini, et expandit eos coram domino, et orauit ad
dominum dicens: domine, exercituum deus israel, qui sedes super
cherubim, tu es deus solus omnium regnorum terrae. tu enim fecisti
caelum et terram. inclina, domine, aurem tuam et audi; aperi, domine,
oculos tuos, et uide, et audi omnia uerba sennacherib quae misit ad
blasphemandum deum uiuentem. uere enim, domine, desertas fecerunt reges
assyriorum terras et regiones earum; et dederunt deos earum igni. non
enim erant dii, sed opera manuum hominum, lignum et lapides; et
comminuerunt eos. et nunc domine deus noster, salua nos de manu eius; et
cognoscant omnia regna terrae, quia tu es deus solus. contra
sennacherib regis blasphemias solita ezechias arma corripuit. rursum que
pergit ad templum, et epistolas eius expandit coram domino. prius
tacuerat, non enim audebat domini timore perterritus in templo ora
reserare, nec liberas ad deum preces fundere. nunc autem quia iam
audierat esaiam dicentem: ne timeas a facie uerborum quae audisti,
quibus blasphemauerunt pueri regis assyriorum me, et cetera, audacter
dominum deprecatur, et solum deum asserit esse uiuentem, per quem idola
intellegimus imagines mortuorum. quod que infert: uere enim, domine,
desertas fecerunt reges assyriorum terras, et regiones earum; et
dederunt deos earum igni. non enim erant dii, sed opera manuum hominum,
lignum et lapides; et comminuerunt eos multis probatur historiis, quae
scribunt reges persarum uenisse in graeciam, et subuertisse atque
spoliasse templa graecorum. ultionem que postulat, ut per occasionem sui
omnia regna cognoscant quod solus sit deus, qui possit suos de
discrimine liberare.
misit autem esaias filius amos ad ezechiam dicens: haec dicit
dominus deus israel; pro quibus rogasti me de sennacherib rege
assyriorum, hoc est uerbum quod locutus est dominus super eum: despexit
te et subsannauit te uirgo filia sion.
post te caput mouit filia hierusalem. cui exprobrasti, et quem
blasphemasti, et super quem exaltasti uocem tuam, et leuasti altitudinem
oculorum tuorum? ad sanctum israel. in manu seruorum tuorum exprobrasti
domino et dixisti: in multitudine quadrigarum mearum ego ascendi
altitudinem montium, iuga libani, et succidam excelsa cedrorum eius, et
electas abietes illius, et introibo altitudinem summitatis eius saltum
carmeli eius. ego fodi, et bibi aquam; et exsiccaui uestigio pedis mei
omnes riuos aggerum. quia tam audacter ezechias dominum deprecatus est,
nec misit ad esaiam, ut prius miserat, non ipse propheta pergit ad eum,
sed mittit nuntios qui ei dicerent uerbis dei: super sennacherib contra
quem rogas, domini ista sententia est: uirgo sion, et filia hierusalem,
quae ideo uirgo appellatur et filia, quia cunctis gentibus simulacra
adorantibus hominum mortuorum, haec sola conseruat castitatem religionis
dei, et unius diuinitatis cultum, subsannauit te atque despexit. et
quae ne ad maiorem te blasphemiam concitaret, praesenti non responderat,
post abeuntem mouit caput suum, certa de ultione, secura de poena. et
haec locuta est: non contra me, sed contra dominum superbisti; nec ipse
per te, sed per seruos tuos, ut maior esset arrogantia blasphemantis.
dixisti enim quod in quadrigarum tuarum multitudine ascenderes
altitudinem montium, et iuga libani, et excelsas succideres cedros atque
abietes illius. quod uel de cunctis gentibus metaphorik�s~g principibus
que earum debemus accipere, uel de hierusalem, quae interpretatur
libanus, ut cedros eius atque abietes ad potentes quosque et optimates,
altitudinem uero summitatis illius saltum que carmeli referamus ad
templum. ipse enim supra dixerat:
numquid non audisti quae fecerunt reges assyriorum omnibus
terris, quas subuerterunt? ergo nec tu poteris liberari. quod que
infert: ego fodi et bibi aquam, et exsiccaui uestigio pedis mei omnes
riuos aggerum, iuxta historiam hoc intellegi potest quod prae
multitudine exercitus, omnia fluenta exsiccauerit, ut puteos sibi fodere
sit compulsus. iuxta translationem, quod omnes populos, qui interdum
sub aquarum nomine describuntur, suo uastauerit exercitu. pro quo soli
septuaginta transtulerunt: et posui pontem, et desertas feci aquas, et
omnem congregationem aquarum; quod scilicet nulla sibi gens inuia
fuerit, sed super omnes populorum aquas suo calcauerit pede. numquid non
audisti quae olim fecerim ei? ex diebus antiquis ego plasmaui illud, et
nunc adduxi eos, et factum est in eradicationem collium compugnantium,
et ciuitatum munitarum. habitatores earum breuiata manu, contremuerunt,
et confusi sunt; facti sunt sicut fenum agri, et gramen pascuae, et
herba tectorum quae exaruit antequam maturesceret. habitationem tuam, et
egressum tuum, et introitum tuum cognoui, et insaniam tuam contra me,
cum fureres aduersum me. superbia tua ascendit in aures meas; ponam ergo
circulum in naribus tuis, et frenum in labiis tuis; et reducam te in
uiam per quam uenisti. haec ex persona dei contra uerba assyrii
sentienda sunt, quod ad blasphemiam eius sic responderit dominus: num
ignoras quod haec quae fecisti, mea feceris uoluntate, et ego haec
futura praedixerim, ac per te facienda mandauerim? itaque quod olim
decreui, hoc expletum est tempore, ut colles, id est principes qui inter
se ante pugnabant, et ciuitates munitissimae, me contrahente manum
meam, nec solitum praebente auxilium, eradicarentur et contremiscerent,
ac perirent. et compararentur, non oliuae et uineae, fructuosis que
arboribus, sed feno et gramini, herbis que domatum, quae frugibus
impedimento sunt et ante marcescunt, quam ad maturitatem perueniant.
itaque et sessionem, et egressum, et introitum tuum ante cognoui, et
insaniam qua contra me debacchaturus eras, prophetis uaticinantibus, sum
locutus. per quos olim dicturum esse te noueram: in caelum ascendam;
super sidera caeli ponam thronum meum, ero que similis altissimo. itaque
furor tuus et superbia tua peruenit in aures meas, et nequaquam ultra
te portabo, ut intellegas quod potuisti non tuis potuisse te uiribus,
sed meo arbitrio. merebantur enim impiae gentes, et infructuosae
arbores, ut per te, quasi securim et serram meam, succiderentur et
caderent. itaque ponam circulum, siue chamum in naribus tuis, ut
blasphemantia ora constringam, et nequaquam ultra talia loqui audeas;
frenum que iniciam labiis tuis, quod tuam ferociam domet, et te reducat
in assyrios. qua translatione et in psalmis contra impios scriptura
abutitur: in freno et chamo maxillas eorum constringe, qui non
appropinquant tibi.
tibi autem hoc erit signum: comede hoc anno quae sponte
nascuntur, et in anno secundo pomis uescere. in anno autem tertio
seminate, et metite, et plantate uineas, et comedite fructum earum.
et mittet id quod saluatum fuerit de domo iuda, et quod reliquum est,
radicem deorsum, et faciet fructum sursum, quia de hierusalem exibunt
reliquiae, et saluatio de monte sion. zelus domini exercituum faciet
istud. omnia haec propheta per nuntios ad ezechiam loquitur, quid
sennacherib dixerit, quid ei dominus responderit. nunc ad ipsum sermonem
facit, ne forsitan dubitet uentura quae dicta sunt. et idcirco uel
maxime prophetae apud populum sermonum suorum habebant fidem, quia non
solum de his quae multa post saecula futura erant, sed etiam quae in
continenti, et post non grande temporis spatium essent implenda,
memorabant; et quod intra biennium, et rex assyrius interiret, et urbi
hierusalem securitas redderetur. hoc erit inquit, signum eorum quae
futura praenuntio, quod hoc anno ea comedas, quae sponte nascuntur, siue
iuxta lxx: quae prius seueras. anno autem secundo, iuxta symmachum,
pomis uescere; siue iuxta eosdem, quae de praeteritis segetibus, et
cadente in terram semine, pullulauerint. in anno autem tertio, fugato
iam assyrio et obsidione laxata, seminate, et metite, et plantate
uineas, et fructus earum comedite. siquidem paruae urbis huius
reliquiae, quae nunc hostili uallantur exercitu, et euasuras se esse non
credunt, tantam recipient rerum omnium abundantiam ac felicitatem, ut
instar arboris alta radice fundatae pomis densissimis impleantur. de
hierusalem enim et de monte sion egredientur reliquiae, et implebunt
terram iudaeam, non suo merito, sed dei misericordia, immo zelo quod
aduersus impios zelatus est populum suum.
propterea haec dicit dominus de rege assyriorum: non introibit
ciuitatem hanc, et non iaciet ibi sagittam, nec occupabit eam clipeus,
et non mittet in circuitu eius aggerem. in uia qua ueniet, per eam
reuertetur, et urbem hanc non ingredietur, dicit dominus; protegam que
ciuitatem istam, et saluabo eam propter me, et propter dauid seruum
meum. reuertitur ad propositum, et post futurorum spem praesentem
excutit metum. non enim erat tanta laetitia super his quae longo post
tempore uentura promiserat, quanta cura de imminentibus. quod autem
dicit assyrium recessurum, nec leuaturum contra hierusalem clipeum, nec
iacula missurum, neque urbem munitionibus et aggere esse uallandam,
aduersarium que per uiam qua uenerat reuersurum, et liberandam ciuitatem
obsidione praesenti, et ad extremum infert: propter me et propter dauid
seruum meum, illud significat, quod non merito suo, sed dei clementia
conseruentur, immo patris eorum dauid memoria. in quo admonentur et suae
neglegentiae, et illius fidei atque iustitiae, quod in tantum iustitiam
diligat deus, ut etiam posteros sanctorum hominum, non suo merito, sed
maiorum uirtute tueatur.
egressus est autem angelus dei, et percussit in castris
assyriorum centum octoginta quinque milia; et surrexerunt mane, et ecce
omnia cadauera mortuorum. et egressus est et abiit, et reuersus est
sennacherib rex assyriorum, et habitauit in niniue. et factum est cum
adoraret in templo nesrach deum suum, adramelech et sarasar, filii eius,
percusserunt eum gladio; fugerunt que in terram ararat; et regnauit
asaraddon filius eius pro eo. centum octoginta quinque milia
fortissimorum uirorum ab uno angelo una nocte caeduntur, et absque
uulneribus occisorum mors saeua discurrit, excludens a corporibus
animas, dei uoluntate. super quo in paralipomenis legitur: et misit
dominus angelum, qui percussit omnem uirum robustum, et bellatorem, et
principem exercitus regis assyriorum; reuersus que est cum ignominia in
terram suam. qui idcirco seruatus est, ut sciret potentiam dei, et
blasphemantia ora comprimeret; fieret que testis illius maiestatis, quem
paulo ante contempserat. quod autem intulit: et surrexerunt mane, uel
israelitas, uel reliquos exercitus eius accipiamus. licet in regum
scriptum sit uolumine, quod cum ipse rex diluculo surrexisset, uidit
omnia corpora mortuorum. pharao quoque in decem aegypti seruatur plagis,
ut nouissimus pereat; quod et iste passus est. cum enim reuersus esset
in niniuen urbem primam regni sui, et adoraret in templo nesrach deum
suum, quasi uictoriam de hostibus reportaret, et delubrum idoli sui
triumphans et gratulabundus incederet, contemptor ueri dei in fano falsi
numinis trucidatur. nec angeli perit gladio, quod erat commune cum
pluribus, sed parricidio filiorum. qui cum fugissent in terram ararat,
quod intellegitur armenia, successit in patris locum asaraddon, quem
scriptura testatur misisse habitatores samariam, ne terra maneret
inculta. ararat autem regio in armenia campestris est, per quam araxes
fluit, incredibilis ubertatis, ad radices tauri montis, qui usque illuc
extenditur. ergo et arca in qua liberatus est noe cum liberis suis,
cessante diluuio, non ad montes generaliter armeniae delata est, quae
appellatur ararat, sed ad montes tauri altissimos, qui ararat imminent
campis.
38. in diebus illis aegrotauit ezechias usque ad mortem; et
intrauit ad eum esaias filius amos propheta, et dixit ei: haec dicit
dominus: dispone domui tuae, quia morieris tu et non uiues. et conuertit
ezechias faciem suam ad parietem, et orauit ad dominum, et dixit:
obsecro, domine, memento, quaeso, quomodo ambulauerim coram te in
ueritate, et in corde perfecto, et quod bonum est in oculis tuis
fecerim; fleuit que ezechias fletu magno. quem diligit dominus,
corripit, et castigat omnem filium quem recipit. ne eleuaretur cor
ezechiae post incredibiles triumphos, et de media captiuitate uictoriam,
infirmitate corporis sui uisitatur, et audit se esse moriturum, ut
conuersus ad dominum flectat sententiam eius. quod quidem et in iona
propheta legimus, et in comminationibus contra dauid quae dicuntur
futura, nec facta sunt, non deo mutante sententiam, sed prouocante
humanum genus ad notitiam sui. dominus enim paenitens est super
malitiis. conuertit que ezechias faciem suam ad parietem, quia ad
templum ire non poterat. ad parietem autem templi, iuxta quod salomon
palatium exstruxerat, uel absolute ad parietem, ne lacrimas suas
assidentibus ostentare uideretur. aut certe iuxta hieremiam: ad cor
suum, qui cir, id est parietem, cor appellat, ut tota mente dominum
deprecaretur. et ait: obsecro, domine, memento, quaeso, quomodo
ambulauerim coram te in ueritate, et in corde perfecto, et quod bonum
est in oculis tuis fecerim. audiens que se esse moriturum, non precatur
uitam et annos plurimos, sed in dei iudicio quid uelit praestare,
dimittit. nouerat enim idcirco deo placuisse salomonem, quod annos uitae
non petierit ampliores; sed iturus ad dominum, narrat opera sua,
quomodo ambulauerit coram eo in ueritate et in corde perfecto. felix
conscientia, quae afflictionis tempore bonorum operum recordatur: beati
enim mundo corde, quoniam ipsi deum uidebunt; et quando alibi scribitur:
quis gloriatur purum habere se cor? quod ita soluitur: perfectionem
cordis in eo nunc dici, quod idola destruxerit, templi baal uasa
peruerterit serpentem aeneum comminuerit, et cetera fecerit quae
scriptura commemorat. fleuit autem fletu magno, propter promissionem
domini ad dauid, quam uidebat in sua morte perituram. eo enim tempore
ezechias filios non habebat. nam post mortem eius manasses, cum duodecim
esset annorum, regnare coepit in iudaea. ex quo perspicuum est, post
tertium annum concessae uitae manassen esse generatum. ergo iste omnis
est fletus, quod desperabat christum de suo semine nasciturum. alii
asserunt, quamuis sanctos uiros morte terreri, propter incertum iudicii
et ignorationem sententiae dei, quam sedem habituri sint. simul que fati
quaestio soluitur, ac necessitatis uincula atque causarum, quod
nequaquam dies mortis singulis praestituta sit, sed uoluntate dei et
ignotis mortalibus causis, uel uiuat aliquis, uel moriatur. praesertim
cum et statuta nunc mortis necessitas differatur, et post mortem
resuscitatos plurimos legerimus.
et factum est uerbum domini ad esaiam dicens: uade et dic
ezechiae: haec dicit dominus deus dauid patris tui. audiui orationem
tuam, uidi lacrimas tuas. ecce ego adiciam super dies tuos quindecim
annos, et de manu regis assyriorum eruam te et ciuitatem istam, et
protegam eam. hoc autem tibi erit signum a domino, quia faciet dominus
uerbum hoc quod locutus est: ecce ego reuerti faciam umbram linearum per
quas descenderat in horologio achaz in sole retrorsum decem lineis; et
reuersus est sol decem lineis per gradus quos descenderat. praepostero
ordine quasi in prophetia hic refertur historia, quae in regum uolumine
consequentius legitur. flente ezechia fletu magno, priusquam
egrederetur: esaias mediam partem atrii, factus est sermo domini ad eum,
dicens: reuertere, et dic ezechiae duci populi mei: audiui orationem
tuam, et uidi lacrimam tuam. ecce sanaui te. dixit que ezechias ad
esaiam: quod erit signum, quia dominus me sanabit?
cui propheta respondit: hoc erit signum a domino quod facturus sit
dominus sermonem quem locutus est: uis ut accedat umbra tot lineis, an
ut reuertatur totidem gradibus? cui dixit ezechias: facile est umbram
crescere decem lineis, nec hoc uolo ut fiat; sed ut reuertatur retrorsum
decem gradibus. cum que inuocante esaia potentiam domini, signum esset
effectum, praecepit esaias afferri massam ficorum recentium. quam cum
attulissent, et posuissent super uulnus eius, curatus est. reuertitur
autem ad regem propheta domini iussione, ut ipse sanaret qui
percusserat; et uocatur ezechias dux populi eius, et filius dauid, cuius
opera sectabatur; fecerat enim rectum iuxta omnia quae fecit dauid
pater eius. et auditur eius oratio, uidentur que lacrimae, quoniam
ambulauerat coram domino in ueritate et in corde perfecto, et fleuerat
fletu magno; et quod placitum erat in oculis eius fecerat. adiciuntur
quindecim anni ad uitam, quod ille non postulauerat, et insuper uiuente
eo, regni securitas repromittitur. sin autem, ut quidam putant, in
corpore uiuere condemnatio est, et iuxta illud quod dicitur: reuertere,
anima mea, in requiem tuam, et in alio loco: educ de carcere anima meam,
optanda est mors ut de carcere liberemur. quomodo nunc dominus donat
pro beneficio, ut qui liberandus erat, adhuc quindecim annis uiuat in
carcere? datur autem signum, ut sol decem gradibus reuertatur, quos nos
iuxta symmachum in lineas et horologium uertimus, qui gradus intellexit
in lineis, ut manifestiorem sensum legentibus faceret. siue ita
exstructi erant gradus arte mechanica, ut per singulos umbra descendens,
horarum spatia terminaret. quod signum et praesentis temporis et futuri
typus erat; ut quomodo sol reuerteretur ad exordium sui, ita et
ezechiae uita ad detextos annos rediret; nobis que in hebdomade et
ogdoade uiuentibus, per resurrectionem christi, uitae spatia
protelentur. solent sanctorum locorum in hac prouincia monstratores
intra conseptum templi ostendere gradus domus ezechiae, uel achaz, quod
sol per eos descenderit. sed numquam ego credam, non dico achaz, qui rex
impius fuit, sed cuiuslibet regis iusti domum fuisse in templo dei. cum
salomon idcirco deum inter cetera offendisse dicatur, quod in sublime
aedificauerit mello, unde atrium templi, deambulans in turre palatii,
despicere solitus sit.
scriptura ezechiae regis iudae cum aegrotasset et conualuisset de
infirmitate sua. lxx: oratio ezechiae regis iudae quando languit, et
surrexit de infirmitate sua. miror quomodo soli septuaginta pro
scriptura, orationem posuerint, cum oratio thephellath dicatur, et non
machthab, quae in praesenti loco scribitur; alioquin consequenter
diceretur oratio, si de praesenti esset tempore, et non de praeterito.
manifestum est enim, quod post redditam sanitatem, de infirmitate
consurgens ista conscripserit, ex quo non oratio est, sed gratiarum
actio pro beneficio quod acceperat.
ego dixi in dimidio dierum meorum: uadam ad portas inferi;
quaesiui residuum annorum meorum. dixi: non uidebo dominum dominum in
terra uiuentium. non aspiciam hominem ultra et habitatorem quietis.
cessauit generatio mea; ablata est et conuoluta est a me quasi
tabernaculum pastorum. praecisa est uelut a texente uita mea, dum adhuc
ordirer succidit me; de mane usque ad uesperum finies me. sperabam usque
mane, quasi leo sic contriuit omnia ossa mea. de mane usque ad uesperum
finies me. lxx: ego dixi in excelso dierum meorum: uadam ad portas
inferi; relinquam annos residuos. dixi: nequaquam ultra uidebo salutare
dei in terra uiuentium, nec uidebo hominem adhuc cum habitantibus;
defeci a cognatione mea. exiuit et recessit a me, sicut tabernaculum
soluit qui fixerat. sicut tela spiritus meus recessit, cum a texente
succiditur.
in illa die traditus sum usque mane; sicut leo, sic contriuit omnia ossa
mea. a die usque ad noctem traditus sum. narrat quid tempore prementis
angustiae imminentis que languoris, tacitus cogitarit; dixi, inquit, in
corde meo, in dimidio dierum meorum, siue ut aquila et symmachus et
theodotio interpretati sunt: in infirmitate et silentio dierum meorum;
pro quo lxx excelsum interpretati sunt, ob litterae similitudinem, rame
pro dame legentes. licet quidam dame sanguinem uerterint, ut sit sensus:
in sanguine dierum meorum, quando meus cruor meus que expetebatur
interitus. itaque desperatione dixi: uadam ad portas inferi, uel communi
lege naturae, uel illas portas, de quibus quod liberatus sit, psalmista
decantat: qui exaltas me de portis mortis, ut annuntiem omnes
laudationes tuas in portis filiae sion. has portas inferni reor, quae
aduersum petrum non praeualent, quia dormiuit in plenitudine dierum
suorum. sancti implent dies suos, qualis fuit abraham, qui mortuus est
plenus dierum in senectute bona. peccatores uero et impii in dimidio
dierum suorum moriuntur, de quibus et psalmista loquitur: uiri sanguinum
et dolosi non dimidiabunt dies suos. non enim implent opera uirtutum,
nec student paenitentia emendare delicta. unde in medio uitae cursu, et
in errorum tenebris ducentur ad tartarum. quaesiui, inquit, residuum
annorum meorum, non me putans ultra esse uicturum. dixi: non uidebo
dominum dominum in terra uiuentium. pro domino et domino, bis in hebraeo
ponitur ia, quod in extrema syllaba alleluia sonat, pro quo lxx
transtulerunt: nequaquam ultra uidebo salutare dei in terra uiuentium.
de qua in alio loco scriptum est: placebo domino in regione uiuentium.
et rursum: placebo domino in lumine uiuentium. regio ergo sanctorum ipsa
est, quae appellatur lux uiuentium. non est enim deus mortuorum, sed
uiuorum. hoc autem est omne quod metuit, ne salutare dei, ductus ad
inferos, nequaquam mereatur aspicere. sequitur: non aspiciam hominem
ultra et habitatorem quietis. quod nos olim propter uerbi ambiguitatem
sequenti uersiculo iunxeramus; sermo enim hebraicus holed, si legatur
aut scribatur eled: requiem, si edel: occidentem sonat. timet ergo ne
cum sanctis et hominibus dei non habitet in quiete, ne non uideat
dominum in terra uiuentium, ne generatio illius instar tabernaculi
dissoluatur, ne in telae similitudinem in ipso lucis exordio
praecidatur, et nequaquam de semine eius christus oriatur. quod autem
corpus nostrum appelletur tabernaculum, et apostolus instruit dicens:
nos qui sumus in hoc tabernaculo, ingemiscimus aggrauati. de mane, ait,
usque ad uesperum finies me; sperabam usque mane. quod et iob in
angustia sua atque in tormentis corporis sustinuisse se dicit, quando in
die exspectabat noctem, et lucem praestolabatur in tenebris, mutatione
temporum putans mutari posse supplicia. hoc uerum esse nouit qui magnis
febribus aestuat, cuius ignis internus in similitudinem leonis omnia
ossa consumit, nec se putat prae doloris magnitudine ultra esse
uicturum.
sicut pullus hirundinis, sic clamabo; meditabor ut columba:
attenuati sunt oculi mei suspicientes in excelsum. domine, uim patior;
sponde pro me; quid dicam aut quid respondebit mihi cum ipse fecerit?
lxx: quasi hirundo sic clamabo; quasi columba sic meditabor. defecerunt
enim oculi mei aspiciendo in excelsum caeli ad dominum, qui eruit me, et
abstulit dolorem animae meae, et ipse fecit. mors imminens, et
languoris incumbens dolor, quasi leo ita omnia corporis mei ossa
frangebat; sed ego in similitudinem hirundinis et columbae, fletibus et
gemitibus dies noctes que iungebam; et a deo solo qui poterat subuenire,
eleuatis in altum oculis, auxilium praestolabar.
dicebam que ad eum: plus patior quam mea poscunt merita; sed et si quid
erraui, conuertar ad melius; tu sponde pro me: non est enim uolentis
neque currentis, sed miserentis dei. rursum que in se reuertitur: quid
dicam, quid ue causabor contra te factorem meum? aut quid mihi
respondebit qui fecit ipse quod uoluit? sustinenda ergo sunt quaecumque
decreuerit. pro pullo hirundinis, siue hirundine, ut lxx transtulerunt,
in hebraico scriptum est sus ago, quod interpretatus est aquila equus
agor: theodotio, sis agur; media enim uocalis littera uau, si ponatur
inter duas samech, legitur sus, et appellatur equus; si iod, legitur
sis, et hirundo dicitur. symmachus autem ita transtulit: sicut hirundo
inclusa, sic cantabo. quod uerbum agor et in hieremia legitur, ubi
scriptum est: miluus in caelo cognouit tempus suum; turtur et hirundo,
et ciconia custodierunt tempora sua.
reputabo omnes annos meos in amaritudine animae meae. domine, si
sic uiuitur, et in talibus uita spiritus mei, corripies me, et
uiuificabis me. ecce in pace amaritudo mea amarissima. tu autem eruisti
animam meam, ut non periret; proiecisti post tergum tuum omnia peccata
mea. quia non infernus confitebitur tibi, neque mors laudabit te; non
exspectabunt qui descendunt in lacum, ueritatem tuam. uiuens, uiuens
ipse confitebitur tibi, sicut et ego hodie. pater filiis notam faciet
ueritatem tuam. domine, saluum me fac, et psalmos nostros cantabimus
cunctis diebus uitae nostrae in domo domini. lxx: domine, de ipsa
annuntiatum est tibi et suscitasti spiritum meum, et consolatus
uiuificasti. ecce in pace amaritudo mea; liberasti enim animam meam, ut
non periret, et proiecisti post me omnia peccata mea. neque enim in
inferno laudabunt te, neque mortui benedicent tibi. neque sperabunt qui
apud inferos sunt misericordiam tuam. uiuentes benedicent tibi, sicut et
ego. ab hodie enim filios faciam, qui annuntiabunt iustitiam tuam,
domine salutis meae, et non requiescam, benedicens tibi cum psalterio,
omnibus diebus uitae meae in conspectu domus dei. nulla res longa
mortalium est, omnis que felicitas saeculi dum tenetur, amittitur. cum
enim tribulationis tempus aduenerit, omne quod praeteritum est nihil
adiuuat sustinentem. unde stulta epicuri sententia est, qui asserit
recordatione praeteritorum bonorum, mala praesentia mitigari. ergo
ezechias reputare se dicit omnes annos regni sui, et praeteritae, ut
putabat, beatitudinis in praesenti amaritudine. et quia iam securus est,
nec patitur quae refert, de humano statu philosophatur, et dicit:
domine, si sic uiuitur, et tali sumus conditione generati, corripuisti
me, sed uiuificasti me, pacem que tribuisti, fugato assyrio. sed pax mea
omni mihi amaritudine fuit amarior, quia tranquillitate populis
reddita, et urbe secura, ego solus limina mortis intraui. sed tu eruisti
animam meam, ut non periret, uel praesenti uitae uel futurae.
proiecisti enim post tergum omnia peccata mea, ne illa tristis
aspicerem, sed tuam misericordiam contemplarer. infernus enim et mors
non confitebuntur, neque laudabunt te, iuxta illud quod scriptum est: in
inferno autem quis confitebitur tibi?
confessio que in hoc loco, non pro paenitentia, sed pro gloria et laude
accipitur, sicut et in euangelio legimus: confitebor tibi, domine, pater
caeli et terrae. non exspectabunt, inquit, qui descendunt in lacum,
ueritatem tuam. melius quam in lxx: misericordiam. qui enim in inferno
est, non exspectat iudicii ueritatem, sed misericordiam dei; maxime cum
saluator ad inferna descenderit, ut uinctos de inferis liberaret. pro
lacu manifestius iidem inferos transtulerunt. uiuens, uiuens ipse
confitebitur tibi, sicut et ego hodie. et hic confessio pro laudatione
ponitur. neque enim sua scelera confitetur; sed gratias agit deo; et non
est pulchra laudatio in ore peccatoris. cum que infernus et mors non
confiteantur nec laudent deum, e contrario uita atque uiuentes dominum
glorificant. quod que sequitur: pater filiis notam faciet ueritatem
tuam, hoc significat, quod in deuteronomio dicitur: interroga patrem
tuum, et annuntiabit tibi; seniores tuos, et dicent tibi, ut per
successiones et singulas generationes dei in posteros clementia
praedicetur. pro quo lxx posuerunt: ab hodie enim filios faciam, qui
annuntiabunt iustitiam tuam. causalis que coniunctio sequentia cum
superioribus copulat, quod uidelicet idcirco uiuentes et ipse uiuens
benedicant deo, quia ab hac die facturus sit filios, qui annuntient
ueritatem eius quod certe suae non erat potestatis. neque enim per
prophetam illi liberi repromissi sunt. sed praesens uita concessa.
praesertim cum impiissimum filium genuerit manassen, qui repleuerit
hierusalem sanguine, a porta usque ad portam, et non benedixit, sed
maledixit deo persequens sanctos eius. possumus ergo iuxta lxx hoc
dicere, quod non dixerit, filios faciam; sed paidia~g, quos uel
paruulos, uel pueros, siue infantulos et posteros intellegimus, ut ex eo
quod ipse misericordiam consecutus est, omnis uentura posteritas hoc
cognoscens, laudet eius incredibilem clementiam. saluum ergo me fac,
domine; et omnes qui in te credimus, tuo que sumus auxilio liberati,
cunctis diebus uitae nostrae te canemus in templo. et iussit esaias ut
sumerent massam de ficis, et cataplasmarent super uulnus, et sanaretur.
et dixit ezechias, quod erit signum, quia ascendam in domum domini. hoc
prius legendum est quam oratio ezechiae, siue scriptura, quam nunc
interpretati sumus; ante enim cataplasma uulneri impositum est, et prius
signum ab eo petitum futurae sanitatis, quam gratias ageret domino,
quod dicitur fecisse sanatus. aiunt hebraei uerbum siin, quod
praetermisere lxx, ulcus sonare, non uulnus. nam et aquila symmachus que
et theodotio elkos~g interpretati sunt, per quod morbum regium
intellegi uolunt, cui contraria putantur, uel sumpta in cibo, uel
apposita corpori quaecumque sunt dulcia. ergo ut dei potentia
monstraretur, per res noxias et aduersas sanitas restituta est. alii
siin non ulcus, sed apostema suspicantur, quando tumens corpus cocto et
putrescente pure completur. et iuxta artem medicorum, omnis sanies
siccioribus ficis atque contusis, in cutis superficiem prouocatur; ac
per hoc non spernendam esse medicinam, quae usu constet et experimento,
quia et hanc fecerit deus. oratio igitur ac gratiarum actio hucusque
conscripta est. ceterum quod signum datum sit, superior historiae ordo
narrauit.
39. in tempore illo misit merodach baladan, filius baladan, rex
babylonis, libros et munera ad ezechiam. audierat enim quod aegrotasset
et conualuisset. laetatus que est super eis ezechias; et ostendit eis
cellam aromatum, et argenti, et auri, et odoramentorum, et unguenti
optimi, et omnes apothecas supellectilis suae et uniuersa quae inuenta
sunt in thesauris eius.
non fuit uerbum quod non ostenderit eis ezechias in domo sua, et in omni
potestate sua. supra legimus, quarto decimo anno regis ezechiae
ascendisse sennacherib regem assyriorum super omnes ciuitates iudae
munitas, et cepisse eas, et postea obsedisse lachis, transisse lobnam,
misisse hierusalem partem exercitus sui, caesa que per angelum centum
octoginta quinque milia exercitus eius, et ipsum fugisse niniuen,
interfectum que a filiis in fano dei sui, et regnasse pro eo assaraddon
filium eius. aegrotasse ezechiam, et recepisse prophetae nuntio
sospitatem; factum signum incredibile, ut sol decem horarum spatiis
reuerteretur ad ortum suum, et paene duplex dies fieret. nunc legimus
quod in tempore illo, hoc est, in eodem anno quo haec gesta sunt omnia,
miserit merodach baladan, filius baladan, rex babylonis, libros et
munera ad ezechiam; non assaraddon, qui sennacherib patri apud assyrios
in regnum successerat, de cuius seu morte, seu uita scriptura conticuit.
ex quo perspicuum est aliud fuisse tunc regnum assyriorum, et aliud
babyloniorum. denique samariam, id est decem tribus, cepere assyrii.
iudam autem et hierusalem postea legimus cepisse chaldaeos, quorum rex
nabuchodonosor fuit. et quia apud eos astrorum obseruantia est,
stellarum que cursus longo usu et exercitatione cognitus, quod et in
domini natiuitate monstratur. intellexerunt solem reuersum, diei spatia
duplicata, seruire ei quem solum deum putabant. cum que causas huius
miraculi rationem que perquirerent, fama per omnes gentes uolitante,
didicerunt propter aegrotationem regis iudae, etiam cursum signi
clarissimi commutatum. quam non esse opinationem meam, sed scripturae
sanctae fidem, dierum uerba testantur, quae dixere post alia: ipse est
ezechias, qui obturauit superiorem fontem aquarum gion; et auertit eas
subter ad occidentem urbis dauid. in omnibus operibus suis fecit
prospere quae uoluit; attamen in legatione principum babylonis, qui
missi fuerant ad eum, ut interrogarent de portento quod acciderat super
terram, reliquit eum deus ut temptaretur; et nota fierent omnia quae
erant in corde eius. idcirco autem temptationi relictus est, quia post
tantam uictoriam, et solis regressum, et congratulationem regni
potentissimi, cor illius eleuatum est. denique in eodem uolumine
scribitur: multi deferebant hostias, et sacrificia domino in hierusalem,
et munera ezechiae regi iuda; et exaltatus est coram cunctis gentibus.
in diebus illis aegrotauit usque ad mortem, et orauit dominum. et
exaudiuit eum, et dedit ei signum; sed non iuxta beneficia quae
acceperat, retribuit, quia exaltatum est cor eius, et facta est contra
eum ira, et contra iudam et hierusalem. rursum que scriptura sancta
elationem cordis eius dicit paenitentia mitigatam, inferens: et
humiliatus est postea, eo quod exaltatum esset cor eius, tam ipse quam
habitatores hierusalem; et idcirco non uenit super eos ira domini in
diebus ezechiae. laetatus est ergo in aduentu legatorum merodach (quem
patrem fuisse nabuchodonosor hebraei autumant) et in oblatione munerum,
et congratulatione sanitatis suae. ostendit que eis iuxta septuaginta
domum nechotha, pro qua symmachus transtulit aromatum suorum; et
thesauros argenti et auri et odoramentorum et unguenti optimi, quod in
hebraico scribitur: olei boni. et omnes thesauros uasorum gazae, siue,
ut ibi legitur, uasorum suorum. gaza autem lingua persarum diuitiae
nuncupantur. nec est hebraeus sermo, sed barbarus. non fuit, inquit,
uerbum, quod iuxta hebraicam consuetudinem pro re frequenter accipitur,
quod non ostenderit eis in domo sua et in omni potestate sua. unde dei
ira iustissima, quoniam non solum thesauros suos atque palatii, sed et
templi ostenderit, quod certe fuit potestatis eius, de cuius ualuis auri
laminas ante iam tulerat.
introiit autem esaias propheta ad regem ezechiam, et dixit ei:
quid dixerunt uiri isti: et unde uenerunt ad te? et dixit ezechias: de
terra longinqua uenerunt ad me, de babylone. et dixit: quid uiderunt in
domo tua? et dixit ezechias: omnia quae in domo mea sunt uiderunt; non
fuit uerbum, siue res, quam non ostenderim eis in thesauris meis. et
dixit esaias ad ezechiam: audi uerbum domini exercituum. ecce dies
uenient, et auferentur omnia quae in domo tua sunt, et quae
thesaurizauerunt patres tui usque ad diem hanc, in babylonem. non
relinquetur quicquam, dicit dominus.
et de filiis tuis qui egredientur ex te, quos genueris, tollent:
(signum_obeli) et erunt eunuchi in palatio regis babylonis. et dixit
ezechias ad esaiam: bonum uerbum domini quod locutus est. et ait: fiat
tantum pax et ueritas in diebus meis. tradunt hebraei ideo aegrotasse
ezechiam, quoniam post inauditam uictoriam iudaeorum et assyrii regis
interitum, non cecinerit laudes domino, quas cecinit moyses pharaone
submerso, et debbora interfecto sisara, et anna genito samuele. unde
commonitum esse fragilitatis suae. rursum que post corporis sanitatem et
signi magnitudinem offerri aliam occasionem superbiae, quam, ut prudens
et dei cultor, uitare debuerat; nec monstrare alienigenis diuitias
suas, quas, deo tribuente, possederat. ex quo iuxta leges quoque
tropologiae discimus, non mittendas margaritas ante porcos, nec dandum
sanctum canibus. qui enim fidelis est spiritu, abscondit negotia; et
quicumque hoc non fecerit, omnis uirtus illius eneruatur; perit que
posteritas, et amisso uirili robore, in muliebrem redigitur
mollitudinem. ingreditur ergo esaias ad regem, et quasi nescius
sciscitatur: quid dixerunt uiri isti, et unde uenerunt? duo interrogat:
quid locuti sint, et unde uenerint? ille ad unum respondit, altero
praetermisso: quod cum emphasei~g et supercilio legendum est: de terra
longinqua uenerunt ad me, de babylone. quod quanto terra longior sit
unde uenerunt, tanto iste gloriosior propter quem uenerint. et uenerunt,
inquit, ad me, - qui debuerat dicere: uenerunt ad glorificandum deum
pro signi magnitudine, - de babylone, quae urbs in toto orbe
potentissima est. rursum que esaias: quid, inquit, uiderunt in domo tua?
et ille respondit ex parte uerum, quod omnia uiderint in domo illius,
nec fuerit res quam non ostenderit eis in thesauris suis. sed alterum
tacet, de quo uerebatur offensam, quod ostenderit eis cuncta quae
haberet in potestate sua; haud dubium quin et templi supellectilem.
propter quae esaias dei sermone profert sententiam: audi uerbum domini
exercituum: ueniet tempus quando omnia haec quae in domo tua sunt, et
non tuo, sed patrum tuorum labore quaesita, in babylonem transferantur,
et de semine tuo fiant eunuchi in aula regia. ex quo hebraei uolunt
danielem, ananiam, misael, et azariam, qui fuere de regio semine, factos
esse eunuchos, quos in ministerio regis nabuchodonosor fuisse non
dubium est. dixit itaque ezechias: bonum uerbum domini quod locutus est.
in quo ab hebraeis reprehenditur, cur non sit imitatus bonitatem moysi,
qui locutus ad dominum est: aut dimitte eis hanc noxam; aut si non
facis, dele me de libro tuo, quem scripsisti. unde et apostolus paulus
anathema uult esse a christo pro fratribus suis qui sunt israelitae; et
propterea ezechiam dei sermonibus non probatum, qui in consequentibus
loquitur:
40. consolamini, consolamini, populus meus, dicit deus uester, ut
pro quibus ille non rogauerat, domini clementia consolentur.
consolamini, consolamini, populus meus, dicit deus uester. loquimini ad
cor hierusalem, et aduocate eam, quoniam completa est malitia eius,
dimissa est iniquitas illius. suscepit de manu domini duplicia pro
omnibus peccatis suis. lxx: consolamini, consolamini populum meum, dicit
deus; (signum_obeli) sacerdotes (signum_metobeli) loquimini ad cor
hierusalem: consolamini eam, quia repleta est humilitas eius. solutum
est peccatum illius, quia recepit de manu domini duplicia peccata sua.
iuxta interpretes ceteros, iubentur alii, ut populum dei et hierusalem
pariter consolentur. iuxta hebraicum ipsi praecipitur populo, ut
consoletur, et loquatur ad cor hierusalem, et aduocet eam. loqui autem
ad cor hierusalem, idioma scripturarum est. qui enim maerenti loquitur,
et blandiens consolator est, ad cor loqui dicitur.
doceat nos sichem filius hemor, qui corrupta dina locutus est ad cor
eius, et consolatus est eam. et ubicumque simile quid inueneris, hunc
sensum habet. causa que consolationis, remissio peccatorum est. et causa
remissionis, quoniam suscepit de manu domini duplicia pro omnibus
peccatis suis. qui enim scit uoluntatem domini sui, et peccat, uapulabit
multis. omnis que qui habet in se habitatorem spiritum sanctum, quem
saluator apostolis promittebat, dicens: rogabo patrem meum, et alium
consolatorem dabit uobis, ut sit uobis cum in sempiternum, spiritum
ueritatis. et iterum: cum autem uenerit consolator spiritus sanctus,
quem mittet pater meus in nomine meo, ille uos docebit omnia. et rursum:
cum uenerit consolator quem ego mittam uobis a patre, spiritum
ueritatis qui a patre egreditur, ille testificabitur de me. et: prodest
uobis ut ego uadam; nisi enim ego abiero, consolator non ueniet ad uos.
consolator est, cui et nunc praecipitur, ut consoletur populum dei. unde
et apostolus paulus loquebatur ad credentes: benedictus deus et pater
domini nostri iesu christi, pater misericordiarum et deus omnis
consolationis, qui consolatur nos in omni tribulatione nostra, ut
possimus consolari eos qui in omni tribulatione sunt, per consolationem
qua ipsi consolamur a deo. quoniam sicut superabundant passiones christi
in nobis, sic per christum abundabit et consolatio nostra. et iterum:
et spes nostra firma est pro uobis; scientes quoniam sicut participes
estis passionum, sic et consolationis eritis. qui sit autem iste
populus, qui per apostolos et uiros ecclesiasticos consolatur, non
israel et iacob et iuda, ut in aliis locis scriptura commemorat, sed
populum dei, zacharias propheta testatur dicens: gaude et laetare, filia
sion, quia ego ueniam et habitabo in medio tui, dicit dominus. et
confugient gentes multae ad dominum in die illa, et erunt ei in populum,
et habitabunt in medio tui, et cognoscent quoniam dominus omnipotens
misit me ad te. quo testimonio perspicue demonstratur, gentes plurimas
in populum dei esse uertendas. et haec dicit dominus missus a domino,
cui nomen omnipotens est. et hoc notandum quod non soluantur peccata
nostra, nisi de manu domini receperimus ea. nec idem est solui peccata,
atque dimitti. cui enim dimittuntur, solutione non indiget, audiens in
euangelio: confide, fili, dimittuntur tibi peccata tua. cui autem
soluuntur, propterea soluuntur, quia purgata sunt et soluta per poenas.
iuxta historiam recepit hierusalem de manu domini duplicia peccata sua;
semel a babyloniis, secundo a romanis. quod que additur a septuaginta
sacerdotes, obelo praenotandum est. uox clamantis in deserto: parate
uiam domini, recta facite in solitudine semitas dei nostri. omnis uallis
exaltabitur, et omnis mons et collis humiliabitur. et erunt praua in
directa, et aspera in uias planas, et reuelabitur gloria domini, et
uidebit omnis caro pariter quod os domini locutum est. lxx: uox
clamantis in deserto: parate uiam domini; rectas facite semitas dei
nostri. omnis uallis implebitur; et omnis mons et collis humiliabitur.
et erunt praua in directa, et aspera in campos. et apparebit gloria
domini; et uidebit omnis caro salutare dei, quia dominus locutus est.
huius uocis memores scribae et pharisaei et principes iudaeorum, cum
audissent ioannem in solitudine praedicare baptismum paenitentiae, et
docere populum, mittunt qui interrogent eum, utrum ipse sit christus, an
elias, an propheta. cum que respondisset nihil se horum esse, rursus
interrogant: dic ergo nobis, quis es? ut responsum demus his qui
miserunt nos. quid dicis de te? atque ille respondit: ego sum uox
clamantis in deserto: parate uiam domini, sicut dixit esaias propheta.
in quo animaduertendum, quod rectae uiae domini et semitae dei nostri,
impletio uallium et montium, collium que humiliatio, et prauorum
correctio, et asperorum rupium que campestria, et gloria domini et
salutare dei nostri, non praedicetur in hierusalem, sed in solitudine
ecclesiae, et in deserta gentium multitudine, de qua supra legimus:
laetare deserta sitiens, exsultet solitudo, et floreat quasi lilium.
haec enim deserta erat notitia dei, et ab idolis tenebatur humilis in
confessione, erecta in superbia, aspera et intractabilis in feritate.
sed postquam apparuit gloria domini, et uidit omnis caro salutare dei,
cuncta repente mutata sunt, et uia domini praeparata, ita ut appareret
in solitudine gloria dei. quando baptizatus est dominus in iordane, et
aperti sunt caeli, et spiritus sanctus in specie columbae descendit, et
mansit in eo, uox que patris desuper intonantis audita est: hic est
filius meus dilectus, in quo mihi complacui; hunc audite, et omnis caro
uidit salutare dei. quae propterea appellabatur caro, quia prius sanctum
spiritum non habebat. de qua dicit et dominus: non permanebit spiritus
meus in hominibus istis, quoniam carnes sunt. illa autem caro uidebit
salutare dei, de qua per ioel idem loquebatur: effundam de spiritu meo
super omnem carnem, et prophetabunt. quod non solum illo tempore
clamabat ioannes, qui sermonis dei praecursor et praeuius, recte uox
appellatur. sed usque hodie in deserto gentilium, ecclesiarum clamant
magistri, ut rectas faciamus uias et semitas in cordibus nostris deo,
impleamur que uirtutibus, et inclinemur humilitate; praua mutemus in
recta, aspera uertamus in mollia. et sic gloriam domini et salutare dei
uidere mereamur.
uox dicentis: clama. et dixi: quid clamabo? omnis caro fenum, et
omnis gloria eius quasi flos agri. exsiccatum est fenum, cecidit flos;
quia spiritus dei flauit in eo. uere fenum est populus. exsiccatum est
fenum, cecidit flos. uerbum autem domini nostri stabit in aeternum. lxx:
uox dicentis: clama. et dixi: quid clamabo? omnis caro fenum, et omnis
gloria hominis quasi flos feni. aruit fenum, et cecidit flos
(signum_asterisci) quia spiritus dei flauit in eo (signum_asterisci)
uere fenum est populus (signum_asterisci) exsiccatum est fenum, cecidit
flos. (signum_metobeli) uerbum autem dei nostri manet in sempiternum.
hoc quod asteriscis notatur: quia spiritus dei flauit in eo; uere fenum
est populus; aruit fenum, cecidit flos, ex hebraico et theodotionis
editione additum est. ex quo manifestum est, uel a lxx praetermissum,
uel paulatim scriptorum uitio abolitum, dum et prior et sequens uersus
finitur in flore. supra legimus, propheta dicente: et audiui uocem
domini dicentis: quem mittam, et quis ibit ad populum istum? et dixi:
ecce ego, mitte me. et ait: uade et dic populo isti: aure audietis, et
non intellegetis; et uidentes uidebitis, et non uidebitis; et reliqua.
ad quam praedicationem dura perpessus, nunc domini uoce dicente: clama,
timens similia, quid clamare debeat sciscitatur; et a generali
incipiens: omnis caro fenum, et omnis gloria eius quasi flos feni,
peruenit ad speciale, ut nihilominus dicat de populo: uere fenum est
populus.
et reuera si quis fragilitatem carnis aspiciat, et quod per horarum
momenta crescimus atque decrescimus, nec in eodem manemus statu ipsum
que quod loquimur, dictamus, et scribitur, de uitae nostrae parte
praeteruolat) non dubitabit carnem fenum dicere, et gloriam eius quasi
florem feni, siue prata camporum. qui dudum infans, subito puer; qui
puer, repente iuuenis; et usque ad senectutem per spatia mutatur
incerta; et ante se senem intellegit, quam iuuenem non esse se miretur.
pulchra mulier quae adolescentulorum post se trahebat greges, arata
fronte contrahitur; et quae prius amori, postea fastidio est. quod et
egregius apud graecos scribit orator: speciem corporis aut tempore
deficere, aut languore consumi. exsiccata est igitur caro, et cecidit
pulchritudo, quia spiritus furoris dei atque sententiae flauit in ea. ut
a generali disputatione ad scripturae ordinem reuertamur: eius qui
portat imaginem terreni, et seruit uitiis atque luxuriae, fenum que est
et flos praeteriens. qui autem habet atque custodit imaginem caelestis,
ille caro est quae cernit salutare domini, quae cotidie renouatur in
cognitionem secundum imaginem creatoris, et incorruptibile atque
immortale corpus accipiens, mutat gloriam, non naturam. uerbum autem
domini nostri, et hi qui uerbo sociati sunt, permanent in aeternum.
super montem excelsum ascende tu quae euangelizas sion. exalta in
fortitudine uocem tuam quae euangelizas hierusalem; exalta, noli
timere, dic ciuitatibus iudae: ecce deus uester, ecce dominus deus in
fortitudine ueniet, et brachium eius dominabitur. ecce merces eius cum
eo, et opus illius coram eo. sicut pastor gregem suum pascet, in brachio
suo congregabit agnos, et in sinu suo leuabit; fetas ipse portabit.
lxx: super montem excelsum ascende qui euangelizas sion. exalta in
fortitudine uocem tuam qui euangelizas hierusalem. exalta, noli timere;
dic ciuitatibus iuda: ecce deus uester, ecce dominus deus cum uirtute
ueniet, et brachium cum dominatione; ecce merces eius cum eo, et opus in
conspectu illius. sicut pastor pascet populum suum, et in brachio suo
congregabit agnos; et praegnantes consolabitur. praecipitur apostolorum
choro, ut ad praedicationem omnis carnis quae uisura sit salutare dei,
excelsa conscendat, de magnis que dicturi, in sublimibus commorentur.
porro hebraicum et ceteri interpretes ponunt genere feminino, ut dicant,
quae euangelizas sion, et: quae euangelizas hierusalem. quod uerbum
iuxta graecos ambiguum est, ut possimus accipere, uel eam quae nuntiat,
uel eam cui nuntiatur. siue igitur nuntiat uerbum dei et domini
salutare, sion et hierusalem: de sion enim exiuit lex; et uerbum domini
de hierusalem; siue nuntiatur eis per apostolos, debent excelsa
conscendere, et ad montana transire. mirum que in modum cum ipsa sion
mons sit, dicente scriptura: mons sion in quo habitasti. alium altiorem
montem iubetur ascendere, a quo uulneratus est princeps tyri. et quia
doctrinae apostolorum erant multa futura contraria, et staturi ante
praesides et tribunalia ducebantur, iungitur: exalta, noli timere; dic
ciuitatibus iuda, synagogis uidelicet et populis iudaeorum, de quibus
dominus loquebatur: non ueni nisi ad oues perditas domus israel. et
paulus apostolus: uobis, inquit, oportebat annuntiari primum uerbum dei.
quid est autem illud quod iubentur dicere? ecce deus uester, quem
semper exspectabatis, ecce dominus deus in fortitudine ueniet. quem
contempsistis in humilitate uenientem. et fortitudo eius dominabitur,
qui prius formam serui acceperat, factus patri oboediens usque ad
mortem. ecce merces eius cum eo, et opus illius coram eo. iuxta quod
ipse dicit in euangelio: uenturus est enim filius hominis in gloria
patris sui et reddet unicuique secundum opus suum. sicut pastor gregem
suum pascet.
iste qui postea in maiestate uenturus est, prius formam pastoris
accipit, et dicit ipse de se: ego sum pastor bonus, et cognosco oues
meas, et cognoscunt me meae, et pono animam meam pro ouibus meis. de quo
in zacharia pater loquitur: percutiam pastorem; et oues dispergentur.
in brachio, inquit, suo congregabit agnos, non tauros, et arietes, et
hircos, et grandes oues, quibus per hiezechiel comminatur, quod lacte
uescantur et operiantur lanis, et infirmum conterant gregem, sed agnos
adhuc tenellos, et rudis in christo infantiae, qui nuper in baptismo
sunt renati, de quibus ipse dominus loquebatur ad petrum: pasce agnos
meos. unde et in eodem hiezechiele scriptum est: suscitabo super eos
pastorem unum, et pascet eos, seruum meum dauid; et erit pastor eorum,
et ego dominus ero eis in deum, et dauid in medio eorum princeps. ego
dominus locutus sum, et ponam cum dauid testamentum pacis. in quo
considerandum quod post multa tempora dauid, gulosis pastoribus
reprobatis, dominum nostrum, qui est de stirpe dauid, suscitaturum esse
se dicat, qui congreget agnos, et foueat in sinu suo, et fetus ouium,
siue fetas oues ipse portet in humero suo. sicut in euangelio legimus,
quod ouem erroneam et a grege solito remanentem, suis ad caulas humeris
reportarit. possumus oues fetas apostolos et apostolicos uiros omnes que
ecclesiae doctores dicere, qui salutem parturiunt plurimorum, et dicunt
cum apostolo: filioli mei, quos iterum parturio, donec christus
formetur in uobis. hebraei asserunt, nec de hac re apud eos ulla
dubitatio est, spiritum sanctum lingua sua appellari genere feminino, id
est rua codsa. illud que quod in sexagesimo septimo psalmo dicitur:
dominus dabit uerbum euangelizantibus uirtutes multas, illi sic legunt:
dominus dabit uerbum euangelizantibus uirtute multa, his uidelicet
animabus quae spiritum sanctum consecutae sunt. necnon et illud: sicut
oculi ancillae in manibus dominae suae, animam interpretantur ancillam,
et dominam spiritum sanctum. sed et in euangelio quod iuxta hebraeos
scriptum nazaraei lectitant, dominus loquitur: modo me tulit mater me.
spiritus sanctus. nemo autem in hac parte scandalizari debet, quod
dicatur apud hebraeos spiritus genere feminino, cum nostra lingua
appelletur genere masculino, et graeco sermone neutro. in diuinitate
enim nullus est sexus. et ideo in tribus principalibus linguis, quibus
titulus dominicae scriptus est passionis, tribus generibus appellatur,
ut sciamus nullius esse generis quod diuersum est. quis mensus est
pugillo aquas, et caelum palmo ponderauit? quis appendit tribus digitis
molem terrae, et librauit in pondere montes, et colles in statera? quis
adiuuit spiritum domini; aut quis consiliarius eius fuit, et ostendit
illi? cum quo iniit consilium, et instruxit eum, et docuit eum semitam
iustitiae, et erudiuit eum scientia, et uiam prudentiae ostendit illi?
ecce gentes sicut stilla situlae, et quasi momentum staterae reputatae
sunt. ecce insulae quasi puluis exiguus. et libanus non sufficit ad
succendendum, et animalia eius non sufficient ad holocaustum. omnes
gentes quasi non sint, sic sunt coram eo, et quasi nihili et inane
reputatae sunt ei. lxx: quis mensus est manu aquam, et caelum palmo, et
omnem terram pugillo? quis statuit montes pondere, et rupes statera?
quis cognouit mentem domini, aut quis consiliarius eius fuit? quis
docuit eum, cuius accepit consilium, et instruxit illum? uel quis
ostendit ei iudicium, et uiam intellegentiae quis ostendit illi? si
omnes gentes sicut stilla situlae, et quasi momentum staterae reputatae
sunt, et quasi saliua reputatae sunt. libanus non sufficit ad
comburendum, et omnia quadrupedia non sufficiunt ad holocaustum, et
cunctae gentes quasi nihili sunt, et in nihili reputatae sunt ei.
ne quis putaret difficilem esse uocationem gentium, et quod omnis caro
uideret salutare dei, super montem excelsum iuberentur ascendere, qui
euangelizant sion; et ipse dominus ueniret in fortitudine, et redderet
unicuique secundum opus suum; instar que pastoris agnos foueret in sinu,
et fetas ipse portaret. describitur illius magnitudo, quod nihil ei
impossibile sit; et qui uniuersa condiderit, creator que sit omnium;
etiam haec quae comparatione eorum parua sunt, ualeat perpetrare. quod
autem pugillum uocat et palmum, humanae consuetudinis uerbis utitur
atque mensuris, ut dei potentiam per nostra uerba discamus. in eo ubi
lxx transtulerunt: quis mensus est manu aquam? siue ut nos uertimus:
quis mensus est pugillo aquas? aquila transtulit: quis mensus est minimo
digito aquas? hoc enim lichas~g sonat, ut scilicet non tota manu, sed
paruo digito, quem uulgo gustatorem uocant, omnis aquarum uastitas
ponderetur; spitham�~g autem, hoc est palmus, extentam significat manum a
pollice usque ad extremum digitum. sin autem contrahamus manum,
pugillus efficitur, ut per palmum et pugillum, extentos caelos et globum
terrae nouerimus. pro pugillo quem in comprehensione terrae lxx
transtulerunt, in hebraico scriptum est salis, quem symmachus triton~g,
aquila tris�mon~g interpretati sunt. et nos ut manifestius faceremus, in
tres digitos uertimus; quod scilicet molem terrae et excelsa montium
collium que quasi tribus digitulis et staterae paruo momento appenderit,
per quae dei maiestas et creatoris potentia demonstratur. quis, inquit,
adiuuit spiritum domini, aut quis consiliarius eius fuit, et ostendit
illi? et cetera. pro quibus symmachus interpretatus est: quis parauit
spiritum domini, et uirum consilii eius quis ostendit ei? cum quo iniit
consilium, dedit que ei intellegentiam, et docuit eum uiam iudicii, et
instruxit illum scientia, et iter prudentiae monstrauit ei? per quod
ostendit manifestius paratum spiritum, siue firmatum illum esse, de quo
in apostolo legitur: dominus autem spiritus est. et: super quem
requieuit spiritus dei, spiritus sapientiae, et intellegentiae, et
reliqua. qui dicit in consequentibus: spiritus domini super me; propter
quod unxit me. ipse est enim spiritus domini, et uir consilii eius, in
quo habitauit omnis plenitudo diuinitatis corporaliter. cum illo iniit
consilium, de quo supra diximus: admirabilis, consiliarius. et in
prouerbiis scriptum est: deus sapientia fundauit terram; parauit autem
caelos prudentia. porro lxx qui dixerunt: quis nouit mentem domini, et
quis consiliarius eius fuit? hoc intellegi uolunt, quod mens et ratio et
sensus dei, per quem facta sunt omnia, et sine quo factum est nihil,
ille sit de quo in psalmis canitur: uerbo domini caeli firmati sunt, et
spiritu oris eius omnis uirtus eorum. omnes gentes quae non nouerant
creatorem suum, siue uniuersum mortalium genus ad comparationem dei
quasi stilla situlae, sunt, et quasi momentum staterae, quod leui
pondere in partem alteram declinatur. et quomodo si de situla stilla
modica fluat, a portante neglegitur. ita uniuersa gentium multitudo
supernis ministeriis comparata et angelorum multitudini, pro nihilo
ducitur. insulae quoque quasi saliua reputantur, siue ut symmachus et
theodotio ipsum ponentes hebraicum: sicut doc, quod decidit; pro quo
aquila lepton~g ballomenon~g transtulit. aiunt autem hebraei hoc uerbo
significari tenuissimum puluerem, qui uento raptante saepe in oculos
mittitur, et sentitur potius quam uidetur. minutissima ergo frusta
pulueris et paene inuisibilia, hoc uerbo appellantur, quas forsitan
democritus cum epicuro suo atomos uocat. multa que sunt nomina quae ita
leguntur in graeco, ut in hebraico posita sunt, propter interpretandi
difficultatem, et ad comparationem linguae hebraeae, tam graeci quam
latini sermonis pauperiem. simul que ut paulatim homines abstrahat ab
idololatria, aufert caeremonias uictimarum.
et docet quod omnia ligna libani et armenta quae in eo pascuntur,
holocaustis eius sufficere nequeant. si autem omnes gentes sic sunt in
conspectu illius quasi non sint, et quasi nihil et inane reputantur, in
omnibus autem gentibus et israel est; ergo et ipse sic est quasi non
sit, et in nihili atque inane reputatur. hoc dicimus, ut frangatur eius
superbia, et ceterarum gentium similes esse se nouerint.
cui ergo similem fecistis deum; aut quam imaginem ponetis illi?
numquid sculptile conflauit faber, aut aurifex auro figurauit illud, et
laminis argenteis argentarius? forte lignum et imputribile elegit
artifex sapiens; et quaeret quomodo statuat simulacrum quod non
moueatur. descripta dei magnitudine, et potentia illius ex parte
monstrata, gentibus quoque insulis que quasi stilla situlae, et momento
staterae reputatis, ac puluere, et hostiarum caeremoniis refutatis. cur
omnes gentes quasi nihili sint in conspectu eius, et quasi inane
reputentur, sequentibus docet: cui similem fecistis deum; aut quam
imaginem ponetis ei, qui spiritus est, et in omnibus est, et ubique
discurrit, et terram quasi pugillo continet? simul que irridet
stultitiam nationum. quod artifex siue faber aerarius, aut aurifex aut
argentarius deum sibi faciant, et laminis clauis que compingant ac
fortiter statuant, ne uentorum flatibus detrudatur. quod que intulit:
forte lignum et imputribile elegit artifex sapiens, in hebraico dicitur
amsuchan; quod genus ligni est imputribile, quo uel maxime idola fiunt.
haec autem dicit, ut idolis reprobatis, euangelicae doctrinae paret
uiam, et omnia praua dirigantur in rectum; exaltentur ualles, et colles
humilientur; et reueletur gloria domini, ut omnis caro uideat salutare
dei. iuxta tropologiam possumus dicere, quod increpentur principes
haereticorum, diuersa idola de suo corde fingentes; uel eloquii
uenustate, quod interpretatur argentum; uel splendore auri, quod
refertur ad sensum; uel ligno imputribili, quae uiliora sunt dogmata. et
perpetua putentur a fingentibus, et dialectica arte firmentur, ne
moueantur et corruant, sed solida radice consistant.
numquid non scietis? numquid non audietis? numquid non
annuntiatum est ab initio uobis? numquid non intellexistis fundamenta
terrae? qui sedet super gyrum terrae; et habitatores eius quasi
locustae. qui extendit uelut nihilum caelos, et expandit eos sicut
tabernaculum ad inhabitandum. qui dat secretorum scrutatores quasi non
sunt; iudices terrae uelut inane fecit. equidem, neque plantatus, neque
satus, neque radicatus in terra truncus eorum. repente flauit in eos et
aruerunt, et turbo quasi stipulam auferet eos. et cui assimilastis me et
adaequastis? dicit sanctus. leuate in excelsum oculos uestros, et
uidete quis creauit haec; qui educit in numero militiam eorum, et omnes
ex nomine uocat. prae multitudine fortitudinis et roboris, uirtutis que
eius; neque unum reliquum fuit. lxx: nonne scietis? nonne audietis?
nonne annuntiatum est uobis a principio? non cognouistis fundamenta
terrae? qui tenet gyrum terrae, et habitatores eius quasi locustas. qui
statuit quasi cameram caelum, et extendit quasi tabernaculum ad
habitandum. qui dat principes regnare pro nihil, terram autem quasi
nihili fecit. siquidem non plantabuntur, neque serentur, nec solidabitur
in terra radix eorum. flauit super eos, et arefacti sunt, et tempestas
assumet illos quasi stipulam. nunc ergo cui assimilastis me? et
exaequabor eis?
dixit sanctus. eleuate sursum oculos uestros, et uidete quis ostendit
haec omnia. qui educit iuxta numerum ornatum suum, omnes in nomine
uocabit, a multa gloria et in robore fortitudinis; nihil te latet. ab
initio, inquit, naturali lege uos docui, et postea per moysen scripta
lege testatus sum, quid nihil esset idola, et quod creator mundi ipse
esse deus, qui tantam molem terrae fundas et super maria et super
flumina collocasset eam, ut elementum grauissimum super tenues aquas dei
penderet arbitrio, qui instar regis sedet super gyrum terrae. ex quo
nonnulli quasi punctum et globum eam esse contendunt, et habitatores
illius quasi locustas. si enim in toto orbe consideremus uarias
nationes, et ab oceano usque ad oceanum, id est, ab indico mari usque ad
britannicum, et ab atlantico usque ad septentrionis rigorem, in quo
congelascunt aquae, et succina pulchra concrescunt, omne in medio
hominum genus quasi locustas habitare cernimus. quid igitur superbit
terra et cinis? quia caelum, immo ut scripturarum utar auctoritate,
caeli extenduntur quasi camera. siue, ut in hebraico continetur, quasi
doc, de quo supra diximus. pro quo lxx ibi saliuam interpretati sunt; et
unum uerbum nunc sputum, nunc cameram, id est fornicem, transtulerunt;
et tantam eorum latitudinem quasi tabernaculum et papilionem extendit
desuper, ut in similitudinem tecti operiret homines, et quasi in domo
latissima habitare faceret. quid miremur si parua hominum corpora quasi
locustae, et minuta reputentur animantia? rursum et in hoc loco qui
h�mikuklion~g terris imminere caelum, et in similitudinem sphaerae
caelum esse contendunt, abutuntur nomine fornicis, quod scilicet media
pars sphaerae terras operiat. cum in hebraico non fornicem, sed doc, id
est: tenuissimum puluerem, legerimus. pro quo saliua quae proicitur in
terram, et pulueri commiscetur, et deperit, ostendit uniuersam corporum
magnitudinem pro nihili reputandam. qui autem extendit caelos et
expandit eos, ut uel supra habitarent angelorum multitudines, uel subter
homines morarentur, et quasi magnam rationabilibus creaturis fecit
domum. ipse pro qualitate temporum principes constituit, siue secretorum
scrutatores, ut sint quasi non sint; et iudices terrae inane fecit. pro
quo lxx transtulerunt: terram autem quasi nihili fecit; siquidem et in
principio geneseos ubi scriptum est: terra autem erat inuisibilis, et
incomposita, ceteri transtulerunt: terra autem erat inane et nihili.
quantos reges et graeca et barbara, romana que narrat historia! ubi est
xerxis innumerabilis ille exercitus? ubi israelitica in eremo multitudo?
ubi regum incredibilis potentia? quid de ueteribus loquar? praesentia
exempla nos doceant, esse principes quasi nihili, et iudices terrae
quasi inane reputari. qui principes et iudices terrae, siue, ut alii
suspicantur, caeli, nec sati sunt, nec plantati sunt, nec firma radice
solidati, et repente iussione dei ita auferuntur et pereunt, quasi
stipula a turbine et tempestate raptatur; iuxta illud quod scriptum est:
et transiui, et non erat; et quaesiui eum, et non est inuentus locus
eius. cum ergo tanta sit potentia creatoris atque maiestas, cui deum
similitudini comparatis? et non potius ex creaturarum magnitudine
intellegitis conditorem? si non creditis uerbis, saltem oculis uestris
credite; et ex caelorum elementorum que omnium seruitute potestatem
domini cogitate. qui educit in numero militiam eorum, id est caelorum.
et omnes ex nomine uocat, subauditur, stellas. de quibus et in psalmis
canitur: qui numerat multitudinem stellarum; et omnes eas ex nomine
uocat. siue militiam caeli angelos interpretemur, et omnes caelorum
exercitus, de quibus et daniel loquitur: milia milium ministrabant ei,
et decies centena milia assistebant illi. unde et dominus sabaoth
appellatur, qui nostra lingua dicitur: dominus militiae atque
exercituum, siue uirtutum. educit autem iuxta numerum caelorum militiam.
ut et sol, et luna, et astra cetera, quae abraham numerare non potuit,
illi numerata sint, et seruiant officio delegato.
dum eumdem caeli cursum sol uno anno, lucifer uesper que biennio, luna
singulis explet mensibus, omnes que stellae certis temporibus peragant,
et quaedam ex his uocantur errantes, atque inaequales earum motus
oculis, non mente conspicimus, nec tam intellegimus, quam miramur.
magnitudo enim fortitudinis dei suo facit ordine cuncta seruire. siue
iuxta septuaginta a multitudine gloriae et potentia uirtutis eius, nihil
eum latere potest; sed omnium uias rationes que et cursus creatoris
maiestate cognoscit.
LIBER 12
nullus tam imperitus scriptor est, qui lectorem non inueniat similem
sui; multo que pars maior est milesias fabellas reuoluentium, quam
platonis libros. in altero enim ludus et oblectatio est, in altero
difficultas et sudori mixtus labor. denique timaeum de mundi harmonia,
astrorum cursu et numeris disputantem, ipse qui interpretatus est
tullius, se non intellegere confitetur. testamentum autem grunnii
corocottae porcelli decantant in scholis puerorum agmina cachinnantium.
igitur et noster luscius lanuinus fruatur testibus, immo fautoribus
suis; uincat que multitudine, quia forsitan uincit ingenio. mihi
sufficit paucorum testimonium, et amicorum laude contentus sum, qui in
expetendis opusculis meis, amore nostri labuntur, et studio
scripturarum; ac nonnullos fore arbitror qui hoc ipsum quod ad te,
eustochium, sermonem facio, obtrectationi patere contendant, non
considerantes, holdam et annam ac debboram, uiris tacentibus,
prophetasse. et in seruitute christi nequaquam differentiam sexuum
ualere, sed mentium. duodecimus ergo in esaiam explanationum liber hoc
habebit exordium.
quare dicis, iacob, et loqueris, israel: abscondita est uia mea a
domino; et deo meo iudicium meum transiuit? numquid nescis, aut non
audisti? deus sempiternus, dominus qui creauit terminos terrae, non
deficiet, neque laborabit, nec est inuestigatio sapientiae eius. qui dat
lasso uirtutem; et his qui non habent fortitudinem, robur multiplicat.
deficient pueri et laborabunt, et iuuenes in infirmitate cadent. qui
autem sperant in domino, mutabunt fortitudinem, assument pennas sicut
aquilae, current, et non laborabunt; ambulabunt, et non deficient. lxx:
non enim dicas, iacob: et quid locutus es, israel. abscondita est uia
mea a deo, et deus meus iudicium meum abstulit, et recessit; et nunc
nescis, et non audisti? deus aeternus, deus qui creauit terminos terrae;
non esuriet, nec laborabit, nec est inuentio prudentiae eius. qui dat
esurientibus fortitudinem; et non dolentibus maerorem. esurient enim
iuuenes, et laborabunt adolescentes, et electi infirmi erunt. qui autem
exspectant deum, mutabunt fortitudinem. assument alas quasi aquilae;
current, et non laborabunt; gradientur, et non esurient. cum
omnipotentis dei tanta sit magnitudo, ut nihil eum lateat, et omnia
illius arbitrio gubernentur, quare dicis iacob, id est, duae tribus quae
appellabantur iuda; et loqueris israel, decem aliae tribus in samaria,
quae iam captiuae ductae estis in assyrios: abscondita est uia mea a
domino; et a deo meo iudicium meum transiuit? et est sensus: dicitis, ad
deum terrena non pertinent, nec considerat quid unusquisque nostrum
gerat. unde et nos ab hostibus iniuste opprimimur, et in iumentorum et
piscium similitudinem, iuxta abacuc, absque ullo rectore disperdimur.
quibus respondit deus: numquid nescis; nec praecedentium scripturarum te
uerba docuerunt, siue iuxta lxx ignoras, quia non audisti, quod
aeternus deus et creator omnium dominus omnia nouit, omnia continet,
omnia sua maiestate dispensat? nec aliquando deficit, nec laborat; ut
tuum iudicium non intellegat, et absconditae sint ab eo uiae tuae? nec
est, inquit, inuestigatio sapientiae eius, de quo loco illud apostoli
sumptum reor: incomprehensibilia iudicia eius, et inuestigabiles uiae
illius. siue, ut lxx transtulerunt: non esuriet, et non laborabit.
ubi enim cibus, ibi frequenter esuries, si cibum detraxeris; et ubi
esuries, ibi et labor. cum autem haec in deo non sint, cur ei humanas
iungitis passiones? quin potius ipse esurientibus et lassis dat
fortitudinem, et qui uidentur in saeculo esse quasi nihili, uirtutem
robur que multiplicat. siue iuxta lxx, qui tribuit non dolentibus
maerorem; est enim tristitia quae ducit ad mortem, et est tristitia quae
ducit ad uitam. unde his qui habent cor impaenitens, dat tristitiam ut
sua peccata intellegant. et quia multi gaudent in corporis sanitate, et
adolescentiam atque pueritiam putant esse perpetuam, iungit et dicit,
quod florens aetas cito concidat, et corpora robusta marcescant. qui
autem non in suis uiribus, sed in deo habeant fiduciam, et eius semper
misericordiam praestolentur, mutent fortitudinem, et uadant de uirtute
in uirtutem. et assumant pennas sicut aquilae, et audiant: renouabitur
sicut aquilae iuuentus tua. currant ad dominum, et eius desiderio non
laborent; ambulent, et numquam deficiant. crebro diximus, aquilarum
senectutem reuirescere mutatione pennarum, et solas esse quae iubar
solis aspiciant et splendorem radiorum eius possint micantibus oculis
intueri; pullos que suos an generosi sint, hoc experimento probent.
itaque et sanctos repuerascere, et assumpto immortali corpore, laborem
non sentire mortalium, sed rapi in nubibus obuiam christo, et nequaquam
iuxta lxx esurire, quia praesentem dominum habeant cibum.
41. taceant ad me insulae, et gentes mutent fortitudinem.
accedant, et tunc loquantur; simul ad iudicium propinquemus. quis
suscitauit ab oriente iustum: uocauit eum ut sequeretur se? dabit in
conspectu eius gentes, et reges obtinebit. dabit quasi puluerem gladio
eius, sicut stipulam uento raptam arcui illius. persequetur eos:
transibit in pace, semita in pedibus eius non apparebit. quis haec
operatus est et fecit, uocans generationes ab exordio? ego dominus,
primus et nouissimus ego sum. uiderunt insulae, et timuerunt; extrema
terrae obstupuerunt, appropinquauerunt et accesserunt. unusquisque
proximo suo auxiliabitur; et fratri suo dicet: confortare. confortauit
faber aerarius percutiens malleo eum qui cudebat tunc temporis, dicens:
glutino bonum est. et confortauit eum in clauis, ut non moueatur. lxx:
innouamini ad me insulae, principes enim mutabunt uirtutem;
appropinquent et loquantur simul. tunc iudicium annuntient: quis
suscitauit de oriente iustitiam. uocauit eam ad pedes suos et uadet?
dabit in conspectu gentium; et reges in stuporem mittet, et dabit in
terram gladios eorum. et sicut stipulam proiectam arcus eorum; et
persequetur eos, transibit in pace uia pedum eius. quis operatus est et
fecit haec? uocauit eam, qui uocat eam a generationum principio. ego
deus primus, et in haec quae uentura sunt ego sum. uiderunt gentes et
timuerunt; termini terrae obstupuerunt et accesserunt.
uenerunt simul, iudicans unusquisque proximo suo auxiliari et fratri. et
dicet: praeualuit uir artifex et aerarius percutiens malleo simul
producens; aliquando quidem dicit, solidatio bona est. confortauerunt
ea, in clauis ponent ea et non mouebuntur. gentes, id est insulae, quae
falsis amaris que huius saeculi tunduntur fluctibus, iubentur audire et
ora concludere, et illud nosse quod ad israel dictum est: audi, israel,
et tace; et mutare fortitudinem, ne per imbecillitatem pristinam, dei
non possint audire sermonem, ut accedant prius ad dominum, et quia non
sint propria salute contentae; sed quod didicerint, ceteros doceant, et
cum domino disputent, utrum omnium deus iusta seruauerit. sic autem
interrogat eos, et ad respondendum prouocat, ut interrogatione doceat
quod ignorant: quis suscitauit ab oriente iustum, siue iustitiam? neque
enim iudaeorum tantum deus, sed et gentium, qui uocauit christum dominum
saluatorem, qui factus est nobis sapientia a deo, iustitia et
sanctitas, et redemptio. in quo iuxta eumdem apostolum dei iustitia
reuelatur. uocauit autem eum, ut se in omnibus sequeretur, et opera
patris faceret; et illud impleret dicens: deus, ut facerem uoluntatem
tuam uolui. in huius conspectu reges et gentes colla submittent, et
gladio illius ac sagittis aduersariae potestates, quasi stipula
subicientur, et puluis. persequetur eos, reges uidelicet et principes
gentium singularum: et pertransibit in pace, ad pacem cunctos uocans, ut
reconcilientur deo. semita in pedibus illius non apparebit, id est,
uiae laborem non sentiet, nec aliquam imbecillitatis humanae
lassitudinem; sed de torrente bibet in uia, et propterea leuabit caput.
quis, inquit, haec operatus est et fecit? quis suscitauit iustum, siue
iustitiam? quis ei gentes et reges tradidit? quis gladio eius et arcui
uniuersa subiecit? utique ille, qui ab initio mundi haec futura
praedixit, qui omnium conditor est. et quia dixerat sciscitantis
affectu: quis suscitauit ab oriente iustum, et cetera, cunctis
tacentibus sibi ipse respondit: ego sum dominus, primus et nouissimus
ego sum. ipse est qui et in apocalypsi ioannis loquitur: ego sum a~g et
�~g, principium et finis. uiderunt insulae, id est, gentes, siue
ecclesiae de gentibus congregatae, quae mundi huius sustinent
tempestates; et timuerunt dominum: principium enim sapientiae timor
domini. omnes terrarum termini ad apostolorum uerba tremuerunt,
appropinquantes, et ad christi euangelium pariter accedentes. cum que
seipsos cernerent esse saluatos, id quod supra audierant: accedant, et
tunc loquantur, opere compleuerunt; ut auxiliarentur proximis suis, et
fratres suos uellent in domino confortare. et dicerent eis: recedite ab
idolis, simulacra daemonum antiqua contemnite, quae humana finxit manus,
quae malleo cudente producta sunt, quae compacta glutino, quae
stabilita clauis, ut non moueantur; et cum steterint, ambulare non
ualeant. quae nos super persona christi et uocatione gentium et
praedicatione euangelii atque idolorum condemnatione interpretati sumus,
quidam ad cyrum regem persarum referunt, quod suscitauerit eum aduersum
babylonios de oriente, et parere suae fecerit iussioni, prosternens ei
gentes plurimas, et gladio illius et arcui cuncta subiciens. et cetera
quae sequuntur ad eius personam referunt, quod scilicet babyloniis idola
sua non profuerint, quae humano facta sunt studio, et arte aerarii
suscitata. nonnulli hebraeorum de abraham dictum putant, qui uocatus sit
iustus ab oriente, id est de chaldaeis, eo quod solus iustus inuentus
est; et secutus est eum, egrediens de patria sua in terram quam
nesciebat, et tradiderit reges in manu eius, qui aduersum sodomam et
gomorram uenerant; et ante gladium eius et arcum fecerit eos esse quasi
stipulam et puluerem; persecutus que sit illos, et reuersus in pace, et
longi itineris cursum non senserit, et hoc non suis uiribus, sed domini
fecerit misericordia, qui ab initio haec futura cognouerit. uiderunt,
ait, insulae, id est gentes in circuitu, et illius uirtute perterritae
sunt. et extrema terrae. sem uidelicet filius noe, qui tempore extremo
terrarum cum patre et cum fratribus de diluuio euaserat et usque ad
tempus illud fuerat reseruatus; quem melchisedec intellegi uolunt, et
uenisse obuiam abraham de proelio reuertenti, et accessisse, et
benedixisse ei, et eum dei benedictionibus roborasse. ipsum que esse
fabrum aerarium qui abraham conflauerit, et malleo suae artis ad meliora
produxerit; et dixisse ei: bonum est, ut timore domini glutineris et
iungaris ei. et confortauit eum, siue solidauit in clauis praeceptorum
domini, ut non moueretur, sed in timore illius permaneret.
et tu, israel serue meus, iacob quem elegi, semen abraham amici
mei. in quo apprehendi te ab extremis terrae, et a longinquis eius
uocaui te, et dixi tibi: seruus meus es tu; elegi te, et non abieci te.
ne timeas, quia te cum sum ego; ne declines, quia ego deus tuus,
confortaui te, et auxiliatus sum tui. et suscepit te dextera iusti mei.
ecce confundentur et erubescent omnes qui pugnant aduersum te; erunt
quasi non sint. et peribunt uiri qui contradicunt tibi. quaeres eos, et
non inuenies. uiri rebelles tui erunt quasi non sint; et ueluti
consumptio homines bellantes aduersum te. quia ego dominus deus tuus
apprehendi manum tuam, dicens tibi: ne timeas, ego adiuui te. noli
timere uermis iacob, qui mortui estis ex israel. ego auxiliatus sum tui,
dicit dominus; et redemptor tuus sanctus israel. ego posui te quasi
plaustrum triturans nouum, habens rostra serrantia. triturabis montes et
comminues; et colles quasi puluerem pones. uentilabis eos, et uentus
tollet, et turbo disperget eos et tu exsultabis in domino, in sancto
israel laetaberis. lxx: tu autem israel puer meus, iacob quem elegi,
semen abraham quem dilexi, quem assumpsi ab extremis terrae, et a
summitatibus eius uocaui te, et dixi tibi: puer meus es; elegi te, et
non dereliqui te. noli timere, te cum enim sum ne erres. ego enim sum
deus tuus qui confortaui te, et auxiliatus sum tui, et roboraui te
dextera iusta mea. ecce confundentur, et erubescent omnes aduersarii
tui. erunt enim quasi non sint; et peribunt omnes inimici tui. quaeres
eos, et non inuenies, homines qui insanient in te. erunt enim quasi non
sint, et non erunt pugnantes aduersum te. quia ego dominus deus tuus qui
teneo dexteram tuam; qui dico tibi, ne timeas iacob, paruule israel.
ego auxiliatus sum tui, dicit deus, qui redimo te sanctus israel. ecce
feci te quasi rotas plaustri triturantes nouas in serrarum modum. et
triturabis montes, et comminues colles; et ut puluerem pones et
uentilabis, et uentus auferet eos, et tempestas disperget illos. tu
autem laetaberis in sanctis israel et exsultabunt. iacob et israel esse
carnalem et esse spiritalem, paulus apostolus docet: uidete israel
secundum carnem. ex quo intellegimus esse et alterum iuxta spiritum; et
ad carnalem dici israel: si filii essetis abraham, opera abraham
faceretis. quibus et supra dicitur: quare dicis, iacob, et loqueris,
israel. abscondita est uia mea a domino et a deo meo iudicium meum
transiuit? e contrario nunc ad spiritalem deus loquitur israel, qui
domini sui suscepit aduentum, quem primum seruum, dein electum, ad
extremum semen abraham uocat. ante enim accepimus spiritum seruitutis in
timore; et postea electi, in amicitiam dei iungimur.
post uocationem igitur gentium, quando uiderunt insulae et timuerunt,
extrema terrae obstupuerunt; appropinquauerunt et accesserunt, uocantur
reliquiae, iuxta electionem gratiae, de quibus scribit et euangelium:
istos duodecim elegit iesus, quos et apostolos nominauit, qui post
seruitutem paedagogae legis, electi sunt in euangelio; et semen abraham
amici dei esse meruerunt. in illo enim apprehendit eos ab extremo
terrae, et a longinquis eius et finibus uocauit israel de uniuersis
nationibus, congregans primum populum iudaeorum, de quibus et paulus
apostolus dicit: uobis oportebat primum praedicari sermonem, quoniam
autem auertistis uos, imus ad gentes. tibi ergo, qui et seruus meus, et
electus meus, qui praedicaturus in gentibus es, et persecutiones
plurimas perpessurus, dico ne timeas, quia te cum sum, cui loquor in
euangelio: ecce ego uobis cum sum omnes dies, usque ad consummationem
saeculi. non erres, neque a ueritate declines, nec te falsa persuasione
decipias, quod tuis uiribus imperitus et nudus, siluam gentium penetres,
et ferocissimas nationes ad mansuetudinem uoces. ego sum qui confortaui
te, et auxiliatus tui sum; et suscepit te, siue protexit, dextera iusti
mei, id est, domini saluatoris, siue dextera mea, ut lxx transtulerunt.
ecce enim aduersarii tui, populus iudaeorum et omnes qui pugnant
aduersum te, et persecutores tui uertentur in nihili, quaeres que
aduersarios tuos, et non inuenies. causa que redditur quare non inueniat
aduersarios suos: quia erunt quasi non sint. qui aduersarii insanire
dicuntur contra apostolos, uel iuxta hebraicum: esse consumpti. idcirco
autem timere non debes, quia ego apprehendi manum tuam, qui dico tibi:
ne timeas, ego adiuui te; noli timere uermis iacob, qui mortui estis ex
israel, siue ut lxx: paucissimi ex israel. hoc quod posuimus, ego adiuui
te: noli timere uermis iacob, in lxx non habetur. uermis autem qui
hebraice dicitur tholath, propter humilitatem atque contemptum uocatur
apostolorum chorus, imitans saluatorem, qui loquitur in psalmo: ego sum
uermis, et non homo; opprobrium hominum, et abiectio plebis. sicut enim
uermis terram penetrat. ita sermo apostolicus penetrauit gentium
ciuitates, et ingressus est prius corda durissima. et recte pauci
appellantur ex israel, quia ad comparationem omnium, gentis iudaicae
paucissimi crediderunt, quibus in euangelio dominus loquitur: noli
timere grex paruulus. siue iuxta hebraicum, mortui ex israel, qui cum
apostolo dicunt: cotidie morior. et alibi: cum christo crucifixus sum.
uiuo autem, non ego; uiuit uero in me christus. quod que sequitur: ego
posui te quasi plaustrum triturans nouum, habens rostra serrantia, hoc
significat, quod praedicatio euangelica conterat aduersarias potestates,
et spiritalem nequitiam eleuantem se contra scientiam dei, qui pro
uarietate superbiae montes appellantur et colles. illis que sublatis, et
turbinis more dispersis, exsultet israel atque laetetur in domino
sancto israel. possumus quoque dicere, quod ecclesiasticus uir habens
euangelicae praedicationis rostra serrantia in plaustro nouo, quod
nequaquam operatur in uetustate litterae, sed in nouitate spiritus,
conterat incredulorum corda durissima. separans triticum a paleis, et
montes colles que comminuens, id est, omnes haereticorum principes, qui
comminuti atque contriti, redigantur in puluerem, et nihil esse
doceantur, ut qui male fuerant congregati, diuidantur in bonum suum.
egeni et pauperes quaerunt aquas, et non sunt; lingua eorum siti
aruit. ego dominus exaudiam eos: deus israel non derelinquam illos.
aperiam in supinis collibus flumina; et in medio camporum fontes. ponam
desertum in stagnum aquarum et terram inuiam in riuos aquarum. dabo in
solitudine cedrum et spinam, et myrtum, et lignum oliuae. ponam in
deserto abietem, ulmum, et buxum simul, ut uideant, et sciant, et
recogitent, et intellegant pariter, quia manus domini fecit hoc, et
sanctus israel creauit illud. lxx: et exsultabunt pauperes et inopes:
quaerent enim aquam, et non erit. lingua eorum prae siti exaruit. ego
dominus deus exaudiam ipsos deus israel, et non derelinquam eos sed
aperiam in montibus flumina, et in medio camporum fontes.
faciam desertum in paludes, et sitientem terram in aquaeductus. ponam in
terram absque aqua cedrum, et buxum, et myrtum, et cyparissum, et
populum, ut uideant, et sciant, et cogitent, et nouerint simul quia
manus domini fecit haec, et sanctus israel ostendit. gentium populus
pauper et tenuis, qui non habebat scientiam ueritatis, quaerit per
diuersos magistros, et uaria philosophorum dogmata aquas salubres, et
non inuenit, quia non sunt; lingua eorum siti aruit sine lege ac
prophetis. omnem enim iuxta euangelii fidem, substantiam suam in medicos
consumpserat; et a cruore idololatriae, et sanguine uictimarum non
poterat liberari. propterea dominus deus israel non eos penitus
dereliquit, nec in aeternum perire passus est. sed aperuit in supinis
collibus, siue in montibus flumina, et in medio camporum fontes. quae
flumina ex illo fluuio duxere principium, qui in psalmis legitur:
fluminis impetus laetificat ciuitatem dei. et in alio loco: fluuius dei
repletus est aquis. quae aquae et fontes de illo fonte manarunt, qui per
hieremiam loquitur: me dereliquerunt fontem aquae uiuae. et supra in
hoc eodem propheta dicitur: bibent aquam de fontibus saluatoris. de
quibus et in psalmis canitur: benedicite dominum deum de fontibus
israel. et posuit, inquit: desertum in stagnum aquarum, et terram inuiam
in riuos aquarum. de quibus aquis et saluator in euangelio mystico
sermone dicebat: qui biberit de aqua, quam ego dabo ei, non sitiet in
aeternum, sed aqua quam ego dedero ei, fiet in eo fons aquae salientis
in uitam aeternam. et iterum: si quis sitit, ueniat ad me et bibat. qui
biberit de aqua quam ego dabo ei, flumina de uentre eius fluent aquae
uiuae. hoc autem, inquit euangelista, dicebat de spiritu sancto, quem
credentes in eo accepturi erant. quia igitur deserta quondam ecclesiae
multitudo, aquis uitalibus fuerat irrigata, propterea iuxta lxx
nascuntur in ea cedrus, et buxus, et myrtus, et cyparissus, et populus.
iuxta hebraicum et ceteros interpretes, cedrus setta et myrtus, et
lignum oliuae et abies et ulmus et buxus simul. quae uarietates arborum,
diuersitatem significant gratiae spiritalis. et quia omnibus natura
earum nota est, de setta tantum hebraico disseramus, quam spinam
theodotio transtulit. est autem genus arboris nascentis in eremo, spinae
albae habens similitudinem; unde omnia ligna arcae, et tabernaculi
facta sunt instrumenta, quae appellantur settim; quod lignum imputribile
et leuissimum, omnium lignorum, tam in fortitudine quam in nitore,
soliditatem superat et pulchritudinem. cedrus autem et cyparissus, et
myrtus, odoris optimi sunt, et imputribiles. ulmus quoque et populus,
siue buxus, uel maritandis uitibus iunguntur, uel ad diuersa opera
aptissimae sunt. haec autem omnia pariter ponuntur in solitudine, ne
saltem una chorda de cithara domini, et aliqua uirtus gratiarum
ecclesiae deesse uideatur. ut omnes intellegant, et pariter mente
cognoscant, quia manus domini haec uniuersa perfecerit, ut in ariditate
gentium inuenirentur fluenta uirtutum, et in terra quondam deserta plena
que salsuginis, cedrus et cyparissus, et aliae arbores nascerentur,
quarum sublimitatem et uerticem ad caelestia festinantem, illuminaret
lignum oliuae, quod nutrimentum lucis est, et laborantium requies.
prope facite iudicium uestrum, dicit dominus; afferte si quid
forte habetis, dixit rex iacob. accedant, et nuntient nobis quaecumque
uentura sunt. priora quae fuerunt, nuntiate; et ponemus cor nostrum, et
sciemus nouissima eorum; haec quae uentura sunt, indicate nobis.
annuntiate quae uentura sunt in futurum et sciemus quia dii estis uos.
bene quoque aut male si potestis, facite, et loquamur, et uideamus
simul.
ecce uos estis pro nihili. et opus uestrum ex eo quod non est;
abominatio est qui elegit uos. lxx: iuxta est iudicium uestrum, dicit
dominus deus: uenerunt et appropinquauerunt consilia uestra, dicit rex
iacob. appropinquent et annuntient nobis quae uentura sunt. aut priora
quae erant dicite; et apponemus sensum. et sciemus quae sunt nouissima.
uentura quoque dicite nobis, et annuntiate quae uentura sunt in
nouissimo; et sciemus quoniam dii estis. bene facite et male et
admirabimur. et uidebimus simul unde sitis uos, et unde sit opus
uestrum; de terra abominationum elegerunt uos. quomodo supra diximus,
duplicem esse iacob et israel, non credentium atque credentium in
dominum saluatorem. ita uocatis gentibus, et in deserto quondam
ecclesiae erumpentibus fluuiis fontibus que; et mirum in modum comante
uarietate arborum, cunctis ubertate plenissimis, qui in christum ex
gentibus credere noluerunt, prouocantur ad iudicium, ut respondeant cur
uidere, et scire et recogitare, et intellegere noluerint, quia manus
domini ista fecerit; et sanctus israel creauerit uniuersa. accedant,
inquit, idola uestra, quae putatis esse fortissima. uel afferte, si quid
forte habetis in uobis; et uestra aperite consilia, qua ratione, quo
sensu nolueritis apertam suscipere ueritatem. simul que fit apostropha
ad ipsa idola, quae insensibilia sunt, et nec audiendi, nec respondendi
possident facultatem. dicite, inquit, nobis uel praeterita, uel futura,
et ex rerum euentibus uestram potentiam demonstrate. hoc autem
significat, quod post aduentum christi omnia idola conticuerint, ubi
apollo delphicus, et loxias, delius que et clarius, et cetera idola,
futurorum scientiam pollicentia, quae reges potentissimos deceperunt?
cur de christo nihil potuere praedicere; nihil de apostolis eius; nihil
de ruinis et abolitione templorum? si ergo suum interitum non potuere
praedicere, quomodo aliena, uel mala, uel bona potuerint nuntiare? quod
si aliquis dixerit, multa ab idolis esse praedicta, hoc sciendum quod
semper mendacium iunxerint ueritati, et sic sententias temperarint, ut
seu boni seu mali quid accidisset, utrumque posset intellegi. ut est
illud pyrrhi regis epirotarum:
aio te, aeacida, romanos uincere posse.
et croesi: croesus halym transiens perdet exercitum. aliud quoque
signum est, idola deos non esse, quod nec bene possint facere, nec male.
non quo idola, uel daemones assidentes idolis, mala saepe non fecerint;
sed quo nisi concessa eis fuerit potestas a domino, hoc facere non
possint. denique in euangelio deprecantur, ut habeant potestatem in
porcorum gregem. et in iob legimus, absque domini iussione, eum uiri
sancti ne iumenta quidem et possessiones ualuisse disperdere. nec mirum
hoc de deo, cum etiam apostolus paulus tradat quosdam satanae, ut
discant non blasphemare. siue hoc dicendum, quod muta simulacra hominum
et insensibilia, nec bene possint facere, nec male, nec praeterita
nosse, nec futura, quia ex nihilo sint, et ex eo quod non est, et non
tam ipsa, quam ille qui ea colat, abominatione condignus sit. idola enim
gentium, argentum et aurum, opera manuum hominum. os habent, et non
loquentur et cetera. quomodo ergo possunt scire et nuntiare uentura, aut
narrare praeterita, et bene facere, uel male, quae nec hominum sensum
habent, nec brutorum animantium?
nec interest, de qua materia facta uideantur, cum uniuersa terrena sint.
suscitauit ab aquilone, et uenit ab ortu solis; uocabit nomen meum,
et adducet magistratus quasi lutum; et uelut figulus conculcans humum.
quis annuntiauit ab exordio, ut sciamus; et a principio, ut dicamus:
iustus es. non est neque annuntians, neque praedicens, neque audiens
sermones uestros. primus ad sion dicet: ecce adsunt, et hierusalem
euangelistam dabo. et uidi, et non erat neque ex istis quisquam qui
iniret consilium; et interrogatus responderet uerbum. ecce omnes
iniusti, et uana opera eorum: uentus et inane simulacra eorum. lxx: ego
autem suscitaui eum qui ab aquilone est, et qui ab ortu solis,
uocabuntur nomine meo. ueniant principes et sicut lutum figuli; et sicut
figulus conculcans lutum, sic conculcabimini. quis enim annuntiabit
uobis ea quae a principio sunt, ut cognoscamus ea quae in futuro. et
dicemus quia uerum sit; non est qui praedicet, neque qui audiat uerba
uestra. principium sion dabo; et hierusalem consolabor in uia. nam de
gentibus nullus est, et de simulacris ipsorum non erat qui annuntiaret;
et si interrogauero eos, unde estis, non respondebunt mihi. sunt enim
factores uestri, et frustra seducunt uos. adhuc contra idola loquitur,
et eos qui post aduentum christi, ea relinquere noluerunt. illis que
permanentibus in errore, ipse ab aquilone suscitasse se dicit populum
nationum. ab aquilone enim exardescent mala super omnes habitatores
terrae. et ad hieremiam dicitur: quid tu uides, hieremia? et ille
respondit: ollam succensam et faciem eius a facie aquilonis. suscitantur
autem ab aquilone, ut credant in eum qui uenerit ab ortu solis. de quo
supra legimus: quis suscitauit ab oriente iustum, siue iustitiam? et in
alio loco: ecce uir oriens nomen eius. qui uocabit eos nomine meo, ut
derelictis simulacris, unum colant deum. ipse enim loquitur in
euangelio: ego ueni in nomine patris mei, et non suscepistis me; alius
ueniet in nomine suo, et suscipietis eum. ipse principes et magistratus,
et omnem mundi superbiam conculcabit, et subicientur ei quasi lutum
figulo, ut faciat ex eis aliud uas in honorem, aliud in contumeliam.
haec quae ego iuxta consuetudinem prophetalem fecisse me dico, quasi iam
praeterita sint, uel iuxta symmachum, futura polliceor, nullus daemonum
et idolorum potest praedicere. unde oracula cuncta tacuerunt, quia nemo
est qui annuntiet, nemo qui audiat, dum bruta prius corda gentilium
intellexerunt errorem suum, et falsa uaticinia reliquerunt. prius que
dominus loquetur ad sion, id est, ad ecclesiam suam et dicet ei: ecce
adsunt filii tui, quos tibi per meam donaui fidem. significat autem
apostolos, qui in toto orbe euangelium praedicarunt. sion et hierusalem
nominibus differunt; ceterum ut una urbs, sic et una ecclesia est.
omnes igitur gentes, quae idolorum sequuntur errorem, interrogentur a
nobis, ut respondeant unde sint. et haec erit uniuersarum responsio,
quod omnes uanitatem sequantur et uentos, et adorent opera manuum
suarum. quidquid de idolis et gentibus diximus, referamus ad dogmata
prauitatis; et ad principes eorum haeresiarchas, quod christo pacem
ecclesiae nuntiante, et monstrante eis ueritatis uiam, ipsi sequantur
errorem; et uento ac turbini comparentur. hebraei, suscitatum ab
aquilone, et uenire ab ortu solis, assyrium interpretantur et persam,
qui uenerint hierusalem, et omnes principes illius conculcauerint.
nullum que idolorum quae colebant, hoc scierit esse uenturum, nisi solus
dominus, qui ultus est eos pro peccatis suis.
42. ecce seruus meus, suscipiam eum; electus meus, complacuit
sibi in illo anima mea. dedi spiritum meum super eum; iudicium gentibus
proferet. non clamabit, neque accipiet personam: nec audietur foris uox
eius. calamum quassatum non conteret et linum fumigans non exstinguet.
in ueritate educet iudicium. non erit tristis neque turbulentus, donec
ponat in terra iudicium; et legem eius insulae exspectabunt. lxx: iacob
puer meus, assumam eum. israel electus meus, suscepit eum anima mea.
dedi spiritum meum super eum; iudicium gentibus educet. non clamabit,
neque dimittet; nec audietur foris uox eius. calamum fractum non
conteret, et linum fumigans non exstinguet. sed in ueritate educet
iudicium; splendebit et non conteretur, donec ponat super terram
iudicium; et in nomine eius gentes sperabunt. iacob et israel in
praesenti capitulo non habentur, quod nec matthaeus euangelista posuit,
secutus hebraicam ueritatem. hoc dicimus in suggillationem eorum, qui
nostra contemnunt. de quo plenius in matthaei commentariolis, et in
libro quem ad algasiam nuper scripsimus, disputatum est. et interim
notandum, quod ubi de apostolorum scribitur choro, et iacob et israel,
et semen appellantur abraham, quibus quasi hominibus ac seruis
consequenter dicitur: noli timere uermis iacob, et paruulus numero
israel. ubi autem de christo est uaticinium, absque iacob et israel
legitur: ecce seruus meus, suscipiam eum; electus meus, complacuit sibi
in illo anima mea. et in consequentibus: dedi te in testamentum generis,
in lucem nationum. aperire oculos caecorum, et educere de uinculis
alligatos, et de domo carceris habitantes in tenebris. nec mirum si
seruus uocetur, factus ex muliere, factus que sub lege; qui cum in forma
dei esset, humiliauit se, formam serui accipiens, et habitu inuentus ut
homo. in quo complacuit sibi anima dei, cernens in illo omnes esse
uirtutes; immo ipsum esse dei uirtutem atque sapientiam. dedi, inquit,
spiritum meum super eum, qui descendit in specie columbae. iudicium
gentibus proferet, quod antea nesciebant. non clamabit: erit enim mitis
atque mansuetus; et non accipiet personam in iudicio, siue non leuabit,
subauditur, in altum uocem suam. uel iuxta symmachum: non decipietur;
omnes insidias diaboli intellegens; aut, secundum lxx: non relinquet,
populum scilicet iudaeorum, uocans eum ad paenitentiam.
nec audietur foris uox eius, neque enim extra galilaeam atque iudaeam in
aliis gentibus euangelium praedicauit. quod si legimus fuisse eum in
terminis tyri et sidonis, siue in confinio caesareae philippi, quae nunc
uocatur paneas. tamen sciendum non esse scriptum, quod ipsas ingressus
sit ciuitates. calamum quassatum, siue confractum non conteret. cunctis
enim placabilis erit, et ueniam dabit peccatoribus, dicens ad mulierem:
confide, filia, dimittuntur tibi peccata. et linum fumigans, siue ut
ceteri transtulerunt, obscurum atque tenebrosum, non exstinguet. qui
uicini erant exstinctioni, domini clementia seruabantur, quae super
iudaeis et nationibus in supradictis opusculis disseruimus. sed cum
ueritate omnia iudicabit; nequaquam metuens scribas et pharisaeos, quos
confidenter hypocritas appellabat. quod autem sequitur: splendebit, et
non conteretur, donec ponat super terram iudicium, matthaeus euangelista
non posuit, siue inter iudicium et iudicium media, scriptoris errore,
sublata sunt. significat autem quod resurgens ex mortuis, cunctos
illuminauerit, nec morte contritus sit, donec poneret super terram
iudicium. qui loquebatur in euangelio: in iudicium ego ueni in mundum
istum, ut non uidentes uideant, et uidentes caeci fiant. pro quo nos
interpretati sumus: non erit tristis, neque turbulentus. sed
aequalitatem uultus omni tempore conseruabit, quod falso de socrate
philosophi gloriantur, nunquam eum, plus solito, nec tristem fuisse nec
laetum. pro quo aquila et theodotio interpretati sunt: non obscurabit,
et non curret, donec ponat in terra iudicium. et est sensus: nullum
uultus tristitia deterrebit, nec festinabit ad poenam, qui iudicii
ueritatem ultimo tempori reseruauit. quod que sequitur: et legem illius
insulae exspectabunt, manifestius posuere lxx: in nomine eius gentes
sperabunt, quae in scripturis appellantur insulae, quia ex omni parte
persecutorum incursionibus patent. legem autem eius, non quae per moysen
data est, sed euangelium sentiamus: de sion enim egredietur lex, et
uerbum domini de hierusalem. de qua lege et hieremias uaticinatur: ecce
dies ueniunt, dicit dominus; et ponam testamentum nouum, non iuxta
testamentum, quod olim pepigi cum patribus eorum.
haec dicit dominus deus: creans caelos, et extendens eos; firmans
terram, et quae germinantur ex ea; dans flatum populo qui est super
eam, et spiritum calcantibus illam. ego dominus uocaui te in iustitia,
et apprehendi manum tuam, et seruaui te; et dedi te in foedus populi, in
lucem gentium. ut aperires oculos caecorum, et educeres de conclusione
uinctum, de domo carceris sedentes in tenebris. ego dominus, hoc est
nomen meum; gloriam meam alteri non dabo, et laudem meam sculptilibus.
quae prima fuerant, ecce uenerunt, noua quoque ego annuntio. antequam
oriantur, audita uobis faciam. incertum erat quis ante dixisset: ecce
seruus meus, suscipiam eum: electus meus, complacuit sibi in illo anima
mea. dedi spiritum meum super eum; iudicium gentibus proferet. post
condemnationem enim idolorum subitus sermo proruperat: ecce seruus meus,
et reliqua, quae nos ex persona patris super christo interpretati
sumus. itaque ne relinqueret ambiguum, quis superiora dixisset, iungit
et dicit: haec dicit dominus deus, creans caelos, et extendens eos. siue
ut lxx transtulerunt: qui fecit caelum, et defixit illud. uniuersitatis
igitur creator et dominus, ipse christi sui promisit aduentum, qui non
solum extendit caelos atque defixit; sed terram quoque alta mole
firmauit, et omnia quae nascuntur ex ea, ut et inuisibilia eius ex his
quae facta sunt, intellecta conspiciantur; sempiterna quoque uirtus
illius et diuinitas.
qui spiramen omnibus dedit qui uersantur in terra, lege prima mortalium.
insufflauit enim deus in faciem adam, spiritum uitae, et factus est in
animam uiuentem. spiritum autem his proprie qui calcant terram; et
sapientiam carnis, suae subiciunt potestati. ille igitur cuius tanta
praeconia sunt, haec ad eum locutus est, cuius legem insulae
praestolantur et gentes: ego dominus uocaui te in iustitia, de quo ipse
loquitur in euangelio: pater iuste, mundus te ignorat; ut esset non
solum iudaeorum, sed et gentium deus. et apprehendi manum tuam, quia
quidquid operatur filius, operatur pater. et seruaui te, qui omnia ipse
conseruas. et dedi te in foedus populi israel, cui te uenturum ante
promiseram. et in lucem gentium, quae sedebant in tenebris et in umbra
mortis, ut aperires oculos caecorum qui deum antea non uidebant. et
educeres de conclusione uinctos; funibus enim peccatorum suorum
unusquisque constringitur. et in euangelio quam satanas uinxerat, soluit
dominus. de domo carceris sedentes in tenebris, qui in erroris nocte et
caligine uersabantur. quod que infert: ego dominus, hoc est nomen meum;
gloriam meam alteri non dabo, non excludit filium, cui dicenti in
euangelio: pater, glorifica me gloria quam apud te habui priusquam
mundus esset; ipse respondit: et glorificaui, et glorificabo. neque enim
dixit: gloriam meam nulli dabo, quod si dixisset, exclusisset et
filium, sed gloriam meam alteri non dabo, praeter te, cui dedi, cui
daturus sum. unde proprietatem sanctae scripturae uehementer admiror,
quod uerbum aher omnes interpretes uoce consona transtulerunt: alterum,
qui in multis aliis soliti sunt discrepare. ut autem sciamus per hanc
sententiam non excludi filium, sed idola, sequentia uerba testantur: et
laudem meam sculptilibus. pro quo lxx: nec uirtutes meas simulacris. cum
enim christus dei uirtus sit, dei que sapientia, omnes in se uirtutes
continet patris. sequitur: quae prima fuerunt, ecce uenerunt. et est
sensus: quae locutus sum, quae per moysen, prophetas que pollicitus sum,
uniuersa completa sunt. nunc autem annuntio uobis euangelium,
uocationem gentium, passionem christi, nouitatem fidei, ut quomodo
priora cernitis rebus expleta, sic et ea quae nunc polliceor, credatis
esse uentura.
canite domino canticum nouum; laus eius ab extremis terrae, qui
descenditis in mare, et plenitudo eius. insulae et habitatores earum.
leuet desertum et ciuitates eius; in domibus habitabit cedar, laudate
habitatores petrae, de uertice montium clamabunt. ponent domino gloriam,
et laudem eius in insulis nuntiabunt. dominus sicut fortis egredietur,
sicut uir proeliator suscitabit zelum. uociferabitur et clamabit; super
inimicos suos confortabitur. tacui semper, silui, patiens fui, sicut
pariens loquar. dissipabo et absorbebo simul. desertos faciam montes et
colles, et omne gramen eorum exsiccabo, et ponam flumina in insulas, et
stagna arefaciam. et educam caecos in uiam quam nesciunt, et in semitis
quas ignorant ambulare eos faciam.
ponam tenebras coram eis in lucem, et praua in recta; haec uerba feci
eis, et non dereliqui eos. conuersi sunt retrorsum; confundantur
confusione, qui confidunt in sculptili, qui dicunt conflatili: uos dii
nostri. lxx: cantate domino canticum nouum; principatus eius
glorificatur, et nomen illius a summitate terrae, qui descendunt in mare
et nauigant illud, insulae et habitatores earum. laetare desertum et
uici eius; uillae et habitatores cedar. laetabuntur qui habitant in
petra; de summitate montium clamabunt. dabunt deo gloriam, uirtutes eius
in insulis nuntiabunt. dominus deus uirtutum egredietur et conteret
bellum, suscitabit zelum, et clamabit super inimicos suos cum
fortitudine. tacui a principio, num semper tacebo et sustinebo? sicut
pariens patienter egi, erumpam et arefaciam simul, uastabo montes et
colles, et omne fenum eorum arefaciam. et ponam flumina in insulas, et
paludes siccabo. et adducam caecos per uiam quam nesciunt, et semitas
quas ignorauerunt, calcare eos faciam; faciam eis tenebras in lucem, et
praua in recta. haec uerba faciam illis, et non derelinquam eos, ipsi
uero conuersi sunt retrorsum. confundamini confusione, qui confiditis
super sculptilibus, qui dicitis conflatis: uos estis dii nostri. qui
prius dixerat: quae prima fuerant, ecce uenerunt. noua quoque ego
annuntio; antequam orantur, audita faciam uobis; et se promiserat, quod
ignorabant esse dicturum, quae sint illa noua, sequenti sermone
testatur, apostolis praecipiens, et apostolicis uiris, ut canant
canticum nouum, nequaquam in uetustate litterae, sed in nouitate
spiritus. nec solum in ueteri instrumento, sed et in nouo; et laus eius
penetret usque ad extrema terrae. a summo enim caeli egressus eius et
usque ad summum illius occursus eius. in omnem terram exiit apostolorum
sonus, et in terminos orbis uerba eorum. siue iuxta lxx: glorificate
nomen eius in terminis terrae, ut in uniuerso mundo christi nomen
annuntietur in gentibus. qui sint autem isti qui canere debeant canticum
nouum, sequentia uerba testantur: qui descenditis, inquit, in mare, et
nauigatis illud, siue plenitudo maris. apostolos enim uidens iesus in
litore iuxta mare genesareth reficientes retia, uocauit et misit in
magnum mare; ut de piscatoribus piscium faceret hominum piscatores, qui
de hierusalem usque ad illyricum et hispanias euangelium praedicarunt;
capientes in breui tempore ipsam quoque romanae urbis potentiam. uel
certe descenderunt in mare et nauigauerunt illud; tempestates et
persecutiones istius saeculi sustinentes. insulas quoque et habitatores
earum, uel diuersitatem gentium intellege, uel ecclesiarum multitudinem.
leuet, inquit, desertum et ciuitates eius uocem suam, de qua et supra
diximus. siue laetetur desertum et uici eius, et cedar, quae quondam
inhabitabilis fuit regio trans arabiam sarracenorum. et habitatores
petrae, quae et ipsa urbs palaestinae est. hoc autem significat, quod
gentium populus desertus prius notitia dei, et idololatriae erroribus
obligatus, ad laudes domini conuertatur. siue quia cedar interpretatur
tenebrae, et iuxta apostolum petra christus, praecipitur cunctis
credentibus, ut qui ante erant in tenebris, et nunc credunt in domino
saluatore, de uertice montium clamitent, et aperte praedicent christum,
quibus et supra dictum est: in montem excelsum ascende, qui euangelizas
sion. eleua in fortitudine uocem tuam, qui euangelizas hierusalem. et
ponam gloriam eius in insulis, de quibus prius diximus.
describit que sermo propheticus gloriosum saluatoris aduentum, de quo et
paulus apostolus loquitur: secundum illuminationem gloriae magni dei et
saluatoris nostri iesu christi; et eum uiro fortissimo comparat, qui
pugnaturus sit contra aduersarios suos, suscitaturus zelum. de quo et in
cantico deuteronomii prophetatum est: ipsi me zelare fecerunt in eo qui
non erat deus, et irritauerunt me in idolis suis; et ego zelare eos
faciam in gente quae non est, et in gente stultissima irritabo illos.
uociferabitur quoque et clamabit contra inimicos suos, aperte eorum
infidelitatem reprobans, et cum clamore pronuntians: tacui, semper
silui, patiens fui, siue ut lxx transtulerunt: tacui, numquid semper
tacebo? ut impleatur illud quod per salomonem dicitur: tempus tacendi,
et tempus loquendi. et est sensus: diu uos delinquentes saepe portaui;
sed quia ante tacueram, nequaquam ultra reticebo. et quomodo pariens in
lucem profundit infantem, et apertum facit esse quod prius clausum in
uisceribus tenebatur: sic ego dolorem meum et dissimulationem quam
semper habui super sceleribus uestris, nunc proferam, et dissipabo
uestra consilia. uno que tempore absorbebo uniuersam gentem, et omnem
superbiam montium tumorem que collium uestrorum. et fenum, de quo supra
dictum est: uere fenum est populus, id est, tam principes quam uulgus
ignobile, in desertum redigam. quod in lxx de theodotionis editione
additum est, qui haec uerba tacuerunt. cum que uos a capite usque ad
pedes exsiccauero atque deleuero, tunc flumina doctrinae meae in insulis
gentium currere faciam, et stagna uestra siue paludes redigam in
ariditatem, ut in gentibus sit scientia scripturarum, et in uobis
doctrinae ariditas. ducam que caecos per uiam, quam ante nesciebant, de
quibus et supra legimus: dedi te in foedus populi, in lucem gentium, ut
aperires oculos caecorum. hi ducentur per uiam, de qua christus
loquitur: ego sum uia, siue uia scientiae dei, et per semitas
prophetales ambulare eos faciam. tunc tenebrae eorum mutabuntur in
lucem, et praua uertentur in recta, ut intellegant quae legunt, et
cordis oculis clarum in ueteri testamento christi lumen aspiciant. simul
que infert: haec uerba quae feci, siue faciam eis, nequaquam ultra
futura promittens; sed quae ante promiseram, reddens. me autem ista
dicente, conuersus est retrorsum populus iudaeorum, ut non crederet
promittenti, et in suis confunderetur erroribus, et neglegeret
sponsionem dei, qui idolis ante crediderat. siue cum intrauerit
plenitudo gentium, tunc etiam israel populus conuertetur, et paenitebit
eum erroris sui, per quem idolis ante seruierat. aut certe post
uocationem gentium reuertetur ad principium, ut dicat omnes gentes, quae
post euangelium credere noluerunt, in suis idolis confundendas.
surdi, audite, et caeci, intuemini ad uidendum. quis caecus, nisi
seruus meus? et surdus, nisi ad quem nuntios meos misi? quis caecus,
nisi qui uenundatus est? et quis caecus, nisi seruus domini? qui uides
multa, nonne custodies? qui apertas habes aures, nonne audies? et
dominus uoluit ut sanctificaret eum, et magnificaret legem, et
extolleret. ipse autem populus direptus atque uastatus; laqueus iuuenum
omnes, et in domibus carcerum absconditi sunt! facti sunt in rapinam,
nec est qui eruat in direptionem, et non est qui dicat: redde. quis est
in uobis qui audiat hoc, attendat et auscultet futura? quis dedit in
direptionem iacob, et israel uastantibus? nonne dominus ipse, cui
peccauimus? et noluerunt in uiis eius ambulare, et non audierunt legem
eius. et effudit super eum indignationem furoris sui, et forte bellum;
et combussit eum in circuitu, et non cognouit; et succendit eum, et non
intellexit. lxx: surdi, audite, et caeci, suspicite, ut uideatis. quis
est caecus, nisi pueri mei; et surdi, nisi qui dominantur eorum? quis
caecus nisi qui recepit; et excaecati sunt serui dei.
uidistis saepe, et non custodistis. apertae sunt aures, et non audistis.
dominus deus uoluit ut iustificaretur, et magnificaret laudem. et uidi,
et erat populus uastatus atque direptus. laqueus enim in cubilibus
ubique et in domibus simul, in quibus absconderunt eos. facti sunt in
direptionem; et non erat qui erueret praedam. et non erat qui diceret:
redde. quis est in uobis qui haec audiat, et futura cognoscat? quis
dedit in depraedationem iacob, et israel uastantibus? nonne deus, cui
peccauerunt? et noluistis in uiis illius ambulare, neque audire legem
eius. et induxit super eos iram furoris sui; et praeualuit aduersus eos
bellum, et qui comburebant eos per circuitum; et non cognouit
unusquisque, nec posuerunt super animam. ne quis putaret hoc quod
dicitur: surdi, audite, et caeci, intuemini ad uidendum, ad gentium
populum pertinere, qui prius surdus et caecus fuerat, ut iudaei stulta
interpretatione approbare contendunt; ipse propheticus sermo demonstrat,
qui surdi et caeci intellegi debeant. quis, inquit, caecus, nisi seruus
meus; et surdus, nisi ad quem nuntios meos misi? haud dubium quin
prophetas significet. quis caecus, nisi qui uenundatus est peccatis
suis? quis caecus, nisi qui prius seruus fuit domini? cui dicitur: o
israel qui uides multa, et habes prophetas plurimos, per quos dei
mandata cognoscas, nonne custodies quae tibi praecepta sunt? qui apertas
habes aures, nonne audies quae dicuntur, de quo et supra legimus:
auditu audietis, et non intellegetis; et uidentes aspicietis, et non
uidebitis. incrassatum est enim cor populi huius. dominus, inquit,
uoluit ut sanctificaret eum, et magnificaret legem suam, et populum
iacentem extolleret ac leuaret. sed ille dei facere noluit uoluntatem;
et idcirco ab aduersariis suis direptus est atque uastatus, quos uel
daemones, uel hostes intellegere debemus. laqueus iuuenum omnes, et in
domibus carcerum absconditi sunt. siue ut lxx transtulerunt: laqueus in
cubilibus ubique; et in domibus simul, in quibus absconderunt eos.
scribas significans et pharisaeos, qui plebem miserabilem deceperunt, et
ubique posuerunt insidias contra dominum saluatorem et apostolos eius;
habentes clauem scientiae, nec ipsi intrantes, et alios uolentes
introire prohibentes. pulchre que pectora eorum in quibus habitabant
cogitationes pessimae, carceres appellauit. ideo facti sunt in rapinam,
et in direptionem, nec fuit qui liberaret eos, et pro eis sermonem
faceret. simul que propheta cohortatur eos, ut si omnes audire non
possint, saltem pauci futura cognoscant et intellegant, a quo ista
perpessi sint. causas que suae uastitatis agnoscant, qui nec audire nec
facere uoluerunt quae lege praecepta sunt. ideo effudit dominus super
eos totam iram suam et indignationem furoris plenam, ut qui prius
tacuerat, nequaquam ultra reticeret, nec sermonibus eos, sed poenis
tormentis que corriperet, et comprehenderet eos bellum fortissimum, quod
nequaquam possint euadere, ostendens ferociam romanorum. cum que ex
omni parte combustus sit, et nihil in se habeat sanitatis, tamen non
intellegit causam poenae suae quod idcirco punitus sit, quia dei filium
non receperit.
et nunc haec dicit dominus creans te, iacob, et formans te,
israel: noli timere, quia redemi te, et uocaui te nomine tuo; meus es
tu. cum transieris per aquas, te cum ero, et flumina non operient te.
cum ambulaueris in ignem, non combureris, et flamma non ardebit in te,
quia ego dominus deus tuus, sanctus israel saluator tuus, dedi
propitiationem tuam aegyptum, aethiopiam, et saba pro te. ex quo
honorabilis factus es in oculis meis et gloriosus; ego dilexi te, et
dabo homines pro te, et populos pro anima tua. noli timere, quoniam te
cum ego sum; ab oriente adducam semen tuum, et ab occidente congregabo
te. dicam aquiloni, da; et austro: noli prohibere. adduc filios meos de
longinquo, et filias meas ab extremo terrae. et omnem qui inuocat nomen
meum, in gloriam meam creaui eum, et formaui eum, et feci eum. educ
foras populum caecum, et oculos habentem; surdum, et aures ei sunt.
omnes gentes congregatae sunt simul et collectae sunt tribus. quis in
uobis annuntiabit istud, et quae prima sunt, audire nos faciet? dent
testes eorum, et iustificentur; et audiant, et dicant: uere uos testes
mei, dicit dominus, et seruus meus quem elegi, ut sciatis et credatis
mihi, et intellegatis, quia ego ipse sum. ante me non est formatus deus;
et post me non erit. ego sum, ego sum dominus, et non est absque me
saluator. ego annuntiaui; et saluaui; auditum feci, et non fuit in uobis
alienus. uos testes mei, dicit dominus, et ego deus, et ab initio ego
ipse, et non est qui de manu mea eruat: operabor, et quis auertet illud?
lxx: et nunc sic dicit dominus deus qui fecit te, iacob, et creauit te,
israel. noli timere, quoniam redemi te; uocaui te nomine meo, meus es
tu. et si transieris per aquam, te cum sum, et flumina non cooperient
te. et si transieris per ignem, non combureris; flamma non exuret te,
quia ego dominus deus tuus sanctus israel, saluator tuus. feci
commutationem tuam aegyptum, et aethiopiam,. et soennen pro te. ex quo
honorabilis factus es, et in conspectu meo glorificatus; et ego dilexi
te, et dabo homines pro te, et principes pro capite tuo. noli timere,
quoniam te cum sum; ab oriente adducam semen tuum, et ab occidente
congregabo te. dicam aquiloni, adduc; et africo, noli prohibere. adduc
filios meos de terra longinqua, et filias meas a terminis terrae, omnes
qui uocantur nomine meo; in gloria enim mea creaui illum, et plasmaui
eum, et feci illum. et eduxi populum caecum, qui habent oculos, et sunt
caeci, et surdae sunt aures eius. omnes gentes congregatae sunt simul,
et conuenerunt principes earum. quis annuntiabit haec? aut quae a
principio sunt, quis annuntiabit uobis? adducant testes suos, et
iustificentur, et audiant et loquantur uera.
estote mihi testes, et ego testis, dicit dominus deus, et puer meus quem
elegi, ut sciatis et credatis et intellegatis, quia ego sum. ante me
non fuit alius deus et post me non erit. ego deus, et non est praeter me
saluator. ego annuntiaui, et saluos feci; exprobraui et non erat in
uobis alienus. uos mei testes, et ego dominus deus ab initio, et non est
qui de manibus meis eruat. faciam, et quis auertet illud? hebraei de
secundo saluatoris haec interpretantur aduentu, quando post plenitudinem
gentium omnis saluandus sit israel. nos autem nequaquam putamus ad eos
fieri repromissionem, quibus supra dictum est: quis caecus, nisi pueri
mei, et qui surdi, nisi qui dominantur eorum? et excaecati sunt serui
dei. et rursum: factus est populus uastatus atque direptus, et his
similia. denique infert: effudit super eum indignationem furoris sui, et
forte bellum; et combussit eum in circuitu, et non cognouit; et
succendit eum, et non intellexit. ergo quod supra diximus, duos esse
iacob, et duos israel, unum carnalem, et alterum spiritalem, eorum qui
in saluatorem credere noluerunt, et eorum qui receperunt filium dei: hoc
etiam nunc intellegendum, quod prouocetur apostolorum chorus, et prima
christi ecclesia de iudaeorum populo congregata, ut intellegat creatorem
et fictorem suum, qui et animae et corporis eius sit conditor. nec
timeat persecutores quia redemptus sit christi sanguine, qui uocauerit
eum nomine suo; et ob familiaritatem specialiter appellet populum suum;
sed praedicet incunctanter, et nulla pericula reformidet. quod que
infert: aquas et flumina, et ignem et flammas, persecutorum impetum
furorem que describit, qui saluti gentium inuideant, et nolint sermonem
euangelicum praedicari. quamquam iudaei, in aquis aegyptios, in
fluminibus babylonios, in igne macedonas, in flamma romanos intellegi
uelint. idcirco autem praecipit eis ne timeant, quia dominus deus
saluator eorum, et sanctus israel sit cum eis, qui fecerit eos aegypto
et aethiopiae et soennae, et extremis mundi terminis praedicare. pro
soenne reliqui interpretes posuerunt saba, unde fuit regina austri, quae
uenit sapientiam audire salomonis. quamobrem honorabilis factus est
apostolorum chorus in conspectu domini, et dilectus ab eo; et cunctorum
hominum salus atque populorum, qui per eos ad euangelium sunt uocati, et
reputabuntur in salutem animarum eorum. unde iungit et dicit: noli
timere, ego te cum sum, qui uobis in euangelio loquor: ecce ego uobis
cum sum omnibus diebus usque ad consummationem saeculi. ab oriente enim
et ab occidente adducam filios tuos, qui requiescant in sinu abraham, et
de cunctis mundi partibus filiorum meorum et filiarum populus
congregabitur, qui uel inuocent nomen meum, uel meo uocentur nomine, ut
appellentur christiani in gloriam creatoris sui. quod que sequitur: educ
foras populum caecum, et oculos habentem; surdum, et aures ei sunt,
multi putant dici de populo gentium, qui per apostolorum doctrinam
audire coeperunt et uidere. sed nos etiam haec de disperso intellegamus
israel, qui uocatus sit per apostolos, primus que crediderit; quibus
loquitur et paulus: uobis primum oportuit praedicari sermonem dei. et
ipse dominus in euangelio: ite ad oues perditas domus israel. denique
sequitur: omnes gentes congregatae sunt simul, et collectae sunt tribus,
id est, cum populo qui credidit ex iudaeis, ut duplex uocatio sit,
circumcisionis et praeputii. quod autem dicitur, educ, ad filium sermo
est. siue, iuxta lxx, pater de filio loquitur, quod eduxerit populum
suum caecum et surdum, et gentibus copularit, et fecerit ex eis multos
ecclesiae principes. miratur que propheta quod nullus in gentibus haec
praescire potuerit, nec dei nosse consilia; sed tantum populus eius qui
legem acceperit, et prophetas habuerit: notus enim in iudaea deus; in
israel magnum nomen eius. siue ipse deus testis suorum sermonum sit, et
patrator, et puer eius ac seruus quem elegit. haud dubium quin christum
significet, cui et supra dicit: magnum tibi est uocari te puerum meum.
et haec omnia fient, ut ueritas mundo praedicetur, et sciant, et
credant, et intellegant, quorum mens prius bruta erat et insensibilis,
quod praeter unum deum, nullus alius deus sit, nec ante, nec postea.
neque enim temporum conditor habet aliquando principium, cum hoc ipsum,
aliquando, sit temporis.
et quomodo nunc locutus est: ego testis, dicit dominus deus; et puer
quem elegi, dicente hoc ipsum domino in euangelio: duorum hominum
testimonium uerum est. ego sum qui testimonium perhibeo de me, et qui
misit me pater. sic et de diuinitate illius sentiendum est, quod nullus
sit deus, nisi ipse qui loquitur, et puer eius quem elegit. pulchre que
praeter deum patrem alter nullus est deus, quia christus dei uirtus est,
et dei sapientia, qui loquitur in euangelio: ego in patre, et pater in
me est. sicut enim unus christus dominus non aufert patri ne dominus
sit: sic unus deus pater, non aufert filio ne deus sit, qui in principio
erat uerbum, et uerbum erat apud deum, et deus erat uerbum; hoc erat in
principio apud deum. quod que sequitur: et non est absque me saluator,
ostendit in patre filium cuncta saluare. de quo idem propheta testatur:
et dimittet eis dominus saluatorem, qui saluos faciet eos. neque enim
deus sapiens et fortis, sine sua potest esse sapientia atque uirtute.
cum ergo ab initio ego haec futura praedixerim, nullus erit qui meae
renuat uoluntati; immo quae ego fecero, possit irrita facere. haec
dicuntur quidem ad iacob et israel, sed referuntur ad apostolicum chorum
et omnes qui de populo iudaeorum in christum uoluerint credere.
haec dicit dominus redemptor uester, sanctus israel. propter uos
misi in babylonem, et detraxi uectes uniuersos, et chaldaeos in nauibus
suis gloriantes. ego dominus sanctus uester creans, israel rex uester.
lxx: sic dicit dominus deus, qui redemit uos sanctus israel: propter uos
mittam in babylonem, et suscitabo fugientes uniuersos, et chaldaei in
nauibus uincientur. ego dominus deus sanctus israel, qui ostendi israel
regem uestrum. iuxta hebraicum adhuc ad israel propheticus sermo
dirigitur, quod redemptor eorum dominus et sanctus israel, haec ad eos
locutus sit: propter uos qui meum euangelium praedicatis, quibus supra
dixi: noli timere, quoniam te cum sum ego, qui estis testes uoluntatis
meae, et puerum meum alterum testem mundo incredulo nuntiatis, misi
filium meum in babylonem et confusionem huius saeculi. et detraxi omnes
uectes eius, qui hebraice appellantur barihim, et quos theodotio fortes
interpretatus est. et chaldaeos, inquit, subauditur apo~g koinou~g,
detraxi, qui in suis gloriabantur nauibus. in his uidelicet, qui instar
nauium inter idola fluctuabant. de chaldaeis nullus ambigit, quin
daemones sonent. ego dominus haec futura praedixi, qui sum creator
uester et rex israel. porro iuxta lxx multo alter est sensus. ego
dominus qui te de periculis liberaui, et sanctus israel, propter uos
mittam in babylonem regem medorum atque persarum, et habitatores eius
fugere faciam; et chaldaei qui uos ceperant, uincti per mare caspium ad
gentes alias transferentur. ego dominus haec futura decreui, qui ostendi
israel regem credentium fore.
haec dicit dominus, qui dedit in mari uiam, et in aquis
torrentibus semitam. qui eduxit quadrigam et equum, agmen et robustum;
simul obdormierunt, nec resurgent; contriti sunt, quasi linum exstincti
sunt. ne memineritis priorum, et antiqua ne intueamini. ecce ego facio
noua et nunc orientur; utique cognoscetis ea. ponam in deserto uiam, et
in inuio flumina. glorificabit me bestia agri, dracones et struthiones;
quia dedi in deserto aquas, flumina in inuio, ut darem potum populo meo,
electo meo.
populum istum formaui mihi; laudem meam narrabit. lxx: quia sic dicit
dominus, qui dat in mari uiam, et in aqua uehementi semitam. qui educit
currus, et equos, et multitudinem robustissimam. sed dormierunt, et non
resurgent: exstincti sunt quasi linum exstinctum. nolite meminisse
priorum, et uetera ne recogitetis. ecce ego faciam noua, quae nunc
orientur, et cognoscetis ea, et faciam in deserto uiam, et in inaquoso
flumina. benedicent mihi bestiae agri, sirenes et filiae struthionum,
quia dedi in deserto aquam, et flumina in inaquoso, ut bibere faciam
genus meum electum, populum meum, quem acquisiui, ut uirtutes meas
narret. dominus qui destruxit et abiecit babylonem, et fortissimos
illius detraxit de potentia omnes que chaldaeos qui in fluctibus huius
saeculi feliciter nauigabant, fecit esse captiuos. ipse in aquis
torrentibus maris rubri reperit uiam, ut transiret populus eius de
aegypto liberatus. siue qui dedit in mari rubro uiam, ipse et in aquis
torrentibus iordanis fluuii reperit semitam, ut et egressio ex aegypto,
et introitus in terram repromissionis haberet miraculum. ipse currus et
equos et omnem exercitum pharaonis demersit in profundum, qui dormierunt
somno perpetuo. contriti sunt et exstincti, quasi linum in breui
temporis spatio, et in puncto atque momento. linum enim necdum igne
correptum, pro leuitate substantiae statim exstinctum, in fauillam
dissoluitur. igitur hoc praecipio uobis, ut inter signa mea atque
miracula, quibus babylon urbs potentissima diruta est, et quibus in mari
rubro atque iordane populo meo aperta est uia, nequaquam memineritis
ueterum, quoniam in euangelio multo sum maiora facturus; quorum
comparatione, praeterita sileri debeant. nequaquam enim ultra in mari
rubro, sed in deserto totius mundi reperiam uiam. nec unus fluuius, siue
fons erumpet de petra, sed multa flumina, quae non corpora ut prius,
sed animas sitientes reficiant, et impleatur illud quod supra legimus:
bibetis aquas de fontibus saluatoris. tunc quod numquam factum est,
fiet, ut omnes bestiae et dracones, et struthiones qui in solitudine
gentium morabantur, et idololatriae sanguine, morum que feritate
bestiarum similes erant, glorificent me atque collaudent. pro
draconibus, quos solus theodotio, ut in hebraico scriptum est,
appellauit thannim, reliqui sirenas interpretati sunt, animalia
portentosa, quae dulci carmine atque mortifero nauigantes scyllaeis
canibus lacerandos praecipitabant. hoc que significat, quod uoluptati
prius et luxuriae dediti, ad seruitutem domini conuertantur. licet
melius sit dracones intellegi, quia iunguntur et struthiones, ut quia
semel de bestiis solitudinis loquebatur, haec animantia poneret, quae
deserto familiaria sunt. laudabunt autem, inquit, me, et glorificabunt
bestiae agri, et dracones, et struthiones, quia dedi in deserto gentium
aquas, et in ariditate nationum flumina, ut biberet populus meus, quem
elegi mihi, siue genus meum electum, et populus quem acquisiui sanguine
meo, ut laudes meas uirtutes que narraret.
non me inuocasti, iacob, nec laborasti in me, israel. non
obtulisti mihi arietem holocausti tui, et uictimis tuis non glorificasti
me. non te seruire feci in oblatione, nec laborem tibi praebui in
thure. non emisti mihi argento calamum, et adipe uictimarum tuarum non
inebriasti me. uerumtamen seruire me fecisti in peccatis tuis;
praebuisti mihi laborem in iniquitatibus tuis. lxx: non modo uocaui te,
iacob, neque laborare te feci, israel. non attulisti mihi oues
holocausti tui, neque in uictimis tuis magnificasti me. nec seruire te
feci in hostiis, nec laborem tibi praebui in thure, nec emisti mihi
argento thymiama, nec adipem hostiarum tuarum concupiui; sed in peccatis
tuis defendi te, et in iniquitatibus tuis. bestiis agri, draconibus et
struthionibus laudantibus me, tu iacob, nequaquam me inuocare uoluisti,
nec postea laborare, ut peccatum emendares paenitentia.
populum istum formaui mihi; laudem meam narrabit. lxx: quia sic dicit
dominus, qui dat in mari uiam, et in aqua uehementi semitam. qui educit
currus, et equos, et multitudinem robustissimam. sed dormierunt, et non
resurgent: exstincti sunt quasi linum exstinctum. nolite meminisse
priorum, et uetera ne recogitetis. ecce ego faciam noua, quae nunc
orientur, et cognoscetis ea, et faciam in deserto uiam, et in inaquoso
flumina. benedicent mihi bestiae agri, sirenes et filiae struthionum,
quia dedi in deserto aquam, et flumina in inaquoso, ut bibere faciam
genus meum electum, populum meum, quem acquisiui, ut uirtutes meas
narret. dominus qui destruxit et abiecit babylonem, et fortissimos
illius detraxit de potentia omnes que chaldaeos qui in fluctibus huius
saeculi feliciter nauigabant, fecit esse captiuos. ipse in aquis
torrentibus maris rubri reperit uiam, ut transiret populus eius de
aegypto liberatus. siue qui dedit in mari rubro uiam, ipse et in aquis
torrentibus iordanis fluuii reperit semitam, ut et egressio ex aegypto,
et introitus in terram repromissionis haberet miraculum. ipse currus et
equos et omnem exercitum pharaonis demersit in profundum, qui dormierunt
somno perpetuo. contriti sunt et exstincti, quasi linum in breui
temporis spatio, et in puncto atque momento. linum enim necdum igne
correptum, pro leuitate substantiae statim exstinctum, in fauillam
dissoluitur. igitur hoc praecipio uobis, ut inter signa mea atque
miracula, quibus babylon urbs potentissima diruta est, et quibus in mari
rubro atque iordane populo meo aperta est uia, nequaquam memineritis
ueterum, quoniam in euangelio multo sum maiora facturus; quorum
comparatione, praeterita sileri debeant. nequaquam enim ultra in mari
rubro, sed in deserto totius mundi reperiam uiam. nec unus fluuius, siue
fons erumpet de petra, sed multa flumina, quae non corpora ut prius,
sed animas sitientes reficiant, et impleatur illud quod supra legimus:
bibetis aquas de fontibus saluatoris. tunc quod numquam factum est,
fiet, ut omnes bestiae et dracones, et struthiones qui in solitudine
gentium morabantur, et idololatriae sanguine, morum que feritate
bestiarum similes erant, glorificent me atque collaudent. pro
draconibus, quos solus theodotio, ut in hebraico scriptum est,
appellauit thannim, reliqui sirenas interpretati sunt, animalia
portentosa, quae dulci carmine atque mortifero nauigantes scyllaeis
canibus lacerandos praecipitabant. hoc que significat, quod uoluptati
prius et luxuriae dediti, ad seruitutem domini conuertantur. licet
melius sit dracones intellegi, quia iunguntur et struthiones, ut quia
semel de bestiis solitudinis loquebatur, haec animantia poneret, quae
deserto familiaria sunt. laudabunt autem, inquit, me, et glorificabunt
bestiae agri, et dracones, et struthiones, quia dedi in deserto gentium
aquas, et in ariditate nationum flumina, ut biberet populus meus, quem
elegi mihi, siue genus meum electum, et populus quem acquisiui sanguine
meo, ut laudes meas uirtutes que narraret. non me inuocasti, iacob, nec
laborasti in me, israel. non obtulisti mihi arietem holocausti tui, et
uictimis tuis non glorificasti me. non te seruire feci in oblatione, nec
laborem tibi praebui in thure. non emisti mihi argento calamum, et
adipe uictimarum tuarum non inebriasti me. uerumtamen seruire me fecisti
in peccatis tuis; praebuisti mihi laborem in iniquitatibus tuis. lxx:
non modo uocaui te, iacob, neque laborare te feci, israel. non attulisti
mihi oues holocausti tui, neque in uictimis tuis magnificasti me. nec
seruire te feci in hostiis, nec laborem tibi praebui in thure, nec
emisti mihi argento thymiama, nec adipem hostiarum tuarum concupiui; sed
in peccatis tuis defendi te, et in iniquitatibus tuis. bestiis agri,
draconibus et struthionibus laudantibus me, tu iacob, nequaquam me
inuocare uoluisti, nec postea laborare, ut peccatum emendares
paenitentia.
siue auctor generis tui abraham peccasse conuincitur, quando domino
terram repromissionis semini illius pollicente, respondit: in quo sciam
quia possidebo eam? et interpretes, inquit, tui praeuaricati sunt in me,
aaron et moyses ad aquam contradictionis, qui inter me et te medii
loquebantur. et ut intellegamus non esse uiolentam expositionem,
sequitur: et contaminaui principes sanctos, de quibus et in psalmo
canitur: absorpti sunt iuxta petram iudices eorum. quos idcirco
contaminasse se dicit, quod terram repromissionis non intrauerint. dedi
que ad internecionem iacob, et israel in blasphemiam; ut nullus, praeter
duos ex his qui de aegypto egressi erant, intraret in iudaeam; sed
cadauera eorum iacerent in solitudine. iuxta lxx, qui addiderunt de suo:
dic tu prior iniquitates tuas, ut iustificeris, ad paenitentiam eos
prouocat deus, ut intellegant scelera sua atque peccata, et ueniam
consequantur. scriptum est enim et in alio loco: iustus accusator sui
est in principio sermonis. principes que eorum et patres dicuntur domini
sancta uiolasse, non seruientes legi dei. sed traditiones et mandata
hominum requirentes, propter quod periit iacob et in opprobrium datus
est israel, eiectus de sua prouincia, et totius orbis exul atque
peregrinus.
44. et nunc audi, iacob serue meus, et israel, quem elegi. haec
dicit dominus, faciens et formans te ab utero auxiliator tuus. noli
timere, serue meus iacob et rectissime quem elegi. effundam enim aquas
super sitientem, et fluenta super aridam; effundam spiritum meum super
semen tuum, et benedictionem meam super stirpem tuam. et germinabunt
inter herbas, quasi salices iuxta praeterfluentes aquas. iste dicet:
domini ego sum, et ille uocabit in nomine iacob, et hic scribet manu
sua: domino; et in nomine israel assimilabitur. lxx: nunc autem audi,
iacob puer meus, et israel quem elegi. ego dominus deus, qui feci te, et
plasmaui te de uentre, adhuc habebis auxilium. noli timere, puer meus
iacob, et dilecte israel quem elegi, adhuc ego dabo aquam in siti qui
ambulant in inaquoso; ponam spiritum meum super semen tuum, et
benedictiones meas super filios tuos. et orientur ut in medio aquae
fenum, et sicut salix iuxta praeterfluentes aquas. iste dicet: dei sum
et iste clamabit in nomine iacob. et alius scribet in manu sua: dei sum
ego, et in nomine israel clamabit. ubi accusatur populus iudaeorum ob
incredulitatem atque blasphemiam, absque ulla nominis dignitate, puris
appellatur uocabulis: non me inuocasti, iacob, nec laborasti in me,
israel; et iterum: dedi ad internecionem iacob, et israel in
blasphemiam. ubi autem ad apostolorum chorum, qui ex iudaeis est,
sermonem facit, iunguntur et nominum priuilegia. audi, iacob serue meus,
et israel quem elegi; ut prima sit seruitus, secunda electio. haec
dicit dominus, factor et formator tuus, qui ab utero auxiliatus est tui,
ut adhuc in uentre matris plantam fratris arriperes. siue qui in
principio nascentis ecclesiae te de persecutorum manibus conseruauit.
noli timere crudelitatem eorum, serue meus iacob, et rectissime quem
elegi. alio nomine israelem uocat, isurun enim uerbum hebraicum, ceteri
euthutaton~g, siue euth�~g, id est, rectissimum, et rectum interpretati
sunt; soli lxx dilectissimum, iungentes de suo, israel. proprie enim
iuxta hebraeos et litterarum fidem, israel, rectus dei dicitur. uir
autem uidens deum non in elementis, sed in sono uocis est.
unde et liber geneseos appellatur eudeis~g id est, iustorum, abraham,
isaac et israel. noli igitur timere, iacob et israel, quia effundam
aquas super sitientem et aridam, de qua saepe dictum est: et effundam,
siue ponam spiritum meum super semen tuum, et benedictionem meam super
stirpem tuam, quae ex aqua et spiritu sancto in baptismate renascetur.
quam et in euangelio saluator promisit, dicens: qui sitit, ueniat ad me,
et bibat. statim que infertur: hoc autem dicebat de spiritu sancto,
quem credentes accepturi erant. comparat quoque in baptismate
renascentes herbis uirentibus, et salici quae iuxta fluentes aquas
oritur; et contra rerum naturam affert fructus, quae prius sterilis
erat, uel cuius semen in cibo sumptum, steriles facit. quod quidem in
primo psalmo legitur: et erit sicut lignum quod plantatum est secus
decursus aquarum, quod fructus suos dabit in tempore suo, et folium eius
non decidet. alii inter herbas et renascentes salices duplicem
uocationem intellegunt, ut in herbis populus nationum sit; in salicibus,
hi qui ex israel crediderunt. simul que describit uarietatem
credentium: alius dicet, domini ego sum, qui iustitiae opera in se esse
confidit; alius uocabit, subauditur, peccatores ad paenitentiam in
nomine iacob; ut et ipsi supplantent uitia atque peccata. alius scribet
manu sua: dei sum. siue ut lxx transtulerunt: scribet in manu sua: dei
sum, ut nouo tyrocinio seruitutis christi se militem glorietur. et in
nomine israel assimilabitur. non enim omnes ex israel, sed magna pars ex
gentium multitudine, in nomine israel assimilabitur, ut recipiat legem
et prophetas, omnes que gratias spiritus sancti, quae israel populo
repromissae sunt.
haec dicit dominus rex israel, et redemptor eius dominus
exercituum: ego primus et ego nouissimus, et absque me non est deus.
quis similis mei? uocat et annuntiet, et ordinem exponat mihi, ex quo
constitui populum antiquum; uentura et quae futura sunt annuntient eis.
nolite timere, neque conturbemini; ex tunc audire te feci, et
annuntiaui. uos estis testes mei. numquid est deus absque me, et
formator quem ego non fecerim? plastae idoli omnes nihil sunt, et
amantissima eorum non proderunt eis. ipsi sunt testes eorum, quia non
uident, neque intellegunt, ut confundantur. quis formauit deum, et
sculptile conflauit ad nihil utile? ecce omnes participes eius
confundentur. fabri enim sunt ex hominibus, conuenient omnes, stabunt,
et pauebunt, et confundentur simul. faber ferrarius lima operatus est;
in prunis et in malleis formauit illud, et operatus est in brachio
fortitudinis suae. esuriet, et deficiet, non bibet aquam, et lassescet.
artifex lignarius extendit normam, formauit illud in runcina. fecit
illud in angularibus, et in circino tornauit illud; et fecit imaginem
uiri, quasi speciosum hominem habitantem in domo. succidit cedros, tulit
ilicem, et quercum, quae steterat inter ligna saltus. plantauit pinum,
quam pluuia nutriuit; et facta est hominibus in focum. sumpsit ex eis,
et calefactus est; succendit, et coxit panes. de reliquo autem operatus
est deum, et adorauit.
fecit sculptile, et curuatus est ante illud. medium eius combussit igni,
et de medio eius carnes comedit. coxit pulmentum, et saturatus est, et
calefactus est, et dixit: uah! calefactus sum, uidi focum. reliquum
autem eius deum fecit, et sculptile sibi; curuatur ante illud, et adorat
illud, et obsecrat, dicens: libera me, quia deus meus es tu.
nescierunt, neque intellexerunt; obliti enim sunt, ne uideant oculi
eorum, ne intellegant corde suo. non recogitant in mente sua, neque
cognoscunt, neque sentiunt ut dicant: medium eius combussi igni, et coxi
super carbones eius panes. coxi carnes, et comedi, et de reliquo idolum
faciam, ante truncum ligni procidam, pars eius cinis; cor insipiens
adorauit illud et non liberauit animam suam; neque dicet: forte
mendacium est in dextera mea. post praedicationem apostolorum,
uocationem gentium, saluatoris aduentum, et effusionem spiritus sancti,
quem cunctis credentibus daturum se esse promisit, quando pro uarietate
meritorum alius dicet, domini ego sum. alius uocabit in nomine iacob;
alius scribet manu sua se esse domini, et cum ortus sit de infideli
turba gentilium, in nomine assimilabitur israel, ut relictis idolis,
unius dei cultor sit. incipit altera perikop�~g, quam totam simul
proposuimus, ne unius sensus diuideremus continentiam. et quia
septuaginta in hoc capitulo exceptis paucis uerbis non discrepant ab
hebraico, nostra editione contenti sumus, qua intellecta, noscentur et
ceterae. est autem sermo contra illius temporis idololatras, quo esaias
propheta uentura populis nuntiabat, et arguit eos, qui dei omnipotentis
religione contempta, simulacris ligneis inclinentur, et adorent opera
manuum suarum. curramus ergo per singula. haec dicit dominus rex israel,
qui in me crediturus est, et redemptor eius, qui filii mei suscipiet
aduentum: dominus exercituum atque uirtutum, et omnipotens. hoc enim in
hebraico sonat sabaoth. ego sum primus, et ego nouissimus, ego a~g et
�~g; et absque me non est deus, quia puer quem elegi, in me deus est. de
quo supra dixi: ecce puer meus, quem elegi; electus, quem suscepit
anima mea. iudicium gentibus proferet; et in nomine eius gentes
sperabunt. nec dicit esse se solum, sed praeter uirtutem suam atque
sapientiam nullum esse externum deum, deorum que multorum opinionem, et
simulacra condemnans. quis, inquit, similis mei est? uocet ea quae non
sunt quasi sint, et exponat ordinem creaturae meae, qui cuncta ratione
librauerim, ex quo feci hominem super terram. nec hoc solum uolo, sed
quaero etiam scientiam futurorum. unde tu, israel, cuius et rex et
redemptor sum, noli timere simulacra, quae esse nihil, in sina monte
didicisti. an forsitan creator est alius, quem ego non nouerim? aut
praeter hunc alter est mundus, qui ignoti dei monstret potentiam? neque
uero ea solum quae fiunt, sed et illi qui faciunt, habebuntur pro
nihili. cum que uindictae tempus aduenerit, nequaquam poterunt eos
manuum suarum opera liberare, quae caeca et insensibilia confundunt
artifices suos. quis enim possit hoc credere quod ascia, lima, et
terebro malleo que formetur deus? et uel in prunis simulacra fundantur;
uel norma, runcina, et angularibus, circino que in deos repente
consurgant? praesertim cum fame et siti artificis, artis uilitas
demonstretur. fit enim lignea statua, humanam exprimens speciem, et
quanto pulchrior fuerit, tanto deus putatur augustior.
ponitur in fano, et aeterno clauditur carcere, quae longo tempore creuit
in saltibus, et pro uarietate arborum, cedrus et ilex et quercus uel
pinus fuit. mirum que in modum segmenta eius atque rasurae mittuntur in
focum, ut calefaciant artificem dei, et coquant diuersa pulmenta. pars
autem altera formatur in deum, ut opere completo, adoret illam factor
suus, et operis sui imprecetur auxilium. nec intellegit, uel recogitat,
immo nec carnis, nec mentis aspicit oculis, quod non possit esse deus,
cuius pars igne combusta est; nec hominis manu fieri diuina maiestas.
plenius que super irrisione idolorum propheticus sermo contexitur, quae
facilis intellegentiae sunt, nec laciniosam, immo superfluam
expositionem desiderant. super quo et flaccus scribit in satyra,
deridens simulacra gentium.
olim truncus eram ficulnus, inutile lignum:
cum faber incertus scamnum faceret ne priapum.
maluit esse deum: deus inde ego, furum auium que,
maxima formido.
quidquid autem de idolis dictum est, potest referri, et ad hereseon
principes, qui simulacra dogmatum suorum atque mendacii, artifici corde
componunt, et uenerantur ea quae a se sciunt esse simulata. nec sufficit
eis error proprius, nisi simplices quosque eorum adoratione deceperint.
qui quaestum putant esse pietatem, et deuorant domos uiduarum,
abutentes que uulgi imperitia, ita arte dialectica, quasi ascia et
terebro, lima et runcina formant deum suum, et cudunt malleo, atque
inaurant sermonis rhetorici uenustate: quorum deus uenter est, et gloria
in confusione eorum.
memento horum, iacob et israel, quoniam seruus meus es tu. formaui
te, seruus meus es tu, israel, ne obliuiscaris mei. deleui ut nubem
iniquitates tuas, et quasi nebulam peccata tua. reuertere ad me quoniam
redemi te. laudate, caeli, quoniam fecit dominus; iubilate, extrema
terrae, resonate, montes, laudationem, saltus et omne lignum eius;
quoniam redemit dominus iacob, et israel glorificabitur. lxx: memento
horum, iacob et israel, quoniam puer meus es tu. formaui te puerum meum;
et tu, israel, ne obliuiscaris mei. ecce enim deleui sicut nubem
iniquitates tuas; et sicut caliginem peccata tua. reuertere ad me, et
redimam te. laetamini, caeli, quoniam misertus est deus israelis. canite
tuba, fundamenta terrae, clamate, montes, laetitiam; colles et omnia
ligna quae in eis sunt, quoniam redemit deus iacob; et israel inclutus
erit. cum haec se ita habeant, et idola hominum scias esse figmenta, o
iacob, et puer meus israel, ne obliuiscaris creatoris tui, tibi que ipsi
iniuriam facias, ut incurueris operi manuum tuarum. quae quia in
aduentu pueri mei, quem elegi, penitus destruenda sunt; propterea tota
mentis auiditate cognosce, quod sicut nubes, caligo et nebula, uel solis
calore dissoluitur, uel uento raptante tenuatur. ita iniquitates tuas,
et uniuersa peccata, quibus prius me offenderas, dissolui faciam. tu
tantum reuertere ad me, et age paenitentiam, quia redimendus es pretioso
sanguine. quod si feceris, scias in salute tua caelos terram que
laetari, et omnia elementa concinere. siue angelos qui morantur in
caelis, et alias potestates, quibus terrae fundamenta portantur. uel
certe apostolos et prophetas, de quibus loquebatur et apostolus:
aedificati super fundamentum apostolorum et prophetarum. montes quoque
et siluae, siue colles, qui pro uarietate uirtutum prima et media loca
et ultima possederunt, iubentur iubilare, et tuba canere, scientes quod
redemerit dominus iacob, et in israel conuersione laetetur, siue ipse
israel ab errore conuersus, inclutus fiat.
haec dicit dominus redemptor tuus, et formator tuus ex utero: ego
sum dominus faciens omnia, extendens caelos solus, stabiliens terram,
et nullus me cum. irrita faciens signa diuinorum, et hariolos in furorem
uertens; conuertens sapientes retrorsum, et scientiam eorum stultam
faciens. suscitans uerbum serui sui, et consilium nuntiorum suorum
complens. qui dico hierusalem: habitaberis, et ciuitatibus iudae;
aedificabimini, et deserta eius suscitabo. qui dico profundo: desolare,
et flumina tua arefaciam. qui dico cyro: pastor meus es, et omnem
uoluntatem meam complebis. qui dico hierusalem: aedificaberis; et
templo: fundaberis. lxx: sic dicit dominus qui redemit te, et formans te
ex utero. ego dominus, qui compleo omnia. extendi caelum solus, et
firmaui terram. quis alius dissipauit signa pythonum, et diuinationes de
corde? qui auerto prudentes retrorsum, et consilium eorum stultum
facio. et statuo uerbum pueri mei, et consilium angelorum eius uerum
probo. qui dico hierusalem, habitaberis; et ciuitatibus iudae:
aedificabimini, et deserta illius orientur. qui dico abysso,
desolaberis, et flumina tua arefaciam. qui dico cyro, ut sapiat, et
omnes uoluntates meas faciat; qui dico ierusalem, aedificaberis; et
domum sanctam meam fundabo. destructis idolis et iniquitatibus israel,
peccatis que deletis, quando omnis simul creatura gaudebit; et iuxta
euangelii fidem, super paenitentia peccatorum angeli laetabuntur in
caelis, describitur potentia dei, quod nequaquam ei grande sit redimere
iacob, et israel instaurare cor rectum, quem formauit ex utero. et si
hoc alicui non paruum uideatur, non sit illi difficile qui extenderit
caelos solus. iuxta quod alibi legitur: qui extendit caelum quasi
pellem. non quo filius excludatur ab extensione caelorum: omnia enim per
ipsum facta sunt; et sine ipso factum est nihil, quod factum est; sed
quo, ut saepe diximus, per hanc sententiam excludantur idola. nam et in
prouerbiis salomonis ex persona christi dei uirtutis dei que sapientiae
dicitur: quando parabat caelum, ego eram cum eo. ipse enim dixit, et
facta sunt, ipse mandauit, et creata sunt. et: uerbo domini caeli
firmati sunt, et spiritu oris eius uirtus eorum. haec frequenter
ingerimus, ne ulla blasphemandi christum haereticis occasio relinquatur.
in stabilitate quoque terrae, quando illius fundamenta solidabat,
nullus erat cum deo, praeter eum qui erat in eo. iste igitur tantus ac
talis, cum praefiniti mysterii tempus aduenerit, ut cuncta idola
destruantur, et dei solius notitia praedicetur in mundo, omnia uaticinia
diuinorum, et pythonum, et hariolorum signa atque portenta, quibus
humanum deceperunt genus, destruet atque subuertet. et sapientiam
philosophorum, quae et ipsa erroris pars maxima est, stultam esse
monstrabit, dum nequaquam humanis cogitationibus, dei probantur
comprehendisse sapientiam. qui etiam uerbum pueri, siue serui sui, de
quo supra diximus, et consilium nuntiorum eius, rebus explebit.
apostolorum scilicet omnium que doctorum, qui uoluntatem magistri sui
gentibus nuntiabunt. ipse ergo qui est tanta facturus, cuius potentiam
breui sermone descripsi, etiam ad hierusalem, quae destruenda erit a
babyloniis, nunc dicit antequam destruatur, quod rursum habitetur a
populis; et ciuitatibus iudaeae, quod instaurentur, qui et solitudines
illius suscitabit, ut omnia cultoribus impleantur.
qui igitur dicit hierusalem et iudaeae et desertis eius, quod habitetur
et aedificetur et suscitetur, hic dicit profundo siue abysso, id est,
babyloni, desolare et flumina tua arefaciam, omnem regum potentiam. siue
quia profundum et abyssum dixerat, recte per translationem, et flumina
posuit, de quibus et psalmista decantat: super flumina babylonis ibi
sedimus et fleuimus. et qui hierusalem instaurat, et babylonem destruit.
dicit quoque cyro regi persarum, qui primus destruxit babylonem atque
chaldaeos: pastor meus es, siue ut septuaginta transtulerunt, ut sapiat.
cuius differentiae causa manifesta est. uerbum enim hebraicum roi si
per res litteram legamus, intellegitur pastor meus; si per daleth,
sciens uel intellegens meus, quarum similitudo paruo apice distinguitur,
ac per hoc saepe confunditur. scriptum est in esdrae principio, quod ad
edictum cyri regis persarum atque medorum, populi israel sit laxata
captiuitas, et remissi in hierusalem, qui redire uoluerunt sub zorobabel
filio salathiel, et iesu filio iosedec sacerdote magno. huic enim
dominus inspirauit ut suam faceret uoluntatem, et illius praecepta
compleret. signanter que addidit: qui dico hierusalem, aedificaberis, et
templo, fundaberis. sub cyro enim iussum est, ut aedificaretur
hierusalem et templum, cuius tantum illo uiuente iacta sunt fundamenta.
ceterum sub dario, anno illius secundo, prophetantibus aggaeo et
zacharia, templum aedificari coeptum est.
45. haec dicit dominus christo meo cyro, cuius apprehendi
dexteram, ut subiciam ante faciem eius gentes, et dorsa regum uertam, et
aperiam coram eo ianuas; et portae non claudentur. ego ante te ibo, et
gloriosos terrae humiliabo; portas aereas conteram, et uectes ferreos
confringam. et dabo tibi thesauros absconditos, et arcana secretorum, ut
scias quia ego dominus, qui uoco nomen tuum, deus israel. propter
seruum meum iacob, et israel electum meum, et uocaui te nomine tuo.
assimilaui te, et non cognouisti me. ego dominus, et non est amplius;
extra me non est deus. accinxi te, et non cognouisti me. ut sciant hi,
qui ab ortu solis, et qui ab occidente, quoniam absque me non est. ego
dominus, et non est alter. formans lucem, et creans tenebras; faciens
pacem, et creans malum. ego dominus faciens omnia haec. scio in hoc
capitulo non solum latinorum, sed et graecorum plurimos uehementer
errare, existimantium scriptum esse: sic dicit dominus christo meo
domino; ut intellegatur, iuxta illud quod alibi legimus: pluit dominus a
domino. et: dixit dominus domino meo. neque enim kuri�i~g, quod dominum
sonat, sed cyro dicitur, qui hebraice appellatur chores, regi persarum,
qui babylonem chaldaeos que superauit. et iunctis medis, agitator
bigae, id est, cameli et asini, supra legitur. iste appellatus est
christus, id est, unctus domini, quod erat insigne apud hebraeos regiae
potestatis, ut quomodo apud nos diadema et purpura solis imperatoribus
datur. sic apud hebraeos regnaturi perfundebantur unguento. unde et saul
christus domini dicitur. et in psalmis legimus: nolite tangere christos
meos; et in prophetis meis nolite malignari.
huius dexteram apprehendit et tenuit, ut nullus fortitudini eius ualeret
resistere. legamus xenophontis octo librorum cyri maioris historiam, et
prophetiam esaiae cernemus expletam. quae enim ciuitas illi non patuit?
quis non regum terga subiecit? qui muri prius inexpugnabiles, non
illius obsidione subuersi sunt? unde ad ipsum cyrum deus apostropham
facit: dedi tibi thesauros, et absconditas opes cunctarum urbium; ut qui
prius colebas idola, beneficiis unum sentires deum, praesertim cum
scias, multo antequam nascereris tuum nomen esse praedictum. quod quidem
et iosephus in undecimo iudaicae antiquitatis uolumine refert, legisse
cyrum ab esaia de se certo uaticinatum nomine, et idcirco iudaeos quasi
dei familiares plurimum dilexisse. haec autem, inquit, tribui tibi
propter iacob seruum meum, et israel electum meum, et uocaui te nomine
tuo, sicut uocaui abraham, isaac et iacob; et multo ante praedixi, ut
isaac et iosiam; ne putareris ille esse christus, cui assimilatus es, et
in cuius typo et imagine praecessisti. tu autem non cognouisti me, id
est: simulacra coluisti, non deum. accinxi te fortitudine; multarum
gentium feci esse uictorem, et non cognouisti auxiliatorem tuum. in quo
loco satis mirari nequeo, quae stultitia sit legentium; ut haec ad
christum referant, per quem mundus reconciliatus est deo. ego, ait,
dominus, et non est amplius extra me. praeter sermonem quippe atque
rationem uirtutem que meam et sapientiam, quae in me est, nullus est
alter deus. et haec feci, ut ab oriente et occidente omnis orbis
agnoscat, nullum esse alium absque me deum. ego dominus, et non est
alter. pater enim in filio, et filius in patre. qui loquitur in
euangelio: ego et pater unum sumus. et in esdrae uolumine positum est,
scripsisse cyrum ad omnes gentes, nullum esse deum, nisi solum deum
israel. siue ita intellegendum, quod captiuorum laxatio, et dei in
populum suum clementia, cunctis gentibus deum fecerit notiorem. qui
igitur tibi dedi fortitudinem, et deus solus sum, ipse res inter se
contrarias facio, lucem et tenebras, id est, diem et noctem. pacem et
malum, hoc est, otium et bellum, per quae significat et iratum fuisse se
populo suo, quando tenebras captiuitatis, mala que sustinuit
seruitutis. et rursum misertum, quando remissi in patriam, pacem et
gaudium receperunt. quomodo enim luci contrariae tenebrae sunt; ita paci
contrarium bellum est. unde confundatur haeresis, quae malorum
arbitratur conditorem deum. cum hic malum non contrarium bono, sed pro
afflictione ponatur et bello, secundum illud quod in euangelio scriptum
est: sufficit diei malitia sua. possumus iuxta tropologiam haec et de
ecclesiastico uiro dicere, cui deus dedit sermonem atque sapientiam, ut
omnes sectas contrarias ueritati sua disputatione subuertat. sicut et de
stephano sancta scriptura commemorat, quod nullus potuerit resistere
sapientiae eius, et ut reges, id est, patriarchas singularum haereseon,
suae subiciat potestati. et aperiat atque confringat, quod prius
uidebatur dialectica arte conclusum; et in medium proferat arcana
haereticorum, superans eos atque conuincens, ut christi secreta
cognoscant, in quo sunt omnes thesauri sapientiae et scientiae
absconditi. istiusmodi uirum uocat deus ex nomine suo, quia defensor est
pueri eius iacob, et electi illius israel. hunc suscipit, et assimilat
sermoni suo, qui cauere debet ne suum putet esse quod loquitur, sed
omnia ad datoris referat gloriam; ne et ipse mereatur audire: accinxi
te, et non cognouisti me. cum enim instructus armatura apostoli, omnes
docuerit non esse alium deum nisi unum, qui sit iacob et israel deus.
confundetur marcion, duos deos intellegens, unum bonum, et alium iustum;
alterum inuisibilium, alterum uisibilium conditorem. e quibus prior
lucem faciat, secundus tenebras; ille pacem, hic malum; cum utrumque pro
diuersitate meritorum unus deus idem que condiderit.
LIBER 13
multi casus opprimunt nauigantes. si uehementior flauerit uentus,
tempestas formidini est. si aura moderatior summa iacentis elementi
terga crispauerit, piratarum insidias pertimescunt. atque ita fit, ut
fragili animae ligno creditae, aut metuant periculum, aut sustineant,
quorum utrumque altero grauius est, uel mortem timere perpetuo, uel quam
timueris sustinere. hoc mihi in esaiae pelago nauiganti accidere uideo;
dum enim inoffenso cursu uela tenduntur, et securis nautarum manibus,
sulcans aequoris campos carina delabitur, subitus languoris turbo
consurgens, tantis undarum molibus et collisorum inter se fluctuum
fragore resonante, pauida amicorum corda perterruit, ut dicere
cogerentur: magister, saluos nos fac, perimus. quamobrem, eustochium, in
toto orbe terrarum unicum nobilitatis et uirginitatis exemplum, non
sileat pupilla oculi tui; clama que in corde: abba pater. et cum
psalmista loquere: exsurge, ut quid dormis, domine? ut iniunctum in
esaiam opus, te orante, et christo miserante perficiam. iam enim tertius
decimus explanationum liber cuditur, qui necdum peruenit ad calcem. et
interim donec misericors et miserator dominus, patiens et multarum
miserationum, reddat pristinam sanitatem, hanc praefatiunculam
tumultuario sermone dictaui; ut quae habentur, in schedulis
describantur; et plena emendatio lectoris iudicio reseruetur.
rorate, caeli, desuper, et nubes pluant iustum; aperiatur terra,
et germinet saluatorem, et iustitia oriatur simul. ego dominus creaui
eum. lxx: laetetur caelum desuper, et nubes spargant iustitiam; germinet
terra, et oriatur misericordia, et iustitiam germinet simul; ego
dominus qui creaui te. duplex huius loci interpretatio est. quidam enim
putant haerere cum superioribus quae dicuntur, et cyro rege laxante
captiuos, caelum terram que laetari: met�numik�s~g, pro eo quid est,
illos qui in caelo morantur et terra. alii a superioribus separant et
proprium capituli huius uolunt esse principium, ac de aduentu domini
prophetari, quod imperetur, nubibus, de quibus supra scriptum est:
mandabo nubibus ne pluant super eam imbrem, id est, uineam israel. et ad
quas peruenit ueritas dei, ut pluant mundo iustum siue iustitiam; terra
que aperiatur et germinet saluatorem. de qua et in psalmis canitur:
ueritas de terra orta est, et iustitia de caelo prospexit; siue iuxta
lxx: terra misericordiam et iustitiam pariter germinauit, ut et
peccatores misericordiam, et iusti praemia consequantur. quod que
sequitur: ego dominus creaui eum, uel: ego dominus qui creaui te, non
scandalizabitur ad nomen creaturae, qui illum uermem ac seruum et
germinatum legerit esse de terra.
uae qui contradicit fictori suo: testa de samiis terrae. numquid
dicit lutum figulo suo, quid facis; et opus tuum absque manibus est? uae
qui dicit patri, quid generas; et mulieri, quid parturis? haec dicit
dominus, sanctus israel plastes eius. uentura interrogate me super
filios meos, et super opus manuum mearum mandastis mihi. ego feci
terram, et hominem super eam creaui ego; manus meae tetenderunt caelos;
et omni militiae eorum mandaui. ego suscitaui eum ad iustitiam; et omnes
uias eius dirigam. ipse aedificabit ciuitatem meam; et captiuitatem
meam dimittet, non in pretio neque in muneribus, dicit dominus
exercituum. lxx: quid melius feci quam lutum figuli? numquid arans
arabit terram?
numquid dicet lutum figulo, quid facis, quoniam non operaris, nec habes
manus? uae qui dicit patri, quid generas; et matri, quid parturis? sic
enim dicit dominus deus, sanctus israel, qui fecit uentura. interrogate
me de filiis meis, et de operibus manuum mearum mandate mihi. ego feci
terram, et hominem super eam. ego manu mea firmaui caelum; ego omnibus
stellis mandaui. ego suscitaui eum cum iustitia regem: omnes uiae illius
rectae. ipse aedificabit ciuitatem meam, et captiuitatem populi mei
conuertet; non cum pretio neque cum muneribus, dixit dominus deus
sabaoth. qui ad cyri personam uolunt referre quae dicta sunt, sic locum
istum interpretantur. me ingentia pollicente, quod propter reuersionem
populi mei in iudaeam, omnia cyro regna substernam. uae ei qui
incredulus est, et non putat uentura quae dico, quasi si lutum et testa
confracta calumnietur figulum suum, quare facta, uel cur ita facta sit;
et opus contra artificis loquatur manus. et patrem ac matrem calumnietur
filius, cur in terram naturae lege profusus sit. cum igitur ego dominus
sanctus israel plasmauerim cyrum, et mea iussione generatus sit,
superfluum facitis ambigere de futuris; quin potius nosse debetis, quod
filios meos, populum israel, et opus manuum mearum, non uestro arbitrio,
sed mea uoluntate dispensem, ut qui prius eis tenebras et malum creaui,
nunc lucem et pacem tribuam. ego enim sum deus, qui non in uacuum
creaui terram; ut esset deserta et squalida, sed ut homines habitarent
in ea. ego extendi siue firmaui caelos, ut angelorum essent habitaculum.
stellarum que eos uarietate distinxi; et imperaui singulis quo
currerent ordine, et dierum ac mensium annorum que diuersa spatia
complerent. qui igitur caelum feci et terram, quid magnum est, si unum
regem creauerim, qui mea mandata conseruet; et omnes uias illius
dirigam? ipse enim iussurus est, ut aedificetur ciuitas mea hierusalem,
et captiui redeant in iudaeam. non ob pretium, neque munera, sed ob meam
uoluntatem, dicit dominus deus exercituum. qui autem coeptam ad
christum refert intellegentiam, sic explanationis suae uerba moderatur:
uae eis qui contradicunt deo, et christum non putant esse uenturum;
quasi lutum et testa de testis contradicat figulo suo. uae qui dicit
omnipotenti patri: quare generas filium? et mulieri sanctae mariae: quid
parturis? de qua scribit et apostolus: quod christus factus sit de
muliere, factus que sub lege. haec ergo dicit dominus sanctus israel,
qui plasmauit in utero uirginali saluatorem, dicens per gabrielem:
spiritus sanctus ueniet super te; et uirtus altissimi obumbrabit tibi
quod autem nascetur in te sanctum, uocabitur filius dei. interroget me
testa, et futurorum secreta perquirat. et praecipiat mihi, quomodo
adoptiuos filios, qui in meum filium credituri sunt, debeam regenerare.
dicit et euangelista ioannes: quotquot eum receperunt, dedit eis
potestatem filios dei fieri. sin autem ego feci terram, ut habitaretur
ab hominibus, et caelos extendi desuper, et eos astrorum uarietate
decoraui, ut morarentur in terra cultores dei, quid mirum si filium
meum, iustum regem miserim mundo, siue ab inferis suscitauerim, cuius
omnes uiae rectae sunt? peccatum enim non fecit, nec dolus inuentus est
in ore eius. qui aedificet ciuitatem meam super petram, aduersum quam
portae inferi non praeualeant, et quae in monte posita, latere non
possit. daemoniacis que prius uinculis alligatos, omnes dimittat
liberos, non in pretio neque in muneribus; gratis enim salui facti
sumus, audientibus apostolis atque facientibus: gratis accepistis,
gratis date.
nonnulli haec ad zorobabel referunt, qui eduxit captiuos de babylone, et
aedificauit ciuitatem, et exstruxit templum, prophetantibus aggaeo et
zacharia, atque dicentibus: manus zorobabel fundauerunt domum istam, et
manus eius complebunt eam. sed nos rectius dicimus et uerius, nec cyrum
aedificasse ciuitatem quae postea exstructa est sub neemia, nec omnes
uias eius fuisse directas. cui supra dictum est: assumpsi, et accinxi
te: et non cognouisti me; et zorobabel statum, qui sub nutu ac potestate
medorum fuit atque persarum, omnia quae dicuntur excedere. neque enim
zorobabel exstruxit ciuitatem, nec captiuitatem dimisit, nec rex
appellari potest, qui sub aliis uiuens regibus, hoc nomine caruit. quid
sibi autem uelint septuaginta, qui in principio huius capituli
transtulerunt: quid melius feci quam lutum figuli? numquid qui arat,
arabit terram? scire non ualeo: nisi forte theodotionis sequar
editionem, qui pro hoc posuit: uae ei qui contendit contra factorem
suum, arans arantes terram; quod scilicet uulneret in paenitentia corda
mortalium, et in morem sulcorum ea subruat atque subuertat. sed et haec
friuola interpretatio est. porro quod figulus, hoc est, creator noster
et factor appelletur deus, et apostolus paulus in epistola loquitur ad
romanos: numquid dicit figmentum ei qui se finxit; quid me fecisti sic?
an non habet potestatem figulus luti, ex eadem massa facere, aliud
quidem uas in honorem, aliud uero in contumeliam? et in hieremia
prolixius scribitur, qui narrat post cetera: descendi in domum figuli,
et ecce ipse faciebat opus in rota, et dissipatum est uas quod faciebat
in manibus suis. rursum que fecit ex eodem luto aliud uas, sicut placuit
in conspectu eius. et factus est sermo domini ad me dicens: si non
possum sicut iste figulus facere uos domus israel, dicit dominus? ecce
sicut lutum in manu figuli; sic uos estis in manibus meis domus israel.
illud que quod scriptum est: ego omnibus stellis praecepi, occasionem
quibusdam tribuit, quod astra rationalia sint, et animam sensum que
habeant. neque enim, aiunt, praeciperet, nisi intellegentibus. non
recordantes quod et in iona scriptum sit: praecepit dominus spiritui
comburenti. et rursum: praecepit uermi matutino. et quod in euangelio
saluator uentos et mare increpauerit, in quibus sensum atque rationem
non esse, perspicuum est.
haec dicit dominus: labor aegypti, et negotiatio aethiopiae, et
sabaim uiri sublimes ad te transibunt, et tui erunt. post te ambulabunt,
uincti manicis pergent; et te adorabunt, te que deprecabuntur. tantum
in te est deus, et non est absque te deus. uere tu es deus absconditus,
deus israel, saluator. confusi sunt, et erubuerunt omnes; simul abierunt
in confusionem fabricatores errorum. israel saluatus est in domino
salute aeterna; non confundemini, et non erubescetis usque in saeculum
saeculi. lxx: sic dicit dominus sabaoth: laborauit aegyptus, et
negotiatio aethiopum et sabaim. uiri excelsi ad te transibunt, et tui
erunt serui, et te sequentur uincti manicis, et transibunt ad te, et
adorabunt te, et in te orabunt, quoniam in te deus est, et non est deus
absque te. tu enim deus es, et nesciebamus. deus israel saluator;
confundantur et erubescant omnes aduersarii eius, et ambulent in
confusione. innouamini ad me insulae israel saluatur a domino salute
aeterna; non confundentur neque erubescent usque in aeternum. et in hoc
loco qui sequuntur historiam, dicunt aegyptum, et aethiopes gentes que
sabaim, quae trans aethiopiam sunt, seruisse cyro, et ei gentes ultimas
fuisse subiectas; atque ex mirabili intellexisse uictoria, quod in eo
esset deus, et non esset alius praeter eum qui in illo habitaret deus.
sed hoc quod sequitur: uere tu es deus absconditus, deus israel
saluator, quomodo possit cyri personae iungere, non intellego. nisi
forte theodotionis utantur editione, qui transtulit: in te est fortis,
et non est alius praeter eum deus; propterea tu fortis absconditus deus
israel saluator. quocumque se uerterint, non ualebunt laqueos ueritatis
effugere. fac enim esse in cyro deum, et non esse alium praeter eum qui
sit in cyro deus, quomodo cyri personae dici conueniet: uere tu es deus
absconditus, deus israel saluator? ergo deus in quo est deus, dominus
noster iesus christus rectius intellegitur et uerius, qui in euangelio
loquitur: ego et pater unum sumus. qui deus appellatur absconditus
propter assumpti corporis sacramentum, et deus israel saluator, quod
interpretatur iesus. hic enim iuxta angelum gabrielem saluabit populum
suum. confusi sunt et erubuerunt omnes simul: scribae uidelicet et
pharisaei. et abierunt in confusionem fabricatores erroris, qui in toto
mundo disseminauere mendacium, ut eum dicerent ab apostolis furto esse
sublatum. israel autem saluatus in domino salute aeterna, apostolorum
intellegitur chorus, et hi qui per apostolos crediderunt. unde dicitur
ad eos: non confundemini neque erubescetis, non solum in praesenti
saeculo, sed et in futuro. seruisse autem ei aegyptum et aethiopas et
sabaim, excelsos uiros atque sublimes, nemo dubitat, cum ei mundum
uideat esse subiectum, et ex paucarum nomine nationum, quae habitant in
extremis finibus terrae, cunctos caelorum cardines, et omnia terrae
litora ei creditura perspiciat. unde pulchre quasi laborantibus in
errore idololatriae, cessare labor aegypti nominatur. nulla enim gens
ita idololatriae dedita fuit, et tam innumerabilia portenta uenerata
est, quam aegyptus, de qua supra legimus: ecce dominus ascendet super
nubem leuem, et ingredietur aegyptum, et mouebuntur simulacra aegypti a
facie eius, et cor aegypti tabescet in medio eius. porro quod in
septuaginta additum est: innouamini ad me, insulae, sic exponere
possumus, ut dicamus ecclesias de gentibus congregatas innouari in
christo, appellari insulas, quod persecutorum rabiem procellas que
sustineant, et fundatae super petram, nulla turbinum mole quatiantur.
hebraei stulta contentione nituntur asserere, usque ad eum locum ubi
legitur: tantum in te est, deus, et non est absque te, deus, uel ad
hierusalem, uel ad cyrum dici. hoc autem quod sequitur: uere tu es deus
absconditus, deus israel saluator, subito ad omnipotentem deum
apostropham fieri, cum etiam stultis perspicuum sit, unum contextum esse
sermonis, nec posse sensum diuidi qui in ipso narrationis ordine et
ratione coniunctus est.
quia haec dicit dominus, creans caelos, ipse deus formans terram,
et faciens eam, ipse plastes eius; non in uanum creauit eam, ut
habitetur formauit illam. ego dominus, et non est alius. non in
abscondito locutus sum, in loco terrae tenebroso. non dixi semini iacob:
frustra quaerite me. ego dominus loquens iustitiam, annuntians recta.
congregamini, et uenite, et accedite simul, qui saluati estis ex
gentibus; nescierunt qui leuant lignum sculpturae suae; et rogant deum
non saluantem. annuntiate, et uenite, et consiliamini simul; quis
auditum fecit hoc ab initio, ex tunc praedixit illud? numquid non ego
dominus, et non est ultra deus absque me? deus iustus et saluans non est
praeter me. conuertimini ad me, et salui eritis, omnes fines terrae,
quia ego deus, et non est alius. in memetipso iuraui; egredietur de ore
meo iustitiae uerbum, et non reuertetur. quia mihi curuabunt omnia
genua, et iurabit omnis lingua. ergo in domino dicet: meae sunt
iustitiae et imperium; ad eum uenient, et confundentur omnes qui
repugnant ei.
sed hoc quod sequitur: uere tu es deus absconditus, deus israel
saluator, quomodo possit cyri personae iungere, non intellego. nisi
forte theodotionis utantur editione, qui transtulit: in te est fortis,
et non est alius praeter eum deus; propterea tu fortis absconditus deus
israel saluator. quocumque se uerterint, non ualebunt laqueos ueritatis
effugere. fac enim esse in cyro deum, et non esse alium praeter eum qui
sit in cyro deus, quomodo cyri personae dici conueniet: uere tu es deus
absconditus, deus israel saluator? ergo deus in quo est deus, dominus
noster iesus christus rectius intellegitur et uerius, qui in euangelio
loquitur: ego et pater unum sumus. qui deus appellatur absconditus
propter assumpti corporis sacramentum, et deus israel saluator, quod
interpretatur iesus. hic enim iuxta angelum gabrielem saluabit populum
suum. confusi sunt et erubuerunt omnes simul: scribae uidelicet et
pharisaei. et abierunt in confusionem fabricatores erroris, qui in toto
mundo disseminauere mendacium, ut eum dicerent ab apostolis furto esse
sublatum. israel autem saluatus in domino salute aeterna, apostolorum
intellegitur chorus, et hi qui per apostolos crediderunt. unde dicitur
ad eos: non confundemini neque erubescetis, non solum in praesenti
saeculo, sed et in futuro. seruisse autem ei aegyptum et aethiopas et
sabaim, excelsos uiros atque sublimes, nemo dubitat, cum ei mundum
uideat esse subiectum, et ex paucarum nomine nationum, quae habitant in
extremis finibus terrae, cunctos caelorum cardines, et omnia terrae
litora ei creditura perspiciat. unde pulchre quasi laborantibus in
errore idololatriae, cessare labor aegypti nominatur. nulla enim gens
ita idololatriae dedita fuit, et tam innumerabilia portenta uenerata
est, quam aegyptus, de qua supra legimus: ecce dominus ascendet super
nubem leuem, et ingredietur aegyptum, et mouebuntur simulacra aegypti a
facie eius, et cor aegypti tabescet in medio eius. porro quod in
septuaginta additum est: innouamini ad me, insulae, sic exponere
possumus, ut dicamus ecclesias de gentibus congregatas innouari in
christo, appellari insulas, quod persecutorum rabiem procellas que
sustineant, et fundatae super petram, nulla turbinum mole quatiantur.
hebraei stulta contentione nituntur asserere, usque ad eum locum ubi
legitur: tantum in te est, deus, et non est absque te, deus, uel ad
hierusalem, uel ad cyrum dici. hoc autem quod sequitur: uere tu es deus
absconditus, deus israel saluator, subito ad omnipotentem deum
apostropham fieri, cum etiam stultis perspicuum sit, unum contextum esse
sermonis, nec posse sensum diuidi qui in ipso narrationis ordine et
ratione coniunctus est. quia haec dicit dominus, creans caelos, ipse
deus formans terram, et faciens eam, ipse plastes eius; non in uanum
creauit eam, ut habitetur formauit illam. ego dominus, et non est alius.
non in abscondito locutus sum, in loco terrae tenebroso. non dixi
semini iacob: frustra quaerite me. ego dominus loquens iustitiam,
annuntians recta. congregamini, et uenite, et accedite simul, qui
saluati estis ex gentibus; nescierunt qui leuant lignum sculpturae suae;
et rogant deum non saluantem. annuntiate, et uenite, et consiliamini
simul; quis auditum fecit hoc ab initio, ex tunc praedixit illud?
numquid non ego dominus, et non est ultra deus absque me? deus iustus et
saluans non est praeter me. conuertimini ad me, et salui eritis, omnes
fines terrae, quia ego deus, et non est alius. in memetipso iuraui;
egredietur de ore meo iustitiae uerbum, et non reuertetur. quia mihi
curuabunt omnia genua, et iurabit omnis lingua. ergo in domino dicet:
meae sunt iustitiae et imperium; ad eum uenient, et confundentur omnes
qui repugnant ei.
filius enim non absque eo, sed in eo deus est. pulchre que iungit: deus
iustus, nequaquam unius gentis, sed uniuersi mundi, cui loquitur:
conuertimini ad me, et salui eritis, omnes fines terrae; impleto illo
quod pater filio repromisit: postula a me, et dabo tibi gentes
hereditatem tuam, et possessionem tuam terminos terrae. iurat que per
semetipsum, quoniam sententia oris sui, et uerbum quod semel protulit
super salute gentium, nequaquam irritum fiat; sed repromissio eius opere
compleatur, dicentis supra: conuertimini ad me, et salui eritis, omnes
fines terrae. iurat autem secundum apostolum, ut per duas res immobiles,
in quibus impossibile est mentiri deum, firmam consolationem habeamus;
sed et hoc iurat, quod idolis derelictis, omne genu ei flectatur,
caelestium, terrestrium, et infernorum, et omnis per illum iuret lingua
mortalium. in quo perspicue significatur populus christianus. moris est
enim ecclesiastici christo genu flectere, quod iudaei, mentis superbiam
demonstrantes, omnino non faciunt. sed et omnis lingua cunctarum gentium
barbararum, non in synagogis, sed in christi ecclesiis confitetur deum.
omnis autem lingua christum confitens, in domino loquetur, et dicet:
meae sunt iustitiae, et meum est imperium, non populi iudaeorum. ad eum
cunctae gentes uenient, et confundentur qui prius illius euangelio
repugnabant; et iustificabitur atque laudabitur omne semen israel,
quorum praedicatio et sementis fertilissima in toto orbe uberrimos
attulit fructus. siue iuxta septuaginta omnis lingua iurans et confitens
deum, dicet quod iustitia et gloria totius orbis ad eum ueniat, et
confundantur iudaei, qui se ab eo separant. hi autem qui de stirpe
filiorum israel orti sunt, et qui de apostolorum semine pullulauerunt,
et crediderunt in christo, habeant iustitiam et gloriam sempiternam.
46. confractus est bel, contritus est nabo; facta sunt simulacra
eorum bestiis et iumentis, onera uestra graui pondere usque ad
lassitudinem. contabuerunt, et contrita sunt simul. non potuerunt
saluare portantem, et anima eorum in captiuitatem ibit. lxx: cecidit
bel, contritus est dagon; facta sunt sculptilia eorum in bestias et
iumenta, portatis ea colligata quasi onus laboranti, et deficienti, et
esurienti, nec praeualenti simul, qui non poterunt saluare de bello;
ipsi autem captiui ducti sunt. consequenter post uocationem gentium, et
electionem credentium ex israel, idola corruisse testatur. cecidit, siue
confractus est bel, quem graeci belum, latini saturnum uocant. cuius
tanta fuit apud ueteres religio, ut ei non solum humanas hostias
captiuorum ignobilium que mortalium, sed et suos liberos immolarent.
nabo autem et ipsum idolum est, quod interpretatur prophetia et
diuinatio, quam post euangelii ueritatem in toto orbe conticuisse
significat. siue, iuxta lxx, dagon, qui tamen in hebraico non habetur.
et est idolum ascalonis, gazae, et reliquarum urbium philisthiim. et a
speciali transit ad generale: facta sunt simulacra eorum bestiis et
iumentis. non quo simulacra gentilium in praedam bestiarum et iumentorum
exposita sint, sed quo religio nationum, simulacra sint bestiarum, et
brutorum animantium, quae maxime in aegypto diuino cultui consecrata
sunt. de quibus uergilius:
omnigenum que deum monstra, et latrator anubis.
nam et pleraque oppida eorum ex bestiis et iumentis habent nomina,
kun�n~g a cane, le�n~g a leone; thmouis~g lingua aegyptia ab hirco,
luk�n~g a lupo, ut taceam de formidoloso et horribili cepe, et crepitu
uentris inflati, quae pelusiaca religio est. haec, inquit, simulacra
quae non possunt saluare portantes, nihil sunt aliud nisi onera
sacerdotum, deprimentia eos usque ad lassitudinem. quae cum captiuitas
uenerit, pro pretio metallorum, de quibus facta sunt, ducuntur prima
captiua, et animam suam siue portantium, liberare non possunt. non quo
muta simulacra habeant animam et aliquem sensum doloris, quae
insensibilia sunt. sed quo katachr�stik�s~g uocetur anima, et membra
earum rerum quae absque sensu et membris sunt. alioquin et in prouerbiis
legitur: in manu linguae mors et uita, cum perspicue manum lingua non
habeat.
uel hoc dicendum, quod grauissimum onus in gentibus, error fuerit
idololatriae, quae cultores suos deprimebat ad terram, et saluare non
poterat, animas que eorum faciebat diabolo et daemonibus esse captiuas.
audite me, domus iacob, et omne residuum domus israel, qui
portamini a meo utero, qui gestamini a mea uulua. usque ad senectam ego
ipse, et usque ad canos ego portabo; ego feci, et ego feram. ego
portabo, et saluabo. cui assimilastis me, et adaequastis et comparastis
me, et fecistis similem? qui confertis aurum de sacculo, et argentum
statera ponderatis, conducentes aurificem, ut faciat deum. et procidunt
et adorant. portant illum in humeris, gestantes et ponentes in loco suo,
et stabit, ac de loco suo non mouebitur. sed cum clamauerint ad eum,
non audiet; de tribulatione non saluabit eos. lxx: audite me, domus
iacob, et omnes reliquiae israel qui portamini de utero, et erudimini a
paruulo usque ad senectutem. ego sum, et donec senescatis ego sum. ego
sustineo uos; ego feci et ego dimittam et ego suscipiam, et saluos uos
faciam. cui assimilastis me? uidete, excogitate qui erratis et confertis
aurum de sacculo, et argentum in statera appenditis, et conducitis
aurificem. fecerunt opera manuum, et incuruati adorauerunt; portant
illud in humeris, et uadunt. si autem posuerint illud in loco suo,
manet, et non mouebitur; et qui clamauerit ad illud, non audiet, et de
malis non liberabit eum. nequaquam eum appellat iacob, nec israel, quod
et ipsum absque coniunctione serui et pueri et electi in sugillationem
populi dici supra exposuimus. sed multo uilius, domus iacob, et
reliquias israel, ob propinquitatem carnis et sanguinis, et quasi faeces
reliquiarum israel. docet que eos instar puerorum atque lactentium, ita
a deo, quasi matris utero, et uulua praegnantis, ex aegypto esse
portatos. non quo ineffabilis dei incomprehensibilis que maiestas, aut
uterum habeat, aut uuluam, pedes que, et manus, et cetera corporis
membra; sed quo nos affectum dei per nostra uerba discamus. alioquin et
in centesimo nono psalmo ex persona dei hoc idem canitur. in eo enim
loco ubi septuaginta transtulerunt: ex utero ante luciferum genui te, in
hebraeo scriptum habet merehem, quod interpretatur: de uulua. in
praesentiarum uero non solum de utero et de uulua scriptum est, hoc est
mebeten et merehem, sed menni quae praepositio significat ex meo utero,
siue ex mea uulua. et est sensus: qui uos genui ab infantia, et meo
utero uulua que gestaui, ipse usque ad senectutem protegam, non meam,
sed uestram, ut eos doceat diuina misericordia esse saluandos. creator
enim omnium parcit creaturae suae, et pastor bonus ponit animam suam pro
ouibus suis. qui autem mercennarius est, cuius non sunt oues, cum
uiderit lupum, fugit. quia igitur feci et genui liberos, ego feram et
ipse portabo. iuxta septuaginta qui dixerunt: qui portamini ex utero, et
erudimini ab infantia usque ad senectutem, hoc significat, quod frustra
legem dei die ac nocte meditentur, non habentes notitiam dei, sed
hominum ac bestiarum simulacra uenerantes. intantum ut correptione
indigeant prophetali, per quam loquitur ad eos deus: cui assimilastis
me, et adaequastis? et reliqua, quod aurum argentum que contulerint, et
conducto statuario fecerint idola, et adorauerint opera manuum suarum,
quae portentur humeris, et confixa atque stabilita se non ualeant
commouere, nec prodesse his a quibus coluntur. manifesta transcurrimus,
ut christi misericordia clausa reseremus.
mementote istud, et fundamini, et redite, praeuaricatores, ad
cor. recordamini prioris saeculi, quoniam ego sum deus, et non est ultra
deus, nec est similis mei. annuntians ab exordio nouissima, et ab
initio quae necdum facta sunt, dicens: consilium meum stabit, et omnis
uoluntas mea fiet. uocans ab oriente auem, et de terra longinqua uirum
uoluntatis meae; et locutus sum, et adducam illud, creaui et faciam
illud. lxx: mementote horum, et ingemiscite: agite paenitentiam qui
erratis. reuertimini corde, et mementote priorum a saeculo, quoniam ego
sum deus, et non est ultra praeter me. qui annuntio prius nouissima
antequam fiant et compleantur, et dixi, omnis uoluntas mea stabit, et
cuncta quae cogitaui faciam. qui uoco ab oriente auem, et de terra
longinqua, de quibus cogitaui: locutus sum, et adduxi; creaui et feci.
quia uos ipse genui, ipse portaui, et ab infantia usque ad senectutem,
non uestro merito, sed mea pietate saluamini; deserite idola quae
fecistis, et ad unius dei cultum reuertimini. agite paenitentiam,
ingemiscite pro errore qui uos tenuit; immo fundamini, ne rursum subitus
idololatriae uos turbo subuertat; et redite ad cor, id est, ad mentem
uestram, qui simulacra uenerantes uelut furiosi in ligna impingebatis et
lapides. ab initio considerate mundi, quod praeter me nullus sit deus,
nec alius potuerit scire uentura, nisi ego qui per prophetas nuntio quae
facturus sum, ut cum praedicta compleuero, diuinatione probem
diuinitatem. ego enim mysterium quod retro cunctis generationibus fuerat
ignoratum, immo consilium meum staturum esse nunc dico; ut cum illud
uideritis effectum, nullum sciatis deum, nisi eum qui haec futura
cognouit, immo praecepit fieri. ego sum qui ab oriente uoco auem, ut
putant hebraei, cyrum regem persarum, siue darium medorum principem; et
de terra longinqua uirum uoluntatis meae, qui expleat omnem uoluntatem
meam contra babylonem atque chaldaeos. siue ut nos uerum esse
conuincimus, dominum saluatorem, de quo et balaam uaticinatur: orietur
stella ex iacob, et homo ex israel, cuius nomen est oriens, quem
adorauerunt magi de oriente uenientes. hic enim loquitur in psalmis:
deus ut faciam uoluntatem tuam uolui, de quo locutus est pater. et
sponsionem suam opere comprobauit. lxx, pro eo quod nos de hebraeo
expressimus, uirum uoluntatis meae, posuerunt; de quibus cogitaui. ergo
iuxta eos uocatas de oriente aues, angelorum possumus intellegere
ministeria, quae ad imperium domini in toto orbe discurrunt; qui sunt
administratorii spiritus, et mittuntur ob salutem credentium. de quibus
et in psalmo canitur: qui facis angelos tuos spiritus, et ministros tuos
ignem urentem.
audite me, duro corde, qui longe estis a iustitia. prope feci
iustitiam meam, non elongabitur, et salus mea non morabitur. dabo in
sion salutem, et in israel gloriam meam. lxx: audite me qui perdidistis
cor, qui longe estis a iustitia. adduxi iustitiam meam, et salutem quae a
me est, tardare non faciam. dedi in sion salutem israel et gloriam.
quibus supra dixerat: audite me, domus iacob, et omne residuum domus
israel. et iterum: redite, praeuaricatores, ad cor, etiam nunc iuxta
hebraicum propter incredulitatem appellat eos duro corde, et iuxta
septuaginta, qui cor mentem que perdiderunt. quod secutus uir
eruditissimus, et dignus nomine suo stephanus martyr in iudaeorum
loquitur concione: dura ceruice et incircumcisi cordibus auribus que,
uos semper spiritui sancto restitistis, sicut patres uestri. hi igitur
longe sunt a iustitia dei, quia non crediderunt in eam, quam pro sua
clementia deus fecit esse uicinam, et uenire ad terras, et nequaquam
uult tardare nec procul fieri. dedit enim sion salutare suum, et israel
gloriam suam.
hoc de uaticinio dictum sit futurorum, et de aduentu domini saluatoris.
ceterum iuxta historiam datur sion salus, et israel gloria; quoniam deus
prope fecit suam esse iustitiam, ut uocaret ab oriente auem, et de
terra longinqua uirum uoluntatis suae, qui israelis et subuersae
hierusalem ulcisceretur iniurias, et medis persis que superantibus,
babylonem chaldaeos que deleret, sicut sequentia prophetae uerba
testantur.
47. descende, sede in puluere, uirgo filia babylonis. sede in
terra, non est solium filiae chaldaeorum, quia ultra non uocaberis
mollis et tenera. tolle molam, et mole farinam; denuda turpitudinem
tuam, discooperi humerum, reuela crura, transi flumina. reuelabitur
ignominia tua, et uidebitur opprobrium tuum. ultionem capiam, et non
resistet mihi homo. lxx: descende, sede super terram, uirgo filia
babylonis, sede in terram. non est solium filiae chaldaeorum, quoniam
nequaquam ultra uocaberis mollis et tenera. tolle molam, mole farinam.
reuela operimentum tuum, denuda canos, discooperi tibias, transi
flumina; reuelabitur ignominia tua, apparebunt opprobria tua. quod
iustum est de te auferam, nequaquam ultra tradam hominibus. quomodo in
hiezechiele sub figura nauis et omnis instrumenti eius, tyri ornatus
exponitur, quae negotiationibus dedita est, et propter aquarum
abundantiam rex aegypti draco appellatur, et squamae illius iuncus que
ac papyrus et pisciculi describuntur, et hierusalem cum idolis
fornicationem scortorum ac lupanaris similitudo testatur. sic in
praesenti loco sub persona captiuae mulieris, quae quondam regina
fuerit, babylonis seruitus indicatur, dicitur que ei ut descendat de
regni superbia, et in puluere sedeat. uirgo autem appellatur et filia,
uel quia omnes homines creatura dei sumus; nec est babylonis iuxta
haereticos natura damnabilis. uel ob luxuriam et ornatum urbis quondam
potentissimae, quae cum senuisset, et uicina esset occasui, uirgunculam,
et puellam se esse iactabat. licet ex eo quod iuxta lxx scriptum est:
filia babylonis, non ipsam babylonem quidam, sed romanam urbem
interpretentur, quae et in apocalypsi ioannis et in epistola petri,
babylon specialiter appellatur, et cuncta quae nunc ad babylonem
dicuntur, illius ruinae conuenire testentur, contra quem uocanda sit
auis, dei que iustitia, ut postquam sion, id est, ecclesia saluata
fuerit, illa pereat in aeternum. dicitur ergo babyloni reginae et filiae
chaldaeorum, a chaldaeis enim condita est, quod nequaquam ultra uocetur
mollis et tenera et deliciis affluens, quae cunctarum gentium manibus
portabatur. ita ut terrae plantas uix imprimeret, praecipitur que ei ut
tollat molam, et molat farinam, quod est durae captiuitatis, et extremae
seruitutis indicium; ut quae quondam regina fuerat, postea molendae
farinae operi seruiat. sed quia sequitur: denuda turpitudinem tuam,
etiam mola ab hebraeis figuraliter intellegitur, quod scilicet in morem
scorti uictorum libidini pateat. illud que quod in iudicum libro de
samson scribitur, ad molam eum a philisthiim esse damnatum, hoc
significare uolunt, quod pro sobole robustissimus uirorum hoc in
allophylas mulieres facere sit compulsus. in eo ubi nos interpretati
sumus: denuda turpitudinem tuam, pro quo lxx transtulerunt: reuela
operimentum; theodotio ipsum uerbum hebraicum posuit samthech; aquila
semmatech; symmachus to~g si�p�lon~g sou~g; quod nos exprimere possumus
taciturnitatem tuam, quod taceri debeat prae uerecundia. quod quidem et
in cantico legimus canticorum, ubi sponsae pulchritudo describitur. ad
extremum infert: absque taciturnitate tua, nolentibus qui interpretati
sunt transferre nomen, quod in sancta scriptura sonaret turpitudinem.
recte que contra babylonem inuerecundis utitur nominibus, licet nulla
sit turpitudo, humani corporis membrum uocare nomine suo, cui
praecipitur ut nudet pectora. et crura ac femina aperiat, et uadat in
captiuitatem, uideatur que ignominia eius, et opprobrio pateat
sempiterno. et hoc dominus fecisse se dicit, ut ultionem caperet de ea,
quae oppressit populum suum, et nullum pro ea audiat precatorem, qui
iram domini suo lenire conetur occursu. significat autem angelum gentis
babyloniae praesidem, qui cum ceteris angelis loquitur: curauimus
babylonem, et non est curata. quod autem septuaginta transtulerunt: quod
iustum est de te auferam, nequaquam ultra tradam hominibus, subauditur
babylonem; uel certe hoc quod iustum est, et ablatum de babylone.
disputant stoici, multa re turpia, praua hominum consuetudine, uerbis
honesta esse, ut parricidium, adulterium, homicidium, incestum, et
cetera his similia.
rursum que re honesta, nominibus uideri turpia, ut liberos procreare,
inflationem uentris crepitu digerere, aluum releuare stercore, uesicam
urinae effusione laxare. denique non posse nos, ut dicimus, a ruta
rutulam, sic hupokoristikon~g mentae facere. ergo semmathech, quod
aquila posuit, ut diximus, uerenda mulieris appellantur. cuius
etymologia apud eos sonat: sitiens tuus; ut inexpletam babylonis indicet
uoluptatem.
redemptor noster dominus exercituum, nomen illius, sanctus
israel. sede tacens, et intra in tenebras, filia chaldaeorum; quia non
uocaberis ultra domina regnorum, iratus sum super populum meum,
contaminaui hereditatem meam, et dedi eos in manu tua; non posuisti eis
misericordias. super senem aggrauasti iugum tuum ualde, et dixisti, in
sempiternum ero domina; non posuisti haec super cor tuum, neque
recordata es nouissimi tui. lxx: qui eruit te dominus sabaoth, nomen
eius, sanctus israel. sede compuncta, ingredere in tenebras, filia
chaldaeorum; nequaquam ultra uocaberis fortitudo regni. iratus sum
contra populum meum, contaminaui hereditatem meam. ego dedi eos in manum
tuam, tu uero non dedisti eis misericordiam. seni aggrauasti iugum
ualde, et dixisti, in aeternum ero domina; non intellexisti haec in
corde tuo, neque recordata es nouissimorum. primus uersus iuxta
septuaginta cum superioribus copulatur, ut sit sensus: haec et haec
faciet qui eruit te dominus sabaoth, nomen eius sanctus israel. porro
iuxta hebraicum, ex persona populi propheta loquitur, quod haec fecerit
contra babylonem dominus exercituum, cuius nomen sit sanctus israel.
rursum que ad ipsam babylonem sermo dirigitur. sede tacens, siue
compuncta, et tuorum criminum recordare. ingredere tenebras: quia prae
confusione et ignominia lucem ferre non sustines; nequaquam uocaberis,
non unius regni, sed nec omnium regnorum domina. simul que quia occulta
quaestio nascebatur. cur irasceretur deus aduersus chaldaeos, quos ipse
misit ad capiendum israel; respondit, iratum se contra populum suum,
corripere eos uoluisse, non perdere, uerberare, non occidere. illos
autem abusos esse crudelitate sua, et plus imposuisse plagarum quam dei
ultio flagitabat, magnum que babyloniae crudelitatis indicium est, ne
senibus quidem pepercisse, quorum aetas etiam inter hostes uenerabilis
est. sed et hoc signum superbiae, quod praesenti felicitate decepta,
futurorum non cogitarit ambigua. ergo semper in prosperis debemus cauere
uentura, nec traditos nobis opprimere, qui ad hoc erudiuntur, ut
meliores fiant.
et nunc audi haec delicata et habitans confidenter, quae dicis in
corde tuo: ego sum, et non est praeter me amplius. non sedebo uidua, et
ignorabo sterilitatem. uenient tibi duo haec subito in die una,
sterilitas et uiduitas. uniuersa uenerunt super te, propter multitudinem
maleficiorum tuorum, et propter duritiam incantatorum tuorum
uehementer. et fiduciam habuisti in malitia tua, et dixisti: non est qui
uideat me; sapientia tua et scientia tua haec decepit te, et dixisti in
corde tuo: ego sum, et praeter me non est altera. ueniet super te
malum, et nescies ortum eius, et irruet super te calamitas, quam non
poteris expiare, ueniet super te repente miseria, quam nescies. duo
simul ueniunt babyloni, sterilitas et uiduitas, ut nec filios habeat, id
est, subiectos sibi populos; nec uirum, quem regem possumus
intellegere, quae dum non sperat, repente sustinuit. neque enim poterat
arbitrari quod persae, nullius ante fortitudinis, eam, cyro regnante,
superarent, et suae subicerent potestati.
quae perpessa es, inquit, non solum propter superbiam et abundantiam
cunctarum opum atque delicias, sed et propter multitudinem maleficiorum
tuorum, et incantatorum tuorum, in quibus habuisti fiduciam. et ueniet
super te malum quod antea nesciebas, et cuius ignorabas ortum. siue ut
septuaginta transtulerunt: ueniet super te perditio, et nescies; fouea,
et incides in eam; ut quae cunctis gentibus parabas captiuitatis malum,
ipsa incidas in foueam quam parasti. quae perspicua sunt, cito sermone
transcurrimus.
sta cum incantatoribus tuis, et cum multitudine maleficiorum
tuorum, in quibus laborasti ab adolescentia tua, si forte quid prosit
tibi, aut si possis fieri fortior. defecisti in multitudine consiliorum
tuorum; stent et saluent te augures caeli, qui contemplabantur sidera,
et supputabant menses, ut ex eis annuntiarent uentura tibi. ecce facti
sunt quasi stipula, ignis combussit eos; non liberabunt animam suam de
manu flammae; non sunt prunae quibus calefiant, nec focus ut sedeant ad
eum. sic facta sunt tibi in quibuscumque laboraueras; negotiatores tui
ab adolescentia tua unusquisque in uia sua errauerunt: non est qui
saluet te. lxx: sta nunc in incantationibus tuis et in multis maleficiis
tuis, quae discebas ab adolescentia tua, si prodesse tibi possent. et
laborasti in consiliis tuis; stent et saluam te faciant astrologi caeli,
qui contemplantur stellas; annuntient tibi quid uenturum sit super te.
ecce omnes quasi phrygana in igne comburentur; et non eruent animam suam
de flamma, quia habes carbones ignis, sedebis super eos. hi erunt tibi
in adiutorium. laborasti in commutatione tua ab adolescentia. homo in
semetipso errauit; tibi autem non erit salus. habuisse babylonem omnem
que chaldaeam, incantatorum et augurum, et hariolorum et gazarenorum
studium, quos nos aruspices appellamus, danielis prophetae lectio
probat, qui ad eorum consilium, cuncta reges babylonios fecisse
commemorat. pro eo quoque quod nos iuxta symmachum et theodotionem
interpretati sumus: stent et saluent te augures caeli, septuaginta
manifestius transtulerunt: stent et saluam te faciant astrologi caeli;
qui uulgo appellantur mathematici, et ex astrorum cursu lapsu que
siderum, res humanas regi arbitrantur. unde et magi de oriente uenerunt,
domini stellam se uidisse dicentes, uel ex artis scientia, uel ex
uaticinio balaam prophetae sui, qui in numeris dixerat: orietur stella
ex iacob, et homo de israel. isti igitur qui supputant menses, annos que
dinumerant, et horarum momenta librantes, futurorum scientiam
pollicentur, dicant tibi quid super te dominus cogitauerit, illis que
tacentibus, quid uenturum sit, propheta respondit: ecce facti sunt quasi
stipula, ignis deuorauit eos; ut qui salutem aliis promittebant, sua
ignorarent supplicia. nec dubium quin, ardente urbe, habitatores eius
uorax flamma consumpserit. quod que sequitur: non sunt prunae quibus
calefiant, nec focus ut sedeant ad eum, sic hebraei edisserunt. nullam
habent caloris scientiam, nec illuminantem sensum, qui eorum tenebras
possit discutere, et frigus erroris expellere. pro quo nescio quid
uolentes septuaginta transtulerunt: habes carbones ignis, sedebis super
eos; hi erunt tibi in adiutorium; nisi forte possumus hoc dicere, quod
multo utilior sit ignis et incendium babyloni, quam fuerunt magi et
gazareni, astrologi et incantatores. hic enim eos per poenas atque
supplicia ad paenitentiam prouocat; illi per errorem ducunt ad
superbiam. omnis labor eius et negotiatores illius, quos magos
intellegimus, hoc profecit, ut unusquisque sua erraret uia; et ipse
perditus salutem alteri non praeberet. interrogemus eos qui diuersas
asserunt esse naturas, utrum babylon malae naturae sit, an bonae? si
malae dixerint, quod eos responsuros esse non dubium est, quomodo
prouocatur ad paenitentiam, et dicitur ei: sede compuncta, intra in
tenebras, filia chaldaeorum. ac deinceps post enumerationem peccatorum
et criminum: habes carbones ignis, sedebis super eos: hi erunt tibi in
adiutorium? et quid sibi uelit quod infertur iuxta eosdem septuaginta:
laborasti in commutatione ab adolescentia? quae est ista commutatio?
utique de bono in malum. ex quo perspicuum est, natura bonos, uoluntate
malos fieri.
denique infertur: homo in semetipso errauit, non natura, sed mentis
arbitrio.
48. audite haec, domus iacob, qui uocamini nomine israel, et de
aquis iuda existis. qui iurastis in nomine domini, et dei israel
recordamini, non in ueritate neque in iustitia. de ciuitate enim sancta
uocati sunt; et super dominum israel constabiliti sunt: dominus
exercituum nomen eius. haec chaldaeis et babyloniis uentura praedixi, et
necesse est quod per prophetas meos locutus sum, rebus expleri. tu
autem, domus iacob, et qui uocamini nomine israel, et qui de aqua iuda
existis, et cetera quae sequuntur, audi attentius quae dicturus sum. et
notandum quod nequaquam eos appellet iacob, sed domum iacob; nec israel,
qui hoc falso appellantur nomine, cum opus non habeant nominis. et de
aquis, inquit, iuda existis, semnoter�s~g, aquas uocans pro semine, ut
nequaquam eos uirtutum patriarcharum filios ostenderet esse, sed
carnium. et recte aquas iuda appellauit, quia sola tunc in terra iudaea
adhuc permanebat tribus; et semen dauid illo tempore regium seruabatur.
qui, inquit, iurastis in nomine domini, non ut honoretis deum; sed ut
assumpto nomine faciatis iniuriam, dum eum testem uestri uultis esse
mendacii, et requiescitis in sancta ciuitate, et super dominum israel
innitimini; ut iactetis habitatores uos esse urbis hierusalem, et domini
sabaoth habere priuilegium, cum cassa iacob et israel, urbis sanctae et
dei omnipotentis assumatis uocabula.
priora ex tunc annuntiaui, et ex ore meo exierunt, et audita feci
ea: repente operatus sum, et uenerunt. sciui enim quia durus es tu, et
neruus ferreus ceruix tua, et frons tua aenea. praedixi tibi ex tunc;
antequam uenirent, indicaui tibi, ne forte diceres: idola mea fecerunt
haec, et sculptilia mea, conflatilia mandauerunt ista. quae audisti,
uide omnia. uos autem non annuntiastis. audita feci tibi noua ex tunc;
et conseruata quae nescis: modo creata sunt, et non ex tunc. et ante
diem, et non audisti ea, ne forte dicas: ecce cognoui ea. neque audisti,
neque cognouisti, neque ex tunc aperta est auris tua; scio enim, quia
praeuaricans praeuaricaberis, et transgressorem ex uentre uocaui te.
propter nomen meum longe faciam furorem meum; et laude mea infrenabo te,
ne intereas. ecce excoxi te, sed non quasi argentum; elegi te in camino
paupertatis. propter me, propter me faciam, ut non blasphemer; et
gloriam meam alteri non dabo. lxx: priora adhuc annuntiaui: et de ore
meo egressa sunt. et auditum factum est; subito feci, et uenerunt, scio
quia durus es. et neruus ferreus collum tuum, et frons tua aenea; et
annuntiaui tibi olim antequam uenirent super te. auditum tibi feci, ne
forte diceres, quia idola mea fecerunt, sculptilia et conflatilia
mandauerunt mihi. audistis omnia, et uos non cognouistis; sed audita
tibi feci noua ex nunc quae futura sunt. et non dixisti, nunc fiunt, et
non olim; et non in prioribus diebus. ne dicas etiam noui ea; neque
nosti, neque scis, neque a principio aperui aures tuas. scio enim
quoniam praeuaricans praeuaricaberis; et iniquus adhuc ex utero
uocaberis. propter nomen meum ostendam tibi furorem meum; et gloriosa
mea inferam super te, ut non te interficiam.
ecce uendidi te non propter argentum: erui autem te de fornace
paupertatis; propter me faciam, quia nomen meum polluitur et gloriam
meam alteri non dabo. praedico tibi babylonios a medis persis que
superandos, et repente faciam quod minatus sum, ne cum uenerint quae
praedicta sunt, uel deorum nutu quos colis, uel fortuito ea aestimes
accidisse. nec iacto scientiam futurorum, sed ob incredulitatem tuam
loquor, cuius cor incredulum et ceruicem ferream et frontem aeneam ab
initio esse cognoui. ecce audisti omnia quae uentura sunt, et tamen
celas silentio ueritatem. nec narro praeterita, in quibus saepe mea
potentia comprobata est, quomodo eduxerim populum de aegypto, aegyptios
in mari submerserim rubro, terram repromissionis tradiderim, gentes
uobis uarias subiugarim. sed noua quae contra babylonem facturus sum,
nuntio, ut impudens oris tui mendacium confutetur, qui te asseris scire
quae nescis. ab initio enim meorum praeuaricator es mandatorum; et de
uentre transgressorem uocauit te deus, quando de aegypto liberatus,
quasi meo uentre conceptus es, et educatus, et eruditus. caput bouis
aegypti desiderasti, dicens: hi sunt dii tui, israel, qui te eduxerunt
de terra aegypti. non igitur tuo merito, sed mea misericordia furorem
meum distuli, ne penitus interires, et ob laudem nominis mei infrenabo
te, ut me quasi iumentum et in frenis equus sequaris inuitus. ecce
excoxi te, id est, probaui, quomodo conflatur argentum. siue non in
diuitiis, sed in fornace paupertatis probare te uolui. ex quo ostenditur
et diuitiis et paupertate plerosque temptari, si aut illis male
abutantur, aut penuriam nequaquam uirtute sustineant. propter me ergo
faciam, ne blasphemetur nomen meum in gentibus, et putent uos non mea
ira, sed idolorum suorum auxilio esse superatos. quod que infert,
gloriam meam alteri non dabo, hoc significat, ne idola putentur
oppressisse populum dei. uel certe cum dicit, alteri non dabo, ostendit
se alteri iam dedisse, alteri enim ad distinctionem prioris dicitur.
plerique nostrorum, ut iuxta lxx interpretes pauca perstringam, de
christi aduentu autumant prophetari, quod repente ueniat insperatus, et
durissimo populo sui monstret praesentiam; cui numquam deus aures
aperuerit, quia incrassatum fuerit cor eius, et auribus suis grauiter
audierint. statim que ut dominus a uirginali uentre profusus est,
transgressor et iniquus sit appellatus, quaerens eum interficere. quod
que iungit: propter nomen meum ostendam tibi furorem meum, et gloriosa
mea inducam super te, sensu abutitur apostoli, siue apostolus paulus de
hoc loco sumit testimonium, ut reueletur ira dei ad terrendos eos qui
peccant, et postea conuersis gloria praebeatur: ecce, ait, uendidi te
non in pecunia, sed uendidi in peccatis tuis; et erui te de fornace
paupertatis. propter quod et salomon diuitias et paupertatem habere non
uult, sed tantum necessaria postulat, ne aut illis eleuetur cor eius in
superbiam, aut in ista compellatur facere quod non uult, et deum pressus
inopia blasphemare. unde et apostolus: habentes, inquit, uictum et
uestitum, his contenti sumus.
audi me, iacob et israel, quem ego uoco. ego ipse ego primus, et
ego nouissimus. manus quoque mea fundauit terram, et dextera mea mensa
est caelos. ego uocaui eos, et stabunt simul. congregamini omnes uos et
audite: quis ex eis annuntiauit haec? dominus dilexit eum: faciet
uoluntatem suam in babylone et brachium suum in chaldaeis. ego ego
locutus sum et uocaui eum: adduxi eum, et directa est uia eius. accedite
ad me, et audite hoc; non a principio in abscondito locutus sum; ex
tempore antequam fieret, ibi eram. et nunc dominus deus misit me, et
spiritus eius. lxx: audi me, iacob et israel, quem ego uoco.
ego sum primus, et ego in sempiternum. et manus mea fundauit terram, et
dextera mea firmauit caelum. uocabo eos, et stabunt simul et
congregabuntur omnes, et audient: quis adnuntiauit haec? diligens te,
feci uoluntatem tuam super babylonem, ut auferrem semen chaldaeorum. ego
locutus sum et ego uocaui. adduxi eum et prosperam feci uiam eius.
adducite ad me, et audite haec: non a principio in abscondito locutus
sum; quando fiebat, ibi eram. et nunc dominus deus misit me, et spiritus
eius. quibus ante iam dixerat: audite hoc, domus iacob, qui uocamini
nomine israel, et de aquis iuda existis; nunc ad eosdem loquitur: audi
me, iacob et israel, quem ego uoco. multi enim uocati, et pauci electi.
unde non eos electos, quia necdum receperant saluatorem; sed uocatos
nuncupat. ego sum, inquit a~g et �~g, primus et nouissimus, qui uiuo, et
fui mortuus; ut uitam ad principium referas, nouissimum ad eum, qui
mortuus est. qui se exinaniuit formam serui accipiens, et factus
oboediens patri, humiliauit se usque ad mortem, et mortem crucis. manus
mea fundauit terram (unde et in prouerbiis dicitur: deus sapientia sua
fundauit terram, et dextera illius mensa est) siue firmauit caelos uel
caelum, ut lxx transtulerunt. uocat autem caelos, ut eius pareant
iussioni, et enarrent gloriam illius. si autem caeli oboediunt domini
uoluntati, et suo currunt ordine; quid gloriatur terra et cinis, et
ignorat fragilitatem suam? congregamini omnes uos, et audite, uel caeli,
uel uniuersa creatura, uel omnis multitudo israel. quae sunt quae
iubentur audire? quod dominus dilexerit eum, haud dubium quin cyrum
darium que significet, qui fecit uoluntatem domini contra babylonem, et
brachium suum exercuit in chaldaeis. et ipse locutus est et uocauit eum
nomine suo, et adduxit eum, et directa est uia eius, ut nullus uiribus
eius auderet resistere. unde prouocat eos ut accedant et audiant, et
domino praedicente cognoscant uenturum esse regem persarum atque
medorum, qui subruat babylonem, deleat que chaldaeos. et ut haec
annuntiet, dicit se propheta missum a domino et spiritu eius. hoc iuxta
hebraeos et eorum opinionem. ceterum iuxta symmachum, qui interpretatus
est: quis ei annuntiauit haec? quem dominus dilexit, qui facit
uoluntatem eius in babylone. et iuxta septuaginta: ut auferat semen
chaldaeorum, ad domini personam refertur, qui uere dilectus a patre est;
et qui fecit omnem uoluntatem patris; et qui subuertit in babylone, hoc
est, in confusione huius mundi omnem semen chaldaeorum, qui daemones
interpretantur. ipse locutus est, et audiuit filium, et adduxit illum,
qui loquitur ad credentes: uenite ad me omnes qui laboratis et onerati
estis. et audite haec quae a principio in abscondito sum locutus, hoc
est per aenigmata et mysteria prophetarum, quod cunctis retro
generationibus fuerat ignoratum. quando fiebant omnia a patre, ipse erat
cum eo, cui adgaudebat, qui etiam nunc dicit: ego qui semper eram cum
patre, et in patre, et sine patre numquam eram, etiam nunc loquor. et
iuxta fragilitatem carnis assumptae dico, quod dominus deus miserit me,
et spiritus eius, breui que uersiculo, trinitatis nobis ostenditur
sacramentum.
haec dicit dominus, redemptor tuus sanctus israel: ego dominus
deus tuus docens te utilia, gubernans te in uia qua ambulas.
utinam attendisses mandata mea, facta fuisset sicut flumen pax tua, et
iustitia tua sicut gurgites maris. et fuisset sicut arena semen tuum, et
stirps uteri tui ut lapilli eius; non interisset, et non fuisset
attritum nomen eius a facie mea. quia israeli futura promisit, reddit
causas quare eos prius afflixerit; quas si uitauerit, nequaquam similia
patiatur. si, inquit, attendisses mandata mea, ut septuaginta
transtulerunt; uel certe optantis affectu, utinam attendisses mandata
mea: quae si fecisses, fuisset sicut flumen pax tua, et iustitia tua
sicut gurgites maris; abundantiam omnium rerum copiam que significans.
quod que sequitur: et fuisset quasi arena semen tuum, et stirps uteri
tui ut lapilli eius. uidetur quidem permanere in populo iudaeorum, qui
usque in praesentem diem, instar uermiculorum pullulant filios et
nepotes; sed quomodo hoc in promissione accipiendum est, cum pacem
iustitiam que non habeant? aut enim iratus est eis, aut placatus. si
iratus quomodo semen illius cotidie multiplicatur? si placatus, quomodo
seruiunt, et pacem iustitiam que non possident? ex quo perspicuum est de
apostolico dici nunc semine, de quo et supra legimus: nisi dominus
sabaoth reliquisset nobis semen, quasi sodoma fuissemus. quod quia illo
tempore nequaquam uidetur expletum, in christi completur aduentu: et
ante faciem illius semen permanet israelis.
egredimini de babylone, fugite a chaldaeis; in uoce exsultationis
annuntiate, auditum facite hoc, efferte illud usque ad extrema terrae,
et dicite: redemit dominus seruum suum iacob. non sitierunt in deserto
cum educeret eos; aquam de petra produxit eis, et scidit petram, et
fluxerunt aquae. non est pax, dicit dominus impiis. qui supra in eo
loco, ubi scriptum est: ego ego locutus sum, et uocaui eum; adduxi eum,
et directa est uia eius, super cyro dario que intellegunt, etiam haec ad
illius referunt tempora, quando egressus est populus de babylone, et
fugit de chaldaeis, et redemptus est a domino deo suo. hoc quoque quod
dicitur: non sitierunt in deserto cum educeret eos, aquam de petra
produxit eis; et scidit petram, et fluxerunt aquae. licet secundum
historiam expletum docere non ualeant. neque enim sub zorobabel et ezra
uenerunt per desertum, et scissa petra praebuit eis aquas, quod de
aegypto exeuntibus accidisse narratur; tamen hyperbolice in
similitudinem prioris felicitatis impleta testantur, quando per desertum
nationum uenerunt in iudaeam, et de captiuitate sunt liberati. et ut
sciamus, inquiunt, non esse de christo, sed de cyro prophetatum,
iungitur: non est pax impiis, dicit dominus. et esse sensum: perfecta
felicitas non erit nisi sub christo, quod in ultimo tempore reseruatur.
porro qui et uerius et rectius haec referunt ad saluatoris aduentum, de
quo dicitur: annuntiare pauperibus misit me, praedicare captiuis
remissionem, cohortationem esse intellegunt eorum qui euangelium
annuntiant ipsius domini saluatoris, ut egrediamur de babylone, id est,
confusione istius mundi. et fugiamus chaldaeos, de quibus crebro dictum
est: redemit enim dominus seruum suum iacob pretiosissimo sanguine suo,
et adduxit per desertum saeculi, et aquam scidit de petra. super qua et
apostolus loquitur: petra autem erat christus. scinditur autem sermo
diuinus, et in multas partes diuiditur, ut quem totum suscipere non
possumus, sumamus in partibus. ac ne putaretur ista praedicatio dici
omni semini iacob, et non his tantum qui per apostolos credituri sunt,
infertur et iungitur: non est pax impiis, dicit dominus. illis uidelicet
qui in errore pristino permanserunt; qui non meruerunt bibere de petra.
cuius ut noue loquar, latus lancea uulneratum, aquis fluxit et
sanguine, baptismum nobis et martyrium dedicans.
49. audite, insulae, et attendite populi de longe: dominus ab
utero uocauit me, de uentre matris meae recordatus est nominis mei. et
posuit os meum quasi gladium acutum: in umbra manus suae protexit me. et
posuit me sicut sagittam electam: in pharetra sua abscondit me. et
dixit mihi: seruus meus es tu, israel quia in te glorificabor.
et ego dixi: in uacuum laboraui, sine causa et uane fortitudinem meam
consumpsi; ergo iudicium meum cum domino, et opus meum cum deo meo. lxx:
audite me, insulae, et attendite gentes. post tempus multum stabit,
dicit dominus. de uentre uocauit me, et ex utero matris meae uocauit
nomen meum. et posuit os meum quasi gladium acutum, et sub protectione
manus suae abscondit me. posuit me quasi sagittam electam, et in
pharetra sua abscondit me. et dixit mihi: seruus meus es tu, israel et
in te glorificabor. et ego dixi sine causa laboraui, in uanum, et in
nihili dedi fortitudinem meam. propterea iudicium meum apud dominum, et
labor meus coram deo meo. scio et haec et inferiora quae dicturi sumus,
ad unius capituli intellegentiam pertinere, et omnia ex persona christi
debere accipi. sed nolui simul omnia proponendo, lectoris onerare
sensum; et quod per partes facilius disci potest, magnitudine sui
confundere. unde et utramque editionem posui, ut quod in altera uidetur
obscurum, alterius lectione reseretur. post uocationem ergo reliquiarum
israel, et abiectionem in incredulitate populi permanentis, de quibus
dixerat: non est pax impiis, dicit dominus, transit ad ecclesias de
gentibus congregatas, et eis sub insularum nomine loquitur. quae ita
persecutorum insidiis, quasi maris fluctibus patent, et ex omni parte
saeuiente naufragio, tunduntur potius quam mouentur. ac ne quis putet
uiolentam esse expositionem nostram, et non ad gentes pertinere quod
dicitur, sed ad synagogas populi iudaeorum, sequitur: et attendite
populi, siue gentes de longe, hoc est ab extremis finibus terrae. uel ut
septuaginta transtulerunt: post tempus multum stabit, hoc est, non hoc
tempore quo dicuntur; sed post multa fient tempora. dominus, inquit, ab
utero uocauit me, de uentre matris meae recordatus est nominis mei. quod
nunc interim audientibus uidetur obscurum, postea autem cunctis
gentibus notum fiet, quando gabriel ioseph de partu dixerit uirginali:
et uocabis nomen eius iesum; ipse enim saluum faciet populum suum.
posuit quoque os eius quasi gladium acutum, ut spiritu oris sui
interficeret impium. de quo gladio et ipse in euangelio loquitur: non
ueni pacem mittere super terram, sed gladium, malos a bonis separans:
ueni enim diuidere hominem contra patrem suam, et filiam contra matrem
suam, et nurum contra socrum suam. et in umbra, inquit, manus suae
protexit me, ut carnis uilitas diuinitatis potentia tegeretur, angelo ad
uirginem nuntiante: spiritus sanctus, ueniet super te, et uirtus
altissimi obumbrabit tibi. posuit quoque me sicut sagittam electam, in
pharetra sua abscondit me. quando dicit: sagittam electam, ostendit
habere deum sagittas plurimas, sed non electas, quae sagittae prophetae
sunt et apostoli, qui in toto orbe discurrunt. de quibus et in alio loco
canitur: sagittae tuae acutae, potentissimae; populi sub te cadent. et
iterum: sagittae potentis acutae cum carbonibus desolatoriis. christus
autem de multis sagittis et filiis plurimis, una sagitta electa, et
filius unigenitus est; quam in pharetra sua abscondit, id est, in humano
corpore, ut habitaret in eo plenitudo diuinitatis corporaliter. rara
que est credentium fides, cui et supra dicitur: tu es deus absconditus,
et nesciebamus. qua sagitta et sponsa uulnus accipiens loquitur in
cantico canticorum: uulnerata caritatis ego sum. et dixit mihi: seruus
meus es tu, israel: quia in te glorificabor. seruus, quia cum in forma
dei esset, formam serui est dignatus assumere, et israel, quia natus de
semine iudaeorum.
quod que de nullo alio seruorum intellegi potest, iungitur: quia in te
glorificabor. dicit enim et ipse in euangelio: pater, glorifica nomen
tuum. qui in psalmo loquitur ad filium: exsurge, gloria mea, et exsurge,
psalterium et cithara, id est, omnium uirtutum chorus. dicente autem
mihi patre ista quae rettuli, ego respondi ei: quomodo in me
glorificatus es, pater, qui in uacuum laboraui, et magnam partem populi
iudaeorum ad te reuocare non potui? haec autem uniuersa dicuntur, ut
liberum hominis monstraretur arbitrium. dei enim uocare est, et nostrum
credere. nec statim si nos non credimus, impossibilis deus est; sed
potentiam suam nostro arbitrio derelinquit ut iuste uoluntas praemium
consequatur. quia ergo noluerunt per me in te credere, iudicium meum
apud te est, quod omnia fecerim quae eis facere debui, dicens in
euangelio: ego te glorificaui super terram, opere completo quod dedisti
mihi ut facerem. et iterum: manifestaui nomen tuum hominibus. et opus
meum siue labor et dolor meus, hoc enim significat ponos~g, in conspectu
tuo est. fleuit enim et in euangelio hierusalem, et in psalmo ob
incredulorum multitudinem, quodammodo frustra passum se esse dicit: quae
utilitas in sanguine meo, dum descendo in corruptionem? et iuxta
hebraicum pendens in cruce loquitur: longe a salute mea, uerba
lamentationum mearum.
et nunc dicit dominus, formans me ex utero seruum sibi, ut
reducam iacob ad eum, et israel non congregabitur. et glorificatus sum
in oculis domini, et deus meus factus est fortitudo mea. et dixit: parum
est, ut sis mihi seruus ad suscitandas tribus iacob, et faeces israel
conuertendas. dedi te in lucem gentium; ut sis salus mea usque ad
extremum terrae. lxx: et nunc sic dicit dominus qui formauit me ex utero
seruum sibi, ut congregarem iacob ad eum et israel; congregabor et
glorificabor coram domino et deus meus erit fortitudo mea. et dixit
mihi: magnum tibi est ut uoceris puer meus, et suscites tribus iacob, et
dispersionem israel conuertas. ecce posui te in testamentum generis, in
lucem gentium, ut sis salus usque ad extremum terrae. dicente me: in
uacuum laboraui, sine causa et uane fortitudinem meam consumpsi, quia
iudaei credere noluerunt, et iudicium meum cum domino est. et opus meum,
quod, illo iubente, compleui, cum domino; respondit mihi dominus, qui
me formauit ex utero seruum sibi. ex quo ostendit eum appellari seruum,
qui sit formatus ex utero. qui et in psalmo dicit: de uentre matris meae
deus meus es tu. quid ergo dominus dixit ei? ut reduceret iacob ad eum
qui aberrauerat, qui, deserto creatore, idolis seruiebat. unde et ipse
loquitur ad discipulos: in uiam gentium ne ieritis, et in ciuitates
samaritanorum ne intretis; sed ite magis ad oues perditas domus israel.
et in alio loco: non ueni nisi ad oues perditas domus israel. haec
igitur uoluntas patris fuit, ut pessimi uinitores missum susciperent
filium, et fructus uineae redderent, qui interfecerunt eum dicentes:
uenite, occidamus illum, et nostra erit hereditas; et hoc est quod nunc
dicit: et israel non congregabitur, id est non reuertetur ad dominum.
satis que miror quomodo uulgata editio, fortissimum contra iudaeorum
perfidiam testimonium alia interpretatione subuerterit, dicens:
congregabor et glorificabor coram domino, cum theodotio et symmachus
nostrae interpretationi congruant. de aquila autem non miror, quod homo
eruditissimus linguae hebraicae, et uerbum de uerbo exprimens, in hoc
loco aut simularit imperitiam, aut pharisaeorum peruersa expositione
deceptus sit, qui interpretari uoluit: et israel ei congregabitur, hoc
est deo. cum uerbum hebraicum lo, in hoc loco non scribatur per lamed et
uau; quod si esset, significaret ei uel illi; sed per lamed et aleph
quod proprie non sonat.
quia igitur non est reductus iacob ad dominum, nec israel congregatus;
propterea filius loquitur illis non credentibus: glorificatus sum in
oculis domini. in me enim omnis mundus credidit: et deus meus factus est
fortitudo mea, qui et consolatus est me tristem super abiectione populi
mei; et dixit mihi: parum est si seruias mihi ad suscitandas tribus
iacob, quae suo uitio corruerunt; et ad faeces, siue reliquias israel
conuertendas. hoc enim uerbum hebraicum nesure sonat. pro illis enim
dedi te in lucem omnium gentium, ut illumines uniuersum mundum, et
salutem meam, per quam omnes salui fiunt, usque ad extrema terrae facias
peruenire. illud autem quod in septuaginta legitur: congregabor, et
glorificabor coram domino, sic intellegi potest, ut congregatus sit
dominus cum credentibus. quod que sequitur: dixit mihi: magnum tibi est
ut uoceris puer meus, magnum referamus ad hominem et ad puerum, qui
comparatione dei paruus est.
haec dicit dominus redemptor israel sanctus eius ad
contemptibilem animam, ad abominatam gentem, ad seruum dominorum. reges
uidebunt te, et consurgent principes, et adorabunt propter dominum, quia
fidelis est; et sanctum israel qui elegit te. lxx: sic dicit dominus
qui eruit te deus israel. sanctificate eum qui despicit animam suam, qui
abominationi est gentium, qui seruus est principum. reges uidebunt eum,
et consurgent principes, et adorabunt eum propter dominum, quia fidelis
est sanctus israel, et elegit te. pro eo quod nos diximus: ad
contemptibilem animam, ad abominatam gentem, ad seruum dominorum,
theodotio transtulit: ei qui despicit animam, qui abominationi est
genti, qui seruus est principum; quod manifeste christi personae
conuenit. ipse enim bonus pastor posuit animam suam pro ouibus suis, et
contempsit eam, qui abominationi est genti iudaeorum, cui ter per
singulos dies sub nomine nazarenorum maledicunt in synagogis suis. qui
seruus fuit principum, et tam humilis ut staret ante annam et caipham;
et crucifigendus pilato et herodi mitteretur. cui interpretationi aquila
consensit, et ex parte septuaginta, licet in eo mutauerint sensum, et
extenuauerint, quod pro gente, gentes; et pro seruo, seruos interpretati
sunt. alii uero hoc dici arbitrantur ad gentem iudaeorum, quae
contempsit animam suam, et abominationi est uniuerso mundo; et seruit
principibus, de quibus scriptum est: qui deuorant plebem meam sicut
cibum panis. sed melior super christo interpretatio. quae igitur pater,
redemptor quondam et sanctus israel, ad filium loquitur? reges uidebunt
et consurgent principes, et adorabunt, quando uenerit in gloria patris
cum angelis suis, et sederit in throno gloriae suae, iudicans uiuos et
mortuos. tunc omnes adorabunt eum propter dominum patrem suum, qui
elegit eum. siue ita intellegendum: reges quorum cor in manu dei est, et
ecclesiae principes, adorabunt te; quia fidelis est dominus, sanctus
israel qui elegit te. haec autem omnia ad eum refert, qui contempsit
animam suam, qui abominatur a gente, qui seruus est principum.
haec dicit dominus: in tempore placito exaudiui te, et in die
salutis auxiliatus sum tui. et seruaui te, et dedi te in foedus populi,
ut suscitares terram, et possideres hereditates dissipatas, ut diceres
his qui uincti sunt: exite. et his qui in tenebris: reuelamini. in uiis
pascentur, et in omnibus planis pascua eorum. non esurient, neque
sitient, et non percutiet eos aestus et sol, quia miserator eorum reget
eos, et ad fontes aquarum potabit eos. et ponam omnes montes meos in
uiam, et semitae meae exaltabuntur. ecce isti de longe uenient, et ecce
illi ab aquilone et a mari, et isti de terra australi. laudate, caeli,
et exsulta, terra; iubilate, montes, laudem, quia consolatus est dominus
populum suum, et pauperum suorum miserebitur.
lxx: sic dicit dominus: tempore opportuno exaudiui te, et in die salutis
auxiliatus sum tui. et plasmaui te, et dedi te in testamentum gentium,
ut constitueres terram, et possideres hereditates desertas. diceres que
his qui in uinculis sunt: exite. et qui in tenebris: reuelamini; in
omnibus uiis pascentur, et in omnibus semitis pascua eorum. non
esurient, neque sitient, neque percutiet eos aestus neque sol; sed qui
miseretur eorum, consolabitur eos, et per fontes aquarum ducet illos.
ponam que omnem montem in uiam, et omnem semitam in pascua eis. ecce
isti de longe uenient, isti ab aquilone et mari; alii autem de terra
persarum. laetamini, caeli, et exsultet terra, erumpant montes
laetitiam, quia misertus est deus populi sui; et humiles populi sui
consolatus est. hoc testimonio apostolus paulus in secunda ad corinthios
usus est dicens: tempore opportuno exaudiui te; et in die salutis
auxiliatus sum tui. ecce nunc tempus acceptabile, ecce nunc dies
salutis. si ergo uas electionis ad primi aduentus refert intellegentiam
quae dicuntur, et nos sequamur expositionis eius uestigia, et instar
paruulorum, super adumbratas lineas praeceptoris, litteras imprimamus.
tempus placitum et opportunum, et dies salutis, passio saluatoris est et
resurrectio, quando orabat in cruce: deus deus meus, quare me
dereliquisti? et seruauit eum, siue plasmauit, morte superata, dedit que
in foedus populi iudaeorum, his uidelicet qui ex illis credere
uoluerunt, ut suscitaret terram, quae in idololatriae iacebat erroribus,
et possideret hereditates dissipatas, siue desertas, quae habitatorem
non habebant deum, et diceret his qui erant in uinculis: exite, qui
peccatorum uinculis stringebantur, quia funibus peccatorum suorum
unusquisque constringitur. et qui erant in tenebris: reuelamini. qui
sedebant in tenebris et umbra mortis, et lucem uidere non poterant. qui
postquam conuersi fuerint, et clarum christi lumen aspexerint, pascentur
in uiis et in semitis sanctarum scripturarum, et dicent: dominus pascit
me, et nihil mihi deerit, in loco pascuae ibi me collocauit; super
aquas refectionis educauit me. qui autem in istiusmodi uiis atque
semitis pastus fuerit et nutritus, nec esuriet, nec sitiet, neque
calorem sentiet solis; et implebitur de illo quod scriptum est: per diem
sol non uret te, neque luna per noctem. ut nec aduersa nec prospera
huius saeculi sentiat. siquidem misericors et miserator dominus, ipse
consolabitur et reget eos, et deducet ad fontes aquarum. siue potabit
illos ad fontes, de quibus scriptum est: benedicite domino de fontibus
israel. et in alio loco: haurite aquas de fontibus saluatoris. hi fontes
in ueteri et nouo sunt testamento. omnia que offendicula quae
credentium poterant impedire gressus, dominus eis uertet in planum, et
excelsa humiliabit, atque humilia sublimabit, ut iter planum habeant
atque campestre. qui sint autem isti quibus praeparetur uia, ponit
manifestius: ecce isti de longe uenient; et ecce illi ab aquilone et a
mari, et isti de terra australi. quattuor plagas orbis ostendens,
orientem et septentrionem, occidentem et meridiem, pro oriente, longe
posuit; pro australi plaga, in hebraeo legitur sinim quod lxx persarum
interpretati sunt. ceteri ita ut in hebraeo legitur expresserunt sinim,
quod nos interpretati sumus ab austro; illud suspicantes quod mons sinai
in australi parte positus sit, iuxta abacuc prophetam: deus ab austro
ueniet; et sanctus de monte pharan umbroso et condenso. si autem sinim,
ut lxx transtulerunt, persas intellegimus, qui ad orientem siti sunt,
illud quod supra dicitur: ecce isti de longe uenient, ad austrum referre
poterimus. praecipitur que caelis et terrae, uel his uirtutibus quae in
caelo morantur et terra, uel angelis et hominibus, ut dei concinant
laudes. et qui in excelso uirtutum positi sunt, mentis laetitiam iubilo
exsultationis testentur. quia consolatus est dominus populum suum, eos
qui ex iudaeis credere uoluerunt.
et pauperum humilium que suorum misertus est; siue omnis populi sui, qui
de oriente et occidente, aquilone et austro ad eum uocatus est, non
habens legem nec prophetas nec diuitias spiritales; sed desertus, pauper
et humilis, cunctis daemonibus subiacebat.
et dixit sion: dereliquit me dominus, et dominus oblitus est mei.
numquid obliuisci potest mulier infantem suum, ut non misereatur filio
uteri sui? et si illa oblita fuerit, ego non obliuiscar tui. ecce in
manibus meis descripsi te: muri tui coram oculis meis semper. uenerunt
structores tui; qui te destruxerant et dissipauerant, exibunt a te. leua
in circuitu oculos tuos, et uide, omnes isti congregati sunt, uenerunt
tibi. uiuo ego, dicit dominus, quia omnibus his uelut ornamento
uestieris, et circumdabis tibi eos quasi sponsa, quia deserta tua et
solitudines tuae, et terra ruinae tuae nunc angusta erunt prae
habitatoribus, et longe fugabuntur qui absorbebant te. adhuc dicent in
auribus tuis, filii sterilitatis tuae. angustus mihi est locus, fac
spatium mihi, ut habitem. et dices in corde tuo: quis genuit mihi istos?
ego sterilis et non pariens, transmigrata et captiua; et istos quis
enutriuit? ego destituta et sola et isti ubi hic erant? lxx: dixit autem
sion: dereliquit me dominus, et dominus oblitus est mei. numquid
obliuiscetur mulier paruuli sui, ut non misereatur partus uteri sui? sin
autem et horum oblita fuerit mulier; sed ego non obliuiscar tui, dicit
dominus. ecce super manus meas depinxi muros tuos et coram me es semper.
cito que aedificaberis, a quibus destructa fueras; et qui te
dissipauerant, egredientur ex te. leua in circuitu oculos tuos, et uide.
omnes isti congregati sunt et uenerunt ad te. uiuo ego, dicit dominus,
quia omnibus his quasi ornamento uestieris, et circumdabis tibi eos
quasi monile sponsae, quoniam deserta tua, et quae dissipata, et quae
corruerunt. nunc angustaberis prae habitatoribus; et longe fient a te
qui te humiliauerant. dicent enim in auribus tuis, filii tui, quos
perdidisti: angustus mihi locus est; fac mihi locum ut habitem. et dices
in corde tuo: quis genuit mihi istos? ego absque liberis et uidua, et
istos quis enutriuit mihi? ego derelicta sum sola, et isti ubi erant?
hierusalem et sion quattuor modis in scripturis sanctis debere
intellegi, saepe memorauimus. uno, iuxta iudaeos, quam plangit dominus
in euangelio: hierusalem, hierusalem, quae occidis prophetas, et lapidas
eos qui ad te missi sunt. et in alio loco: cum uideritis circumdari ab
exercitu hierusalem, tunc scitote quia appropinquauit desolatio eius.
secundo, sanctorum est congregatio, qui in pace domini et in uirtutum
specula constituti, recte appellantur sion, de qua dicitur: fundamenta
eius in montibus sanctis; diligit dominus portas sion, super omnia
tabernacula iacob.
neque enim fundamenta iudaicae sion, quam uidemus esse destructam, a
domino sunt dilecta, aut quod a domino dilectum est, destrui potuit.
tertio appellatur hierusalem multitudo angelorum, dominationum, et
potestatum, et omne quod in dei ministerio constitutum est. de qua
hierusalem et apostolus loquebatur: quae autem sursum est hierusalem,
libera est, quae est mater omnium nostrum. et in alio loco: sed
accessistis ad sion montem, et ciuitatem dei uiuentis, hierusalem
caelestem. quarto appellatur hierusalem quam iudaei et nostri
iudaizantes iuxta apocalypsim ioannis, quam non intellegunt, putant
auream atque gemmatam de caelestibus ponendam, cuius terminos et
infinitam latitudinem etiam in hiezechielis ultima parte describi. quae
cum ita se habeant, nunc diligentius intuendum est, quae ex quattuor
dixerit sion: dereliquit me dominus, et dominus oblitus est mei. nec
dubium est, quin congregatio sanctorum, quae prior fuerat in iudaeis, et
a domino derelicta est, ista commemoret, et uoce lacrimabili
conqueratur se esse desertam, et domini auxilio destitutam. cui
respondit deus, naturali utens similitudine: si potest fieri, ut mater
sui obliuiscatur infantis, et ad partum uiscerum suorum non flectatur
misericordia, et ego obliuiscar tui. plus aliquid dicam: etsi illa
oblita fuerit, uincens mentis duritia iura naturae; ego tamen non
obliuiscar creaturam meam, et sanctorum animas semper in meo corde
retinebo. scito enim tu, quae te arbitraris penitus derelictam, in meis
descriptam esse te manibus atque depictam; et muros tuos coram oculis
meis iugiter permanere. ex quo discimus, nequaquam hierusalem in
palaestinae regione quaerendam, quae totius prouinciae deterrima est, et
saxosis montibus asperatur, et penuriam patitur sitis, ita ut
caelestibus utatur pluuiis, et raritatem fontium cisternarum
exstructione soletur. sed in dei manibus, ad quam dicitur: festinauerunt
structores tui. siue iuxta lxx: cito aedificaberis a quibus destructa
fueras. a iudaeis enim destructa, a iudaeis aedificata est. quae ob
culpam scribarum pharisaeorum que deserta, ad praedicationem apostolorum
christi congregata est tam de iudaeis, quam de gentibus. sequitur: et
qui te destruxerant et dissipauerant, egredientur ex te: doctores
pessimi; ut nequaquam mandata et traditiones sequaris hominum, sed legem
dei. dicitur que ad eam, ut eleuet oculos suos in circuitu, et uideat
filios qui ei fuerant congregati. de quibus et dominus loquebatur:
leuate oculos uestros, et uidete quia iam albae sunt segetes ad
metendum. et ut securos nos faciat: uiuo, inquit dominus, quod iuxta
uetus testamentum, iurandi dicitur consuetudine, quia omnibus his uelut
ornamento uestieris, et circumdabis tibi eos, quasi sponsa circumdat
monile sibi. felix qui tanti meriti est, tantae que uirtutis, ut
ornamentum dicatur ecclesiae. puto autem diuersas significari gratias
spiritales, per quas sponsae ornatur ambitio. de qua et in quadragesimo
quarto psalmo canitur: astitit regina a dextris tuis in uestitu
deaurato, circumdata uarietate. quae enim prius deserta fuerant, et
dilapsa in solitudines et ruinas, adueniente christi euangelio,
instaurabuntur et tantam habebunt habitatorum multitudinem, ut eos
capere non possint. ita dumtaxat, ut persecutores fugentur procul, uel
hi de quibus supra diximus: qui destruebant te, et dissipabant, exibunt a
te. filii que sterilitatis tuae quos putabas te penitus perdidisse, et
illis te esse uiduatam, dicent in auribus tuis: angustus mihi est locus
in synagogis, fac mihi spatium in ecclesiis, ut habitem latius, ut non
comprimar blasphemiis iudaeorum, ut totum orbem tua me cum capiat
latitudo. tu autem laetitiae magnitudinem non ualens ore proferre, in
tuo corde tacita cogitabis, et dices: quis mihi istos genuit? ego eram
sterilis et uidua, deserta atque captiua in populo iudaeorum, filios
habere desieram, multo tempore non pepereram. post aggaeum et zachariam
et malachiam, nullos alios prophetas usque ad ioannem baptistam uideram;
et quomodo quae fueram sola, et uiri auxilio destituta, tantos filios
habere nunc coepi? ut autem sciamus super petram et fundamentum christi
ex utroque populo aedificari sion, ad credentes paulus apostolus
loquitur: aedificati super fundamentum apostolorum et prophetarum ipso
summo lapide angulari, qui est iesus christus. ex quo perspicuum est,
unum esse fundamentum apostolorum et prophetarum, dominum nostrum iesum
christum.
haec dicit dominus deus: ecce leuo ad gentes manum meam, et ad
populos exaltabo signum meum. et afferent filios tuos in ulnis, et
filias tuas super humeros portabunt. et erunt reges nutricii tui, et
reginae nutrices tuae. uultu in terram demisso adorabunt te, et puluerem
pedum tuorum lingent. et scies quia ego dominus super quo non
confundentur qui exspectant eum. lxx: sic dicit dominus deus: ecce eleuo
super gentes manum meam, et super insulas leuabo signum meum, et
adducent filios tuos in sinu, et filias tuas in humeris portabunt. et
erunt reges nutricii tui; et principes feminae nutrices tuae. super
faciem terrae adorabunt te, et puluerem pedum tuorum lingent; et scies
quia ego dominus, et non confundentur qui exspectant me. ad id quod
ecclesia dixerat: ego sterilis atque captiua, istos quis genuit mihi?
ego destituta et sola, et isti ubi hic erant? respondit dominus: miraris
cur ista sint facta? nequaquam miraberis cum audieris, quia ego ad
gentes leuauerim manum meam. de qua et sanctus loquitur: tu formasti me,
et posuisti super me manum tuam. et ipse saluator: nemo potest rapere
de manu patris mei. et apostolus paulus: humiliamini sub potenti manu
dei, ut uos exaltet in tempore uisitationis. ista manus ad gentes
leuata, ipsa est de qua hic idem propheta loquitur: erit radix iesse,
qui exsurget, ut princeps sit gentium; in ipsum gentes sperabunt. nec
solum manum suam leuabit ad gentes; sed et signum suum exaltabit in
populis. haud dubium quin uexillum crucis, ut impleatur illud quod
scriptum est: laudibus eius plena est terra. et iterum: in omni terra
admirabile nomen eius. tunc afferent in ulnis, siue in sinu filios sion,
et filias eius portabunt in humeris. qualis fuit et lazarus, omnes que
sancti qui requiescunt in sinu abrahae et animae credentium, ad quas
paulus apostolus loquebatur: lacte uos potaui. et alibi: filioli mei
quos iterum parturio, donec christus formetur in uobis. et in alio loco:
quasi nutrix foueat filios suos: sic desiderantes uos, cupimus
impartire uobis non solum euangelium christi, sed et animas nostras.
alioquin ridiculum est more iudaico grandaeuos filios et filias in ulnis
humeris que portare. reges autem nutricii, et reginae principes que
nutrices, manifeste apostolos et apostolicos ostendunt uiros, qualis
fuit et abraham, ad quem dicitur: rex a deo tu in nobis es; et quorum
cor in manu dei est, qui dicunt credentibus: quasi modo nati paruuli,
rationabile et absque dolo lac desiderate. princeps quoque, id est,
archousa~g, quod sarae nomen sonat: et reginae, siue regina, de qua in
quadragesimo quarto psalmo canitur: astitit regina a dextris tuis in
uestitu deaurato, cotidie christi nutrit paruulos, et ad perfectam ducit
aetatem; omnis que aetas, sexus, et dignitas, adorabunt sion propter
eum qui habitat in ea. si enim caput ecclesiae christus est, caput
adoratur in corpore. et si ad quosdam dicitur: exaltate dominum deum
nostrum, et adorate scabellum pedum eius, non quo scabellum adorandum
sit; sed quo maiestas pedum illius indicetur: cur non adoretur ecclesia
quae totum christi corpus amplectitur, ut impleatur illud quod scriptum
est in sophonia: adorabunt eum singuli de loco suo, omnes insulae
gentium, ut nequaquam more iudaico tribus per annum uicibus ueniant in
hierusalem, sed in loco suo adorantes dominum, possideant hierusalem.
quod que sequitur: et puluerem pedum tuorum lingent, hoc significat,
quod reges et principes, quidquid in pedibus ecclesiae, terreni operis
adhaeserit, suo sermone tergant atque delingant. unde et apostolis
praecipitur, ut excutiant puluerem pedum suorum. et ad petrum dicitur,
quod qui semel lotus sit, non habeat necesse nisi pedes lauare.
per quae omnia discit ecclesia, non esse alium dominum praeter eum, quem
qui exspectauerint, aeternam gloriam possidebunt.
numquid tolletur a forte praeda? aut quod captum fuerit a
robusto, saluum esse poterit? quia haec dicit dominus: equidem
captiuitas a forte tolletur; et quod ablatum fuerit a robusto,
saluabitur. eos uero qui iudicauerunt te, ego iudicabo; et filios tuos
ego saluabo. et cibabo hostes tuos carnibus suis, et quasi musto
sanguine suo inebriabuntur. et sciet omnis caro, quia ego dominus
saluans te, et redemptor tuus fortis iacob. lxx: numquid accipiet quis a
gigante spolia? et si captiuum duxerit quis inique, saluabitur. sic
dicit dominus: si quis ceperit gigantem, accipiet spolia, et accipiens a
forte saluabitur. ego autem iudicium meum iudicabo. et ego filios meos
eruam, et comedent qui tribulauerunt te, carnes suas, et bibent quasi
uinum nouum sanguinem suum, et inebriabuntur; et sciet omnis caro quia
ego dominus qui erui te, et adiutorium fortitudinis iacob. dominus
noster atque saluator, qui prius locutus fuerat per esaiam, ipse in
euangelio eumdem sensum repetit. quomodo potest aliquis intrare in domum
fortis, et uasa eius diripere, nisi primum ligauerit fortem, et tunc
domum eius diripiet? fortis et gigans, diabolus est, qui omnes gentes
suo subiugarat imperio, audens dicere saluatori: haec omnia mihi tradita
sunt, et dabo tibi ea, si procidens adoraueris me. mundus enim in
maligno positus est, quem nullus iustorum uincere potuit. nec iuxta
amos, praedam de ore leonis auferre. proposita igitur quaestione, quod
nullus possit fortem et gigantem uincere, nec saluare quod ab eo raptum
erat, respondit dominus, suo aduentu omnia perpetranda, quod scilicet
captae prius gentes a gigante tollantur, et omnis illius supellex,
uniuersa que familia apostolis diuidatur. impleto illo quod scriptum
est: rex uirtutum dilecti, et speciei domus diuidere spolia. iste est
enim qui ascendens in altum, captiuam duxit captiuitatem, dedit dona
hominibus. eos uidelicet qui prius capti erant in mortem, recepit in
uitam. unde manifestius interpretatus est symmachus: sed et captiuitas
fortis auferetur, et rapina horribilis salua erit. fortem atque
horribilem diabolum uolens intellegi, qui domini uirtute superatus est.
ergo dominus iudicans eos qui oppresserant sion, siue iudicans iudicium
eius, liberabit filios illius qui capti fuerant a gigante, atque
saluabit, et aduersarias potestates cibabit carnibus suis, et inebriabit
quasi musto, ut nequaquam aliorum nece, sed sua morte saturentur. et
qui carnes sunt, quia dei spiritum perdiderunt, suis uescantur carnibus.
quod quidem et sanctus loquitur in psalmis: cum appropinquarent mihi
qui affligebant, ut comederent carnes meas. non enim spiritus qui
incorporalis est, sed caro comeditur, ferocium bestiarum morsibus
patens. et tunc dicet sion: immo omnis caro quae uidebit salutare dei
quod redemptor atque saluator eius ille sit qui luctatus est cum iacob,
uel auxiliator fuit uirtutis iacob. ut in passione supereleuatus,
crucifigentibus benediceret: pater, ignosce eis; quod enim faciunt
nesciunt.
haec dicit dominus: quis est liber repudii matris uestrae, quo
dimisi eam? aut quis creditor meus, cui uendidi uos? ecce in
iniquitatibus uestris uenditi estis, et in sceleribus uestris dimisi
matrem uestram. quia ueni, et non erat uir: uocaui, et non erat qui
audiret.
lxx: sic dicit dominus: qualis est liber repudii matris uestrae, quo
dimisi eam? aut cui creditori et exactori meo uendidi uos? ecce peccatis
uestris uenundati estis, et in iniquitatibus uestris dimisi matrem
uestram, quia ueni, et non erat homo. uocaui, et non erat qui oboediret.
post uocationem gentium, et reges ac principes, nutricios et nutrices,
et captiuitatem fortis prius atque robusti, cuius praeda apostolis
distributa est, et post daemonum uesaniam, qui suis saturati carnibus,
suo que inebriati sunt sanguine. quando omnis cognouit caro, quod
redemptor et fortis ipse esset deus iacob, loquitur ad populum iudaeorum
super sion, quae prius dixerat: dereliquit me dominus, et dominus
oblitus est mei. putatis mea duritia matrem uestram terrenam hierusalem
esse proiectam, et quod ego mentis rigidae dederim ei libellum repudii,
et non potius, quod uerum est, intellegitis, illam suo a me uitio
recessisse? dicente enim me ad eam: quiescite inique agere, discite
bonum facere, audire me noluit. sed uertit contra me scapulam
recedentem: unde locutus sum filiis eius: uae illis, quoniam recesserunt
a me. manifesti sunt qui impie egerunt in me. et ad ipsam: erudiet te
abscessio tua, et malitia tua corripiet te; et scies quoniam malum tibi
sit quod reliqueris me. sed forsitan libellum repudii ostendere non
potestis, et aliquis creditor meus exigens pecuniam, me non habente quod
redderem, uos in debiti compensatione suscipit? non est ita, sed ego
ostendam uobis, quamobrem matrem cum filiis dereliquerim. scelera uestra
atque peccata uos daemonibus uendiderunt, ut praesentis saeculi
uoluptatibus irretiti, et uos parentem, et illa coniugem derelinqueret.
unde adulteram matrem uestram ultra tenere non potui, sed uolentem abire
permisi. quod autem peccatis suis unusquisque uenundatur, dum proprio
arbitrio derelicti, nostra uoluntate, uel ad bonum, uel ad malum
ducimur, et paulus apostolus docet: ego autem carnalis sum, uenundatus
sub peccato. qui enim facit peccatum, seruus est peccati. et quomodo
auari atque raptores serui sunt mammonae; sic omne peccatum dominatur
peccatoribus. quibus dicitur: non regnet peccatum in mortali uestro
corpore. ut autem sciatis, non a me repudiatam matrem uestram; sed
uoluntate propria recessisse, post multa beneficia humanum corpus
assumpsi, et nequaquam per prophetas, sed praesens locutus sum. ueni, et
non erat uir, siue homo. omnes enim uiri et hominis imaginem
relinquentes, bestiarum et serpentium sumpsere imagines. unde et ad
herodem propter malitiam dicitur: ite, et dicite uulpi huic. et ad
pharisaeos: genimina uiperarum. et ad libidinosos: equi insanientes in
feminas facti sunt. et de uoluptuosis: nolite mittere margaritas uestras
ante porcos. et impudentibus: neque sanctum detis canibus. et in
commune de omnibus: uisio quadrupedum quae erant in deserto. uenit
itaque dominus, et non inuenit hominem. homo enim cum in honore esset,
non intellexit; comparatus est iumentis insipientibus, et similis factus
est eis.
uocaui, inquit, eos quasi rationale animal, et dixi: inclinate aurem
uestram in uerba oris mei; et non audiuit populus meus uocem meam.
clamaui, et dixi: qui sitit, ueniat et bibat. et in alio loco: uenite ad
me, omnes qui laboratis et onerati estis. et non erat qui audiret. unde
eis in euangelio sum locutus: neque speciem dei uidistis, neque uocem
illius audistis, quia non habetis sermonem eius manentem in uobis.
numquid abbreuiata est, et paruula facta manus mea, ut non possit
redimere? aut non est in me uirtus ad liberandum? ecce in increpatione
mea desertum faciam mare, ponam flumina in siccum; computrescent pisces
sine aqua et morientur in siti. induam caelos tenebris, et saccum ponam
operimentum eorum. lxx: numquid non potest manus mea liberare, aut non
praeualet ut eruat? ecce comminatione mea desertum faciam mare, et ponam
flumina deserta, et arefient pisces eorum; eo quod non sit aqua, et
morientur in siti. et induam caelum tenebris, et quasi cilicium
operimentum eius. aduersum eos qui putabant dominum non potuisse
liberare populum suum de captiuitate, ponit rationem et exempla
plenissima. quod qui mare rubrum fecit peruium populo suo, iordanis
fluenta siccauit, et arescentibus in aegypto fluuiis, pisces uertit in
putredinem. et qui tribus diebus in aegypto tenebras fecit esse
palpabiles, ita ut caelum quasi sacco opertum uideretur et tenebris;
utique potuerit et populum suum de periculo liberare. siue quia supra
dixerat: ueni, et non erat homo; uocaui, et non erat qui audiret, illud
possumus dicere, quod qui tantorum signorum patrator est, et caelum
terras que, et maria suo facit seruire nutui, etiam ipse crucem euadere
potuerit, dicens in euangelio: an putatis quia non possum rogare patrem
meum, ut exhiberet mihi modo plusquam duodecim legiones angelorum? iuxta
anagogen, ad increpationem domini desertum fit mare, quando omnis huius
saeculi amaritudo siccatur, et flumina desolantur, de quibus spiritalis
draco dicebat in aegypto: mea sunt flumina et ego feci ea. et de quibus
in alio loco legimus: quid tibi est et uiae assyriorum, ut bibas aquas
fluminum? pisces quoque, sagena missa in mari, computrescent, qui a
bonis piscibus fuerint separati. quod que sequitur: induam caelum
tenebris, et quasi cilicium erit operimentum eius, uel omne quod supra
nos est, intellegamus caelum, sicut uolatilia quae in aere sunt,
appellantur caelestia; et aduersariae potestates dicuntur esse
caelestes, quae inter caelum terram que discurrunt. uel certe induitur
caelum tenebris, quando obtexitur nubibus. iuxta illud quod scriptum
est: qui operit caelum nubibus, et dat terrae pluuiam. et in
comminatione siccitatis loquitur deus: ponam caelum aeneum, et terram
ferream. non quod elementorum natura mutetur, sed quod per aes et ferrum
poenarum magnitudo monstrata sit. aiunt philosophi, non amplius decem
stadiis a terra nubes in sublime sustolli, et solis splendorem
abscondere. ergo non caelum sacco obuoluitur, sed intercluso caeli
lumine aer qui subter est, nubis tenebris obscuratur. possumus caelos
obuolutos tenebris, et sacco opertos, sic interpretari, ut dicamus omnes
esse sub peccato, et sanctos quoque indigere misericordia dei.
LIBER 14
dominus qui respicit terram, et facit eam tremere, qui tangit montes,
et fumigabunt, qui loquitur in deuteronomii cantico: ego occidam, et
ego uiuificabo; percutiam et ego sanabo. frequentibus morbis meam quoque
terram fecit contremiscere, cui dictum est: terra es, et in terram
ibis. et oblitum conditionis humanae, crebro admonet, ut hominem et
senem, et iamiamque moriturum esse me nouerim.
de quo scribitur: quid gloriatur terra et cinis? unde qui me subito
languore percusserat, incredibili uelocitate sanauit, ut terreret
potius, quam affligeret, et emendaret magis quam uerberaret. itaque
sciens cuius sit omne quod uiuo, et quod idcirco forsitan mea dormitio
differatur, ut coeptum in prophetas opus expleam, totum me huic trado
studio, et quasi in quadam specula constitutus, mundi huius turbines
atque naufragia, non absque gemitu et dolore contemplor; nequaquam
praesentia cogitans, sed futura; nec hominum famam atque rumusculos, sed
dei iudicium pertremiscens. tu que uirgo christi eustochium, quae
aegrotantem tuis orationibus adiuuisti, sanato quoque imprecare gratiam
christi, ut eodem spiritu, quo prophetae futura cecinerunt, possim in
nubem eorum ingredi et caliginem, et dei nosse sermonem, qui nequaquam
carnis auribus, sed cordis auditur. et dicere cum propheta: dominus dat
mihi linguam disciplinae, ut sciam quando oporteat me loqui. quod
testimonium quarti et decimi in esaiam libri, quem nunc disserere cupio,
principium est.
50. dominus dedit mihi linguam eruditam, ut sciam sustentare eum
qui lassus est uerbo. erigit mane, mane erigit mihi aurem, ut audiam
quasi magistrum. dominus deus aperuit mihi aurem; ego autem non
contradico, retrorsum non abii. corpus meum dedi percutientibus, et
genas meas uellentibus. faciem meam non auerti ab increpantibus et
conspuentibus. dominus deus auxiliator meus, ideo non sum confusus. ideo
posui faciem meam ut petram durissimam, et scio quia non confundar.
lxx: dominus dat mihi linguam disciplinae, ut sciam quando oporteat me
loqui uerbum. posuit mihi mane, addidit mihi aurem ad audiendum; et
disciplina domini aperit aures meas. ego autem non renuo, neque
contradico. dorsum meum dedi ad flagella, et genas meas ad alapas.
faciem autem meam non auerti a confusione sputorum. et dominus
auxiliator meus factus est, propterea non sum confusus; sed posui faciem
meam sicut fortissimam petram, et sciam quoniam non confundar. iudaei
hoc capitulum a superioribus separantes uolunt ad esaiae referre
personam, quod se dicat a domino accepisse sermonem, quomodo lassum
errantem que populum sustentet et reuocet ad salutem; et in morem
paruulorum, qui matutinis horis erudiuntur, a spiritu sancto audiat quid
loquatur, se que non contradixisse eius imperio, sed domino
sciscitante: quem mittam, et quis ibit ad populum istum? respondisse ei:
ecce ego, mitte me. et quia dixerit: audite uerbum domini, principes
sodomorum; percipite auribus legem dei nostri, populus gomorrae;
intantum dura perpessum, ut non solum uerborum contumeliis, sed et
plagarum doloribus fuerit expositus. attamen se conscientia iubentis dei
nequaquam esse perterritum; sed iuxta id quod hiezechieli dicitur: ecce
dedi faciem tuam ualentiorem faciebus eorum, et frontem tuam duriorem
frontibus eorum, ut adamantem et silicem dedi faciem tuam, uniuersos
eorum impetus contudisse. hoc illi dixerint, qui omni ratione conantur
de christo euertere prophetias, et ad peruersam intellegentiam praua
interpretatione torquere; quasi si et haec de esaia scripta sint,
possint alia super christo auferre testimonia, quae ita perspicua sunt,
ut clarum sui cunctorum oculis lumen infundant. ad personam igitur
domini, in qua et superior finitus est liber, etiam ista referenda sunt,
quod iuxta dispensationem assumpti corporis eruditus sit, et linguam
acceperit disciplinae, ut sciret quando deberet loqui, quando reticere.
denique qui in passione tacuit, per apostolos, et apostolicos uiros, in
cuncto orbe nunc loquitur. magnae que scientiae est, dare in tempore
conseruis cibaria, et audientium considerare personas. unde et apostolus
paulus, his qui prophetarum fidem non recipiebant, auctorum suorum
loquitur testimoniis: sicut quidam de uestris poetis dixerunt: cuius et
genus sumus, aratum significans. rursum que de comico: corrumpunt mores
bonos confabulationes malae. et epimenidis uersum hexametrum: cretenses
semper mendaces, malae bestiae, uentres pigri.
qui si metrorum ordinem atque mensuram in translatione non seruant,
sciendum est in graeco eos pedibus currere. hoc autem faciebat, quia
acceperat linguam disciplinae, ut sciret quando oporteret loqui uerbum.
cui addita est auris per gratiam, quam per naturam non habebat, ut
intellegamus nequaquam aures corporis accipi debere, sed mentis; de
quibus et in euangelio dominus loquebatur: qui habet aures audiendi,
audiat. quae disciplina et eruditio aperuit aures eius, ut scientiam
patris ad nos usque transmitteret; qui non contradixit ei, sed factus
est oboediens usque ad mortem, et mortem crucis. ita ut poneret corpus
siue dorsum suum ad plagas, et pectus dei capax flagella conciderent,
genas que suas non auerteret ab alapis. quod illum a ministro principis
sacerdotum sustinuisse non dubium est, ita ut certatim et iudaeorum
populi illuderent. qui percussus atque consputus, non erubuit, sed quasi
agnus ductus ad uictimam est; et quasi ouis coram tondente non aperuit
os suum. quod autem filius iuxta suscepti corporis sacramentum a patre
audierit quid loquatur, in euangelio plenius discimus, in quo ipse ait:
et qui misit me pater, mandatum mihi dedit, quid dicam et quid loquar.
et iterum: sicut audio, sic iudico.
iuxta est qui iustificat me: quis contradicit mihi? stemus simul.
quis est aduersarius meus? accedat ad me. ecce dominus deus auxiliator
meus; quis est qui condemnet me? ecce omnes quasi uestimentum
conterentur, tinea comedet eos. lxx: iuxta est qui, iustificat me; quis
est qui iudicetur me cum, resistat mihi simul? et quis est qui iudicium
ineat aduersum me? appropinquet mihi. ecce dominus auxiliator meus quis
affliget me? ecce omnes uos quasi uestimentum ueterascetis, et quasi
tinea comedet uos. si quis, inquit, me putat iuste addictum cruci et
aliquod fecisse peccatum, resistat mihi. quis est qui iudicetur me cum,
ut non potentia maiestatis meae, sed ratione superetur? iudicatur autem
quis cum domino, non auctoritate regnantis, sed comparatione uirtutum;
quomodo et apostoli iudicant duodecim tribus israel, et niniuitae ac
regina saba populum iudaeorum; iuxta quem sensum ad hierusalem dicitur:
iustificata est sodoma ex te. quia igitur nullus potest iustificari
praesente domino, omnes quasi uestimentum inueterascent. quod autem
inueterascit, perditioni proximum est. et quasi tinea, ait, comedet eos.
conscientia uidelicet peccatorum et zelus gentium saluatarum. de quo in
fine huius uoluminis dicitur: uermis eorum non morietur. et in michaea
contra peruersos principes: auferam bona eorum quasi tinea excomedens,
et ambulans super regulam in die speculationis. et in prouerbiis: tinea
ossium cor intellegens. pro tinea, in praesenti loco symmachus
rubiginem, aquila uermem interpretati sunt.
quis ex uobis timens dominum, audiens uocem serui eius?
qui ambulauit in tenebris, et non est ei lumen; speret in nomine domini,
et innitatur super deum suum. lxx: quis est in uobis qui timeat
dominum, exaudiat uocem pueri eius; qui ambulant in tenebris non est eis
lux. confiditis in nomine domini, et innitimini super deo. uos me
flagellastis, uos meam faciem conspuistis; ego tamen ad paenitentiam
prouoco persecutores meos. nolo enim mortem populi peccatoris, sed
tantum ut reuertatur et uiuat. et dico: quis est inter uos qui timeat
dominum, et audiat uocem serui uel pueri, id est filii eius? quorum
aliud assumptae carnis est, aliud naturae. nec uero parum putemus esse
timere dominum, iuxta illud quod in prouerbiis dicitur: principium
sapientiae timor domini. perfecta quippe dilectio foras mittit timorem,
quia timor poenam habet. qui autem timet non est perfectus in caritate.
sed hic timor pro timiditate et eulabeiai~g ponitur; de quo et alibi
legimus: beatus qui omnia metuit, propter eulabeian~g, hoc est propter
timiditatem, quos uulgo appellant timoratos in religione dei. protegit
enim dominus iter eorum et uiam timoratorum custodit. de hoc timore
scriptum est: timor domini omnia superat. et alibi: non est inopia
timentibus eum. denique post multos uirtutum gradus ad huiuscemodi
timorem domini peruenitur. loquitur enim sermo diuinus sub persona
magistri et patris, discipulum erudientis et filium: si inuocaueris
sapientiam, et intellegentiae dederis uocem tuam, et si quaesieris eam
quasi pecuniam, et quasi thesauros inuestigaueris eam; tunc intelleges
timorem domini, et scientiam dei reperies. iste est timor qui animas
sanctorum integras ac pudicas puras que conseruat, de quo dicitur: timor
domini sanctus permanet in saeculum saeculi. ad quem nos diuina eloquia
cohortantur: timete dominum, et date ei gloriam. qui igitur sic timet
dominum, audiat uocem serui uel pueri eius, qui ambulauit in tenebris,
et non erat ei lumen; qui non habuit speciem nec gloriam, sed in
similitudine carnis peccatricis suscepit formam serui, ut peccatum in
carne superaret. de hoc dicitur quod speret in nomine domini, et
innitatur super deum suum; ut quidquid humanae fragilitatis est, diuina
maiestate corroboret atque sustentet. hoc iuxta hebraicum. ceterum
secundum septuaginta de peccatoribus dicitur, qui noluerunt oboedire
uoci filii eius, et in tenebris gradiuntur erroris, et idcirco non
habent lucem. neque enim fieri poterat, ut in peruersam animam introiret
sapientia. qui nescierunt nec intellexerunt; et ideo in tenebris
ambulant. non enim fecerunt opera domini atque mandata, nec seminauerunt
sibi iustitiam, neque uindemiauerunt uitam, ut accenderent sibi lumen
scientiae. qui enim desiderat sapientiam, seruet mandata, et dominus
tribuet eam illi. unde ad deum dicitur: lux praecepta tua. et alibi:
mandatum domini lucidum illuminans oculos. praecipitur que impiis ut
confidant in domino, et peccatis ruentes, illius innitantur et
sustententur auxilio. ecce omnes uos accendentes ignem, accincti
flammis, ambulate in lumine ignis uestri, et in flammis quas
succendistis; de manu mea factum est hoc uobis, in doloribus dormietis.
lxx: ecce omnes uos ignem accenditis, et confortatis flammam; ambulate
in lumine ignis uestri, et in flamma quam succendistis; propter me facta
sunt haec uobis. in maerore dormietis. nihil prodest exhortatio; nec
post scelera spes salutis est. omnes declinauerunt, simul inutiles facti
sunt; omnes sibi ignem succendunt, flammam que corroborant. habent enim
in se fenum, ligna, stipulam, spinas et tribulos ac lolium, quae
aeterno tradantur incendio. unde et in prouerbiis scriptum est: in
multis lignis uiget ignis. sin autem paruulus ignis grandem materiam
comprehendit; grandis flamma quanta populabitur? dicitur et in epistola
quae fertur ad hebraeos, de terra, quod proferens spinas et tribulos,
reproba sit, et maledictioni proxima, finis que illius in combustionem.
ergo qui accincti sunt flammis atque circumdati, et sibi incendium
roborauerunt, prouocantur ad salutem, et dicitur ad eos: ambulate in
lumine ignis uestri, et in flammis quas succendistis, ut in poenis atque
suppliciis discant dei potentiam, et redeant ad salutem. significat
autem iudaici populi uastitatem, quod romanis traditi sint, et
captiuitatis iugum hucusque sustineant. de manu enim christi haec facta
sunt omnia, et in maerore ac doloribus dormient; quia nec beneficiis nec
tormentis dei filium recipere uoluerunt. unde loquitur ad eos: ite in
ignem aeternum, quem praeparauit deus diabolo et angelis eius. hoc est
quod et apostolus ait: peruenit enim super uos ira in finem. hoc
capitulo discimus, pro qualitate peccati, ignem sibi unumquemque
succendere. et quomodo in eodem manentes loco, et si dici potest
lectulo, alii sani sunt, alii febrium succenduntur ardoribus, ex
diuersitate humorum atque pituitae diuersa supplicia sentientes. sic
ignis qui a peccatoribus succenditur, materiam in peccatis habet et in
iniquitate, de qua scriptum est: ardebit sicut ignis iniquitas, et sicut
gramen siccum uorabitur incendio.
51. audite me qui persequimini quod iustum est, et quaeritis
dominum. attendite ad petram, unde excisi estis, et ad cauernam laci de
qua praecisi estis. attendite ad abraham patrem uestrum, et ad saram
quae peperit uos, quia unum uocaui eum, et benedixi ei, et multiplicaui
eum. consolabitur ergo dominus sion, et consolabitur omnes ruinas eius,
et ponet desertum eius quasi delicias, et solitudinem eius quasi hortum
domini. gaudium et laetitia inuenietur in ea, gratiarum actio et uox
laudis. lxx: audite me qui persequimini quod iustum est, et quaeritis
dominum. attendite in robustam petram quam excidistis, et in foueam laci
quam fodistis. respicite in abraham patrem uestrum, et in saram quae
peperit uos, quia unus erat et uocaui eum, et benedixi ei, et dilexi
illum, et multiplicaui eum; et te nunc consolabor, sion. et consolatus
sum omnia deserta eius quasi paradisum, et ea quae ad occidentem sunt,
quasi paradisum domini; exsultationem et laetitiam inuenient in ea,
confessionem et uocem laudis. dormientibus in dolore ac maerore
perpetuo, qui succenderunt sibi ignem, et flammas robustissimas esse
fecerunt, uos qui persequimini iustitiam, et quaeritis dominum
(significat autem apostolorum et per apostolos credentium chorum)
respicite petram, id est abraham patrem uestrum, de quo excisi estis, et
ad cauernam laci, de qua praecisi estis, id est saram quae peperit uos.
et hoc considerate, quod cum unius et centum esset annorum et sterilem
haberet uxorem, multiplicauerim filios eius quasi stellas caeli, ita ut
numerum uinceret multitudo. si ergo de uno homine tanta populorum nata
sunt milia, quid mihi grande est, ut instaurem ruinas sion, et deserta
eius mutem in paradisum uoluptatis, et in hortum domini quem plantauit
deus in eden contra orientem. et inueniatur in ea pro diuersis arboribus
gaudium atque laetitia, confessio et uox laudis? hoc iudaei ad
zorobabel tempora referunt, quod post babyloniae uastitatem instaurata
sit sion, aedificatum que templum et antiqua religio reddita.
sed quomodo supra dicitur ad sion: afferent filios tuos in ulnis, et
filias tuas super humeros portabunt. et erunt reges nutricii tui, et
reginae nutrices tuae. et: ecce isti de longe uenient, et illi ab
aquilone et mari, et isti de terra australi. quando dicit sion: angustus
mihi est locus; fac mihi spatium ut habitem, quae mediocritatem
excludunt illorum temporum, nec super terrena hierusalem impleta
noscuntur. sic et hic loquitur dominus ad eos, qui persequuntur quod
iustum est, iuxta illud quod alibi dicitur: quaere pacem, et persequere
eam. et iterum: hospitalitatem persequentes. et quaerunt dominum, ut ex
prioribus coniciat praesentia, cum multo difficiliora iam facta sint,
haec quae promittuntur, futura non dubitent. porro iuxta lxx
persecutoribus iustitiae dicitur, ut aspiciant in robustissimam petram,
quam exciderunt, et in foueam laci quam foderunt, id est dominum
saluatorem, de quo apostolus loquitur: petra autem erat christus. et
alibi scriptum est: statuit supra petram pedes meos. et iterum: in petra
exaltauit me. huius enim latus lancea perfoderunt, de quo exiuit
sanguis et aqua, et huius foderunt manus et pedes, dicente ipso domino
saluatore: foderunt manus meas et pedes meos, dinumerauerunt omnia ossa
mea. possumus excisam petram sepulcrum dicere saluatoris, in quo
conditus est, et resurgens a mortuis, innumerabiles filios genuit. et
appellatus est abraham, id est pater multarum gentium. sicut sara prius
sterilis interpretatur ecclesia, quae alio nomine appellatur sion, quam
dominus consolatus est, et posuit deserta eius quasi paradisum. plures
enim filii desertae, magis quam eius quae habet uirum. quod que dicitur:
et ea quae ad occidentem sunt, ponam in paradisum domini, siue in
hortum dei, illud significat, quod sedentibus in tenebris et umbra
mortis lux repentina surrexit. pro paradiso, in cuius loco nos delicias
uertimus, in hebraico ponitur eden, de quo in principio geneseos
scriptum est. et hoc notandum, quod in sion, quae comparatur paradiso
dei, aliud esse non debeat, nisi gaudium et laetitia, confessio et uox
laudis, ut quod in caelis facturi sunt sancti cum angelis dei, hoc etiam
in terra iugi in domini laude meditentur.
attendite ad me, populus meus et tribus mea, me audite, quia lex a
me exiet, et iudicium meum in lucem populorum requiescet. prope est
iustus meus, egressus est saluator meus; et brachia mea populos
iudicabunt. me insulae exspectabunt, et brachium meum sustinebunt. lxx:
audite me, audite me, populus meus, et reges ad me attendite, quia lex a
me egredietur, et iudicium meum in lucem gentium. appropinquat cito
iustitia mea, et egredietur salus mea; et in brachio meo gentes
sperabunt. me insulae exspectabunt, et in brachio meo sperabunt. semel
in hebraico dicitur: attendite, secundo iuxta septuaginta: audite me,
audite me; ut doceat nos et auribus corporis et sensu animae audire
debere. prouocatur que gentium multitudo, quae est populus dei, ut
diligenter audiat quae dicuntur, de quo zacharias: confugient, inquit,
gentes multae ad dominum, et erunt ei in populum. siue, ut quidam
uolunt, populus appellatur reliquiae ex israel credentium; et tribus,
siue gentes, hi qui crediderunt ex multitudine nationum, dicente
nationibus moyse in deuteronomii cantico: laetamini gentes cum populo
eius. pro tribu, quam nos interpretati sumus, theodotio genus, symmachus
gentem, lxx reges transtulerunt. nos enim sumus tribus et gens et genus
domini regale et sacerdotale, qualis fuit et abraham, qui rex
appellatus est, et ceteri sancti, de quibus scriptum est: nolite tangere
christos meos. quid est quod iubetur audire? quia lex, inquit, a me
egredietur, et iudicium meum in lucem populorum, siue gentium.
hic lex euangelii ostenditur spiritalis, que exiet de sion; non moysi,
quae olim in sina data est. iudicium que eius in lucem gentium procedet,
per quod statuit atque decreuit omnes gentes esse saluandas. ac ne
forsitan putaremus longo post tempore quod promisit esse uenturum,
infert: prope est iustus meus, siue iustitia. christus enim a patre
factus est nobis sapientia et redemptio, sanctitas ac iustitia, et omnia
quibus uirtus nominibus appellatur. pulchre que dicitur iustitia
processura, ut nequaquam una gens, sed omnis saluetur orbis. quod autem
saluator, siue salus, quod hebraice dicitur iesus, appelletur filius
dei, qui missus a patre est, simeon tenens puerum in ulnis suis,
loquitur: nunc dimittis seruum tuum, domine, quoniam uiderunt oculi mei
salutare tuum, quod praeparasti in conspectu omnium populorum, lumen in
reuelationem gentium. quod que sequitur: et brachia mea populos
iudicabunt, siue iuxta lxx: et in brachio meo gentes sperabunt, uel hoc
significat, quod omnes uirtute illius iudicentur, uel quod in christum,
qui est brachium et fortitudo dei, omnes crediturae sint nationes.
dicitur et in alio loco: tuum brachium cum potentia. confortetur manus
tua, et exaltetur dextera tua. et iterum: cantate domino canticum nouum;
saluabit sibi dextera eius, et brachium sanctum illius. dextera enim et
brachium domini, ipse est qui prius perditos saluauit sibi, ut nullus
periret de his quos ei pater dederat. quod autem insulae, uel animae
sanctorum, quae in persecutionibus mundi istius firma in deum solidatae
sunt fide, uel ecclesiarum ex gentibus multitudo dicatur, crebro
exposuimus. et sicut brachium domini saluatorem, sic brachia eius quae
populos iudicent, omnes sanctos possumus intellegere, in quibus deus
mundum iudicabit. leuate in caelos oculos uestros, et uidete sub terram
deorsum, quia caeli sicut fumus liquescent, et terra sicut uestimentum
atteretur; et habitatores eius sicut haec interibunt. salus autem mea in
sempiternum erit, et iustitia mea non deficiet. lxx: leuate in caelum
oculos uestros, et inspicite terram deorsum, quoniam caelum sicut fumus
firmatum est. terra autem sicut uestimentum ueterascet, et habitatores
eius sicut haec morientur. salutare autem meum in sempiternum erit, et
iustitia mea non deficiet. hoc est quod dominus loquitur in euangelio:
caelum et terra transibunt; uerba autem mea non praeteribunt. et dauid
in psalmo canit: a principio tu, domine, terram fundasti, et opera
manuum tuarum sunt caeli. ipsi peribunt, tu autem permanes, et omnes
sicut uestimentum ueterascent; et sicut pallium inuolues eos, et
mutabuntur. ex quo ostenditur, perditionem caelorum non interitum
sonare, sed mutationem in melius. de quibus dicitur: erit caelum nouum,
et terra noua, quae ego faciam permanere in conspectu meo. si enim de
sanctis scriptum est: omnes quidem dormiemus, sed non omnes immutabimur.
et in quattuor psalmorum titulis legitur: pro his qui immutabuntur,
quanto magis hoc de caelo ac sole stellis que credendum est, quando luna
solis lumen accipiet et sol septuplo fulgore rutilabit? unde et omnis
creatura congemiscit et parturit, exspectans reuelationem filiorum dei,
ut mutetur in melius. et non solum animae hominum, quae immortales sunt,
sed et corpora commutentur in glorificatam substantiam. oportet enim
corruptiuum hoc induere incorruptionem, et mortale hoc induere
immortalitatem. cum autem caelum ueterascat et terra, consequenter et ea
quae caeli circulo continentur, et homines qui sunt habitatores terrae,
sicut haec morientur. non in interitum sui, sed in absolutionem
uilitatis antiquae et innouationem futurae gloriae; quando fulgebunt
iusti sicut sol.
et abeuntibus praeteritis atque antiquis, facta fuerint omnia noua.
quidam perire et ueterascere, pro abolitione et morte accipiunt. iuxta
illud quod in catholica epistola legimus: caeli qui nunc sunt et terra,
eodem uerbo reseruata sunt igni. et iterum: elementa ardentia soluentur.
quae quidem et philosophorum mundi opinio est, omnia quae cernimus igni
peritura. unde et apostolus: pertransit, ait, figura mundi huius,
contemplantibus nobis, non ea quae uidentur, sed quae non uidentur. quae
enim uidentur, temporalia sunt; quae autem non uidentur, aeterna. tale
quid et ioannes apostolus scribit: mundus pertransit, et desiderium
eius. et in hebraico dicitur: caeli sicut fumus liquescent. siue iuxta
aquilam et symmachum: comminuentur in nihili, et in salis modum
conterentur et euanescent: quorum prior dixit h�listh�san~g; alter
halisousin~g; quod a comminutione et deliquio salis etumologian~g
trahere manifestum est. pro quo miror quid dicere uoluerint septuaginta:
caelum sicut fumus firmatum est. si enim firmitas pro robore accipitur,
quomodo fumo quod firmum est comparatur? nisi forsitan possumus hoc
dicere, quod omnis caelorum firmitas et robur fortitudo, uento
inanissimo et fumo, qui in auras soluitur, coaequetur iuxta
ecclesiasten: uanitas uanitatum, et omnia uanitas. illud que dicendum,
quod si caelum et terra peribunt atque ueterascent, qua consequentia
habitatores eius sicut ista moriantur atque dispereant; cum animas esse
perpetuas, et resurrectura corpora nouerimus? ex quo perspicuum est
caelos et terram non perire et in nihili redigi, sed in melius
commutari.
audite me qui scitis iustum, populus. lex mea in corde eorum.
nolite timere opprobrium hominum, et blasphemias eorum ne metuatis.
sicut enim uestimentum, sic comedet eos uermis; et sicut lanam, sic
deuorabit eos tinea. salus autem mea in sempiternum erit, et iustitia
mea in generationes generationum. lxx: audite me qui scitis iudicium,
populus, cuius lex mea in corde eorum. nolite timere opprobrium hominum,
et contemptu eorum ne uincamini. sicut enim uestimentum consumentur
tempore, et sicut lanae comedentur a tinea. iustitia autem mea in
aeternum erit, et salus mea in generationes generationum. qui supra
dixerat: lex a me egredietur, et iudicium meum in lucem gentium, nunc ad
eosdem loquitur, qui sciunt iudicium eius, et legem illius habent in
cordibus suis, ut omnia cum iudicio faciant, et habeant legem quam per
hieremiam dominus pollicetur, dicens: statuam testamentum nouum, non
iuxta testamentum quod disposui patribus eorum, sed statuam testamentum,
dans leges meas in mentibus eorum. et super cor eorum scribam eas; et
ero eorum deus, et ipsi erunt populus meus. ut nequaquam uiuant iuxta
litteram, sed iuxta spiritum, instaurantes naturalem legem in cordibus
suis, de qua scribit et apostolus: cum enim gentes, quae non habent
legem, naturaliter ea quae legis sunt faciunt; isti legem non habentes,
sibi ipsi sunt lex, qui ostendunt opus legis scriptum in cordibus suis.
de qua lege significatur in psalmo: os iusti meditabitur sapientiam, et
lingua eius loquetur iudicium. lex dei eius in corde illius; et non
supplantabuntur gressus eius. et quia sciebat spiritus prophetalis,
multas persecutiones credentibus fore, exhortatur eos ad fortitudinem,
immo ad contemptum eorum qui eos persecuturi sunt.
quod et dominus in euangelio loquebatur: nolite timere eos qui occidunt
corpus, animam autem non possunt occidere; sed potius eum timete, qui
potest animam et corpus perdere in gehennam. et in alio loco: gaudete,
cum omne malum dixerint aduersum uos mentientes. sicut enim uestimentum
consumitur uerme uel tempore, et sicut lanae a tinea deuorantur: sic
omne persecutorum opprobrium cum persecutoribus pertransibit. unde et
apostoli gloriabantur, quod digni essent habiti pro domino pati
contumelias. gloriabantur autem, quod salus et iustitia domini, quae eis
uictoriam et praemia repromiserat, id est, dominus atque saluator
permaneat in aeternum, siue in utraque generatione prioris populi et
posterioris, qui aduentum illius receperunt, de quo et supra dicitur:
prope est iustus meus, egressus est saluator meus.
consurge, consurge; induere fortitudine brachium domini. consurge
sicut in diebus antiquis in generationibus saeculorum. numquid non tu
percussisti superbum, uulnerasti draconem? numquid non tu siccasti mare,
aquam abyssi uehementis, qui posuisti profundum maris uiam, ut
transirent liberati? et nunc qui redempti sunt a domino, reuertentur et
uenient in sion laudantes; et laetitia sempiterna super capita eorum;
gaudium et laetitiam tenebunt, fugiet dolor et gemitus. lxx: exsurge
exsurge (signum_obeli) hierusalem (signum_metobeli) et induere
fortitudine brachii tui. exsurge sicut in principio diei, sicut
generatio sempiterna. nonne tu es quae excidisti latitudinem,
dissoluisti draconem? nonne tu es quae desertum fecisti mare, aquas
abyssi multas; quae posuisti profundum maris uiam transitus, his qui
fuerant liberati et redempti? a domino enim reducentur, et uenient in
sion cum laetitia et exsultatione aeterna. in capite enim eorum laus et
laetitia apprehendet eos. fugiet dolor et maeror et gemitus. nomen
hierusalem, quod hic a lxx additum est, nec in hebraeo habetur, nec
ullus trium interpretum posuit, unde obelo praenotandum est, et sic cum
superiori sensu sequens capitulum copulandum. dominus credentes in se
fuerat cohortatus, dicens: nolite timere opprobrium hominum, et
blasphemias eorum ne metuatis. salutem que suam et iustitiam sempiternam
eis promiserat in auxilium, quae non est alia praeter christum,
brachium domini, de quo supra dixerat: et in brachio meo gentes
sperabunt. unde populus loquitur ad brachium domini, et eius deprecatur
aduentum, et promissum implorat auxilium dicens: consurge, consurge;
induere fortitudine brachium domini. consurge sicut in diebus antiquis,
et omnem tuam exerce fortitudinem, ut qui per multa saecula sanctos tuos
de periculis liberasti, etiam nos tua fortitudine protegas. tu es enim
qui percussisti superbum, uulnerasti draconem, regem uidelicet aegypti
pharaonem, qui et in hiezechiel draco magnus appellatur. tu siccasti
mare rubrum, ut per aquas uehementissimas et profunda maris uiam tuus
populus reperiret, et aegyptios fugeret persequentes. qui igitur ista
fecisti, nunc quoque redemptos et liberatos sanguine tuo reduc in sion
et in caelestem hierusalem, siue in ecclesiam quam tibi tuo sanguine
praeparasti; in qua cum fuerint, gaudebunt laetitia sempiterna, et
dicent: domine, ut scuto bonae uoluntatis tuae coronasti nos. habebunt
enim gaudium atque laetitiam, fugiente dolore et gemitu. hoc iuxta
hebraicum. ceterum iuxta lxx hierusalem, id est peccatrix anima,
prouocatur ut induat fortitudinem brachii sui, et priora assumat opera,
sicut fuerat antequam caderet, quando in die uersabatur et luce. tu es
enim, inquit, quae superasti latam et spatiosam uiam quae ducit ad
mortem; et dissipasti draconem, colubrum tortuosum. de quo et in psalmis
legitur: tu contriuisti capita draconum in aquis. memento prioris
fortitudinis tuae, quod saeculi huius calcaueris mare, et illud feceris
esse desertum, et uiam repereris in mediis fluctibus.
unde et apostolus petrus per mare huius saeculi transiuit ad dominum, et
qui fide ambulabat, coepit infidelitate mergi, nisi quod dextera domini
sustentatus est. sicut igitur prior uictoria domino auxiliante concessa
est, sic et reuersis post paenitentiam, et audientibus: numquid qui
cadet, non resurget? dicit dominus, et: conuertimini ad me, filii
conuertentes; et ego sanabo contritiones uestras, ipse porriget manum,
et reducet eos in sion, speculam culmen que uirtutum, cum gaudio atque
laetitia sempiterna, et ponet in capite eorum laudem atque laetitiam.
sapientis enim oculi in capite eius; et hanc habebunt coronam, isto que
diademate protegentur, ut semper gaudeant et laudent dominum, quia pro
dolore, maerore et gemitu successerint gaudia.
ego, ego ipse consolabor uos. quis tu, ut timueris ab homine
mortali et a filio hominis, qui quasi fenum ita arescet? et oblitus es
dei factoris tui, qui tetendit caelos, et fundauit terram; et formidasti
iugiter tota die a facie furoris eius, qui te tribulabat; et parauerat
ad perdendum. ubi nunc est furor tribulantis? cito ueniet gradiens ad
aperiendum, et non interficiet usque ad internecionem, nec deficiet
panis eius. ego autem sum dominus deus tuus, qui conturbo mare, et
intumescunt fluctus eius; dominus exercituum nomen meum. posui uerba mea
in ore tuo; et in umbra manus meae protexi te, ut plantes caelos et
fundes terram, et dicas ad sion: populus meus es tu. lxx:
ego sum, ego sum ipse qui consolor te. scito quae fueris et
timueris ab homine mortali, et a filio hominis, qui quasi fenum arefacti
sunt, et oblitus es dei factoris tui, qui fecit caelum, et fundauit
terram, et timebas semper cunctis diebus faciem furoris tribulantis te,
sicut cogitauit auferre te. et nunc ubi est furor tribulantis te? cum
enim salua facta fueris, non stabit, neque permanebit (signum_asterisci)
et non occidet in corruptionem, et non deficiet panis eius
(signum_metobeli) quia ego deus tuus qui conturbo mare, et sonare facio
fluctus eius. dominus sabaoth nomen mihi. ponam uerba mea in ore tuo, et
in umbra manus meae protegam te, in qua statui caelum, et fundaui
terram; et dicet sion: populus meus es tu. credentium populus brachium
domini, qui ipse est dei uirtus dei que sapientia, fuerat deprecatus, ut
consurgeret, et sibi praeberet auxilium, et illo pugnante pro sanctis,
gaudium atque laetitiam, fugato dolore et gemitu, possiderent. itaque
uel brachium domini, uel dominus ipse respondit: ego sum, ego sum; et
nequaquam per prophetas, sed ipse uos consolabor, deus misericordiarum,
et pater totius consolationis. miror que quomodo, me dicente supra:
nolite timere opprobrium hominum et blasphemias eorum ne metuatis,
timueritis persecutorum rabiem, et nescieritis eos esse mortales, qui
instar feni arescunt repente, et pereunt. et certe eo tempore quo illos
metuebas, oblitus es domini factoris tui. si enim mei semper memoria in
tuo fuisset corde uersata, numquam timuisses homines, qui in cinerem
dissoluendi sunt. et cuius oblitus es? dei qui caelos incredibili
uirtute suspendit, et terram stabili mole fundauit. et timuisti
aduersarios tuos, non ad breue, quod poterat tibi aliqua ex parte
concedi, sed iugiter et tota die, ut cum haberes lumen fidei, tenebrae
te formidinis possiderent, et eius qui te putabat esse periturum. ubi
est ergo nunc persecutorum superbia? ubi potentia saecularis, qua in te
ore rabido saeuiebant? cito ueniet filius meus, gradiens et conculcans
aduersarios tuos, ut aperiat tibi uiam uictoriae; siue ut inferos
reseret, qui non interficiat usque ad internecionem. sed uelit seruare
conuersos. denique panis illius (quod interpretatur, euangelio probante,
doctrina) numquam deficiet, sed semper uolentibus ad uescendum patebit.
simul que apostropham facit ad filium, quem cito promittit esse
uenturum, et cuius panem dicit esse perpetuum; quod ipse sit iuxta
dispensationem carnis assumptae dominus deus eius, qui conturbari faciat
mare, et intumescere fluctus eius, ut aduersum seruos suos persecutorum
infletur superbia, quae iterum, auxiliante domino, conquiescat. dicit
que quod posuerit uerba sua in ore eius. quidquid enim filius loquitur,
uerba patris sunt, et in umbra manus suae protexerit eum. et idcirco
protectus sit ut plantet caelos nouos, et fundet terram nouam, et dicat
ad sion, hoc est, ad ecclesiam: populus meus es tu.
ergo sion non est alia nisi populus dei. symmachus in eo loco, ubi nos
diximus: cito ueniet gradiens ad aperiendum, et non interficiet usque ad
internecionem, ita interpretatus est: cito infernus aperietur, et non
morietur in corruptionem; subauditur christus, qui in quinto decimo
psalmo loquitur: non derelinques animam meam in inferno, nec dabis
sanctum tuum uidere corruptionem. in eo quoque loco ubi nos iuxta
hebraicum et aquilam uertimus: posui uerba mea in ore tuo, et in umbra
manus meae protexi te, ut plantes caelos, et fundes terram, et dicas ad
sion: populus meus es tu, ille sic transtulit: ponam uerba mea in ore
tuo, et in umbra manus meae protegam te, in qua plantaui caelum, et
fundaui terram, et ut dicam sion: populus meus es tu. iuxta lxx, ad
omnem credentium dicitur animam, quod creata ad imaginem et
similitudinem dei, suam ignorauerit dignitatem. sed timuerit hominem et
filium hominis, qui solum potest corpus occidere, et immortalem se esse
nescierit, nec dixerit cum propheta: dominus illuminatio mea et saluator
meus, quem timebo? dominus protector uitae meae, a quo trepidabo? et
iterum: dominus adiutor meus, non timebo quid faciat mihi homo. dominus
auxiliator meus, et ego despiciam inimicos meos. quid sit autem homo,
alio uersiculo demonstratur: in domino sperabo; non timebo quid faciat
mihi caro. unde et nunc dicitur: timuisti ab homine mortali, et a filio
hominis, qui sicut fenum arefacti sunt. omnis enim caro fenum, et omnis
gloria eius quasi flos feni; et territa iudicis potestate, oblita es
quod ipse esset protector tuus, qui caelum fecit et terram, et omnia
elementa quae cernimus; uel eos caelos qui portant imaginem
supercaelestis, et eam terram quae sementem domini multiplicat. illud
autem quod supra dicitur: et non occidet in corruptionem, et non
deficiet panis eius, de theodotionis editione ex hebraico additum est.
ipse conturbat mare, et sonare facit fluctus eius cui et in psalmis
canitur: tu dominaris fortitudini maris et commotionem fluctuum eius tu
mitigas. in hieremia quoque scriptum est: me non timebitis, dicit
dominus, et a facie mea non formidabitis, qui posui arenas terminum
mari, praeceptum sempiternum quod non praeteribit? turbata que sunt
maria, quando sagena domini extraxit piscium multitudinem. et posuit
dominus uerba sua in ore credentis, et in umbra manus suae protexit eum.
qui et in euangelio loquitur: quando tradiderint uos, nolite cogitare,
quomodo aut quid loquamini; dabitur enim uobis in illa hora quid
loquamini. non enim uos estis qui loquimini; sed spiritus patris uestri,
qui loquitur in uobis. et in alio loco dicit ad iustum: dilata os tuum
et implebo illud. et iterum: aperi os tuum uerbo dei; dominus enim dabit
uerbum euangelizantibus uirtute multa. unde ad interiorem hieremiae
hominem loquitur deus, postquam tetigit os eius: ecce ego dedi sermones
meos in ore tuo, qui poterat cum psalmista canere: misit in ore meo
canticum nouum, hymnum deo nostro. quis autem haec operatus est omnia,
nisi dominus atque saluator, qui caelum fecit et terram, et dicit sion:
populus meus es tu? quod proprie ecclesiae conuenit de gentibus
congregatae. et in osee credentibus pollicetur: uocabo non populum meum,
populum meum. et ipse dicet mihi: deus meus es tu.
eleuare, eleuare, consurge hierusalem, quae bibisti de manu
domini calicem irae eius; usque ad fundum calicis soporis bibisti, et
potasti usque ad feces. non est qui sustentet eam, ex omnibus filiis
quos genuit; et non est qui apprehendat manum eius, ex omnibus filiis
quos enutriuit. duo sunt quae occurrerunt tibi, quis contristabitur
super te? uastitas et contritio, et fames et gladius: quis consolabitur
te? lxx: exsurge, exsurge, eleuare hierusalem, quae bibisti de manu
domini calicem furoris eius. calicem enim ruinae kondu~g furoris
ebibisti et euacuasti; et non erat qui consolaretur te ex omnibus filiis
tuis quos genuisti.
et non erat qui apprehenderet manum tuam; neque ex omnibus filiis tuis,
quos exaltasti. duo haec contraria tibi: quis contristabitur te cum?
ruina et contritio, fames et gladius: quis consolabitur te? hierusalem
et sion esse du�numon~g saepe docui; quarum sion, quae interpretatur
specula, eo quod in monte sita sit, arx uocatur. reliqua autem urbis
pars, hierusalem dicitur, quae prius appellabatur iebus et salem, quam
nunc propheta cohortatur ut surgat, quae prius negatione corruerat,
dicens in domini passione: crucifige, crucifige talem; non habemus regem
nisi caesarem. et agat paenitentiam, et captiuitatis sentiat malis, cur
suum offenderit creatorem. solent medici amarissimam antidotum, quae ex
gustu nomen accepit, dare stomacho nauseanti, ut noxios humores euomat,
et possit coctos cibos atque digestos in aluum transmittere, quos
flegmatum magnitudo digeri non sinebat. igitur et hierusalem, quae bibit
de calice furoris domini, et de kondu~g eius, quem symmachus craterem
interpretatus est, et quem iuxta geneseos librum, ioseph in sacculo
fratris beniamin iussit abscondi, iubetur de ebrietate consurgere, eo
quod biberit, et uacuefecerit et potauerit eum usque ad feces, quod tres
uno indicauere sermone, exestraggisas~g. hic est calix de quo in
psalmis legimus: calix in manu domini uini meri plenus mixto. et
inclinauit ex hoc in illud, uerumtamen fex eius non est exinanita;
bibent omnes peccatores terrae. de quo et ad hieremiam deus loquitur:
sume calicem uini meri de manu mea; et propinabis cunctis gentibus, ad
quas ego mittam te. et bibent et uoment, et insanient a facie gladii,
quem ego mittam in medio eorum. cum que aliis gentibus, et hierusalem,
urbibus que iudaeae propinasse se dicat, infert: sic dicit dominus
omnipotens deus israel: bibite et inebriamini, et euomite; et cadite a
facie gladii, quem ego mittam in medio uestri. et notandum quod calix
iste furoris domini gladius eius sit, qui in medio mittitur peccatorum.
in quo quaestio nascitur, quomodo post potum, ebrietatem uomitum que et
ruinam, in hieremia dicatur hierusalem non posse consurgere, et nunc
esaia loquatur ad eam: eleuare, eleuare, consurge hierusalem. quae ita
soluitur: quamdiu quis bibit calicem, et inebriatur, et insanit uomit
que et corruit, non eum posse consurgere, necdum enim epotauit calicem
domini, nec peruenit ad feces, ut eum usque ad fundum biberit. nunc
autem ad hierusalem de praeterito dicit tempore: quae bibisti de manu
domini calicem furoris eius; et non, quae bibis. simul que
considerandum, quod non propheta, non apostolus exinde fuerit in iudaea,
qui eam consolatus sit, et apprehenderit manum eius, et iacentem
eleuauerit. ex quo manifestum est, quod post ultimam captiuitatem ista
dicantur; alioquin in babylone et post babylonem, hiezechiel et ceteros
prophetas habuisse eam, narrat historia. quod autem dicit: duo sunt,
quae occurrerunt tibi, siue duo haec contraria tibi; quis contristabitur
super te? et pro duobus, infert quattuor: uastitas et contritio, fames
et gladius; illi simile est quod in psalmo canitur: semel locutus est
deus, duo haec audiui, quia potestas dei est, et tibi, domine,
misericordia; quia tu reddes unicuique iuxta opera sua. et ibi enim
semel loquitur deus, quod omnipotens sit, et duo audit propheta, quod
omnipotentia illius in utraque parte praeualeat, ut et paenitentibus
tribuat misericordiam, et permanentibus in peccato reddat supplicia quae
merentur. iuxta quod et in alio loco duo occurrerunt hierusalem, quae
singula bina habent. ruinam enim siue uastitatem sequitur contritio;
famem et gladium interitus. possumus haec iuxta anagogen, et super anima
intellegere peccatrice, quae nolens bibere calicem furoris domini,
dicit in psalmo: domine, ne in furore tuo arguas me, neque in ira tua
corripias me. si autem biberit, bonum est ei sua sentire supplicia, et
audire dominum dicentem: cum ira furoris mei transierit, rursum curabo.
et alibi: numquid qui cadit non resurget, dicit dominus?
filii tui proiecti sunt, dormierunt in capite omnium uiarum,
sicut oryx illaqueatus; pleni indignatione domini, increpatione dei tui.
lxx: filii tui indigentes et dormientes in capite omnium uiarum; sicut
beta semicocta, pleni furoris domini, et deficientes a domino deo. pro
beta semicocta, reliqui interpretes orygem captum et illaqueatum
transtulerunt, qui hebraice appellatur tho, quod genus bestiae nascentis
in eremo, inter munda animalia in leuitico et deuteronomio ponitur.
pro quo lxx syra lingua opinati sunt thoreth, quae dicitur beta. hoc de
nomine transeamus ad sensum. filii tui sicut oryx uenatorum laqueis
irretitus, dormierunt in compitis et plateis, et super nudam humum nuda
membra ponentes, indignationem domini et increpationem dei sui propriis
miseriis indicarunt. porro iuxta septuaginta, qui noluerint habere
diuitias spiritales in omni uerbo et scientia et operibus bonis. sed
fuerint pauperes qui non sustinent comminationem, nequaquam habitabunt
in domibus, quae uirtutibus exstruuntur, sed in principiis uiarum et in
exitu tangentes omnia, et omnia relinquentes. qui recte dormire dicuntur
illo somno, de quo scribitur: dormierunt somnum suum, et inuenerunt
nihil. quo somno consopiuit eos rex assyrius. et comparantur betae
semicoctae, quod genus oleris est uilissimi et fragilissimi. de quibus
oleribus puto illud in psalmis dici: ne zeleris in malignantibus, neque
aemuleris facientes iniquitatem. quoniam sicut fenum uelociter arescent,
et sicut olera herbarum cito decident. est enim aegrotantium cibus. qui
semel incredulus est, appellatur beta cruda. qui autem simplici
contentus fide, absque ratione et dogmatum ueritate facit opera
iustitiae, potest dici beta cocta. porro qui inter uitia atque uirtutes
medius fluctuat, et duplici corde accedit ad seruitutem dei, iste
rectissime uocatur beta semicocta, ad quem et in apocalypsi ioannis
loquitur deus: utinam aut calidus esses aut frigidus; nunc autem quia
tepidus es, euomam te. qui tepidi et dormientes, pleni sunt furoris
domini, et dissoluti siue deficientes per dominum deum; non quo dominus
dissolutionis eorum causa sit, qui mortem non fecit, nec delectatur in
perditione uiuentium, sed quo qui in lege peccauerint, per legem
iudicentur, quae operatur iram dei his qui praeuaricatores eius sunt.
idcirco audi hoc, paupercula et ebria non a uino. haec dicit
dominator tuus dominus et deus tuus, qui pugnauit pro populo suo: ecce
tuli de manu tua calicem soporis, fundum calicis indignationis meae; non
adicies ut bibas illum ultra. et ponam illum in manu eorum, qui te
humiliauerunt, et dixerunt animae tuae: incuruare ut transeamus, et
posuisti ut terram corpus tuum, et quasi uiam pertranseuntibus. lxx:
propterea audi, humiliata et ebria non a uino. sic dicit dominus deus
qui iudicat populum suum: ecce tuli de manu tua calicem ruinae, kondu~g
furoris mei. et non adicies bibere illum ultra; et dabo eum in manus
eorum, qui te inique oppresserunt, et humiliauerunt, qui dixerunt animae
tuae, inclinare ut transeamus, et posuisti aequalia terrae media tua
foris transeuntibus. o hierusalem, cui dixi: eleuare, eleuare, consurge,
et age paenitentiam, quia bibisti de manu domini calicem furoris eius,
et epotasti eum usque ad feces. et filii tui, qui in toto orbe dispersi
sunt, ducti que captiui iacuerunt in plateis et in capitibus uiarum;
scito te esse pauperculam et humiliatam, et ebriam, non a uino, sed
furore domini. idcirco si egeris paenitentiam, et eleuata surrexeris,
scias calicem soporis et ruinae (siue iuxta symmachum et theodotionem:
lacerationis et commotionis) de manu tua esse tollendum. et condy, pro
quo et in hoc loco symmachus craterem interpretatus est, te ultra non
esse bibituram. sed tradendum aduersariis tuis, qui dixerunt animae
tuae: incuruare, ut transeamus; illis que dicentibus, uoluntate propria
incuruata es. et posuisti quasi terram corpus, siue dorsum; uel iuxta
septuaginta: media et ceruices tuas foris transeuntibus. hoc iuxta
historiam dictum sit, quod hierusalem si eleuare se uoluerit atque
consurgere, nequaquam bibat calicem furoris domini, nec patiatur ultra
quae prius sustinuit. ceterum ut ueniamus iuxta septuaginta ad
intellegentiam spiritalem, animae dicitur humiliatae uitiis, et ebriae
perturbationibus, ut sciat dominum habere se iudicem, et de omnibus
reddituram se esse rationem. quod si fuerit ad meliora conuersa,
auferendum calicem ruinae de manibus eius, et craterem furoris domini,
qui supplicia continebat, de quo et hiezechiel dicit ad hierusalem:
calicem sororis tuae samariae bibes profundum et latum, ut inebrieris,
tradendum in manibus eorum, qui eam humiliauerant.
haud dubium quin aduersarias significet potestates, quae dixerunt animae
illius: incuruare, ut transeamus. in quo pariter annotandum, quod non
eam incuruauerint, nec uim fecerint, ut prius erecta inclinaretur in
terram, sed proprio arbitrio dereliquerint. illa autem uoluntate sua
posuerit ceruices uel dorsum, siue totum corpus suum, non intus, sed
foris, his qui eam conculcauerint. tale quid et in euangelio legimus,
quod decem et octo annis satanas incuruauerat mulierem, quam dominus ad
statum pristinum erexit, ut possit dicere: leuaui oculos meos in montes,
unde ueniet auxilium mihi. et: ad te leuaui oculos meos, qui habitas in
caelo.
52. consurge, consurge, induere fortitudine tua, sion; induere
uestimentis gloriae tuae, hierusalem ciuitas sancti, quia non adiciet
ultra, ut pertranseat per te incircumcisus et immundus. lxx: exsurge,
exsurge (signum_obeli) sion (signum_metobeli) induere fortitudine tua,
sion, et induere gloria tua, hierusalem ciuitas sancta, nequaquam ultra
adiciet, ut pertranseat per te incircumcisus et immundus. rursum et in
hoc loco nomen sion, ut superius, a lxx additum est, et idcirco
iugulatum ueru. cui ergo supra dixerat: eleuare eleuare, consurge,
hierusalem, nunc eidem loquitur: consurge, consurge, induere fortitudine
tua, sion. quae sit autem sion, sequens uersus ostendit: induere
uestimentis gloriae tuae, hierusalem. hoc diximus, ut hierusalem et sion
unam probemus urbem. praecipitur que ei, ut lugubria uestimenta
deponat, et induatur his quae habuit antequam biberet de manu domini
calicem furoris eius. appellatur que ciuitas sanctuarii, hoc enim sonat
codes, propter templum, quod in ea conditum fuit. siue sancti, propter
notitiam dei, uel sancta, quia sola in orbe terrarum acceperat legem.
unde et post resurrectionem saluatoris apparuerunt corpora mortuorum in
ciuitate sancta. quae utique propter blasphemiam et missas in dominum
manus, sancta esse non poterat. quod que promittitur, si surrexerit post
ruinam, et induta fuerit fortitudine et gloria sua, nequaquam ultra
transiturum per eam incircumcisum et immundum, hoc significat, quod et
paulus apostolus dicens: quae participatio iustitiae cum iniquitate?
quae societas luci ad tenebras? quae conuentio christi ad belial? quae
pars fideli cum infidele? quis consensus templo dei cum idolis? quae
quidem, ut exponere coepimus, et ad animae statum uniuersa referuntur.
quod si per paenitentiam pristinum robur receperit, uocetur habitaculum
sancti, et fiat templum dei, et nequaquam per eam incircumcisus et
immundus logismos~g transeat. de quibus dictum est: ab occultis meis
munda me, domine, et ab alienis parce seruo tuo. si mei non fuerint
dominati, tunc immaculatus ero, et emundabor a delicto maximo. omnia
autem quae promittuntur sion et hierusalem, non ut iudaei somniant ad
lapides illius et cineres fauillas que dicuntur, ut instauretur in
pristinum statum; sed ad populum hierusalem, qui occidit prophetas, et
lapidauit eos, qui ad se missi erant, et ad extremum etiam in dei filium
misit manus. qui corruens in passione christi, in resurrectione illius
suscitatus est, quando multa milia crediderunt de iudaeis, et reliquiae
saluae factae sunt. eadem et de ecclesia possumus dicere, quae uisio
pacis et specula, si in haeresim corruerit, iubetur exire et pristinae
fidei ornamenta suscipere. et si fuerit suscitata, sanctitatis ei et
continentiae praemia promittuntur, ut nequaquam per eam transeat
incircumcisus et immundus. quod non ad carnis concisionem atque
praeputium. sed ad operum immunditiam siue munditiam referri potest, ut
incircumcisos uocemus et immundos, qui corporis uoluptati et libidine
seruiunt. denique ad circumcisos carne, non spiritu loquitur hieremias:
omnes gentes incircumcisae carne sunt; filii autem israel incircumcisi
sunt cordibus suis.
et beatus apostolus de uirginitate et continentia ac nuptiis disputans,
iecit in medio: circumcisus aliquis uocatus est non adducat praeputium.
in praeputio uocatus est, non circumcidatur. quod mihi uidetur aliis
uerbis dicere: absque uxore uocatus est, et credidit, non ducat uxorem.
uel e contrario: habens uxorem in christum credidit, nequaquam diuortium
faciat. quem sensum, non solum in circumcisione et in praeputio, sed in
libertate ac seruitute custodit, ut liberos uocet uirgines et
continentes, seruos qui uxori debitum reddant. neque enim potestatis
nostrae est praeputium adducere post circumcisionem, iuxta eos qui in
machabaeorum libro dicuntur sibi fecisse praeputia; quod de nascentibus
filiis, et non de patribus dicitur. aut qui liber uocatus est, magis
seruus est christi, cum in christi baptismate nulla sit differentia
iudaei et ethnici, graeci et barbari, uiri et mulieris, liberi ac serui.
excutere de puluere; consurge sede, hierusalem; solue uincula
colli tui, captiua filia sion. quia haec dicit dominus: gratis uenundati
estis, et sine argento redimemini. lxx: excute puluerem, et exsurge,
hierusalem. solue uinculum colli tui, captiua filia sion. quia haec
dicit dominus: gratis uenundati estis, et sine pecunia redimemini.
nequaquam ad hierusalem, id est ad ruinas lapidum illius et cineres ac
fauillas prophetae esse sermonem, sed ad populum qui habitet in ea; et
quod propter effeminationem animi filia nominetur, sequens uersus
ostendit, in quo ait: solue uincula colli tui, captiua filia sion. uere
enim captiuus est populus iudaeorum, qui usque hodie nabuchodonosor
portat iugum, et peccatorum ac blasphemiarum suarum strictus est
funibus; qui gratis est uenditus, et nihil fecit dignum propter quod
possit redimi. cui et supra dicitur: ecce peccatis uestris uenundati
estis, et in iniquitatibus uestris dimisi matrem uestram. causas que
reddit, cur uenundati sint, cur abiecti. quia, inquit, ueni, et non erat
homo; uocaui, et non erat qui audiret. ex quo manifestum est, ideo
errori et daemonibus eos traditos, quia non audierunt clamantem: uenite
ad me, omnes qui laboratis et onerati estis. redimentur autem qui
uoluerint credere, nequaquam argento et pecunia, sed pretioso christi
sanguine, ut audiant per apostolos: gratia uobis et pax. non enim ob
merita, sed ob gratiam et fidem christi deo reconciliati sumus. animae
quoque dicitur, quae uitiorum polluta sordibus, candorem pristinae
conuersationis amiserat, ut excutiat puluerem cum apostolis, qui
adhaesit pedibus eius. neque enim fieri poterat, ut quae prostrata
subiecerat ceruices suas foris transeuntibus. et media terrae
sociauerat, dixerat que humiliata est in puluere anima mea, adhaesit
terrae uenter meus, non imaginem terreni acceperit. a qua nos reuocat
apostolus, dicens: sicut portauimus imaginem terreni, sic portemus et
imaginem caelestis. unde qui in carne sunt, deo placere non possunt. non
quo carnis natura damnetur, cuius conditor deus est, et in qua plurimi
placuerunt deo regnant que cum christo; sed quo opera carnis
repudientur, de quibus idem apostolus loquitur: ego autem carnalis sum,
uenundatus sub peccato. denique ad huiuscemodi homines dicit: ubi autem
zelus et aemulatio in uobis est, nonne carnales estis, et secundum
hominem ambulatis? et e contrario ad sanctos: uos autem non estis in
carne; siquidem spiritus dei habitat in uobis. excutitur ergo puluis, de
quo scriptum est: numquid confitebitur tibi puluis, aut annuntiabit
ueritatem tuam, ut soluantur uincula colli nostri. et nequaquam
audiamus: neruus ferreus collum tuum, sed cum sponsa mereamur audire:
quam pulchrae sunt genae tuae, sicut turturis.
collum tuum sicut monilia. et iterum: circumdedi armillas manibus tuis,
et monile collo tuo; ut graui onere liberati, et recipientes ornamenta
pristina, captiui esse cessemus, redempti ab eo, qui uenit praedicare
captiuis remissionem. et de quo scriptum est: hic aedificabit ciuitatem
meam, et captiuitatem populi mei reducet, non cum pretio neque cum
muneribus. cui sensui et petrus apostolus congruit: scientes quoniam non
corruptibilibus argento et auro redempti estis de uana uestra
conuersatione, a patribus tradita, sed sanguine agni immaculati.
quia haec dicit dominus deus: in aegyptum descendit populus meus
in principio, ut colonus esset ibi; et assur absque ulla causa
calumniatus est eum. et nunc quid mihi est hic, dicit dominus? quoniam
ablatus est populus meus gratis; dominatores eius inique agunt, dicit
dominus, et iugiter tota die nomen meum blasphematur. propter quod sciet
populus meus nomen meum in die illa, quia ego ipse qui loquebar: ecce
adsum. lxx: sic dicit dominus: in aegyptum descendit populus meus, prius
ut peregrinaretur ibi; et in assyrios uiolenter abducti sunt; et nunc
quid erit hic, dicit dominus? quia ablatus est populus meus, gratis
admiramini, et ululate. haec dicit dominus: propter uos semper nomen
meum blasphematur in gentibus. propterea sciet populus meus nomen meum,
propterea in die illa, quia ego sum ipse qui loquebar: adsum. arguit
populum iudaeorum et uentura praedicit. quod qui uoluntate sua in iacob
descendit ad aegyptios, et tempore necessitatis ac famis peregrinatus
est in terra gessen; postea ab assyriis, quos in nullo laeserat,
calumniam sustinuerit, et in babylonem captiuitate translatus sit. unde
infert: et nunc quid mihi est hic, dicit dominus? et est sensus: nihil
habeo reliqui propter quod in hac regione permaneam, de qua populus meus
ablatus est gratis, et uenditus peccatis suis, et quasi oryx rete
comprehensus, uel uiribus romanorum, uel diaboli laqueis, quibus uinctus
hucusque retinetur. ut autem ista paterentur, dominatores eorum ac
magistri inique egerunt; qui iuxta symmachum et theodotionem ululabunt;
iuxta aquilam flebunt, cum tormentis traditi fuerint. ipsi enim sunt qui
aduersum saluatorem populum concitarunt, ut consona uoce clamarent:
crucifige, crucifige talem. de quibus et ante iam dixerat: ipse dominus
ueniet cum senioribus populi et cum principibus eius. uos autem quare
succendistis uineam meam et rapina pauperis in domibus uestris?
quamobrem iuxta septuaginta loquitur ad eos: propter uos semper nomen
meum blasphematur in gentibus. et sciendum quod in gentibus non habeatur
in hebraeo, sed absolute: nomen meum iugiter blasphematur, ut
subaudiatur: in synagogis uestris, qui diebus ac noctibus blasphemant
saluatorem, et sub nomine, ut saepe dixi, nazarenorum, ter in die in
christianos congerunt maledicta. illis itaque blasphemantibus et
maledicentibus domino, populus eius de quo crebro iam dictum est, id est
populus christianus, sciet nomen illius qui uenturus est in nomine
patris. et propterea sciet, quia ipse qui prius locutus est per
prophetas, praesens erudiet populos. iuxta septuaginta loquitur ad
israel deus, quod in aegyptum uoluntate descenderit. dicente in
deuteronomio moyse: in septuaginta animabus descenderunt patres tui in
aegyptum; et ab assyriis captiui uiolenter abducti sunt. unde dicitur ad
eos: et nunc quid estis hic? quid facitis in terra iudaea, qui post
necem prophetarum in dei filium misistis manus? aut certe ad angelicas
potestates et praesides templi angelos loquitur deus: quid hic facitis,
cur non relinquitis populum blasphemantem? quod et iosephus refert:
apertis repente ianuis templi, et sponte reseratis, quas multi homines
claudere uix poterant, uocem de adytis templi exisse dicentium:
transeamus ex his sedibus.
in quo consideranda sermonum proprietas, quod non dixerint: recedamus,
sed: transeamus ad populum gentium. unde et uelum templi a summo usque
deorsum scissum est in duas partes, ut omnes iudaeorum caeremoniae
panderentur, et eo tempore impleretur, quod in hoc eodem propheta
dicitur: ex sion egredietur lex, et uerbum domini de hierusalem. et
iudicabit inter multas gentes usque in longinquum. in omnem enim terram
exiuit sonus eorum, et in terminos orbis uerba eorum. et in omni loco
deo offertur incensum et hostia munda, quando propheticus sermo
completus est: recordabuntur et redibunt ad dominum omnes fines terrae;
et adorabunt in conspectu eius omnes familiae gentium; quoniam domini
regnum est, et ipse dominabitur gentium. unde dicitur ad principes
iudaeorum: admiramini, et ululate, quoniam uos causa estis ruinae
populi. porro iuxta anagogen hoc possumus dicere, quod descendat in
aegyptum huius saeculi populus dei propria uoluntate, quando amator
magis uoluptatum quam dei est, et non audit illud propheticum: uae qui
descendunt in aegyptum ad auxilium. qui cum uitiis fuerit delinitus, et
habitauerit in loco aquarum et fluminum, qui castitatis non habet
siccitatem; tunc uiolenter tradetur assyriis, ut dominentur ei, qui eum
postea in peccato arguant atque conuincant. ipsi sunt enim et inimici et
uindices, de quibus loquitur ad israel: et nunc quid tibi est et uiae
aegypti, ut bibas aquam geon; et quid tibi est et uiae assyriorum, ut
bibas aquam fluminum. qui igitur descendit in aegyptum, et de excelso
hierusalem ad humiliora delapsus est, uadens que hiericho, alteram
aegyptum, a latronibus uulnera plura suscepit, dicitur ad eum: et nunc
quid uobis est hic? quid in terra et in ecclesia dei uos esse simulatis,
qui studio omni que desiderio descendistis in aegyptum, et ab assyriis
possidemini, capti que estis. et ululare magis ac lugere debetis, quia
propter uitia uestra atque peccata nomen dei blasphematur in gentibus?
quibus in hiezechiele dicitur: contaminastis nomen meum in gentibus. et
quomodo in euangelio discipulis loquitur dominus: luceat lumen uestrum
coram hominibus, ut uideant bona opera uestra, et glorificent patrem
uestrum qui est in caelis. sic e contrario, cum mala opera fecerimus,
nomen dei propter nos blasphematur in gentibus. idcirco qui habet
scientiam nominis dei, et quod ad imaginem et similitudinem illius sit
conditus, non ignorat, in luce uersabitur. et erit in die, de qua
exsultauit abraham quod uidisset eam. de qua et sanctus loquitur: haec
est dies quam fecit dominus, exsultemus et laetemur in ea. qui enim
illuminauerunt sibi lucem scientiae, et habent lumen sempiternum, quod
credentibus repromissum est: erit tibi dominus lux aeterna, in die
honeste ambulant, et sunt filii lucis et diei. et cognoscunt eum qui
dicit ad moysen: uade, dic filiis israel: qui est misit me; et quem in
sanctis ante cognouerant, etiam sibi adesse cognoscent.
quam pulchri super montes pedes annuntiantis et praedicantis
pacem, annuntiantis bonum, praedicantis salutem, et dicentis sion:
regnabit deus tuus. uox speculatorum tuorum, leuauerunt uocem. simul
laudabunt, quia oculo ad oculum uidebunt, cum conuerterit dominus sion.
lxx: sicut hora super montes, sicut pedes euangelizantis auditum pacis,
euangelizantis bona, quia auditam faciam salutem meam, dicens: sion,
regnabit deus tuus. uox custodientium te exaltata est, et uoce simul
laetabuntur, quia oculi ad oculos uidebunt, quando misertus fuerit
dominus sion. consequenter de eo qui supra dixerat: ego ipse qui
loquebar: ecce adsum, nunc propheta testatur quod ipse super montes
euangelium praedicarit, id est super apostolos, de quibus scriptum est:
appropinquate montibus aeternis; et quorum doctrina illuminatio dei est.
unde ad eum in psalmis dicitur: illuminans tu mirabiliter de montibus
aeternis. hic annuntiauit et praedicauit pacem his qui erant longe, id
est gentibus; et prope, hoc est iudaeis. mundum reconcilians deo, de quo
sub nomine salomonis in psalmo canitur: orietur in diebus eius
iustitia, et multitudo pacis, donec auferatur luna. et in hoc eodem
propheta de puero qui natus est, et de filio qui datus est nobis, cuius
principatus in humero eius, et uocabitur magni consilii angelus, post
reliqua dicitur: et pacis eius non erit terminus.
ipse est enim pax nostra, qui pacificauit omnia per sanguinem crucis
suae in caelo et in terra. qui locutus est apostolis: pacem meam do
uobis, pacem meam relinquo uobis. et annuntiauit nobis bona, non quae a
philosophis appellantur indifferentia; sed quae uere bona sunt, quae dat
pater petentibus se, id est omnes gratias spiritus sancti. denique
alter euangelista in eodem loco scribit: quanto magis pater uester qui
est in caelis, dabit spiritum sanctum petentibus se? haec bona quae
credentibus dominus pollicetur: audite me et comedetis bona; et
delectabitur in bonis anima uestra. et non solum bona, sed salutem
omnibus nuntiauit, quam ipse praebuit qui dicit sion, id est ecclesiae:
regnabit deus tuus. unde et apostolus loquitur ad sanctos: non regnet
peccatum in uestro mortali corpore, ut oboediatis desideriis eius. et de
peccatoribus scribens: mors, inquit, regnauit ab adam usque ad moysen.
quod que sequitur: uox speculatorum tuorum, siue custodum tuorum,
apostolos significat, de quibus et in alio loco ad ecclesiam loquitur
deus: super muros tuos constitui custodes, qui numquam tacebunt,
recordantes domini, qui exaltabunt uocem de sublimibus disserentes. unde
dicitur ad eos: super montem excelsum ascende qui euangelizas sion.
exalta in fortitudine uocem tuam qui euangelizas hierusalem. isti pari
deum uoce laudabunt, et oculis uidebunt ad oculos. quod aliis uerbis
apostolus dicit: facie ad faciem. quando sanctus canit: oculi mei semper
ad dominum. et: ad te leuaui oculos meos, qui habitas in caelo. et
dominus respondebit ei: oculi enim domini super iustos, et aures illius
in precem eorum. hoc quod septuaginta transtulerunt, sicut h�ra~g, id
est: hora super montes, sicut pedes euangelizantis auditum pacis, et
reliqua, paulus sequens sensum hebraicae ueritatis, ponit in epistola ad
romanos: quam speciosi pedes euangelizantium bona, euangelizantium
pacem, apostolos intellegi uolens, quorum dominus lauit pedes, ut mundi
et pulchri essent ad praedicandum, et in toto orbe discurrerent breui
que doctrina christi implerent mundum. h�ra~g autem, id est hora, iuxta
septuaginta et ambiguitatem sermonis graeci, aut tempus significat aut
pulchritudinem. si tempus, illi aptabitur: tempore opportuno audiui te,
et in die salutis adiutor tui fui. unde infert apostolus: ecce nunc
tempus acceptabile; ecce nunc dies salutis. opportuno enim tempore pro
cunctis sanguinem fudit, quando omnes declinauerunt, simul inutiles
facti erant. non erat qui faceret bonum, non erat usque ad unum, ut pro
omnibus gustaret mortem, quia omnes peccauerant, et indigebant gloria
dei. si autem pulchritudinem ad illud referamus, quod in psalmo dicitur:
speciosus forma prae filiis hominum (quid enim pulchrius quam ut forma
serui fieret forma dei, et sederet et regnaret cum christo in
caelestibus?) potest �ra~g secundum graecae linguae latitudinem cura
dici, et sollicitudo, iuxta illud quod sanctus ait: multiplicabis me in
anima mea, in uirtute tua. pro multiplicabis me, in graeco dicitur
polu�r�seis~g me~g, quod est: multa cura et sollicitudine me dignum
habebis. et alibi: secundum altitudinem tuam epolu�r�sas~g filios
hominum, quod aliis uerbis graece dicitur: poll�s~g �ras~g tout~g'
esti~g phrontidos~g �xi�sas~g. sed haec superflua sunt; et speciosi
magis pedes christi uel apostolorum accipiendi, quod, praeter
septuaginta, omnes similiter transtulerunt, paulo eorum interpretationem
probante.
gaudete et laudate simul, deserta hierusalem, quia consolatus est
dominus populum suum; redemit hierusalem. parauit dominus brachium
sanctum suum in oculis omnium gentium et uidebunt omnes fines terrae
salutare dei nostri. lxx: erumpant laetitiam simul deserta hierusalem,
quia misertus est dominus eius, et eruit hierusalem. reuelabit dominus
brachium sanctum suum in conspectu cunctarum gentium.
et uidebunt omnes fines terrae salutare dei nostri. ducto in
captiuitatem populo iudaeorum, et urbe succensa, aut rarus erat in
hierusalem aut nullus habitator. postquam autem qui prius loquebatur in
prophetis, et erat in principio apud deum, deus uerbum habitauit in
nobis, et caro factus est, instaurata sunt deserta hierusalem; et uenit
ille de quo scriptum est: hic aedificabit ciuitatem meam, et
captiuitatem populi mei reducet, ut nequaquam plangatur ab hieremia:
quomodo sedet sola ciuitas quae erat plena populis; facta est quasi
uidua quae erat multiplicata in gentibus. sed audiat dauid canentem: in
conuertendo dominus captiuitatem sion, facti sumus tamquam consolati. et
post paululum: facti sumus laetantes. et ut sciamus nequaquam haec dici
de populo iudaeorum, sed de omnibus qui per apostolos in dominum
credituri sunt, ponit et dicit: qui consolatus est eam, siue misertus
est eius, et qui eruit uel redemit eam, ipse parauit siue reuelauit
brachium sanctum suum, in conspectu omnium gentium. et uidebunt omnes
fines terrae salutare dei nostri. ex quo perspicuum est, exstructa per
apostolos spiritali hierusalem id est ecclesia, quae a iudaeis fuerat
derelicta, reuelari brachium domini cunctis gentibus, et uidere salutare
eius omnes fines terrae. quod dupliciter intellegitur. aut enim reuelat
pater brachium suum cunctis gentibus, aut filius reuelat fortitudinem
suam. de quo scriptum est: uirtus enim ab eo egrediebatur et sanabat
omnes. et iterum: sensi uirtutem exisse de me quae sanauit
haemorrhousam. quod autem filius dei patris dextera appelletur et
brachium, multa sunt testimonia, e quibus pauca dicemus: saluabit sibi
dextera eius, et brachium sanctum illius. et alibi: in brachio meo
gentes sperabunt. de quo et iacob dicit: hic erit exspectatio gentium.
et octogesimus octauus psalmus: tuum brachium cum potentia. hoc brachio
eduxit dominus populum israel de terra aegypti. de quo ad apostolorum
principem loquebatur: beatus es, simon bariona, quia caro et sanguis non
reuelauerunt tibi, sed pater meus qui est in caelis. et apostolus
paulus de se: quando, inquit, placuit deo, qui separauit me de utero
matris meae, ut reuelaret filium suum in me. quod autem cunctis gentibus
omnes terrae terminos copulauit, qui uisuri sunt salutare dei, illud
ostendit quod et in alio loco dicitur: conuertimini ad me ab extremis
terrae, et salui eritis. et per hieremiam: ad te gentes uenient ab
extremis terrae. et iterum: recordabuntur et conuertentur ad dominum
omnes fines terrae et adorabunt in conspectu eius omnes familiae
gentium, quia domini est regnum, et ipse dominabitur gentium, ut non
solum uarietas gentium singularum, sed et omnes mundi cardines credituri
praenuntientur in christo. iuxta id quod ipse loquitur: cum autem
praedicatum fuerit hoc euangelium in uniuerso mundo, tunc erit finis.
alii summitates et extrema terrae, eos intellegi uolunt, qui non in
media terra, sed in extremis eius instar rotarum finibus consistentes,
humilia deserunt et ad excelsa festinant.
recedite, recedite, exite inde, pollutum nolite tangere; exite de
medio eius, mundamini qui fertis uasa domini. quoniam non in tumultu
exibitis nec in fuga properabitis. praecedet enim uos dominus, et
congregabit uos deus israel. lxx: recedite, recedite, egredimini inde,
et immundum nolite tangere; exite de medio eius; separamini qui portatis
uasa domini, quia non cum tumultu exibitis, neque cum fuga ibitis, sed
praecedet uos dominus, et qui congregat uos deus israel. et hoc iudaei
sic disserere conantur: exite de babylone, et idola eorum derelinquite.
exite de medio illius, et uasa quae nabuchodonosor, capta hierusalem,
tulerat, cyro laxante captiuos sub zorobabel et esdra, referte in
templum.
nec sicut prius de aegypto cum tumultu et timore fugistis, ita
egredimini de babylone, sed cum pace et uoluntate regis persarum atque
medorum, in quo domini uoluntas apparuit, qui protexit et congregauit
uos. alii quae de babylone diximus, de romano regno interpretantur, quod
in aduentu christi qui eos liberaturus sit, haec omnia compleantur. nos
autem audientes supra: quam pulchri super montes pedes annuntiantis et
praedicantis pacem. et: reuelabit dominus brachium suum in conspectu
omnium gentium. et: uidebunt omnes fines terrae salutare dei nostri,
nequaquam hoc de iudaeis, sed de apostolorum omnium que sanctorum
intellegimus choro. quibus praecipitur, ut recedant de hierusalem, et in
toto mundo euangelium praedicent, dicente domino saluatore: ite et
docete omnes gentes, baptizantes eas in nomine patris et filii et
spiritus sancti, ut nequaquam cum iudaeis blasphemantibus maneant, in
quorum necem romanus paretur exercitus, sed pollutos derelinquant. et
separentur ab eis atque mundentur, qui portant uasa domini. templum enim
sunt spiritus sancti, et magnae domus uasa aurea et argentea. qualis
fuit apostolus paulus, qui uas electionis dicitur; praeparauerat enim se
in uas pretiosum et aptum in ministerium dei. uel certe hoc dicendum,
quod uasa domini armatura dei sit spiritalis. de qua et paulus apostolus
loquebatur: induite uos armatura dei; et per singula enumerat: loricam
iustitiae, et clipeum fidei, et galeam salutis, et gladium spiritus, qui
interpretatur uerbum dei. ad haec addit cingulum ueritatis, et
calceatos pedes in praeparatione euangelii pacis. et in alio loco:
deponentes ergo opera tenebrarum, induamur arma lucis. sequitur: non in
tumultu exibitis, nec in fuga properabitis. neque enim ut uicti de
hierusalem, sed ut uictores recesserunt, ut qui cotidie praedicantes in
templo euangelium dei, multa milia iudaeorum christi fidei subiecerant,
etiam mundum illius euangelio subiugarent. praeuium enim habebant
dominum, qui congregaret eos, deum israel, hoc est, de orbe terrarum
unum gregem faceret, ut impleretur illud quod dominus in euangelio ad
patrem loquitur: da, ut sicut ego et tu unum sumus, sic et isti in nobis
unum sint, ut eodem sensu et eadem sententia, repugnantia inter se
uitia atque contraria deserentes, unam apprehenderent solam que
uirtutem. neque enim uitia et perturbationes inuicem se sequuntur, quod
de uirtutibus dicitur, in quibus nec huperbolai~g sunt nec elleipseis~g,
id est, nec plus nec minus, sed omnia temperata. porro in uitiis
uniuersa contraria sunt, ut pauor audaciae, impietati superstitio,
luxuria parcitati.
ecce intelleget seruus meus, exaltabitur et eleuabitur et
sublimis erit ualde. sicut obstupuerunt super te multi, sic inglorius
erit inter uiros aspectus eius, et forma illius inter filios hominum.
iste asperget gentes multas; super ipsum continebunt reges os suum, quia
quibus non erat narratum de eo, uiderunt; et qui non audierant,
contemplati sunt. lxx: ecce intelleget puer meus, et exaltabitur, et
glorificabitur ualde. sicut stupebunt super te multi, sic in gloria erit
ab hominibus species tua, et gloria tua a filiis hominum. sic
mirabuntur gentes multae super eo, et continebunt reges os suum, quia
quibus non est annuntiatum de eo, uidebunt, et qui non audierunt,
intellegent. ne ulla legentibus ambiguitas relinquatur, quis sit ille
qui dixerit: ego qui loquebar: ecce adsum; et quod sit brachium sanctum
domini, quod cunctis gentibus reuelatum est, deus omnipotens pater
perspicue docet: ecce intelleget seruus meus siue puer meus, de cuius
differentia supra diximus. intelleget autem, non ut uerbum dei, atque
sapientia; sed ut seruus et puer. qui cum in forma dei esset, formam
serui dignatus est accipere, factus oboediens patri usque ad mortem, et
mortem crucis. quamobrem exaltauit eum, et donauit illi nomen super omne
nomen. qui loquitur in psalmo: benedicam dominum, qui mihi tribuit
intellectum. et de quo dauid canit: qui fecit caelos in intellectu.
ipse est enim intellegentia, atque sapientia qui proficiebat quasi puer
aetate atque sapientia, de quo loquitur et petrus: deus patrum nostrorum
glorificauit filium suum iesum, quem uos quidem tradidistis, et
negastis ante faciem pilati uolentis eum dimittere. uos autem sanctum et
iustum negastis. de quo et supra scriptum ostendimus: ego testis, dicit
dominus, et puer quem elegi; super ipsum stupebunt plurimi, cum illius
signa perspexerint. et hinc erit maius miraculum, quod inglorius erit
inter homines aspectus eius; non quo formae significet foeditatem, sed
quo in humilitate uenerit et paupertate. qui cum diues esset, pro nobis
pauper factus est; et credentibus dixit: discite a me, quia mitis sum et
humilis corde, de quo et clemens uir apostolicus, qui post petrum
romanam rexit ecclesiam, scribit ad corinthios: sceptrum dei dominus
iesus christus non uenit in iactantia superbiae, cum possit omnia, sed
in humilitate. intantum ut uerberatus a ministro sacerdotis,
responderit: si male locutus sum, argue de peccato; sin autem bene, quid
me caedis?, habens duodecim angelorum milia, quae illius nutibus
oboedirent. iste asperget gentes multas, mundans eas sanguine suo et in
baptismate dei consecrans seruituti. super ipsum continebunt reges os
suum, et principes saeculi, quorum omnis sapientia crucis praedicatione
subuersa est. et qui non habuerant legem et prophetas, et quibus de eo
non fuerat nuntiatum, ipsi uidebunt et intellegent. de quibus loquitur
et saluator: beati qui non uiderunt et crediderunt. in quorum
comparatione iudaeorum duritia reprehenditur, qui uidentes et audientes,
esaiae in se uaticinium compleuerunt, dicentis: auditu audietis, et non
intellegetis; et uidentes aspicietis, et non uidebitis. incrassatum est
enim cor populi huius, et auribus grauiter audierunt.
53. quis credidit auditui nostro? et brachium domini cui
reuelatum est? et ascendet sicut uirgultum coram eo et sicut radix de
terra sitienti. non est species ei neque decor; et uidimus eum, et non
erat aspectus et desiderauimus eum. despectum et nouissimum uirorum,
uirum dolorum et scientem infirmitatem; et quasi absconditus uultus
eius, et despectus, unde nec reputauimus eum. uere languores nostros
ipse tulit, et dolores nostros portauit. et nos putauimus eum quasi
leprosum, et percussum a deo, et humiliatum. lxx: domine, quis credidit
auditui nostro, et brachium domini cui reuelatum est? annuntiauimus
quasi paruulum in conspectu eius, sicut radix in terra sitienti. non est
species ei neque gloria, et uidimus eum, et non habebat speciem neque
decorem. sed species eius inhonorata, et deficiens prae filiis hominum.
homo in plaga, et sciens ferre infirmitatem, quia auersa est facies
eius, despecta et non reputata. iste peccata nostra portat, et pro nobis
dolet, et nos reputauimus eum esse in dolore, et in plaga et in
afflictione. post uerba patris, quibus filium suum mundo nuntiauerat
esse uenturum, et ante scandalum crucis, de quo dicturus erat: inglorius
erit aspectus eius, et forma eius prae filiis hominum, gloriam
praemiserat resurrectionis: exaltabitur et eleuabitur, et sublimis erit
ualde, ut humilitate crucis resurrectionis gloriam praeueniret,
respondit prophetarum chorus se implesse officium, et quantum in se
fuit, brachium illius atque uirtutem omnibus nuntiasse. in eo autem quod
dicit: quis credidit auditui nostro, et brachium domini cui reuelatum
est? raritatem credentium significat ex iudaeis. quod que sequitur:
ascendet sicut uirgultum coram eo (pro quo lxx transtulerunt:
annuntiauimus sicut paruulum coram eo; pro uirgulto, symmachus, ramum
interpretatus est, ut assumptum ostenderet hominem qui processit de
utero uirginali. de quo infert: sicut radix de terra sitienti (pro
sitienti, aquila interpretatus est: inuia), ut uirginitatis priuilegium
demonstraret, quod absque ullo humano semine de terra prius inuia sit
creatus.
iste est de quo et supra legimus: exiet uirga de radice iesse, et flos
de radice ascendet, ut natiuitatem eius et ascensum significaret in
mundo. sin autem non habebat speciem neque gloriam, sed forma ipsius
erat ignobilis et deficiens prae filiis hominum, siue ut habetur in
hebraeo despectus et nouissimus uirorum, quomodo in psalmis dicitur:
accingere gladio tuo super femur tuum, potentissime, pulchritudine et
decore tuo? quod facile soluitur. despectus erat et ignobilis quando
pendebat in cruce, et factus pro nobis maledictum, peccata nostra
portabat. et loquebatur patri: deus deus meus, quare me dereliquisti?
inclutus autem erat, et decorus aspectu, quando ad passionem eius terra
contremuit, saxa dirupta sunt, et fugiente sole, aeternam noctem
elementa timuerunt. de quo et sponsa in cantico canticorum: fratruelis
meus candidus et rubicundus, electus de milibus. candidus plenitudine ac
puritate uirtutum, rubicundus in passione, de qua postea lecturi sumus:
quis est iste qui ascendit de edom, fulua uestimenta eius ex bosor;
electus de milibus in resurrectione; ut qui erat primogenitus omnis
creaturae, primogenitus fieret ex mortuis. quod autem infert: homo in
dolore et sciens ferre infirmitatem, siue uirum dolorum, et scientem
infirmitatem, uerum corpus hominis, et ueram demonstrat animam, qui
sciens ferre infirmitates, omnes eas diuinitate superauit. et
absconditus uultus illius atque despectus, ut humano corpore diuina
potentia celaretur. de quo supra dictum est: tu es deus absconditus, et
nesciebamus. qui uere languores nostros et peccata portauit, et pro
nobis dolet, non putatiue, id est to~g dokein~g, ut uetus et noua
haeresis suspicantur, sed uere crucifixus est. uere doluit, dicens in
euangelio: tristis est anima mea usque ad mortem. et: nunc anima mea
turbata est. et nos putauimus eum esse immundum, siue in dolore, ut
septuaginta transtulerunt, pro quo aquila et symmachus posuerunt
leprosum, theodotio flagellatum. quod aliis uerbis hebraico idiomate
lepra intellegitur, iuxta illud quod in psalmo scriptum est: et
flagellum non appropinquabit tabernaculo tuo. et est sensus: putauimus
eum pro peccatis suis a deo esse percussum, qui humiliatus est propter
nos, et cum latronibus crucifixus. pro eo quod symmachus transtulit:
en~g haph�i~g onta~g, hoc est in lepra, aquila posuit haph�menon~g, id
est leprosum, quod multi non intellegentes, putant relictum, et alii
legunt kath�menon~g, id est sedentem. in principio capituli, in quo
iuxta septuaginta dicitur: domine, quis credidit auditui nostro; et
brachium domini cui reuelatum est. quo testimonio et apostolus paulus
utitur ad romanos, edisserens illud super domini passione; dominus in
hebraico non habetur, sed pro intellegentia personae, ad quam dicitur,
additum est.
ipse autem uulneratus est propter iniquitates nostras, attritus
est propter scelera nostra. disciplina pacis nostrae super eum, et
liuore eius sanati sumus. omnes nos quasi oues errauimus, unusquisque in
uia sua declinauit; et dominus posuit in eo iniquitatem omnium nostrum.
oblatus est, quia ipse uoluit, et non aperuit os suum. lxx: ipse autem
uulneratus est propter peccata nostra, et infirmatus est propter
iniquitates nostras. disciplina pacis nostrae super eum; liuore eius
sanati sumus. omnes quasi oues errauimus, homo in uia sua errauit. et
dominus tradidit eum propter iniquitates nostras, et ipse propter
afflictionem non aperuit os suum. nos, inquit, putauimus eum uirum
dolorum, siue iuxta septuaginta: esse in dolore, et percussum a deo, et
propria sustinere peccata. ille autem uulneratus est propter iniquitates
nostras, dicens in psalmo: foderunt manus meas et pedes, ut suo uulnere
uulnera nostra curaret, et attritus est, siue infirmatus, propter
scelera nostra, ut factus pro nobis maledictum, nos liberaret de
maledicto.
maledictus enim omnis homo qui pendet in ligno. unde disciplina pacis
nostrae super eum est. quod enim nos pro nostris debebamus sceleribus
sustinere, ille pro nobis passus est, pacificans per sanguinem crucis
suae, siue quae in terra, siue quae in caelis sunt. ipse est enim pax
nostra, qui fecit utraque unum, et medium parietem maceriae, soluens
inimicitiam in carne sua, et liuore eius sanati sumus. ex quo perspicuum
est, sicut corpus flagellatum atque laceratum signa iniuriae in
uibicibus ac liuore portabat; ita et animam uere doluisse pro nobis, ne
ex parte ueritas, et ex parte mendacium credatur in christo. omnes,
inquit quasi oues errauimus, et indiguimus misericordia dei, dicentes in
psalmo: erraui sicut ouis perdita; quae in euangelii parabola boni
pastoris atque solliciti humeris reportata est. quae sint autem istae
oues, sequens uersus ostendit: homo in uia sua errauit, siue unusquisque
in uia sua declinauit, ut proprium sequeretur errorem, et rectam uiam
deserens, de crucifixo diuersa sentiret. dominus autem posuit in eo
iniquitatem omnium nostrum, siue tradidit eum pro peccatis nostris; ut
quod propter imbecillitatem uirium ferre non poteramus, pro nobis ille
portaret, qui oblatus est, quia ipse uoluit. non enim necessitate
crucem, sed uoluntate sustinuit, dicens in euangelio: calicem quem mihi
dedit pater, nonne bibam illum? et ad petrum qui scandalizabatur a
crucis nomine, quia non nouerat mysterium, et humano pauore trepidabat:
uade retro me, satanas, scandalum es mihi, quia non sapis ea quae dei
sunt, sed quae hominum. alioquin si non propria uoluntate esset oblatus,
qui indicare et praedicere poterat proditorem, et apostolis loquebatur:
omnes uos in hac nocte in me scandalum sustinebitis, poterat eos qui ad
se missi fuerant declinare, quibus occurrit intrepidus, et ultro se
obtulit dicens: quem quaeritis? qui statim ceciderunt retrorsum; uocem
enim praesentis dei ferre non poterant. pulchre que addidit: et non
aperuit os suum. qui dicenti pilato: mihi non loqueris? noluit
respondere. siue iuxta septuaginta: afflictus non aperuit os. aut iuxta
symmachum et theodotionem: audiens non aperuit os suum.
sicut ouis ad occisionem ducetur, et quasi agnus coram tondente
obmutescet, et non aperiet os suum. de angustia et de iudicio sublatus
est. generationem eius quis enarrabit, quia abscissus est de terra
uiuentium? propter scelus populi mei percussit eos. et dabit impios pro
sepultura, et diuitem pro morte sua; eo quod iniquitatem non fecerit,
neque dolus fuerit in ore eius. et dominus uoluit conterere eum in
infirmitate. lxx: sicut ouis ad uictimam ductus est, et sicut agnus
coram tondente mutus, sic non aperuit os suum. in humilitate iudicium
eius sublatum est. generationem illius quis enarrabit, quia tollitur de
terra uita eius? ab iniquitatibus populi mei ductus est ad mortem; et
dabo pessimos pro sepultura eius, et diuites pro morte illius. quia
iniquitatem non fecit, neque dolum in ore suo; et dominus uult mundare
eum a plaga. hoc testimonium, cum in actibus apostolorum reginae
candacis eunuchus rheda ueheretur, et legens non intellegeret,
interpretante philippo super passione et nomine saluatoris, intellexit,
et statim baptizatus, in agni sanguine quem legebat, uir meruit
appellari, et apostolus genti aethiopum missus est. qui igitur oblatus
est pilato, quia ipse uoluit, et non respondit, ut patibulum pro nobis
damnatus ascenderet, ipse sicut ouis ad occisionem ductus est, et quasi
agnus coram tondente obmutuit. etenim pascha nostrum immolatus est
christus, quem ioannes baptista monstrabat, dicens: ecce agnus dei, ecce
qui tollit peccata mundi.
qui et in apocalypsi ioannis euangelistae agnus occisus saepe memoratur.
qui de seipso loquitur in hieremia: ego autem sicut agnus innocens, et
ductus ad uictimam, nesciebam. cum enim nesciret peccatum, pro nobis
peccatum factus est. et sicut agnus cum ducitur ad uictimam, non
repugnat, sic ille passus est uoluntate, ut destrueret eum qui mortis
habebat imperium, humilians se usque ad mortem, et mortem crucis. hic
agnus est, in cuius tipo immolabatur agnus, cuius cruor linitus in
postibus exterminatorem fugabat aegypti; qui non solum sanguine suo nos
redemit, sed et lanis operuit, ut algentes infidelitate sua ueste
calefaceret, et audiremus apostolum nobis loquentem: quotquot in christo
baptizati estis, christum induistis. et in alio loco: induimini christo
iesu. quod que sequitur: de angustia et de iudicio sublatus est, siue
ut lxx transtulerunt: in humilitate iudicium eius ablatum est, illud
significat, quod de tribulatione atque iudicio ad patrem uictor
ascenderit; siue quod iudex omnium, iudicii non repererit ueritatem. sed
absque ulla culpa, seditione iudaeorum et pilati uoce damnatus sit.
unde admiratur propheta, quod omnium deus se tradiderit passioni. de quo
paulus loquitur: si enim credidissent, numquam dominum gloriae
crucifixissent. sequitur: generationem eius quis enarrabit? quod
dupliciter intellegitur: aut enim de diuinitate eius accipiendum est,
quod impossibile sit diuinae natiuitatis nosse mysteria; de qua ipse
loquitur in prouerbiis: ante omnes colles generauit me. iuxta illud quod
alibi legimus: quis cognouit sensum domini, aut quis consiliarius eius
fuit? id est nullus; - aut de partu uirginis, quod difficulter possit
exponi. denique cum mariae diceretur ab angelo: concipies et paries
filium, illa respondit: unde mihi hoc, quia uirum non cognoui? cui
rursum angelus: spiritus, inquit, sanctus ueniet super te, et uirtus
altissimi obumbrabit tibi; ut uel ab angelo, uel ab euangelista tantum
natiuitatis huius sacramenta dicantur. cuius narrator rarissimus est,
secundum illud: quis sapiens, et intelleget haec; intellegens, et
cognoscet ea? sin autem prudens lector tacita cogitatione responderit:
et quomodo scriptum est: nemo nouit filium nisi pater; et nemo nouit
patrem nisi filius, et cui uoluerit filius reuelare? et qui nouit patrem
et filium, utique et generationis potest enarrare mysterium. audiat
aliud esse nosse, aliud eloqui, quia frequenter quae mente concipimus,
sermone explicare non possumus. ergo et mysterium diuinae natiuitatis in
corpore possunt sancti fide magis nosse quam dicere. alioquin et
apostolus raptus in tertium caelum et in paradisum, audiuit uerba quae
nequaquam ualet humana lingua proferre. sed et spiritus interpellat pro
nobis gemitibus ineffabilibus. istius igitur cuius generationem aut
nullus aut rarus enarrare potest, sublata est uita de terra; ut
nequaquam in terra, sed in caelo uiueret. siue abscissus est de terra
uiuentium, ut impleretur de eo quod scriptum est in apocalypsi ioannis:
ego sum primus et nouissimus; qui uiuebam, et sum mortuus. et ecce uiuo
in aeternum, ut post uitam quam uixit in terra mortuus terrae caelis
uiueret in aeternum. quod que iungitur: propter scelus populi mei
percussit eos, siue, iuxta lxx: ab iniquitatibus populi mei ductus est
ad mortem, duplicem sensum habet. aut enim persecutores et sceleratos
populi sui sua morte percussit; aut propter magnitudinem peccatorum
populi, quem semper peculiarem habuit, ductus ad mortem est, ut illos ad
uitam sua morte reuocaret. ipse dedit impios, pro sepultura sua; et
diuitem, pro morte sua. siue pessimos, pro sepultura eius; et diuites,
pro morte eius: utrumque populum significans, ut in malis et pessimis,
qui ante dei notitiam non habebant, ostendatur gentium multitudo. in
diuitibus, quorum erat testamentum et legislatio et prophetae, iudaicus
populus demonstretur.
ergo idcirco passus est dominus et sepultus, ut ex utroque populo sibi
ecclesiam congregaret. siue hoc dicendum, quod scribas et pharisaeos ac
sadducaeos, sacerdotes et pontifices, qui in populo ante regnabant, et
nimiis opibus affluebant, post domini passionem romanis tradiderit deus,
et aeternae subiecerit seruituti. iste pro cuius sepultura et morte
impii diuites que sunt traditi, iniquitatem non fecit, nec dolus
inuentus est in ore eius. quod de nullo penitus hominum intellegi
potest, ut nec opere nec sermone peccauerit, dicente scriptura: nemo
mundus a sordibus, nec si unius quidem diei fuerit uita eius. et: omnes
sicut oues errauimus, unusquisque in uia sua declinauit; nisi de illo,
qui peccata nostra portauit, et pro nobis dolet, et uulneratus est pro
iniquitatibus nostris, et afflictus est propter scelera nostra, cuius
liuore sanati sumus. super quo et princeps apostolorum petrus hoc
testimonium edisserens, ait: in hoc enim uocati estis, quia et christus
passus est pro nobis, relinquens uobis exemplum, ut sequamini uestigia
eius. qui peccatum non fecit, nec inuentus est dolus in ore ipsius. qui
cum malediceretur, non maledicebat; et cum pateretur, non comminabatur.
dominus autem uoluit mundare eum a plaga, quam lancea militis percussus
acceperat. siue conterere eum in infirmitate ac uulnere. de quo et ipse
dicebat: quoniam quem tu percussisti, ipsi persecuti sunt. et per
zachariam loquitur deus: percutiam pastorem, et oues dispergentur. ergo
ut pateretur non fuit necessitatis, sed uoluntatis patris et suae, ad
quem ipse dicebat: deus, ut facerem uoluntatem tuam, uolui. de quo et
supra legimus: oblatus est, quia ipse uoluit.
si posuerit pro peccato animam suam, uidebit semen longaeuum, et
uoluntas domini in manu eius dirigetur. pro eo quod laborauit anima
eius, uidebit et saturabitur; in scientia sua iustificabit ipse iustus
seruos meos multos, et iniquitates eorum ipse portabit. lxx: si
dederitis pro peccato, animam uestram uidebitis semen longi temporis; et
uult dominus auferre de dolore animam eius, ostendere ei lucem, et
formare intellegentiam. iustificare iustum bene seruientem multis; et
peccata eorum ipse portabit. iuxta hebraicum hic sensus est: si posuerit
pro peccato animam suam ille quem dominus conterere uoluit, siue
mundare, uidebit semen longaeuum, quod seminauit in bona terra. de quo
in euangelio scriptum est: exiuit qui seminat seminare. et iterum:
simile est regnum caelorum homini qui seminauit bonum semen in agro suo.
et uoluntas domini in manu illius dirigetur, ut quidquid pater uoluit,
illius uirtutibus impleatur, dicentis ad patrem: ego seruaui eos in
nomine tuo quos dedisti mihi. custodiui, et nemo ex his periit, nisi
filius perditionis. semen autem uidebit aeternum, et uoluntas patris in
manu illius dirigetur, quia laborauit anima eius multo tempore, requiem
non inueniens in iudaeis, et dicens in euangelio: uulpes foueas habent;
et uolucres caeli, nidos. filius autem hominis non habet ubi caput
reclinet. et in hoc eodem propheta: laboraui sustinens. quia igitur
laborauit, uidebit ecclesias in toto orbe consurgere, et earum
saturabitur fide. denique cum esuriens et sitiens sedisset super puteum
iacob, medium diem sole torrente, emptis cibis uti noluit, quia iam
samaritanae et exeuntis ad eum ciuitatis sichem fide satiatus erat.
iuxta quem sensum dicebat inter octo beatitudines: beati qui esuriunt et
sitiunt iustitiam. in scientia sua, id est in doctrina, ipse iustus,
qui peccatum non fecit, nec dolus inuentus est in ore eius; et seruus
patris, qui formam serui acceperat et domini seruierat uoluntati, multos
iustificabit de toto orbe credentes.
et iniquitates eorum ipse portabit, quas illi portare non poterant, et
quarum pondere opprimebantur. iuxta septuaginta hoc dicitur: o uos,
propter quorum peccata filius dei est ductus ad mortem, qui pessimi, et
in malo diuites, dati estis pro sepultura et morte eius, si uolueritis
agere paenitentiam, et pro peccatis uestris offerre sacrificium placens
deo, spiritum contribulatum, uidebit anima uestra semen longi temporis,
ipsum dominum saluatorem. de quo in octogesimo octauo psalmo canitur:
semen eius in aeternum permanet, et thronus illius sicut sol in
conspectu meo. et iterum: ponam in saeculum saeculi semen eius, et
thronum illius sicut dies caeli. quod aliis uerbis ad uirginem gabriel
loquitur: ecce concipies in utero et paries, qui filius altissimi
uocabitur. et dabit illi dominus thronum dauid patris sui, et regnabit
super domum iacob in sempiternum; et regni eius non erit finis. uult
enim dominus auferre de dolore animam eius, qui dixerat: tristis est
anima mea usque ad mortem, ut crucis contumelia resurrectionis gloria
temperetur. et ostendere ei lucem, ut omnes per se uideat illuminatos.
et formare intellegentia, subauditur eum, super quem descenderit
spiritus sapientiae et intellectus. et iustificare iustum, qui bene
multis seruierit; non enim uenit ut ministraretur ei, sed ut
ministraret, in petri pedibus cunctorum apostolorum peccata abluens. qui
apparuit in carne, iustificatus est in spiritu. de quo et iudas
proditor confitetur: peccaui, tradens sanguinem iustum. et uxor pilati:
nihil tibi sit et iusto illi; multa enim passa sum hodie in somnis
propter eum. et notandum quod non iustificatus sit, ut de iniquo iustus
fieret. sed iustus iustificatur, non ut inciperet esse quod non erat;
sed ut quod erat omnibus appareret. iste iustus pro iniquis passus est,
ut omnes nos offerret deo. de quo dicitur ad iudaeos: et negastis
sanctum et iustum, et petistis ut uir homicida donaretur uobis. et
peccata, inquit, eorum ipse portauit; quasi medicus languores
aegrotantium, quo sani non indigent, sed hi qui male se habent.
ideo dispertiam ei plurimos, et fortium diuidet spolia; pro eo
quod tradidit in mortem animam suam, et cum sceleratis reputatus est; et
ipse peccatum multorum tulit, et pro transgressoribus rogauit. lxx:
propterea ipse possidebit multos, et fortium diuidet spolia; pro eo quod
contaminata est in morte anima eius, et cum iniquis reputatus est, et
ipse peccata multorum suscepit, et propter iniquitates eorum traditus
est. causas reddit cur post passionem multa christus praemia
consequatur. quia, inquit, passus est, et fecit omnia quae praeteritus
sermo descripsit, et iniquitates multorum ipse portauit; propterea
diuidam ei plurimos, ut pro parte domini iacob et funiculo hereditatis
illius israel, credant in eum de oriente et occidente uenientes, et
recumbant in regno dei cum abraham et isaac et iacob. impleto illo quod
scriptum est: postula a me, et dabo tibi gentes hereditatem tuam, et
possessionem tuam terminos terrae. de quo et in hoc eodem propheta
legitur: erit radix iesse; et qui resurget ut principetur gentium, in
ipso gentes sperabunt. isti autem plurimi quondam a fortibus tenebantur;
et sub specie asinae et pulli, multos habebant dominos, quibus dixerunt
apostoli: dominus eos necessarios habet. qui fortes erant antequam
christus humanum corpus assumeret, et forte superato, diriperet domum
eius. praedam ergo fortium apostolis suis tradidit atque diuisit, ut
petrus, iacobus et ioannes circumcisi populi principes fierent, et
paulus et barnabas mitterentur ad gentes, locis, non animo separati, et
sub uno domino in diuersa starent acie, ut agminis utriusque uictoria,
triumphum erigerent saluatori. ex quo qui dispensatoriam inter petrum et
paulum contentionem uere dicunt iurgium fuisse atque certamen, ut
blasphemanti porphyrio satisfaciant; et ueteris legis caeremonias in
ecclesia christi a stirpe credentis israel asserunt esse seruandas,
debent et auream in mille annis exspectare hierusalem, ut uictimas
immolent et circumcidantur, ut in sabbato sedeant, dormiant, saturentur,
inebrientur et surgant ludere, qui ludus offendit deum. hoc diximus
propter id quod nunc prophetatur: et fortium diuidet spolia. iuxta illud
quod in alio loco scriptum est: cum diuideret caelestis reges in ea.
et iterum: rex uirtutum dilecti, et speciei domus diuidere spolia.
denique super paulo apostolo, qui de tribu erat beniamin, iuxta
hebraicum dicitur: beniamin lupus rapax; mane comedet, et ad uesperum
diuidet spolia. de quibus et ante iam diximus: laetabuntur in conspectu
tuo, sicut qui laetantur in messe, et sicut qui diuidunt spolia, in toto
orbe sibi christi ecclesias diuidentes. propterea autem accipiet gentes
plurimas, qui uenit praedicare captiuis remissionem, et captiuam prius a
diabolo atque daemonibus duxit captiuitatem, et dedit eam dono
hominibus atque credentibus, quia tradidit in mortem animam suam, et cum
sceleratis siue iniquis reputatus est. si enim apostolus eius his qui
erant sine lege, factus est quasi sine lege, - cum non esset sine lege,
sed esset in lege christi -, quare non et christus cum iniquis reputatus
sit, ut iniquos redimeret a peccato, et omnibus omnia fieret, ut omnes
saluos faceret? peccata enim nostra portauit in corpore suo, ligno
crucis affigens ea, ut deleret chirographum, quod diabolo et angelis
illius feceramus, scriptum manibus animae, id est operibus eius. de
quibus paulus apostolus loquitur: et uos cum essetis mortui in peccatis
et in desideriis carnis, uiuere fecit cum christo, donans nobis omnia
peccata. et: delens quod aduersum nos erat chirographum, quod erat
contrarium nobis. et ipsum tulit de medio, affigens illud cruci;
spolians principatus, et potestates dehonestauit, confidenter triumphans
de eis. iniquos autem cum quibus reputatus est, marcus euangelista
latrones intellegit, scribens: et crucifixerunt cum eo duos latrones,
unum a dextris, et alterum a sinistris. et impleta est scriptura quae
dicit: et cum iniquis reputatus est. quod et altius intellegi potest,
dicente de semetipso domino: reputatus sum cum descendentibus in lacum;
factus sum sicut homo sine adiutorio inter mortuos liber. uere enim
reputatus est inter peccatores et iniquos, ut descenderet ad infernum,
qui in multis scripturarum locis uocatur lacus, et uinctos in carcere
liberaret. qui traditus est propter peccata nostra, et resurrexit
propter iustificationem nostram. tantae que clementiae fuit, ut pro
transgressoribus, immo persecutoribus suis rogaret in cruce, et diceret:
pater, ignosce; eis quod enim faciunt, nesciunt.
|