VERS.  1. - Apocalypsis  Iesu  Christi.  Praeparat  auditores,  redditque  eos  benevolos  et  attentos,  sicut  et  ibi:  Ioannes  septem  Ecclesiis  quae  sunt  in  Asia.

 

Quam  dedit.  Secundum  humanitatem  Christus  accipit  eam  a  Patre  et  Verbo  sibi  coniuncto  hypostatice,  et  a  Spiritu  sancto. 

Quae  oportet  fieri.  Quasi  dicat:  Inevitabile  est  quin  fiant,  et  utile  est  ut  fiant.  Oportet  ut  servi  patiantur  tribulationes  cito.